 |
تكملة البارت الرابع 💥 بقلم سلطان زماني
وصلت رباب لبيتها وروحت اول ما دخلت الشقة فضلت قاعد
في الصالة افكر واعيد ذكرياتي وافتكر اول ما اتعرفنا ببعض
وشوقها ليا ونظرة عنيها الي كلها حنين ورقه وأسلوبها
وطريقتها وحبها ليا واستعجب من الي يشوفه منها حاليا
لدرجة اني بدات اشك في نفسي اني مبقتش اعجبها أو في
حاجه في شكلي اتغيرت واقول يمكن التغير ده انا السبب فيه
.نفسي تبقي صريحه معايا وتقولي اي السبب ليه بتعمل
كده ..ليه هي نقطة ضعفي وانا مش نقطة ضعفها
ليه بتوحشني لما تغيب ليه اخاف علي زعلها وهي متخفش
ليه انا بس الي أضحي واعدي علي المركب تمشي
ليه تشككني في حبها ليا انا تعبت اوي معاكي ياهويدا
معقول علشان بحبك وعايز اكمل حياتي معاكي اتعذب
واحتار كده حتي كمان مفيش حد سوي وعادل من اهلك
احكيله واشكيله واقول يمكن يعقلك
أو يوضع حل للمهزلة دي مامتك وباباكي معاكي سوء كنتي
ظالمة او مظلومه فضلت قاعد افكر كده لحد ما موبيلي رن
كانت امي واتفاجت اني الساعة بقت ١٢ معقول أنا بقالي ٤
ساعات قمت وطبعا مكلتش حاجه من بعد الفطار نمت وتاني
يوم اول ما فتحت عيني اتصلت بيها كلمتها واطمنت عليها
ورحت شغلي ورجعت لقتها عند مامتها وفضلت قاعده عند
مامتها 10 ايام وكنت مضطر اروح هناك وكنت القي اخوها
ده قاعد مع صحابه في اوضته بيشربو حشيش وكان بيعزم
عليا الغريب بقا بنسبالي اني حمايه وحماتي عرفين عادي
وسكتين كنت بحس وسطيهم اني في عالم أو كوكب تاني
من كتر التسيب الي الناس دي فيه بعد
رجعت بتها معاملتها ليا بقت تتحسن شوية كنت برجع من
الشغل اشم ريحه سجاير وكانت تقولي اني خالتها بتشرب من
زمان واني جوزها هو الي معودها عليها وأنها مش بتقدر
تمنعها لتزعل وكنت عادي بعديها مع الوقت اكتشفت انها هي الي بتشرب لما لقيت علبه سجاير في شنطتها ولبان نعناع
كتير افتكرت لما كنت في ثانوي كنت بشوف صحابي يشترو
سجاير ولبان نعناع علشان يدارو ريحه السجائر في الفم
فضلت ساكت ساكت لحد ما في مره رجعت بدري من الشغل
وفتحت بالمفتاح لقيت الدخان في الصالة ودخلت لقتها في
الحمام والسجارة في أيدها وبتكلم حد في الموبيل أنا
غلطت اني مضبرتش لما اسمع بس شكيت أنه راجل من تون
صوتها وملامح وشها
المهم فضلت تصوت واتخضت لما شفتني
وعينك ما تشوف الا النور
يتبع
البارت صغير عارف ده بسبب تفاعلكم صغير وضعيف جدا 👌
البارت الخامس من هنا هنا
تعليقات
إرسال تعليق