 |
بكامل قواي العقلية
البارت الخامس... والسادس
صحي انس من النوم. خد شاور ولبس ونزل راح علي المكان اللي كانت لمار بتسكن فيه.. ومعاه عربيه البوكس
وصل انس المنطقه واول ما دخل عالشارع... اتفاجئ بالمنظر اللي شايفه😳😳😳
وكان المشهد كالتالي... زحمه في قلب الشارع وناس ملمومه وبنت واقعه فالارض شعرها متبهدل وواضح انها مضروبه..قرب انس اكتر عشان يشوف مين اللي عامل فيها كده...واتفاجئ من اللي شافه..
كارمن...بصوت عاللي اي حد هيجيب سيره لمار بكلمه تاني مش هيكفيني فيه موته.. وديني اللي بس هيحاول يقول كلمه في حق لمار ما هرحمه وهعمل فيه زي ما عملت فالزباله دي وشاورت علي سميه..
فتحيه...سيبي البت يا مفتريه انا هوديكي في داهيه وهروح اعملك محضر تعدي علي بنتي والناس كلها هتشهد...ولازم ادخلك السجن واخليكي تحصلي صحبتك.
كارمن....روحي اعملي محضر بس قبل ما تعملي محضر ربي بنتك اللي بتتكلم علي ستها.. لمار اللي ضفرها برقبتك انتي وبنتك لمار اللي مكنش في بيت فالحته مبيتمناش بنته تكون زيها...تيجي بنتك الزباله دي تقول عليها بتاعت شباب
فتحيه...بتدافعي عنها دي قتلت ابوها.
واحده من الجيران... صحيح واحده قاتله ابوها وكل الناس بتتكلم عليها انتي بتدافعي عنها ليه .
شاب..من الحته... ماهي صحبتها بقي والطيور علي اشكالها تقع..
هجمت عليه كارمن.. واديته بالقلم... فعلا يازباله الطيور علي اشكالها تقع وانا ولمار شبه بعض والحمد لله اني شبهها مطلعتش شبه حد فيكم..
الولد...انتي بتضربيني يا بنت الكلب...ولسه هيمد ايده عليها...
جه سعيد والدها من وراها..
مسكها من شعرها... انتي بتعملي ايه يابت هنا انتي عامله فيها بلطجيه..انا لازم اربيكي بتتخانقي مع اهل حتتك.
فتحيه...تعالي شوف بنتك يا سي سعيد بنتك اللي متربتش بتمد ايدها علي بنتي وعلي شباب المنطقه وعشان مين عشان واحده فاجره وقتالة قتله..
الشاب....بنتك مدت ايدها عليا يا عم سعيد وانا عايز حقي.
سعيد ...انا هجبلك حقك وهربيها
كارمن....لمار مش فاجره ولا قتالة قتله لمار اشرف منكم كلكم لمار اللي عمرها مارفعت صوتها علي حد فيكم اللي عمرها مزعلت حد فيكم بكلمه..اللي كانت لما تشوفكم تبتسم في وشكم بحب...بدل ما تقفو جمبها كلكم تقفو ضدها عملت فيكم ايه دي لو كانت فاجره زي ما بتقولو كانت صعبت عليكم ومكنتوش ودتوها بأيدكم لحبل المشنقه طب بلاش هي امها عملت فيكم ايه أذتكم في ايه... مصعبش عليكم رقدتها وحرقه قلبها علي بنتها يا ظلمه..مفكرتوش لما تعرف ان بنتها الوحيده هتتعدم هيحصل فيها ايه مش كفايه انها خسرت جوزها كمان عايزين تخلوها تخسر بنتها...
سوسن...جارتهم...يعني هي خسرت جوزها بسبب مين ماهو بسبب بنتها انا لو مكانها مبصش في وش بنتي واعمل فرح لما تتعدم وبعدين هو احنا اللي كنا حكمنا عليها بالاعدام يا ست كارمن...المحكمه اللي حكمت وهي اعترفت دي مش بس تستاهل الاعدام دي تستاهل الحرق الفاجره اللي بتجيب رجاله عندها فالشقه ولما ابوها عرف وقفشها قتلته...
كارمن اخرسي... دي اشرف منك ومن اي حد جاب في سيريتها ونهش في عرضها..
ابن..سوسن...اشرف من مين يابنت الكلب انتي اتجننتي ولا ايه..ماتشوف بنتك ياراجل انت بدل ما اقتلهالك وسط الشارع.
كارمن...تقتل مين ياواطي. مش لمار دي اللي كنت متقدملها الوقت بقت وحشه ولا عشان رفضتك ومستنضفتكش بتنتقم منها...
ابن سوسن...لا ده انتي عايزه تتربي
سعيد...وهو ماسكها من شعرها عجبك الفضايح اللي عملهالنا يا بنت الكلب ادي اخرت صحوبيتك للفاجره دي جبتلنا الكلام من الناس..
سعيد...حقكم عليا انا هربيها
كارمن... تربي مين.. ده بدل ما توقفهم عند حدهم وتدافع عنها.
سعيد...ادافع عن مين... دي فاجره.
كارمن...بصوت عالي... متقولش عليها كده.
سعيد ..مسك شعرها بقوه صرخت كارمن من الوجع انتي بتعلي صوتك عليا يا بنت الكلب... انتي عايزه تتربي..
ورفع ايده... عشان يضربها...
ولكن...فجأه.. سمع الجميع صوت طلقه فالجو..فزعت الجميع...وخصوصا سعيد اللي اول ما شاف انس اترعب.وساب بسرعه شعر كارمن
انس...بصوت عالي ايه اللي بيحصل هنا بالظبط...
فتحيه...الحقنا ياباشا...البت المفتريه دي ضربت بنتي سميه...وطايحه فالشارع كله وبتدافع عن صحبتها الفاجره قتالة القتله....شايف ياباشا فتحت دماغ بنتي ازاي...
كارمن....الفاجر اللي بجد هو اللي بينهش فالعرض وبيشهد بالباطل انا بدافع عنها وهفضل ادافع عنها لاخر نفس في عمري ..
انس....مش عايز صوت ويلا من هنا ملمومين كده ليه كل واحد فيكم علي مكانه. بدل ما اخدكم عالبوكس ابتدو الناس يمشو واللمه تخف شويه...سعيد حب يعمل عبيط..
مسك بنته في ايده... ولف ضهره عشان يمشي.
انس...بصوت قوي استني ياراجل انت هنا علي فين.
سعيد...بخوف... ياباشا مش انت قولت يلا من هنا ..
قرب انس منه...لا انا جاي عشانك انت وبنتك..
سعيد...خير ياباشا...تاني.
انس...فين البيت بتاعكم.
سعيد...من هنا يا باشا.
انس...طيب ادامي علي جوه..
دخل سعيد البيت ووراه كارمن....
كانت مراته منى..فالمطبخ..
والبنتين اخوات كارمن التوأم اعدين بيذاكرو...چنا وريتال...عمرهم 11 سنه..
البيت كان بسيط جدا والاساس اللي فيه متهالك او يكاد يكون معدوم.. الشيشه محطوطه علي جنب وسجاير والبيت ريحته تخنق من كميه الدخان اللي بتتشرب فيه..
سعيد...اتفضل اتفضل ياباشا نورت...
دخل انس جوه الشقه... شاف البنتين ابتسملهم..خرجت مني من المطبخ...
اهلا بحضرتك اتفضل..
انس...اهلا بيكي...معلش هتعب حضرتك ممكن بس تاخدي البنات الاوضه جوه...
مني... حاضر...تعالي يا چنا تعالي ياريتال..
خدتهم مني ودخلت بيهم الاوضه
واول ما سمع انس الباب بيتقفل..
مسك سعيد من رقبته...بعنف.
سعيد...اه اه.
انس...هو انا مش قولتلك متمدش ايدك عليها تاني...واقف في وسط الشارع تمد ايدك علي بنتك ياراجل ياناقص بدل ما انت تحميها واقف تبهدلها فالشارع مخلي اللي يسوا واللي ميسواش يتفرج عليها..
كارمن جريت عليه بخوف مسكت ايده.تشدها..
كارمن...والدموع في عينها.. بلاش والنبي ياحضرت الظابط سيبه انا خلاص مسمحاه..
انس...مسمحاه بعد اللي عمله فيكي..
كارمن...ايوه مسمحاه والنبي خلاص عشان اخواتي الصغيرين ميخافوش ارجوك هما ملهمش ذنب..
سعيد...يا باشا انا كنت اعد فالبيت وسمعت صوت فالشارع خرجت لقيتها بتضرب البت ولمه الناس عليها كان لازم أدبها واربيها...وبعدين هي اللي فرجت الناس علينا. وفضحتنا
انس...انت كمان بتقاوح..
كارمن...ارجوك يا..قاطعها انس.
انس...بصوت عالي اسكتي انتي
رجعت كارمن خطوه لورا بخوف.
انس...اسمع ياراجل انت قسما بالله اخر انذار ليك انا مش عايز أذيك عشان بناتك..هما اللي هيتأذو لما ابوهم يبقي سوابق انت عارف اني بكلمه واحده اوديك ورا الشمس وعارف كمان ان عندك غلطات بالكوم تدخل السجن متطلعش منه بس ولادك ملهمش ذنب انت اه زي قلتك بس للاسف وجودك مهما كان مهم وياريت مقدر النعمه اللي في ايدك واللي غيرك بيتمناها...قسما بالله لو متعدلت لاهنفذ كلامي..
وسابه من ايده..فضلت سعيد يكح..
انس...مفهوووووم.
سعيد..لسه بيكح وبيهزله دماغه..
انس....تعالي معايا يا انسه كارمن
كارمن اجي مع حضرتك فين
انس...عالقسم.
سعيد...ليه ياباشا .
انس...هاخد منها كلمتين بخوص القضيه
سعيد..هي مش خلاص البت اتحكم عليها بالاعدام وخلصنا عايزين ايه تاني ياباشا.
انس...اديك بتقول اهو اتحكم عليها بس لسه متنفذش ومن هنا لحد ما يتنفذ اي وقت هنحتاج اي حد بخصوص القضيه هنبعتله...ولا عند جنابك اعتراض.
سعيد...انا لا يا باشا معنديش بس يعني انا هاجي معاكم.
انس....لا مش عايزك بس لو تحب تيجي القسم تنور.
سعيد...بخوف لا لا خدوها ياباشا خدوها.
انس...في سره راجل واطي
يلا ادامي ياكارمن.
كارمن...حاضر..
خرج...انس ومعاه كارمن.
اما سعيد....انتي ياوليه ياللي جوه.
مني..بخوف...ايوه ايوه.
سعيد...روحي ولعيلي فحمايتين بسرعه
مني...حاضر
كارمن.... راحت ادامه عالبوكس..
انس...استني هنا انتي راحه فين.
كارمن...هركب.
انس...ليه انتي مقبوض عليكي ولا حاجه.
كارمن...طيب اعمل ايه.
انس...اتفضلي اركبي هنا.
راحت كارمن ركبت...جنبه...ركب انس العربيه... وطلع بالعربيه ووراه البوكس.وخرجو من الشارع...
ثواني... وانس مسك التليفون
انس....ايوه يا ابني...امشو انتو
قفل انس التليفون...وخد طريق تاني بعيد عن البوكس..وفضل طول الطريق ساكت وعلي وشه ملامح الغضب من سعيد...اما كارمن فكانت هي كمان ساكته لكن متوتره اعده تدعك ايدها الاتنين في بعض.
عدي حوالي نص ساعه وهما فالطريق..
كارمن...حست ان الطريق طول واصلا القسم مش بعيد عن شارعهم.اخيرا اتكلمت...هو احنا ليه موصلناش القسم كل ده...
انس...وهو باصص عالطريق.. مين قال اننا رايحين القسم..
كارمن...بتوتر...امال احنا رايحين فين مش حصرتك قولت لبابا اننا رايحين القسم..
انس... كمل وهو ساكت شويه...واخيرا ركن عربيته في مكان هادي شويه علي جنب...وبصلها...
كارمن...كان واضح عليها التوتر..وكان كل اللي في بالها انه عامل كده عشان ضربت سميه والشاب اللي فالشارع..
انس....اولا انتي مش متهمه عشان تروحي القسم خصوصا ان لمار خلاص مبقتش فالقسم فا مش حلوه انك كل شويه تروحي وتيجي عالقسم في سنك ده. ثانيا انا محتاج اتكلم معاكي بخصوص لمار فعلا بس ابوكي انا مش محتاجه فاقولتله اني رايح عالقسم عشان عارف انه هيخاف ومش هيجي معاكي...فهمتي..
هزت كارمن راسها...
انس....قبل ما نتكلم عن لمار...انتي ايه حكايتك .
كارمن....حكايتي ازاي..
انس...عملتلي فيها فتوه واقفه تتخانقي فالشارع وتمدي ايدك عالناس..
كارمن...ايوع بس هما اللي..
قاطعها انس...اللي ايه... عاجبك شكلك وانتي واقفه تتخانقي فرقتي ايه عنهم.
كارمن...فرقت عنهم اني بدافع عن صحبتي.
انس...تدافعي عنها تقومي تقفي تتخانقي في وسط الشارع... وتمدي ايدك علي شاب.. وياريته شاب هيعديهالك انما ده بلطجي..هتتبسطي لما هو كمان يمد ايده عليكي .
كارمن...حضرتك كنت عايزني اعمل ايه وانا سمعاهم بيتكلمو عن لمار وبيجيبو في سيرتها.. وبيسبو في عرضها انا مقدرش اسمع كده عنها واسكت.
انس..حب يستفزها عشان يشوف هتعمل ايه..
انس...انتي ليه مكبره الحكايه مش يمكن عندهم حق..
كارمن...برقت عنيها وهي مدمعه واتكلمت بعصبيه انت ازاي تقول عنها كده...انت تعرف ايه عن لمار عشان تقول عنها كده...وبعدين لما انت شايف انها ممكن تكون زي مابيقولو جايبني معاك هنا ليه...ماهي خلاص اتحكم عليها بالاعدام وريحتكم..عايز تعرف عنها ايه..
انس...بصوت مرتفع اتكلمي بصوت واطي.
لمار...انا اسفه انا هريح حضرتك خالص ومش هتكلم اصلا وفتحت العربيه وقبل ما تنزل مسكها من ايدها جامد رجعها...وقفل الباب...
انس....انا مش جايبك هنا عشان تسبيني وتنزلي...انتي فاهمه يابت انتي..
لمار...لا مش فاهمه انا فاهمه حاجه واحده وبس انك جبتني هنا عشان تكلمني عن لمار واللي عندي مش عاجبك...لو عايز تسمع اي كلام وحش عنها روح خد اي حد من الزباله اللي شهدوا ضدها او اللي قالو كلام يساعد المحكمه في حكمها...لكن انا لا انا معنديش غير اللي قولته فمظنش هنفعك يا حضرت الظابط...
انس...ومين قالك اني عايزك تتكلمي عنها وحش او اني حتى عايز حد يقول عليها حاجه وحشه..انا عايز الحقيقه.وعلي فكره لمار لو انتي واخده بالك اتحكم عليها بالاعدام وهي معترفه بالقتل...يعني الموضوع خلصان..
لمار...بدموع ولما هو خلصان حضرتك جاي ليه...
انس...عشانك....
كارمن....عشاني!!
انس...ايوه...عشان اصرارك على برائتها او اصرارك انها متعملش كده مخليني حاسس ان هي مظلومه ودي اول مره تحصل..
لمار...بدموع. وصوت مخنوق. عشان هي فعلا مظلومه وبريئه صدقني لمار لا يمكن تعمل كده لمار في سر مخبياه السر ده لو اتعرف لمار هتخرج منها..
انس...طب وانتي تفتكري ان ممكن يكون في سر يخلي واحده تسكت وهي محكوم عليها بالاعدام..يعني لو كان الموضوع خلص علي حبس هنقول عادي هتسكت وشويه وهتخرج بس دي جريمه قتل يعني هي واثقه انها مش هتخرج منها
كارمن...معرفش معرفش صدقني انا لو اعرفه هروح اقوله واحاول ابرئها..
انس...طيب مش غريبه ان كل الناس دي تشهد ضدها ومحدش فيهم يحاول يبرئها..غيرك انتي ووالدتك.انتو الاتنين تقريبا اللي اتكلمتو في حقها كويس...
كارمن ...عشان هي دي الحقيقه...
انس... مش يمكن تكوني انتي غلطانه واتخدعتي فيها وانتي اللي شيفاها ملاك بجناحات..اصل صعب كل الناس دي تشهد زور مع بعض..
كارمن ...عشان هي ملاك فعلا انا استحاله اتخدع في لمار انا ولمار صحاب من واحنا اطفال..كل حاجه بنعملها مع بعض نخرج ناكل نجيب لبس نروح مدرسه نروح دروس حتي فالجامعه متفرقناش.. انا كنت بأعد في بيتهم اكتر مابعد في بيتنا...
والناس اللي بتتكلم عنهم دول...يمكن يكون فعلا غريب اتفاقهم علي لمار...
بس دول فيهم اللي حبها ومطلهاش... وهو وامه من وقتها حطينها في دماغهم
وفيهم اللي بتغير منها عشان لمار احسن منها واحلي منها زي سميه وامها اللي بتكرهها عشان حاطه في دماغها انها موقفه حال بنتها... وفيهم اللي بتغير علي جوزها منها واللي جوزها يشهد عادي ضدها خوف من مراته وفيهم اللي شايف انه بسببها هي وابوها ضاعت عليه صفقت العمر زي بابا اللي كان عايز يخلص مني لمجرد انه يقبض تمني من واحد اد جدي ويرميني في بلد تانيه وميعرفش عني حاجه...واللي شايف انها هي وابوها كانو بيقووني وبيحرضوني عليه عشان اتعلم..ومضيعش مستقبلي وهو كان شايف ان التعليم ملوش لازمه ومصاريف عالفاضي وكان شايف ان نزولي الشغل مصلحه ليه.
عرفت ..الفرق بيني وبينهم ايه...الناس دي متعرفش اللي انا اعرفه عن لمار محدش فيهم عارف حاجه.. صدقني لمار مظلومه واتظلمت اكتر لما كل دول شهدو ضدها لمار اتكسرت يوم ما سمعت شهادتهم في المحكمه..انا الوحيده اللي حسيت بيها وكنت عارفه هي حاسه بأيه وقتها...لمار لو كانت ممكن تتراجع عن اللي في دماغها ده فا بعد سماعها ليهم هي قررت تخلص من حياتها وقررت تبعد عن الناس والدنيا اللي احنا فيها دي...حطت ايدها علي وشها وفضلت كارمن تعيط.وهي منهاره
انس....فضل باصصلها وحاسس انه مصدقها جدا كان حاسس بحزن غريب علي كارمن وهي بتعيط بالشكل ده...
انس...كارمن...اهدي من فضلك.. مد ايده. شال ايدها من علي وشها براحه...بلاش تعيطي من فضلك.
كارمن...انا مليش غيرها لمار لو ماتت صدقني انا هتكسر بجد يمكن ماما واخواتي معايا بس لمار بالنسبالي كانت الدنيا واللي فيها هي تعرف كل تفصيله في حياتي..لمار مش مجرد صاحبه لمار اكتر من اختي بكتير مش كلام صدقني انا قلبي واجعني اوي لمار لو راحت انا همشي من البلد دي كلها هسيب كل حاجه وهمشي انا مش هيبقي ليا غيرها مش هقدر اعد في مكان هي مش فيه..
مش هقدر استحمل ظلم بابا ليا واهانته مش هقدر استني لما يجبلي عريس تاني ويصمم يجوزهولي ويقبض تمني طب مين هيقفلي مين هيحميني منه واللي كانو بيقفو معايا راحو...هتقف امي اللي متقدرش ترفع عينها في ابويا ولا اخواتي الصغيرين ...اللي بيترعبو منه
انا مليش حد انت فاهم مليش حد...
بدون اي مقدمات ولا سابق انذار شدها انس في حضنه...والغريب انها منطقش ولا اعترضت لكن. انهارت وبسسسس.
انس...انا معاكي يا كارمن معاكي ومش هسيبك وده وعد مني..محدش هيقدر يجي جمبك. ولا حتي ابوكي. هتكملي تعليمك هتعيشي عيشه تستحقيها هحميكي منه ومن اي حد يحاول يتعرضلك.. مش هسيبك ياكارمن..صدقيني...وسكت وفضل واخدها في حضنه حاسس انه مضايق عشانها بطريقه غريبه حاسس انه يعرفها وانها تهمه ويهمه زعلها حاسس انها تخصه احساس ملغبط من اول مره شافها احساس بالغضب بيتملكه لما شاف ابوها مرتين بيتعرضلها...
فضلت كارمن تعيط. وفضلت في حضنه مده محدش فيهم حس هي اد ايه.. ثواني دقايق اكتر...
فاقت كارمن اخيرا..حست بصدمه من وجودها في حضنه... سحبت نفسها بهدوء وهي بتمسح دموعها لكن حاولت متجبش عينها في عينه حاسه باحراج......
انس.....بابتسامه احسن الوقت.
كارمن...عينها بعيد عن عينه وشها احمر من العياط والاحراج...هزت راسها بهدوء..
انس...كارمن بصيلي.
رفعت كارمن عينها باحراج..
انس...رقمي معاكي صح.
كارمن.. ايوه.
انس...طيب رقمي عايزك تحفظيه زي اسمك بالظبط...عشان لو الكارت ضاع وفي وقت حسيتي انك محتجاني تقدري تتصلي عليا...
كارمن...حاضر..
انس...مش عايزك تعيطي ولا عايزك تخافي انا هفضل جمبك ولمار متقلقيش عليها لسه في امل متقلقيش.
كارمن...يارب..
انس... ممكن طلب.
كارمن...اتفضل
انس...ممكن ابقي اتصل من وقت للتاني اطمن عليكي..لو ده مش هيسببلك قلق.
كارمن...هزتله راسها بابتسامه بسيطه...ممكن..
انس...تمام...انا هوصلك الوقت... ولو ابوكي سألك قوليلو كنا فالقسم وكنت باخد منك كلمتين مفهوم.
كارمن...حاضر.
انس...ولو اتعرضلك كلميني
كارمن...حاضر. بس انا كنت هروح لمامت لمار فالمستشفي انا لو روحت بابا استحاله يوافق اني اروحلها وعشان استناه يخرج او ينام هتكون الزياره خلصت..
انس...خلاص انا هوصلك لحد عندها بس هسيبك وهمشي عشان عندي شغل متتاخريش عشان ميعملكيش حاجه... ولو ينفع يعني ابقي طمنيني عليكي اول ما توصلي حتي لو برساله...
كارمن...بابتسامه...حاضر شكرا لحضرتك بجد...انت طيب اوي..
انس....انتي اللي طيبه اوي ياكارمن ويابخت لمار بيكي بجد...بس بلاش حضرتك دي احنا مش فالقسم الوقت انا انس وبس..
ابتسمت كارمن بهدوء من غير رد.
انس...كارمن ياريت متقوليش لمامت لمار علي موضوع الحكم ده عشان حالتها متسؤش اكتر...
كارمن...اكيد مش هقول بس يارب محدش من الحته يروح ويقولها.
انس...حاولو تمنعو عنها اي زياره من اي حد غريب
كارمن...هحاول ويارب اقدر ...
انس...ان شاء الله خير..
دور انس العربيه ووصلها على اول باب المستشفي وسابها ومشي.
كارمن...علي اد الوجع اللي كانت حاسه بيه لكن كانت حاسه براحه من وجود انس جمبها ودعمه ليها وحمايته ليها من ابوها وكأن ربنا حطه في طريقها عشان يعوضها عن غياب لمار....
اما انس فا كان جواه حاجه مخلياه مبسوط مش عارف ايه هي بس حاسس ان كارمن مأثره عليه جدا وجواه جزء انساني ناحيتها مش قادر يفسر ايه هو....يمكن سنها الصغير فكره بياسمين اخته يمكن حس بالشفقه ناحيتها عشان حياتها مع والدها صعبه يمكن اعجاب بجدعنتها مع لمار وحبها ليها يمكن عشان حاسس انها محتاجه حد يقف جمبها فالموقف بتاع لمار...مكنش قادر يفسر تعاطفه معاها
دور انس عربيته وراح علي دياب عشان يروحو يقابلو اللواء ويروحو للمار...
...........
طلعت كارمن...الدور اللي فيه ناريمان مامت لمار... وقفت ادام الاوضه ثواني تحاول تلم نفسها فضلت تاخد نفس وتخرجه..واخيرا رسمت ابتسامه مصطنعه علي وشها عشان متحسسهاش بحاجه....دخلت الاوضه عليها..كانت الاوضه فيها اربع سراير..وفي ناس بتزور المرضي...
اما ناريمان... فكانت لوحدها فالاوضه..باصه عالشباك ورافعه عينها للسما...وكأنها بتشكي لربنا...علامات قهر وحزن علي وشها...لايمكن تتوصف بكلمات...
دخلت كارمن...براحه...صباح الفل علي القمر بتاعنا...وراحت باستها من راسها ومن ايدها..
كارمن...وحشتيني يانونه يا جميله..
ناريمان عينها علي كارمن..ومن اول ما سمعت صوتها وشافتها وعينها اتملت دموع...وكأنها خدت نفسها لما شافت كارمن اللي بتفكرها ببنتها...
ونزلت دموعها بغزاره...
كارمن...لا لا العيون الجميله دي متعيطش ابدا مالك بس يانونه.
انا عارفه انك عايزه تسأليني علي حجات كتير اوي متستغربيش انا بحس بيكي زي لمار بالظبط ما انتي امي انا كمان وليا فيكي زيها بالظبط...
كارمن...انا بقي جايه ارغي معاكي شويه...اسمعي ياستي...
انا بقي هربت من البيت..وكملت بابتسامه جميله اه والله زي مابقولك كده اصل انتي عارفه بابا لو شافني او لو عرف اني خارجه مش هيخرجني.. قولت اجي اشوفك واطمن عليكي ونرغي شويه...
وسكتت شويه وبصتلها... عارفه انك عايزه تسأليني عن لمار...
نزلت دمعه من عين ناريمان بمجرد ما سمعت اسمها كأنها بتقولها ايوه
كارمن...هي كويسه متخافيش عليها لمار قويه...عارفه انك نفسك تشوفيها بس هي غصب عنها
يمكن موقفها ضعيف بس هي مستسلمه..خالص يانونه...ونزلت دموع كارمن اللي كانت بتحارب عشان متنزلش...
كارمن...انا قلبي واجعني عليها.. لمار مش راضيه تتكلم خالص وده اللي مخلي موقفها ضعيف قومي بقي يانونه والنبي قاومي عشان لمار.. قومي واحكي اللي حصل انا وانتي اكتر حد عارف ان لمار لايمكن تعمل كده ولو عملت كده فا اكيد في سبب قوي لمار مش عايزه تقول حاجه انتي متخيله يانونه ان حتي انا لمار مش راضيه تحكيلي انا عمري ماخبيت عنها اي حاجه حتي هي عمرها ما خبت عني اي حاجه بس هي خبت هتحاسب انا وهي بعدين عشان خبت عليا بس خلينا فالوقت..محدش يعرف اي حاجه غيرك انتي وهي وعمو خالد عمو خالد خلاص راح وهي رافضه تتكلم مفيش غيرك انتي يانونه..انتي الامل الوحيد في إنقاذ لمار... قومي بقي والنبي او حتي اتكلمي متفضليش ساكته.. قولي اي حاجه لمار محتجاكي اوي... لمار كله سابها واتخلي عنها كل اهل الحته موقفوش جمبها كلهم قالو انها قتلت وقالو عليها كلام كتير مفيش غيري انا وماما بس اللي وقفنا معاها بس للاسف محدش هياخد بكلامنا لاننا معندناش سبب ولا نعرف السر اللي هي مخبياه مفيش غيرك يانونه...
دموع ناريمان مكنتش بتقف...
كارمن...انا اسفه مكنش لازم اقولك حاجه تضايقك او تتعبك بس غصب عني انا تعبانه اوي حاسه اني متكتفه مش قادره انقذ لمار وده مموتني مش قادره اتكلم مع حد ومصدقت جتلك عشان اتكلم معاكي شويه يمكن ارتاح..
مسحت كارمن دموعها ومسحت دموع ناريمان..
متعيطيش خلاص صدقيني انا حاسه ان ربنا هيقف معاها ربنا احن عليها مننا كلنا واكيد ربنا ميرضاش بالظلم...
انا هروح الوقت عشان بابا ميعملش حاجه لماما واخواتي بس هرجعلك تاني..
قامت...كارمن باستها وضمتها في حضنها..وودعتها ومشيت...وهي دموعها مش بتقف...حتي ناريمان.. كانت تبان هاديه ونايمه يمكن مفيش غير دموعها بس اللي نازله... لكن من جواها كانت بتتقطع وبتدبح بسكينه بارده... نفسها تصرخ باعلي صوت عشان تدافع عن بنتها لكن مكنتش قادره....مفيش اصعب من انك يكون في ايدك تنقذ حياة حد غالي عليك لكن احساسك بالعجز وانك متكتف مقيدينك احساس يموت بالبطئ..
..............
اما عند لمار... كانت اعده فالزنزانه وخلاص لبست ملابس الاعدام ومستعده في اي وقت لتفيذ الحكم...كل ماكانت تسمع خطوات تقرب كانت بتنهار من الداخل والرعب اللي كانت بتحس بيه يكفي العالم...كانت بترتاح اول ما الخطوات تبعد عنها...
وقت ما كان يتفتح الباب عشان يدوها الاكل... كانت بتموت...وتفكر انهم جايين ياخدوها...
مكنتش دموعها بتخلص..ومن وقت ما جت وهي ولا نامت ولا دموعها وقفت وكل اللي كان بيطاردها شبح الذكريات.
فلاش بااااااك...
خالد....نونه فين لمار. مش عامله دوشه يعني ولا فتحتلي الباب
ناريمان..في اوضتها دي تعبانه اوي.
خالد...بقلق تعبانه ملها..
ناريمان...عندها برد وبتكح جامد...وحرارتها عاليه.
خالد...ومقولتليش ليه. وجري علي اوضتها..
خالد...لولي لولي حبيبتي مالك.
لمار...بتعب...بابا حبيبي وحشتني...متقربش احسن تتعدي.
خالد...مالك يا روحي انا سايبك الصبح كويسه..
لمار...اظاهر خدت برد.
خالد...برد في عز الصيف..
لمار... مش عارفه بقي.
حط خالد ..ايده علي راسها...ياخبر انتي مولعه. انا هجبلك الدكتور حالا.
لمار...لا يابابا ملوش لزوم ده شويه برد.
خالد...شويه برد ايه بس بقولك انتي مولعه...
سابها خالد ونزل جابلها دكتور كشف عليها وقال انه دور برد شديد وكتبلها علاج وطلب منهم يعملولها كمادات
مشي الدكتور..
جابت ناريمان مايه بتلج...عشان تعملها كمادات..
خالد...هاتي عنك انا هعملها.
ناريمان... قوم انت ارتاح شويه ونا هعملها..
خالد...لا روحي انتي حضريلها العشا وانا هفضل جمبها ..
ناريمان...ماشي..
فضل خالد جمبها يعملها كمادات.. وشويه واكلها هو وناريمان ...فضل خالد طول الليل رايح جاي عليها عشان يطمن عليها...ويعملها كمادات..
خالد...يارب يشفيكي ياحبيبتي ويطمني عليكي..
ناريمان...انت لسه صاحي ياخالد.
خالد... قلقان عليها احسن تتعب ولا حرارتها تعلي..
ناريمان...ربنا يخليك ليها
خالد...ويخليكي لينا يا حبيبتي.
لمار...بصوت ناعس وتعبان... انا صاحيه علي فكره..
خالد...وناريمان بضحك..
خالد...شوفي البت حتي وهي تعبانه راميه ودنها علينا
ناريمان...دي غياره مفرقت الجماعات.
خالد... ربنا يخليكو ليا انتو الاتنين...
بااااااااااك...
نزلت دموع لمار... بوجع وحرقه... يارررررب يارررررب .مليش غيرك يارب
حست لمار... برجلين بتقرب علي الزنزانه قلبها اتقبض وحست ان خلاص كل حاجه بتخلص خصوصا لما اتفتح الباب وشافت العسكري والمرادي مفيش في ايده اكل....عرفت ساعتها ان خلاص الوقت جه
العسكري....قومي معايا في زياره ليكي..
حطت لمار ايدها على قلبها عشان تحاول تهديه من ضرباته القويه اللي كانت علي وشك ان قلبها يخرج من مكانه...
قامت لمار... وهي رجلها مش شيلاها من الخوف... ومشيت مع العسكري...
طلعت لمار معاه وكل تفكيرها ياتري مين جايلها عشان يزورها اكيد مش كارمن عشان عارفه انه صعب جدااا ابوها يخرجها...كانت الساعه 8 مساءآ وقفها العسكري ادام المكتب...وخبط ...
العسكري....تمام يا افندم
دخلت لمار...وكانت عندها فضول تعرف مين اللي جاي يزورها...
اتفاجئت من وجود دياب وانس ومعاهم واحد كان مجهول بالنسبالها ...اللواء حاتم...
حست لمار انهم جايين بخصوص الحكم وفقدت الامل ورجعت حست بخوف وعقلها صورلها ان خلاص الحكم هيتنفذ..
دياب....ازيك يالمار..
لمار....بارتباك واضح عليها....الحمد لله
وبرعشه اصابت جسمها بالكامل....خلاص الحكم هيتنفذ..
حاتم...تعالي يالمار...متخافيش مفيش حكم احنا جينلك بخصوص حاجه تانيه ..
دياب...تعالي اعدي لمار اهدي متخافيش..
لمار...هديت شويه ولكن رجع الخوف دب قلبها... مره تانيه...ماما ماما حصلها حاجه..
انس...تعالي يا لمار مامتك بخير.
حاتم...تعالي يابنتي اعدي...
راحت لمار...بخطوات بطيئه اعدت ادامهم...
حاتم...اعرفك بنفسي انا اللواء حاتم زهران...شوفتك امبارح وانتي خارجه من مكتب دياب عشان تترحلي بس واضح انك مخدتيش بالك مني...
دياب...لمار... سياده اللواء.. عايزك في موضوع مهم. ياريت تسمعيه وتحاولي توافقي..
لمار...بقلق...ممكن تقولو في ايه.
حاتم...انا جاي اعمل معاكي اتفاق يمكن لو اتعاونتي معانا... نقدر نقف معاكي وعالاقل نخفف عنك الحكم.
لمار...انا اللي عندي قولته ومش هغير كلامي...
حاتم...اللي يشوفك وانتي جايه وخايفه من الموت ميشوفكيش وانتي لسه مصممه علي كلامك واضح انك عنيده..ومع ذلك السبب اللي جايلك عشانه مش هو انك تتكلمي ده سبب تاني خالص...
اسمعي يالمار.....
وبكده هتبتدي الروايه 😉😉😉😉😉
البارت السادس....
دياب...لمار.سياده اللواء.. عايزك في موضوع مهم. ياريت تسمعيه وتحاولي توافقي..
لمار...بقلق...ممكن تقولو في ايه.
حاتم...انا جاي اعمل معاكي اتفاق يمكن لو اتغاونتي معانا... نقدر نقف معاكي وعالاقل نخفف عنك الحكم.
لمار...انا اللي عندي قولته ومش هغير كلامي...
حاتم...اللي يشوفك وانتي جايه وخايفه من الموت ميشوفكيش وانتي لسه مصممه علي كلامك واضح انك عنيده..ومع ذلك السبب اللي جايلك عشانه مش هو انك تتكلمي ده سبب تاني خالص...
اسمعي يالمار..... انا جايلك انهرده ومش قضيتي القضيه بتاعتك خالص انا جايلك في حاجه اكبر من كده بكتير بس قبل ما اقولك اي حاجه عندي ليكي سؤال هيترتب عليه اللي هقوله...
لمار....سؤال ايه..
حاتم....انتي بتحبي مصر
لمار...في حد ميحبش بلده..
حاتم...يعني بتحبيها.
لمار...اكيد طبعا..
حاتم...طيب لو طلبت منك خدمه تقدري تقدميها لبلدك...توافقي
لمار....ابتسمت. خدمه اقدمها لبلدي...خدمه ايه اللي اقدمها وانا فاضلي ايام بسيطه. وابعد عنها خالص
حاتم...لا ماهو لو انتي وافقتي انسي تنفيذ الحكم ده خالص....بصي يالمار...
انا عارف انك متهمه في قضيه قتل والدك وده باعترافك والمحكمه اصدرت حكم اعدامك يعني الموضوع خلاص واظن انك مصممه علي رأيك فا بيتهيألي مفيهاش حاجه انك تخدمي بلدك وصدقيني يالمار لو المهمه تمت من غير اي خساير هنصعد القضيه بتاعتك وهنخفف عنك الحكم...حتي لو انتي مش حابه تقولي السبب هيتخفف عنك الحكم بردو عشان تعاونك معانا..قبل ما اقولك اي حاجه احب الاول اسمع ردك موافقه ولا لا...
سكتت..لمار وفضلت تبصلهم ....موافقه.
حاتم...حتي لو قولتلك ان اللي انتي داخله علبه صعب وانك هتتعاملي بطريقه مباشره مع الكيان الصهيوني...
ابتسمت لمار بسخريه...تفتكر حضرتك ايه اسوء حاجه ممكن تحصل...
حاتم...انك تموتي مثلا.
لمار...بابتسامه وتفتكر حضرتك واحده فاصل بينها وبين الموت ايام ممكن تخاف انا كده كده ميته
حاتم....بصي لمار..مصر بتتعرض لخطه كبيره للاسف.. وفي قضيه ماسكنها القضيه دي كلها كان مفتاح اللغز بتاعها عند بنت جاسوسه تقريبا هي كانت السبب في كل ده..البنت دي اسمها مايا الحاوي...عندها 25 سنه مصريه درست في فرنسا وعاشت فتره حوالي 9 سنين هناك... البنت دي ليها ميول غريبه وافكار اغرب اتعرفت مايا علي بنت من اصول يهوديه... والبنت دي عرفتها علي صحابها وفمره عزمتها انها تروح بيتها اللي كانت ديما بتعمل في سهرات وتجمعات. وهنا كانت نقطه البدايه.. مايا يومها قالت رأيها بكل صراحه انها بتكره الحروب وبتكره العنف ونفسها ان السلام يكون موجود في كل العالم...استغلت البنت النقطه دي وللاسف البنت دي والدها كان رتبه في الموساد... ومن هنا ابتدو اللعب في دماغ مايا اكتر.. ابتدو يفرج ها علي افلام تسجيليه تبين اد ايه اسرائيل دوله ديمقراطيه مبتدعوش للعنف ابتدو يفرجوها علي افلام من صنعهم تبين اد ايه ان اسرائيل هي دوله مقهوره طبعا مايا ابتدت تصدق وتنبهر من اللي كانت بتشوفه ومن هنا اعلنت مايا خدمتها لدوله اسرائيل مش كده وبس مايا كانت شايفه ان اسرائيل دوله قويه وانها اقوي من كل الدول العربيه اللي شافت من وجهه نظرها ان العرب هما اللي ظالمين وهما اللي اظهروا اسرائيل بالصوره البشعه دي...والحقيقه هما عندهم طريقه مقنعه جدا خصوصا للناس اللي زي مايا اللي من الاساس عندهم فكر متطرف.. وللاسف الموساد جند مايا لحسابهم .ورفضت مايا انها تاخد اي فلوس مقابل خدمتها ليهم علي اعتبار انها بتعمل الصح...مايا كانت بتروح وتيجي علي البلد كتير اتقدملها شاب ظابط في الصاعقه المصريه كان بيحبها جدا لاكن مايا مكنتش بتحبه ابدا مش كده وبس كانت بتتكلم معاه بطريقه وحشه كانت بتكرهه خصوصا لما لقت في قبول وموافقه من اهلها اللي كانو شايفين انه عريس مناسب رتبه مشرفه. مستواه المادي كان ممتاز يعني باختصار مكنش فيه عيب..طبعا هي رفضت كتير لاكن من بعد ما اتجندت للموساد قررت ترتبط بيه وتاخد منه معلومات بطريقه غير مباشره تمد بيها اسرائيل وفعلا ارتبطت بيه مايا وكانت بتاخد منه معلومات كتير طبعا الظابط مكنش يعرف اي حاجه يعني مكنش معاها هي كانت بتستغله...لحد من حوالي اسبوعين او اقل. مايا كانت في مصر واتقتلت في ظروف غامضه محدش يعرفها طبعا رجالتنا في فرنسا وفي اسرائيل كانو متابعين كل خطواتها وتحركاتها وقدرو يعرفو ان اسرائيل كانت محتاجه من مايا معلومات معينه عن الجيش المصري تمدهم بيها ونزلت مايا عشان السبب ده مبرره نزولها انها جايه في زياره لاهلها وخطيبها... وزي ماقولتلك للاسف اتقتلت طبعا جثه مايا لما اتشرحت دياب قدر يوصل ان الطلق اللي مايا خدته كان من سلاح ميري يعني في رتبه مجهوله هي اللي قتلتها طبعا مش خطيبها ..وطبعا عرفنا ان اهلها اصلا ملحقوش يشوفوها ولا يعرفو انها نولت لان مايا كانت نازله مفاجأه يعني اهلها وخطيبها عارفين انها في فرنسا... ورجالتنا قدرو يعرفو ان الموساد قالبين عليها الدنيا لانها بالنسبالهم كارت ربحان هيتجننو طبعا ويعرفو هي فين وايه سبب اختفائها ولحد اللحظه اللي بكلمك فيها هما ميعرفوش انها ماتت وطبعا لو اللي قتلها ده كان معاهم كان بلغهم لاكن لحد الوقت موصلهمش خبر موتها يعني اللي قتل مايا مقتلهاش عشان شغلها مع اسرائيل ولا حتي علي حد علمي انه يعرف طبيعه شغلها يمكن يكون سبب شخصي سبب تاني احنا منعرفهوش بس الاكيد ان الشخص اللي قتلها ده ولا معاهم ولا يعرف ان مايا معاهم...
لمار...يعني حضرتك عايزني اعرف ولا ايه انا مش فاهمه..
حاتم...هفهمك ...لمار انا امبارح لما شوفتك وانتي بتترحلي من مكتب دياب انا اتصعقت من الشبه اللي بينك وبين مايا...انتي وهي تقريبا لو توأم مش هتكونو بالشبه ده...ومن هنا جاتني الفكره اننا نحطك مكان مايا....عشان نقدر نكمل المهمه بس المرادي هيكون في فرق كبير مايا كانت شغاله معاهم ضد مصر...لاكن انتي هتكوني معاهم لكن مع مصر يعني باختصار انتي هتسمعي منهم بس هتنفذي بطريقتنا فاهمه حاجه يالمار...
لمار...حست ان دمغها هنجت وانها مش فاهمه ...انا يمكن اكون فهمت حجات كتير بس بردو مش قادره اجمع...يعني انا هكون بدالها..
حاتم...ايوه يالمار...
لمار...طيب المفروض اني مختفيه ازاي هظهر ولما هظهر هقول كنت فين.
حاتم...دي بتاعتنا احنا كل حاجه هتفهميها في وقتها بس المهم الاول خروجك من هنا..
لمار...طيب انا لما هخرج ازاي هتقابل معاهم..
حاتم...لمار انتي هتخرجي من هنا وانتي مايا الحاوي يعني تنسي لمار دي خالص..باختصار كل حاجه مايا كانت بتعملها انتي هتعمليها.وطبعا انتي هتسافري مكان مايا...
لمار...بخوف ظاهر علي ملامحها اسافر بس. انا
حاتم...متخافيش يالمار احنا هنأمنك لدرجه انتي مش هتتخيليها.. رجالتنا هتكون معاكي خطوه بخطوه وهنعرفك تعملي ايه وتتعاملي ازاي...ودياب من اللحظه دي انتي مسؤوليته في كل حاجه وهيكون ديما معاكي..
لمار...بس معني كلام حضرتك اني هسافر يعني المفروض اني اكون عارفه لغه البلد اللي هروحها..وانا مش بعرف فرنساوي..
حاتم...اللغه دي مش مشكله خالص... بس انا عايز اقولك حاجه انتي مش هتتعلمي فرنساوي وبس انتي هتتعلمي انجليزي وعبري كمان...لان مايا كانت بتتقن ال3 لغات دول...ودي كمان هتكون مسؤوليه دياب....دياب. يمكن تكون دي مش شغلته دياب ظابط فالبحث الجنائي بس بما انه كان ماسك الجزء اللي يخص قتل مايا فالازم يكون معاكي لان اللي قتلها اكيد هيحاول يظهر لما يعرف انك مموتيش ووقتها لازم في اسرع وقت نعرفه وإلا ممكن يبوظ كل حاجه لان اللي قتلها صربها طلقه في دماغها يعني واثق انها ماتت فا معني ظهورها من تاني يعني في حاجه غلط واي شوشره من ناحيته هتبوظ اللي احنا عايزين نوصله وساعتها ممكن يكون في شك. وهتكوني في خطر...وطبعا قررنا نستغل دياب بسبب اللغه وبما انه دارس 6 لغات فا اكيد دياب هيفيدك جدا في ده...
لمار.....والمفروض اني اتعلم كل اللغات دي امته
حاتم...للاسف يالمار مفيش وقت خالص
المفروض ان مايا ترجعلهم كمان شهر...وطبعا هي الوقت مختفيه وبيحاولو يوصلولها ومش عارفين..عشان كده مايا لازم تظهر ويقدرو يتواصلو معاها يعني انتي لازم تخرجي وتعرفيهم انك بخير وموجوده وان سبب اختفائك هتقولي انه حادثه حصلت من بعد نزولك من المطار وان حصلك فقدان مؤقت فالذاكره
لمار...وهما هيصدقو هو الفقدان المؤقت ده بيرجع بالسرعه دي.
حاتم....اتمني انهم يصدقو وطبعا ده هيتوقف عليكي انتي وعلي قدره اقناعك ليهم...وطبعا مايا مختفيه من اسبوعين هنحتاج اسبوعين زيهم دياب هيعمل اقصي مافي جهده عشان يعلمك حجات كتير فيهم يعني ساعتها هتكون مايا مختفيه بقالها شهر وطبعا الفقدان فالذاكره المؤقت ممكن ياخد ايام اسبوع اتنين يعني مبيطولش..
لمار...طيب ونضمن منين انهم هيصدقو بردو..
حاتم...هيصدقو لما تقوليلهم جزء من المعلومات اللي هما عايزنها...
لمار...بزهول يعني انا هقولهم حاجه عن مصر.
حاتم...بالظبط بس بالطريقه اللي احنا عايزنها توصلهم متقلقيش...
لمار...طيب انا اسفه بس بعني ممكن سؤال..
حاتم ...اتفضلي...
لمار...حضرتك بتقول ان المفروض اظهر او اتواصل معاهم بعد اسبوعين..صح
حاتم...صح لان مفيش وقت...بس انتي هتتواصلي معاهم لاكن سفرك لسه شويه عليه
لمار...تمام...بس في نقطه انا مش قادره استوعبها.
حاتم...ايه هي اسئلب في اي حاجه تيجي في بالك.
لمار...يعني اسف بس حضرتك فاكر ان في اسبوعين بس...اقدر اتعلم فيهم انجليزي وفرنساوي وعبري كمان طب ازاي...ده استحاله ده انا لو باخد كورسات مكثفه في احسن مكان في مصر او حتي في البلاد دي نفسها مش هقدر ..
حاتم....عارف انه صعب بس واثق انك هتقدري عالاقل تعرفي جزء كبير تقدري من خلاله لما تتواصلي معاهم تعرفي تتعاملي وتتكلمي..
كمان انتي هتتعلمي حجات كتير مهمه غير اللغات... زي طريقه الكلام الاسلوب اللبس المشي الاكل..الدفاع عن النفس ودي من اهم حاجه وهتفبدك انتي شخصيا كل حاجه تتخيليها..
لمار...بيتهيألي ممكن دول يبقو اسهل لاكن اللغه دي بالنسبالي مش قادره استوعب اني في اسبوعين اقدر اتعلم كل ده.
حاتم...بيتهيألك ان الحجات دي اصعب من اللغه...ممكن تمري بحجات صعبه...وصدقيني اللغه هتتعلميها...
لمار...طيب وده انا هبدأه امته... وفين هنا.
حاتم...لا طبعا..انتي من بكره الصبح هتكوني بره السجن يا لمار... وهتروحي في مكان خاص بينا هيكون معاكي دياب هيساعدك في كل حاجه...مش هيسيبك لحظه ومش هتطلعي من المكان ده غير وانتي مايا الحناوي اصغر جاسوسه مصريه....وطبعا هيكون في فريق كامل تحت ايد دياب لو احتاج اي حاجه هيقدرو يوفروهالك يادياب.. وفي فريق من المخابرات هيكون معاكي يالمار هيمدك بكل المعلومات اللي تفيدك حتي المكان اللي كانت مايا بتسكن فيه هتعرفيه وهتعرفي كل شوارع فرنسا من قبل ما حتي تروحي هتعرفي صحابها اساميهم اسامي اهلهم كل تفصيله متخافيش هتكون معاكي..
طبعا يادياب... انت انهرده تبلغ اهلك انك عندك مهمه خاصه وانك هتغيب فتره ...ومن بكره الصبح هتكون فالمكان بتاعنا انت ولمار....
لمار...طيب ممكن سؤال..
حاتم...طبعا..
لمار....انا بالنسبه لقضيتي وبالنسبه للحكم اللي كمان كام يوم هيكون ايه موقفي ادام الناس وامي وصحبتي هيعرفو اني فين بالظبط.
حاتم....كل حاجه هتمشي طبيعي يا لمار...انتي كده كده بالنسبالهم ميته...يعني تنفيذ الحكم امر واجب..
لمار...بس انا امي متعرفش لحد الوقت اني محكوم عليا بالاعدام امي فالمستفشي ولو عرفت هتموت .
حاتم...يبقي الافضل انها متعرفش الوقت خالص بس الكل لازم يعرف ان الحكم اتنفذ...
لمار....امته...
حاتم....الحكم هيتنفذ فيكي بعد بكره يالمار... وطبعا كل تفاصيل خروجك من هنا هتتم في سريه تامه ودي امور احنا هنقدر نخلصها بسهوله....وبما ان علي حد علمي ان انتي مكنش ليكي غير والدتك ووالدك يعني والدك مات ووالدتك تعبانه وللاسف قعيده يعني مفيش حد يستلم جثتك.. فالحكم هيتنفذ من غير ما نبلغ حد .
لمار ..بس كارمن بتسأل عليا.
حاتم...كارمن دي اختك
لمار...وهي دموعها نازله دي اكتر من اختي. كارمن صحبتي واختي وكل حاجه ليا
حاتم...عادي الحكم اتنفذ وبما ان مفيش حد من الاهل يستلموكي فا احنا اتولينا الامر والموضوع خلص وانتي اتدفنتي وبما انها صحبتك فا بالنسبالنا هي مش من اهلك مهما كان قربكم من بعض فا هي مش هتتبلغ بحاجه زي دي
لمار...دموعها خانتها ونزلت...طيب لو سألت علي مكان المدفن.بتاعي.
حاتم...هنقول اي مكان كل ده حجات بسيطه...المهم اننا متفقين.
مسحت لمار دموعها بوجع....
دياب وانس... كان قلبهم بيتقطع عليها..دياب...مش قادر يعرف السبب.
اما انس... فا عشان احساسه انها فعلا بريئه وده رأيه من اول يوم شافها...وثانيا عشان كارمن اللي حالها ميختلفش عن حال لمار....
لمار....موافقه...بس انا كان ليا طلب.
حاتم...اتفضلي...
لمار...هو انا ينفع اشوف امي وكارمن..
يعني اكيد لما الشغل اللي بينا يخلص اكيد مش هنرجع نقول تاني للناس اني كنت عايشه يعني اكيد الحكم هيتنفذ علي طول كلن نفسي بس اودعهم قبل ما يعرفو الخبر عشان مش هتيجي فرصه تاني اودعهم..
حاتم...لمار انا مقدر اللي انتي فيه بس صدقيني صعب...اولا والدتك مش هتقدر تجيلك عشان ظروفها فا ده معناه انك انتي اللي هتروحيلها....وده صعب جدا...
ثانيا مفيش وقت انتي لازم تخرجي من هنا بكره الصبح.
لمار....طيب ولا حتي ينفع اكتب حاجه للمار توصلوهالها..مش عايزه الخبر يوجعهم عايزه لما تعرف الخبر اكون جمبها حتي لو مجرد كلام علي ورق
حاتم....بطيبه...اكيد اكتبي اللي انتي
عيزاه يالمار...وعايزك تجمدي وتحاولي تفكري فالاحسن بلاش تفكري فالحكم مش يمكن ترجعي تاني للحياه وبحكم اخف.
لمار...صدقني انا مش خايفه من الموت انا بس واجعني اوي انهم
يتوجعو عشاني انا كنت كل حاجه لامي ولكارمن....
حاتم....وان شاء الله هتفضلي كل حاجه ليهم... الوقت احنا هنمشي ونسيبك ترتاحي..وبكره الصبح هتخرجي من هنا...واكتبي اللي انتي عيزاه وبكره سلميه لدياب او لانس يوصلوه لصحبتك.
لمار...شكرا لحضرتك.
حاتم...العفو انا اللي بشكرك...انك وافقتي تخدمي بلدك
قامت لمار وقفت بعد ما دياب اداها ورقه وقلم عشان تكتب اللي هي عيزاه وخدها تاني العسكري...
ونزلها ومشي دياب وانس واللواء..
خرجو من السجن عشان يركبو ويمشو..
حاتم...دياب مش هوصيك العمليه دي سريه يعني مفيش مخلوق من اهلك يعرف حاجه...
دياب...تمام يا افندم متقلقش.
حاتم...وانا وانت هنكون علي اتصال ديما...وبكره انا معاك عشان اعرفك المطلوب منك بالظبط...
دياب...تمام ياافندم
حاتم...اشوفكم علي خير سلام.
مشي حاتم ومشي وراه دياب وانس وكل واحد فيهم مخنوق جدا ومش حابب يتكلم..الموقف كان صعب والكلام كان يوجع...
وصل دياب البيت كان الكل موجود معادا مرات عمه وبنت عمه اللي اتعودو عالسهر والخروج كانو اعدين بيتعشو اعد معاهم دياب وبلغهم انه مسافر .اتقبلو الموضوع بس والدته كانت مضايقه هي واخته...
واستأذن منهم بعد العشاء يطلع يحضر شنطته وينام شويه....
طلع دياب...خد شاور وخرج وابتدا يحضر شنطته وهو شارد ...
خلص دياب...الشنطه سابها وراح عالسرير يرتاح شويه..
وفضل طول الليل بيحاول ينام مكنش عارف...
اما انس فا كان حاله ميختلفش عنه كان اعد مضايق جدا...وحاسس بخنفه وحاسس بقلق علي كارمن عشان مطمنتوش عليها ميعرفش ايه اللي حصلها ولا يمكن يكون ابوها عمل فيها ايه.. كان مستغرب شعور القلق بس هو ترجمه لحجات كتير...فضل سهران ومش عارف ينام...
اما لمار.... فكانت مش مبطله عياط...كانت منهاره حرفيا حاسه انها تايهه بتتخبط شمال ويمين...كل ما تخرج من حاجه تدخل في حاجه اكبر منها بكتير فجأه اتحولت حياتها رأسا علي عقب حكايات كتير تفاصيل اكتر صراعات وجع حجات كتير كانت اكبر منها بسنين مكنتش قادره تسكت حاسه بصراع جواها حاسه انها في كابوس مش قادره تصحي منه....
عدت الساعات بسرعه...وطلع النهار...
مكنش في حد فيهم نام....
نزل دياب بشنطته بعد ما جهز
ودع والده ووالدته اللي فضل توصيه علي نفسه كتير وانه يكلمها كل لما يكون فاضي دخل دياب باس ريناد وهي نايمه ونزل. ركب عربيته بعد ما ودعهم ومشي...
وصل دياب وانس واللوا حاتم اللي هلص كل الاجراءات. عشان تطلع لمار في سريه تامه....
ودقايق كانت لمار معاهم بره السجن...واول ما خرجت وشافت الشمس حست بفرحه مختلطه بوجع...وفضلت تاخد نفسها وكأنها بقالها زمن جوه السجن...ورغم انها كانت مستسلمه للموت إلا أن احساس لبس الاعدام مرعب ...
حاتم....دياب تاخد لمار وتطلع علي طول علي هناك...بليل هكون عندك.
دياب تمام يا افندم..
لمار...طيب ممكن الورقه دي تديها لكارمن...
حاتم...خدها منها...تمام انس الورقه دي توصلها باي طريقه لصحبتها.
انس...تمام يا افندم متقلقش.
لمار...لانس... بعد اذن حضرتك لو فتحت الورقه وهي معاك ياريت متسبهاش لوحدها..ارجوك.
انس...اطمني مش هسيبها...
حاتم...يلا يادياب اتحرك.
مشي..دياب...ووصل بيها...لمكان بعيد عن الناس والزحمه مكان في الصحرا مكان سري كان عباره عن مبني من دورين وليه ساحه واسعه بيتم التدريب فيها...
دخل دياب... المكان كان فاضي خالص...ومتجهز ليهم بس..عشان تتم كل حاجه بسريه..
دخل دياب حط شنطته في اوضه..خاصه ليه هو...
ودخل لمار. اوضه جمبه..
دياب... تقدري تدخلي ترتاحي... شويه..
وتغيري انهرده مفيش شغل هنبتدي من بكره الصبح .
لمار...تمام...انا جاهزه اي وقت ..
دياب...ادخلي غيري وارتاحي شويه
لمار...بس انا يعني مش معايا غير اللي انا لبساه بس.
دياب...لا متقلقيش... سياده اللواء مجهز كل حاجه من امبارح هتلاقي جوه هدوم وحجات كتير اكيد هتحتاجيها...شويه وهجهز غدا عشان ناكل.
لمار...تمام...بعد اذن حضرتك.
دياب...اتفضلي..
دخلت لمار... ودخل دياب
عدت الساعات بسرعه..
وجالهم بليل اللواء.اعد شويه مع دياب يعرفه هيعمل ايه وايه المطلوب منه ورجع اعد شويه مع لمار اتكلم معاها وبلغها ان بكره المفروض الحكم هيتنفذ فيها....
حزنت لمار...واستأذنت منهم ودخلت اوضتها ...
بعد وقت بسيط...مشي اللواء. فضل دياب رايح جاي وباصص علي اوضتها بزعل واخر ما استسلم... راح علي اوضته نام كان حاسس بتعب .....
في صباح يوم جديد مؤلم.....
صحي... انس ونزل من الڤيلا ومعاه الورقه بتاعت كارمن...
خرج ركب عربيته واتصل بكارمن..
كارمن...الوووو.
انس...انسه كارمن..
كارمن...ايوه انا يا حضرت الظابط..
ابتسم انس..بحزن. مش قولنا بلاش حضرت الظابط دي ...
كارمن...بابتسامه بسيطه معلش اصلي مش متعوده...خير في حاجه.
انس...فالحقيقه انا كنت يعني محتاج اقابلك ضروري.
كارمن...ليه في ملام حابب تعرفه بخصوص لمار...
انس...لا بس لمار بعتالك ورقه بخط اديها.
كارمن...بفرحه...بجد بجد والنبي.
طيب اجي لحضرتك عالقسم.
انس...لا اجهزي..وانا هقفلك علي اول الشارع بتاعكم وهعدي عليكي ادهالك.
كارمن...طيب طيب بسرعه والنبي انا هلبس بسرعه..
انس...تمام وانا في طريقي ليكي...اول ما اوصل هكلمك
قفل معاها انس...وراح بسرعه علي الشارع بتاعها...
جهزت كارمن بسرعه ولحسن حظها ابوها كان نايم زي القتيل مش دريان بحاجه...خرجت براحه بعد ما بلغت والدتها..
طلعت علي اول الشارع...فضلت واقفه شويه..
وصل انس...واول ما شافته راحت جري ركبت ..
انس...انتي واقفه من امته.
كارمن...من نص ساعه تقريبا
انس...مش قولتلك لما اقرب هكلمك تخرجي
كارمن...ماعرفتش استني...فين الورقه..
انس...حاضر هديهالك بس لما نطلع من هنا.
كارمن...هو انا هروح مع حضرتك في مكان.
انس...وظاهر علي ملامحه الحزن
اه...
كارمن..فين..
انس..الوقت هتعرفي...
ودور العربيه وطلع...وطول الطريق ساكت...كارمن كانت ملاحظه سكوته. بس محبتش تسأل...
كارمن...حضرتك كويس
انس...الحمد لله ياكارمن...
كارمن...طيب هو احنا رايحين فين.
انس...هتعرفي احنا قربنا خلاص....افتحي الدرج بتاع التابلوه اللي قدامك ده....خدي الورقه اللي فيه واقريها...دي رساله من لمار ليكي...
حست كارمن بقبضه في قلبها غريبه....
كارمن.....هي كويسه صح...
انس...اه تمام.
وقف انس بالعربيه وكل ده كارمن بصاله وخايفه تفتح الدرج تاخد الرساله اللي كانت هتتجن وتقراها...ومكنتش مركزه فالمكان اللي وقف فيه انس...
انس...ايه مالك هتفضلي سرحانه مش كنتي عايزه تقرأي الرساله..خديها يلا.
بصت كارمن عالدرج...ومدت ايدها..فتحته..
شافت الورقه...خدتها براحها وقلبها بيدق بسرعه.....وفتحت الورقه.وابتدت تقرا الكلام.......💔💔💔
تعليقات
إرسال تعليق