مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

ع بركه الله نبتدي روايتنا الجديدة

الفصل الأول والثاني 

_اقلعى هدومك..

بعياط و محاوطة نفسى بإيدى_ا.ا.ايه لا لا مش هعمل كدا..

بعصبية_يا غبية مش هعملك حاجة و ربى الكعبة ما هعملك حاجة، لو معملتيش كدا هيدمرولك مستقبلك، و انا والله هنقذك من هنا اسمعى كلامى بس..

بصتله كان فى عيونه الصدق بجد مكنش فى حل غير انى اسمع كلامه، لازم اهرب من المكان ده بسرعة، بدأت اقلع هدومى بإيد بترعش، و هو لف عشان يسبنى براحتى، حطيت ملاية السرير على جسمى و انا بقلع هدومى، بعد وقت قلعت هدومى، و هو كان بس بالبنطلون، لقيته لف بعد ما قولتله بصوت مليان عياط انا خلصت، لف و كان فى إيديه إزازة صغيرة فيها سائل أحمر، بدأ يصب إلى فيها على السرير...

بصلى و انا حطى جسمى كله تحت الملاية ما عدا راسى، قعد على حرف السرير_لازم تصوتى تعملى اى صوت يدل انى بعتدى عليكى..

بصتله مردتش، نفخ بضيق، و قال بأسف_ سامحينى لازم أعمل كدا...

__________________________

كان واحد قاعد برا، و شكله ، و ملامحه، تدل على كل علامات القسوة و عدم الرحمة، زى ما بيقولوا وش إجرام فعلاً، من اول ما خطفونى و هو كان بيبصلى نظرات قذرة جدا، و هو إلى كان عايزنى، و كان فعلا هيدمرلى مستقبلى، لولا ده إلى أنقذنى ما بين إيديه و نظراته القذرة،....، اول ما سمع صريخى وانا جوا، ضحك ضحكة قذرة جدا، و أخد الكاس إلى كان على الترابيزة، و مع أخر ضحكة منه كان بيشرب من الكاس ده بطريقة مقذذة اوى...

بعد وقت دخل و فتح الباب، لقانى ماسكة ملاية السرير حوالين جسمى، و وشى و درعاتى ملاينين علامات زرقاا ، و وشى مليان دموع،و بص على السرير إلى مليان دم، إلى بيدل أنه دم عذريتى ،و هو إلى كان معايا على حرف السرير بيلبس قميصه...

بص على الى واقف على الباب، و قال بنبرة خبيثة مصطنعة_لا بس عجبنى صنف النهاردة، يا ريت يفضل هيبقى بتاعى خلاص..

ضحك ضحكة قذرة منه، و قال و هو بيبصلى بنفس النظرة_امممم عجبك ، طب أطلع انت عشان اجرب انا...

وشه جاب ألوان و أرتبك، بس رجع لطبيعته تانى بسهولة_لا بقولك بقا بتاعى، عندك بنات تانية اشمعنا ديه..

ابتسم بجانبية بخبث_ماشى براحتك...

خرج و قفل الباب، قالى و هو بيبص فى حتة تانية_البسى هدومك بسرعة..

قولتله بلهفة_انت رايح فين هتسبنى لوحدى..

بصلى فى عينى و ارتبكت جدا، ابتسم بخفية، و قال قبل ما يطلع من الاوضة_متخافيش مش هسيبك انتى مش زى البنات إلى هنا..

و قفل الباب وراه، بصيت مكان ما كان واقف، ابتسمت ابتسامه بسيطة على مساعدته ليا، بدأت أمسح المكياج إلى كان على وشى، اه ده مكنش كدمات، ده كان مكياج، بدأت امسحه و لبست هدومى و الفستان، و اخدت حجابى الى كان على الأرض و بدأت ألبسه قدام المراية إلى كانت متكسرة، الاوضة عمتا كانت بايظة و شكلها قديم اوى..، مش عارفه ليه اتأكدت أن شكلى كويس قدام المراية..، و قعدت على حرف السرير مستنياه، مهو أكيد مش هيسبنى بعد مساعدته ليا ديه....

_________________

_انبسط..

بصتله بضيق خفى_اممم اه جداااا..

ابتسم بمكر_طب ما انا بردوا كنت عايز اجرب..

بعصبية معرفتش اسيطر عليها_بدر انا قولت لا فاهم و إلا ديه خط أحمر فاهم..

بدر بحاجب مرفوع_لا والله انت حبيتها ولا ايه..

باستنكار_احبها ايه بس، مكنش لازم نعمل فيها كدا هى غير البنات التانية علفكرة..

مد دراعه قدام_اممم اهو إلى حصل بقاا، أدهم عملت ايه فى شحنة الهروين إلى جاية الفترة ديه..

بضيق_متخافش انا مظبط كل حاجة....، بدر البنت إلى جوا ديه انا هخدها بيتى..

ابتسم_لا بقااا ديه عجبتك اوى كمان، ماشى يا قائد براحتك يا عم..

بصتله شوية بعدين قومت، و اتجهت نحية الاوضة، و فتحت الباب، و لقيتها قاعدة على طرف السرير و بتلعب فى طرف طرحتها، و سرحانة، انا مش عارف ليه ساعدتها، بس حسيت انى مينفعش اعمل معاها كدا، لقيتها انتبهت لوجودى، بصتلى شوية بعدين قامت و حطت وشها فى الأرض، ابتسمت و قولت_يلا هتيجى معايا متخافيش..

بصيتله بفرحة اخيرا هطلع من المكان ده، روحتله و هو طلع و و طلعت وراه، و تلقائى اول ما شوفت الى كان بيبصلى النظرات ديه، مسكت فى ايديه بسرعة، بص على إيدى فى إيده ، و بعدين بصلى، لقانى ببص على الراجل ده.....

أدهم و هو بيبص على بدر_انا ماشى تمام..

بدر و هو بيبص على إيديهم الاتنين_شكل السنيورة هى كمان اتبسطت...

كنت هتكلم بس لقيته شدنى و فضلنا نطلع من المكان الكبير ده لحد مع طلعنا على الشارع و لقيت عربية، ركبنى فيها و هو ركب مكان السواقة...

و هو بيشغل العربية_هخدك بيتى ، و متخافيش مش هأذيكى، لأنه آمن مكان بيتى، عشان بدر ميوصلكيش، و علفكرة مش هيسيبك بالساهل انا عارفه كويس، بنى آدم قذر عايز يدمر حياة اى بنت على حساب سعادته، و علفكرة حتى لو رجعتك بيتك و لأهلك، مش هيسيبك هيجيبك من وسطهم..

بصتله شوية وقولت_انا أصلا معنديش أهل عايشة لوحدى..

بصلى و قال و هو بيرجع لورا بالعربية_تمام حلو عشان كمان ميكونش عنده حد يأذيه من عيلتك، ده لو كان فيه، متخافيش هتفضلى معايا لحد ما أعرف أخليكى فى مكان آمن..

بصيت و أبتسمت_هو انت اسمك ايه..

ابتسم و هو بيسوق_أدهم، و انتى..

ابتسمت_ ماهيتاب، قولى ماهى أسهل، عارفة أن أسمى طويل..

ضحك و انا ضحكت....... بالله يا جماعة ده شكل واحد يخطف و بتاع عصابة و كدا...

بعد وقت وصلنا تحت مبنى، نزل و نزلت معاه و طلعنا، لقيت و إلى اتصدمت من الى شوفته، يافتة مكتوب عليها مأذون شرعى....

بصتله بصدمة لقيته قال و هو بيتابع ملامح وشى_لازم نتجوز عشان أضمن انك تكونى بخير، ده لو عايزة تحافظى على مستقبلك....

توقعاتكم لباقى الفصول ياترى هايحصل ايه 

ليصلكم الفصل اللى ينزل اول باول دمتم متابعين اللى جاى شيق جداااااا 😉👌⁦♥️⁩

_حامينى..

_2

بصدمة_انت مجنون انا أستحالا اوافق طبعاً..

بعصبية_هتوافقى لأن لو موفقتيش هرجعك ليه..

بخوف_حرام عليك انت بتعمل فيا ليه كدا، انا عملتلك ايه.

بيحاول يهدى_بصى انا مقصدش بس والله هيأذيكى، ولو بقيتى مراتى لفترة مؤقتة، و بعدين هشوفلك مكان أمن ليكى، متقلقيش، و كمان معندكيش أهل يعنى هتكونى مصيدة سهلة بالنسباله..

بدموع_اشمعنا انا ليه عايزنى انا..

بعصبية_عشان وسخ ايوا هو انسان زبالة، عشان عجبتيه، و لما بنت تخوش مزاجه مبيسبهاش غير لما ياخد متعته الوسخ..

بخوف_ط.طب هو مش هيوصلى ولا يأذينى لما أكون مراتك صح..

 

قلبه دق من خوفها، و من كلمة مراتك خصوصاً كاف الملكية ديه_ل.لا متخافيش مش هيأذيكى..

بأستسلام_تمام انا موافقة..

ابتسم بس خفى ابتسامته بسرعة، بعدين دخلنا..

(بارك لكما وبارك عليكما وجمع بينكما في خير)

اول ما سمعت الجملة ديه قلبى دق اوى، و اول ما لقيته جاى نحيتى و باس جبينى و ابتسملى، اتصدمت من إلى عمله ده، بس عشان منظرنا و كدا على ما أعتقد...

نزلنا و ركبنا العربية و طول الطريق يبصلى..

_متخافيش يا ماهيتاب هطلقك بس اول ما أخلص من الكلب بدر هو و عمايله..

بصتله بأستغراب_هو انتوا ايه، و ليه بتعملوا كدا فى البنات، و اعتقد مش كدا بس بتعملوا مصايب تانية صح..

 

اتنهد و قال و هو مغمض عينيه_انا و بدر تبع المافيا..

بصدمة_نننننعم، م.م.مافيااا.

_ممكن تهدى...

بجنون و هى بتحاول تفتح العربية، بس هو لحقها و داس على زرار فى العربية بيقفل البيبان_ا.اهدى ازاى انت بتقول مافيا انت مجنون، طلقنى حالا، و سيبنى، انا انا أقع فى ايدين مافيا، سبنااااى سبنى، نزلنى هنا، انا هروح اعمل فيكو محضر فى القسم، سبنى، بقولك ن....

ملحقتش تكمل جملتها لانه بحركة سريعة على رقبتها قدر يخليها تفقد الوعى، سند رأسها على الكرسى و ريح الكرسى لورا خالص فى وضح النوم، بعدين بصلها شوية و باس جانب جبينها، و كمل سواقة، و فضل يفكر هيعمل ايه....

 

بعد وقت وصل لبيت صغير بس جميل، قريب من مناطق الارياف، نزل من العربية، و فتح باب البيت بالمفتاح، فتحه و راح جاب ماهيتاب من العربية و قفل باب العربية برجله، و دخل حطها فى اقرب اوضه قبلته على سرير، و راح قفل العربية بالمفاتيح، رجع تانى و قفل باب البيت ده كويس من جوا، و دخل الاوضة إلى هى فيها لقاها لسة زى ما هى، دخل أخد شاور ، و طلع كان لابس تيشرت أسود و بنطلون قطنى أسود، راح عندها و حاط أيده على وشه بيرسم ملامحها...

بتأمل و حب_تعرفى يا حبيبتي، انتى متعرفيش انا بحبك قد ايه، انا بعشقك من وانتى بضفاير، ايوا يا لمضة اعرفك من زمان اوى ، شوفتك وانتى طالعة من مدرستك و انتى فى إعدادى حبيتك من اليوم ده ، مكنش ينفع أظهر فى حياتك نهائى دلوقتى، لأنهم لو عرفوا أن ليا حد هياخدوه كأنه نقطة ضعفى، و هيضغطوا عليا بيكى، و انا مش عايز كدا، قررت انى احبك من بعيد لبعيد و تكونى دايما كويسة و بخير، بس الحظ إلى وقعك فى إيدين الشيطان بدر، انصدمت اول ما شوفتك وسطهم، كنت لازم أعمل انى عايزك، عشان هو ميخدكيش منى، و هو لو عرف أن ليا نقطة ضعف، هيستخدمك عشان يذلنى بيكى، اسف يا روحى على البهدلة ديه، بس والله و حياتك عندى هوقع بدر فى شر أعماله، و ربنا يقدرنى انى اعرف اطلع من المنظمة ديه، لأن الخروج منها صعب، بس هعمل اى حاجة عشان تفضلى معايا و بخير...

باس جبينها ، و بدأ يخلعها هدومها و هو بيحاول أنه ميبصش عليها، و شلها و دخل بيها الحمام بعد ما ملى البانيو بماية دافية ، و بعد وقت طلع و كانت لسة نايمة ، كان لففها بفوطة حولين جسمها، و بدأ يلبسها هدوم مريحة كانت فى البيت، باس خدها بعد ما سبها نايمة، و راح المطبخ يعملها أكل، و بعد وقت خلصه، و دخل الاوضة إلى هى فيها، و حطه على تربيزة قريبة من السرير، لف راسه لقاها بتتحرك، و كانت هتقوم قعد جنبها و هو عارف هيلاقى منها رد فعل غير طبيعية....

 

اول ما فتحت عينيها و شافته فضلت ساكتة بتستوعب إلى حصل أو ايه إلى حصل..._اعاااااا اوعى يا مجنون انت، يا تبع المافيا يا مجرم ابعد عنى....

فضل يحاول يهديها و هى بتبعد و بقت فى اخر السرير، مسكها من رجليها و شدها عنده، بعدين قومها_اهددددددى بقاااااا.

قالها بزعيق و عصبية، خلاها تسكت و تبصله بخوف، اتنهد و شتم نفسه لما لقاها بتبصله نظرة الخوف ديه، مسكها من وشها بإيديه بحنية و قال بصوت هادى_ممكن تهدى و هفهمك على كل حاجة، بصى يا ستى انا اه من المافيا بس والله احلفلك بأيه غصب عنى بقيت منهم، متعرفيش انا بكره نفسى فى كل يوم قد ايه بسبب انى منهم، بس والله اوعدك، أنى هخرج من المنظمة ديه، و انا والله مش قصدى حاجة وحشة اعملها فيكى بدليل انى ساعدتك، بص والله انا مش زيهم و لا عمرى هكون فى جبروتهم....

 

فضلت بصالى شوية بعدين قالت _يعنى انت مش زيهم شرير..

ضحك و قال_لا يا ياختى مش شرير انا طيب والله..

ضحكت معاه و حسيت بحاجة غريبة اوى، بصيت على هدومى بعدين عليه بلامبالاه، بعدين استوعبت و صرخت_اعااااا مين غيرلى هدومى و و و و ايه الماية الى فى شعرى ديه، انا امتى اخدت شاور..

بصلى ببرود و قال_انتى شايفة مين غيرى معاكى فى البيت ده..

بخجل و صدمة_ا.ا.انت انت إلى ا.ا

قاطعنى و هو بيشيل الغطيان من على الأكل_ايوا ايوا انا إلى خليتك تاخدى شاور شلتك و وديتك الحمام، و غيرتلك هدومك ها فى حاجة يعنى...

وشى احمر و قولت _ا انت مين اصلا عشان تعمل كدا..

بصلى ببرود و قال_اظن يعنى انى جوزك على سنة الله ورسوله، و يحقلى اكتر من كدا..

بربشت و وشى احمر اوى اوى، لقيته شالنى و حطانى على رجله ، شهقت و قولت_ا.ا ايه انت بتعمل ايه، ع.علفكرة انا كبيرة مينفعش اقعد كدا و لا تشيلنى كدا..

 

بصلى فى عينى و هو بيحط خصلة من شعرى ورا ودنى و قال_مهو عشان انتى كبيرة شايلك كدا...

بصيت فى عنيه و توهت، بس بصيت بعيد بكسوف اوى، بدأ يحطلى الاكل فى بوقى و هو بيبصلى و انا ساكتة...

بأبتسامة_علفكرة انا جوعت و انا عمال أكلك ، و عايز اكل بقا اعمل ايه..

بصيت و شاورت على الاكل بعينى_اهو لسة فيه كل انت بقا ، انا شبعت..

كنت جاية اقوم بس سبتنى على رجله و قال_لا يا سكر مهو انتى إلى هتأكلينى..

بصيت و وشى أحمر اوى، و بدأت فعلا أكله ، و هو بردوا بيبصلى، خلص هو أكل، و شالنى، و دخلنى الحمام، و بدأ يغسلى إيدى و بوقى زى العيلة الصغيرة، طلعنى و هو بردوا شايلنى، و حطنى على السرير و باس خدى و قال..

بمشاكسة_خمس دقايق و رجعلك يا قمرى..

هزيت راسى بمعنى ماشى، خد الاطباق، و راح المطبخ، بعد وقت جاه و انا لسة قاعدة مكانى، جاب ميشط من الدرج و قعد ورايا و بدأ يسرحلى شعرى..

_علفكرة هتتعب فيه ، انا بسرحه بطلوع الروح هات و انا هعمله..

غمزلى_و انا عايز روحى تطلع على يدك انت يا ابيض يا جميل انت....

خدودى احمرت و معرفتش أرد....

بعد وقت كنا نايمين على السرير و كان واخدنى فى حضنه، محسسنى بمعملته ديه أنه عارفنى من سنين، ده حيالله لسه من كام ساعة...

نمنا و انا الصراحة اول مرة انام و انا مطمنة كدا، صحينا الصبح على خبط الباب خبطات خبيثة شوية...

قام من جمبى بهدوء و راح فتح الباب...

و قال بصدمة_بدر....

_يتبع...

البارت الثالث والرابع والأخير من هنا