مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت ❤

-يا ريناد انزلي من فوق الدولاب لو سمحتي والله ما هعملك حاجة! 

-مستحيل انزل ومستحيل اخليك تلمسني... هو معني أنك اتجوزتني يبقي من حقك تلمسني ها...وكمان تدخل اوضتي من غير استئذان!! 

-يا ستي مش هلمسك والمصحف أنا نيتي خير... 

-كلكم بتقولوا كده في الأول... أنت عايز تغرغر بيا وتسلبني أعز ما أملك...

ضربت كف علي كف وأنا بقول :

-اسلب ايه يا بنتي بس... انتي فاكراني إني لو هعوز حاجة الهبل اللي انتي بتعمليه ده هيمنعني...أنا وعدت صاحبي وعمري ما أبص لشخص يخصه.. أنا دخلت بس عشان انتي شكلك ما أكلتيش حاجة من الصبح بسبب الفرح وكده وماما جابت لينا آكل.. يالا غيري الفستان عشان تاكلي. 

حسيتها اتكسفت وحطت عينها في الأرض وقالت:

-حاضر  

-مش عايزاني اساعدك عشان تنزلي. 

-لو مش هتعبك يعني. 

من حسن الحظ أن الدولاب كان واطي شوية مسكت ايدها وساعدتها تنزل وبعدين بعدت بسرعة وخرجت عشان مضايقهاش. 

...... 

مر وقت طويل وأنا مستنيها علي السفرة..استغربت تأخيرها وبدأت احط احتمالات 

-يا تري دي اتأخرت ليه... تكونش ماتت.. دي هتجبلي مصيبة ولا ايه منك لله يا معتز دبستني في المصيبة دي... يعني مش كفاية صاحبي اهبل تبقي طليقته كمان هبلة... كان مالي ومال الهم ده يا ربي أنا كنت عايش ملك لوحدي..معتز يبقي صاحبي... صديق الطفولة.. يعتبر اتربينا مع بعض.. هو إنسان طيب بس مشكلته أنه بتاع ستات وهما نقطة ضعفه الوحيدة... بس رغم كده هو محبش ألا ريناد بس للاسف بسبب جريه ورا الستات كترت المشاكل بينه وبين ريناد... ريناد أكتر من مرة تمسكه بيخونها في بيتهم... في شغله...وده تسبب أنهم يطلقوا تلات مرات... وعشان معتز يرجعلها لازم هي تتجوز واحد تاني وتتطلق عشان تحلله تاني... وقررت أنا اتطوع... وعملت كده من غير تفكير في الموضوع... عملت كده وانا مش عارف أن كان ده صح ولا غلط ... خرجت من شرودي وتنهدت براحة لما طلعت وقولت وانا ببتسم غصب عني :

-أتأخرتي ليه قلقت عليكي. 

-معلش أصل سوسته الفستان علقت معايا وفين لما فتحتها. 

قلت ببساطة :

-كنت ناديتيني اساعدك أنا. 

بصتلي بحذر وقالت :

-وليه تساعديني في الفستان إن  شاء الله هو انت عشان جوزي ه.... 

-خلاص اسكتي يا ريناد انتي لسه هتصيحي  اتفضلي كلي  بهدوء... 

قعدت آكل من غير صوت خفت أفتح معاها أي كلام لتفهمني غلط وتهب في وشي وأنا مش ناقص. 

خلصنا أكل وبهدوء شيلت أنا الأطباق... 

بعد شوية دخلت الاوضة عشان اجيب بيجامة ليا خبطت علي الباب ففتحت وبصتلي بخوف وقالت بصوت مرتعش :

-ايه يا اخويا مالك أنت ناوي علي ايه قربت منها فرجعت لورا وعيونها دمعت وقالت:

-اقسم بالله لو لمستني لأصوت وألم عليك أمة لا إله إلا الله أنت وعدت معتز... يا ريان حرام عليك أنت معندكش ولايا!... حطيت أيدي علي بوقها وقولت وانا بضحك :

-أنا جيت بس عشان اخد بيجامتي الرمادي ممكن تجيبها من الدولاب... هزت رأسها بسرعة وراحت ناحية الدولاب وجابت البيجامة بتاعتي واديتهالي وهي بتترعش... مسكت البيجامة وابتسمت وقولت :

-رغم أنها سودا مش رمادي بس مش مشكلة يالا تصبحي علي خير اقفلي الباب ورايا كويس... 

مسافة ما طلعت قفلت الباب بسرعة بالمفتاح... ابتسمت ورحت علي الأوضة التانية.. 

...... 

بعد ما ريان طلع طلعت ريناد موبايلها واتصلت بمعتز.. 

..... 

في بيت تاني... 

معتز :مش يالا يا مرمر بقا.. 

مرمر بدلع :لا مش قبل ما توعدني أننا هنتجوز... 

ضحك معتز بسخرية وقال :اتجوز مين يا اما انتي نسيتي نفسك ولا ايه ده أنا جايبك من الشارع... أنا مراتي ريناد وبس مش هيكون فيه حد غيرها... ده أنا جوزتها صاحبي عشان تجوزلي تاني... ريناد هي حبي الأول والأخير. 

مرمر بسخرية :اللي بيحب مش بيخون يا باشا... ريناد ذات نفسها قفشتك معايا أكتر من خمس مرات وبسببي اتطلقتوا مرة 

معتز :مفيش راجل بيكتفي بست واحدة يا مرمر... حياته عبارة عن محطات وهو بيتنقل من محطة لمحطة... بس بتبقي في محطة أخيرة بيقف فيها أخيرا... وريناد هي محطتي الأخيرة... مهما خنتها أو جرحتها ملناش غير بعض هي بتحبني وأنا بحبها... ويالا بقا بلاش رغي أنا مستنيكي في أوضة النوم... 

دخل معتز أوضة النوم.. كانت مرمر هتحصله لكن تليفون معتز رن... بصت ولقت اسم ريناد... ابتسمت بشر وقررت تستغل الفرصة دي و...  

يتبع 

#حبك_جنة 

#سولييه_نصار 

ادد أو فلو عشان يوصلك الباقي❤

الجزء التاني من الاسكريبت ❤طبعا شكرا لتفاعلكم السكر زيكم ده ❤❤❤

مسكت مرمر التليفون وردت علي ريناد وقالت بصوت ناعم :

-الو 

قفلت ريناد التليفون بسرعة وقعدتعلي الأرض تعيط :

-معقول بعد ده كله برضه بيخوني... بعد ما اتبهدلت واتمرمطت من اهلي واتجوزت واحد تاني عشان ارجعله برضه بيخوني... بيخرب حياتنا تاني ويكسر قلبي تاني.. للدرجادي أنا رخيصة بالنبسباله... بس ده غلطي أنا... أنا اللي رخصت نفسي... كام مرة قفشته وكام مرة سامحت... كام مرة مد ايده عليا وسامحته... أنا اللي جيت علي نفسي وأنا اللي لازم اتحمل المسئولية.. 

قامت ريناد ومسحت دموعها وقررت أنها هتربي معتز بطريقتها... بس كان فيه حاجة حبت تتأكد منها ولو طلعت صح هيبقي تمام وتقدر تكسر معتز زي ما كسرها... 

طلعت من اوضتها وراحت اوضة ريان..

... 

كنت مسطح  علي السرير ويدوب هروح في النوم لما الباب اتفتح فجأة ودخلت ريناد... فزعقت 

-ايه يا بني ادمة انتي مش مفروض تخبطي؟! 

-واخبط ليه مش انت جوزي. 

شديت الغطا عليا وبصتلها بحذر لقيتها بتبصلي بصة غريبة... هي ناوية علي ايه المجنونة دي... شكلها هتغرغر بيا وتسلبني أعز ما أملك  ياربي أنا ناقص عته... 

-فيه ليه يا ريناد بس... أنت عندك انفصام ولا ايه احنا مش اتفقنا أن No touching. 

-وأنا هلمسك ليه جاتك نيلة أنا بس جيت اقولك إني رايحة مشوار بكرة ولازم اخدك معايا قبل ما نروح لمعتز عشان نتطلق . 

-لازم المشوار ده يعني 

-أيوة لازم يا ريان وإلا مش هنتطلق... 

نفخت بضيق وقولت :

-حاضر يا ستي نروح... ممكن تطلعي  دلوقتي عشان عايزة أنام. 

هزت رأسها وطلعت بهدوء.. 

..... 

تاني يوم 

لقيت نفسي في الجامع مع شيخ المسجد أنا وريناد. 

همست لريناد بصوت واطي :

-احنا جايين هنا ليه 

ريناد:هفهمك دلوقتي 

بصت للشيخ وقالت :

-يا شيخنا أنا واحدة اتجوزت من تلات سنين ويعلم ربنا كنت بحب جوزي قد ايه وبراعيه وبود أهله ومريحاه في حياته.. بس الشخص ده مسابش حاجة وحشة ألا وعملها فيا من ضرب وخيانة وإهانة وكل شوية يترجاني عشان اسامحه وعشان أنا بحبه بسامحه. 

بصلي شيخ المسجد فقولت بسرعة :

-اقسم بالله ما أنا... أنا لسه اصلا متجوزها امبارح. 

حسيت الشيخ احتار راحت كملت ريناد :بسبب المشاكل الكتير دي أنا وجوزي اتطلقنا تلات مرات وكل مرة بسبب مشكلة مختلفة عن الاولانية.. بس هو كان هيموت ويرجعلي عشان كده... 

كمل الشيخ :عشان كده اتجوزتي واحد تاني عشان تحليله 

هزت ريناد رأسها وقالت :

-ريان يبقي صاحب جوزي واتفق هو واياه علي كده أنه يتجوزني يوم وبعدين يطلقني من غير ما يلمسني. 

حسيت أن الشيخ اتضايق منها وقال :

-ده حرام شرعا يا بنتي ده رسولنا الكريم قال (لعن الله المحلل والمحلل له )ازاي ترتكبوا إثم زي كده.. حتي لو طلقك انتي كده متحليش لطليقك الاولاني. 

اتوترت وأنا بقول :

-يعني نعمل ايه دلوقتي يا شيخ ازاي تحلله تاني. 

الشيخ رد وقال:لكي تحل الزوجة لطليقها الأول لابد لزوجها الحالي أن يدخل بها. 

تنحت وقولت:افندم مفهمتش اعمل ايه؟! 

الشيخ:لابد أن تدخل بها. 

يتبع 

#حبك_جنة 

#سولييه_نصار

معلش عشان صغير وعد بكرة هحاول اخلصه كله❤

الجزء الاخير من الاسكريبت❤شكرا لتفاعلكم السكر زيكم ده❤

-يعني ايه الكلام ده مش فاهم؟... زعق معتز في ريناد بعد اللي سمعه... هزت ريناد كتفها ببرود وقالت :

-اللي سمعته يا معتز الشيخ كان واضح معايا اللي عملناه حرام وحتي لو اطلقت من ريان أنا مش هحللك! لازم اتمم جوازي من  ريان وبعدين نتطلق وبعد عدتي نتجوز بإذن الله. 

معتز وشه أحمر وحسيت أنه هيخنق ريناد... قام من كرسيه وهو بيزعق :

-تتمي جوازك ازاي يا بقرة انتي مستحيل حد تاني يلمس شعرة منك. 

-وهو ريان حد غريب يا معتز ده جوزي. 

اتصدم معتز وفقد النطق... ميلت علي ريناد وقولت بصوت واطي :

-واحدة واحدة علي الراجل هيجيله جلطة بسببك. 

ريناد:هو أنا قلت حاجة غلط يا أخويا!!. 

بص معتز لريناد وقالها :

-انتي ناوية تموتيني ناقص عمر يا ريناد ... جوزك مين انتي صدقتي نفسك...ده مجرد اتفاق. 

اتعصبت ريناد وقامت وقالت:

-والله دي غلطتك أنت يا استاذ معتز قولتلك نسأل شيخ ونتأكد وأنت رفضت عاجبك وضعنا دلوقتي... ما هو قدامك حلين أما يبقي جوازي أنا وريان حقيقي لاما ريان يطلقني بس ساعتها منفعش ارجعلك قولت ايه!! 

معتز:ازاي!! ازاي هتحمل أن راجل تاني يلمسك يا ريناد... مقدرش... صعب والله صعب أنا... 

ابتسمت ريناد وقالت وهي بتقرب منه :

-صعب اووي صح... قلبك بيحرقك وأنت بتتخيل الست اللي بتحبها تكون لحد غيرك أو حد يلمسها... تخيل وجعي بقا لما قفشتك مليون مرة... وجعي لما أسمعك بالليل بتكلمهم وتقولهم الكلام اللي مفروض تقولهولي... وجعي وأنا بشوف عشيقاتك بيتريقوا عليا ويقولوا عليا هبلة عشان بسامحك... 

-ريناد 

-أخرس يا معتز.. متتكلمش أنت إنسان خاين وهتفضل كده طول عمرك... 

مسك معتز ايدها ولسه هيزعق قمت بسرعة وبعدتها عنه وأنا بقول :

-اهدوا شوية مش كده. 

بصلي معتز بعصبية وزعق :

-أنت بتبعدها عني ليه؟ أنت صدقت أنها مراتك ولا ايه فوق يا ريان ده كان اتفاق أنت وافقت عليه ولا هي عجبتك وقررت تخوني. 

حسيت إني انجرحت من كلامه... معقول بعد العشرة دي يقول كده... يتهمني اتهام بشع كده... 

قربت ريناد منه وقالت :متفضيش غضبك في ريان وقولي يا استاذ يا محترم البنت اللي اسمها مرمر كانت بتعمل ايه عندك امبارح. 

بصيت لمعتز  لقيته وشه أحمر.. وكان لسه هيتكلم قاطعته ريناد :

-متكدبش كتر خيرها والله ردت علي التليفون بالليل لما اتصلت بيك وعرفتني أنها معاك... صوتها مميز مرمر دي... بالنهاية دي واحدة قفشتها معاك خمس مرات. 

-ريناد أنا... 

-أنت رخيص يا معتز... لا بجد رخيص متبصليش كده في الوقت اللي حاربت الكل علشانك... بقيت زي العروسة اللعبة ورضيت اتجوز صاحبك عشان ارجعلك ومحتاجة أنك تطمني.. اتصل بيك والاقيك بتخوني .

-انتي عارفة إني بخونك يا ريناد... ودايما هخونك... ده طبع مش هيتغير بس بصي للمهم إني برجعلك في الآخر... أنت محطتي الأخيرة... انتي حبي الوحيد... أنا عايزك ومتمسك بيكي. 

-وأنا مش عايزاك. 

-جرا ايه يا ريناد ما انتي  دايما بتسامحيني... سامحيني المرة دي زي كل مرة واوعدك هحاول مخونكيش تاني!  

-لا المرة دي خلاص مفيش سماح أنت عمرك ما هتبطل تخوني بس أنا فاض بيا. 

-ريناد اعقلي متضيعيش كل حاجة أنا بحبك. 

دمعت ريناد وقالت:

-أنت عمرك ما حبتني يا معتز أنت حبيت وفائي ليك وتمسكي بيك... حبيت أن رغم أنك بتخوني وتضربني بسامحك بسهولة صعب تفرط فيا لأنك خايف متلقيش واحدة مطيعة زيي... بس في اليوم اللي هتلاقي الأحسن مني هترميني زي الكلاب. 

مسحت ريناد دموعها وقالت:أنا وريان اتطلقنا أصلا قبل ما نيجي هنا .. يعني خطتك فشلت وانا برضه محرمة عليك  وهفضل محرمه عليك طول حياتي..  مش هرجعلك يا معتز... عمري ما هسامحك علي حياتي اللي دمرتها...

بصيتلي ريناد وقالت :

-شكرا علي كل حاجة.. بس طلب أخير وصلني لأهلي. 

-يعني دي خطة منك انتي والأستاذ... أنت يا ريان تخوني وتضيعها من أيدي! 

بصيتله بأسف وقولت:

-أنت اللي ضيعتها بإيدك مش أنا.. يالا يا ريناد. 

-لو طلعت بيها من هنا اعتبر صداقتنا انتهت. 

بصيتله بحزن وبصيت لريناد اللي كانت بتبصلي بأمل وحسمت قراري وقولت.. -يالا يا ريناد نمشي من هنا. 

.... 

ومن وقتها  عدي تلات سنين علاقتي بمعتز مبقتش زي الأول لأني قررت أختار ضميري... معتز متغيرش لسه بيعرف بنات وبيطلع معاهم بس بقا حزين لأنه عرف أنه خسر أهم واحدة في حياته... خسر إنسانة لا تكرر... 

 في يوم أختي اتصلت بيا وطلبت مني اجيب ابنها من الحضانة ورحت وانا هناك شفتها... معرفش فرحت ليه للدرجادي لما شفتها تاني 

-ريناد بتعملي ايه هنا؟ 

حستها اتصدمت شوية بعدين ابتسمت وهي بتسلم عليا وقالت:

-أنا المدرسة هنا... هو انت تعرف خالد 

-أيوة ده ابن أختي. 

-ربنا يباركلك فيه. 

-ويبارك فيكي. قولتها وأنا ببصلها جامد

سكتنا شوية وحسيت أنها محرجة مسكت ايد خالد  ومشيت بسرعة.. 

وكان خالد حجتي عشان اقابلها كل يوم.. في وفي فترة قليلة اتقربنا من بعض واكتشفت إني حبيتها وقررت اعترف ليها 

كنا قاعدين علي البحر لما قولتلها فجأة -ريناد تتجوزيني. 

بصتلي بصدمة ووشها أحمر وقالت :

-ليه 

-عشان بحبك... متبصليش كده انت عارفة ده وانا عارف أنك عارفة وعارف أنك بتحبيني.. 

ضحكت بكسوف وقالت:

-ايه الثقة دي بس. 

-ده أقل حاجة عندي يالا قولتي ايه تتجوزيني! 

هزت كتفها وقالت :

-اديني وقت أفكر 

-ما بلاش شغل عيني فيه واقول اخييه يا منار انتي تموتي عشان تتجوزيني يالا وافقي خليني ازغرط. 

-موافقة  يا ريان.قالتها بكسوف 

رحت زغرطت بفرحة لقيتها مسكتني وقالت :

-أسكت يخربيتك فضحتنا... يارب اديني اتدبست في واحد اهبل. 

-اهبل بس بيحبك! 

ابتسمت وقالت :

-وأنا كمان بحبك ❤

تمت 

#حبك_جنة

#سولييه_نصار 

وانتهي الاسكريبت شكرا للتفاعل القمر