 |
البارت الاول من روايه
1_2_3_4_5
#منتقبه_اوقعتني_في_حبها
بقلمي #هدير_بدر
انتي بتقولى ايه يا أمي ازاى تخطبيلي من ورايا
الام : والله انا عملت اللي في مصلحتك
ياسين : وأنا مش موافق انا بحب واحده وهاتجوزها امين
فيروز: ماشي بس ماتزعلشي لما اسيبلك البيت طلما هاتكسر كلامي
ياسين: يوووووووه مين المصونه اللي حضرتك اختارتيها
فيروز : بنت عمك أحمد
ياسين بتبريقه : اللي منتقبه دي
فيروز : ومالها المنتقبه علي الاقل هاتصونك مش احسن من اللي بتكلمها لبسها لحد الركبه ماعرفشي بتحب فيها ايه
ياسين: ماما لو سمحت ما تتكلميش عنها بالاسلوب دا تمام ثم اني يوم ما اتجوز اتجوز واحده منتقبه انتي بجد مصدقه اللي بتقوليه
فيروز: والله شايفه ان دي االي هاتعدلك في الاخر انا قلت كلمه هاتكسر كلامي هاسبلك البيت
ياسين : ماشي ماشي ودخل وسابها
فيروز لنفسها : انا عارفه انها حاجه مش كويسه وغلط اللي عملته من وراك بس شايفه ان دي اللي هاتغيرك للأحسن
ياسين دخل الاوضه : انا اخطب منتقبه طب ودي ان شاء الله اما اكلمها هاترد تقولى ايه اتا لازم ارن علي ايسل
ياسين : الو يا ايسل
ايسل بدلع : ايوا ياحبيبي
ياسين : عايز اقولك حاجه بس ارجوكي تتفهمي
ايسل : خير في ايه
ياسين : امى خطبتلى
ايسل :نعم طب وانا
ياسين: انا مجبر اسمع كلام امي بس اوعدك اني هاخلى البت دي هي اللي تفسخ الخطوبه بنفسها
ايسل : ماشي يا ياسين اما نشوف اخرتها ايه
ياسين : اخرتها جوازنا ياقمر انتي
ايسل : حبيبي يا ياسو
وفضلوا يحبو في بعض شويه
......
عند خديجه
خديجه : بس انا خايفه يطلع مش ملتزم
ريم : يبقا انتي اللي تاخدي بايده للجنه
خديجه : طب هو ماشافنيش لسه
ريم : مش هما جايين بكرا خلاص
خديجه : انا قلقانه من حوار ان والدته هي اللي تيجي تقرأ الفاتحه من غيره
ريم : قومي بس اتوضي وصلي ركعتين وبكرا كدا كدا جاي يالا نقوم
خديجه : يالا
وفعلا صلوا وقعدوا يقرأو الورد بتاعهم وبعدين ناموا
نتعرف بابطالنا
ياسين رجل أعمال كبير رغم صغر سنه بيحب امه جدا وباباه متوفي بعيون بنيه وجسم رياضي بيحب ايسل
ايسل قوامها متناسق ومهتمه بالموضه وبتحب ياسين من عيله متوسطه
خديجه ملتزمه جدا وحافظه لكتاب الله وبتساعد الناس وبتحفظ الأطفال
في السنه الاخيره من كليه هندسه عيونها رمادي وحاجه قمر كدا
ريم: صاحبه خديجه من الصغر وكملوا مع بعض في الكليه بتحب خديجه جدا وبتعتبرها اختها التانيه
نرجع تاني
تاني يوم
أشرقت الشمس معلنه يوم جديد
ياسين صحي قام جهز وطلع يفطر مع والدته
ياسين : صباح الخير
فيروز : صباح النور ياحبيبي هاتتاخر النهارده
ياسين : ان شاء الله لا ليه
فيروز : علشان هانروح لخطيبتك
ياسين بنرفزه : اروح ليه
فيروز : تروح ليه ايه انا قريت فاتحه بس اكيد الناس عايزه تقعد معاك
ياسين اتعصب وقام : ماشي
فيروز : ماتحرجنيش مع الناس انا اديتهم ميعاد
ياسين قام راح شغله
************
خديجه صحيت صلت الضحي وقعدت تدعي ربنا انه يختارلها الطريق الصالح
ريم صاحبتها : دخلت جري عليها
خديجه : حد يخش علي حد كدا وقامت تجري وراها
ريم : الحقيني يا حجه بنتك هاتموتني مش قادره
ام خديجه : هافضل كل يوم علي خناقتكم كدا قوموا يالا افطروا علشان الكليه وماتتاخروش علشان تلحقوا تجهزوا فاهمين
ريم : فاهمين ياحجه قومي يالا ياوليه انا علي لحم بطني
خديجه : طول عمرك همك علي بطنك كدا
فضلوا يضحكو وبعدين خديجه جهزت وطلعوا يتغدوا
خديجه: صباح الخير علي احلى اب وام
باباها ومامتها : صباح النور علي احلى ديجه
رأفت: حبيبه قلبي النهارده خطيبك جاي حبيت ابلغك وافكرك
خديجه بكسوف : ماشي يابابا
وبعدين قامت هي وريم مشيوا
ريم : ديجه روحي انتي اقعدي في المدرج علي لما اجيب حاجه
خديجه : ماشس ياحبيبتي
وجايه تعدي الطريق
فاجاه عربيه خبطتها
خديجه وقعت في الارض من الخضه
ياسين : انتي مش شايفه ادامك
لقي واحده منتقبه ادامه بس قاعده في الارض بتستغفر كتير بخضه
ياسين اتخض لما لقاها كدا
فيكي حاجه طيب
خديجه بصوت هادي : لا مافيش انا اسفه جدا علي اللي حصل
ياسين : ماهو علشان البتاع اللي حطاه علي عينك هاتشوفي ازاى
خديجه بصتله وبعدين مشيت وسابته
ياسين فضل باصص لاثرها وبعدين قال : ادا آخره المنتقبين شكلهم عاميين كانت نقصاكي هي
وراح علي شركته
دخل وهو متنرفز وكله خاف من شكله
بعدين دخل عليه مراد
مراد : صباح الخير علي احلى عريس كدا تخطب من ورايا
ياسين: مش نقصاك هي اكيد امي اللي قالتلك علي العموم مش هاتم انت عارف اني بحب ايسل
مراد : طيب لما نشوف اخرتها بس انا من زمان وبقولك بلاش ايسل ماشي
ياسين : بحبها وهاتجوزها وبلاش تتكلم عليها
مراد : بكرا كل حاجه تبانلك
وبعدين اتكلموا في الشغل وخلصوا
مراد صاحب ياسين بيحبه جدا وهو والده ووالدته متوفيين فا مامت ياسين بتعامله أكن عندها ولدين
عند خديجه ريم جريت عليها
ريم : حصلك حاجه
خديجه: لا الحمدلله
ريم: امال بتعيطي ليه
خديجه : اللي خبطني استهزاء بالنقاب
ريم ؛ ولا يهمك ربنا اللي هايحاسبه
الحمدلله انها جات علي خير يالا تعالي نجيب ليمون علشان أعصابك
وخلصوا وحضروا المحاضرات وريم حاولت تطلع خديجه مم اللي هي فيه
خلص اليوم وجيه الساعه المنتظره
خديجه لبست دريس بيبي بلو وعليه خمار اوف وايت وكانت قمر اوي
ريم : لبست دريس اسود مشجر وعليه نقاب اسود وكانوا ملكات
ام خديجه : ربنا يحميكي ياحبيبتي بدر منور
خدي العصير دا وطلعيه
خديجه بكسوف : انا خايفه
مامتها : لا ماتقلقيش انا معاكي وكلنا معاكي يالا
خديجه طلعت للضيوف
وفضلت باصه في الارض
فيروز : طب نسيبهم يتعرفوا
ياسين بصلها بقرف : هاتفضلي ساكته
خديجه بصتله بصدمه: هو انت
ياسين: اوعي تقولى انك اللي كنتي وقعتي ادام عربيتي
خديجه بصتله : ايوا
ياسين : ماشي مش مهم المهم عايزه تعرفي ايه
خديجه بكسوف : بص حضرتك اولا المفروض اقلع النقاب بس انا محروجه جدا
ياسين : مش فارقه
خديجه: تمام مش هاسال حضرتك علي الصلاه لان دي حلجه بينك وبين ربنا انا بس كل اللي طلباه من حضرتك تعاملني معامله حسنه وتتقي ربنا فيا وتاخد بايدي للجنه
ياسين ارتاح لكلامها وبعدين نفض الفكره من دماغه
دخلت فيروز وأهل خديجه
فيروز : طب شكلكم اتفقتوا نكتب الكتاب
ياسين وخديجه بصدمه : نعم
لو لاقيت تفاعل هانزل البارت التاني ان شاءالله انهارده
البارت الثاني من روايه #منتقبه_اوقعتني_في_حبها
بقلمي #هدير_بدر
فيروز : مالك ياحبيبي فرحان
ياسين اتوتر وبصلها لانه خايف امه تبعد عنه
ابو خديجه : والله يا حجه فاجئتينا
فيروز : خير البر عاجله وكمان القصر جاهز مش محتاجه حاجه
ابو خديجه : خلاص اللي يشوفوه الولاد علي بركه الله
وبداو يتفقوا علي الاتفاقات واتفقوا ان كتب الكتاب بعد يومين وياسين قاعد علي اخره
خلصوا اتفاق
ومشيوا
خديجه دخلت وهي قلبها مقبوض
صليت ركعتين وصليت القيام وقعدت تستغفر ربها لحد مانامت
عند ياسين دخل البيت
ياسين بزعيق : ازاى ياماما انتي شيفاني عيل ادامك ماليش قرار يعني اي كتب كتابي كمان يومين وانا مش موافق
فيروز : انت ازاى تكلمني كدا انت كبرت عليا ماتوافقشي بس اعتبرني مت عن اذنك
وسابته وطلعت
ياسين دخل اوضته وكان متعصب رن علي ايسل
ياسين : الو يا ايسل
ايسل: عملت اي ياحبيبي مع اللي ماتتسمي
ياسين : اتحدد كتب الكتاب كمان يومين
ايسل بزعيق : نعم وانا
ياسين : اهدي ياحبيبتي صدقيني هاتجوزك اهدي انا هاعيشها عيشه سودا فكك من الجوازه دي كدا كدا هاخد ميعاد مع باباكي علي لما اخلص الحوار دا
ايسل: بجد ياحبيبي
ياسين : بجد ياعيون حبيبك وفضلوا يتكلموا زي عادتهم
تاني يوم
ريم وخديجه جهزوا علشان يروحوا الكليه
عدا اليومين من غير أحداث تذكر
وكله مشغول في التجهيزات
جيه اليوم الموعود
عند خديجه لبست فستان بيبي بلو منفوش ونقاب بيبي بلو وهيلز ابيض
وريم لبست دريس كافيه وخمار اسود وهيلز اسود
وكانوا شبه الحوريات
عند ياسين لبس كاجول
ومراد برضو
فيروز راحت خبطت عليه طلعلها
فيروز: قمر ماشاء الله يابني ربنا يحميك
مراد بتضجر: واشمعنا انا لا
فيروز : مسكته من ودنه انتو الاتنين زي بعض وعقبال مافرح بيك
مراد : لا س س سلام
ومشيوا
ام خديجه رحبت بيهم
والماذون وصل وكان ياسين قاعد مش طايق نفسه
وقال جملته الشهيره
بارك الله لكما وجمع بينكما في خير
ام خديجه وفيروز زغرطوا
وابو خديجه خدها وطلعها
خديجه بصيت في الارض
ياسين بصلها مع ان وشها مش باين ولكنه فضل باصصلها سرح فيها اد اي النقاب مديها جمال
وبعدين فاق من سرحانه
فيروز : اقعدي جنب جوزك ياحبيبتي
خديجه قعدت بكسوف
فيروز : الفرح امتي بقا
احنا كنا متفقين انه بعد كتب الكتاب بأسبوع
ابو خديجه: نتوكل علي الله ان شاءالله
خديجه : احم لو سمحت انا عايزه فرحي إسلامي
ياسين : ودا ان شاءالله ازاى بقا
خديجه بابتسامه: يعني الرجاله في مكان والستات في مكان وكمان مافيش اغاني
ياسين : ماشاء الله ودا فرح ازاى انا مش موافق
خديجه دمعت : طاب بعد اذنك انا مش موافقه ان فرحي يبقا في اغاني
ابو خديجه : هي معاها حق يابني
ياسين : طب خلاص بما انها مش موافقه مافيش فرح
فيروز : اقعد يا ياسين الأمور يابني مش بتتاخد كدا
مراد حاول يصلح الموقف : معلشي ياعمي اصل احنا مانعرفشي النظام دا فا اكيد مستغربينه مش اكتر
خديجه : خلاص انا هاعمل يوم هنا انا وصحابي ومش لازم فرح
وبصيت في الارض بحزن
ياسين من غير اهتمام : اللي تشوفيه
يالا يا أمي علشان اتاخرنا كدا
فيروز باحراج : طاب نستأذن احنا ياجماعه
ابو خديجه : اتفضلوا
مشيوا وخديجه دخلت جوا تعيط
ام خديجه : خلاص يابنتي خير هو مش عارف الحاجات دي وكمان طلما مش هاتغضبي ربنا ماتزعليش
خديجه مسحت دموعها: خير ياحبيبتي
ام خديجه: في عروسه قمر تزعل كدا يوم فرحها قومي صلي ياحبيبتي ركعتين لله
خديجه : حاضر يا ماما
ابو خديجه : وبعدين يامو خديجه انا خايف عليها اوي يا تري اللي عملناه صح
ام خديجه : ماتقلقشي خير ان شاءالله وانت عارف خديجه هاتقدر تخليه يحبها
ابو خديجه : يارب يارب
خديجه صليت وفضلت تدعي ربها انه يصلح حياتها الجديده
عند ياسين وهما راكبين العربيه
فيروز : ماكنشي ينفع اللي عملته دا
ياسين : والله يعني الي بتقوله كلام صح
فيروز : ايوا صح وانت عارف كدا
ياسين : براحتها مافيش فرح
مراد : انت جيت عليها في دي يا ياسين اي بنت بتحلم باليوم دا
ياسين: قفلوا علي الحوار يهمك يا أمي اني اتجوزتها
فيروز اتنهدت بحزن
......
فات الاسبوع
عند خديجه صحابها حضروا وكان أجمل حفله
والبنات فضلت تغني وكان كله فرحان جدا
ياسين خرج هو ومامته ومراد علشان يجيبوا خديجه من بيتها
كانت خديجه جهزت وهي وريم فضلوا يعيطوا
ريم : ماكنتيش متخيله اليوم اللي هاتسبيني فيه
خديجه : ياهبله انا معاكي وتعالي في الوقت اللي يعجبك
ريم مسحت دموعها : ربنا يجعله زوج صالح ويرزقك السعاده ياحبيبتي
ابو خديجه : ياسين يابني انا ماليش الا خديجه ياريت تاخد بالك منها وتحافظ عليها
ياسين : حاضر ياعمي
خديجه خرجت وودعت أهلها
دخلوا القصر
ياسين : بقولك اي يابتاعه انتي
خديجه بصتله بصدمه: بتاعه
ياسين : ايوا ياختي كدا اللعبه خلصت علي كدا
خديجه : لعبه اي
ياسين : يعني انتي هاتقعدي هنا معايا شهرين وبعدين نطلق لاني بحب ولحظه وعايز اتجوزها
خديجه بصدمه
اسفه علي التأخير بس انا عندي كليه وللأسف مش هاقدر انزل الا كل يومين تفاعل بقا ورايكم علشان بيفرق معايا 😍وشكرا علي تشجيعكم ليا
البارت الثالث من روايه #منتقبه_اوقعتني_في_حبها
بقلمي #هدير_بدر
خديجه : تتجوز
ياسين : ايوا انتي مفكره اني اتجوز واحده منتقبه انا متجوزك علشان ارضي امي
خديجه عيونها دمعت بس مسكت نفسها : تمام ربنا يهنيك يارب ويسعدك ممكن تعرفني اوضتي
ياسين : تؤ تؤ اوضتك اي انت مكانك مكان الخدامين هاتنامي في اوضه الخدامين ومن بكرا تقومي بواجبات البيت
خديجه : تمام مش مشكله اتفضل وريني المكان
ياسين وراها المكان وكان المكان كله تراب
خديجه بدأت تكح جامد وماكنتشي قادره تاخد نفسها
ياسين جري قلعها النقاب واتصدم بجمالها
وبعدين فاق
ياسين خدي اشربي ميه
خديجه خدت الميه
وبدأت تهدي
ياسين : مش بحب شغل العيال دة روحي علي الاوضه
خديجه بصيت في الارض: ممكن اوضه تانيه
ياسين بصلها بسخريه: ليه هي مش من مقامك
خديجه بصيت في الارض : لا اصل
ولسه هاتكمل كلامها
ياسين بصلها بقرف : روحي يالا انتي هاتحكيلي قصه حياتك ولو عرفت انك مانمتيش فيها هاطلقك
خديجه خافت لو أطلقت يوم فرحها الناس هاتقول اي
وطلع ةسابها
خديجه دخلت الاوضه وفضلت تكح لحد ما اغمي عليها
ياسين تاني يوم نزل فضل يخبط عليها فتح الباب
لقاها واقعه في الارض وبؤها جايب دم
جري جاب ميه وفضل يرش علي وشها لحد مابدات تفوق
ياسين بضيق:في اي
خديجه قامت وكان باين عليها التعب جامد
خديجه بصيت في الارض وهي خايفه: اسفه غصب عني
ياسين : اعمل اي باسفك وايه الدم دا وايه القر،ف دا
خديجه : اسفه هاقوم امسح كل حاجه بس هاصلي الاول لاني ماصلتشي الفجر عن اذنك
قامت اتوضت وصليت وفضلت تدعي ربها وبعدين نزلت جهزت الفطار ومسحت مكان الدم
طلعت جهزت السفره وطلعت خبطت علي الباب
ياسين : نعم
خديجه: الاكل جاهز
ياسين نزل لسه هايقعد لقي خديجه هاتقعد
ياسين: نعم انتي هاتقعدي ليه
خديجه قامت وقفت بتوتر : اي
ياسين.: انتي هاتاكلى معايا انتي نسيتي نفسك يالا علي اوضه الخدم ابقي كلى في المطبخ
خديجه : حاضر اسفه وسابته ودخلت الاوضه تعيط
خلص اكل
ياسين : تعالي شيلي الأطباق يالا
خديجه مسحت دموعها وشالت الأطباق
وبعدين راحت الاوضه اللي كان فيها
خديجه وهي ماسكه ايدها بتوتر : احم ممكن طلب
ياسين : نعم
خديجه : عايزه هدوم علشان ماجبتيش
ياسين : عندك.هدوم الخدم ابقي البسي منها
خديجه : تمام وسابته ومشيت
ياسين كان زعلان انه شايفها تعبانه كدا وبعدين نفض الفكره من دماغه
ايسل رنيت عليه فرح جدا
ياسين : ايوا ياحبيبتي وحشتيني اوي
ايسل : وانت كمان ياحبيبي عملت اي مع الزفته اللي عندك
ياسين : ماتقلقيش ربتها خلتها خدامه
في الوقت دا خديجه كانت داخله علشان تديله القهوه ولما سمعت كدا فاجاه وقع منها المج
خديجه: انا انا اسفه هاشيل كل حاجه
ياسين بغضب : انتي تعرفي دا بكام يارو*ح امك
خديجه بدموع: هاجبلك بداله
ياسين : وانتي حلتك اي ياختي اخفي من وشي
خديجه لميت الازاز اللي متكسر وايدها اتفتحت وهي ماهتمتشي
ياسين فضل باصص لاثرها وحاسس انه مخنوق وبعدين رجع كلم ايسل
خديجه دخلت غسلت ايدها ولاقيت الجرح كبير ومحتاج خياطه
خديجه بعياط: ياربي أعمل اي دلوقتي
كان ياسين داخل يشرب ولقاها واقفه بتعيط
ياسين : في اي
خديجه : ها لا مافيش حضرتك.تؤمر بحاجه
ياسين : لا ياختي وبعدين بص لقي ايدها بتنزف جامد
ياسين : اي دا ايدك بتنزف جامد
خديجه : هاربطها بحاجه
ياسين : لا شكله جرحه كبير اتفضلي البسي وتعالي نشوف دكتور اخلصي
خديجه بصتله بتوتر : البس اي انا منتقبه
ياسين : اطلعي اوضتي هاتلاقي عبايات البسي واحده هما علي مقاسك
خديجه استغربت وبعدين سابته وطلعت لبست
ياسين : وأنا هامشي معاكي كدة
خديجه فهمت انه قصده يقلل من النقاب
خدت نفس وبعدين اتكلمت : حضرتك النقاب اللي بتقلل منه دا محافظ عليا كفايه اني متشبه بامهات المؤمنين حضرتك مش عايز تمشي معايا براحتك انا مش اغصبك بس انت مسلم وعارف أن الفقهاء مختلفين هل هو سنه أم فرض وانا لبسته وربنا هداني الحمدلله علشان لو سنه يبقا اتبعت سنه رسول الله وأم المؤمنين فرض يبقا نجوت
ياسين حب كلامها وبعدين قالها : خلصتي يالا اتفضلي
لسه هاتركب ورا
ياسين بغضب : انا مش سواق اهلك علشان تركبي ورا اركبي ادام
خديجه ركبت جنبه وهي مش قادره من ايدها
دخل وكان كل المستشفي خايفه منه
راح للسكرتيره : عايز دكتوره حالا
السكرتيرة: حاضر يا ياسين بيه
وبعدين جيه دكتور
خديجه قربت من ياسين : خلاص مش عايزه اكشف انا عمر ماخلى دكتور يلمس ايدي
ياسين : قولى دا حرام كمان
خديجه : طلما في دكتوره يبقا هي اللي تكشف عليا اما لو مافيش الا هو في المكان يبقا دي للضرورة
ياسين : خلااااص ابوس ايدك اخرصي
وبعدين بص للدكتور عايز دكتوره
جات الدكتوره
الدكتوره : اتفضلي وريني ايدك
خديجه وريتها ايدها وكانت قلبت علي لون مرزق من كتر النزف
الدكتوره: للاسف نزفت كتير عايزه نوصلك محاليل دم يعوض الفقدان وللأسف مافيش هنا بنج
ياسين بغضب : يعني اي مافيش بنج امال انا مشغلكم ليه .
الدكتوره بخوف : ياسين بيه البنج للاسف خلصان ممكن اعملها كدا بس هاتتوجع
ياسين : اعمليلها اي حاجه يالا
خديجه كانت مرعوبه
ياسين قرب من ودنها : هاحب اشوفك وانتي بتتوجعي زي مانا اتوجعت
خديجه عيطت : الي حضرتك تشوفه
الدكتوره بدأت تخيط لخديجة وخديجه بتستغفر ربها
الوجع زاد مسكت ايد ياسين وعيطت وصرخت صرخه جامده وبعدين اغمي عليها
ياسين : اغمي عليها شوفيها بسرعه
الدكتوره : طبيعي علشان الوجع صعب
ركبتلها.محاليل
الدكتوره : ربع ساعه وهاتفوق وأهم حاجه تتغذي لان شكلها مش بتاكل وجسمها ضعيف عن اذنك
ياسين خد كرسي وقعد جنبها شافها من قرب اد اي حلوة وبعدين فاق من سرحانه
ياسين لنفسه : لا يمكن استحاله انا بحب ايسل
بعد نص ساعه
كانت خديجه بدأت تفوق
خديجه بدأت تفتح عينها وبعدين اتوجعت
ياسين قلق عليها : حاسه بايه
خديجه: ايدي وجعاني اوي وبدأت تعيط
ياسين : استني هنادي للدكتوره
ونده للدكتوره
الدكتوره دخلت
خديجه : ايدي وجعاني اوي
الدكتوره : اكيد علشان ماكنشي في بنج هي ايدك مش هاتقدري تحركيها لمده يومين وبعدين مش هاتحسي بوجع وهاتقدري تحركيها ان شاءالله
خديجه: طاب مافيش مسكن
الدكتوره لسه هاتتكلم
ياسين: مسكن ليه بطلى دلع بنات يالا قومي
الدكتوره : بس
ياسين : انا قلت يالا يعني يالا
خديجه : حاضر وقامت
ياسين : شكرا يا دكتوره اتفضلي
خديجه راحت معاه
ولسه بيفتح الباب
وفاجاه ...
تفاعل بقا لو وصلت ١٠٠٠ كومنت هانزل التاني بليل أن شاءالله
البارت الرابع #منتقبه_اوقعتني_في_حبها
بقلمي #هدير_بدر
لاقوا ايسل في وشهم
خديجه استغربت مين دي
حضنت ياسين
ايسل بدلع : كنت فين ياحبيبي مستنياك من بدري
خديجه اتعصبت : مين دي
ايسل: انتي اللي مين تكونيش الجربوعه اللي حبيبي اتجوزها
ياسين : ماعنتيش تعلي صوتك تاني فاهمه روحي اعملي للهانم اكل يالا تلاقيها جعانه
خديجه كانت مصدومه : انت بتحضن واحده مش حلالك ادامي غير كدا مش خايف من ربنا
ياسين ضربها بالقلم جامد : مش واحده زيك اللي تعرفني الغلط اعملى الاكل بدال ماندمك
خديجه بصيت لاقيت ايسل فرحانه
خديجه دخلت بس ماقدرتشي تحرك ايدها خرجت لياسين
خديجه وهي موطيه رأسها: مش عارفه اطبخ علشاني ايدي مش قادره احركها
ياسين : بقولك اي دلع مش بحب اخلصي
خديجه عيطت : والله مش قادره من ايدي
ايسل مثلت الزعل : كدا ياحبيبي مش قادر عليها
ياسين اتنرفز وقام ناحيتها وشد ايدها اللي بتوجعها
خديجه صرخه : اااااه ايدي سيبها ارجوك
فضل ساحبها
ياسين : اعملى الاكل يالا ووريني ازاى مش هاتعمليه
خديجه بعياط: ايدي والله مش قادره منها
ياسين بص علي ايدها لقاها ازرقت مكان ما كان ماسكها
ياسين: ماليش في ياما ارفضلك ابوكي من شغله
خديجه عارفه مدي حب ابوها للشغل بتاعه
قالت بتسرع : لا لا هاعمل حاضر
ياسين قرب منها : الدلع دا مش عندي فاهمه
خديجه : فاهمه فاهمه
وفضلت تعمل الاكل وهي بتعيط من ايدها فاجاه جايه تشيل الميه المغليه وقعت عليها
خديجه صرخه : يارب اللهم اني لا أسألك رد القضاء ولكني أسألك اللطف فيه
ياسين قام مفزوع
دخل عليها لقاها متغرقه
خديجه : انا انا اسفه الميه السخنه وقعت عليا دقيقه وانضف
ياسين حس بالذنب : اهدي وقعت فين
خديجه بصتله بحرج : علي رجلى والله ايدي تعبتني اسفه
بص علي ايدها لقاها بدأت تنزف تاني ولقي رجليها محروقه
جري جابلها مرهم
خديجه كانت محروجه جدا
ياسين : ماتفكريش بعمل كدا لسواد عيونك لا دا علشان لو حد جيه مايعرفشي حاجه
خديجه بصتله بعتاب : عارفه وشكرا علي مساعدتك ليا كدا الاكل جاهز .
ممكن بس حد يساعدني اشيله ايدي مش عارفه احركها
ياسين حس بصدقها : تمام وشال الاكل هو
ايسل بمياصه: تاعب نفسك لي ياحبيبي البت دي فين .
ياسين : في المطبخ المهم يالا ناكل
خلصوا اكل
وخديجه قاعده في المطبخ تعيط
ياسين دخل ليها : مش عايز اشوف خلقتك النهارده خشي اوضتك
خديجه : حاضر دخلت اوضتها صليت وفضلت تدعي ربها يحنن قلب جوزها ويبعده عن الحرام ويقربه ليه
ونامت من التعب
ايسل مشيت وياسين كان قلقان علي خديجه دخلها الاوضه لقاها نايمه
ياسين في نفسه : ملاك نايم ولسه هايقرب منها افتكر انه بيحب واحده
ياسين: انا بحب ايسل اي بيحصلي دا
وبعدين زعق في خديجه
انتي ياللي اسمك ايه انتي اصحي
خديجه صحيت مفزوعه
خديجه : ايوا ايوا اسفه نمت بالغلط
ياسين : مش مهم قومي حضري نفسك في هدوم فوق علشان اهلك وامي جايين اخلصي
خديجه : طب صاحبك جاي
ياسين: ايه عاجبك صاحبي
خديجه حست بنغزه في قلبها بسبب تفكيره: عمري ماعمل كدا بس بسأل علشان النقاب
ياسين : لا مش جاي وقومي يالا
خديجه قامت جهزت وكانت قمر اوي
كانت لابسه دريس زهري وعليه خمار اوف وايت
نزلت تحت علشان أهلهم جوم
ياسين فضل باصصلها جامد وأمه فرحت
فيروز : حبيبت قلبي عروستي القمر مبروك ياحبيبتي
امها حضنتها وابوها وفضلوا يتكلموا
ام خديجه : ممكن اخد خديجه شويه
ياسين : البيت بيتك يا أمي
خديجه راحت مع امها
ام خديجه: جوزك عامل اي معاكي طمنيني انا قلبي مش مستريح
خديجه : اهدي يا ماما جوزي كويس جدا معايا الحمدلله
ياسين كان معدي واستغرب انها قالت كدا
ام خديجه : متأكده يابنتي
خديجه : عيب عليكي ياحجه وحاولت تتهرب من الموضوع فا قالت وبعدين فين البت ريم
ام خديجه : قالت هاتجيلك كمان يومين
خديجه : ماشي ياحبيبتي يالا نخرج نقعد معاهم
ياسين راح مكانه قبل مايوصلوا
وفضل سرحان ازاى ماقالتشي لأمها
بعد شويه قاموا مشيوا
ياسين : اتفضلي علي اوضتك وياريت ماتخرجيش
خديجه : حاضر ودخلت تنام لاقيت ايدها بتنزف وحسيت بوجع جامد
طلعت لياسين وخبطت
ياسين قام فتح : نعم
خديجه بدموع: ايدي تعباني اوي ممكن تجبلي مسكن من فضلك
ياسين بص لايدها لقاها وارمه وزارقه وبتنزف : لا وروحي نامي
خديجه بعياط : ابوس ايدك والله انا اسفه اني دخلت حياتك ماكنتيش اعرف ان في في حياتك حد مش زنبي وعايز تتجوز براحتك والله مش ممانعة بس ساعدني والله ايدي تعباني
ياسين عارف ان كلامها كله صح : تعالي اوديكي لدكتوره
خديجه: حاضر حاضر ولبست علطول وراحت معاه
للدكتوره : للاسف لازم عمليه انا قلت ممنوع الحركه لازم عمليه علشان تقدري تحركيها
خديجه بصت لياسين لانها عارفه انه هايرفض
ياسين : والعمليه دي امتي
الدكتوره : دلوقتي علشان ما تاثرشي عليها مدي الحياه
ياسين : تمام جهزي العمليات
خديجه بصتله بخوف
الدكتوره : تمام خلال ربع ساعه ان شاءالله هاندخلها
اتفضل ياسين وخديجه في الاوضه
خديجه : انا مش عايزه اعمل عمليه انا خايفه
ياسين بغضب : بقولك اي انا مش عايز اشيل زنبك تمام هاتعمليها ورجلك فوق رقبتك
خديجه بخوف ودموع : حاضر
عدا الربع ساعه
وخديجه دخلت العمليات
ياسين : انا ليه متوتر ماتخفي ورن علي ايسل علشان ينسي خديجه
بعد شويه خديجه طلعت وكان باين عليها الإرهاق.
بدأت تفتح عينها
ياسين : حاسه بايه
خديجه: ايدي تعباني اوي
الدكتوره دخلت : اكيد.هاتتعبك شويه دي عمليه فا لازم راحه تلت ايام ان شاءالله والا للاسف مش هاتقدري تحركيها تاني
خديجه بصت في الارض
ياسين: هاتخرج امتي
الدكتوره: تقدر تخرج دلوقتي
خدها ومشي
ياسين: ارتاحي انتي اليومين دول وصدقيني هاندمك بعد كدا
خديجه: شكرا ودخلت الاوضه
صباح يوم جديد
ياسين قام جهز ونزل
خديجه كانت لسه قايمه وخارجه
ياسين: انا رايح الشغل سلام
خديجه هزت دماغها
ياسين راح الشغل وكان متعصب جامد
وكل الموظفين خايفين منه
مراد دخله : مالك يابني متعصب ليه
ياسين: انا عايز اطلق البت دي
مراد: طاب وامك
ياسين: انا شهرين واطلقها
مراد: اهدي بس علشان امك ماتزعلشي منك
ياسين : اهدي ازاى وانا بحب واحده تانيه
مراد: انت عارف انها ماتنفعكشي وانت مش بتحبها بس بتكابر يا صاحبي
ياسين قامله وشده من هدومه : ماعنتيش تتكلم عليها
مراد : ماكنتيش اعرف انها اهم مني ربنا يهديك ويفتح بصيرتك قبل ما مراتك تضيع منك سلام يا يا صاحبي
وسابه ومشي
ياسين حدف كل حاجه علي المكتب : اووووف ماكنشي ينفع ازعقله برضو
وراحله المكتب
ياسين: احم مراد انت عارف اني متعصب اليومين دول ماتزعلشي
مراد قامله : مش زعلان منك بس فكر تاني
ياسين : قفل علي الحوار دا
المهم تعالي معايا نتغدا فيةالبيت
مراد : بس مراتك ولسه هايكمل
ياسين : قلت تعالي
مراد : ماشي
وراحوا البيت
ياسين دخل البيت بلغ خديجه ان صاحبه معاه
خديجه طلعت جهزت الاكل بس وهي بتتوجع.
ياسين دخل عليها لقاها بتعيط
قام ضاربها بالقلم : انتي مش بتسمعي الكلام ليييييي مش الزفته قالت ممنوع والا عايزه تلبسيني مصيبه واكون انا السبب
خديجه كانت مصدومه وبعدين رادت: انا اسفه عن اذنك
ياسين طلع وهو متعصب
مراد: في ايه
ياسين : مافيش المهم بكرا تيجي معايا اخطب ايسل
خديجه كانت طالعه وجايبه قهوه ليهم وقعت الصنيه
واتصدمت من الكلام
....
شكرا علي تفاعلكم القمر لو جابت ١٠٠٠ كومنت هانزل كمان بارت ان شاءالله
البارت الخامس من روايه #منتقبه_اوقعتني_في_حبها
بقلمي #هدير_بدر
ياسين : ايه خلاكي تطلعي وكمان مش قلتلك تخشي اوضتك وماتعمليش حاجه
خديجه : اسفه عن اذنكم
مراد كان حزين اوي : ليه عملت كدا
ياسين : فكك بقا المهم هاخطب ايسل
مراد بعصبيه: طاب وخديجه
ياسين : ماتجبشي سيرتها وهي عارفه اصلا اني هاطلقها كمان شهرين واني هاتجوز
مراد : براحتك اعمل اللي يعجبك بس هاتندم سلام
ياسين : استني
مراد : من غير استني ومبروك علي الخطوبه انا مش جاي عن اذنك
وسابه ومشي .
ياسين كان متنرفز دخل لخديجة
خديجه اتخضت من فتحت الباب
ياسين : ممكن اعرف مش بتسمعي كلامي ليييييه وكمان بتتصنتي على الكلام
خديجه : اولا ماتصنتيش انا كنت داخله اقدم الحاجه بس ثانيا انا ماسمعتيش كلامك علشان حضرتك هاتقعد مع صاحبك ومش هاتقدر تقوم تجيب انت القهوه وتسيبه صح
ياسين اضايق وعارف أن كلامها صح : ماشي انا رايح أتقدم لايسل النهارده ووالدها طالب انك تيجي معايا علشان يتأكد انك موافقه وأننا هانطلق اصلا .
خديجه بدموع : تمام انا موافقه
ياسين اضايق انها وافقت وبعدين طنش الفكره : تمام وسابها ومشي
خديجه قامت اتوضت وصليت وفضلت تعيط لحد مانامت
ياسين كلم امه وبلغها انه رايح يخطب ايسل
فيروز :اهلا بالعريس يبقا عايز تخطبها من غير موافقتي وجاي تقولى دلوقتي حلو والله بقا امك مالهاش لازمه طاب ومراتك مافكرتيش انك كدا بتجرحها
ياسين بزعيق : ماتقوليش مراتى انا سمعت كلامك مش اكتر وانتى عارفه انى مش بحبها ولا هاحبها وماعرفشى ازاى قبلت بواحد مش طايقها والا بصيت على فلوسى ولاقتني مدير شركه ابوها
فيروز ضربته بالقلم وخديجه سمعت الكلام وعيطت علشان ظلمها
فيروز : اخرص دى انضف منك انا اللى غلطانه وعلى العموم انا اللى خليتها توافق واقنعتها بيك خديجه كانت رفضاك لما عرفت انك مش بتصلي
ياسين اتصدم من كلام امه : يعني اى
فيروز : ابقا اعرف من مراتك ولو خطبت البت دى لا انا امك ولا اعرفك وهاعتبر ابنى مات مش دة ابني اللى ربيته اصلا ابني ماكانشي بيبص لواحده ست ابني ماكنشي بيسيب فرض وكان نفسه يتجوز واحده زي خديجه لكن صحابك عموك وبعدوك عن طريق ربنا روح ربنا يغفرلك قبل ما الأوان يفوت وتقول ياريتني في وقت مش هاينفع فيه الندم سلام
وسابته ومشيت
ياسين دمع من كلامها
بص جنبه لقي خديجه منهاره
ياسين راحلها : ممكن اعرف امى قالتلك اى
خديجه بصيت في الارض وجسمها اترعش
ياسين ضمها ليه : ششششش اهدى انا عايز بس اعرف
خديجه كانت اكنها مشلوله من حركته : احم
ياسين خد باله من اللى عمله : اسف بس قوليلي قالتلك اى
خديجه بدأت تحكي
فلاش باك
خديجه كانت قاعده متوتره وفاجاه فيروز دخلت عليها
فيروز: ممكن تسيبونا لوحدنا
كله خرج
فيروز : بصي يابنتي انا عارفه لو عرفتي انه مش بيصلي هاترفضي بس ارجوكي وافقي هو كان كويس وبيصلي ومش بيسيب المسجد بس للاسف اتلم علي صحاب مش كويسين خلوه يبقا مع بنات وكدا
وهو مفكر انه بيحب بنت بس قلبه معمي ارجوكي ساعديني يرجعلى انا عارفه انك الوحيده اللي تقدري تساعديني
خديجه : دا جواز مش لعبه يعني اساعده يرجعلك طب وحياتي بعد كدا
فيروز : صدقيني هايحبك انا متأكده ودا هايبقا جوزك والست وشطارتها انا عندي القلب ومش بقياله ارجوكي حققي امنيتي قبل مأموت
خديجه باست ايدها : بعد الشر عليكي انا موافقه بس لو مش انتظم في الصلاه انا للاسف هاطلق
فيروز: ماشي يابنتي
بااااك
ياسين فضل باصصلها واد اي امه بتسعي علشان يرجع لربنا
ياسين بصلها بدموع : بس انا بحب ايسل ولازم اتجوزها علشان وعدتها
خديجه : ربنا يسعدك انا عمري ماقف ادام سعدتك
بس اتمني تقرب من ربنا تاني علشانك وعلشان مامتك
عن اذنك
ياسين دخل اوضته اد اي حياته بقيت مش حلوة بقا كل حاجه بيعملها غلط من امتي بيلمس واحده حرام عليه لسه مش حلاله افتكر اخر مره كان ماسك فيها المصحف كانت من سنين
ياسين عيط وقرر يقوم يصلي
اول ما سجد عيط جامد
ياسين : يارب ارشدني انا عارف اني عملت حاجات كتير غلط يارب سامحني
خلص صلاه ورن علي ايسل
ياسين : ازيك يا ايسل معلشي مش اعرف اجي النهارده بس عايز اطلب منك طلب
ايسل : ازاى مش جاي
ياسين: جالي شغل معلشي
ايسل : ماشي قولى ايه طلبك
ياسين : تغيري لبسك علشان يرضي ربنا
ايسل بزعيق: ااااه قول بقا ان ستنا الشيخه اللي عندك عملت دماغك سلام
وقفلت في وشه
ياسين كان مخنوق وهو بيكلمها وبعدين اقنع نفسه انه لازم يخليها تتغير ويتجوزها علشان وعدها
....
مراد كان ماشي بالعربيه بسرعه كان متعصب من صاحبه وفاجاه بنت عديت ادامه خبطها
.....
تفاعل وقولولى رايكم لو جابت ٥٠٠ كومنت هانزل الجديد
البارت 6_7_8_9_10من هنا هنا
تعليقات
إرسال تعليق