 |
البارت السادس من روايه
6_7_8_9_10
#منتقبه_اوقعتني_في_حبها
بقلمي #هدير_بدر
مراد اتصدم ونزل جري
لقي واحده مرميه ادامه منتقبه اتردد يشيلها وبعدين شالها
وجري بالعربيه للمستشفي
مراد شايلها وفضل يجري في المستشفي: دكتور بسرعه
الممرضين جوم خدوها منه
وهو فضل قاعد قلقان برا
وبعدين رن علي ياسين
مراد بقلق : ياسين الحقني
ياسين: في اي
مراد : انا خبط واحده بالعربيه
ياريت تيجي وهات مراتك معاك علشان هي منتقبه فا هي هاتساعدها لما تفوق
ياسين متفهما : حاضر حاضر ابعتلى اللوكيشن بتاع المستشفي
مراد : تمام هابعتهولك في مسدج
ياسين قام بلغ خديجه تجهز وهي قامت جهزت وهو كمان
وبعدين شرحلها كل حاجه في الطريق وهي اتفهمت الموقف
وصلوا المستشفي
مراد جري علي ياسين : والله ماكان قصدي اخبطها انا كنت ماشي وفاجاه هي وقفت ادامي
ياسين : خير ان شاءالله ماتقلقشي
خديجه كانت واقفه في جنب
وبعدين الدكتور طلع
ياسين ومراد جريوا عليه
مراد بقلق : خير يادكتور
الدكتور: هي حصلها كسور وحالتها بقيت مستقره دلوقتي تقدروا تخشولها
خديجه استأذنت ياسين تخشلها الاول علشان النقاب وبعدين هاتخرج تنادهله
خديجه اول مادخلت اتصدمت
ريم!!!
ريم بعياط : خديجه الحقيني انا تعبانه اوي
خديجه جريت عليها حضنتها وفضلت تهديها
خديجه : اهدي ياحبيبتي دا اكيد بلاء من ربنا واحنا متعلمين اننا نصبر علي البلاء صح
ريم مسحت دموعها : صح
بس الدكتور شاف وشي وانا كنتيش في وعيي ربنا هايسامحني
خديجه بهدوء : الضروروات تبيح المحظورات طلما مش قصدك خلاص وهو دكتور اينعم لازم دكتوره بس طلما مش في وعيك ماتلوميش نفسك واستغفري ربك
ريم هديت وفضلت تستغفر ربها
خديجه : هالبسك النقاب علشان اللي خبطك صاحب ياسين وعايز يعتزرلك
ريم : ماشي
خديجه جهزتها وبعدين ندهت لياسين
مراد دخلها وهو حزين : انا اسف والله عايزه تقدمي بلاغ براحتك بس ماكنشي قصدي حاجه صدقيني انتي فاجاه جيتي ادامي ماعرفتيش أوقف العربيه
ريم بهدوء : عادي حصل خير الحمدلله انها جات علي اد كدا
مراد : طاب قدمي بلاغ عادي علشان دا حقك
ريم بحرج : لا كويس انها جات علي اد كدا
ياسين ومراد كانوا اطمنوا عليهم
ياسين بص لخديجة
خديجه راحتله : هي صاحبتي الوحيده ولازم أقف معاها
ياسين : مين دي
خديجه : ماهي اللي جوا صاحبتي
مراد سمعها واتصدم : معقوله اكيد لا
خديجه : ينفع اقعد معاها
ياسين : تمام انا هاقعد مع مراد شويه اما تخلصي رني عليا
خديجه: تمام
وبعدين خديجه قعدت مع ريم
ريم ما تحكيلي قصه زي زمان وحيات عيالك انتي وحشاني وواحشني قصصك ياشيخه وبعدين انا ادشدشت وانا جيالك ياريتني ماعملتلك مفاجاه ولا نيله
خديجه ضحكت عليها : طيب ياستي هاقولك قصه حلوة
قصه سيدنا خباب بن الارت
سيدنا خباب كان بيشتغل عبد عن سيده قرشيه اسمها ام أنمار الست دا كان معروف عنها القوه فا هو كان بيعمل في محل للحداده فا فى مره اتأخر الرجاله استغربت من تأخيره فلما رجع سالوه عن سبب تأخيره كانت علي وشه الفرحه وماكنشي سامع كلامهم وكان علي لسانه جمله واحده هل رايتموه هل سمعتم كلامه
فاستغربوا اكتر وحسوا ان في حاجه فسالوه رايته انت ياخباب
فرفع ايده للسما ورد بصوت عميق وواثق اجل رأيته وسمعته رأيت الحق ينفجر من جوانبه والنور يتلالا من جوانحه ولسه هايكمل
الرجاله قطعوه وقالو هل تقصد محمد
فرد عليهم بابتسامه ايوا الذي جاي ليخرج الناس من الظلمات للنور
ولسه هايكمل لقاهم فضلوا يضربوا فيه لحد ماغمي عليه سابوه مرمي علي الارض وراحوا قالوا لسيدته
بقيت بتحمي الحديد وتكوي بيه جسده واطرافه وراسه
وسيدنا خباب كان صابر وماكنشي بيتالم
لحد مالرسول شافه في الوقت دا الرسول ماكنشي قادر يحمي المسلمين الضعاف فا فضل يدعيله
لحد مافي يوم ام أنمار رأسها وجعتها وبدأت تغير صوتها لنباح كلب فا الدكتور في الوقت دا قالها علاجك لازم الكوي فا كان كل يوم بيكوي رأسها الصبح وبليل وسيدنا خباب كان السبب في اسلام سيدنا عمر لانه قرأ عليه آيات من طه فا اسلم سيدنا عمر
وبس ياستي
شوفتي بقا ازاى سيدنا خباب صبر وربنا اداله اللي احنا بنتمناه
ريم : قصه حلوة اوي ربنا يرزقنا الجنه ويخليكي ليا
ياسين كان لسه هايخبط علي الباب سمع القصه فرح اوي وقلبه ارتاح
وبعدين خبط
خديجه ظبطت نقاب ريم ونقابها وبعدين فتحت لياسين
ياسين: الدكتور اذن ليها بالخروج
خديجه بصتله بتوتر وقالتله بصوت واطي : ينفع نوصلها مش هاتقدر تمشي ولا انا اقدر اسيبها
ياسين بابتسامه: اكيد.بس مين هايساعدها
خديجه: انا
ياسين : بس ايدك
خديجه : لا ماتقلقشي جهز بس العربيه
وهي بدأت تسند ريم لحد ماوصلت للعربيه ووصلوها للبيت
خديجه وصلتها لفوق : لو احتاجتي حاجه رني عليا هانزل انا بقا ولينا قاعده مع بعض
ريم : ماشي ياحبيبتي
ام ريم : كدا برضو تمشي من غير ماتقعدي معانا
خديجه : معلشي يا أمي لازم امشي علشان جوزي تحت
ام ريم بزعل : ودي تيجي برضو ماطلعتهوش ليه يابنتي
خديجه : معلشي علشان اتاخرنا وهو عنده شغل والف سلامه علي ريم سلام عليكم
ام ريم وريم : وعليكم السلام
خديجه نزلت لياسين
واول مادخلوا البيت
ياسين : خديجه لو سمحت هاطلب منك طلب
خديجه : اتفضل
ياسين : ممكن تقنعي امي اخطب ايسل وانا هاغيرها والله واخليها كويسه
خديجه حسيت بنغزه في قلبها: حاضر عن اذنك
ياسين كان مضايق بس مش عارف من ايه : هو اضايقت ليه ما خديجه هاتخليني اتجوز اللي بحبها
خديجه دخلت غيرت وافتكرت ان مش معاها فون
راحت لياسين تخبط عليه
ياسين خرج : نعم
خديجه : احم مش معايا فون ومش هاقدر ارن علي مامتك .
ياسين : بكرا ان شاءالله اجبلك فون
خديجه : لا لا قولى بس رقمها وفي فون ارضي تحت
ياسين ملاها الرقم وهي نزلت تكلم مامته
ياسين كان عنده فضول اوي يسمع هاتقول لمامته اي
خديجه : سلام عليكم ازيك يا أمي عامله اي انا خديجه
فيروز : اهلا ياحبيبتي عامله اي طمنيني
خديجه : في زحام من النعم ممكن ياماما اطلب منك طلب
فيروز : قولى ياحبيبتي
خديجه : ممكن توافقي علي خطوبه ياسين وايسل وهو اتغير وقال انه هايغيرها اتمني ماتقفيش ادام سعادته
فيروز بصدمه : سعادته طب وانتي ما دا حبك اصلا انتي نسيتي انك بتحبيه ومن زمان
خديجه : وانا بحبه وعلشان كدا عايزاه سعيد في حياته ارجوكي يا أمي وافقي
ياسين بصدمه بتحبني
...
لو وصل بكرا ل ٥٠٠كومنت هانزل ان شاءالله علطول شكرا جدا ليكم
البارت السابع من روايه #منتقبه_اوقعتني_في_حبها
بقلمي #هدير_بدر
ياسين: ازاى بتحبني انا مش فاهم حاجه يعني هي مش مجبره عليا
وبعدين قال لنفسه : ايه اللي بقوله دا انا لازم اتجوز ايسل علشان واعدها يارب ارشدني للصح
وبعدين نام
خديجه خلصت مكالمه مع فيروز
ودخلت اتوضت وصليت وفضلت تعيط وتدعي ربها يربط علي قلبها وخلصت ونامت
في صباح يوم جديد
فيروز راحت لياسين وخبطت علي ياسين
ياسين صحي علي الخبط : ايوة جاي
وبعدين لقي امه اتصدم
فيروز: صحيلي خديجه علشان عايزاكم
ياسين بتوتر : حاضر
فيروز شكيت فيه : هي فين خديجه
ياسين : نايمه يا أمي اكيد
فيروز : نادهالى
ياسين بص في الارض
فيروز : بقولك نادهالي وبعدين زقته
فيروز بعصبيه : فين مراتك
ياسين : هاتلاقيها تحت
فيروز : تحت فين
ياسين : ماعرفشي
فيروز : انطق مراتك فين وريني هي فين وودتها فين
ياسين نزل ادام فيروز بعد اصرارها
فيروز بصدمه: منيم مراتك في اوضه الخدم
ياسين بص في الارض
فيروز : دي اخر تربيتي فيك يعني واحده وافقت تتجوزك علشان امك وانت رميها في اوضه الخدم ودخلت لخديجة
خديجه كانت عرقانه جدا
فيروز جايه تمسكها : يانهار اسود البت مولعه
ياسين دخل جري : في اي
فيروز : خديجه مولعه منك لله يابني منك لله
وبدأت تفوق خديجه
خديجه صحيت وهي بتتوجع من ايدها
فيروز : مالك ياحبيبتي اي واجعك
خديجه اتصدمت لما شافت امه : ماما
وقامت جري وبعدين داخت ياسين لحقها
خديجه اتحرجت : اسفه معلشي
وبعدين بصيت لفيروز بتوتر : خمس دقايق واكون مجهزه الفطار
فيروز : فطار اي مين نيمك هنا
خديجه بتوتر : انا اصل اصل
فيروز : كل حاجه واضحه ما بلغتنيش ليه باللي ابني عمله قوليلي عمل فيكي اي تاني
خديجه بحنان : باست ايدها صدقيني مافيش حاجه انا اللي حبيت انام هنا علشان دا مش بيتي
يالا بقا هاجهز الفطار
وسابتهم وراحت تجهز الفطار
فيروز : انا عارفه كويس اوي انك انت السبب بس صدقني لو عرفت انك اذتها هاتزعل مني
ياسين : حاضر وقعدوا
خديجه ندهت لياسين
خديجه : احم بص مش هاعرف اشيل الأطباق ينفع تساعدني
ياسين بصلها : وبعدين شال الأطباق
خديجه راحت قعدت جنبه علشان تبين ادام امه انهم كويسين
خديجه بصتله بخوف
ياسين طمنها بنظرته
فيروز : وانتي بتروحي الكليه بقا بتاعتك يا حبيبتي
خديجه : لا اصل واخده اجازه اليومين دول
ياسين : هي كليه اي
فيروز: ماتعرفشي مراتك كليه ايه
مراتك في آخر سنه في الهندسه
ياسين: ماشاء الله
فيروز : طبعا مكانها معروف في الشركه
ياسين : ان شاءالله
خديجه كانت بصه في الطبق وساكته
فيروز : ايه ياحبيبتي مش بتاكلى ليه
خديجه: لا باكل اهو
وكلوا وياسين قام شال الأطباق وأمه فرحانه بس مش مبينه
خديجه دخلت المطبخ ماكنتشي قادره تحرك ايدها وفضلت تعيط
ياسين كان داخل لقاها واقفه جنب الحيطه بتعيط اكنها طفله
ياسين بقلق : بتعيطي ليه
خديجه مسحت دموعها بكفوف ايدها زي الأطفال : ايدي وجعاني شويه
ياسين بقلق وزعيق: علشان تسندي صاحبتك
خديجه : ماكنشي ينفع راجل يلمسها
ياسين: طاب وريني كدا
ومسك ايدها خديجه حسيت ببرود في جسمها من لمسته
ياسين : بعد ما امي تمشي هانروح للدكتوره اهدي
خديجه: لا لا مش مهم يالا علشان مامتك لوحدها
وطلعوا
فيروز: خديجه ياحبيبتي انتي سخنه وشكلك تعبانه جامد
خديجه : لا تلاقيها حبه سخنيه بسيطه ماتقلقيش المهم اخبار حضرتك اي
فيروز : الحمدلله ياحبيبتي المهم عايز تخطب ايسل اخطبها
ياسين بصلها : بجد
خديجه بصتله وفرحت لفرحه بس قلبها كان واجعها
فيروز : ايوا شوف عايز تروح امتي وهانروح
ياسين : احم بس باباها عايز خديجه علشان يتأكد ان خديجه مش عايزاني
فيروز : ماشاء الله ابوها عارف انك متجوز وعايزك تطلق مراتك حلو
علي العموم ماترجعشي تندم
ياسين : خلاص هانروح النهارده
فيروز: لا روح انت ومراتك وبعدين يوم الخطوبه ابقا احضر عن اذنكم
خديجه : طاب استني بس تتغدي معانا
فيروز : لا ياحبيبتي اسيبكم انا
ومشيت
ياسين بص لخديجة: قومي اجهزي علشان نروح للدكتوره
خديجه : لا لا بقيت كويسه المهم اجهز علشان نروح في الميعاد اللي انت محدده
ياسين : تمام شكرا جدا
خديجه: لا مافيش شكر ولا حاجه بلغني بس اجهز امتي
ياسين : المغرب ان شاءالله
خديجه : ان شاءالله وسابته ودخلت وفضلت تعيط
ياسين حس بوجع في قلبه بس كام بيطرد اي شعور
ياسين طلع كلم ايسل وبلغها انهم جايين بليل
ايسل فرحت جدا
وقامت بلغت أهلها
جيه بليل
خديجه جهزت ولبست دريس بينك وعليه نقاب اوف وايت وهيلز اوف وايت
وكانت ايه في الجمال
ياسين جهز ونزل فضل متنحلها
ياسين : احم يالا
خديجه : يالا
ياسين وخديجه راحوا عند ايسل
ابو ايسل : اهلا يا ياسين يابني
ياسين: اهلا بيك ياعمي
حضرتك عارف انا جاى ليه .
ابو ايسل : ايوا يابني بس عايز اعرف هاطلق مراتك والا لا
ياسين بص لخديجة: ايوا كمان شهرين
ابو ايسل : ماشي حلو اوى
ايسل طلعت وكانت لابسه فستان عند الركبه ومسيبه شعرها ياسين علطول بيشوفها كدة بس المره دى كان مخنوق
ياسين: ايه اللى لبساه دا
ايسل : دا لبسي وانت عارف
ياسين حاول يهدي
وبعدين قروا الفاتحه
ايسل : بقولك اى ياخديجه ماتقومى تساعدى ماما كدا كدا عايزه اقعد مع خطيبي
خديجه بصيت لياسين بدموع
ياسين: ايه اللى بتقوليه دا
ابو ايسل : وفيها اى يابني
ايسل قربت من ياسين: لو ماقامتشي نفسخ الخطوبه
خديجه سمعت كلامها قامت : هاقوم اساعد طنط عادى
ياسين كان حزين
وبعدين خديجه خرجت
كانت أم ايسل وخالاتها
ام ايسل : وانتى ياختي بصلك ليه
خديجه حزنت : نصيب
ام ايسل ش.دتها من شعرها : عارفه لو لفيتي على خطيب بنتي هاموتك
واتلموا عليها ضربوها
خديجه كانت هاتموت في ايدهم سابوها
ام ايسل : دى قرصت ودن وقومي جهزى الاكل ولو خطيب بنتي عرف هاتزعلى
خديجه قامت وهي بتعيط من الظلم دا وعملت الاكل بس ايدها ماكنتشي قادره تستحمل طلعت لياسين بصتله
ياسين حس ان فيها حاجه ( ماننساش هي منتقبه فا مش باين انها مضروبه )
ياسين : في حاجه ياخديجه
خديجه بصتله : اصل واغمي عليها
تفاعل ورايكم
البارت الثامن من روايه #منتقبه_اوقعتني_في_حبها
بقلمي #هدير_بدر
ياسين قام جري : خديجه خديجه
ام ايسل جات جري علشان ماحدش يكتشف اللي عملوه
ام ايسل : تعالي يا امينه(اختها)
هاتها يابني هانفوقها ماتقلقشي
وخدوها جوا فوقوها
ام ايسل : اقسم بالله لو نطقتي مش هايكفيني فيكي موتك فاهمه
خديجه بعياط: فاهمه
ياسين خبط
خديجه نزلت النقاب بسرعه
ياسين : خديجه يالا علشان نروح
خديجه هزيت دماغها ومشيت معاه
ياسين في العربيه : ممكن اعرف اغمي عليكي ليه
خديجه : لا مافيش حاجه ممكن إرهاق
ياسين: يبقا نروح لدكتوره نطمن
خديجه : صدقني مافيش حاجه ماتقلقشي
روحوا البيت وخديجه دخلت اوضتها جري
وفضلت تعيط وضمت نفسها
وفضلت تهدي نفسها : انا عارفه ان ربنا هايعوضني انا واثقه من كدا يارب صبرني يارب وخدلى حقي
ياسين كان قلقان عليها نزل خبط عليها
خديجه نزلت النقاب وقامت
ياسين استغرب: انتي لابسه النقاب ليه
خديجه : ها لا لا اصل كنت بصلي
ياسين حس بكدبها: متأكده
خديجه: ايوا ايوا حضرتك عايز حاجه
ياسين باحراج ومش عارف يقول اي : لا مافيش كنت جاي اطمن عليكي
خديجه : لا انا بخير الحمدلله ما تقلقشي
ياسين : طب خدي بالك من نفسك ولو في حاجه عرفيني
خديجه: حاضر شكرا ودخلت جوا
ياسين خبط تاني
خديجه : ايوا
ياسين : احم تعالي اوديكي اوضتك
خديجه: لا لا انا مرتاحه هنا صدقني
ياسين : بقولك تعالي اوضتك
خديجه سمعت كلامه وطلعت
ياسين : دي اوضتك وفيها هدومك وكل حاجه
خديجه : شكرا
ياسين : مافيش شكر بينا اتفضلي صحيح هاتروحي الكليه بكرا
خديجه : اللي حضرتك تشوفه
ياسين : انا ماعرفتيش تقديرك طيب
خديجه : احم الأولى علي الدفعه الحمدلله
ياسين: ماشاء الله لا دا انتي تشتغلي معايا بقا
خديجه : ان شاءالله عن اذنك
ودخلت جوا
ياسين حس بحاجه غريبه بس نفض الفكره ودخل اوضته
خديجه نامت بتعب وجسمها كان كله كدمات
وماعرفتشي تنام من ايدها
قامت تصلي وبعدين نامت مكانها
ياسين دخل عليها وهي نايمه علشان حس ان فيها حاجه مخبياها
دخل اتصدم
ياسين : خديجه
خديجه صحيت مفزوعه وخبت وشها بسرعه : ن نعم
ياسين : مين عمل فيكي كدا
وايه اللي في وشك دا
خديجه بعياط : لا لا اصل وقعت
ياسين : خديجه شايفك قبل ماتلبسي كويسه فهميني
خديجه : صدقني مافيش حاجه
ياسين : وريني ايدك وشد ايدها خديجه اتوجعت
ياسين اتصدم من العلامات اللي في ايدها وكمان ايدها اللي كانت وجعاها مزرقه وورامه جدا
ياسين : فهميني حالا مين عمل فيكي كدا
خديجه: صدقني مافيش
ياسين : تمام قومي البسي
خديجه بخوف : لي
ياسين : بقولك قومي البسي بدال ماقوم البسك بنفسي
خديجه.قامت تجري تلبس
وياسين جهز
خديجه جهزت وطلعت
ياسين: اتفضلي
وركبوا العربيه
وخديجه.فضلت باصه في الارض بعياط
راحوا للدكتوره
ياسين : دكتوره لو سمحت عايزك تطمنيني علي مراتي وكمان تقوليلي اللي في جسمها هل ضرب والا واقعه
خديجه بصتله بصدمه : لا
الدكتوره : تمام اتفضلي يامدام
الدكتوره بدأت تكشف علي خديجه
وبعدين طلعت لياسين
الدكتوره : للاسف المدام جسمها اغلبيته كمادات وعندها كسر ضلع غير كدا هي عندها حمي وايدها للاسف هايعدي اسبوع لازم راحه تامه لو فضلت وجعاها للاسف مش هاتقدر تحركها تاني
ياسين اتصدم : طب ياريت تكتبي علاج لو لاقيت فيها حاجه بعده اعرفي ان اخر يوم في شغلك
الدكتوره بخوف : حا حاضر وكتبت محاليل ليها علشان ضعفها
ياسين : وكسر الضلع
الدكتوره : هاتلبسها دا هايمسك الضلع لمده اسبوعين ان شاءالله وتيجي اطمن عليها تاني
ياسين : تمام
خديجه طلعت بخوف وباصه في الارض
ياسين : يالا
خديجه : حاضر
ركبوا العربيه
وياسين فضل ساكت
روحوا البيت
ياسين رن علي الحارس : تجبلي العلاج دا حالا وتجبلى ممرضه تركب الكانولا
الحارس : حاضر يابيه
ياسين طلع هو وخديجه
ياسين: علي اوضتي
خديجه كانت هاتموت من الخوف: لي
ياسين : كلامي يتسمع
خديجه: حاضر
ياسين قفل الباب
خديجه وقفت بصدمه وخوف وحطت ايدها علي وشها : ابوس ايدك ماتضربنيش ماليش زنب
ياسين : قوليلي حالا مين عمل فيكي كدا
خديجه : ما ماحدش
ياسين بزعيق خلى خديجه خبطت في الحيطه من الخوف : قوليلي مين بدال والله تشوفي مني وش تاني
خديجه : بس والنبي ماتقولهم
ياسين : اخلصي
خديجه : ام ايسل وقرايبها علشان ماخدكشي من بنتهم وفضلت تعيط
ياسين اتصدم وبعدين بصلها : خدها ضمها ليه اهدي اهدي ماحصلشي حاجه احكيلي عملوا فيكي اي بالظبط
خديجه بدأت تحكيله وياسين اتخنق
ياسين : وحيات امهم لاربيهم
خديجه بتسرع: ابوس ايدك لا خلاص اللي حصل حصل وكدا كدا هاطلع من حياتك مش عايزه اكون السبب في مشاكل بينك وبين ايسل ابوس ايدك
ياسين : والله ابدا انتي مراتي ويعملوا فيكي كدا
خديجه فرحت انه قال مراتي مرتين
وفاجاه الحارس طلع خبط علي الباب وجاب الممرضه
خديجه بصتله
ياسين ؛ اتفضلي ركبلها المحاليل دي
خديجه بخوف : لا لا محاليل لا
ياسين عرف انها بتخاف
ياسين مسكها وخدها في حضنه: ششششششش اهدي اهدي وشاور للممرضه تركبلها
وخديجه كانت في عالم تاني وكانت محروجه جدا
ياسين غمزلها حسيتي بحاجه
خديجه بعدت عنه واتحرجت
وبصيت في الارض
الممرضه : كمان ساعتين ان شاءالله هاجي اشيله
ياسين: لا شكرا انا اقدر اتفضلي
وجاب البتاع اللي هايلبسه ليها علشان ضلعها(ونعديها علشان مش عارفه اسمها ) 😂😂
خديجه بصتله : ايه دا
ياسين :حضرتك ضلعك.مكسور لازم تلبسيه
خديجه : بس انا مش هاعرف البسه
ياسين : امال انا مهمتي اي
خديجه : ها قصدك ايه
ياسين : هاتعرفي وقرب منها ولسه هايلبسها
خديجه بحرج : لا لا انا احاول البسه
ياسين : بس يابت اسكتي مش المفروض الشرع امرك ان ماتعصيش اوامري
خديجه بصيت في الارض وهي هاتموت من الكسوف
ياسين : اوووف نسيت هاتنامي ازاى بلبسك دا استني اجبلك حاجه تلبسيها
خديجه بتسرع : لا لا انا مرتاحه كدا
ياسين سابها وراح جابلها بجامه : قومي البسي هي سهله تلبسيها ولو احتاجتي اساعدك.عادي
خديجه : بس مش هاعرف اقوم من المحلول
ياسين مش بداها بقا : ولبسها البجامه وخديجه هاتعيط من الكسوف
ومش قادره تبص في وشه
ياسين بحب لبسها البتاعه
وبعدين قعد جنبها
ياسين : ارتاحي علي لما اجبلك الاكل
خديجه : لا لا تعبتك معايا النهارده هانزل انا
ياسين : لا دا انتي عايزه الضرب بقا
خديجه بعياط وخوف : لا لا والنبي ماتضربنيش انا مش قصدي حاجه
ياسين : اهدي اهدي.كنت بهزر معاكي بس
خديجه: يعني مش هاتضربني
ياسين : لا ماتقلقيش هانزل انا
ونزل جابلها الاكل وهو مستغرب ليه خايف عليها كدا
وطلع
ياسين : يالا ياستي هاكلك بايدي اهو
خديجه: لا كدا كتير هاكل انا
ياسين اكنه ماسمعشي منها : وحط الاكل في بؤها بدا يأكلها خلصت شال الاكل ونزل
طلعلها
ياسين : بصي بقا ياستي بما اننا قاعدين هاطلب منك طلب
خديجه بصتله باهتمام : اتفضل
ياسين : تحكيلي قصه عن صحابي حابب اسمع
خديجه بصتله : بجد
ياسين : امال يالا بقا
خديجه بفرحه : ماشي
خديجه بدأت تحكيله
.....
يا ترا القصه هاتبقا علي مين
+ ياريت تقولولى رايكم في الكومنتات
البارت التاسع من روايه #منتقبه_اوقعتني_في_حبها
بقلمي #هدير_بدر
خديجه جايه تحكي اتوجعت
ياسين : في ايه مالك
خديجه بتعب : لا مافيش
ياسين : لا خلاص مش لازم
ياسين : نامي يالا علشان جسمك يرتاح
خديجه : لا لا انا عايزه انام ف اوضتي
ياسين بدا يقرب عليها
خديجه : احم هانام خلاص
ياسين نيمها وغطاها وفضل قاعد جنبها
هي نامت
جاب كمادات وفضل يعملها
بعد ساعتين شالها الكالونا وهي مسكت فيه جامد
ياسين فضل باصصلها وبعدين فاق
ونام عاي الكرسي جنبها
خديجه صحيت لاقيت ايد مسكاها وحاجه عليها تقيله
لاقيته ساند دماغه عليها ونايم
خديجه فضلت بصاله جامد لحد ماهو فاق
ياسين : انا جميل اوي كدا
خديجه اتحرجت جامد وبصيت في الارض : ك كنت لسه صاحيه و و
ياسين : خلاص ياستي مش لازم تبرري انتي بقيتي كويسه
خديجه : ايوا الحمدلله احسن
اسفه تعبتك معايا
ياسين : شششش بطلى عبط انا جبت العاملين تحت علشان هما يقوموا بواجبات البيت
وانا خدت اجازه النهارده
خديجه: ليه انا هاقدر اعمل
ياسين : شششش اللي اقوله يتسمع
طبيعي مش هاتروحي الكليه اليومين دول لحد ماتتحسني وانا جبتلك المحاضرات وبما اني مهندس شاطر هاتطوع واشرحلك
خديجه بضحكه : تبا لتواضعك بس حقيقي شكرا جدا
ياسين : ماتشكرنيش دا واجبي
الباب خبط كانت الداده
ياسين : اتفضلي يا داده
الداده حطيت الاكل وخرجت
ياسين بدا يأكلها
ايسل كانت جات وطلعت علي اوضه ياسين
دخلت عليهم
ايسل : ماشاء الله ايه الحلاوة دي
ياسين : ايسل
ايسل : ايوا ايسل وانتي يا خطافه الرجاله كدا فرحانه قاعده مع خطيبي بتعملى اي
ياسين: اطلعي برا يا ايسل
ايسل : بتطردني
خديجه: لا مش قصده انا هاخرج عن اذنكم
ياسين : مكانك يا خديجه
وانتي يا ايسل ماينفعشي تخشي عليا الاوضه انتي خطيبتي بس وغير كدا كفايه اللي امك عملته مع خديجه فا بكلمك باحترام وبقولك برا
خديجه : اهدي يا ياسين ماحصلشي حاجه لكل دا
ايسل بخبث: قصدك اي وامي عملت اي وفضلت تعيط انا عارفه انك مش عايز تتجوزني علشان كدا بتعمل اي حاجه تبعدني عنك
ياسين بصدمه : انا كدا
خديجه : انا اسفه
ايسل : ايوا من ساعه ما دي دخلت حياتك وانت ناسيني مش بترن عليا ولا بتكلمني خدتك مني قلتلك كدا في البدايه وانت قلت هابقا معاكي وفضلت تعيط
ياسين : شاف ان كلامها صح هو فعلا من ساعه ماخديجه دخلت حياته وحياته كلها بقيت عباره عنها حتي شغله
ياسين : هاكلمك يا ايسل حاضر اتفضلي بس دلوقتي
ايسل : هانتقابل العصر في مكانا عن اذنك
خديجه بصتله باسف وهو سابها وخرج
خديجه: انا بقيت سبب مشاكله
وفضلت تعيط
ياسين ركب عربيته وقعد في مكان هادي بعيد.عن الناس وفضل يردد كلام ايسل
وبعدين راحلها المكان
ايسل بصتله بعتاب : دا اتفاقك معايا وفضلت تعيط
ياسين : اهدي صدقيني هارجع تاني لطبيعتي
ايسل فضلت تعيط
ياسين: اسف بقا
ايسل : تاخدلى حقي
ياسين : ازاى
ايسل : انت قلت هاتعاملها كخدامه انت ماعملتيش كدا يا انا يا هي في حياتك
ياسين : اهلك ضربوها
ايسل: انا ماعرفشي حاجه عايز تسيبني براحتك
ياسين : خلاص يا ايسل هاعمل اللي يعجبك
ايسل ابتسمت بخبث
ياسين روح البيت وطلع لقي خديجه
ياسين : انا هاوديكي.عند.امي
خديجه بصتله : ليه
ياسين : كدا علشان اكيد مش واحده زيك تبعدني عن حبيبتي
خديجه : تمام انا اسفه اني دخلت حياتك بس انا عايزه اروح بيت اهلى
ياسين ضربها بالقلم: اللي قلته يتنفذ
خديجه بصتله بصدمه
خديجه : تمام
عن اذنك وقامت الاوضه بتاعتها وفضلت تعيط
ياسين اضايق وبعدين رن علي امه
ياسين: ايوا ياماما
فيروز : ايوا في حاجه
ياسين : لو سمحت عايزك تيجي القصر
فيروز بقلق : تمام
فيروز قامت بسرعه وراحتله
ياسين استقبلها : لو سمحت ياماما خدي خديجه عندك.مش مستعد اخسر ايسل بسببها
فيروز : ودي مراتك
ياسين: هاطلقها
فيروز: عايز تطلق خديجه اتفو عليك
وطلعت لخديجة لاقيتها تعبانه وباين عليها انها مضروبه
فيروز: ياسين اللي ضربك
خديجه: لا ياماما والله
بصي حضرتك ممكن تقعديني في اي بيت لحد الشهرين يخلصوا واروح لاهلى
فيروز : بس يابت وانا مش زي امك يالا ياحبيبتي قومي معايا بكرا يرجع ندمان قومي
خديجه قامت معاها
ياسين بصلها : اتفضلي علاجك
فيروز : اخفي من وشي
وماتدخليش بيت تاني
وسابوه ومشيوا
عدا شهر
وجيه يوم فرح ايسل وياسين
خديجه كانت قاعده في اوضتها بتعيط
فيروز : اهدي ياحبيبتي
خديجه : حاضر
ياسين كان بيحضر نفسه ومراد معاه بس كان حاسس بخنقه
مراد : مبروك ياصاحبي
ياسين : الله يبارك فيك ياخويا
وراحوا الفرح
خلص الفرح وياسين وايسل روحوا
عدا ايام
وكل يوم ايسل تطلب منه فلوس كتير
ايسل بدلع: بقولك ياحبيبي ماتيجي نروح عند مامتك نصالحها
ياسين بزعل : مش هاترضي
ايسل : يالا بس
وقاموا راحوا لفيروز
خديجه كانت قاعده ولاقيت ايسل وياسين ادامها قامت بصدمه اد ايه كان واحشها
فيروز كانت طالعه فى الوقت دا
فيروز : ايه جابك هنا ها
ايسل : جايين نطمن عليكي ياطنط
فيروز : خدي جوزك وروحوا ياختي
ياسين بدموع : ماتزعليش مني
فيروز ماهنشي عليها ابنها
خديجه بصتلها انها تسامحه
وبعدين راح حضنها وفيروز ماقدرتشي تمنع نفسها مهما كانت امه
وقعدوا مع بعض
وخديجه قامت تعمل قهوه
ايسل قامت وراها وهما مش شايفنها
واتعمدت تخبط فيها فا وقع القهوه عليها
خديجه صوتت : اااه مش قادره
فيروز وياسين قاموا جري
.....
شكر خاص Asmaa Badawi علي الغلاف القمر دا فرحتيني بالله
يالا تفاعل
ال العاشر من روايه #منتقبه_اوقعتني_في_حبها
بقلمي #هدير_بدر
فيروز : مين وقعها عليكي
خديجه : وقعت من ايدي اسفه
ياسين جري عليها بلهفه : هي ايدك لسه وجعاكي
فضلوا باصين لبعض شويه
وبعدين خديجه سحبت ايدها بهدوء
فيروز ابتسمت : وريني ياحبيبتي القهوه وقعت عليكي فين
خديجه اتحرجت : لا لا ماحصلشي حاجه انا هاقوم اغسل مكان ماوقعت واعملكم تاني
فيروز مسكت ايدها
ايسل موجوده ياحبيبتي ارتاحي انتي
روحي اعمليلنا انتي يا ايسل
وابتسمت بخبث
ايسل بصيتلها بغضب : ماشي
وراحت عملت وهي عماله تتوعد لخديجة
ياسين بص لخديجة وهو زعلان باللي عمله فيها
فيروز: وايسل عامله معاك اي
ياسين : الحمدلله يا أمي وانتي عامله ايه وانتي خديجه عامله اي
خديجه بصتله وسكتت
فيروز : الحمدلله كنت عايزاك تاخد خديجه معاك الشركه تدرب هناك
ياسين فرح
خديجه : بس ياماما
فيروز: مش بس ولا حاجه وعرفت ان صاحبتك برضو معاكي روحوا انتو الاتنين
خديجه بفرحه : بجد.
فيروز: ايوا ياحبيبتي بجد قومي اجهزي انتي علشان تروحي الكليه
ياسين : تمام اجهزي وانا اوصلك
خديجه بصتله: لا شكرا بعرف اوصل نفسي عن اذنك ياماما
وطلعت فوق
ياسين بص لاثرها بحزن
ايسل رنيت علي امها
ايسل بضيق : الو يا ماما
امها : مالك يابت في ايه
ايسل : الزفته دي وقعت عليها القهوه والآخر امه قالتلى اعملى انتي القهوه اووووف
امها : هي كدا باين عليها عايزه العلقه تاني اقفلى انتي وانا هاتصرف بس اسمعي كلام حماتك علشان جوزك
ايسل : ماشي ياماما وقفلت معاها
ايسل خرجت بالقهوه : الاه امال خديجه فين
فيروز: وراها كليه ياحبيبتي مش هاتقوم توصل خديجه يا ياسين
ياسين : حاضر يا أمي
ايسل : توصل مين
فيروز : مراته زي مانتي مراته
خديجه خلصت عايزه حاجه ياماما وباست ايدها
فيروز : لا ياحبيبتي علشان خاطري خلى ياسين يوصلك انتي تعبانه
خديجه بصيت في الارض : ماشي
ياسين لسه قايم
ايسل: خلاص ياحبيبي هاجي معاك علشان بعدها نطلع علي بيتنا
فيروز اضايقت
ياسين: ماشي اتفضلوا
خديجه ركبت ورا وايسل جنب ياسين
ايسل : الا قوليلي انتي بتشوفي بالبتاع دا
خديجه : امال بنمشي ازاى
ايسل : أصله مكبرك اوي ومش باينلك ملامح
خديجه بابتسامه : علشان جسمي مش سلعه كله يشوفها غير كدا كفايه اني كبيره عند ربنا احنا جايين هنا نعبد ربنا مش جايين نشوف الموضه وربنا كرمنا وجعلنا غاليين علشان كدا مخلينا نخبي جسمنا وجعلنا زي الجوهره اللي مقفول عليها
ايسل اضايقت من كلمها وحسيت انها بتلقح عليها
ياسين فرح جدا من كلامها
وكلهم سكتوا وياسين كل شويه يبص لخديجة من المرايه
وصلوا
ياسين : بتخلصي امتي علشان اجي اجيبك
خديجه: لا شكرا عن اذنك
وسابته ومشيت
ياسين بص لاثرها بحزن
ايسل بصتله بشك: مالك زعلان ليه يكونشي حبيتها
ياسين : احب مين يابنتي انا بحبك انتي وبس
ايسل : حبيبي ممكن تجبلي ٥٠٠٠ جنيه اروح اعمل شوبينج
ياسين : وانتي مش كنتي بتعملى امبارح
ايسل: مستخسر فيا
ياسين: لا ياستي اتفضلي
ايسل باسته من خده: حبيبي
نزلني عن المول بقا
ياسين نزلها
وبعدين راح علي شركته كان داخل متعصب وعمال يفكر في بعد خديجه عنه وتجنبها ليه
ياسين : عايز ورق الملفات دي حالا
كله كان خايف منه
السكرتيرة دخلت اديته الملفات وطلعت
مراد جيه : مالك يابني متعصب ليه انت أحوالك مش عجباني اليومين دول
ياسين: ماعرفشي مالي متلغبط حقيقي مش طايق نفسي
ايسل وصلت المول وبعدين دخلت كافيه كانت امها موجوده
ايسل حكتلها كل حاجه
امها : يابت شكله حبها انتي بقة ادلعي في البيت كدا وسيبي الباقي عليا هي البت دي كليه اي
ايسل : هندسه ياختي
امها : كمان طيب اديني العنوان ومالكيش دعوة
ايسل مليتها العنوان وراحت البيت
خديجه قابلت ريم
ريم : حبيبتاااااي وحشاني اد البحر وسمكاته
خديجه: مصاحبه هبله والله
بصوا جنبهم لقوا واحده بتعيط وقاعده لوحدها
خديجه : تعالي نشوف مالها
ريم : يالا
راحوا قعدوا جنبها
خديجه: اممممم الجميل زعلان ليه
البنت بعياط: ها لا مافيش .
خديجه : احكيلي بس
البنت : انا تعبت اوي اخويا عايز عمليه وانا مش بايدي واهلى ميتين انا ياست
خديجه بابتسامه: ولا تقنطوا من رحمه الله مش ربنا قايل كدا
وبعدين ياستي عندك أقرب مثل قصه سيدنا ايوب شوفي ربنا ابتلاه في صحته وعياله
وهو صبر علي دا كله ربنا ابتلاه بايه بقا
اول حاجه عياله كلهم ماتو
وبعدين ابتلاه بضعف جسمه وخلى كل جلده يقع هل حزن بالعكس فضل صابر لحد ما الناس كلها بعدت عنه
ماكنشي فاضل معاه الا اتنين صحابه ومراته لدرجه ان مراته كانت بتبيع ضفائرها علشان تجبله الاكل شوفتي لدرجه ايه ولما دعا ربنا علشان يخلصه من العذاب والابتلاء فربنا نزله ملايكه خليته في شبابه هو ومراته ورزقهم باولاد شوفتي
بقا عوض ربنا لازم تصبري وصدقيني هايعوضك ويطلعك من بلاءك
البنت : الله كلامك حلو اوي ربنا يجازيكي خير
ريم: كدا احنا صحاب اتفقنا
البنت : اتفقنا
ريم : اسمك اي بقا
البنت : اسمي فاطمه
خديجه : عاشت الاسامي يا قمر وانا خديجه
ريم : وانا ريم
وفضلوا يضحكوا ويهزروا مع بعض
خديجه ؛ ممكن رقمك بقا
فاطمه : طبعا طبعا
خلصوا اليوم وخديجه ودعت ريم وفاطمه
خديجه وهي واقفه مستنيه تاكسي لاقيت عربيه وقفت ادامها
خديجه جايه تبعد لاقيت حد نزل وحط حاجه علي وشها وماحستشي بحاجه بعد كدا
.........
تفاعل
البارت 11_12_13_14_15_من هنا هنا
تعليقات
إرسال تعليق