 |
زواج اطفال
اييه انتى بتقولي ايه يا ماما اتجوز اى ومين انتى متخيله أنا في سنه كام عشان اتجوز!
~وفيها ايه يا بنتى م البنات كلها بتتجوز وعادى خالص وبعدين انتى لو متجوزتيش دلوقتي ابن عمك مش هيسيبك ف حالك وانتى عارفه
لأ يعني لأ أنا عايزة اكمل تعليمى
~مانتو هتكملوا تعليم براحتكم
هما مين دول
~انتى وجوزك ماهو ف تالته ثانوي
ههههه هموت من الضحك والله روحي يا ماما كملى الغدا وريا درس الله يسترك
~هروح ياختى مانتي مش فالحه غير ف اللماضه
حلوه دي والله اتجوز واحد قدى عشان نتشاكل مين اللي هينام ع الطرف الاول
................. في مكان تاني
يلا يا زين جهز حاجتك هتتاخر ع الدرس واحنا لسه اول يوم لينا هنا
زين: حاضر ي ماما بس خلى الداده تعمل الغدا بسرعه بس
الغدا جاهز من زمان أنت اللي نمت كتير
زين قام خد دش ولبس بنطلون اسود وقميص اسود والساعه وسرح شعره وخد فونه ونزل
الام.. ياروحي ربنا يحميك قمر
زين.. تسلمي ياست الكل
الام.. البنات هيتجننو عليك واد مز وشياكه
الاب.. على فكره انا احلى منه هاا هذا الشبل من ذاك الاسد
زين.. طبعاً ي بابا
الام.. انتو الاتنين قمر
زين خلص غدا واخد مفتاح العربيه ومشي ع الدرس اللى كان اول يوم ليه
.... تعالو اعرفكم
زين : ١٨سنه باباه غنى وعنده شركات كتيره نقلو من فيلتهم القديمه عشان كانت بعيده عن شغله ونقل ف مكان جديد مامة زين طيبه جدا ومفيش عنده ولاد تاني غير زين ليها واحده صاحبتها اللى كانت بتتكلم فوق دى 😂
لين: ١٧سنه ونص باباها متوفي بنت قمر وطيبه جدا عندها اخ صغير بس وبتحب مامتها جدا وهنعرف حاجات تانيه عن حياتها عندها بنتين صحابها مريم و اسماء
...... في الدرس
المجموعه كلها دخلت ومريم واسماء مستنين لين اللى دايما تتأخر
لين نزلت مستعجله وهى داخله الدرس خبطت في ولد «زين» ااه أنا اسفه معلش
زين مردش عليها ودخل وهى وراه بتقول اى البرود ده 🙄
المستر .. جديد معانا؟
زين .. ان شاء الله
لين كانت واقفه وراه عشان تدخل
المستر.. دايما متأخره كده
لين.. معلش ي مستر اخر مره
حضروا الحصه وطبعا البنات مركزه مع الضيف الجديد او المز الجديد بمعنى اصح
وهما خارجين .. الله ده عنده عربية
شكله غني يابت
ومز كمان وحياتك
لين بصت لهم بقرف ومشيت هى وصحابها
.....................
زين روح البيت
الام.. اهلا اهلا بالعريس
زين.. عريس اى يا ماما 😂
الام.. كنت شايفلاك عروسه ووافقت
زين بصدمه.. عروسه!! ماما انا في تالته ثانوي فاهمه يعني ايه جيبالى عروسه لعبه يعني وبتهزرى ولا ايه
الام.. مش بهزر وهتوافق غصب عنك عايزة افرح بيك وبعدين انت بقيت راجل كبير اهو ولا عايزنى اموت وانا مشوفتكاش عريس
زين.. بعد الشر ي ماما بس كلامك مش منطقي
الام.. لأ منطقي جدا وبابا موافق وهنروح انهارده نشوفها
زين .. أنا مش مقتنع انتى بتقولي ايه 🙂
الام وهى ماشيه .. جهز نفسك أنا هروح البس
زين واقف مصدوم 😳
............... تسريع أحداث
لين .. يا ماما مش خارجه والله م خارجه أنا مش عاوزه اتجووووز يا ناااس
الام.. جواز اى بس بقولك شوفيه مش هتخسرى حاجه
لين.. ماما انتى لى مش مستوعبه انى طفله يحبيبتى
الام.. يا بنتي والنبى م تحرجينى قدام صاحبتى يلا ي لين عشان خاطري
لين صعبت عليها مامتها .. ماشي
الام خرجت ولين لبست اسود في اسود عشان تطفشه
.........
زين كان قاعد علي اخره ولين دخلت هو مرفعش عينه وفضل باصص ف الفون وهي مبصتش عليه
ام زين .. تعالى يا سوسو نقعد برا ونسيب الولاد يتعرفوا
زين رفع راسه بعد الكلمه دى هو ولين مع بعض وبصوا لبعض بس محدش اتكلم
لين فى سرها.. ده الواد اللى خبطت فيه 🤭
زين .. لابسه اسود لى راحه تعزى ؟
لين .. لأ جايه اطفشك
زين .. أنا طفشان اصلا من غير حاجه وجاى غصب
لين بدون مقدمات لولولولولوى الحمدلله 😂💃
ام لين وام زين سمعوا الزعروطه دخلو جرى ... الف الف مبروك يا ولاد
زين .. اى اللى بيحصل ده
لين.. اى اللى انا شايفه ده
زين.. اتنيلى انتى بتغنى لى دلوقتي ي ماما في سوء تفاهم يا طنط...
ام زين حضنته .. مبروك يا قلب ماما هتصل ب بابا اقوله انك وافقت
لين . ي طنط لأ حضرتك فاهمه غلط خالص
ام لين.. اتصلى ي منى اتصلى ي حبيبتي لولولولولوى ي الف نهار ابيض
لين وزين ف حالة صدمه 🙂
................ عدى اسبوع واتفقوا على ميعاد للخطوبه هما خلاص اتدبسوا بس شرط لين محدش يعرف انها اتخطبت عشان صحابها وكده
تمت الخطوبه بس ف المحل عادي ولين مكنتش بتلبس الدبله وهى خارجه عشان محدش يعرف .. .. عدى كام يوم وام زين عزمتهم عندها
.......................
ام زين .. اهلا اهلا منورين اتفضلوا
سوسو.. بنورك يا حبيبتي
لين. ابتسمت بس ودخلت وهى ماسكه ايد اخوها الصغير
فضلو يتكلمو ولين لاحظت ان زين مش موجود
الداده.. أنا هطلع العصير لزين بيه ونازله ي هانم
منى بخبث.. لأ ي داده لين هتطلعه ادخلى أنتي اعملى الغدا
لين.. انا
منى.. اه يا حبيبتي هو ف المكتب بيذاكر تانى اوضه ع اليمين
لين طلعت بالعصير
سوسو .. هههه آه منك يا منى
منى.. اسكتي خليهم يا خدوا على بعض
..................
لين خبطت
زين.. ادخلي ي داده
لين دخلت بس كان مديها ضهره وهو ع الكرسي
لين.. العصير
زين لف ع الصوت .. انتى؟
لين.. اى شوفت عفريت
زين.. امر 🙄
لين.. نينيني
زين.. عايزة اى
لين .. هعوز منك اى
زين .. جايه انتى لى فين الداده
لين.. بتحضر الغدا ومامتك قالت طلعى العصير ليه
زين.. مطيعه اوى انتى
لين .. على فكره انت بارد وانا بتنخق بسرعه وجايه غصب عنى
زين.. والله محدش قالك تزغرطى يومها انتى اللى دبستينا
لين قعدت ع الكرسي بحزن وهى ماسكه كوباية العصير وبدأت تشرب منها من غير م تحس .. مكنش قصدي والله حركه غبيه دبستنى في واحد بارد زيك
زين .. مصدوم من حركتها بت انتى شربتى العصير بتاعى
لين اتحولت لعصبيه.. بت مين هو انا بلعب معاك ومسكت كوباية الميه ودلقتها في وشه وقعت ع الكتب وع القميص بتاعه
زين.. ي غبيه اي اللى انتى عملتيه ده
لين .. انت اللى غبى وبارد ولا تطاق طلقنى
زين .. نعم؟
لين بصدمه.. اي ااقصديي خد دبلتك اهى بتبص ف ايدها ملقتش دبله
زين .. انتى باين عليكي مجنونه تصرفاتك غريبه بجد
لين اتخنقت هى عايزة تخلص منه وخلاص قعدت ف الارض تعيط وهو خرج من المكتب وهو بيفك زراير القميص بتاعه
اخوها الصغير كان طلع ينادى عليهم عشان الغدا لقى زين خارج ونص القميص مفتوح وهي قاعده ع الارض تعيط
نزل جرى تحت
ماما الحقى لين قاعده تعيط جامد وزين خرج من الاوضه خالع قميصه شكله عملها حاجه
منى و سوسو بصدمه .. اييييه؟!
ده اول بارت لو عايزين اكمل اتفاعلو بكومنت حلو بلاش بوسترات
الاحداث الجايه احلى انتظروا ❤
زواج اطفال
ماما الحقي لين قاعده في الارض بتعيط وزين خرج وهو خالع القميص شكله عملها حاجه
سوسو ومنى بصدمه: ايييه!
طلعوا جرى على فوق
سوسو.. بنتى حبيبتي مالك يا قلب ماما عملك ايه
منى.. مالك ي لين اى اللى حصل
لين بتعيط وخلاص زين دخل
سوسو .. انطق ي قليل الادب عملت فيها ايه
منى .. مكنتش اتوقع يحصل منك كده يا زين اخص عليك
زين.. في ايه ؟ أنتو بتقولو ايه
سوسو .. مالك يا لين انطقي عملك ايه الواد ده
لين بتمسح دموعها.. مفيش يا ماما بس العصير كان مسكر وكده الدايت باظ 😢🙂
منى.. نعم يختى
سوسو.. الله يهبلك روحي دايت اى ونيلة ايه أنا اسفه يابنى بس حماده نزل يقول انها بتعيط وانت خالع القميص تفكرينا راح بعيد
زين فضل ساكت .. شكلهم عيله مجنونه كلهم 🙁
سوسو .. يلا يا لين عشان نمشي
منى .. والغدا ؟
سوسو .. معلش متعوضه
لسه هيمشوا ... زين.. استنى
كلهم بصوا ليه
زين.. الملزمه اللى وقعتى عليها الميه دى عندي امتحان بكرا على الدروس اللى فيها
لين.. وانا اعملك ايه اجى امتحن بدالك
زين بغضب.. مش وقت هزار
سوسو.. خلاص يا زين هصورهالك واجيبها أنا
زين ببرود.. لا هى هتيجي تنقلها كلها دلوقتي في كراسه
لين.. وحياة امك دا أنا بكسل اكتب الواجب هنقلك ملزمه كامله .. سورى ي طنط منى
منى.. لأ ويهمك 😂😌
زين .. معنديش كلام تاني غير ده اخلصى
سوسو .. يابنى كده هنتأخر
زين .. هبقي اوصلها ي طنط اتفضلى انتى وماما هتفضل معانا متخافيش
سوسو .. ماشي خلى بالك منها يا منى
لين .. ي ماما ي حجه انتى ي وليه استنى اكتبي بدالى شويه حتى .. مشت 🤦
زين راح قعد على الكرسي .. اخلصى 😎
لين.. يلعن شكلك بارد ورخم وتنح وو مش فاكره الباقي
منى ضحكت عليهم وقالت هروح اعمل مكالمه وجايه
....................
لين كتبت صفحه ومش قادره .. خلاص تعبت الغو رحلتى
زين وقف بص ف الورقه .. اى الخط المعفن ده وقام قاطعها
لين..ااااه حرام عليك انا تعبت فيها
زين .. مش عاجبنى خطك
لين .. انا اللي جبته لنفسي كان لازم اكب الميه منى لله 😢
زين كان قاعد مركز معاها وهى بتكتب وايدها وجعتها
راح مسك الكراسه بيقلب ف الصفح وماسك الورقه كأنه هيقطعها راحت جرى عليه مسكت ايده
لين.. لأ والنبي انا تعبت والله 🥺
زين .. ماشي يلا عشان اوصلك
لين .. بجد ياااه والله البيت وحشنى 😂💃
زين طلع مذكرة من المكتب .. على فكره معايا نسخه تانيه منها
لين.. يابن ال.... وسايبنى اكتب من ساعتها
زين.. هاا هتغلطى تاني ؟
لين.. ههه بهزر معاك 🤗
زين .. يلا عشان تبقي تتعلمى الادب بعد كده
لين .. قصدك انى قليلة الادب
زين.. على فكره أنا مش مضطر اعيد الخناقه من تاني اخلصى عشان ورايا حجز كوره
لين بضيق.. طيب 🙄
.................
وصلها البيت وطلع معاها وهما واقفين عند الباب سمعوا صوت زعيق جاى من جوا
يعني ايه هتتجوز ده على جثتى انتى عارفه انى بحبها من زمان
~ وهى مش بتحبك ابعد عنها بقا وسيبوا بنتى تعيش حياتها
طيب أنا هعرف اتجوزها بمعرفتى بكرا تندمى ......
يا ترى مين ده وهل هيتجوزها ولا لا هنعرف البارت الجاى
بس طلب صغنن يا قمرات وصلوا البارت ل ١٠٠٠ لايك او اكثر وفرحونى عشان اقدر اكملها لو وصل ل الف دلوقتي هكتب البارت التالت بحبكم في الله ♥
زواج اطفال ٣
يعني ايه هتتجوز ده على جثتى انتى عارفه انى بحبها من زمان
~ وهى مش بتحبك ابعد عنها بقا وسيبوا بنتى تعيش حياتها
طيب أنا هعرف اتجوزها بمعرفتى بكرا تندمى ......
لين بصت لزين وسكتت
زين.. في ايه ومين ده
لين.. ده ابن عمى
لين دخلت هى وزين
وائل.. أنت مين
زين بشموخ بالرغم من صغر سنه وان وائل اكبر منه بخمس سنتين .. زين سليم البنا
وائل.. امم
لين واقفه جمب زين وساكته
وائل.. كنتى فين ياهانم لغاية دلوقتي ولا انتى مفكره عشان روحت الشغل يومين تمشي على حل شعرك
لين.. احترم نفسك وملكش دعوه بيا
وائل.. لين أنا مش عايز احرجك قدام زميلك بس لو اتكررت تاني متلوميش غير نفسك
زين.. هو حضرتك مين معلش يعني مش ابوها ولا اخوها عشان تقولها كده
وائل.. أنت اللى مين
لين راحت مسكت ايد زين..ده خطيبي
زين حس برجفة ايدها واستغرب حركتها أكيد في حاجه دى من شويه مكنتش طايقاه
وائل.. خ اي يختى احنا هنعيل ولا ايه بت أنا مش فايقلك هروح انام عشان لسه راجع من الشغل ولينا كلام بكرا يا حبيبتي وغمز لها وخرج
لين.. اتفووه عليك حيوان
وبعدين بعدت ايدها من ايد زين.. اوعى انت كمان اى ما صدقت
زين.. انتى عبيطه انتى اللى مسكتى ايدى
لين مردتش عليه عكس طبيعتها ودخلت اوضتها بكل هدوء
سوسو.. معلش يابنى أنا اسفه
زين.. ولا يهمك ياطنط بس اى حكاية وائل ده
سوسو.. اتجوز لين يا زين عشان خاطري يابني هو مش هيسيبها ف حالها كفايه اللى حصل لابوها
زين.. أنا مش فاهم حاجه
سوسو.. اوعدني الاول تتجوزها وانا هحكيلك عشان انت هتقدر تحميها
زين باستسلام .. اوعدك
....................
تاني يوم
لين بصراخ.. كفاية بقا كل حاجه تحكمات اطلعى قابليه وطلعت اتخطبى واتخطبت لكن جواز ايه اللى بتقولي عليه ي ماما مستحيل ده يحصل
سوسو.. يعني عاجبك اللى ابن عمك بيعمله ده افرض عملك حاجه
لين.. محدش يقدر يعملى حاجه ولا يغصبنى على حاجه ومش هتجوز يعني مش هتجوز والله اموت نفسي هه
سوسو.. بطلى هبل يابت انتي أنا خايفه عليكي من وائل وان اتجوزتى هيبعد عنك
لين باستهزاء.. يسلام يعني زين هيقدر يحمينى مثلا ماما احنا عياااال عيال افهمى بقا
بس انا مش عيل
لين لفت للصوت .. انت عايز اى ي زين مش انت مغصوب عليا ياسيدى شكرا مش عاوزه حمايتك ليا واتفضل الدبله اهى وحطت الدبله ف ايده
سوسو .. اتكلم معاها ي زين أنا خارجه
لين قعدت في الأرض تعيط بصوت عالي .. حرام عليكم والله بتعملوا فيا كده لى انا لسه صغيره وعايزه اكمل تعليمى براحتي لسه بعيش طفولتى لسه بفرح لو جبت هدوم جديده او خدت اجازه من الدرس أنا مش حمل اى حاجه من دى
لين صعبت عليه بس هو وعد مامتها هو كمان مغصوب بس هيعمل اي
........ عدى كام يوم ولين مش بتروح الدرس وزعلانه من الموقف ده كانت قاعده في اوضتها فجأه لقت مامتها بتقول لها البسي بسرعه طرحه على شعرك وتعالى
لين.. اى في ايه
سوسو.. بسرعه
لين خرجت وهى بتجرى لقت زين ومأذون ومامته وباباه وشهود ومنى قاعده تزعرط لولولوى الف مبروك يا عرسان
سوسو .. تعالي يلا متحرجنيش بقا
لين مصدومه لسه
منى راحت شدتها .. يلا تعالي أمضى يا حبيبتي
هى مكنتش عارفه هى بتعمل ايه ومضت وخلاص
بارك الله لكما وبارك عليكما وجمع بينكما في خير
وقف الزمن للحظه في هذه الجريمه التر أرتكبوها في حق اطفال
منى .. يلا يا عروسه عشان نروح مفيش فرح دلوقتي غير لما تخلصوا تالته بس هنشهر الجواز في الجامع عشان تعيشي معانا بس
لين كان جواها حزن كبير من ناحية أمها دخلت خدت حاجتها ومشت من السكات للدرجادى بيعانى ي ماما قالتها في سرها
ومشيت لين لحياتها الجديده ....
زين دخل اوضته وهى وراه بصمت وهو كذلك
قعدت على السرير بحزن وهى لسه بتعيط
زين.. على فكره انا مش واخد عليكى وانتي هاديه كده
لين ساكته بس
زين.. عارف انك زعلانه بس الجواز كام شهر بس وهنتطلق عشان كده معملناش فرح
لين حست ببعض الامل رفعت وشها والدموع مغرقاه .. بجد
زين.. اه بجد اصل بصراحه أنا مش هطيق اعيش معاكي كل ده
لين رجعت زى م ماكانت .. تصدق انك كلب هو انت تطول
زين.. لأ مش عاوز قلة ادب من اولها
لين.. انت اللي قليل الادب
زين بعصبيه.. بت انتى اتلمى أنا مش طايق نفسي
لين.. طيب انت هتفضل قاعد هنا كتير
زين.. دي اوضتى
لين.. شوفلك اوضه تانيه
زين.. مفيش
لين.. يعني كل الفيله دي ومفيش
زين.. هتقع علينا بطلى قر
سابها وخرج البلكونه وهى دخلت تغير لبست بيجامة بيت
طيب البس حجابى ولا لا
آه آه هلبسه عشان كده كده هنتطلق لازم ميشوفش منى حاجه
راحت تشوفه فين
لين.. بقولك هو انا هحط هدومى فين .... ينهااااارك اسوووود 😦
زين .. لف بصدمه
لين.. انت انت ب بتعمل ايه بتشرب سجاير يخربيتك يالهوووى
زين كتم بوقها.. شش اى فضيحه دى اول مره اجرب
لين. اممم
زين.. انتى عارفه لو قولتى لحد انتى حره
لين.. اممممم
زين خد باله انه كاتم بوقها ف شال ايده
لين بتنهج.. وانا هقول لحد ازاى يا غبى وانا كاتم نفسي هتموتنى هقولهم ف الجنه يعني ولا ايه
زين.. اى اللى انتى عملاه ده
لين .. مالى
زين .. لابسه بنص كم على حجاب
لين.. آه اومال عايز تشوف شعرى ولا ايه
زين.. ماشاء الله اميره بحجابك
لين.. شكرا 😌
زين مشي بزهق.. مغلطش لما قولت عليكي مجنونه
لين .. انا مجنونه يا طنط منيييي ابنك زين بيشرب سجاير
زين .. لف لها يارب ارحمني
راحت قعدت على السرير وهو خد دش وخرج لبس بنطلون رصاصى وتيشرت ابيض
لين.. زين
زين.. هاا
لين.. هو انت ازاى حلو كده
زين.. نعم؟
لين .. آه والله قمر اوى و... خخخخخ 😴
زين.. كمان بتهلوس وهى نعسانه 🙁
طلع جمبها ونام
.... في نص الليل لقي حاجه ناعمه على وشه كان شعرها الحجاب اتفك وكانت نايمه بالعرض وراسها على صدره
عدلها وكمل نوم
الصبح طلع وهى كانت نايمة وهو ايده فوقها وشعرها مفرود على وشه وع السرير نومه منعكشه يعني
الباب خبط مرتين وهى صحيت من الصوت بترفع وشها خبطت في مناخيره كان قريب منها اوى
لين . عااااااا
زين اتفزع وقام ومنى فتحت الباب عل الصويت ودخلت كانت واخده الفطار
منى.. في ايه يا ولاد مالك يا لين
لين .. ياطنط منى ابنك بيش... زين حط ايدها على بوقها بسرعه وحضنها من ضهرها
لين اتصدمت 😶😶
منى.. ماله يا لين .. شيل ايدك من علي بوقها في ايه
لين.. بيشخر وهو نايم
زين اتنهد ورجع لورا 😌
منى.. ههههه لا ابدا يا حبيبتي بس تلاقيه عمل مجهود امبارح 😉
لين ببلاهه.. آه يمكن بعدين فكرت ف الكلمه واتصدمت بكسوف 😳
منى.. هههه خلاص انا نازله الفطار اهو..
زين.. غبيه وفتانه
لين.. أنت قليل الادب ازاى تحضنى كده وخبطته بالمخده
زين حب يضايقها.. مش انا بشخر وانا نايم 😉 وسابها وقام دخل الحمام
لين.. حيوان والله هقول ايه يعني
...........
تليفون زين رن باسم باباه
لين .. التليفون بيرن
زين.. ردي لغاية م اخرج
لين فتحت الخط .. الوو ... اييييه؟!
سورى على التاخير بس كده بارتين في يوم واحد اهو عشان انتوا بجد كلكم قمرات وفرحتونى بالتفاعل ❤❤
ياريت يجماعه بلاش كومنتات كتير تم وملصقات والكلام ده عشان مش بعرف اقرا الكومنتات التانيه قللوا الكومنتات شويه بحبكم في الله ♥
اعملولى فولو عشان يوصلكم إشعار اول م احط البارت
عايزة دى الفين لايك يا حبايبي 🥺
البارت الرابع من هنا
تعليقات
إرسال تعليق