 |
اسكريبت ❤️🌸حكاية حب
_استنى استنى خد اللحاف ده كمان.
_ايمان انتي غطيتيني بتلات بطانيات.
اتكلمت بسرعه _الجو برد واخاف تبرد.
اتكلم بزهق _بطلي اوفر احنا لسه في أكتوبر..
_بس الجو برد وخوفت لاتبرد.
_ممكن تروحي تنامي وتسيبيني انام.
_ايوه طبعا، بس متأكد انك مش عاوز حاجه اعملهالك؟!
_ايماااااان.
اتكلمت بسرعه _هنام هنام..
_الهدوم مكويه علي الشماعه.
_
_الاكل اهه على السفره
_
_حطتلك اكل في اللانش بوكس.
_وهو انا في مدرسه؟!
_وه ماانت بتتكلم اهه امال مبتردش لي.
لقيته اتكلم بهدوء_ممكن اطلب منك طلب؟!
_قول
_بطلي تعملي كده بصي يعني بطلي تعملي نفسك بتهتمي ايمان بطلي تهتمي بيا انا مبحبش كده..
عينيا دمعت _الاهتمام يعني حب هو للدرجه دي مش باين اني بحبه..؟!
_بيحبني؟
_مبيحبنيش
_بيحبني
_مبيحبنيش
_بيحبني.
_مبيحبنيش.
حتى انتي يا ملوخية عارفه انه مبيحبنيش، انا مني لله اني بحبه بالله، اتقابلنا صدفه وصدفه مع صدفه وحبيته لغايه ماجات صدفه وأخوه جه يخطبني، زعلت، عيطت، وسبحان الله فجأه اخوه عمل حادثه ومات، ومامته غصبته انه هو اللي يتجوزني، كل حاجه جات بسرعه، عايشين انا في اوضه وهو في اوضه، و الصدفه اني مبسوطه ماهو كفايه اني معاه..
كنت بعمل في الأكل جوه سمعته بيتكلم في الموبايل بصوت واطي قومت حاولت اسمع لايكون بيخوني ابن فوزيه مهلبيه ولا حاجه..
كنت داخله بتسحب فجأه لقيته قدامي اتكلمت بتوتر_ه اها اه اذيك عامل اي واذي الصحه؟!
لقيته ابتسم وقال _بخير بتسلم على صحتك.
_طب كويس اروح انا اوطى على الرز..
اتكلمت بحماس _تيجي نسمع فيلم وناكل فشار ونتغطي ونعمل نفسنا توركين وكده؟!
قلع النضاره وبصلي من فوقيها وقال _مش فاضي مش شايفه اني بجهز شغل؟!
اتكلمت بصوت واطي _لا عميت داك القرف في حلاوتك شيل شيل النضاره اللي عملاك ذي ابله نظيره دي.
_بتقولي حاجه
_عاوزه انام في حاجه؟!
_هتنامي؟!
ذعقت واتكلمت بقرف_النهارده الجمعه هسمع مسرح مصر اروح اضحكلي شويه بدل الكأبه اللي شيفاها قدام عيوني دي.
شاور على نفسه _قصدك اني كئيب.
اتكلمت بسرعه وانا ماشيه _اللي على راسه بطحه بيحسس عليها يابن فوزيه مهلبيه..
_عامله اي أكل.
اتكلمت بفرحه _طبعا لقيت الجو برد.
_اه وبعدين.
_وانت عارف ان لما الجو بيبقا برد.
بصيتله وابتسمت وبعدين قولت _يبقى عملت عدددس.
_مش وااااكل..
_والله والله حلة العدس دي لو مخلصت النهارده مش هتعرف اي اللي هيحصل..
_القميص مش مكوى.
_وديه لعمو بتاع المكوه.
_طب مش هتكويه وكده.
بصيتله وانا بلعب بالموبايل _لا مش فاضيه.
_لي بتعملي اي.
_اي بلعب على الموبايل اااي مش شايفني بلعب.؟!
_جعان، عملتي اكل أي؟!
_مفيش اكل اكلته كله، روح هاتلك من برا..
_الو يابابا
_استنى بس، اكلته عدس وخليته كل الحله كلها ماانت عارف اني مباكلش العدس ، بطلت اكويله خليه يحويه برا،وبعدين بطلت اعمل اكل، بتقول اي يابابا اي اقطعله هدومه اه فكره حلوه حاضر هجربها، ااي اكب عليه جردل مايه وهو نايم، حاضر حاضر انت تأمر مع السلامه ياحبيبي..
كنت قاعده بلعب بالموبايل لما دخل البيت وكان بيطوح.
جريت عليه _محمد مالك؟!
بصلي وعينيه فيها دموع _تعبان تعبان اوي..
اتخضيت دخلته الاوضه لقيته سخن واخد دور برد نيمته على السرير وفضلت اعمله كمادات..
كان بيخترف كان بيقول كلام غريب، بس شكله كان لطيف خلاني احبه مره تانيه، كان ماسك ايدي جامد ايده كانت دافيه دفالي قلبي، ياااه لو يحبني نص حبي ليه..
صحيت الصبح على حركات في شعري للحظه اتخضيت قومت بصيت جمبي لقيته هو مبتسم عينيه بتنور كده اول مره اشوفه كده لقيته قال _صباح الخير.
اسكت واعمل نفسي مكسوفه، طبعا لا قولت _ده ياصباح البندق، قلبك ليا ولا لفندق.
لقيته ضحك وقال _ليكي.
ابتسمت بكسوف بقاا وكده وقومت من جمبه بس جوايا شعور واجعلي قلبي.
_ايمان؟!
_اي يامحمد.
_والدك اتوفى.
ضحكت _بتهزر مش كده بس بالله مبحبش الهذار ده دمك تقيل اووي يأخي حتى في الهزار.
لقيته قرب عليا واخدني في حضنه _البقاء لله.
دموعي سابوا نزلت مع نزول المطر ذي مايكون السماء بتعيط معايا حزينه على فراق بابا..
الايام بتعدي وحزني لأبويا مراحش، ماهو مش هيروح هو في حد بينسى ابوه..
_ ممكن تبطلي حزن، والله هو في حته احلى من هنا بكتير.
عيطت جامد _مش قادره حزني عليه واجعلي قلبي ده حبي الاول هو الوحيد اللي كان بيخفف عني هو الوحيد اللي صاحبي ده هو الوحيد اللي بيشاركني حزني ده ابويا يامحمد ده ابويا.
_ انا معاكي .
اتوترت_ هتكون كل ده.
_عشانك هكون كل ده.
ابتسمت بلطف ردلي الابتسامه بحنيه ابتسامه دخلت جوه قلبي..
_ممكن ترجعي تهتمي بيا.
رفعت حاجبي _والله؟!
اتكلم بتوتر _على فكره الاهتمام مبيطلبش.
ضحكت _اه فعلا الاهتمام مطلب لا يطلب
_آآآآآخ اخيرا سمعت ضحكتك.
ابتسمت _لي
_لما بشوفك بتضحكي بفرح ضحكتك بتفرحني بتخليني اضحك.
_بيحبني.
_مبيحبنيش
_بيحبني
_مبيحبنيش
_بيحبني
_مبيحبنيش
_بيحبني.
هييييييح بيحبني
كنا واقفين في البلكونه كنت مبسوطه محمد بقى حنين حسيته بيحبني مش علشان الملوخيه اخر ورقه فيها بيحبني بس كنت شايفه في عينيه الحب
وفجأه الجو مطر نطيت عليه بسرعه واتكلمت بفرحه.
_تعرف؟
ابتسملي بلطف العالم وقال _عرفيني؟
_من يومي بحب الشتاء، كانت الدنيا تمطر فأجري أقف في البلكونه واقعد انفخ في السحلب وانا بتمنى .
_بتتمنى أي؟!.
_بتمناك انت.
لقيته ابتسم _ااي.
اتكسفت ودخلت على جوه لقيته قعد يلف ورايا في الشقه.
_كملي بقاا يابنتي احكيلي يعني انتي ب
قبل ما يكمل كان الباب خبط..
فتحت الباب لقيت واحده واقفه كانت حلوه اوي ومعاها ولد صغير رديت وقولت _انتي مين.
لقيت الواد الصغير دخل بسرعه وقال _بابا
يتبع...
اسكريبت (البارت التاني)
#حكاية_حب❤️
للحظه ضحكت اللي هو عاوزه اغنيله واقوله بابا مين يابني؟!
بصيت عليهم لقيت الست الحلوه واقفه بكل تناكه ورافعه حاجبها اللي عملاه تاتو اسود اللهم احفظنا وذي مايكون بتقولي تقدري تعملي حاجه؟!
بصيت على محمد لقيت ذي مايكون وشه اتقلب لا ده مش هو كان باصصلي انا وبس، الولد الصغير اخده في حضنه وقال _اي يابابا بقالك كتير مبتجيش راحت ماما قالت تعالي نروحله احنا، اي رأيك في المفاجأه.
عنب مفاجأه عنب..
بصتله واتكلمت..
_محتاجه توضيح؟!
لقيت الست الحلوه الوحشه قالت _اظن بيقوله يابابا وانا ماما يبقى اي؟!
هي فكراني هسكت يعني وكده لا روحت جبتها من شعرها _ يبقى قلة أدب ياروح امك؟!
_ايمان، هفهمك كل حاجه
سمعت صوته كان في رجاء ولطف سيبتها بس بصيت على وشها لقيت ملامحها مش ظاهره للحظه خوفت مش عليها لا من المنظر، كل ده من غيرتي عليه ذي ما قالوا الستات لما بتغير مبتحسش بنفسها، بس الحلو ان محمد مجاش حتى يشيلها من ايدي فرحني ابن فوزيه مهلبيه..
بصيتله شويه ملامحه كانت باهته مع ان من شويه واحنا في البلكونه ملامحه كانت مبسوطه وكان حلو وخاطف قلبي لدرجة اني كنت هقوله اني بحبه!
لقيته بص عليها وقال _امشي.
كانت لسه هتزعق راح قالها _سيبي فهد وامشي.
بصتلي بكل غضب والله كنت عاوزه اضحك على منظرها اللي لا يسر عدو ولا حبيب ده بس الوضع ده مينفعش اضحك فيه!
بعد ما مشيت بصتله واتكلمت.
_هو ابنك بجد؟!
_انت متجوز عليا؟!
_ومخلف؟
بكل لطف_ايمان.
زعقت بكل قهر _متقوووولش ايمااااان، ايمان اااي هااا متجوزني ومحبتنيش وقولت ماشي، هيحبني مع العشره وانا اتحب اصلا، عاملتني بأوحش معامله في العالم سكت قولت اسكتي يابت كل الرجاله نكديه، صوتي خف واتكلمت _حبيتك ومستنتش مقابل منك، لو طلبت روحي كنت عطيتهالك بس في الاخر تطلع متجوز ومعاك عيل في مدرسه؟! جبته امتى ده ياقااادر؟!
_ياايمان؟! هوضحلك بس مش دلوقتي
مسحت دموعي من وشي، روحت ألم هدومي عشان اروح لبيتي بيت بابا وقولت _ لغاية ما تيجي توضحلي انا في بيتي.
بصلي وقال بكل رجاء_ده كمان بيتك.
قلبي دق ذي مايكون بيقولي خليكي متمشيش، بيترجاني اني ابقا؟!
_فهد قول حاجه لأيمان..
لقيت الطفل الصغير جري عليا وحضن رجلي _انتي طنط ايمان؟!
نزلت على رجلي _اه يافهد انا ايمان.
لقيته همس في ودني وقال _تعرفي بابا بيحبك اووي.
همستله _بابا مين.
بصلي بكل براءه وقال _بابا محمد..
كنت مصدومه ونبض قلبي بيعلي ووشي سخن وحمرت وخضرت وضربت الوان..
لقيته اتكلم بهمس_خليكي قاعده متمشيش.
_طب قوم قوم لما نشوف اخرك انت وابوك..
__________________________
محمد..
كانت قاعده بتعيط وبتتهمني مش عارفه انه كل حاجه غصب عني مش عارفه اني محبتش غيرها، قلبي وجعني عليها عاوز اجري عليها اخدها في حضني، عاوز اقولها الحقيقه، عاوزها ترتاح...
_____________________________________
كانت الايام بتعدي وفهد معايا كنت بعامل محمد معاملة الكلاب والله كنت بنام انا وفهد مع بعض وسيبته هو ذي الكلب الحزين، كان بيحاول بكل جهد انه يخليني اسامحه، كنت عطياله الوش الخشب، كنت مبسوطه، ماهو يعني المفروض اعامله اذاي وهي دخلالي واحده وفي ايدها عيل وبيقوله يابابا؟!
بس في نفس الوقت ذعلانه عليه قلبي الذفت بقاا اعمل اااي؟!
_جبتلك آيس كريم بالموز عارفك بتحبيه..
كنت فرحانه وهموت واقوله بجاااااااااد بس _ مش عاوزه كرهته.
اتكلم بحزن_بس كنتي بتحبيه؟!
نبرة صوته ضايقتني وجعتلي قلبي قومت واخدته منه ودخلت الاوضه بتاعتي..
_واااااو طعمه قمرررر...
_كنت عارف انك بتحبيه.
بصيت عليه كان واقف على بابا الاوضه ومبتسم ابتسامه حلوه خلت قلبي يدق غمازته كانت باينه عينيه كانت فرحانه، كل ده عشان اخدت الايس كريم؟!
صحيت الصبح قومت دورت على فهد ملقتهوش _ فهد فين.
_وديته عند امي.
اتنهدت _هتوضحلي امتى يامحمد.!
ابتسم _النهارده..
عطاني شهادة ميلاد مكتوب فيها _فهد على رضا ابراهيم..
اتصدمت فهد ابن علي اخو محمد اللي كان هيتجوزني في الأول ياختااااي بركه انه مات ؟! اتكلمت بسرعه_هو ابن علي؟ امال كان عاوز يتجوزني لي.
ابتسم _اه على كان متجوزها عرفي مكنش حد يعرف.
_فاكره لما شوفتك اول مره؟!
اتكلمت بكسوف _اها فاكره.
_وقتها روحت وحكيتله عنك وقتها استغرب عشان اول مره اتكلم عن بنت فضلت احكيله قد اي انتي جميله واعجبت بيكي من اول مره وكده.
كنت بسمع وانا مصدومه ده نفس اللي حصل معايا وقتها روحت حكيت لساره عنه..
_طب فاكره تاني مره لما كنا في القطر؟!
ضحكت بفرحه _ودي تتنسي؟!
وقتها اللي حصل ان..
_______
_عارفه يابت ياساره نفسي اشوفه اوي.
اتكلمت بندب _ياختي خلاص هي بتبقى مره وخلاص هي كده اللحظات الحلوه بتبقى مره واحده بس ياغلبانه، صحيح يابت حلو؟!
_اتكلمت بتوهان _اوي ولطيف اووي..
_اذيك.!
بصيت ورايا لقيته واقف مبتسم بلطف ياوعدي ياوعدي على الفرحه اللي كنت فيها.
قبل ماارد لقيته قال_ ممكن تيجي تقعدي الناحيه دي.
_لي اي اللي حصل.
لقيته اتكلم بغضب وصوت عالي _عشان في رجاله معندهمش نخوه وبيبصوا عليكي فتعالي اقعدي هنالك بدل ماافقعلهم عينيهم..
بصيت على المكان اللي باصص عليه لقيت في شاب واقف بضيق.
رديت عليه بابتسامه _حاضر جايه..
________
_وقتها كنت غيران عليكي وعرفت وقتها انها بداية حب، روحت برضو حكيتله كنت فاكره فرحان ليا..
اتكلم بحزن _بعدها قالنا هيخطب روحنا معاه واللي عرفته انها كانت انتي وقتها اتصدمت حكيتله انها انتي البنت اللي حبيتها ومحبتش غيرها .
سكت شويه وبعدين اتكلم..
_قالي انساها.
_معرفتش انساكي معرفتش والله، بس المشكله انك وافقتي بيه دى النقطه اللي كرهتني فيكي بس في نفس الوقت لقيت نفسي بحبك اكتر، وبعدها هو مات وانا اتجوزتك بأيرادتي عشان بحبك وبس كده..
وقتها المطره مطرت جرينا على البلكونه لقيته فجأه اتكلم..
_اخر مره مكملناش كلامنا.
اتكلمت بخجل من الكلام اللي قاله طلع بيحبببني يابشررر_كلام اااي.
لقيته ضحك وقال _تعرفي.
_ابتسمت _عرفني؟!
_لما كانت الدنيا تمطر واكون قاعد جوه كنت اجري على البلكونه عشان اتمنى وادعي.
_كنت بتتمنى أي؟!
_بتمناكي ❤️
#ايمان_عبدالرؤف 🌸
#حواديت_فرولايه ❤️
تعليقات
إرسال تعليق