_بس دي ١٤ سنه مش صالحه للزواج!
خبط الجد عجازه في الأرض واتكلم بزعيق : أنا قولت كلمه واحده ومش هرجع فيها هتتجوزها يعني هتتجوزها
= بس أنا مش بنت عشان اتغصب على الجواز أنا حر ومش هتجوز طفله
قام الجد وضربه بالقلم = انتَ قليل الادب زي أبوك
دايمًا توجع قلبي وما تسمعش الكلام وعشان كده انا بقا هجوزك نور واطلع ألبس عشان الفرح النهارده
بصله شهاب بغضب وطلع على اوضته ورزع الباب
شهاب بغضب : مش هتجوز على جثتي بتضربني يا جدي عشان نور مااااشي
____________بقلمي الاء فرج
في المساء
الجد : على اطلع شوف اخوك لبس ولا لأ، المأذون وصل والعروسه كمان وصلت، شوف الزفت ده اتأخر ليه
على بهدوء : حاضر يا جدي
فيروز : في اي يا علي؟
على بتوتر : من ساعه خناقه جدي وشهاب الصبح
وشهاب حابس نفسه في الاوضه وماخرجش لحد دلوقتي، ربنا يستر أنا هطلع اشوف
طلع علي فوق عند اوضه شهاب وفضل يخبط مالقاش رد راح فتح الباب
فتح على الباب مالقاش شهاب في الاوضه ولقا ورقه
* سامحني يا جدي بس أنا عايز اكمل تعليمي أنا هسافر اي بلد اتعلم فيها بالفلوس اللي معايا وهتجوز البنت اللي بحبها..... سلام *
____________بقلمي الاء فرج
في صالون القصر
نور : أنا هدخل الحمام اظبط المكياج
أم نور : روحي وتعالي بسرعه يلا
دخلت نور الحمام وقفلت عليها الباب بسرعه لقيت شباك بيطل على الجنينه راحت فتحته بسرعه ونطت من الشباك
قامت من على الأرض وهي بتنفض هدومها ورفعت الفستان وفضلت تجري تجري وهي عماله تعيط راح شافها حارس القصر
الحارس بزعيق : استنى عندك اقفى
بصيت العروسه وراها برعب وخلعت الهيلز وفضلت تجري
لقيت الطريق واقف وفي عربيات كتير واقفه راحت فضلت تجري وسط العربيات والحارس بيجري وراها ومره واحده راحت فتحت عربيه وقعدت فيها بسرعه والحارس ما شفهاش
شهاب بغضب : انتِ مين وازاي تدخلي عربيتي كده؟
نور بخوف : شهاب
يا تري اي اللي هيحصل؟
ده إسكريبت ٥ حلقات لو لقيت عليه تفاعل هكمل ودمتم سالمين 💙
#سلسله_حواديت_حكايتي
#الاء_فرج
تعليقات
إرسال تعليق