مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار❤

-يعني ايه يا ملك  عايزة تسبيني 

قولت وانا عيوني مدمعة ...قلبي كان واجعني هي اكيد بتهزر مش هتسبني لا 

-ايوة يا زياد ايه اللي مش مفهوم في كلامي؟! انا مبقتش عاوزاك ...

مسكت نفسي بالعافية وقولت :

-طيب ايه المشكلة انا عملت ايه يا ملك  ايه قوليلي

-معملتش حاجة بس انا مش عاوزاك ايه كلامي مش مفهوم ...يا سيدي انا حرة ...عايزة افسخ الخطوبة دي مش مرتاحة 

-وحبنا 

-مبقتش احبك خلاص اعمل ايه .

حاولت امسك ايديها بس بعدت ...

-اهدي انا اسف مش هلمسك ...بس انا مش فاهم انا سافرت شهر  بس اول اسبوع كنا تمام بعدين بطلتي تردي عليا رغم محاولاتي ورجعت لقيتك اتنقبتي وعايزة تبعدي عني

-ايه هو ممنوع اتنقب ؟

هزيت راسي وانا حاسس باليأس وقولت:

-لا طبعا يا ملك بس انا مش فاهم انا زعلتك...حقك عليا لو عملت حاجة ضايقتك 

نفخت بضيق:بقلم سولييه نصار❤

-اووف منك يا زياد قولتلك مبقتش احبك اعمل ايه 

-ليه مبقتيش تحبيني عايزة افهم 

زعقت جامد فزعقت هي 

-متزعقش في بيتي انت مش في الشارع هنا!!!

وطيت صوتي وكملت:

- انا عايزة افهم يا ملك لاني هتجنن ...انتي ليه عايزة تسبيني انا اذيتك في ايه حرام عليكي تكسري قلبي 

-زياد لو سمحت حافظ علي كرامتك وامشي ودهبك اهو اديه لواحدة تستاهلك

- انا مش عايز غيرك 

-وانا مش عايزاك

- ليه ...ليه  فجأة بطلتي تحبيني

- انا محبتكش اصلا عشان ابطل احبك

-ايه ؟!

اتصدمت من كلامها البارد ....حسيت قلبي بيتكسر ...دموعي نزلت فمسحتها بسرعة ...هي متستاهلش اني ابكي عليها حتي 

ابتسمت بألم وقولت:

-انتي بتحبي حد ...فيه حد في حياتك 

-ايوة 

ضميت كفي بعصبية كنت عايزة اكس*ر رأسها  واقت*لها ...قلبي كان محر*وق ...مش قادر اصدق ان ملك اللي عشقتها واتحديت الكل عشانها اهلي وعيلتي تبيعني بالرخيص كده ....معقول فيه ناس ممكن تأذي ناس بتحبها كده ...انا توقعت الخيانة من الكل الا هي ...كنت بثق فيها اكتر من نفسي 

قومت وانا ماسك دموعي بالعافية وقولت :

- لا خليهالك الشبكة مش عايز حاجة تفكرني بيكي ....

وبعدين خرجت برا البيت...اول ما خرجت دموعي نزلت لوحدها ....قلبي كان واجعني....فرجنا كان بعد شهر ...انا كنت بعد الايام عشان نبقي سوا ...كنت مستعد أقدم كل حاجة عشانها ..وهي في لحظة باعت وخانت!!...كنت مقهور حاسس نفسي عايز اصرخ ....طلعت موبايلي وأيدي بتترعش واتصلت بصاحبي كريم ...كنت محتاج انسي مش عايزة ابقي لوحدي 

- كريم انا جايلك دلوقتي

-تنور يا برنس 

.......

-حرام عليكي اللي بتعمليه ده !!!زياد بيحبك وانتي كمان بتحبيه  يا ملك متخسرهوش ...صدقيني هو مش هيهمه الحادثة سيبك من كلام أهله 

خلعت ملك النقاب وشاورت علي وشها وصرخت وهي بتبكي:

-قوليلي هو فيه حد هيتجوزني بعد ما جمالي راح واتشوهت ...قوليلي يا هبة زياد مش هيقرف لما يبص في وشي....حد يرد علياااا

وبعدين وقعت علي الأرض وهي بتبكي

يتبع 

#انتِ_الحياة

الجزء التاني❤شكرا على تفاعلكم السكر زيكم❤بقلم سولييه نصار❤

قربت هبة من ملك وحضنتها وقالت:

-زياد والله بيعشقك....بيعشق التراب. اللي بتمشي عليه ...ازاي متثقيش فيه ازاي 

- انا واثقة فيه بس خايفة ....زياد راجل ومن حقه مراته تكون جميلة مش مشوهة زيي ...هو ذنبه ايه يبتلي بيا 

-الواد بيموت فيكي يا ملك انتي غبية 

هزيت راسها وهي  بتكي وقالت :

-وانا بحبه اووي عشان كده هو يستاهل احسن مني بقلم سولييه نصار❤

-وتفتكري ان كده احسن ...لما تح*رقي قلبه وتقوليله انك خاينة كده هيكون مبسوط ...زياد كان بيعشقك ....عملتك دي دم*رته  يا ملك ...تفتكري انه هيقدر يبص في وش ست تانية...هيقدر يحب تاني بعد ما ك*سرتي قلبه  ...هيثق ازاي في واحدة تانية بعد ما اكتر واحدة حبها  قالتله انها خاينة

بعدت وهي  بتبكي وقالت  :

-خلاص يا هبة وحيات عيالك اسكتي انا فيا اللي مكفيني من بعد حريقة الدكان بتاعنا اللي اتحرقت  بسببها  وانا حاسة ان الحياة واقفة....حاسة اني لوحدي ...حاسة ان الكل اتخلي عني 

-محدش اتخلي عنك يا ملك ...انا معاكي وأمك  معاكي وابوكي  ولو زياد عرف برضه هيبقي معاكي بس انتي بعدتيه عنك 

-محدش فاهمني 

- لا الكل فاهمك ومقدر انتي بس اللي سمعتي كلام اهل  زياد ....سمعتي كلام امه اللي قالت انه هيقرف ما يبص في وشك ...وثقتي فيهم بس موثقتيش في زياد حب عمرك ...يا بت ده زياد اتحدي أهله عشانك ...عمل المستحيل عشان تبقوا سوا ...اتقدم مرة واتنين وعشرة اتحمل الرفض عشانك وابويا كان ضده بسبب قلة  ذوق عيلته بس حاول وتعب واخيرا لما قدرتوا تبقوا سوا بتبعديه 

- انا اتشوهت

-وايه يعني انتي فاكرة انه هيقرف منك ...ولا هيخاف مثلا زياد اهو انا معرفهوش زيك بس متأكده مليون في المية مستحيل يقرف منك بالعكس هو اول واحد هيدعمك 

حضنتها   وهي بتبكي وجواها عارفة ان كلامها صح ..زياد هو اول واحد هيدعمها...زياد اللي تعرفه عمره ما جمالها  فرق معاه  قابل الاحلي منها  ورفضهم ...بس التشوه صعب وهي  عارفة ان شهامته هتخليه يكمل حتي لو مش بيحبها  

بعدت عن هبة وقالت :

-ده قراري يا هبة انا وزياد انتهينا خلاص 

..........

كنت قاعد جمب صاحبي كريم ....عيوني.مدمعة وحاسس بنار جوايا 

-مفيش راجل يبكي علي ست يا صاحبي دوول صنف ميستاهلش 

دموعي نزلت وقولت:

-ملك اللي اعرفها مستحيل تكون كده يا كريم ...لازم اعرف مالها ....انا مش هسيبها الا لما اعرف الحقيقة كاملة

-احفظ كرامتك يا صاحبي وأبعد دي واحدة..

-كريم  اخرس ..اياك تغلط فيها 

قومت وانا مخنوق وقولت :

-الحق عليك جيت افضفض معاك انا ماشي 

ورغم اعتراضاته واعتذراته مشيت 

......

تاني يوم طلعت من اوضتي انت حرفيا معرفتش انام من امبارح ...مخي بيودي وبيجيب...ملك فيها حاجة غلط ...مستحيل تكون خاينة ...انا بثق فيها ...بعد تفكير كتير فهمت ان ملك كانت عايزة تكرهني فيها ...بس يا تري ليه ؟!

جات رسالة علي تليفوني ...بصيت لقيتها هبة اخت ملك بتقولي ان لو عايز اعرف الحقيقة اقابلها في الكافية بتاعنا انا وملك!

.........

بعد ساعة كنت قاعد في الكافية قدامها وانا بهز رجلي بتوتر 

-اتكلمي يا هبة انا من امبارح هيطير برج من دماغي بسبب اختك دي ليه عملت كده وليه بتكرهني فيها 

سكتت هبة شوية بعدين قالت بتوتر :

-اولا يا زياد هقولك الحقيقة ولو بعدها مقدرتش تتقبل ملك يبقي اوعدني متقولهاش اني قولتلك حاجة 

-هبة بالله عليكي انطقي انا خلاص علي اخري 

دمعت عيون هبة وقالت:

-اوعدني الاول 

-والله العظيم يا ستي مش هقولها حاجة لو متقبلتش الحقيقة ...مالها بقا ملك قلقتيني

-بعد ما انت سافرت بحوالي عشرة أيام ...حصلت حريقة في الدكان بتاعنا ولسوء الحظ ملك كانت فين....النار طالت وشها وجسمها ...قعدت اكتر من اسبوعين في المستشفي تتعالج بس للاسف الحروق كانت صعبة فمقدروش يخفوا آثار التشوه 

دموعي نزلت فكملت هي وقالت :

-بس السبب الاساسي اللي خلاها تبعد هما اهلك!

يتبع 

#انتِ_الحياة

#سولييه_نصار

يتبع الجزء الاخير ❤

الجزء الاخير❤شكرا على تفاعلكم السكر زيكم ❤بقلم سولييه نصار❤

-اهلي عملوا ايه ؟!

سألت وانا حاسس بنار جوايا 

مسحت هبة دموعها وردت:

-مامتك جات لملك المستشفي وقالتلها انه مفروض متكونش انانية وتسيبك في حالك وانك هتقرف ما تبص في وشها ...وانك لو اتجوزتها هيكون شفقة لانك.شهم مش هتتخلي عنها بش عمرك ما.هتبص في وشها ...مامتك حسست اختي انها وحشة وبشعة...ساعتها ملك متحملتش وقررت تبعدك عنها عشان انت تستاهل احسن منها ....بقلم سولييه نصار❤

اتعصبت ومسحت دموعي وقومت بسرعة وركبت عربيتي ...كنت بسوق بسرعة ...نار. في قلبي 

..امي تعمل كده ...ت*دمر حياتي وسعادتي بالشكل ده ...ازاي ام تعمل في ابنها كده ...هي متعرفش اني بعشقها ...مستعد اضحي بحياتي عشان تكون مبسوطة ....وصلت البيت ونزلت ...

...

دخلت البيت وانا بزعق :

- ماما ...ماما فينك 

جه اخويا هو وبابا ..بابا قالي :

-فيه ايه يا زياد 

مردتش عليهم ...جات امي ...بصيت عليها. عيوني مدمعة وقربت منها وانا بقول :

-ليه عملتي كده ...ليه تك*سريني بالشكل ده 

اتوترت وقالت  :

- مش فاهمة 

زعقت فيها وقولت:

-انتي ازاي كنتي عايزة تبعدي خطيبتي عني ...عايزة ت*حرقي قلبي عليها ...انتي فاكرة انها لما تت*شوه مش هبصلها...فاكرة ان الجمال يهمني مهما حصل لملك هتفضل الست الوحيدة اللي حبيتها ومش. هتجوز غيرها ...ازاي تعملي كده في ابنك ...انتي ام انتي 

- يا بني انا 

-انتي ايه ...انتي ايه يا ماما كنت هتدمري حياتي لانك مبتحبهاش

- دي اتش*وهت يا بني هتتجوز واحدة متشوهة

-ايوة لاني بحبها وميهمنيش شكلها ...لو ده حصل معايا ملك كان مستحيل تسيبني ...ازاي بس تعملي كده انا اتصدمت فيكي يا ماما

وبعدين سبتها تبكي ومشيت 

..........

روحت بيت ملك وطلبت اقعد معاها

-خير جاي ليه تاني انت مش قولت اننا انتهينا خلاص ....يا بني انا مبقتش...

-بحبك 

قولتها بسرعة وعيوني مدمعة 

حسيتها اتوترت وقالت: 

-كلامك ده مبقاش يأثر خلاص انسي وانساني وسيبني بقا 

-انتي حياتي

-يوووه ...اطلع برة يا زياد 

قربت منها ومسكت النقاب 

-انت بتعمل ايه يا مجنون 

شيلت النقاب عنها فقعدت علي الأرض وهي مخبية وشها وبتقول:

-اطلع برة خلاص انا مش عاوزاك...

قعدت جمبها وقولت:

-مكنتش اتخيل انك بعد ده كله متثقيش في حبي وتفتكري اني سطحي لدرجة اسيبك بسبب حادثة زي دي 

-انت ملكش ذنب تستاهل واحدة غيري 

-بس انا مش عايز غيرك افهميني ...انا بحبك انتي ومش شايف غيرك وانتي بتكسري قلبي لما بتبعديني ...يرضيكي تكسري قلبي 

-انت هتستحمل تشوف وشي 

بعدت ايديها وانا ببص في وشها ...متهزتش وبصتلها وقولت:

-مهما حصل هتبقي الاجمل في عيني وبعدين الح*رق بسيط من بالسوء ده 

-يعني ممكن اتعالج

- لو عايزة تعملي عمليات تجميل انا معاكي للنهاية

بكت وقالت :

-افرض فشلت 

- مش مهم مش هيتغير حاجة 

-زياد انت ليه بتحبني للدرجة دي 

-عشان انتي الحياة ومن غيرك انا ميت ..انا بحبك يا ملاكي❤

-وانا كمان❤

تمت 

#انتِ_الحياة

#سولييه_نصار

عارفة ان زياد ممكن يكون من الشخصيات الخيالية لان مفيش حد بيحب كده بس زي ما قولت وبقول انا بحب النهايات السعيدة ...بحب اكتر الجانب الحلو من الحياة حتي لو افورت ...وافتكروا دايما اني هنا عشان افرحكم مش انكد عليكم❤