 |
المشهد ..السادس 💥بقلم ✍️ سلطان زماني
قريت الكلام كله من أوله لآخره مرتين وراء بعض من كتر ما
الكلام يوجع ويخض
وهي بدأت تكتب بعد الاجهاض واكتر حاجات حستها
ولمستني واتوجعتلها اوي هما 👇
١.مكنتش اتخيل ابدا انك تتخله عني في اكتر وقت محتجاك
جنبي فيه انت الوحيد الي كنت قادر تخليني أخرج من الحالة الي كنت فيها لما فقدت ابني🥲
ابني الي عاش جوايا وكنت بحس بيه وبكلمه وكنت عيشاله مش
بالساهل عليا كنت انسي كان حلم بنسبالي عايشة فيه حلم
جميل فرحت لما عرفت أنه ولد علشانك انت برضو
كنت عارفه انك نفسك في ولد ونفسك فيه زاي
عاش جوايا 7 شهور كنت مستنيه
يتولد وافرح ببه واخده في حضني ويشغلني وينسيني
اهمالك ليا ويملأ الفراغ الي سيبهولي كنت محتاجه وجوده
اوي اوووووي
انت قولتلي قدر الله ماشاء فعل ربنا يعوضنا ياحبيبي
وسبتني قاعده عند ماما وبقيت تيجي زياره زيك زاي الغريب
واقل من ربع ساعة وتنزل واوقات كنت تكتفي بمكالمة
وكنت بحس اني المشوار تقيل ع قلبك كنت بقولك ياحبيبي
أنا كويسة متتعبش نفسك علشان متعبكش وعلشان ملهاش
لازمة اي حاجه نبعه من جواك بتخليني فرحانه وطايره من
السعادة .. اي حاجه بتعملها تقضية واجب ملهاش لازمه ولا طعم
2. مبقتش تعملي حاجات حلوه اتباهي بيها قدام اخواتك
البنات الي ديما غيظ فيا ومعايره بنظرتهم ولا اكني وحده
قليلة جوزها هجرها وناسيها وكل وحده فيهم الي جوزها
يسفرها ويخرجها ويعملها مفاجآت وديما معها ومش بيسبها في أي ظرف
3.لما رحنا المصيف اسبوع بحاله سيبني مع مامتك وباباك
ده انت كنت بتقعد مع اخواتك البنات اكتر مني كل وحده
جوزها وخدها وبيلعب معها في البحر وع الشط وبعدين
يحبو في بعض وانا قعدة بموت من جوايا ولما كلمتك قعدت
معايا بس غصب عنك ولا لكنك مجبور وسبتك وقومت
علشان كان نفسي تعمل كده من نفسك حتي لما كنت اقولك بحبك ووحشتني وكلام طالع من قلبي كنت بتقولي بطلي بقا
تفاهه حتي لما كنت بترد بحس انك بتطيب خاطري مش
كلام طالع من قلبك زاي زمان
4..معرفش ليه بتكره اهلي ولو وصلتني تكسل تطلع تسلم
حتي عليهم ولا اكنهم نكره مع انهم بيحبوك اوي من كلامي
عنك وعليك . كل الاعزار الي في الدنيا قولتها ليهم علشان
ميحسوش انك كارهم أو انك مش حاببهم وعمري ما
حسستهم ب اي حاجه ولا حكيت ليهم مشاكلنا علشان تفضل
في نظرهم جميل
مع اني انا بعشق التراب الي بيمشو عليه اهلك وعمري ما
قصرت ف اي حاجه واي مناسبة أو أي ظرف لازم اكون اول
الحاضرين وبساعد وبعمل ده بحب مع أنه فضل مني مش
إلزام عليا بس علشان بحبك اوي اوي كنت يشوفه أنه فرض
عليا
5..ازاي احس بوحده وانت معايا يا ادهم ليه اتغيرت حبيبي
وياتره هتفضل كده لحد امتي ايه الغلط الي غلطته معاك
علشان تستاهل الإهمال والهجر وسوء المعاملة ده ..
دول اكتر حاجات وجعتني وحمدت ربنا اني متسرعتش
واتصلت بيها واتاسفت واعتزرت
لاني المهزلة دي مينفعش فيها كلمة اسف . قمت جبت ورقة
وقلم وكتبت كل الي وجعها وكل الي عملته واخدت عهد ع
نفسي اني زاي ما زعلتها واهملتها اوي كده
اني هرضيها واهسعدها واعوضها وافرحها اوي اوي
يتبع 💥 رايكم ياحلوين
البارت الأخير من هنا هنا
تعليقات
إرسال تعليق