 |
#إسكريبت_الزوجه_التانيه الأخير
#الاء_فرج
لفت المديره بالكرسي وفاطمه قامت وقفت من الصدمه : هناء؟!!!!
ضحكت هناء بسخريه : جايه تشتغلي عندي بعد ما قت*لت إبنك بأيدي ههه هتفضلي دايماً هبله وعبيطه!!
فاطمه وشها بقا أحمر اوي من كتر ما هي كاتمه العياط ، هي ما كانتش تعرف انها مديره الشركه..... فضلت فاطمه تفتكر لما وقعت من على السلم بسبب هناء اللي وقعتها قصد عشان تسقط البيبي.. ... و تفتكر كل الايام الوحشه اللي شافتها
وهي عماله تضغط على ايدها لحد ما نزلت د*م
فاقت فاطمه من شرودها على صوت خبط على باب المكتب ودخلت ساره
ساره بضحك: فاطمه انتِ نسيتي معايا التليفون رجعت كل ده بسببك يا هانم.... اي ده فاطمه في اي؟!!
بصيت ساره الناحيه التانيه لقيت هناء واقفه بتضحك بسخريه
ساره بصدمه : اي ده هناء هو انتِ المديره؟، فاطمه مالك اتكلمي يلاهوي ايدك عامله كده ليه.... فاطمه اهدي، فاطمه ردي عليا
فاطمه كانت ساكته تماماً وعماله تضغط على ايدها وبتبص على هناء بملامح حزن
ساره بزعيق : انتِ عملتي فيها أي يا بنت ***والله ما هسيبك
جريت ساره ونطت علي ضهر
هناء وفضلت تشد في شعرها وتعض في ايدها وهناء عماله تصرخ وتتحرك يمين وشمال عشان ساره تقع من على ضهرها
*احسن احسن تستاهل 😂*
ساره بزعيق : دي فاطمه يا بت يعني اختي مش صاحبتي
واللي يجي جمبها اقطعه بسناني، يا بنت *** ده انا همو*تك، بت يا فاطمه تعالي اضربي فيها معايا يلا يا فاطمه
مسحت فاطمه الدمعه اللي نزلت من عينها وقربت من هناء وشالت ساره من على ضهرها وقالت
أنا مش هوسخ ايدي واضربها ربنا هياخد مني حقك في الدنيا او في الاخره وان ما كانش النهارده هيبقى بكره، ربنا شاف قد اي انا اتظلمت منك ومن اخوكي، امي وابويا الله يرحمهم علموني ان ما اردش الاساءه بأساءه وربنا هيجبلي حقي من اللي ظالمني وربنا احسن من الكل، انا بس هقول حسب الله ونعم الوكيل، انا متربيه كويس اوي ومش هعمل زي ما انتوا عملتوا فيا
ساره بصدمه : فاطمه ما تسكتيش دي قت*لت إبنك؟
فاطمه بأبتسامه : بس يا ساره، قولتلك ربنا مش هيسبب حقي
عارفه يا هناء انا مش ضعيفه انا اقدر احرق الشركه بتاعتك واقدر اموت*ك انتِ شخصياً واقدر أقت*ل عيالك اللي حاطه صورتهم علي المكتب واقدر اقت*ل جوزك واحرق قلبك عليه
واقدر أوقع الاسهم بتاعتك اللي في البورصه واقدر اسرق فلوسك واقدر ادمر حياتك بالكامل بس انا مش هعمل كده عشان انا مش ضعيفه؟ انا قويه، الضعيف اللي زيك اللي الشيطان بيبقا مأثر عليهم ويخليهم يعملوا اسوء الأشياء، سلام يا هناء ومش عايزه اشوف وشك تاني حتى لو صدفه ولو انا نسيت ربنا مش هينسي وحسبي الله ونعم الوكيل يلا يا ساره
ابتسمت ساره على كلام صاحبتها اللي شخصيتها عكس شخصيتها نهائي، ساره بنت عصبيه وهمجيه وعلى قد ما هي ذكيه وبتعرف تاخذ حقها ولكن ساعتها بتعمل قرارات توديها في داهيه
عكس فاطمه نهائي شخصيه طيبه جداً ومش بتحب تأذي شخص وضعيفه وبتسكت كتير على الاهانه بس عندها تفكير عالي وإيمان بربنا جداً وانه هياخد حقها من كل اللي ضرها في شئ
*بقلمي الاء فرج *
بعد ٦شهور
ساره بتوتر : انا متوتره اوي يا فاطمه لا لا انزلي قولي لهشام ساره مش عايزه تتجوزك
فاطمه بضحك : اسكتي انتوا بقالكم ٣ سنين مخطوبين والواد لما صدق حرام عليكي بلاش تنكدي
ضحكت ساره، راحت فاطمه اخدتها في حضنها : زي القمر عروسه زي القمر أصحاب بقالنا ٢٠ سنه ولحد اخر العمر هفضل جمبك عمري ما هنسي وقفتك جمبي انتِ ضهري وسندي في الحياه انا بحبك اوي
ساره بسعاده : وانا كمان بحبك اوي
هشام : بخ قفشتكم بتعملوا اي، الله اي الحلاوه دي يا ست ساره
مسكت ساره الفستان ولفت بيه :شكلي حلو بجد
هشام :زي القمر
*بقلمي الاء فرج
نزلوا تحت والفرح كان مبهج وساره وهشام كانوا بيرقصوا زي المجانين
محمد :ازيك يا فاطمه عامله اي
فاطمه بأبتسامه : اي ده انتَ جيت؟
محمد :ساره عزمتني وأنا خلصت الشغل بدري وقولت اجي اقعد شويه
*محمد يبقى صاحب المطعم اللي فاطمه بتشتغل فيه
محمد :شكلك حلو في الفستان
فاطمه بكسوف :شكراً
اشتغلت اغنيه رومانسيه وبدأ كل كابل يرقص مع التاني سلو
محمد :ترقصي؟
ضحكت : ماشي
حطيت أيدي على كتفه وبدأنا نرقص مش عارفه اتكلم، بلف بين إيده وشعري بيتفرد على كتافي بفرحه وكأنه لقي مسكنه، رجلي عرفت خطوات رجله، الخطوه بخطوه، الحركه بحركه، النظره بنظره، والدنيا اتلونت حواليا
اتكلم في ودني : تتجوزيني؟
ابتسمت وأخيراً الدنيا ضحكت ليا :موافقه ❤️
بعد ٢٠ سنه
مسكت المذكرات فاطمه وبدأت تكتب
الحياه متاهات هتلاقي فيها حزن وفرح فراق ووجع دموع وفرح ولعب وهزار هتعيش كل التفاصيل دي، هتعدي عليك اوقات تبقي صاعبه عليك اوي واوقات وتتمنى تخلص من الايام دي وأيام تانيه تعيش ايام حلوه وتتمنى تفضل الحظه ما تمشيش من كتر حلاوتها
الايام بتعدي علينا هتكتشف كل مره حاجات جديده وناس جديده حاجات حلوه وحاجات وحشه، كل واحد هيعيش رحله وهي رحله الحياه عيش حياتك حر بس خليك دايما فاكر ان في ربنا واعمل حساب لقائه واوعك تخاف من العباد خاف من رب العباد ما تهتمش بكلام الناس، كلام الناس عمره ما هيخلص، عيش حياتك خاليه من الانتقام ومن الحقد والكرهيه والشر كل شرير نهايته وحشه، سامح
ايوه سامح الناس اللي اذتك وغلطت في حققك، سامح العباد عشان رب العباد يغفرلك ويسامحك لما تغلط
بلاش انتقام بلاش حقد بلاش كراهيه بلاش منافقه، شيل كل الأفكار السلبيه من دماغك وخد نفس عميق وابتسم الحياه جميله بوجودك
وان كل واحد ليه ذكره سيئه في حياته حاول انك تمسحها من دماغك وكمل حياتك عادي الحياه مش هتوقف على حد ولا بتوقف على حد
خليك دايماً فرفوش ما تخليش النكد يغلبك لا اضحك ده حتى النبي قال تبسم وربك قال وبشر الصابرين ♥️
وخلي دايماً في بالك ان الحياه لعبه هتخسر شويه وهتكسب شويه بس المهم انك ما تستلمش ابداً
وبكده حكايتنا خلصت
في وسط الضلمه اللي هتاقبلها في حياتك وكميه المشاكل اللي هتواجهك هيبقى في شعاع نور هيبشرك بفجر جديد اوعي تيأس من حياتك الحزينه ثقف بالله وفي يوم ما ستتغير حياتك للأحسن لا تيأس ولا تحزن الخزن غير لائق على وجهك الجميل....... فقط ابتسم..... صحيح هكذا ابتسامتك جميله لا توقفها ♥️♥️
تمت
تعليقات
إرسال تعليق