 |
البارت السادس عشر
حمقاء في الموساد
#ايزيس
ملك....فتحت عينيها بتعب وبصت لديفيد وقفلت عينيها تاني
وبعد فترة صحي ديفيد وملك كمان بدأت تفتح عينيها مرة تانية شكلها كان تعبان جدا ووشها كله كدمات زرقا من ضرب ديفيد
ديفيد بصلها بحزن وقال ف نفسه...أنا ازاي قدرت اعمل كده ف ملك
وبعدين قالها ...انتي كويسة
ملك بصتله باستغراب وقالت...انت مين وانا فين وانا مين اصلا
ديفيد...بصلها بصدمة بس بعدين ابتسم بخبث وقال في نفسه فقدت الذاكرة دي حاجة كويسة اوي ..اسميكي ايه بقا ياملك
اسميكي إليان يعني استجابة الرب لدعائى
ولا اسميكي اماريس يعني هدية اممم هاسميكي اماريس عشان انتي اماريس مصر ليا يعني هدية مصر ليا
وبعدين قال لها ...اماريس انتي مش فكراني
ملك....لا مش فاكرة حاجة .أنا اسمي اماريس
ديفيد...ايوا يا حبيبتي وانا وانتي بنحب بعض اوي وزفافنا كان بعد يومين بس انتي عملتي حادثة وشكلك فقدتي الذاكرة ..بس كويس انك دلوقتي بخير ..ماتقلقيش انا هفكرك بكل حاجة
ملك مسكت راسها من الالم وقالت ..ماشي
ديفيد...أنا هاجيب الدكتور واجي
ديفيد راح للدكتور وحكاله اللي حصل
الدكتور...يبدو أن ما حدث معها هو فقدان كلي للذاكرة لأنها لم تعد تتذكر اسمها
سأكتب لها دواءً يساعدها علي التذكر
ديفيد....لا ايها الطبيب بل العكس اكتب لها دواءً لا يعيد ذاكرتها أبداً
الدكتور استغرب ...أجل سأفعل
ديفيد ابتسم وخرج
&&&&&&&&&&&
في مصر ام الدنيا
تحديدا في المستشفي في اوضة سيف
ست كبيرة تجسو علي ركبتيها وماسكة ايد ابنها الوحيد ومنهارة في دموعها
الحاجة أمينة....بتعيط....سيف يا حبيبي يا ابني ايه اللي جرالك..انت قلتلي يا امي أنا رايح اجيب حق ابويا ليه ما نفذتش وعدك يا سيف ورجعت زي ما وعدتني يا حبيبي ..بقا لما اشوفك بعد غياب شهر اشوفك كده ااااه يا وجع قلبي عليك يا سيف
نور أخته جمبها..وبتعيط...ابيه سيف بالله عليك يا ابيه قوم أنا ما اتعودتش اشوفك كده ..أنا كنت بأعد الايام والليالي وما صدقت الشهر خلص ..احنا ما اتفقناش علي كده حضنك واحشني اوي يا ابيه ..ماما كانت بتصلي كل يوم الفجر وتدعيلك ربنا يحفظك ويرجعك لينا بالسلامة مش هتقوم بقا كفاية يا ابيه اكيد عرفت غلاوتك عندنا قوم بقا
حازم دخل وساعد الست أمينة تقوم وقال لها خلاص كده الزيارة انتهت يا ست أمينة
خرجوا من الاوضة
أمينة مسكت القرآن الكريم وفضلت تقرا فيه..ونور قعدت وسرحت وافتكرت ايام زمان بعد استشهاد والدها اللي كان ظابط في مهمة ع الحدود
FLASH BACK
فلاش باك
سيف(١٦سنة) شاف أخته نور (٦سنوات)خارجة من المدرسة وبتعيط
سيف....حضنها ..نور مين زعلك بتعيطي ليه
نور ...سيف فين بابا كل صحباتي جابو باباهم مسكهم عشان ياخدوا حقنة التطعيم وانا بابا لسة مش رجع من الشغل ليه
سيف ...حضنها وعينيه دمعت وقال لها ...طب ينفع أنا ابقي بابكي لغاية ما بابا يرجع ..
نور ضحكت ...انت لسة صغير
سيف....اعتبرني بابا الصغير يا ستي
نور....باسته وضحكت وقالت ماشي يا بابا الصغير
مسكها سيف وشالها فوق كتافه وراوحوا ع البيت
باك
BACK
في المستشفي
نور قعدت تعيط وتدعي ربنا انه يحفظ اخوها وابوها وحبيبها ويقوم لهم بالسلامة
&&&&&&&&&&&&&
في اسرا..ئيل
في المستشفى
ديفيد بيأكل ملك وبيحكلها عن حياتها قصة هو الفها من واحي خياله المريض
ديفيد...انتي مالكيش غيري ..احنا يهود واهلنا اتقتلوا علي ايد الفلسطينين اللي مش بيرحموا حد وانا اللي ربيتك وطول عمرك معايا انتي حبيبتي وبنتي واختي وكل اهلي يا اماريس وانا كمان كل اهلك
ملك....ببرأة ....طيب أنا عايزة انام يا ديفيد
ديفيد...أكيد يا حبيبتي يلا خدي الحباية دي ونامي
ديفيد..في نفسه..شكرا للقدر اللي عمل اللي انا ما اقدرتش اعمله
&&&&&&&&&
في الموساد
حالة من الزعر والقلق والغضب مسيطرة علي الكل هناك بعد انتشار خبر سرقة بيت ديفيد من قبل المخابرات المصرية
الرئيس...لقد تركت ديفيد يتمادي ولم أوقفه وهذه هي النتيجة ولكني سأعاقبه عقابا شديدا ..لقد خسرنا مجهود أربع سنوات بسبب عناده ..وحبه لفتاة لا تشبهنا
(طبعا لا تشبهكم انتوا احفاد القردة والخنازير واحنا احفاد الفراعنة يا خنزير.وتحيا مصر🇾🇪♥️)سوري ع الخروج عن النص ياجماعة🙊
آران ..سيدي إذاً هل تريد مني أن أُحضر الفتاة حالا واعاقبها بطريقتي
الرئيس...أجل آران أحضرها وافعل بها ما شئت ومن اليوم انت ستتولي منصب ديفيد وديفيد يعود لمنصبه القديم
آران ابتسم بخبث وقال...امرك سيدي
وخرج وعلي وشه ابتسامة نصر✌
&&&&&&&&&&
في المستشفي
ديفيد....ايها الطبيب هل بإمكاني اخذها للمنزل الان
الدكتور ...أجل ولكن اعتني بها جيدا و لاتدعها تتحرك كثيرا
ديفيد ...حسنا
ديفيد اخد ملك اللي كانت ساندة علي كتفه وبتمشي ببطء وراحوا علي بيته
&&&&&&&&&&&&&
في الموساد
في مكتب الونا
آران ....اظنكي سمعتي اخر الاخبار سيدتي
الونا سعيدة جدا...نعم آران لقد انتشر الخبر بسرعة البرق والآن أنا مطمئنة أن ديفيد سيكون لي أنا بعد صدمته في تلك الحمقاء
آران ....سيدتي اعلمي أنني خادمكي الوفي ورغم أنني تساويت معكي في المنصب وتوليت منصب ديفيد الا أنني مازلت مساعدك الأمين إذا اردتي اي شئ ف أنا في خدمتك
الونا...بشك....لما تفعل كل هذا آران ..لما تكره ديفيد لهذا الحد
آران اتوتر بس ما حبش يبين .واتصرف بذكاء
آران بيمثل الحزن...أن اقوم بهذا ليس من أجل ديفيد أو لأنني أكرهه ..بل لأنني احبكي الونا احبكي كثيرا وانتي لا تشعرين بحبي لذلك اسعي جاهدا لاجمع بينكي وبينه لأنني أريد أن اراكي سعيدة دئما
الونا اتفاجئت واتغرت ف نفسها...اووه آران يا لك من مكسين انت تتعذب بسببي وتساعدني هذا لطف منك لن انسي لك هذا
آران بنظرة ثبتها وقال....أنني مستعد أن اقتل نفسي مقابل نظرة من تلك العيون الساحرة
للحظة الونا تاهت في كلام آران وهو سابها ومشي وهو بيقول لنفسه
....انتقام عدنان ماحدش هينجا منه وحياة كل نقطة دم نزلت منك يا ديمة ومن سيف وحياة سيف اللي بيصارع الموت وحياة القدس اللي بينزف من اكتر من سبعين سنة علي اديهم لاهنتقم منهم واحد واحد وخرج وهو كل تفكيره أنه هيجيب ملك بكل سهولة ويوهم الكل أنه قتلها ويهربها ع مصر لكن يا تري هيقدر ينفذ
&&&&&&&&&&
في بيت ديفيد
وصل آران ومعاه قوة من الضباط عشان يقبضوا علي ملك بحكم انها جاسوسة مصرية
ديفيد....بعصبية ...كيف تقتحمون منزلي بهذه الطريقة
آران ...بص لملك اللي هي متجاهلة نظراته
لقد جئنا نقبض علي تلك الجاسوسة بأمر من الرئيس
ديفيد....ضحك وقال...اسمع آران أنها فقدت الذاكرة ولن تفيدكم ف شئ وفر مجهودك وارحل من هنا بأسرع وقت
آران ...أنها أوامر من القيادة ديفيد
ديفيد...بكل عصبية قام قالب الطرابيزةوقال ...فلتذهبوا جميعا اللي الجحيم لن اتركها لكم وسحب سلاحه ووجهه علي آران
آران كان مصدوم عشان ملك خلاص لا هتتعرف عليه ولا هتصدق كلامه بص لها
لقاها خايفة ومستخبية ف حضن ديفيد
آران في نفسه ...ليه بتصعبي الأمور عليا يا ملك ..وقال للقوة اللي معاه ...هيا بنا فوضعها الصحي لا يسمح لها بالقدوم معنا وخرجوا كلهم من البيت
أما ديفيد عمال يألف قصص ويحكيها لملك عشان تقتنع أنه هو كان كل ماليها .حضرلها اكل واكلوا واخدت العلاج...وبعدين ملك قالت
ملك...بتعب ...ديفيد أنا عايزة أنام
ديفيد....بخبث يلا نطلع ننام
واخدها علي أوضته
ملك ....يلا أخرج عشان هاغير وانام
ديفيد....لا يا اماريس انتي نسيتي ولا ايه
ملك....نسيت ايه
ديفيد...انتي كنتي تنامي في حضني كل يوم
ملك...؟...............يتبع
&&&&&&&&&&&&&
البارت انتهي اتمني يعجبكم ♥️
#احلي دلع اهو بارتين في يوم واحد 💃💃
#ابهرووني بالتفاعل بقا 💪💪🙈
البارت السابع عشر
حمقاء في الموساد
#بقلم_ايزيس
في بيت ديفيد
ملك...بتعب ...ديفيد أنا عايزة أنام
ديفيد....بخبث. ...يلا نطلع ننام
واخدها علي أوضته
ملك ....يلا أخرج عشان هاغير وانام
ديفيد....لا يا اماريس انتي نسيتي ولا ايه
ملك....نسيت ايه
ديفيد...انتي كنتي تنامي في حضني كل يوم
ملك...........بجد..ماشي يلا ننام
ديفيد ابتسم بخبث...يلا يا حبيبتي
ملك فجأة غمضت عينيها وكان باين علي وشها أنها بتتألم ومسكت راسها ووقعت فاقدة الوعي
ديفيد جري عليها بقلق ...ملااااك ملك ردي عليا وهو في اللحظة دي نسي أنها اماريس
شالها وحطها ع السرير..ومسك فونه وكلم الدكتور اللي بيتابع حالة ملك وبعد مرور وقت وصل الدكتور وفحص ملك
الدكتور....فقدان الوعي هو عرض من اعراض فقدان الذاكرة حيث أنها كلما اجهدت نفسها بالتفكير في ماضيها أو محاولة تذكره قد تفقد وعيها لذا حاول ألا تجعلها ترهق نفسها بتذكر ماضيها
ديفيد...ف نفسه ...أنا لو عليا امسح ماضيها خالص من حياتها بس اعمل ايه
وبعدين ابتسم وقال للدكتور ...حسنا سأبذل أقصي جهدي لابعدها عن التفكير ..شكرا لك
وخرج الدكتور
ديفيد لقي ملك فاقت
ملك ...ديفيد أنا مش قادرة افتكر حاجة بس ممكن تسيبني أنام لوحدي لغاية ما اتعود عليك لاني بجد حاسة اني مش هاكون مرتاحة وانت هنا وانا مش فاكراك
ديفيد باس راسها وقال ...حاضر يا أماريس براحتك أنا هنام ف الأوضة التانية لو حسيتي بأي تعب قوليلي يلا تصبحي علي خير
ملك ...وانت بخير وسابها وخرج وقفل الباب
ملك غمضت عينيها لأنها خلاص مش قادرة تتحمل اكتر من كده واطلقت العنان لدموعها اللي في ثواني بقيت شلالات نازلة من عينيها كانت بتفتكر سيف وازاي مات موتة شنيعة قدامها وبسببها. كانت حاطة أيدها علي قلبها اللي واجعها اوي سيف كان بالنسبة لها عوض ربنا ليها عن أهلها اللي انحرمت منهم ..افتكرت اليوم اللي قضيته مع اهل سيف واد ايه كانت حاسة أنه مامته حنينة زي مامتها وكانت حاسة بجو العيلة اللي افتقدته ..كانت برضو بتفتكر مشاكلها مع سيف وتضحك وسط دموعها وافتكرت لما ضربته بالرصاص في دراعه ..زكريات كتيرة مالهاش نهاية كانت بتمر قدامها وشوية تضحك وشوية تعيط
(رحلت عني دون أن تنبهني بأنك اخذت القلب والروح معك وتركت بقايا روحٍ آلمها فراقك فأصبحت تنتحب)
بعد تفكير طويل في ذكريات جميلة نامت ملك عشان تهرب من العذاب والألم اللي في قلبها
صحيت ملك الفجر اتوضت وصلت ودعت ربنا كتير أنه يساعدها تنتقم وتطفي النار اللي ف قلبها
وبعدين خبت كل حاجة متعلقة بصلاتها ونامت
في الصبح
ديفيد حضر الفطار وطلع بيه علي اوضة ملك
ديفيد...اماريس امااااريس اصحي بقا
ملك فتحت عينيها....ديفيد صباح الخير
ديفيد...صباح الفل علي أحلي اماريس في الدنيا جبتلك الفطار
يلا افطري وانا هاروح ع الشغل بسرعة لاني اتأخرت وبقالي اسبوع في إجازة
ملك...بهدوء...تمام روح شغلك
&&&&&&&&&&
في الموساد
ديفيد وصل ودخل مكتبه واتفاجئ بآران قاعد ع الكرسي بتاعه
ديفيد...لماذا انت هنا هذا مكتبي
آران ببرأة...سيد ديفيد هذا ليس شأني لكن الرئيس هو من اعطي هذا المنصب لي هذا ليس ذنبي
ديفيد كان هيتجنن وطلع زي المجنون علي الرئيس
ديفيد....لما تختبر صبري ايها الرئيس ..كيف لك أن تعطي منصبي لآران
الرئيس ...بهدوء عكس ما بداخله ...اسمع ديفيد انت غير قادر علي تولي المسؤوليات لذلك لا تغضب من تصرفي انت من وضعت نفسك في هذا الموقف ..لقد حذرتك كثيرا انك ستخسر ولكنك رفضت تماما أن تسمع لي ..وهذا ايضا ما حدث مع ابيك فهو عشق فتاة امريكية وتزوجها غصبا عنا وانجبك وفي النهاية قُتِلت هي من قبل الموساد بعدما انجبتك بعام لأنها أثرت علي عمل والدك ..يا للاسف فقد كنت من أكفأ الضباط ولكن ماذا فعلت بنفسك ديفيد لقد صرت علي خطي والدك ونهايتك ستكون حزينة مثل نهايته
ديفيد غمض عينيه بألم لما افتكر حقيقة أنه والدته ماكانتش يهودية والموساد قتلها هو كان نفسه يشوفها بجد مش يمكن لو كانت عايشة كانت حياته اتغيرت ومابقاش الوحش اللي هو عليه دلوقتي لكن لا يفيد البكاء علي اللبن المسكوب..
ديفيد بص للرئيس وقاله
ديفيد ...اسمع سيدي سأنفذ عملية التفجير في سيناء ولكن قبلها سأتزوج الفتاة وإذا تمت العملية بنجاح سأعود الي منصبي ما رأيك
الرئيس....موافق تزوجها بأسرع وقت لأننا نريد تنفيذ خطتنا ف القريب العاجل لنرد علي تطاول المخابرات المصرية علينا
ديفيد ....أجل سيدي شكرا لك
&&&&&&&&&&
في مكتب آران
موبايل آران رن
آران ....من المتحدث
......تعالي عايزاك ضروري دلوقتي
عدنان انتفض من مكانه بسرعة وقام بسرعة خرج وركب عربيته
بعد فترة وصل عدنان ودخل البيت بالطريقة اللي بيدخل بيها كل مرة
عدنان.... صرخ بفرحة .. ملااااك سي..لكن قاطعته ملك قبل ما يكمل كلامه
ملك...بحزن....عايزة انتقم لموت سيف يا عدنان ..انت عارف اني احم يعني تفكيري بطئ شوية ..ممكن تفكر لي فكرة اقدر انتقم بيها منه
عدنان ...كنت عارف انك مافقديش الذاكرة برافو يا ملك تصرف ذكي منك
ملك ....اتجاهلت كلامه ..قلت ايه هتساعدني انتقم
عدنان...في نفسه ..ملك اتغيرت جدا صدمة موت سيف مأثرة عليها جدا احسن حاجة اخبي عنها أنه سيف ما ماتش عشان تفضل بنفس الحماس
عدنان ...مستعدة تنفذي كل اللي اقولك عليه بدون نقاش حتي لو قلتلك موتي نفسك
ملك ....موافقة ومستعدة
عدنان ...علي بركة الله الخطة يا ستي كالأتي ...............
&&&&&&&&&&&&
في المساء
ديفيد رجع من شغله
ديفيد....اماريس عاملة ايه دلوقتي يا روحي
ملك....أنا تمام ..ديفيد انت مش قلتلي أنه فرحنا كان قريب
ديفيد...اممم كان بعد يومين
ملك...ديفيد .أنا بجد حاسة من جوايا بحزن كبير ومش عارفة سببه ايه نفسي بجد افرح يلا نتجوز ونعمل فرح كبير اوي ونعزم ناس كتييير اوي اوي وتكون الموسيقي عالية جداا .بجد نفسي افرح حاسة قلبي واجعني ومش عارفة ليه ..بحاول افتكر اي حاجة مش قادرة
ديفيد مسكها من كتافها....وليه ليه تحاولي تفتكري ..بصي يا ماريستي احذفي الماضي دا خالص ما تحاوليش تفتكري حاجة اوك
وهنبدأ من جديد نحب بعض بالطريقة اللي تعجبنا خلاص يا روحي..أما عن زفافنا هأعملك اكبر فرح اتعمل في اسرا...ئيل كلها وهاعزم كل الناس واولهم الرئيس بس انتي افرحي..واضحكي وحبيني وبس اوك
ملك....رسمت علي وشها الفرحة وابتسمت وقالت له...بحبك يا ديفيد
ديفيد...وانا بعشقك يا اماريس......من بكرة تستعدي لفرحك يا اجمل عروسة
ملك....ابتسمت له ...وقالت في نفسها ...وانت من بكرة تستعد لجحيمك يا اكبر مغفل
وفعلا بدأت تجهيزات الفرح وديفيد كان اسعد انسان اخيرا حلمه بيتحقق عزم ناس كتييير جدا وكان بيجهز لفرح اسطوري
وملك من ناحيتها بتستعد جدا للفرح
واخيرا يوم الفرح
وفجأة دخل عدنان عندها
عدنان ....فين فستان الفرح
ملك.... اهو جبت القنابل
عدنان ...امممم ..بسرعة هاتي الفستان لازم نخيط القنابل دي فيه
ملك جابت الفستان وبدأوا يخيطوا القنابل
فيه..ملك كانت ب تبتسم وهي بتحط القنابل في فستان زفافها
عدنان ...بتضحكي ليه
ملك....مبسوطة عشان هاروح لاهلي ول سيف وانا فخورة باللي عملته
عدنان ابتسم وطلع حاجة من جيبه ومسح علي شعرها ...وقال..اوعدك انك هتروحي لسيف وفجأة يديها إبرة منومة في رقبتها
بعد مرور وقت
المعازيم كلهم بدأوا يحضروا وديفيد كان آخر شياكة كأنه امير اسطوري واقف مستني عروسته اللي حلم بيها كتييير واخيرا جي اليوم اللي تبقي فيه من حقه
واخيرا ظهرت العروسة وهي بتمشي خطوات سريعة جدا عشان توصل للعريس واللي يشوفها يقول انها بتعشقه ومستعجلة جدا تكون معاه
ديفيد مسك ايديها وهي كانت مغطية وشها بالطرحة اللي المفروض هيشلها ديفيد بعد ما يكملوا طقوس الفرح
آران راح ناحيته وبص لها وابتسم وقال لديفيد ...الفرح اسطوري ..أهنئك صديقي
ديفيد....شكرا لك وسابه عدنان ومشي
وديفيد بدأ يقول طقوس الفرح في حضور الآف من المعازيم والرئيس وشخصيات مهمة جدا في الموساد
عدنان خرج من الفرح كله وبعد وهو خارج بيفتكر كلامه مع ديمة
عدنان....ديمة تقبلي تعيشي ف مصر مع واحد من لما شافك مش شايف غيرك قدامه
ضحكت ...وينه هاد
عدنان ...قدامك اهو والله بس انتي بصي كويس
ديمة...ضحكت ...المرة يلي جاية راح اقولك ايه او لا ...(بس طبعا ماكانش فيه مرة جاية لأنها استشهدت)
بااك BACK
عدنان بضغطة واحدة ع الريموت انفجرت القنابل واحدة ورا التانية وتعالت اصوات الانفجارات وهو واقف شامخ زي الاسد بيتفرج وعيونه كلها نصر ..شدت الانفجارات خلت الليل كأنه نهار ...بس ملك ياتري ماتت ولا.....
في مصر
سيف فاق مرة واحدة وصرخ ...ملاااااااك..
&&&&&&&&&&
البارت انتهي اتمني يعجبكم❤️
#يلا بقا تشجييييع 💪عااااش💪لو لقيت تفاعل حلو هاكتب ١٨☺️ عشان نعرف ملك عايشة ولا ماتت
البارت الثامن عشر
حمقاء في الموساد
#إيزيس
عدنان بضغطة واحدة ع الريموت انفجرت القنابل واحدة ورا التانية وتعالت اصوات الانفجارات وهو واقف شامخ زي الاسد بيتفرج وعيونه كلها نصر ..شدت الانفجارات خلت الليل كأنه نهار ...بس ملك ياتري ماتت ولا.....
في مصر
سيف فاق مرة واحدة وصرخ ...ملاااااااك
الممرضة خرجت بسرعة وجابت الدكتور فحص سيف
الدكتور ...حمدلله علي سلامتك يا بطل
سيف....فين ملك
الدكتور ...لحظة واحدة هنادي عليها
دخلت والدة سيف واخته
أمينة جريت حضنت سيف...حمدلله علي سلامتك يا حبيبي انت كويس حاسس بإيه قولي
سيف ..أنا الحمد لله كويس يا ماما فين ملك
أمينة بصت لتحت وما اتكلمتش
نور..بتعيط...ابيه سيف الحمدلله انك خفيت
سيف...بص لمامته ولنور ..فين ملك يا نور لسة مارجعتش من إسرائيل ...وبعدين اتكلم بصوت عالي ...ليييييه فين حسام ..مسك صدره اللي وجعه بألم
دخل حازم ....سيف ما تقلقش حسام زمانه جايب ملك وجي ف الطيارة
&&&&&&&&
في اسرائيل
حالة من الهلع والزعر مسيطرة علي كل أرجاء اسرائيل الانفجارات فضلت مولعة لغاية الصبح والاخبار انتشرت بسرعة البرق أنه أكبر قيادات الدولة كانوا في الفرح ..الخوف والقلق والحزن كل دي مشاعر طبعا جديدة عليهم هما مش متعودين عليها هما متعودين يأذوا وبس يبطشوا ويقتلوا أرواح بريئة وبعدها يحتفلوا بكل دم بارد ...اسرائيل كلها مقلوبة رأسا علي عقب اذا كان هما بيخافوا من الحجارة اللي ف ايد الاطفال الفلسطنيين فما بالكم بقا بقنابل الاسود المصرية ...
&&&&&&&&&&&&
في مصر ام الدنيا
نايمة علي سرير ابيض في مستشفي خلفيتها بيضة ..ملك بدأت تفتح عيونها ببطء
ملك....ايه المكان الابيض دا انا اكيد مت ودخلت الجنة ..طب فين سيف واهلي..وليه الجنة شبه المستشفيات كده
سيف كان مربع أيديه و ساند علي باب أوضتها وبالعافية ماسك نفسه من الضحك
قرب عليه وقال
سيف...أنا هنا يا ملك
ملك ...سيف الحمدلله اني شفتك انت كنت واحشني اوي ...وبعدين قالتله ...قرب شوية...سيف قرب
ملك همست في ودنه...هو عادي احضنك ف الجنة ولا حرام عشان مش متجوزين
سيف...انفجر ضحك ...وقال لها...حرااااام يا ملك
ملك...احم ديما كاسفني حتي ف الجنة ..وبصتله وقالت سيف أنا فجرت نفسي عشان اجيلك عشان تعرف بحبك اد ايه
سيف....واضح 😂
حسام...دخل الأوضة ..مش هتبطلي فشر بقا فجرتي نفسك امتي يا نصابة
ملك...بصدمة....عدنان هو انت كمان مت
حسام ..يخربيت ام الغباء..انتي اخر حاجة فاكراها ايه
ملك...لما كنا بنحط القنابل ف الفستان
حسام...امممم بعدها اديتلك حقنة وجيبتك علي مصر هنا عشان تعرفي أنه سيف لسة عايش
ملك....بصدمة وفرحة ودموع واحاسيس كتيرة ...يعني ايه احنا عايشين ودي فعلا مستشفي
سيف...ضحك ...شفتي بقا ازاي
ملك نسيت نفسها في اللحظة دي وقامت حضنت سيف...
وسيف شالها وحضنها هو كمان و كان بيتألم بس هو بجد حب الشعور دا جدااا
ملك ....ايه يا سيفو نزلني انت ما صدقت ولا ايه
سيف...همس ..ليه هو اللي حضنتك
ملك...ايييه يا كسفتي أنا غلطانة بقا ..سيف ضحك ونزلها
ملك بجدية ... اه يا عدنان يا واطي انت ليه خبيت عني أنه سيف لسة عايش
عدنان ...بصراحة عاجبني اوي تمثيلك وانتي عاملة فيها البت القوية العاقلة ..كان نفسي ابرمجك ع الشخصية العنيفة دي بس مع الاسف رجعتي ملك القديمة لا وايه ليڤل الغباء مرتفع اوي عندك اليومين دول ما شاء الله
سيف...ماتحترم نفسك ياض انت ماتتكلمش علي مرات صاحبك بالطريقة دي
عدنان ...اه الا مرات صاحبي بجد نفسي اشوف عيالك يا سيف وهما اكيد هياخدوا غباء أمهم
سيف....بجدية ...علي فكرة بقا ملك ذكية جدا هي بس بتصطنع الغباء
ملك...كانت سرحانة ومش معاهم وفجأة اتلكمت.... عدنان يعني احنا ما انتقمناش ولا ايه
عدنان.....بص لسيف وضحك وقال....لا واضح انها بتصطنع الغباء ..وبعدين قال لملك ..هي البعيدة مش بتفهم ولا ايه اه فعلا أنا نسيت انك احم تفكيرك بطئ ههههه(قلد كلامها اللي قالتهوله ف اسرائيل)
ملك ..بغيظ ...تصدق انت عيل والمفروض ما حدش يقولك سره ..احكيلي بقا ايه اللي حصل
عدنان ..تمام هاحكيلك بعد ما اتفقت معاكي ع الخطة اللي هننتقم بيها من ديفيد روحت لألونا علي مكتبها
FLASH BACK
فلاش باك
في الموساد
آران دخل مكتب الونا
آران. ...اسمعي الونا لقد اعددت لكي خطة ذكية ستتمكني بها أن تتزوجي ديفيد بدلا من الفتاة الحمقاء العربية
الونا بلهفة...وما هي الخطة
آران....سترتدين ثياب الزفاف بدلا من الفتاة وانا من سيحضر لكي الثوب
الونا ...حقا آران إذا فعلت هذا من اجلي فسأجعل ابي يعطيك ترقية لتصبح مساعده مباشرة
آران....ابتسم ...هذا لطف منكي يا معذبتي.انا لا اريد سوي سعادتك
الونا طبطبت علي خد آران ..امم عزيزي آران هون عليك ..
BACK
باك
في المستشفي
ملك....ايوا برضو ما فهمتش أنت انتقمت ولا لا
عدنان...وربنا ما هارد..رد يا عم الرومانسي
سيف ...احم ملك ركزي شوية يا حبيبي ..الونا لبست الفستان يوم الزفاف بدالك وعدنان اداكي إبرة منومة وجابك علي هنا ف طيارة خاصة
ملك....يووووه ما تريحوني قتلتوا ديفيد ولا لا .ايه الناس اللي مش بتفهم دي يا ربي
سيف بص لعدنان ..انت تعرفها أنا ما اعرفهاش ..وفضلوا يضحكوا هما الاتنين
دخل حازم ...أنا اللي هاريحك يا بطلتنا احنا مش بس موتنا ديفيد احنا موتنا الرئيس وكل القيادة بتاعته وناس كتير غيرهم ودا طبعا بفضلكوا انتوا التلاتة يا وحوش مصر
ملك بفرحة...ياااااه بجد ..طب ممكن موبايلك يا حازم باشا
حازم استغرب ...اتفضلي ..
ملك كتبة حاجة ع جوجل
ومسكت الموبايل وبدأ يغني
🎶وبحبك وحشتيني بحبك وانتي نور عيني دا وانتي مطلعة عيني بحبك مووووت 🇪🇬
لفيت اد ايه لفيت مالقيت غير ف حضنك بيت وبقولك أنا حنيت بعلو الصوت🎶🇪🇬
ملك منسجمة وبتغني وهما باصين لها وبيضحكوا
عدنان ...ملك هو انتي ليه حاسة ديما انك بتصوري احداث مسلسل
ملك...بعيش اللحظة يا عدنينو
عدنان ..ابوس ايدك بلاش عدنينو بتقفلني والله من الاسم
سيف ...يا ايه ياختي ..اوعي اسمعك تدلعي حد غيري انتي فاهمة هاقطم رقبتك
ملك....بصتله وكشرت زي الاطفال وما اتكلمتش
خرج عدنان وحازم وبعدهم بشوية وصلت
والدة سيف ونور وراحوا اوضتة ملك وسلموا عليها وكانت واحشاهم كأنهم يعرفوها من زمان
أمينة...اسمعي يا ملك انتي هتخرجي من هنا علي بيتنا أنا عاملة لكم كل الاكل اللي كنتوا محرومين منه في البلد اللي ما تتسمي دي
ملك بخجل...لا شكرا يا خالتي أنا هرواح بيتنا
أمينة.....كده برضو يا ملك انا باعتبرك زي نور بنتي بس انتي شكلك مش بتعتبريني مامتك
سيف ...عاجبك كده يا ملك يرضيكي تزعلي الست أمينة القمر دي
ملك...لا طبعا ما يرضنيش
نور ...خلاص بقا يا لوكا فكك من الجو القديم دا وانك مكسوفة وكده احنا قريب جدا هنبقا أهل ..وغمزت لسيف وقالت ..ولا ايه يا ابيه سيف
سيف....والله ابيه سيف نفسه دلوقتي حالا نبقي أهل ولا ايه رأيك يا ام سيف
أمينة...ضحكت وماله يا حبيبي خير البر عاجله
ملك...أنا ملاحظة انكو متجاهليني خالص هو أنا ماليش رأي ولا ايه
سيف ....ايه تقدري تقولي لا دانا كنت أفرغ المسدس في دماغك
ملك.....مش هرد عليك ..بقول ايه يا خالتو أنا طالبة ايد الشحط دا موافقة ولا متكلمين عليه
كلهم ضحكوا وسيف قالها...دا لو متكلمين عليا كنتي انتحارتي
ملك ضربته في صدره ...وقالت انت غلس وانا بكرهك علي فكرة ..وسيف أتألم بجد من ضربتها
ملك....بلهفة...سيف انت كويس
سيف ابتسم .....لسة بتكرهيني
ملك....همست..تؤ تؤ
سيف ...بصلها وابتسم وقال ...يلا يا جماعة نمشي لحسن أنا جعان جداااا ...سيف مسك ايد ملك واستني لغاية ما والدته واخته خرجوا
وقالها ...وحشتيني
ملك ابتسمت بخجل ومارديتش
خرجوا من المستشفي وراحوا علي بيت سيف .
اتغدوا وقضوا وقت ممتع مع بعض ضحكوا وهزروا وملك حكت لهم عن مغامراتها في الموساد وشاهدوا فيلم مع بعض ..وبعدها سيف اخد ملك ووصلها بعربيته لغاية العمارة اللي ساكنة فيها
نزلت ملك من العربية وهي وسيف بيتبادلوا النظرات ويضحكوا لبعض
شافها شاب من أهل منطقتها واضايق وقال بقا غايبة بقالك شهرين ومانعرفش مكانك اتاريكي ماشية علي حل شعرك وكمان قلعتي الحجاب اللي ما وريتك يا ملك
ملك دخلت العمارة ولسة هتطلع الاسانسير وقفها صوت الشاب
.......ايه يا ملك هو حلال للغريب وحرام علينا ولا ايه
ملك...............يتبع
&&&&&&&&&&&
#ياتري رد ملك هيكون ايه ..اغتص****
ولا اتعلمت حاجة من مغامرتها ف الموساد
❤️البارت انتهي اتمني يعجبكم❤
#تشجيع بقا عشان اكتب ١٩ انزله ع المغرب 🥰بحبكم
البارت التاسع عشر
حمقاء في الموساد
#ايزيس
ملك دخلت العمارة اللي فيها شقتها ولسة هتطلع الاسانسير وقفها صوت الشاب
.......ايه يا ملك هو حلال للغريب وحرام علينا ولا ايه
ملك..........بصتله بكل ثقة وثبات وقالت
عاوز حاجة يا شبح ..ايه دا محسن نعم عايز ايه يا محسن
محسن ...يعني ايه عايز ايه انتي نازلة من عربية شاب غريب الساعة عشرة بالليل وتقولي عايز ايه وفين حجابك يا ست ملك شربتي خمرة ولا لسة يا سعدية ههههه
أنا باستغرب بجد ع البنات اللي زيك
ملك...بقلك ايه أنا واحدة لسة راجعة من إسرائيل ومش باقية ع الدنيا اختفي من وشي بدال ما اصور قتيل 🤣
محسن مسكها من شعرها ..لسة لسانك متبري منك زي ما انتي وإسرائيل ايه اللي راجعة منها تكونيش نادية الجندي
ملك بحركة سريعة منها مسكت دراع الشاب ولوته ورا ضهره ..ها قولت ايه يا شبح تحب اكسرلك دراعك
سيف كان بيتدوار بعربيته لمح ملك ماسكة الشاب وقف العربية وطلع يجري لقلها مكتفة ايدين الشاب الاتنين ورا ضهره
سيف...ملك الواد ضايقك في حاجة
محسن ...ضايقها ايه يا عم دا بدال ما تقولها تسيبني.. انت بقا الواد السيس اللي الهانم ماشية معاه
سيف ...نعم سيس ...طب تعالالي بقا وشاور لملك تسيبه قام محسن مطلع مطوة من جيبه وبدأ يهوش سيف
وسيف بحركة سريعة منه كانت رقبة محسن تحت دراعه والسكينة موجهة علي رقبته
سيف ....تعرف لو قربتلها تاني مرة رقبتك دي هافجرها وخد اللعبة بتاعتك وغور من هنا
ملك...علي فكرة يقدر يفجرك لسة مفجرين اسرائيل امبارح احنا
سيف برق لها...ملك
ملك...ايه هو سر ولا ايه 🤭
سيف رمي محسن ع الأرض وقاله ...اختفي مش عاوز اشوفك
قام محسن خاف وجري
سيف بضيق ..فين بيت قريبك عم سلامة دا
ملك....علي فكرة هو اللي عاكسني انت بقا مضايق من أنا ليه
سيف....عشان قلتلك خليك مع ماما ونور وانا هاروح ابات في شقتي انتي رفضتي ..ومن بكرة يا هانم تلبسي حجابك
ملك....بحزن ...اكيد مامتك مشتاقة لك ونفسها هي ونور يقعدوا معاك ويشبعوا منك ..وحجابي اكيد هالبسه من غير ما تقولي أنا اصلا حاسة اني ناقصني حاجة من غيره
سيف...ابتسم بخبث ...طب ما قولتيش ليه كده هناك كنا قعدنا كلنا ف الشقة شبعنا من بعضنا
ملك ضربته ف كتفه ....مش ملاحظ انك بقيت رخم اوي من لما رجعنا
سيف.....انتي لسة شفتي رخامة التقيل ما جاش ...قدامي علي بيت سلامة ..هو بعيد من هنا
ملك...لا دا اخر الشارع هنا
سيف ...هو عنده عيال شباب
ملك...لا اربع بنات وولد ف تالتة اعدادي
سيف....طب كويس.انا كده ارتحت
ملك ...تعرف يا سيفو عمو سلامة دا بالنسبة لي زي بابا بالظبط وهو بير اسراري
سيف ....اممم بجد طب دي حاجة كويسة
جملك....اهو البيت وصلنا
دقوا ع الباب وفتح لهم المعلم سلامة راجل طويل وضخم وشكله طيب وبيعتبر ملك زي بنته من يوم موت اهلها
ملك....عمو سلامة ازيك
سلامة....ملك رجعتي يا بنتي من إسرائيل وانتقمتي من شريف
سيف باصلها بصدمة ....يخرب بيتك يا ملك انتي كنتي حكياله ع المهمة بتاعتنا
ملك....احم ع عادي ماحصلش حاجة يا سيفو😔
سلامة ...اتفضلوا ادخلوا ...هو دا سيف اللي مش بيحس وانتي كنتي بتحبيه يا بنتي وهو مش دريان
سيف في اللحظة دي انفجر ضحك وقال لملك ..لا واضح انه بير أسرارك فعلا ..بس البير مخروم وبيسرب ههههه🤣🤣
ملك باحراج ...عمو سلامة شكلك لسة نايم
روح كمل نومك
سلامة ...لا يا بنتي أنا كنت نايم ولسة صاحي صليت قيام الليل ودعتلك يا اميرة يابنت الآمرة ربنا ينصرك علي شريف الندل اللي ما يستهلش حبك ليه دانتي كنت بتحبيه حب
سيف بص لملك بغضب
ملك...سيف قوم بينا نمشي الراجل دا هيخسرنا بعض
سيف لسة متعصب من فكرة حب ملك لديفيد....قال بحدة ...اقعدي
سيف لسلامة ...بص يا معلم سلامة أنا بصراحة جي اتقدم لملك وحابب اني اكتب الكتاب بكرة إن شاء الله عشان أخدها تقعد مع امي لغاية موعد الفرح قلت ايه بقا.
سلامة...والله يابني أنا معنديش مانع لو هي موافقة .قلتي ايه يا ملك
ملك....مكسوفة ومارديتش
سلامة...شكلها مش موافقة يا بني مافيش نصيب
ملك....حيلك حيلك يا عمو سلامة هو مش السكوت علامة الرضا ولا ايه
سلامة...مش يمكن علامة رفض
ملك....رفض ايه بس اومال سيحتلي قدامه اني حبيته قبل ما يحبني ودلوقتي تقولي رفض أنا اصلا رحت طلبته من مامته يا حج
سيف ضحك ...شكل المنطقة كلها هنا ليڤل الذكاء عندها عالي
سلامة ...علي بركة الله ربنا يتمم علي خير نقرأ الفاتحة بقا
&&&&&&&&&&
في مبني المخابرات
حازم....حسام انت ليك حرية الاختيار ..وانا افضل انك ماتروحش إسرائيل تاني وخليك هنا وانسي آران دا خالص..والدك كلمني وزعلان فاكر اني أنا اللي بضغط عليك تسافر
حسام....فاكر يا حازم باشا اول يوم ليا هنا لما سألتني ليه بقيت ظابط مخابرات ورديت عليك قولتلك اني عندي حلم ولازم احققه ..
حازم ...اممم فاكر
حسام...أنا قربت جدا من تحقيق الحلم دا تفتكر بعد ما قربت من تحقيقه انسحب واستسلم
حازم ...ربنا يوفقك يا حسام بس فهم اهلك اني مش انا اللي بضغط عليك
حسام ضحك ...أنا عارف ماما مش هتسيبني ف حالي الا إذا دخلت عليها بعروسة كده هي هتفرح اوي ..سيب حكاية اهلي دي عليا أنا هاتصرف .
&&&&&&&&&&&
في فيلا والد حسام العوضي
والدة حسام (نوال)لبنانية...بتعيط ..لك انت شو بدك تموتني يعني أنا اليي كتير ناطرة جيتك وبدي جوزك وانت شو عملت بدك ترجع تاني ع إسرائيل انت بدك تجلطني يا عدنان بالله
عدنان ....يا امي أنا قلتلك دا شغلي وانا بحبه اعترفي بقا انك عايزة تجوزيني وتخلصي مني وخلاص صح يا حج
والده نادر العوضي...ضحك ...مشكلتك انك فاهمها صح من شهر عمالة تدور علي عروسة
حسام ...بصي بقا انا مسافر اسبوع وهارجع احضر فرح سيف واول بنت هاخبط فيها هاتجوزها موافقة
والدته...ايه موافقة ..حسام باس راسها تصبحي علي خير بقا
&&&&&&&&&&&
تاني يوم
سيف اخد والدته واخته وعمه وأولاد عمه وراح بيت سلامة عشان يكتب علي ملك
واخيرا تم كتب كتابهم بعد إعلان الشيخ كلمة(بارك الله لكما وبارك عليكما وجمع بينكما في خير)
سيف باس راس ملك...مبروك يا اجمل عروسة في الدنيا
ملك....مكسوفة اوي ...احم بطل تكسفني بقا
سيف ...لا مش هبطل
حسام أتأخر ولسة جي بسرعة خبط في بنت
حسام ...مش تفتحي
البنت ....انا برضه اللي افتح ايه حيطة ماشية ع الأرض اوووف ..وسابته ودخلت السوبر ماركت
حسام...لمضة بس اييه صاروخ اربجيه
دخل حسام وبارك لسيف وملك
حسام....ربنا يعينك ع البلوة دي
ملك ...ربنا يرزقك بمصيبة تطلع عينك يا عدنان
حسام ...انتم السابقون ونحن اللاحقون أنا هامشي بقا لاني اتأخرت ع السفر
سيف ...ربنا يوفقك يا عدنان
عدنان خرج وهو وخارج برضو خبط في البت اللي كانت هي المرة دي مستعجلة بقا
حسام...لا دانتي مصرة بقا .انتي شكلك مستقصداني
.البنت ....انت شكلك قليل الادب
حسام....اوبا كمان لسانك طويلى وعايز قطعه مين يا بت قليل الادب انتي اللي خبطي فيا اصلا بكومة الشيبسي والشوكليت دي كلها يا مفجوعة
البنت عيطت ..الكلام دا ليا انا أنا مفجوعة ربنا يسامحك
حسام....بس بس الله يخرب بيتك هيتهموني اني ضربتك أو ضايقتك بصي احسن حاجة أنا هامشي ..وسابها تعيط ومشي
&&&&&&&&&&&&
عدنان سافر علي فلسطين لانه المفروض قدام القيادة الإسرائيلية هو ف مهمة ف فلسطين..وصل فلسطين وراح زار قبر ديمة واتكلم معاها كتير عن مشاعره اللي كان نفسه يوصلها لها بس ما قدرش ..وبعدين راح إسرائيل عشان يطمن ع الوضع العام هناك ووصلوا لغاية فين في التحقيقات في قضية الانفجارات ..
في الموساد
آران بيكلم ظابط تاني وبيمثل أنه حزين ...ما الوضع ايها الزميل لقد حزنت حزنا شديدا لما حدث ..لقد كان الرئيس أبا لنا جميعا
الضابط ...اسمع آران أنها فرصتنا لنفوز بمنصب اعلي من مناصبنا السابقة علينا فقط التركيز ديفيد كان يمثل لنا عائقا كبيرا وهو رحل الأن لذا يجب أن يحل أحدنا مكانه والآخر مساعد الرئيس الجديد ما رأيك
آران ....هذا تفكير جيد أنا معك صديقي
وفعلا بدأ الموساد تنصيب ناس جديدة بدال اللي اتحرقوا وعدنان كان ينتهز اي فرصة عشان يفوز ب منصب مساعد الرئيس
&&&&&&&&&&&&&
في مصر
في شقة والدة سيف
ملك قاعدة محرجة وسيف بيبصلها ومش مصدق أنه خلاص ملك بقيت مراته
أمينة ...يلا يا سيف بالسلامة انت بقا اطلع شقتك فوق
سيف بيبص لملك ...لا أنا مش عايز انام دلوقتي أنا سهران
أمينة... بس احنا عايزين ننام يلا بقا
سيف ...طب ما تروحي تعمليلنا قهوة
ملك ردت بسرعة ..أنا هاقوم اعمل قهوة
أمينة...ضحكت لأنها فاهمة ابنها .لا خليها عليا أنا المرة دي يا حبيبتي
قامت أمينة تعمل ونور كانت نايمة ع الكنبة
سيف ما صدق مامته خرجت قرب من ملك وباسها فجأة وملك ضربته بالقلم
سيف.بصدمة...يا بنت المجنونة..أنا جوزك يا هبلة
ملك...أن بجد مصدومة فيك انت طلعت راجل زي باقي الرجالة
سيف...نعم ياختي ؟؟؟!!!حد قالك انك متجوزة سوسن
ملك ....قصدي انك قليل الادب زي باقية الرجالة
سيف بصدمة...نعم؟؟؟!! قليل الادب لاااا دانتي فعلا في ال لا لا لاند خالص
&&&&&&&&&
عدي الاسبوع سريعا علي عدنان وهو بيترقب الاحداث ومنتظر حصوله علي مكانة اعلي من مكانته ..وفي مصر طبعا ملك وسيف مشغولين بترتيبات الفرح وعدنان وصل يوم الفرح بالظبط استني ملك وهي داخلة القاعة ومسكها من أيدها هو مش ناسي ابدا لما قالتله أنه بيفكرها بأخوها احمد
ملك....عدنينو كنت خايفة ماتجيش
عدنان ...وهو في اخ ما يجيش فرح أخته
سيف...بتوشوشها تقولها ايه
عدنان ...بقولها خلي بالك علي سيف أصله اهبل
سيف ....ضحك ..زي صاحبه يعني
عدنان ....استلم يا عم التهمة بتاعتك اهي
ملك...ضربت عدنان ف كتفه.. أنا تهمة
سيف حط أيدها في دراعه وهمس لها...أحلي تهمة ..ايه الجمال دا قمر يا ناس
ملك ابتسمت باحراج
سيف اخد ملك عشان يرقصوا الفريست دانس ومهيئ نفسه أنه هيرقص سلو بس اتفاجئ بأغنية والله وعملوها الرجالة ورفعوا راس مصر بلدنا
سيف....ايدا فين الميوزيك اللي هنرقص عليها سلو
ملك ...سلو ايه يابا أنا اتفقت ما الدي جي ما جيبش الا اغاني وطنية 🇾🇪
سيف...نعم؟؟؟!!!!..وكمل بضيق ...قدامي يا سعد زغلول ع الكوشة
عدنان موبايله رن ولسة هيطلع يرد برا القاعة بعيد عن الدوشة خبط ف بنت كانت ماسكة كان كولا وادلقت الكولا علي هدومه
عدنان بغضب...مش تفتحي بص ...هو انتي
.....هو انت .....يتبع
&&&&&&&&&&&
البارت انتهي اتمني يعجبكم ❤️
#حبيت انكم تشاركوا معايا في مصير ديفيد والأغلبية أجمعت أنه يموت الله يحرقه بسببه البارت اتأخر🤣 شكرا ع المساعدة بجد 🥰...بحبكم❤
البارت العشرون (الاخييييير)عايزة رأيكم بصراحة في الرواية
حمقاء في الموساد
#إيزيس
في فرح سيف وملك
عدنان موبايله رن ولسة هيطلع يرد برا القاعة بعيد عن الدوشة خبط ف بنت كانت ماسكة كان كولا وادلقت الكولا علي هدومه
عدنان بغضب...مش تفتحي بص ...هو انتي
.....هو انت
عدنان...لاااا دي إشارة بقا انا قلت البت اللي اخبط فيها مرة واحدة هاتجوزها وانتي كل ما امشي خطوة اتكعبل فيكي
......انت بجد مستفز تتجوز مين يا شحط انت ..
عدنان....وماله الشحط يا بت .. كده تبوظيلي الجاكيت امشي ازاي انا وسط الناس بقا..وقام قلع الجاكيت ...خدي يا حلوة اتصرفي ف دا ونضفيه
....هات خليني اخلص من وشك
عدنان ...خدي يا لمضة ...خسارة الجمال دا يبقي بطولة اللسان دي ..بس انا بشبه عليكي
....وسع كده من طريقي الاشكال دي مش بشوفها إلا مرة واحدة في حياتي
...سابته ومشيت وعدنان جري علي ملك اللي كانت بترقص علي اغنية حلوة بلادي السمرة
وانا على الربابه بــغـــنـي
م املــــكـــــــش غــــير
إنـي اغــنـي وأقــــــول
تعــيــشـــي يا مـــــصـر
تعيشى يامصر
وانـــــاعلى الربابة بغني
وأنت اللى مبتنسيش
شهيد اتصدر
بدمّه ع التراب الحُر
فـــــداكي يامـــــصــــــــر
حلوة بلادى السمرة الحرة بلادي
عدنان بيتكلم في ودن ملك عشان الصوت عالي وبيشاور ع البت ...ملك مين الواتكة دي اكيد تعرفيها أنا قابلتها يوم كتب كتابكم
ملك...ركزت ...قصدك أم حجاب روز
عدنان ...انا مش بفهم ف الوانكم دي ام حجاب بمبي
ملك...ايه يا عدنينو عجباك
عدنان ...حاجة زي كده
ملك..بخبث ..بص عايزاك تروح تسأل سيف عليها وتقوله نفس الكلمة اللي انت قولتها( الواتكة )صح
عدنان ...تفتكري يعرفها
ملك....اه اكيييييد
عدنان ساب ملك وراح لسيف سأله نفس
السؤال بنفس اللفظ قام سيف مديله بوكس في وشه
عدنان اتفاجئ...يابن المجنونة ايه اللي انت عملته دا
سيف...انت بتقول علي اختي واتكة
عدنان...اه يا ملك يا بنت اللذينة
...هي دي اختك ومخبيها عني وانا بشبه عليها دي كانت عيلة لما شوفتها احنا عجزنا اوي يا صاحبي
سيف...عشان تعرف أنه لازم تتجوز يالا
عدنان ابتسم وقاله ...مانا هافكر..أنما قولي هو انا ليه حاسس اني في حفلة تكريم بطل وطني..أو ذكري ٦اكتوبر. دي الاغاني كلها وطنية
سيف...اعمل ايه في الست محاسن مصابات دي اللي اتفقت مع الدي جي ع الأغاني الوطنية وبس
عدنان ...ضحك ...قاااابل يا معلم مش بقولك تهمة ربنا يعينك ...كمل بخبث ..طب طالما الواتك..قصدي الانسة طلعت اختك هاروح اعتذرلها بقا علي قلة ذوقي معاها
سيف ...تعتذر باحترامك يالا أنا مراقب الموقف
عدنان ..ضحك...خليك ف بلوتك
عند نور
لقت عدنان جي عليها حبت تهرب منه
عدنان...اعترض طريقها ..مسكتك بتهربي مني ليه
نور...علي فكرة انت زودتها اوي وانا ممكن اصوت والم عليك الناس لو مابعدتش عني
عدنان ...مش كنتي تقولي انك اخت الغالي
دانا وسيف صحاب الروح بالروح
نور ...بفرحة...بجد انت البطل عدنان دي ملك بتقول فيك اشعار من لما رجعت
عدنان في سره ..أصيلة يا ملك يا غبية اول مرة تعملي حاجة كويسة ف حياتك
وبعدين قالها...بصراحة ما بحبش اتكلم عن نفسي كتير ..احكيلي بقا انت بتدرسي ولا خلصتي
نور ...أنا في تانية السن انجلش
عدنان في سره ...عز الطلب لغاية ماتخلص جامعة اكون انا انهيت شغلي ف إسرائيل وارجعلها خطفت قلبي الله يخرب بيت حلاوتها
وبعدين ابتسم ...وقالها ..اوعي تفكري ترتبطي وانتي بتدرسي ركزي في مزاكرتك انتي فاهمة
نور ..بصتله واستغربت وابتسمت واكتفت بهز رأسها يعني حاضر
عدنان مد أيده لنور ..نبقا صحاب بقا يا نور
نور ...سلمت...اكيد صحاب
وطبعا ملك نفذت اللي ف دماغها وطول الفرح وهي ترقص ع الأغاني الوطنية واخير خلص الفرح علي خير
وسيف اخد ملك وطلعوا علي شقتهم
في شقة سيف
سيف...قرب وباس راس ملك ..بجد انا اسعد واحد ف الدنيا دلوقتي ..
ملك....وانا كمان سعيدة اوي يا سيفو اخيرا اتجوزت الانسان اللي بحبه وهيحافظ عليا بص بقا انا بحب الاوض الكبيرة أنا هاخد الأوضة دي وانت تاخد الأوضة الصغيرة دي بتاعة العيال تمام ونبقا احلي جيران في الدنيا بقا يا معلم
سيف...نعم ؟؟؟!!!جيران دا اللي هو ازاي يعني ..بقا بعد الفرح والهيصة وعيد تحرير سينا اللي انتي عملتيه دا وتقوليلي جيران
ملك...اه ماحنا قعدنا قبل كده شهر مع بعض وانت كنت محترم جدا معايا
سيف...زمان حاجة ودلوقتي حاجة تانية انتي مراتي ماينفعش ابقي محترم معاكي..
ملك...اخص عليك يا سيف يعني أنا اتخدعت فيك وانا اللي كنت فاكرة انك هتحافظ عليا ..طلقني يا سيف.
سيف ...ملك انتي مجنونة اطلقك ايه مش لما اتجوزك الاول ..وبعدين كمل بهدوء وخبث ..انتي زعلتي ما ملكة قلبي تعالي ياختي تعالي في حضن جوزك حبيبك
ملك حضنته ببرأة ورفع وشها بهدوء وباسها وهي تاهت في عالم سيف......
&&&&&&&&&&&&
في اوضة عدنان
عمال يتقلب يمين وشمال و صورة نور مش قادرة تفارق خياله قام مرة واحدة واعتدل ....يوووووه وبعدين بقااا أنا مش قادر انام بقا البت نور المفعوصة تعمل فيا كده دا شكله حب من اول نظرة ..ولا اقول من اول خبطة ...نام يا عدنان وبطل هبل انت مسافر بكرة إسرائيل سيب مشاعرك علي جمب شوية لغاية ما تحقق حلمك هناك ...وبعدين حط المخدة علي دماغه ونام
&&&&&&&&&&&
في الصبح عند سيف وملك
ملك فاقت من النوم لقت نفسها في حضن سيف
ملك....يانهاااار اسود انت يا جدع انت قوم يا سيف يا خاين
سيف....اشششش نامي يا ملك بطلي صداع
ملك.....اصحي دانا هطين عيشتك ..
سيف فتح عينيه وابتسم ...بقا هي دي صباح الخير بتاعتك
ملك...انت ضحكت عليا شربتني حاجة اصفرة وخدتني علي خوانة وانا اللي اتمنتك علي نفسي ..أنا بجد مصدومة فيك
سيف...حضنها ..ملوكتي حد قالك انك عبيطة قبل كده
ملك...ماحدش يقدر يقولها
سيف..باسها
ملك ...ابعد لاقتلك
سيف...ضحك....والله هبلة ومجنونة بس اعمل بحبك يا بلوة ...
وبعدين الباب خبط
ملك ...يا فضحتيييي دي امك صح اودي وشي فين منها دلوقتي
سيف...يخرب بيتك هو أنا شاقطتك ..انتي مراتي يا حمارة
ملك ...اجري افتح يا بعيد بدل ما تطب علينا والله انتحر
سيف...خلاص خلاص قايم
سيف فتح لمامته اللي راحت لملك علي طول
سيف...مام..استني يوووه مستعجلة اوي ماما
أمينة ...صباحية مباركة يا عروسة
ملك من الصدمة غطت وشها بالمخدة وما رديتش
أمينة. ضحكت ..مكسوفة ليه يا قلبي
سيف...بتسألي يا أمينة ..في حد يدخل علي حد كده من غير ما يخبط روحي يا أمينة الله يهديكي
أمينة ... الله مش زي بنتي يلا يا خويا الفطار ع السفرة قومي يا عروسة
ملك...والله مانا قايمة ولا مورياكم وشي انهاردة
سيف..همس لولدته ...روحي انتي وانا هاتصرف
&&&&&&&&&&&&
عدنان طبعا سافر إسرائيل واتفاجئ هناك أنه حصل علي منصب مساعد الرئيس ف الموساد ودي مكانة مش اي حد يحصل عليها ومن هنا بدأ عدنان تنفيذ مشروعه اللي حلم بيه
&&&&&&&&&&
بعد مرور شهر
ملك كانت بتتكلم ع الموبايل
سيف رجع من الشغل وهي قفلت علي طول لما رجع
سيف...مساء الخير يا قلب سيف
ملك...مساء النور يا قلب ملك ...سيف ضحك كنتي بتكلمي مين بقا
ملك...لا ابدا مافيش دي سلمي صاحبتي كانت بتطمن عليا
سيف...تمام حضريلي العشا بقا عشان مفرهد م الجوع
ملك...حاضر
ملك حضرت العشا واكلوا وناموا
في الصبح ملك و سيف صحيوا بدري عشان شغل سيف فطر وخرج وبعدها ملك فطرت وخرجت بسرعة وراه
في مبني المخابرات
سيف قاعد علي مكتبه بيحقق مع واحد وفجأة تدخل ملك ولابسة لبس ظابطة
سيف برق عينيه ....ملك بتعملي ايه هنا
ملك...برسمية .كابتن ملك لو سمحت ...وبعدين كملت بدعابة... أنا ظابطة معاك في المخابرات يا سيفو
سيف. ....لااااا ظابطة ايه يا ماما المهمة اللي فاتت نجحت ببركة ربنا ودعا الوالدين .
انتي مكانك مش هنا راوحي يا ملك يا حبيبتي حضريلنا الغدا
ملك...مهو امثالك دول اللي مش عايزين المرأة تتقدم 😥
سيف ...أمثالي وتتقدم من امتي يا ست ملك النبرة دي
حازم....سيف أنا اللي كلمت ملك عشان عايزها في مهمة ماحدش هيقدر ينفذها غيرها
سيف ...يعني ايه .حضرتك عارف اني ما اقدرش اعرض حياة ملك للخطر يا باشا
حازم ...واحنا روحنا فين احنا هنفضل ف ضهرها ..بصراحة ملك بعفويتها وطيبتها ماحدش يشك فيها أبدا
ملك....احم اللهم زيدني تواضع 😎
سيف...تواضع ايه يا هبلة قصده انك عشان غبية ماحدش هيشك فيكي
ملك...شايف يا حازم باشا بيغلط فيا ازاي
حازم ...سيف أنا اخدت قراري وملك من انهاردة زميلتك هنا يعني ظابط في المخابرات ..ماحدش هيصلح للمهمة دي غير ملك
سيف....بإحباط ...امري لله قدامي يا كابتن ملك
ملك اتشعبطت في دراع سيف ..بحبك
سيف....ابتسم ..وهمس...هتسكتي ولا أبوسك ونترفض
حازم ...انتوا ف شغل مش ع الكورنيش سيب ايدها
سيف ...بص لملك...شوفتي اهو من اولها تحكم
ملك ...ربنا يعنا
&&&&&&&&&&
في الموساد
عدنان ..سلم الرئيس ورق..سيدي هذه هي فكرتي بخصوص مصير فلسطين
الرئيس الجديد...آران اشرح لي فكرتك وبعدها سأدرس الاوراق
آران ...سيدي لقد اطلعت علي رأس المال الذي ننفقه علي الأسلحة والمتفجرات سنويا فوجدت أنها أموالا طائلة تصرف علي هذه الاشياء لما لا ننظر نظرة أخري ونقيم مشاريع ضخمة ونسحب قواتنا من فلسطين ونعقد اتفاقية سلام ونترك لهم أرضهم بل ونستخدم شبابهم في العمل في مشروعاتنا التي سنقيمها بأموال الأسلحة ..ونتعايش معا كدولتين متجاورتين هما أعطوا لنا جزء من أرضهم يجب ألا نطمح في أكثر من ذلك ..هذا هو مشروعي سيدي الذي لا طالما حلمت به
الرئيس صمت شوية شكله كان بيفكر في ابعاد الفكرة...سأفكر آران وبعدها ارد عليك
آران ...شكرا سيدي انه حقا حلمي
في الحقيقة دا مش حلم عدنان لوحده دا حلمي وحلمك وحلمنا كلنا أنه القدس تفضل عربية وتتحرر من اي احتلال وقهر وهنفضل نحلم لغاية ما يظهر صلاح الدين جديد يحرر ارض الاقصي
🌞والحلم مافهوش مستحيل مادام تحقيقه مباح ...والليل لو صار طويل اكيد من بعده صباح🌞
💪اتحدي الكون واتمرد واتعلم تبقا جرئ مشوار الالف ميل خطوة بتبدأ بطريق 💪
#ايزيس
❤️🇾🇪تمت🇾🇪❤️
&&&&&&&&&&&&&
البارت انتهي اتمني يعجبكم ❤️
#اللي_مستني_الجزء_التاني_يثبت_نفسه
#حمقاء_في_المخابرات
الجزء الثاني كامل من هنا
تعليقات
إرسال تعليق