 |
##بارت1
_ ابوس ايدك يا تميم اتجوزني
_ اي اللي بتقوليه ده يا مريم انتي سامعه نفسك ؟
_ بدموع : انا ....انا ف ورطه ومش هتتحل غير لما تتجوزني
_ بإستغراب : ورطه؟؟ تقصدي اي؟
_ عيطت: امي اتخ*طفت ي تميم واتبعتتلي رساله انهم مش هيسبوها غير بالطريقه وانت طبعا كدا عرفت مين اللي عمل كده
_ خد منها الموبايل وقراء الرساله
_ كشر : أيوة ي مريم بس انتي عارفه اني خاطب
_ بصتله بلهفه : جواز صور*ي لحد م ترجع وانا ممكن احكي لخطيبتك علي كل حاجه وهيه هتتفهم
_ مريم افهميني انا بحبها
_ مسحت دموعها وقامت وقفت : كنت غلطانه لما اعتبرتك صديقي اللي هيوقف جمبي ف وقت محنتي
_ مشيت كام خطوة بعد كده جري وراها ووقف قدامها : انا موافق
_ بفرحه : بجد ي تميم موافق ؟
_ هز راسه وابتسم
_ ابتدت تتوتر وتخاف : انا خايفه يعملوا فيها حاجه
_ بإستغراب : انا مش فاهم ليه هيخطفوا مامتك يعني ، واشمعنا هيه بالذات
_ انا شاكه ف عمي شاكر ، عشان هوة اللي كان بيهدد*ني بالورث
_ بغضب : مريم متنسيش أن اللي بتتكلمي عنه ده يبقااا ابويا وبعدين الورث اتقسم بينك وبين اخوكي يعني بالعقل كده هيبص للكام مليم اللي معاكي ليه ؟
_ اتعصبت : وانت عارف كويس انو عايز يجوزنا من الاول عشان يضمن أن الورث يرجع ليه ف الاخر ، مش قادر يفهم اني بعتبرك اخويا ي تميم
_ بضيق : لا ابويا مش ممكن يعمل كده
_ ابتسمت بسخريه : طبعا م انت لازم تقول كده
_ مسك ايديها : تعالي معايا نسأله
_ سحبت ايديها بسرعه : انت مجنون ي تميم ، طبيعي عمي شاكر هينكر عملته دي ، بص بقاا انت هتتجوزني زي م اتفقنا وبعد م امي ترجع هتطلقني
_ ربع ايديه وكشرلها : ي شيخه ؟
وانا فين بقاا من خطتك دي ؟
_ معرفش اتصرف
_ لا انتي اللي هتتصرفي وتيجي معايا عشان تحكي ل اسراء علي كل حاجه
_ بزهق : ماشي غو*ر من وشي بقاا
_ بغيظ : هوة ده رد الجميل ي حي*وانه
_ ولااااا لم لسانك واحترم نفسك
_ مشي تميم بعد م ضحك إنما هيه سرحت ف عالم تاني ، هل ي تري اللي هيه عملته ده صح ، مش مهم نفسها ، المهم تنقذ امها من ايد عمها
بقلمي أميرة محمد محمود
_____________________
_ أيوة ي بابا عملت كل اللي طلبته مني
_ بخبث : عفارم عليك ي وحش
_ ضحك بش*ر : تربيتك ي باشا
_ طيب انا عايز الورث ، وانت عايز اي ؟
_ عيونه لمعت : عايزاها
_ يبني احنا ممكن نشوف حد تاني يتجوزها وخطتنا تمشي زي م هيه عادي ...!!
_ اتعصب : لا ي بابا محدش هيتجوزها غيري ،انا بحبها بس هيه اللي مش حاسه بيا
_ مسك دراعه : اسمع ي تميم لو عملت حاجه تبوظ كل اللي حصل لا انت ابني ولا اعرفك !!
_ سحب دراعه وبصله بسخريه : متخافش ي بابا واخد بالي كويس من كل حركه بعملها ،وكمان مش ناسي أن اهم حاجه عندك الفلوس
_ بكرة : أيوة بحب الفلوس وفيها اي لما احبها ، مش الفلوس دي اللي هتخلينا نعيش ولا انت ناسي
_ بضيق : بابا انت عارف كويس انا معايا فلوس قد اي ، وعليتنا وضعها اي ف البلد ، يعني القرشين بتوع مريم وهلال احنا مش بحاجتهم وكدا كدا سواء بيك أو منغيرك هتجوز مريم
_ بعند : دا مالي وهاخده غصب عن اي حد ، انا مش محتاج لفلوسك خليهالك دي فلوس حرام يعني انت ف حالك وانا ف حالي
_ ابوة خرج وسابه ف دوامة افكارة ، خايف احسن يكشف السر اللي بقاله كتير مخبيه ، اتعصب وك*سر المزهريه وقعد ع السرير وحط رأسه بين ايديه
بقلمي أميرة محمد محمود
___________________
_ يووووة يا فاطمه م قولتلك غصب عني !!
_ يبنتي اشكي فيه واعملي محضر طالما متاكده أنه خ*طفها
_ عيطت : انا تعبت ومحدش حاسس بيا ، ليه مش عايزة تفهمي اني معنديش دليل وعمي واصل ف البلد ، ومن ساعت م بابا م ما*ت وهوة مش سايبنا ، ودلوقتي حابس ماما ف مكان بس انا مش عارفاه وخايفه يعملها حاجه
_ شهقت : طيب ومقولتيش ل هلال اخوكي ليه
_ عشان هددني مقولش لحد وإلا مش هيخليني اشوفها تاني
_ وبعدين ي فاطمه هلال اخويا ف ملكوت تاني لوحده ، بيحب شغله اوي ومش معانا خالص دا غير اني كنت ناويه اقوله بس خايفه من عمي
_ اتعصبت : انتي غبيه ي مريم ، واخوكي اغبي منك عشان مسألش علي مامته لحد دلوقتي
_ انتي عارفه كويس ي فاطمه أن علاقتهم باظت ف الفترة الأخيرة لان امي مش بتحب عمي وهلال ساب البيت وقرر انو يطحن نفسه ف شغله
_ حضنتها وطبطبت عليها : حاسه بيكي ومقدرة كل ده ، بس مش قادرة اشوفك بتضيعي نفسك كده ، وبعدين بقاا انا مش مرتاحه للي اسمه تميم ده
_ اتنهدت : والله ي فاطمه انا مبقتش عارفه الوحش من الحلو بس إن شاء الله كل اللي جاي خير
_ إن شاء الله ي حبيبتي
بقلمي أميرة محمد محمود
__________________
_ تاني يوم عمها جالها البيت : عامله اي يبنت اخويا
_ بسخريه : بنت اخوك؟
_ بخ*بث : فكرتي ف اللي قولتلك عليه ؟
_ بغضب : انت سايبلي فرصه عشان افكر دا انت أجبرتني علي الوضع ده
حسبي الله ونعم الوكيل فيك خليتني اذ*ل نفسي لابنك عشان يتجوزني
_ عمها قرب عليها ومس*ك من طرحتها مع شعرها وهيه صر*خت : صوتك الحلو ده ميعلاش عليا سمعاني ؟
_ بابااااا
يتبع
#بارت2
_ زعق : بابااااا
_ شاكر نزل ايده من علي مريم وراحت وقفت ورا تميم
_ بسخريه : اي اللي جابك هنا ي تميم
_ رفع صباعه ف وشه : بابا لو قربت من مريم تاني هنسي انك ابويا وهعمل تصرف مش هيعجبك
_ شاكر كان هيتكلم بس سكت لانه مش عايز يضيع فرصته ف انه ياخد ورثها بصلهم بخبث وخرج
_ تميم قرب من مريم ومسك ايديها وقعدوا علي الكنبه : انا مش عايزك تخافي طول م انا جمبك
_ بضيق : انا مش حابه اعمل بينك وبين عمي مشاكل ي تميم
_ تميم الندم والذنب بياكلو فيه لأنه عايز يعمل فيها كده وهيه خايفه عليه
_ تميم انا بعتبرك اخويا و....!!
_ زعق : بس انا مش اخوكي ي مريم
_ مريم استغربت لانها مقالتش اي حاجه تستدعي الغضب دا كله : في اي ي تميم اتعصبت كدا ليه ؟
_ بيحاول يهدي اعصابه : انا اسف ي مريم مقصدش بس انا مضغوط شوي
_ بقلق : انت كويس ؟
_ متخافيش انا كويس
_ بتوتر : طيب اتكلمت مع اسراء وفهمتها كل حاجه
_ لسه ومش عارف اقولها اي بصراحه
_ فركت ايديها : انا كمان مكسوفه منها اوي ومحرجه اكلمها
_ سيبك انتي المهم كل حاجه تعدي على خير
_ مسكت ايده: انا مش عارفه اشكرك ازاي ي تميم حد غيرك كان رفض بس إن شاء الله اول م ينتهي كل ده هنطلق
_ ابتسملها بتوتر وقلق اكتر واتمني لو كانت بتحبه زي م هوة بيحبها بس مش كل حاجه بنفكر فيها بتحصل
بقلمي أميرة محمد محمود
__________________
_ بغضب : خطبتني ليه لما انت عاوز تتجوز بنت عمك ؟
_ بصوت عالي: اسراااااء اتعدلي وانتي بتكلميني
_ حاولت تسيطر علي عصبيتها : تميم بتعمل معايا كدا ليه انت عارف اني بحبك
_ بهدؤء : بس انا مبحبكيش ي اسراء وانت عارفه كدا من الاول ، خطبتك لاني كنت شايف انك هتكوني زوجه مناسبه ليا
_ بحزن : هيه بنات الناس لعبه ف ايديك ي تميم ، ليه كسرت قلبي بالشكل ده
_ انا اسف ي اسراء بس كل حاجه جات من غير تخطيط ، بتمنالك حياه افضل مع شخص احسن مني يستاهلك ويقدرك
_ مسحت دمعه نزلت منها : طبعا هيكون احسن منك بس المرادي هختار كويس اوي ، انا بستحقر نفسي لاني حبيتك ، وندمانه علي الوقت اللي ضيعته وبقولهالك من كل قلبي انا بكرهك ي تميم
_ خرجت من أوضته وابوه وامه دخلوا عنده بعد م اسراء خرجت
_ مالها اسراء يبني
_ فسخت خطوبتي معاها ي ماما
_ بصدمه : ي مصيبتي انت بتقول اي يبن بطني
_ اسكتي ي وليه انتي روحي شوفي وراكي ايه
_ مردتش عليه وقربت من ابنها : يبني البت كويسه ومتستاهلش منك كدا
بصت لجوزها بقرف : اكيد دا شيطان ودخل م بينكم
_ طبطب عليها : مفيش حاجه ي ماما والله بس انا بحب مريم وعايز اتجوزها
_ مريم ...!!؟
_ بحب : أيوة مريم انا بحبها من زمان ومش هقدر اكمل حياتي من غيرها
_ طب وهيه ؟
_ مالها ؟
_ مواقفه ؟
_ ابتسم : طبعا
_ حضنته : ربنا يريح قلبك ي حبيبي
_ شاكر طلب منها تعمله قهوة عشان تسيبهم مع بعض
_ هاااا نويت علي اي ؟
_ بضيق : اللي عملته الصبح ده ي بابا هعديه بمزاجي
_ اسكت انت انا عارف ازاي اتعامل مع الاشكال دي كويس
_ جز علي اسنانه : بابا لو سمحت ابعد عن مريم نهائي وإلا.....!؟
_ وإلا اي ي تميم بيه ؟
_ وإلا مش هكمل معاك ف الخطه دي وهحكي ل هلال علي كل حاجه وهوة بقي يتصرف
_ انت بتقول ايه يلاا ؟
_ ابتسم بسماجه : زي م سمعت
_ نفخ بضيق وخرج
_ تميم جاله مكالمه ف راح قفل باب اوضته بهدوء ورد بصوت يكاد يكون غير مسموع
_ كل حاجه تتأجل مش عايز اي شغل دلوقتي
_ لا الصفقه دي هتمشي زي م هيه بدون أي إعاقات، اعمل اللي بقولك عليه من غير نقاش بس اقسم بربي لو حد شم خبر م هرحمكم ....من غير زفت سلام
_ رمي تليفونه علي السرير بعصبيه بس هدي لما افتكر مريم : انا اسف ي مريم بس اوعدك اني مش هكدب عليكي تاني وهحكيلك علي كل حاجه قريب
بقلمي أميرة محمد محمود
___________________
_ مريم كانت قاعده ف اوضة امها تعيط عليها وفجاءة تليفونها رن وكان اخوها
_ مسحت دموعها : اذيك ي حبيبي عامل اي؟
_ انا بخير ي مريم طمنيني عليكي انتي
_ ابتسمت بحزن : انا كويسه مش ناوي ترجع بقاا ؟
_ مش عارف ي مريم بس أن شاء الله قريب
_ سكت شويه وبعدين قال : أحم ...ماما عامله اي؟
_ بسخريه : لسه فاكر تسأل عليها ؟
_ اتنهد : عارف اني مقصر معاكم بس طبيعتي شغلي كده اعمل اي؟
_ هلال انت مش بتكلم ماما ليه ؟ودا ملوش علاقه بشغلك
_ عشان من لما بابا مات وهيه بتحاول تكرهنا ف اهلنا وشايفه أنهم مش كويسين
_ بس دا مش سبب مقنع لحد كبير وعاقل ذيك ي هلال
_ بحزن : انا بشتغل ظابط ي مريم عارفه يعني ايه ظابط يعني مش ضامن حياتي وعشان كدا انا مش قريب منكم بالشكل الكافي اللي انتوا محاتجينه
_ "قُل لن يُصيبنا إلا ما كَتَبَ الله لنا "
يؤسفني اقولك ي حبيبي إن تفكيرك غلط ، علي الرغم من كونك اكبر مني إلا أني بحس نفسي ناضجه عنك
_ بتريقه : ي شيخه ...!!
_ ضحكت : اه والله
_ ابتسم : طيب يستي عمي طلب ايدك مني لتميم اي رأيك ؟
_ سكتت وخافت وبتفكر تقوله ولا لا بس لو قالتله ممكن شاكر وقتها يأذي امها وف نفس الوقت هلال ظابط ويقدر يتصرف ولانها بنت وعاطفت قلبها سيطرت علي تفكيرها العقلي اختارت الاحتمال الأول
_ بإستغراب : مريم ي حبيبي انتي معايا
_ بتوتر : اه ...اه معاك
_ بشك : مالك انتي كويسه ؟
_ أيوة ي هلال انا كويسه
_ طب قولتي اي ؟
_ م...موافقه
_ طيب ي حبيبتي خدي وقتك وفكري تاني وانا مش هرد علي عمي غير لما احس انك مرتاحه
_ طيب
_ بالمناسبه ي مريم ماما رايها اي ف الموضوع؟
_ بقلق : معندهاش اعتراض انت عارف هيه بتحب تميم قد اي
_ بصدق : صدقيني تميم راجل وهيحطك ف عينيه ولو انا عارفو مش مناسب هرفض علي طول
_ ربنا يقدم اللي فيه الخير ي هلال
_ ابتسم : إن شاء الله ي حبيبتي هقفل انا بقي علشان عندي شغل وهكلمك ف وقت تاني عشان اسمع موافقتك
_ خلي بالك من نفسك
_ حاضر ...ف رعاية الله
_ ف رعاية الله
_ قفلت مع اخوها وابتدت تعيط من اللي جاي ، هل ي تري هيه هتقدر تتحمل كل الضغط دا لوحدها من غير م حد يشيل عنها ، ولا هتستسلم لجبروت عمها ،او تثق ف تميم لانه صاحبها الوحيد وعمره م هيتخلي عنها
_ مسكت دماغها من كتر التفكير وقررت تسيب كل حاجه ف وقتها وزي م تيجي تيجي بس الاهم من دا كله ثقتها في ربنا
بقلمي أميرة محمد محمود
___________________
_ أيوة ي عمي هلال كلمني وقالي انك طلبتني منه طب والله فيك الخير
_ اومال يبنت الغالي عمك برضو بيفهم ف الأصول
_ بسخريه : اصول اي ي عمي اللي بتفهم فيها دا انت تاكل مال اليتيم
_ انتي مبتحرميش ولا ايه ي مريم يبنتي ؟
_ بغضب : وانت مش خايف لحسن اقول ل هلال اخويا علي كل حاجه
_ ضحك بصوت عالي: تبقي عبيطه لو فكراني خايف عشان محدش هيخسر غيرك وهلال ده حبيبي انتي متعرفيش هوة بيحبني قد اي؟
_ حسبي الله ونعم الوكيل فيك ي شيخ ربنا ينتقم منك
_ خلصتي ؟
جهزي نفسك بقي علي الاسبوع الجاي كده عشان مفيش خطوبه كتب كتاب وفرح علي طول
_ عيطت : ارجوك ي عمي بلاش تعمل كدا وخد اللي انت عايزه
_ م انا كده كده هاخد اللي عايزه سواء برضاكي أو غصب عنك
_ قال لنفسه : بس ابني الغبي هوة اللي عايزك
_ مسحت دموعها: بس انا عندي شرط ومش هقبل إلا بيه
_ بضيق : شرط اي ؟
_ بقوة: مش هتجوز تميم غير لما ماما ترجع علي البيت
يتبع
عشر ملصقات ي جماعه عشان التالت ينزل بسرعه
البارت الثالث من هنا
تعليقات
إرسال تعليق