 |
رواية حضن إبليس الجزء التاسع
للكاتبة/حنان حسن
بعدما ما اتاكدت ...
ان الجثة بتتحرك...
قربت منها...
وشوفت ايديها
وملقتش فيها اي اثار للتعذيب
فا استغربت ..
وعرفت... ان سهام كدبت عليا
وفهمتني ان اختها ماتت
من اثر التعذيب...
والحقيقة...
كانت ان اختها نايمة او متخدرة مش اكتر
وقررت افوق ميادة
واعرف منها هي حقيقة الامر؟
قبل ما سهام تصحي
وبالفعل..
قربت من الجثة المزعومة
ونزعت من علي وجهها الغطا
فا انكشف وجه الجثة
وهنا ...كانت المفاجئة
المذهلة
لان الي كان تحت الملاية مكنتش ميادة
دي كانت ( مامي)
ايوه هي مامي
وفضلت احمد ربنا
اني لقيت مامي اخيرا
ودفست راسي في صدرها
وانا بعيط
وبقول اخيرا لقيت حضنك
تاني يا امي؟
قومي يا مامي
قومي وفتحي عنيكي
وحشتيني
لكن للاسف
مامي مردتش عليا
وكانت غايبة عن الوعي
وفي اللحظة دي
بصيت علي سهام...
لقيتها في سابع نومة
فا فكرت بيني وبين نفسي
وقلت...سهام
خدعتني...
وفهمتني... ان الي في الارض
هي ...جثة اختها ميادة
وفي نفس الوقت
خادم ابليس
طلب مني... اني اطعن الجثة عدة طعنات
معني كده
ان خادم ابليس
كان مخدر مامي...
و كان عايزني اقتلها بايدي
بمساعدة سهام؟
معقولة سهام تكون مشتركة
مع ابليس... وعصابتة
في الجريمة دي
لالالا حرام
بلاش اظلم سهام
لانها ممكن تكون مخدوعة
هي كمان
ممكن مثلا ...
يكونوا دفنوا جثة اختها
بدون ما هي تعرف
وجابوا مامي هنا جنبها
وهي ملفوفة في الملاية
وفهموها انها جثة اختها
فا بلاش اظلمها
ورجعت اقول لنفسي
لكن ....سهام طول عمرها بتكرهني...
وعندها استعداد
انها تساعد اي حد
عشان ياذيني
وممكن تكون مشتركة معاهم فعلا؟
ولقيت نفسي احترت
وقلت في نفسي
ياررررربي
يعني سهام معاهم ولا مش معاهم؟
وفكرت شوية
ولقيتني بفكر وبقول
وانا هحير نفسي ليه؟
انا فاكرة ان سهام
قالتلي..
ان ابليس وعصابتة عذبوها.... وحرقوا ظهرها بالنار
هي وميادة
فا انا هكشف ظهر سهام
ولو في اثار تعذيب علي ظهرها
فعلا
يبقي هي مظلومة
واتخدعت زي بالظبط
لكن بقي
لو مفيش علي ظهرها اثار تعذيب
تبقي مشتركة معاهم
وتستاهل الحرق
وبعد ما استقريت
علي اني اكشف ظهر سهام
غطيت وجه مامي تاني
بالملاية
وزحفت ناحية سهام
وبالراحة رفعت التيشرت الي لبساها سهام
وكشفت ظهرها
عشان اتفاجئ
بان ظهر سهام مفيهوش اي اثر للتعذيب
ومعني كده
ان سهام مشتركة معاهم....
في الي بيحصل ده كلة؟
طيب ازاي؟؟؟
ده شهاب اخوها لسانة وايدة مقطوعين
معقولة سهام تتامر علي اخوها كمان؟؟؟
ايه الفظاعة دي؟
وليه ده كله؟؟؟
ورجعت مكاني
وانا بحاول اهدي
عشان افكر بهدوء
وقلت في نفسي
دلوقتي ....
واضح ان ابليس قرر انه يدفن مامي الفجر
وانا لازم اعمل اي حاجة
واتصرف بسرعة
قبل ما يجوا الفجر وياخدوها
وبالرغم من تعبي...
والحالة المزرية الي كنت فيها
لكن...
فضلت افكر هعمل ايه عشان انقذ مامي؟
وكان تفكيري كله مركز في هدف واحد
وهو...
ازاي اخد مامي...
واخرج من هنا قبل الفجر؟
ولما بصيت علي باب الغرفة
الي احنا فيها ...
لقيتة مقفول
وافتكرت سلسلة المفاتيح
الي انا اخدتها من القرد...
بعدما ما ضربتة بالشومة
فا خرجت سلسلة المفاتيح
من جيبي..
ولقيت فيها ستة مفاتيح
وفهمت...
ان السلسلة فيها
نسخة من كل مفتاح
لكل غرفة في البيت
وده معناه...
ان مفتاح الغرفة
الي احنا فيها
هو... واحد من المفاتيح الستة
وموجود في السلسة الي معايا دي
ولاحظت ...
ان المطوة الي كانت متعلقة
في السلسلة
عاملة خايلة علي الفاضي
ولان المطوة كانت متقلة وزن السلسلة
وعملة زحمة بين المفاتيح
.. فا فصلت المطوة عن سلسلة المفاتيح
ووضعت المطوة في جيبي
لكن بعدها
فكرت تاني ....
وقلت .... لا....
المطوة دي سلاح مهم
وانا ممكن احتاجله
عشان ادافع بيه عن نفسي..
وعن مامي
و الائمن اني احط المطوة في صدري
تحسبا لاي طارئ
وبالفعل...
خبات المطوة الصغيرة بصدري
واخدت سلسلة المفاتيح
وبالراحة... زحفت لغاية باب الغرفة
وانا مازل جسمي كلة بينتفض
واول ما وصلت للباب...
مديت ايدي
الي كانت بترتعش
باول مفتاح في الباب
وجربتة
لكن ...للاسف
مفتحش..فا حاولت تاني ..
لكن... برضوا مفتحش..
وحاولت....
تاني...
وثالث.... ورابع... مفتاح
لكن برضوا
مفتحوش
فا بدات اتوتر ...و ايدي تترعش
اكتر
لدرجة اني مبقتش قادرة
اتحكم في المفتاح الي في ايدي
من شدة التعب
الي كنت فيه
لكن حاولت اقاوم...
وقلت لنفسي....
اجمدي يارشا
خلاص مش فاضل معايا غير مفتحين فقط
والباب هيتفتح ...
وافوق مامي... واخدها ونخرج من هنا
وبقيت اشجع نفسي علي
المقاومة
لغاية ما مسكت بالمفتاح الخامس
لكن...قبل ما ادخلة في الباب..
سمعت صوت حركة بره الغرفة
فا رجعت بسرعة لمكاني
وعملت نفسي نايمة
وبعد ما غمضت عيني
سمعت الباب بيتفتح بالراحة
وبعدها ....
سمعت صوت اقدام في الغرفة
فا خوفت...
لا يكون خادم ابليس
جاي ياخد مامي...
او ياذيها
فا فتحت عيني ببطء
عشان اشوف الي بيحصل؟
ولقيتة فعلا خادم ابليس
لكن ...
مكنش بيقرب من مامي
ده كان بيحاول يصحي سهام بالراحة
واول ما سهام فتحت عنيها
فضل يشاورلها..
وبعدها.... اعطي لها شيئ في ايديها
معرفش هو ايه؟
فا اخدت سهام منه
الحاجة دي
بعدما...
هزت راسها له
بانها فهمت هو عايز ايه
وبعدها ...
صرخ فيها
وقال بصوت عالي....
قومي فزي يا بت يلي اسمك سهام...
واصحي من الغيبوبة
الي انتي فيها
فا ردت سهام بفزع مفتعل
وقالت...
ايه؟ عايز مني ايه؟
ارجوك... انا معملتش حاجة
رد عليها خادم ابليس بنفس الافتعال
وقال...
عارف انك معملتيش حاجة
لكن... ابليس سهران وحيد... وحاسس بالملل...
وعايز حاجة يتسلي عليها
وصرخ فيها فجاءة
وقالها..
قومي يابت ادامي
بدل ما انيمك جنب الجثة
الي جنبك
ردت سهام وهي بترتعش
وقالت...
ابوس ايدك
انا تعبانة ....ومش قادرة اقف علي رجلي..
وحاسة اني بموت
ساعدني وهاتلي دكتور
وفي اللحظة دي
ركلها خادم ابليس برجلة
وقالها...
دكتور ايه الي هجيبهولك ؟
وبعدين مال شكلك مرضان كده؟
غوري جتك القرف
خليكي مرمية هنا لغاية ما تموتي
وسابها خادم ابليس
وخرج
وانا فضلت عاملة نفسي نايمة
ومسمعتش اي حاجة من الي حصل
وشوية...
ولقيت سهام بتنادي عليا
عشان تشوفني.. ان كنت نايمة؟
ولا صاحية؟
ولقيتها بتنادي عليا
وبتقولي...
رشا.... رشا..
ولما لقيتني مش برد عليها ..
وضعت ايديها علي جبهتي
عشان... تتاكد ان كنت نايمة فعلا؟
والي خدمني في اللحظة دي
هو ان حرارتي كانت عالية جدا
وساعتها سهام اتاكدت
ان المرض هدني
وخلاني انام زي القتيلة
وفي اللحظة دي
تركتني سهام ...
وبعدت عني
لكن...
شعرت بحركة غير عادية بتحصل..
فا فتحت عيني ببطء
واتفاجئت ...
بسهام وهي متوجهة ناحية مامي
و ماسكة سرنجة في ايديها..
وبتستعد انها تحقنها لمامي...
وبالرغم من مرضي... وضعفي لكن ...
الرعب ...وخوفي علي مامي
خلي الادرينالين الي في جسمي اشتغل
وفكرت بسرعة..
وخرجت المطوة من صدري..
وبعدما فتحتها ...
هجمت علي سهام..
وفاجئتها من الخلف
وبعدما طوقتها بذراعي
مسكت المطوة بايدي الثانية
وهددتها بغرز المطوة في رقبتها
لو صرخت ...
او عملت اي صوت
وبعدما ما اخدت السرنجة الي في ايديها
سالتها..
ليه كنتي عايزة تقتلي مامي؟
انطقي؟
ردت سهام
وقالت...
دي مش ممتك دي ميادة اختي وانا كنت..
وفي اللحظة دي
جرحتها في رقبتها بالفعل
وقبل ما تصرخ
كتمت بوقها عشان صوتها ميطلعش
وقلت...اوعي تحاولي تكدبي تاني
انا مش بهدد
والمره الجاية هتبقي بقطع رقبتك فعلا
ولو عايزة تجربي؟
اكدبي تاني
ارتعشت سهام
وسالتني بفزع
قالت...
انتي عايزة ايه مني؟
قلت..عايزة اقتلك
زي ما كنتي هتقتلي مامي
ردت سهام وهي بتتوسل
وبتقول...
لا استني بس
ربنا يخليكي ....وافهمي صح
ممتك عايشة... ممتتش
وانا مكنتش عايزة اقتلها
دنا كنت هحقنها بالحقنة بس
بصراحة ..
كلامها استفزني
فا ضغطت علي رقبتها بحافة المطوة
وانا بسالها بسخرية..
وبقول..وحقنة ايه دي بقي ان شاء الله؟
اوعي تقوليلي
انها حقنة مقويات ؟
ردت سهام
وهي بتتالم ومرعوبة
وقالتلي..
لا لادي حقنة مخدرة
اصلهم اعطوها واحده من فترة...
وخافوا لا تصحي تاني
فا طلبوا مني
اني اعطيها واحدة تانية
قلت...طلبوا منك؟؟؟
تمام جدا..
لا... ده واضح ان نهايتك هتبقي الليلة
تعالي بقي بالراحة كده
وقوليلي...
هما مين الي طلبوا منك؟
وايه حكايتكم بالظبط؟
ارتعدت سهام وكانت لسه هتبدء تتكلم
لكن انا وقفتها
وقلت...
اسمعي يا حلوه
قبل ما تحاولي تحوري
...وتكدبي عليا كا العادة
لازم تعرفي...
اني شوفت شهاب اخوكي
الي قطعتولة لسانة...
وايده
عشان ...
ميقدرش يتكلم ...
ولا يقول حاجة عليكم
وقدرت اعرف منه بطريقتي معلومات كتير
يعني.... لو حاولتي تكدبي عليا هعرف...
وهقطع لسانك
زي ما قطعتي لسان اخوكي
وسالتها
قلت ..كلامي مفهوم ؟
هزت سهام راسها
وقالت...مفهوم
وبدات سهام تسرد تفاصيل اللعبة القذرة
وتقولي علي تفاصيل صادمة
وبدات سهام في السرد
وقالت...
انا بنفذ تعليمات (جوزي)
عشان نعرف مكان بذرة ابليس
لان حياة زوجي متوقفة علي بذرة ابليس
فا استغربت من كلامها
وسالتها؟؟
قلت..
قلت..حياة جوزك ؟
هو انتي متجوزة اصلا؟
ردت سهام
وقالت..
ايوه انا متزوجة من فترة
من شخص بحبة... وبيحبني
فسالتها تاني
وقلت...
امال ازاي معرفناش بجوازك
واحنا معاكي في بيت واحد؟
ردت سهام
وقالت..
انتي بالذات مكنش ينفع تعرفي اني اتجوزت
لانك لو كنتي عرفتي
مين جوزي؟
كنتي هتقلبي الدنيا انتي وامك
عشان كدة ...
اتجوزت انا وهو في السر
قلت..
ليه يعني؟
يطلع مين جوزك ده؟
ردت سهام
وقالت..
جوزي يبقي......
ومش هتصدقوا جوزها طلع مين....؟
لو عايز باقي احداث الرواية
صلي علي رسول الله
وطبعا مش هننسي
نضع عشر ملصقات ...
مع متابعة
تكملة الروايه بعد قليل
تعليقات
إرسال تعليق