مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت ليتك تغفر الأول والثاني سما يوسف 

- رباب انا عايز افاتحك في موضوع اجالته كتير اوي وجه الوقت الي اقولك عليه

- قولت بارتياح : موضوع ايه يا محمد ؟!  هنسافر صح اكيد محضرهالي مفاجاه

- قال بتوتر : لا مش هنسافر ، ارجوكي متعصبيهاش عليا انا ماسك نفسي بالعافية

- اومال موضوع ايه ياحبيبي قلقتني ؟ انت كويس فيك حاجة ؟ شهقت مرة واحدة نتيجة التحاليل طلعت ولا ايه طمني انت كويس صح 

ضميري كل شوية يانبني ازاي اقولها اني اتجوزت عليها وهي خايفة عليا اكتر من نفسها وبتعاملني كويس ، انا ابقي اناني لو قولتلها مستاهلش حبها انا غبي اني اكسرها بعد كل الي هي بتقدمه ليا 

قولت وانا باصص بعيد ّ: انا كويس ياحببتي متقلقيش انا هقوم انام 

قومت وانا بحاول اخبي لغاية امتي هفضل كده ، مش متخيل صدمتها لما تعرف ، بعد جواز 5 سنين اكون متجوز عليها 

تاني يوم

- ايوا يا اميرة اه محمد نزل الشغل بدري وعملته فطار تحفة ولسة قافل معايا يطمني عليه

- مش اوفر الي بتعمليه ده يارباب ، الدلع الزيادة يا قلب اختك خطر وهيخونك في الاخر 

- خطر ليه ان شاء الله اسكتي اسكتي انتي لسة متجوزتيش ومتعرفيش حاجة ، محمد ده اطيب راجل في الدنيا ويتمنالي الرضا ارضي 

- براحتك يا قلبي الي يريحك ، الاه بتعملي ايه دلوقتي

- كيكة لمحمد لما يرجع من الشغل

- ياشيخة منك لله انتي ومحمد ، مرارتي مش كسبها في كيس شيبسي 

- تعالي خدي حتة طيب دي بالشكولاتة 

- لا خليني في اوضتي ملكيش دعوة بيا انا ، اه هجيلك بليل في حاجات عايزاكي فيها

- تعالي وهسيبلك حتة من الشكولاتة

- الو ؟ 

اميرة ، مااااشي والله ماهسيبلك حتة وهديها كلها لمحمد ها 

عملت الكيكة لقرة عيني واستنيته يجي من الشغل 

اتاخر كتير فضلت مستنية لغاية ماكنت هروح في النوم ، باب الشقة اتفتح

قومت جريت عليه : حبييي اتاخرت ليه كنت هنام 

- معلش يا حببتي كان ورايا شغل كتير عن اذنك 

- ايه ده ؟؟ اي التجاهل ده ، مش جعان طيب انا عملتلك كيكة طيب كل معايا 

- معلش يا حببتي تعبان ولازم انام تسلم ايدك 

- انت شايف ان ده عادي ولا ايه ، انت حتي مش طايق تتكلم معايا دقيقتين

- ربااااب انا مش شايف قدامي ، ومش ناقص نكد ارجوكي سبيني واجلي النكد للصبح 

- انا نكدية يا محمد ومادام نكدية اتجوزتني لييه ؟؟

- دي وعودك ليا قبل الجواز ده الي مش هزعقلك وهبات في حضنك كل دقيقة ، انت اتغيرت  

انت مبقتش تحبني ولا ايه انا بحبك وعمري ماقدر اعيش بدونك ثانية ، ساكت ليه اتكلم ، احضني طمني بوجودك 

- اناااا اتجوزت عليكي يارباب خلااااااص 

- اييه!

#ليتك_تغفر

انا اتجوزت عليكي ياربااااب خلاص 

قولت بخوف ووجع :ازاي يعني انت كداب انت بتهزر وبتكتشف لو كنت بغير عليك او لا ياسيدي بحبك خلاص بقا بلاش هزار

* مش بهزر يا رباب انا اتجوزت عليكي زهقت زهقت من خناقتنا ومشاكلنا بقيت مخنوق بقيت اهرب من البيت ده عشان عارف اني هرجع الاقي زعيق علي حاجات تافهه انا صحيح بحبك لكن الحب مش كفاية في حاجات ناقاصة واضطريت اكملها عن حد تاني وده مش معناه انك وحشة لا انا بحبك بس انا تعبت وكل انسان ليه طاقة وانا طاقتي خلصت

* قولت بانكسار : الحب مش كفاية ؟ فيا ايه غلط او وحش يخليك تبص لغيري هو انا مع*يوبة 

* قال وعنيه مليانة دموع :لا يا رباب انتس ست الستات وانا بحترمك وبحبك بس كان لازم ده يحصل مقدرش اكمل معاكي انا بقيت اجي متاخر عشان مشوفكيش عشان متخانقش بقيت اكره اجي البيت انتي مش مقصرة في حاجة وقايمة ك زوجة وواجباتك وشغل البيت علي اكمل وجه بس في حاجات انا مقدرش اشرحهالك مبقتش حاسسها دورت ولقيت حد يحتويني ويقدرني 

* انا بقيت اكره بيتنا يا رباب 

* وهتسيبني ؟

* رد بسرعة :لا طبعا قولتلك انا بحبك ومقدرش اسيبك هتفضلي مراتي وحببتي وهشيلك فوق راسي انا مقدرش اسيبك 

* قولت بوجع :بس مفيش ست تقبل بكدة مش هقبل يكون ليا ضرة نا ه*دوس علي قلبي وطالبة منك طلب

* طلقني 

* قولتها بانكسار  

* رد بسرعة وقالي :مستحيل انا مش هسيبك هموت لو ده حصل 

* مانت موتني انا مش عايشة بعد الس سمعته 

* قال :متوجعنيش يا رباب ارجوكي انا كنت بأجل اقولك عشان خايف علي مشاعرك بس كان هيجي وقت وهتعرفي

* مين الي وجع مين بالظبط كفاية صدمتي فيك اشبع بيها وانسي ان فيه واحددة اسمها رباب كانت في حياتك

* رباب انا محبتش غيرك مفيش في قلبي غيرك مش هسيبك يا رباب

* لاااااا هتسبني يا محمد 

* مشيت ومسك ايدي :متهديش البيت يا رباب ارجوكي

* ورقتي توصلي عند بيت اهلي غير كده هرفع خلع ومش عايزة من وشك حاجة 

* سيبته ومشيت ولميت هدومي روحت لبيت اهلي في الاول سمعت تقطتيم وتأنيب مانا الي اختارته بس وحدة وحدة امي واختي احتاووني ووقفوا جمبي وبقوا سندي 

* عدي اسبوعين ومطلقنيش في الفترة دي كنت بهدأ بحاول اعمل move on من العلاقة دي بس صورته ونبرة صوته في خيالي مفرقتنيش مش قادرة اسامحه وجعني اووي حسسني اني مليش لازمة في حياته 

* كنت قاعدة في الصالة وسرحانة 

* اميرة :لسة باردو مبعتش الورقة الندل ده 

* لا لسة انا قولتلو لو مبعتش هرفع قضية عليه 

* - اعملي الي تعمليه يا اختي ربنا يستر ويهدي قلبك ويعوضك ان شاء الله 

* - يارب 

* ماما فين نايمة ؟

* - اه اخدت الدوا ونامت 

* واحنا قاعدين بنتكلم الباب رن 

* قومت فتحت انا واميرة 

* - الابلة رباب السيد موجودة 

* قولت بتوتر :ايوا انا رباب

* اتفضلي ورقة طلاقك اتفضلي امضي هنا 

* في نفس الوقت جاتلي رسالة من رقم غريب بتقول :محمد بقا ليا لوحدي اخيرا مبروك علي الطلاق يا قطة 

* #ليتك_تغفر

البارت الثالث الاخير من هنا