 |
حضن ابليس
الجزء السابع
للكاتبة...حنان حسن
بعدما تسللت ...
ودخلت للغرفة
الي فيها الراجل المريض..
لقيته مازال جسمة في الجبس
لكن...
كان واقع من علي السرير
علي بطنة
ولاحظت.... ان احدهم
نزع من علي وجهة الشاش
فا دخلت بسرعة
عشان اساعدة ...
ونيمتة علي ظهرة
لكن....
اثناء ما كنت بنيمة علي ظهره
اتفاجئت
بوجهة امام عيني
وكانت الصدمة...
لان الشخص المريض
طلع
(شهاب)
ابن اونكل مهدي
ومن شدمة صدمتي
فضلت بصالة
ومش مصدقة عنيا
وبدات اسال نفسي
واقول..
يعني شهاب طلع هو المريض الي جسمة في الجبس؟
و ايدة مقطوعة ؟
ولسانة مقطوع؟
طيب ازاي؟
امال مين ابليس؟
ومين خادم ابليس ؟
وبذرة ابليس
وايه حكاية القرد الي معاهم
واثناء ما كنت شاردة بذهني
فوقت علي صوت انين شهاب
وكان واضح
انه عايز يقولي حاجة
بس مش عارف يتكلم
فسالتة
قلت...انت ايه الي جابك هنا؟
ومين الي عمل فيك كده؟
ومامي فين يا شهاب؟
و.... ؟
وقبل ما اكمل الاسالة الكتير
الي عندي...
لقيت شهاب بيهز راسة ...
والدموع مالية عنية
وكانه كان عايز
يقولي...
خلاص يا رشا
انا لساني اتقطع
ومبقتش اقدر ارد عليكي
فا طبطبت عليه
عشان يهدي
وبعدما فكرت شوية
سالتة
قلت..
انت بتسمع يا شهاب
مش كدة؟
هز شهاب راسة بالايجاب
بمعني (نعم)
فا اقترحت عليه اقتراح
قلت..
طيب اسمع يا شهاب
انا عايزة اساعدك...
واساعد نفسي
عشان نهرب من هنا
بس الاول
لازم ...
اعرف منك شوية حاجات
وبما انك مش بتعرف تتكلم
فا انا هسالك
وانت تهز راسك
باه...... او...... لا
وسالتة
وقلت..
انت فاهمني؟
هز شهاب راسة بالايجاب
يعني فاهم
فا سالتة
قلت...انت تعرف مين هو ابليس؟
هز شهاب راسة بالايجاب
بمعني (نعم)
قلت..يعني ابليس بني ادم عادي
وبشر زينا؟
رد شهاب بلايجاب مرة اخري
وقال..نعم
فسالت شهاب تاني
وقلت
ابليس...هو الي عمل فيك كده؟
وانتظرت اجابة شهاب
ولقيتة بيدمع ....
وهو بيهز راسة بالايجاب مره تانية
بمعني ..نعم
فسالتة اهم سؤال
وقلت..هي مامي مع ابليس؟
هز شهاب راسة تاني بالايجاب
بمعني( نعم)
فا قلت
متعرفيش هو مخبي مامي فين؟
وفي اللحظة دي
هز شهاب راسة بالنفي
بمعني( لا)
قلت..طيب انت تعرف حاجة
عن بذرة ابليس؟
الي هو عايزها مني
هز شهاب راسة بالنفي
وقال...لا
وسالتة
قلت..
ابليس ده ...حد انا اعرفة؟
وبدل ما شهاب يرد علي السؤال
لقيتة بيبرق عنية ...
وبيبص علي حاجة ورايا
ناحية باب الغرفة
فا حاولت التفت بسرعة
عشان اشوف
هو متنح لمين كده؟
وبيبص علي ايه؟
لكن قبل ما التفت
حسيت بايد بتحط منديل علي
وشي...
ولقيت الدنيا اسودت ادامي
وغيبت عن الوعي
وبعد فترة من الزمن
اتنبهت تاني
ولقيتني رجعت لغرفة ايمن
وفوقت
علي منظر القرد
وهو بيمرر ايده علي شعري...
فا اترعبت
لاني كنت متاكدة
ان القرد ده تبع ابليس ...ومساعد ابليس
وطبعا بيساعدهم في الشر
بتاعهم
فا بعدت ايده عني بسرعة
وفضلت اعيط
واقول...
يا ناس يلي هنا
انتوا عايزين مني ايه؟
انا عايزة اخرج من هنا
فا حاول القرد
انه يقرب مني ...
ويطبطب عليا كا العادة
عشان اهدي
لكن انا استمريت في الصراخ
وفي اللحظة دي
لقيت القرد قام وفتحلي الباب
عشان اخرج
وكانه بيقولي
الباب اهوه
ولو عايزة تخرجي اخرجي
بس اهدي
وحاولت اقوم من السرير
واخرج فعلا
لكن ...
لقيت راسي تقيلة
وشعرت ببعض الدوار
فا رجعت للسرير تاني
وانا ببص للقرد
وبسالة..
هو انت قرد ولا بني ادم؟
فا بصلي القرد وسكت
فا قلتلة
عموما
سواء كنت قرد ...
او كنت بني ادم
فا انا عارفة انك فاهمني
ارجوك... انا عايزة بس اطمن علي مامي ...
هي كويسة؟
فا بصلي القرد
ومعملش اي رد فعل
فا رجعت اسالة تاني
قلت..طيب يعني مامي لسة عايشة؟
ارجوك انا عايزة اطمن عليها مش اكتر
وانتظرت ان القرد يعمل اي حركة
تفهمني انه هيساعدني
لكن...للاسف
اداني ظهرة وخرج من الغرفة
وكانة بيقولي
انا مليش فيه
ولما روحت وراه
وحاولت افتح الباب واخرج
لقيت الباب اتقغل عليا من بره
وده معناه
انه لما فتحلي الباب قبل كده
كان عشان اهدي
مش اكتر
فا رجعت اعيط تاني
ورجعت للسرير
وفضلت افكر بيني وبين نفسي
ياتري هما سمعوني وانا بسال
شهاب
عن المعلومات الي كنت عايزه اعرفها؟
وياتري عملوا ايه في شهاب؟
ومين الشخص الي مسمي نفسة ابليس؟
ولية بيعمل ده كله؟
وتطلع ايه البذرة بتاعة ابليس دي؟
وبعدين...طالما ابليس ده بني ادم زينا
ليه انا مشفتوش لغاية دلوقتي؟
ولقيت نفسي اتخنقت
وقلت
انا عايزة اخرج من هنا
واثناء ما كنت حاسة بياس
بصيت جنب السرير
لقيت شومة كبيرة
اخرها قطعة من الحديد
حاجة كده زي الي بيستعملوها في الخناقات
المهم...
كان واضح
ان في حد نسي الشومة دي جنب السرير عندي
فا اخدتها بسرعة
وخبتها تحت البطانية
الي انا متغطية بيها
ويادوب طلعت علي السرير
ولقيت القرد جاي
ومعاه صينية عليها اكل وميه
فا بصيتله وانا بسالة
قلت..
نفسي اعرف بس
لما انت طيب كده بتساعد الي اسمة ابليس ده ليه
وفي اللحظة دي
اقترب مني القرد....
وطبطب عليا
وهو بيشاورلي علي الاكل
وكانة بيقولي..
يلا ...متزعليش
و كلي...
واتفاجئت
انه معاه سلسلة مفاتيح
بها مطواه...
في نفس السلسلة الخاصة بالمفاتيح
(سكينة صغيرة بتتفتح وتتقفل)
وفضل القرد يقشرلي البرتقالة
الي كان جايبهالي
وبعدما حط الاكل ادامي
ابتسمتلة
وقلت...
تمام انا فعلا جعانة
واخدت الصينية وبدات اكل
فا اطمن القرد واداني ظهرة
عشان يجيب كرسي ويقعد عليه
وفي اللحظة دي
طلعت الشومة
من تحت البطانية
وضربت القرد ضربة قوية علي راسة
واول ما وقع علي الارض
اخدت سلسلة المفاتيح
الي فيها المطوة...
وحطيتها في جيبي
وخرجت ادور علي مامي في البيت
واول ما خرجت
من الغرفة
مبقتش عارفة ادور فين
اطلع فوق؟
ولا ادور علي مامي تحت؟
وفضلت افكر
لغاية ما افتكرت
اني لما فتحت الغرف الي فوق
كانوا كلهم فاضيين ومفيش فيهم حد
يبقي ممكن يكون ابليس
مخبي امي
في غرفة ...من الغرف الي تحت
وبالفعل...
دخلت اتسلل في الدور الارضي
وادور علي مامي
عشان ...
اخدها ونهرب قبل ما ابليس ورجالتة يشوفونا
وفي اللحظة دي
شوفت ادامي اكتر من غرفة مقفولة
وكنت خايفة...
لافتح واحدة منهم
الاقي فيها ابليس ...
ولا حد من رجالتة
وكان الحل الوحيد
اني اتصنت علي الغرف
غرفة... غرفة
قبل ما افتحها
وبدات باول غرفة ادامي
وفضلت اتصنت علي بابها
لكن مسمعتش اي صوت فيها
وبالراحة فتحتها
و لقيت فيها ...
شوية كراكيب ...
و حاجات قديمة
لكن ملقتش فيها حد
فا قفلتها تاني
وروحت علي الغرفة الي بعدها
وفضلت ادور تاني
في غرفة غيرها ..
وملقيش فيها
برضو وهاكذا
لغاية ما وصلت لغرفة معينة
ووقفت اتصنت علي بابها
لكن المرة دي
سمعت صوت
ايوه فعلا ....
انا سامعة صوت
وصوت ... واحده ست كمان
وكانت عمالة تعيط ....وتتوسل
وتقول ابوس ايديكم عايزة اخرج من هنا
وبعدما اتحققت من صوتها
لقيته صوت
شبية بصوت واحدة اعرفها
لان الصوت كان صوت مالوف اوي
وكان واضح
ان الست الي جوه دي
كانت مخطوفة معانا هي كمان
بس واضح ان في اشخاص معاها جوه لانها
كانت عمالة تعيط وتتوسل عشان يرحموها
ودعيت ساعتها ان مامي تكون معاها
في نفس الغرفة
عشان اخلصهم و نهرب كلنا مره واحدة
ولما حسيت ان في حد خارج من الغرفة
اداريت في جنب
وفضلت واقفة اراقب باب الغرفة من بعيد
لغاية ما خرج شخص
من الغرفة الي سمعت فيها صوت الست
ولما اتحققت من الشخص الي خرج
لقيتة خادم ابليس
وبعد ما خرج
اتاكدت انه بعد عن الغرفة
فا دخلت انا للغرفة
عشان اتصدم باكتر من مفاجئة
كانت في انتظاري
عارفين ايه الي كان منتظرني..........؟
لو عايز باقي احداث الرواية
صلي علي رسول الله
وياريت كمان مننساش نضع عشر ملصقات مع متابعة للمدونة
تكملة الروايه من هنا هنا
خياليه بس حلوه عجبتني قوي دماغك في القصص مشوقه ربنا يوفقك
ردحذف