شكرا على التفاعل القمر يامسكرين❤️
وجع نور البارت الأخير
فون نور رن برقم غريب ردت بتوتر
نور : أيوه مين
مراد انتبه بتركيز
نور بصدمه : ياااااارااااا
مراد بخضه : مالك يانور أختك مالها
نور بدموع : يارا فى المستشفي هي وخالد يامراد عمله حاد"ثه عايزه اروحلهم بسرعه بالله
مراد : أهدى أهدى قولى العنوان يللا
نور : .......
مراد شغل عربيته وراحه المستشفي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
بعد وقت وصلوا المستشفي ودخلت نور وهى بتبكى وسألت على أوضة أختها وقالولها طلعت جرى عليها ودخلت ومراد استناها بره
دخلت شافتها وسط الأجهزة وجس"مها كله ملفوف بشاش أبيض دخلت جنبها بدموع
نور بدموع : يارا سمعانى ياحبيبتى يارا ردى عليا
يارا فتحت عيونها بصعوبه واتكلمت بتعب : ن نور كويس أنك جيتى انا ع عايزاكي تسامحينى
نور : مسمحاكى ياقلبى والله بس قومى بالله عليكى
يارا بدموع وتعب : قلبك أبيض طول عمرك يانور انا اسفه ياحبيبتى س سامحينى وخلى ماما تسامحنى
وفجأه غمضت عيونها وغادرت الحياه وروحها طلعت لخالقها
نور بانه"يار : لاء لاء يارااااا قومى ياحبيبتى مسمحاكى والله بس قوووومي
مراد دخل عليها بسرعه وحاول يبعدها عنها وهو قلبه وجعه عليها وشدها ووداها الأوضه التانيه واداها حقنه مهدأه ونامت وابتدي يقوم بتجهيزات الدفنه
تاني يوم فاقت نور وابتدت تستوعب ال حصل ودفنت أختها بعد انهيار وحزن كبير ومراد كان جنبها ومسبهاش خالص وبعدين عرفت أن خالد طالب يشوفها اترددت بس راحت تشوفه ومراد راح معاها ودخلوا عنده وكان قاعد على السرير وهو حزين وبرضوا فى جروح كتير فى جس"مه
نور دخلت بجمود بس صعب عليها منظره وقالت : خير
خالد بحزن : أنا عارف انك مش هتسامحيني بس انا والله خدت عقابى
نور بدموع : اختى ماتت بسببك
خالد : انا مش غلطان لوحدي والله كل واحد فينا اتعاقب انا مش همشي تانى يانور انا بقيت عا"جز
مراد كان مترقب رد فعل نور وعايز يشوفها هتعمل ايه
نور بهدوء : خلاص ياخالد ادعى ربنا يسامحك انا مقدرش اقولك أن مسمحاك لأن انا فى ثانيه حياتى اتدمرت بسببك اختي ماتت وامي فى غيبوبه ف خلاص مش باقيه علي الدنيا عن أذنك يلا يامراد
مراد أخدها وخرجوا وهي قعدت على اقرب كرسي بانه"يار وهو قعد جنبها
نور : كل حاجه راحت كل ال حبتهم راحوا
مراد : انا جمبك
نور بحزن : انت ذنبك ايه تشيل الحزن ده كله عشاني
مراد بابتسامه : هتعرفى بعدين
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
بعد مرور شهرين
والدتها فاقت وعرفت بموت يارا حزنت عليها وعلى حالهم بس رضيت بقضاء ربنا ومراد علطول بيسأل عليهم ومهتم بأمرهم وكان فاضل شهر وتخلص العده بتاعت نور
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد شهر والعده خلصت بيومين
مراد طلب يشوف نور وركبت تاكسي وطلعت على العنوان ووصلت ودخلت لقت المكان مزين بالورود استغربت وفجأه ظهر قدامها بهيئته الجذابه والجميله وقف قدامها بابتسامه
نور بدهشه : هو في ايه
مراد بمشاكسه : مش يمكن أكون بحبك مثلا
نور بصدمه : مراد انت
قاطعها مراد بحب : ب ح ب ك
نور : أنا مطلقه
مراد : وانا بحبك
نور : هتتعب معايا
مراد : ياريت كل التعب حلو كده
نور دمعت من الفرحه : هتزعلنى
مراد بص فى عيونها : مقدرش
نور : ليه أنا
مراد : الحب مفيهوش ليه يانور الحب بيدق القلب من غير استئذان موافقه تكملى حياتك معايا وتنوريلى حياتى
نور بابتسامه من وسط دموعها : موافقه
تمت بحمد الله
#وجع نور
بقلمى هاجر العفيفى
دمتم في حفظ الرحمن💙
تعليقات
إرسال تعليق