 |
#بنت_قلبي
part 10
اي المكان ده يا خالد..كانت صفية تتسائل باستغراب
ابتسم لها..تعالي ندخل وانتي هتفهمي..وبالفعل اخذها من يدها ودخل..كان المكان عبارة عن ظلام ينيرة شعل من النار وفي نهاية ذلك الممر اشياء خاصة بالسحر والتعاويذ
تمسكت صفية به وقالت بخوف..خالد انا خايفة
ابتسم لها ليطمئنها..متخافيش تعالي..اكمل طريقة للداخل وتحدث بهدوء..ميلي انتي فين
فجاة ظهرت امراة امامه من العدم..انتفضت صفية ورجعت للخلف قليلا..خالد
اهدي يا حبيبتي وتعالي اقعدي
ابتسمت الاخري بخبث..اوه سمو الملك بجلالته يشرفي في مكاني المتواضع
جلس خالد امامها وجلست جانبه زوجته صفية الخائفة فقال هو بهدوء..ميلي انا عارف انك ساعدتيني قبل كدا وجميلك دا فوق راسي مش عارف اردهولك ازاي..بس..بس انا جايلك انهاردة واملي فيكي انك هتساعديني تاني
وقفت ميلي ودارت حولهم وهي تقول بخبث..اوه لا عليك يا رجل..واذا ارد مساعدتي سوف اساعدك
ابتسم خالد بفرحة وقال..بجد شكرا
ابتسمت ميلي وقالت..اوه لا عليك..لكن..
نظر لها باستغراب..لكن اي
اود شئ مقابل مساعدتي لك..قالت ذلك وهي تبتسم بخبث
تحدث خالد بلهفة..وانا موافق اطلبي اللي انتي عايزاه بس ساعديني
اي شئ
اي حاجة بس وافقي..طلبك اي
ابتسم هي بخبث اكبر وذهبت لتجلس وقالت..لا اريده الان في الوقت المناسب سوف اخبرك
جاء خالد ليتحدث لكن فجاة اختفت فنظر حوله باستغراب..ميلي ا..لم يكمل كلامه عندما انتفض بفزع عندما وجدها ظهرت فجاة وهي تجلس جانبه..ميلي بلاش تخضيني كدا
اوه اسفة..ثم ذهبت وجلست مكانها وقالت..ماذا تود..يا..سمو الملك قالت جملتها الاخيرة بخبث اكبر
صمت خالد قليلا ونظر الي زوجته ثم نظر الي ميلي وقال بهدوء..بصي مش هقدر اقولك غير بنات قلبي في خطر ومحتاج مساعدتك..عايزك تاخريهم عن الوصول..او تشيلي عنهم العقبات وهما في طريقهم لكتاب الاسطورة
حسنا سوف اساعدك..لكن انت وعدتني انك ستنفذ اي شئ اطلبه
وانا بوعدك
تحدثت الاخري بهدوء..حسنا..لدي حل افضل
تحدث خالد بلهفة..اي هو
..
****************************
-اهدي يا وعد لازم توصفي شكله عشان نقدر نمسكه وياخذ جزاءه
'هدات وعد قليلا وبدات في وصفه..عينه ضيقة ووشه مدور وفيه عنده ندبه في وشه واضحة اوي جنب مناخيره وتحت عينه..وظلت تتذكر قليلا وقالت..تحت عينه الشمال جواجبة كثيفة
بعد مرور وقت انتهي الرسام من رسمه..هو ده يا انسه
'نظرت وعد للصورة لكن فجاة بدات بالتعرق والخوف وهي تعود للخلف وجسدها يتشنح..مازن..ثم بدات بالبكاء..مااازن
-اتي مازن ووسيم علي صوتها فذهبت هي واختبات في احضانه وهي تبكي ولا تقول الا شئ واحد..هو المجرم
-نظر وسيم للصورة وتمعن بها قليلا ثم ظهرت ملامح الصدمه علي وجهه وهو يقول بغضب..دا هو الو**..واقسم بالله منا سايبك الا وانت بتتعاقب علي كل جرايمك
نظر له مازن باستغراب وقال..انت تعرفه
-تحدث وسيم بغضب يحاول ان يتمالك اعصابه..اعرفه الك***دا بيشتغل ظابط بس محدش يعرف اكتشفت كدا قريب دا اسمه هشام..وهو نفسه اللي ضربني بالرصاص
'كانت وعد تبكي وهي خائفة وظلت تصرخ..بابا..باااباا..ثم فجاة غابت عن الوعي
-ذهب وسيم ناحيتها وامسكها بالهفة..وعد..وعد فوقي.. حملها وسيم وادخلها الي مكتبه ووضعها علي الاريكه الموجوده في غرفه مكتبه وظل جانبها قليلا..تحدث فجاة..مازن معلش خلي بالك منها ومتسبهاش في مشوار لازم اروحه
اوما له مازن بتفهم..تمام روح انت متشغلش بالك
بعد مرور وقت وصل وسيم الي مكان وابتسم ودخل..
=ابتسم الاخر ووقف ليذهب له ليحتضنه..مين سيادة الرائد وسيم مشرفني هنا
-احتضنه وسيم وقال بابتسامه..واحشني والله ياض
=خرج الاخر من احضانه وقال..اي كل الغيبة دي مفكرتش تسال عن صاحبك
-ابتسم وسيم..معلش بقي مشغول شويه
=ولا يهمك..تعالي اقعد..ثم قال بصوت عالي..كباية قهوة هنا يا عسكري..ثم نظر الي وسيم وقال..قولي بقي اي اخبارك
-ضحك الاخر وقال..والله اهو الحال ماشية..وانت اي اخبارك يا سيادة الرائد اياس
=ضحك اياس وقال..انت وصلك الخبر اني اترقيت
-غمز وسيم له..دا انا شخصية مهمه اي حاجة بتوصلي
=يااه واحشني والله ياض..القولي اي سبب الزيارة السعيدة دي
-ابتسم وسيم باحراج..صراحة جايلك وعايز منك خدمه
=ابتسم انس وقال..خير قول
-بصراحة عارف انك خبرة وذكي هتقدر تساعدني في القضية دي..ثم حكي له كل شئ
=صمت اياس وهو شادر ثم قال..بس انا حاسس ان هشام مش هيطلع منه كل ده لوحده اكيد في حد بيساعده
-ساله وسيم باستغراب..ودا ازاي..وعرفت منين
=هاا..لا متاخدش في بالك مجرد تخمين مش اكتر
-نظر له وسيم بشك..مجرد تخمين..امم.في اي يا اياس انت تعرف حاجة صح..اصل بصراحة انا عمرك مكنت بالزكاء ده اه انا شكيت برضه بس انت..في اي يا اياس
=تنهد اياس وقال هحكيلك..في واحد جالي من اسبوع كدا هو ومراته عشان يقدموا بلاغ علي اختفاء بناتهم بس هو قل ادبه معايا قولتله هدخله السجن بس برضه مسكتش مراته وقتها فضلت تهدي فيه وتقوله احنا مش حمل مشاكل..بس هو وقتها ضربها وحدفها برا انا وقتها دخلته السجن بس مراته كان باين عليها حاجة مش طبعية وبعد الضرب دا وبرضه بتدافع عنه عدي اسبوع علي الكلام ده وهي جات عشان اطلعة وافقت ولما راح العسكري يخرجه ملقاهوش في السجن رغم انه متامن ومفيش حد قدر يهرب منه قبل كدا لقيتها اتوترت ومش طبيعية وكانت عايزة تمشي سالتها وقتها..ثم صمت قليلا وقال..وقتها قالت
فلاش باك
=احكي
صمتت بدرية قليلا ثم قالت بخوف..عصمت..بص كل اللي اقدر اقلهولك ان عصمت مش انسان طبيعي..هو مش انسان طبيعي فعلا..اعتبر انه شيطان في هيئه انسان بس دا مش طبيعي دا دمر حياه الاف من الناس
=نظر اياس لها باستغراب..ازاي طيب معلش وضحي اكتر
بكت بدرية بقهر..مش هقدر..صدقني مش هقدر اوضحلك اكتر..كل اللي اقدر اقولهولك انه طول ما هو عايش خطر علي البشرية وخطر اكتر علي بناته
=بصي والله انا مش فاهم دماغي لفت من الموضوع ازاي بناته وهو خطر عليها
مش هقدر مش هقدر اقولك..ثم ظلت تبكي بقهر
=ذهب لها اياس وانحني ليجلس امامها وقال بحنان..اهدي طيب وفهميني انتي ليه مش عايزة تحكي هددك طيب انه هيقتلك لو اعترفتي
ياريته يقتلني انا بس..معلش مش قادرة اكمل..بس ارجوك انقذ الناس منه دا لحد دلوقتي بيدمر حياه البشر
باك
=ومن امبارح لما حكتلي وانا لسه بفكر هو عمل اي..بس علي ما اعتقد هو اللي بيحرك هشام
-كان وسيم يستمع له باستغراب..لا لا مش معقول للدرجة دي وبعدين هشام انا براقبه بقالي فترة كبيرة ومشفتهوش بيروح لحد
=مش عارف والله..طيب هاا ناوي تعمل اي طيب مع هشام..اؤمر وانا هنفذ
-وسيم بهدوء..اسمع هنعمل اي..
***************************
كانوا جميعا في طريقهم الي ذلك ما يدي بكتاب الاسطورة لكن فجاة توقفت ايسل وهي تنظر امامها بخوف..عااا اي دا
°تحدثت كلارا وهي تضحك..اوه اهدئي عزيزتي انها ابسط شئ في كل تلك الصعاب..انها بحيرة الرمال السحابية..عبارة عن رمال من الاسفل وتغطيها طبقية قطنية تشبه السحاب لها القدر علي سحب اي شخص للاسفل بسرعة البرق اذا لمسها ولا يستطيع الخروج منها
_امسكت فيروز يد ايسل..فيروز انا بقول يلا نرجع وجائت ان تتقدم للخلف لكن صدمت في جسد صلب خلفها التفت فوجدته لم يكن الا ذلك الشخص الذي يدعي فارس فتحدثت هي بغيظ..هو انت تاني ارحمني بقي يا اخي
'اقترب منها الاخر وهمس في اذنها بخبث..علي فين يا قطة الطريق قدامك ولسه طويل..وشكل الدنيا هتحلو
_ابتعدت عنه فيروز وهي تتمت بغيظ..انننن غلس ابعد من وشي يا فارس
*قاطعهم حديث انس وهو يوجهه لماثيو..هنعمل اي ونقدر نعديه ازاي
لم يتحدث ماثيو بل اقترب من البحر قليلا وهو ينظر له بدقه ثم عاد اليهم وقال..ليس هناك الا حل واحد ولكنه صعب قليلا..او ربما صعب جدا
"قول قول يا اخ هو في اصعب من كدا اي
تحدث ماثيو بهدوء..انا وكلارا نعرف ان نقفذ من تلك المسافة
"شهقت ايسل وقالت..يالهوي المسافة دي كلها..ثم اكملت بسخرية..طيب واحنا يا عنيا
حك في راسه قليلا وقال بقله حيله..لا شئ الا ان تصعدوا علي احصنتكم ونقوم بضربهم حتي يجروا بسرعة كبيرة.. فهنا الاحصنه اذا قمنا بضربها تجري وهي تقفز ولكن فيه خطورة ان يتوقف الحصان وهو لم يكمل العبور
"نظرت ايسل لهم وهي تكاد ان تبكي وقالت..انا بقول ان الراجل ده اهبل
اذا لا باس سوف اعود ولا يهم ان ذهبتم الي كتاب الاسطورة
"قاطعته ايسل بسرعة..لا لا يا باشا هنعمل اللي قولت عليه..بس انت كدا حرام عليك مهما كان دا حيوان بس عنده احساس ومشاعر
_ايسل هو ده الحل الوحيد..يلا يا جماعة نبدا بالعبور..ثم اكملت بخبث..ابدا يا ماثيو بفارس
'نظر لها فارس بغيظ ثم قال بتحدي..يلا يا ماثيو معنديش مشكله..وجاء ان يصعد لكن توقف فجاة عندما سمع صوت غريب من خلفه..
#بنت_قلبي
part 11
'نظر لها فارس بغيظ ثم قال بتحدي..يلا يا ماثيو معنديش مشكله..وجاء ان يصعد لكن توقف فجاة عندما سمع صوت غريب من خلفه..
لا لا اوعي تعمل كدا
التفت الجميع خلفهم فصدموا عندما وجدوا رجل وامراة تشبه ايسل وفيروز كثيرا
"تحدثت ايسل بصدمه وهي تنظر لهم وفمها مفتوح..فيروز هو مين اللي معاكي ده
_فيروز وهي علي صدمتها..لا دا انا اللي المفروض اوجهلك السؤال ده
*قاطعهم صوت انس وهو يقول بجمود وهدوء..ايسل فيروز استنوا لما نعرف مين دول
اما الاخري فكانت تبتسم ودموعها منهمرة علي وجنتها في صمت وهي تنظر لهم
اما الاخر فكان ينظر لهم بابتسامه ثم قال بهمس..واخيرا شوفت بنات قلبي
*قاطع انس ذلك الصمت بحديثة الموجه لهم..انتوا مين..كرر انس سئاله بغضب عندما لم يجد منهم رد..لم يجد رد مرة اخري كاد ان يخرج سيفه فكل واحد منهم اخذ معه سيف..لكن فجاة توقف عندما وجد ذلك الذي يدعي ماثيو يضع يده ليوقفه وهو ينظر له بهدوء
توقف انس عن ما كان سيفعله فجاة وجد ماثيو ينحني لهم باحترام
تحدث ماثيو باحترام وهو منحي لهم..اسف جلاله الملك..اسف جلاله الملكه لم نكن نعرفكم
"ايسل باستغراب وهي تنظر له..جلاله الملك والملكه..دي طلعت حقيقة بقي
كانت صفية لا تتحدث فقد دموعها تنزل علي وجنتها وهي تقترب من ايسل وفيروز وهي تقول بهمس..بناتي
"همست ايسل لفيروز..هي الست دي مالها من لما شوفناها وهي بتعيط كدا
وضعت صفية يدها الاثنين علي وجنتهما وهي تبكي..بناتي..ثم فجاة احتضنتهم
_كانت فيروز تنظر امامها وعيناها متوسعه من الصدمه..لكن فجاة شعرت بشعور غريب..شعور بالاطمئنان تشعر انها قريبه منها تشعر بالراحة وهي داخل احضانها
"اما ايسل فكان شعورها لا يقل عن شعور شقيقتها ظلوا هكذا قليلا الي ان قطع ذلك الصمت صوت ايسل الضعيف..ان..انتي..م.مين
لم تجد رد منها لكن فجاة وجدت احد يقوم باحتضانهم وهو يقول بهمس..انتوا بناتي
صدمه حلت علي كليهما..لكن فجاة ابتعدوا عنهم وهما ينظروا امامهم بصدمه
*اقترب انس منها بقلق ووضع يده علي كتفها ليقول..ايسل مالك
_فيروز بصدمه وهي تهز راسها بنفي..ازاي..لا لا انتوا كدابين ماما وبابا اساسا مش هنا ماما وبابا في العالم التاني العالم بتاعنا
خالد بحزن..للاسف هي دي الحقيقة التانين مش اهلكم الحقيقين
"تراجعت ايسل للخلف بصدمه وهي تبكي..لا لا انتوا كدابين..
وكادت ان تسقط في تلك الرمال لكن لحقها انس عندما امسكها من خصرها وهو يحتضنها بقلق وخوف عليها..ايسل انتي كويسة
كانت ايسل ساكنه في احضانه قليلا لكن فجاة ابتعدت عنه وقالت بجمود..انا كويسة يلا يا فيروز عشان نكمل الطريق للكتاب ونقدر نرجع لماما وبابا
_اوماءت لها فيروز هي الاخري وقال بهدوء..يلا يا ماثيو ابدا عشان نوصل في اسرع وقت
خالد بحزن..والله انتوا بناتي..ايسل..فيروز..لم يجد منهم رد ووجدهم كادوا يركبوا الاحصنه لكن اوقفهم وهو يقول بتنهيدة..لا استنوا انا عندي الحل
نظر له ماثيو وقال..لكن جلاله الملك هذا هو الحل الوحيد
تنهد خالد وقال بهدوء..لا في حل تاني البحيرة اه ممتده لكن في مكان ضيق نقدر نعدي منه محدش شافه قبل كدا..تعالوا ورايا ثم امسك يد زوجته وهو ينظر لها بابتسامه ليطمئنها
ذهبوا جميعا خلفه وحقا وجدوا ممر لكن ضيق يستطيع ان يعبر شخص واحد منه فقط بصعوبه
عبروا جميعا واكملوا طريقهم فهمس فارس لانس باستغراب..هو اي اللي بيحصل وازاي دول يبقوا ابوهم وامهم
*انس بجهل هو الاخر..مش عارف بس اكيد هيجي وقت نعرف
**************************
كان وسيم مازال يتحدث مع اياس لكن قاطع حديثهم رنين هاتفه فأجاب..الو..لكن فجاة وقف مفزوع عندما استمع الي الطرف الاخر
=وقف اياس ينظر له باستغراب..مالك يا وسيم ف
لم يكمل حديثة عندما وجد وسيم ياخذ اشياءه ويخرج سريعا
حاول اياس ان يلحق به لكن وجده اخذ سيارته وانطلق بها سريعا
كان وسيم يقود سيارته سريعا والقلق والغضب يسيطران عليه
وصل وسيم الي المقر الخاص به ودخل سريعا وهو يبحث حوله ركض له سريعا..مازن في اي..حصل اي..وعددد..صرخ فجاة عندما وجدها يغشي عليها وجسدها ينتفض..ذهب لها سريعا وحملها بخوف وهو يقول..مازن تعالي ورايا هنوديها المستشفي
بعد مرور وقت كان وسيم ومازن منتظرين خروج الطبيب..جاء وسيم ليتحدث لكن صمت عندما وجد الطبيب يخرج فذهب ناحيه ليساله بلهفة..هااا يا دكتور هي مالها
الطبيب بعمليه..متقلقش يا سيادة الرائد هي كويسة بس ضغطها اترفع..بس لازم ترتاح وياريت بلاش ضغط عليها لانها ممكن تدخل في انهيار عصبي
اوماء له وسيم فتركه الطبيب وغادر ودخل مازن ووسيم لوعد..وجدوها نائمه علي الفراش ووجهها باهت..
-ظل وسيم ينظر لها قليلا الي ان قال بهدوء..ممكن افهم حصل اي يا مازن
تحدث مازن بحزن..هو نفسه وعد شافته
-نظر له وسيم باستغراب..هو مين
مازن بتوضيح..هو نفسه اللي قتل ابوها..شافته انهاردة
-وسيم باستغراب..ودا ازاي هشام اساسا اه ظابط بس كان اخد إجازة..لكن فجاة تذكر ان اليوم هو انتهاء اجازته..فظهرت ملامح الغضب عليه..كمل..حصل اي
هي كانت قاعدة عشان مستنياك تفهم منك هتعمل اي..لكن فجاة لقينا واحد داخل مهتمناش ليه بس فجاة لقيت جسمها بيتشنج والخوف ظهر عليها لسه هسالها مالك لقيتها بتصرخ وهي بترجع لورا..بصيت ورايا ودققت لقيت نفس اللي اترسم هو اللي دخل وكان بيبصلها بصدمه بصيت علي وعد عشان اهديها ورجعت ابص ليه لقيته اختفي
-كور وسيم يده بغضب وهو ينظر امامه ويقول بوعيد..عرفت يا هشام الك..بس وحياة امي منا سايبك الا لما تاخذ جذائك
فجاة وجد وعد بدات في تفتيح عيناها ببطا
-وسيم بلهفة..وعد..بقيتي عاملة اي
اعتدلت وعد وجلست وهي تنظر لهم باستغراب لكن فجاة تذكرت ما حدث وبدات في البكاء وهي ترتعش..هو هو نفسه..هي..هيقتلني
-ذهب لها وسيم بسرعة واحتضنها بلهفة وهو يحاول تهدئتها..هش اهدي يا وعد هو مش هيقدر يعملك حاجة..دا واحد جبان
مر وقت وقد هدات وعد بعد محاولات من وسيم ليطمئنها..خرجت وعد من احضانه وهي تقول بامتنان..شكرا يا وسيم..شكرا علي وقفتك جنبي
-ابتسم لها وسيم ثم نظر لمازن وقال بهدوء..مازن..وعد مش هينفع تفضل في بيتها..في خطر علي حياتها..هشام زمانه عرف دلوقتي كل حاجة وهيحاول يقتلها
اوماء مازن له بتفهم..تمام انا هاخدها تعيش معايا انا ومراتي الفترة دي
-مش هينفع..فاكمل بتوضيح.. هشام دلوقتي شافك انت كمان وحياتك هتبقي معرضه للخطر فهتيجي انت ومراتك ووعد تعيشوا عندي وهتبقي الحراسة مشدده عشان الامان
هز مازن راسه بنفي وكاد ان يتحدث لكن..
-قاطع وسيم حديثة وهو يقول بهدوء..قبل ما تعترض..فكر في بنت عمتك ومراتك.. وبعدين يا سيدي البيت عندي واسع وهي مجرد فترة مؤقته لحد لما نقبض علي هشام وياخد جزائه..ثم نظر الي وعد وقال..هاا يا وعد
اوماءت له وعد علي مضض..فقال مازن..تمام موافق
-اوما وسيم وقال بابتسامه..تمام وانا هدفع الفلوس وهاجي نروح علي بيتك نجيب مراتك وتشوف اللي انت عايزة ونروح البيت عندي..
************************************
بعد مرور يومين..
كانوا جميعا يسيروا بلا توقف بسبب ايسل وفيروز..
*لكن اوقفها انس عندما وقف وقال بهدوء..ايسل فيروز..كفاية علي كدا هنوقف هنا انهاردة..وقبل ما حد يتكلم..انتوا مش تعبانين فكروا في الاحصنه اللي معاكم اللي ماشين كل المدة دي من غير توقف غير عشان يشربوا وياكلوا..وكمان غير ان الليل ليل
_نظرت لهم فيروز قليلا ثم قالت بهدوء..تمام..ثم وجهت حديثها لايسل..ايسل كفاية علي كدا هنستريح هنا انهاردة وبكرا نكمل
"لم تتحدث ايسل انما نزلت من علي حصانها وسارت بعيدا عنهم وجلست تحت شجرة بعيدة عن انظارهم
"كانت ايسل صامته فقط تنظر الي القمر وفجاة بدات دموعها تنهمر علي وجنتيها وهي تقول بحزن.. يارب انا تعب..هو اي اللي بيحصل..ليه حاسة اني مصدقاهم.. ليهم حاسة بشعور غريب ناحيتهم..طيب لو هما فعلا اهلي طيب بابا وماما اللي في العالم بتاعي دول مين..ليه حسيت الصدق في عنيهم..ثم صرخت بالم..يارب..صمتت ايسل قليلا وهي تنظر للقمر ثم ابتسمت وبدات في غناء اغنتيها المفضلة.."هاتي ايدك هنشوف..دنيا جديده بتلمع..يا اميرة امتي قلبك كان ليكي يوم دليل..سيبي قلبك ليا..وشوفي دنيا عجيبه"..لكن فجاة صمتت عن الغناء عندما احست ان هناك احد خلفها التفت لتراه ولكنه لم يكن الا انس
*انس بابتسامه وهو يجلس بجانها وهو ينظر لها..وقفتي ليه..صوتك حلو اوي
"ابتسمت ايسل له بخجل وقالت..شكرا
*انس بابتسامه..كملي
"ايسل بخجل..لا مش هعرف..يعني..اصل.. بتكسف اغني قدام حد
*سحبها انس وجعلها تضع راسها علي كتفه وقال بابتسامه..غني واعتبري اني مش موجود
"صدمت ايسل من حركته وظلت صامته قليلا..حاولت استجماع شجاعتها وبدات تكمل غناء..دنيا بعيدة وقريبه..عالبساط السحري نطير..دي دنيا فوق..دا عالم تاني مش معروف..منحسش فيه بخوف..وفيه نشوف..
*انهت ايسل الغناء فقال انس بابتسامه..صوتك حلو اوي..عارفة يا ايسل..انا ندمان
"ايسل باستغراب..ندمان..ندمان ليه
*قبل انس راسها وقال بابتسامه حب..عشان عرفت متاخر اني بحب اجمل بنت وهي انتي
"ابتعدت ايسل عنه بخجل وهي تقول بتوتر..انس عيب مينفعش كدا
*ضحك انس علي خجلها وقال..هو اي اللي عيب بقولك بحبك
"ايسل بخجل..انس..الله
*انس بحب..عيون انس..وقلب انس وروح انس..صمت قليلا ثم قال..ايسل..بتحبيني
"صمتت ايسل ولم تجبه فكرر انس ساله وهو ينظر لها بلهفة وامل..صمتت ايسل قليلا وهي شاردة في عينه ثم قالت..
يتبع
#بنت_قلبي
part 12
-كان وسيم في طريقة الي منزل صديقة اياس المتواجد في الريف..لكن توقف فجاة عندما وجد شئ امامه علي بعد مسافة صغيرة منه تشع منها نور..كاد ان يكمل طريقة ولا يعيرها اهتمام..لكن فضوله غلبه وقرر ان يستكشف ما هذا الشئ..اقترب وسيم منه وجدها كورة بلورية غريبة الشكل..اي دي..التفت وسيم خلفه علي ذلك الصوت
=وسيم مالك واقف هنا ليه
-ابتسم وسيم وقال..كنت جايلك بس لقيت دي فوقفت اشوفها
=اياس بابتسامه..دا انت تنور طيب تعالي يلا..ماما هتفرح اوي لما تشوفك
-ابتسم وسيم له..ماشي يلا مامتك والله وحشتني اوي بقالي اكتر من خمس سنين مشوفتهاش
=طيب يلا..اخذ اياس وسيم معه الي منزله وكادوا ان يدخلوا لكن توقف اياس وهو ينظر الي وسيم باستغراب..مالك يا وسيم وقفت ليه
-وسيم بجهل وهو يشعر بالم في راسه..مش عارف يا اياس راسي وجعاني..دا غير ان في تخيلات بتظهر قدامي بس مش واضحة..حاسس اني اعرف المكان ده كويس..حاسس ان البيت اللي جمبكم ده اني كنت عايش فيه..مش عارف بس افكار كتير مش عارف حاسس ان البيت ده اعرفه قبل كدا
=اياس بابتسامه..اكيد يا عم تعرفه ما انت كنت بتيجي هنا في الاول وبتشوفه
-وسيم بشرود..لا في حاجة اكبر من كدا..ثم ابتسم وقال..يلا مش مهم
=ابتسم..طيب يلا تعالي..دخل اياس ووسيم المنزل..تحدث اياس بصوت عالي..ماما..يا ست الكل تعالي شوفي مين جه
تحدثت والدته من الداخل..ايوا لحظة اهو يا حبيبي جاية..خرجت والدته لتقول باستغراب..في اي وم..لم تكمل كلامها فابتسمت فورا وهي تقول بفرحة..وسيم ازيك يا حبيبي وحشتني اوي
-ذهب لها وسيم بابتسامه ومد يده ليسلم عليها وهو يقول..وحشاني والله جدا
ابتسمت والده اياس واخذت وسيم في احضانها وهي تقول..تعالي في حضني يا واد اي هتكبر وتتكبر عليا ومش عايز تحضني
-ابتسم لها وسيم بحب..وهو حد يقد يتكبر علي القمر ده
ضحكت والده اياس..كل بعقلي حلاوة
-خرج وسيم من احضانها وهو يضحك..وانا اقدر يا قمر
حنان بضحك..طيب اقعد يا بكاش
-جلس وسيم هو ووالده اياس فتحدثت حنان والده اياس بحزن..بقي كدا يا وسيم متجيش تسال عليا المدة دي كلها هونت عليك
-وسيم باسف..لا طبعا متهونيش عليا وحقك عليا انا اسف بس والله مبقتش فاضي خالص
ابتسمت حنان بحنان😂..خلاص ولا يهمك..ثم نظرت له باستغراب..بس اي اللي في ايدك دي
-هز وسيم كتفه بجهل..مش عارف وانا جاي لقيتها مرميه علي الارض..ثم مد يده بها لاياس..شوف كدا يا اياس يمكن تكون بتاعتكم
=اخذها اياس منه وهو يتفحصها باستغراب..لا دي مش بتاعتنا بس شكلها غريب..ثم اعطاها له..دي هتلاقيها لعبة لان في من تحتها زراز باين بتشتغل منه
-وسيم بلا مبالاة..يلا مش هتفرق..المهم عايز اتكلم معاك شويه
وقفت حنان بابتسامه..طيب هسيبكم تتكلموا مع بعض براحتكم وهدخل اعملكم حاجة تشربوها..ثم تركتهم ودخلت
=تحدث اياس بعد ان دخلت والدته..احكي بقي في اي
-وسيم بهدوء..لازم نبدا في تنفيذ الخطة في اسرع وقت..هشام شاف وعد وهي في القسم وشاف صورته مرسومه ودلوقتي هرب وممكن في اي وقت يموت وعد
=اياس بقلق..طيب ناوي تعمل اي..وعد مش هينفع تفضل في بيتها هيبقي خطر عليها
-وسيم بتفهم..متخافش وعد دلوقتي هي وابن خالها عندي في الفلة..بس ناوي تنفذ امتي
=مستعد ابدا من دلوقتي عادي
-اخرج وسيم من جيبه شئ ومد يده به لاياس..خد ده خط جديد هتكلم هشام منه وتنفذ زي ما قولتلك
=اخذ اياس منه الشريحة وقال بتفهم..تمام متقلقش
-وقف وسيم وقال بابتسامه وامتنان..بجد شكرا ليك مش عارف من غيرك كنت هعمل اي انت الوحيد اللي بثق فيه
=اياس بعد ان وقف بابتسامه..متقولش كدا يا عم دا احنا زي الاخوات
-وسيم بابتسامه..طيب هسيبك انا بقي وهمشي عشان ورايا شغل
=اقعد بس شويه حتي اشرب حاجة من ايد ست الكل
-لا معلش مرة تانية بقي..ثم قال بصوت مرتفع..همشي انا يا حنون..سلام
حنان من الداخل..رايح فين بس اقعد جايبالك عصير
-وسيم بابتسامه..لا معلش مرة تانية يا قمر..يلا سلام يا اياس..وكاد ان يخرج لكن اوقفه اياس
=طيب استني وصلني معاك للقسم
بعد مرور وقت قد اوصل وسيم اياس..دخل اياس الي القسم فوجد تلك المراة الطيبة تجلس وعندما وجدته وقفت وهي تقول بلهفة..اخيرا جيت
=اياس بابتسامه وهو يجلس..اقعدي طيب
جلست بدرية ثم قالت..لسه برضه ملقتش بناتي
=اياس بحزن..لا والله لسه يا عمه..بس خير ان شاء الله هنلاقيهم
اوماءت له بدرية بحزن..تمام شكرا يا حضرة الظابط
=اياس بابتسامه..تاني حضرة الظابط مش قولت انا في مقام ابنك
ابتسمت له بحنان..وهو انا اطول يبقي عندي ابن زي القمر كدا..ثم اكملت وهي تدقق في وجهه..هو انا ممكن اسالك سؤال
=اه طبعا اتفضلي
مش عارفه حاسة اني شوفتك قبل كدا..هو انت تعرفني قبل كدا..وكمان معاملك معايا..انا اعرف ان الظابط بيقي مش بيرضي غير اني اقوله حضرة الظابط ومعندهمش حاجة اسمها انا زي ابنك...بص مش عارفة اوضح اكتر
=اياس بابتسامه..اعرفك طبعا..انتي مش فكراني
بدرية ببعض الاحراج..صراحة لا
=ابتسم اياس وقال..انا نفسه اللي ساكن في البيت اللي جمبكم.. وفاكرة كمان العريس اللي اتقدم لبنتك ايسل..وجدها تنظر له باستغراب فاكمل بتوصيح..هحكيلك..من سنتين انا جيت اتقدمت لايسل لقيت ان جوزك بدا يسال في حاجات مالية ورتبه ومنصب ومرتب وعندي اي ومتعلم ولا لا وانت منين..وقتها لما لقيته بدا بالاسئلة دي كذبت عليه وقولتله اني بشتغل مزارع عشان اشوف رد..وفعلا دا اللي اتوقعته رفضي عشان شغلي ولسه لحد دلوقتي مش ناسية جملته لما قالي..بقي انا اجوز بنتي علي اخر الزمن لفلاح ومن الارياف انا عايز واحد متعلم ومرتبه عالي ومن المدينه..كنت هاين عليا اقوله ما انت كمان من الارياف بس سكت..ثم اكمل بابتسامه..سكت عشان لقيتك بتدافعي عني وبتقولي ان اهم حاجة يحافظ علي بنتنا ويراعي ربنا فيها مش مهم شغله اي..بس وقتها للاسف شوفته لما مد ايده عليكي والله كان هاين عليا احبسه وقتها..مشيت من وقتها..ثم اكمل بابتسامه وحب..بس لحد دلوقتي وانا لسه بحب ايسل ومستعد اجي اتقدم ليها تاني
بدرية بابتسامه وحنان..يااه يا ابني وانا بقول شوفتك قبل كدا..ترجع بناتي بس وانا اجوزهالك
=ربنا يخليكي يارب
اما في مكان اخر كان وسيم جالس في مكتبه ولكن فجأة امسك تلك الكورة الغريبة وقرر تشغيلها ولكن فجأة وجدها تشع نور..كاد ان يعيد اطفائها ولكن توقف فجاة وهو ينظر لها باستغراب..اي المكان ده..ثم ظل يفكر قليلا..انا فاكر اني شوفته قبل كدا..اه صح ده نفسه اللي بيقوله عليه بيت مسكون..بس ازاي ظهر عليها كدا..ولكن فجاة حلت الصدمه علي وجهه..
***********************************
"صمتت ايسل ولم تجبه فكرر انس ساله وهو ينظر لها بلهفة وامل..صمتت ايسل قليلا وهي شاردة في عينه ثم قالت..لا مش بحبك ولا عمري هحبك..ثم وقفت بجمود وكادت ان تذهب ولكن توقفت والتفتت له عندما وجدته امسك يدها
*انس بلهفة وهو يمسكها من يدها..ايسل انا عارف اني غلطان وعارف اني اتاخرت..بس بجد انا ندمان..عرفت متاخر اني غبي واني بحبك..لا دا انا كمان بعشقك..ثم اكمل بحزن..طيب بصي اعملي فيا اللي انتي عايزاه بس بلاش تسبيني..مش هقدر اعيش من غيرك
_للحظة لان قلب ايسل وكادت ان تقول له انها ايضا تحبه وتعشقه ولا تستطيع العيش بدونه..لكن ابت تلك الكلمات الخروج.. فهو قد اهان كرامتها..فهو دمر كل شئ بكلامه الجارح..فقال بجمود..انت اي يا اخي ابعد عني بقي مش انا اللي مش متعلمه وانا اللي كئيبة ومعقدة ومن الارياف..انا بقي اللي بقولهالك عشان ننهي الحوار..ابعد عني يا انس لو فعلا بتحبني زي ما انت بتقول سبني في حالي..مش بعد ما دوست علي كرامتي جاي دلوقتي بكلمه عايزني ارجعلك ومبعدش عنك..يبقي بتحلم
*انس بحزن..اسف بس بلاش تبعدي عني..انا ب..لكن صما فجاة وهو ينظر لتلك الاتيه نحوهم بلهفة وخوف
_ايسل باستغراب..فيروز مالك
"وقفت فيروز امامها وهي تاخذ انفاسها بصعوبة..ايسل تعالي بسرعة في حاجة غريبة حصل..ثم اكملت بخوف..
يتبع
#بقلم_منه_العدوي
رايكم🥺❤️
تكملة الروايه من هنا هنا
تعليقات
إرسال تعليق