 |
#بنت_قلبي
part 7
كان ذلك الرجل الذي يظهر عليه كبر السن يقف وهو يصرخ بغضب في ذلك الشاب الجالس امامه بهدوء..انا عايز اعرف حضرتك مبداتش تدور علي بناتي ايسل وفيروز ليه لحد دلوقتي..واظن مجتش علي ساعة عشان تبدا التحريات ورا اختفائها
=كلمه كمان هتقل ادبك فيها هتكون مشرف في الحبس
لم يهتم له وقال بغضب..وانا مش هاممني..ولا عشان اكمنك ظابط وليك مركز مش هامك الناس اللي زينا لما بناتهم يضيعوا
تحدث ذلك الشاب بهدوء مخيف..انا حزرتك ان لو قليت= ادبك هتشرف في السجن وانا قد كلمتي..يا عسكري
اتي العسكري سريعا بخوف وهو يقول..امرك يا حضرة الظابط اياس
=خد الراجل ده علي الحبس
تحدثت تلك الامراة ببكاء وهي تترجاة..لا ابوس ايدك يا سيادة الباشا متحبسش جوزي هو غلط بس حقك عليا انا بس اب
قاطع حديثها نزول صفعة علي وجهها من زوجها الغاضب وهو يقول..بدريهه..علي البيت فورا مش علي اخر الزمن مراتي هتتحايل علي كلب زي دا
امسكت بدرية يده وهي تترجاه اه لا يثير المشاكل..ابوس ايدك يا عصمت بلاش مشاكل واعتزر منه احنا مش قدهم
صفعها مرة اخري وامسكها من زراعها والغضب والتكبر اعماه وهو يخرجها بقوة والقي بها بالخارج..مسمعش نفسك تاني ويلا علي البيت ليكي حساب تاني معايا
=لم يتحمل اياس ذلك المنظر امامه وقال بغضب..انتوا واقفين مستنين اي خدوه علي الحبس
ذهب عسكرين وقاموا بالامساك به ووضعه في الزنزانه..
=ابتسم اياس وذهب ناحية تلك المراة الطيبة الملقاه علي الارض اثر القاء زوجها لها..ذهب ناحيتها وساعدها علي الوقوف ومسح دموعها وهو يقول بابتسامه..قومي معايا اقعدي جوا استريحي شويه واهو اخدتلك حقك منه وحبسته ومش هخليه يطلع
ذهبت معه بدية وهي مازالت تبكي وتضع يدها اثر الصفعة...
=جلست بدريه علي المقعد فتحدث اياس بهدوء وابتسامه بعد ان ذهب وجلس علي مقعدة..معلش هتعبك معايا هاتلي كباية عصير ليمون للحجة..ثم نظر لها وقال..ممكن اسالك سؤال وياريت تجاوبيني عليه
هزت له راسها وقالت..اؤمر يا باشا
=ابتسم اياس وقال..بلاش باشا دي انا زي ابنك..ممكن اعرف انتي ليه ساكته وعايزة تخرجيه من السجن رغم اني شايفة بيضرب فيكي..والضرب دا اساسا تعدي علي المراة يعني يتحاسب فيها حتي لو مراته
هزت بدرية راسها سريعا وقالت بتوتر..لا لا يا ابني انا مش عايزة اعمل فيه حاجة وحقك عليا بس خرجة من السجن
=استغرب اياس من توترها ذلك وعلم ان هناك شئ ما تخفية فقال بهدوء ليحاول ان يهدئها..طيب اهدي مش هنعمله حاجة بس لازم يتحبس هنا يومين عشان ميتمداش علي حد تاني زي ما قل ادبه معايا من شويه
هزت هي راسها بحزن وقالت..تمام..بس بالله عليك دور علي بناتي دول هما حياتي
=اوماء لها بهدوء وقال..حاضر لحد بكرا الصبح ان مرجعوش تعاليلي واحنا هنبدا التحريات عن اختفائها..ثم اكمل بابتسامه..قومي يلا دلوقتي روحي الوقت اتاخر
وقفت بدريه وشكرته وخرجت ذاهبة الي منزلها وهي تفكر فقالت بخفوت..يارب حلها من عندك يارب دا مفتري مفيش حد قده الا انت يارب
***********************************
كان الجميع صامت وهو يستمع لكلارا باهتمام التي هتفت بتذكر..لكن ربما هناك شئ سوف يساعدكم..
_تحدثت فيروز بلهفة..اي هو قولي بسرعة
"تحدثت ايسل مشجعة لها عندما وجدتها صامته..قولي يا كلارا
°تحدث كلارا بهدوء..هناك كتاب اسطوري يمكنكم ان تجدوا به كل المعلومات التي تحتاجوا اليها وهناك ايضا معلومات عن البلورة في ذلك الكتاب..ثم اكملت بتوتر..لكن هناك شئ ما
_قولي يا كلارا في اي
°لكن الطريق من هنا حتي تصلوا الي الكتاب صعب جدا ويحتاج منا علي الاقل شهرا او شهرين للوصول الي هناك
"تحدث فارس ببعض الغضب والغيظ..حسبي الله ونعم الوكيل فيك يا انس يا ابن ام انس انت السبب
*فارس مش وقت كلامك
"تحدثت ايسل بشرود..كلارا طيب عارفة شكل البلورة تقدري يعني توصفي شكلها
°تحدثت كلارا باستغراب..نعم اعرف شكلها جيدا
"اوصفي شكلها كدا
°انها عبارة عن كرة من الزجاج لونها بنفسجي لامعة من الداخل يتواجد بها راقصتين ولها قاعدة من اللون البنفسجي مع الابيض ومن اسفلها يوجد مكان لمفتاحها
_نظرت فيروز لايسل بصدمه واستغراب في نفس الوقت..ايسل دي نفس اللي معانا
"منا كنت شاكة عشان كدا سالتها بس ازاي وصلت لارضنا
*تحدث انس بهدوء..اظن الكتاب دا هيعرفنا حاجات كتير
_تحدثت فيروز مؤكدة حديثة..وانا بقول كدا برضه..لازم نبدا بدري مشوارنا عشان نلحق نروح للكتاب
°لكن هناك صعابات كثيرة سوف تواجهكم
"متخافيش مفيش حاجة صعبة
'تحدث فارس بجدية هذة المرة وهو يقول..يبقي مفيش وقت قدامنا يا جماعة نبدا من بكرة الصبح مشوارنا واكيد اهل فيروز وايسل قالبين الدنيا عليهم وانت اكيد امك يا انس قلقانه عليك
_ضحكت فيروز وقالت..اي دا اول مرة صاحبك يا انس يتكلم جد شويه
*ابتسم فارس بسماجة وقال.. وانتي اول مرة تهزري من ساعة لما شوفتك
_نظرت فيروز له وقالت..نيني خفة
"صرخت ايسل بانزعاج..باس باس كفاية كلام صدعت..ثم تحدثت لكلارا..بلغيهم يا كلارا ان الشابين دول احرار..واهم حاجة محدش يعرف حاجة وهنفضل زي ما احنا الاميرات
°اومات لها كلارا بهدوء وقالت..حسنا سمو الاميرة سوف انصرف
*اوقفها انس بسرعة وقال..ها..معلش هتعبك معايا عايز اخرج من هنا اخرج منين..وبصي ياريت لو مكان هادي اقعد فيه
°حسنا سوف اخبر السيد ماثيو ان ياخذكم الي تلك المنطقة الهادئة
بعد مرور وقت كان قد خرج انس وفارس مع ماثيو الي تلك المنطقة وقد اخبرت ايسل شقيقتها انها تريد ان تخرج كي تتنفس بعض الهواء الطلق وان تكون في هدوء
'ناوي تعمل اي صح يا انس
*تحدث انس بهدوء وهو متسطح علي الارض العشبية وينظر الي السماء..ناوي اعمل اي في اي
'يعني لما نرجع ارضنا وايسل وافقت علي الجواز منك هتعمل اي
*مش هعمل حاجة يعني هعمل اي
'تحدث فارس بسخرية..يبقي كلامي طلع صح وحبيتها
*جلس انس وقال بغضب..فارس اللي انت بتقوله ده مش صح.. وبعدين بقي الباشمهندس انس هيتجوز علي اخر الزمن بنت من الارياف رغم اني مبحبش الارياف اساسا..انت اتهبلت.. وبعدين شوف من ساعة لما شوفتها وانا دخلت في مشكلة ما بالك بقي لما نتجوز اي ناوية تموتني..اكيد هرفض طبعا او ازعلها مني او اعمل معاها اي حاجة اخليها تكرهني وترفض هي من نفسها..ويبقي كدا العيب مش مني وامي متجبرنيش ولا تزعل مني
'انا م..لم يكمل فارس حديثة عندما التفتوا ينظروا هما الاثنين علي ذلك الصوت بصدمه..
******************************
نظر وسيم الي الطبيب بهدوء عندما سمع حديثها وهي تقول"ماما..لا متسبنيش..ابعدوا عن بابا ليه قتلتوه..بابا انت فين انا محتجاك"ممكن افهم ليه بتقول كدا
تحدث الطبيب بحزن الذي يدعي مازن..مقدرش اقولك حاجة دي حاجة خاصة
-تحدث وسيم ببرود وهو يرجعه الي الخلف ويقف امامه..يبقي وعد مش هتتحرك من هنا
احني مازن راسه للاسفل بهدوء..هحكيلك..بس قبل دا ثواثي هرن علي مراتي تروح لعمتي
بعد مرور وقت قد انهي مازن مكالمته فقال مازن..هحكيلك..من حوالي اربع سنين كانت وعد راجعة من الكلية بس وقتها اتهجم عليها شويه بلطجية حاولت تهرب منهم بس معرفتش واخدوها وكانوا عايزين ياخدوا اعضائها بس لحسن حظ وعد كان التلفون مش بيفارق اديها وفي وقتها لما سمعت صوت ناس بلطجة لفت وشافتهم بس عدلت وشها تاني وبعتت رساله لابوها ان في عصابة متهجمة عليها ومعاها مسدسات وابوها كان ظابط مخابرات قدر وقتها يحدد مكان بنته من تلفونها وراحوا هجموا علي المكان وعرفوا انها عصابة بتتاجر في المخدرات والاسلحة والاعضاء وقتها قدروا يقبضوا عليهم كلهم الا رئيس العصابة دي..ثم اكمل بحزن وقد فرت دمعة هاربة من عينه فقام بمسحها فورا واكمل..بس رئيسهم دا استحلف لجوز عمتي واتهجموا عليهم وهما في رحلة وربطهم كلهم وقام دبح ابو وعد قدام عين امها وعينها..معلش مش قادر اكمل لازم امشي عشان الجنازة
-تحدث وسيم بهدوء..تمام وان شاء الله حقها هيرجعلها يلا انا جاي معاك..ثم قام بحمل وعد وخرج وهو غير عابئ
لحديث مازن
#بقلم_منه العدوي
رايكم🥺🤍
#بنت_قلبي
part 8
كانت ايسل تتحدث بسخرية..وعلي اي انت مش محتاج تعلق نفسك بيا وتجيب الغلط مني..متخافش انا مش هوافق علي جوازي من حد مغصوب عليا..جاءت ان تذهب لكن اوقفها صوت انس وهو يقف امامها
*ايسل اهدي وافهميني انا..
"صرخت به وقالت..افهم اي افهم ان والدتك غصبت عليك الجواز مني افهم اي افهم انك بتكر الارياف اللي دول اصلي..وعارف ان الارياف دول انضف ناس..متفكرش اننا مش متعلمين..لا دول بنات الارياف متعلمين احسن من بتوع المدن..ثم نظرت ثم بتقزز وقالت..عن اذنك يا استاذ يا محترم
*لكن قاطع انس طريقها ..ايسل اهدي انا اسف بس بلاش
"ظهرت السخرية والاستهزاء علي وجهها وهي تقول..لا لا متخافش مش هيبان حاجة ان الغلط منك او انك اللي مش موافق..عن اذنك..واه صحيح حضروا نفسكم بعد يومين هنبدا رحلتنا للكتاب..ثم غادرت وتركتهم
*ذهب انس بحزن وجلس مكانه مرة اخري وهو صامت
'قاطع فارس الصمت وهو يقول بهدوء..غلط يا انس وغلطك كبير هتندم عليه بعدين..عن اذنك انا همشي عايز انام
*تنهد انس بحزن عندما ذهب فارس وتحدث وهو ينظر للسماء..ليه بيحصل كدا..انا غلط..بس غلط في اي..دا اقل حاجة بطلبها..اني اتجوز واحد متعلمه واكون بحبها
اتريد ان اقول لك رأي
*التفت انس ينظر علي مصدر الصوت فقال باستغراب..انت مين
ابتسم الاخر ومد يده وقال..ادعي ماثيو رئيس الحرس اسف ان سمعت حديثكم بالخطأ
*ابتسم انس بسمه خفيفة وقال..ولا يهمك..تشرفت بمعرفتك تعالي اقعد
ذهب ماثيو وجلس بجانبه وقال بهدوء..اذا كنت تحب ان تتحدث فانا اسمعك
*قال انس بتهكم...هقول اي
اذا كنت تريد ان تقول ما بداخلك..ثم صمت قليلا وقال..اخبرك براي
*قول
اخذ ماثيو نفس عميق وقالت..انت علي خطأ..حبك لها واضح جدا لما تعاند..انت تعاند مع من..واذا كنت تكره تلك ما تسمي الريف فلا دخل لها بمن تحب..صمت وقال ببسمه مشرقة وشرود..انا ايضا احب..احب فتاة بريئة ورقيقة رغم انها من عائلة كانت في صراع مع عائلتي..كانت عائلتها تكره عائلتي..لكن فتاتي لا دخل لها في كل هذا..انا احبها فاذا اخفيت ذلك فهكذا سوف اجعل حياتي بائسة وحزين..اذا كنت ايضا تحبها فلا تتخلي عنها..هاا انا قد تحدثت اذا تريد ان تتحدث فانا استمع اليك
*لو يعني مش هتعبك ممكن اعرف انت متاكد اوي كدا ازاي اني بحبها..او اعرف ازاي ان دي علامات حب
اوه يا رجل الا تعرف..لكن لا باس ساقول لك..عندما تراها او تسمع صوتها تشعر بضربات قلبك..تظهر البسمه فورا علي وجهك عند رؤيتها..يمكن ان تضحي بحياتك من اجلها..الحب اكثر من هكذا بكثير لا استطيع ان اوصفه لك..اما كيف عرفت..عينك توضح ذلك بشده
*ابتسم انس..عارف استريحت اوي لما كلمتك..انا الارياف اه بكرها بس اخد فكرة عنها غلط..بجد شكرا
اوه لا دعي للشكر يا رجل..ثم وقف وقال بابتسامه..والان سوف اتركك فقد وعدت كلارا حبيبتي اني سوف اجلس معها اسفل النجوم
*ابتسم انس وقال..اي دا هي كلارا هي حبيبتك
جز ماثيو علي اسنانه بغيظ وقال..اياك ان تقترب منها..كلارا خارج كل شئ..والان وداعا
اما في مكان اخر كان فارس ذاهب الي المطبخ ولكن فجاة صدم في احد..
_تحدث تلك الفتاة بالم..اااه انت غبي..مش تحاسب يا اخ..ثم رفعت وجهها لتنظر له فقالت بصدمه وغضب في نفس الوقت..هو انت..يا ساتر
'ابتسم هو باستفزاز..شوفتي سبحان الله طلعت انا..ثم تخطاها ودخل الي المطبخ ليعد له شيئا لياكله..
_وقفت فيروز وقالت بغضب وهي تذهب خلفة..تصدق انك معندكش دم..يعني وقعتني وسبتني كدا وماشي ولا كانك عملت حاجة..يا بجاحتك
'تحدث فارس ببرود..ايوا يعني عايزة اي
_ضمت فيروز يدها الي صدرها وقالت بشموخ..اعتذر دلوقتي
'صمت فارس وهو ينظر لها ثم اقترب من وجهها..خافت فيروز فابتعد قليلا وقالت..في اي..فاكمل فارس واقترب من اذنها وهمس بها..دا يبقي في احلامك..ثم ابتعد عنها وظلت ينظر حوله بحيرة
_لا مش احلام وهيبقي حقيقة وهتعتذر
'انتي هبلة دا انا عمري ما اعتذرت لحد..ثم نظر لها من اسفلها لاعلاها وقال بسخرية..هاجي عند بنت مفعوصة زيك واعتزرلها..وصمت قليلا ليقول بعدها..تعالي اعمليلي حاجة اكلها بقي لاني ماكلتش حاجة بقالي فترة كبيرة
_اقتربت فيروز من اذنه وهمست له..دا يبقي في احلامك..ثم ابتعد عنه وهي تنظر له ببرود
'رفع فارس حاجبة وقال..بتردهالي يعني
_حاجة زي كدا..ثم خرجت وتركته ببرود
*********************************
تسريع في الاحداث..
صفية..اجهزي عشان هنروح القصر
تحدثت صفية بفرحة عارمه..بتتكلم جد يا خالد..يعني خلاص هشوف بناتي..يعني مش هنفضل مستخبين كدا تاني
ابتسم خالد لها بحنان وقال..ايوا يا حبيبتي هتشوفي ان شاء الله بناتك ومش هنستخبي تاني..خلاص جه الوقت اللي نتجمع فيه عشان نقدر نرجع ارضنا
ابتسمت بفرحة..عنيا خمس دقايق واكون جاهزة..وكادت ان تذهب لكن عادت له مرة اخري وسالته باستغراب..خالد..في حاجة كدة محيراني
اي هي قولي
اكملت هي حديثها بهدوء واستغراب..ازاي هنقدر نرجع ارضنا تاني واخوك ولا اعوذ بالله منه ده قال ان مش هنقدر نرجع ارضنا الا لما نتجمع انا وانت ببناتنا الاتنين وابننا
ظهرت ملامح الحيرة علي وجهه وقال..مش عارف هو ده اللي مستغربة..ازاي اكيد في لغز في الموضوع ده
تحدثت صفية ببعض الامل..خالد..معقول ابننا يكون لسه عايش
نفي خالد وقال ..لا لا مش معقول..دا مات من وهو صغير لما كان عنده تسع سنين
مش عارفه بس حاسة كدا..يلا هنشوف..ثم اكملت بفرحة..هروح انا بقي البس
ذهبت صفية لكي تستعد..وقف خالد بجانب الشباك بعد ان تركته صفية وتنهد بحزن وهو يعود بذاكرته في الماضي عندما فقد ابنه واعز ما يملك
فلاش باك
صفية جهزي نفسك
سالته صفية باستغراب..ليه يا خالد وهنروح فين بدري كدا
ابتسم لها وقال..هاخدكم وناخد فسحة انهاردة من اول اليوم لاخره..فجاة وجد طفله الذي لم يتعدي العشر سنوات وهو يقفز عليه وهو يصرخ بفرحة..بابي حبيبي بجد هنتفسح
ضحك خالد وانزله من عليه واحتضنه وقال..بجد يا حبيب بابا
انا بحبك اوي يا بابا
ابتسم خالد بحنان وقال..وانا كمان بحبك يا حبيب بابا..يلا بقي روح جهز نفسك
بعد مرور وقت هاا هما ذاهبين ليقضوا يوم جميل..
بابا شغل اي اغنية بدل منا قاعد في ملل كدا
ابتسم والده وقال..بس كدا انت تؤمر وجاء ان يقوم بتشغيل تسجيل السيارة لكن فجاة اتت سيارة امامه..
صرخت صفية به..خاااالد حاسبب
نظر خالد امامه بصدمه ثم قام بتخطي السيارة ودارت العربة ثم انقلبت
اتت الناس لتحاول انقاذهم وقاموا باخذهم للمشفي
بعد مرور يوم فاق خالد ونظر حوله وقال بتعب..فين ابني ومراتي يا دكتور
تحدث الطبيب باسف..المدام في الاوضه اللي جنبك بس ابنك..للاسف
صرخ به خالد بقلق وقال..في اي انطق ابني ماله
اخفض الطبيب راسه بحزن وقال..للاسف ابن حضرتك مات
باك
خالد يا خالد
فاق خالد من شروده والتفت خلفة وقال بابتسامه..ايوا
سالته صفية باستغراب..مالك كنت سرحان في اي بنادي عليك من بدري
ابتسم بحزن وقال..معلش سرحت شويه..يلا بقي عشان نلحق نوصل للقصر..اه صح هاتي البلورة معاكي
اخذ خالد زوجته وانطلقوا ناحية القصر..
استوقفه الحراس وقاموا بمحاوطتهم..من انتم
فجاة جاء شاب وقال..ماذا يحدث
تكلم احدهم وقال بعد ان ابتعد عنهم حتي يتيح له ان يراهم..يوجد هنا شخصان يريدان ان يدخلوا القصر
نظر لهم ذلك الشاب بتمعن ثم فجاة انحني لهم وقال ..اسف سمو الملك والملكة انهم لا يعرفونكم فقد اختفيتم منذ زمن
هز خالد راسه بهدوء وقال..ولا يهمك..ثم ساله بلهفة..فين الاميرتان
ساله الشاب باستغراب..كيف علمتم..ثم قال بسرعة..اسف سمو الملك..لكن سمو الاميرتان قد خرجوا من القصر
وقع قلب صفية وقالت بلهفة وخوف من ان تفقدهم مرة اخري..راحوا فين انطق بسرعة
تحدث الاخر باستغراب..لقد ذهبوا مع رئيس الحرث السيد ماثيو الي الكتاب الخاص بالاسطورة
صرخت صفية بخوف..يالهوي لكتاب الاسطورة..
********************************
كانت تلك المراة الطيبة جالسة امامه وهي تترجاه..يا حضرة الظابط ارجوك كفاية علي كدا اهو عدي اسبوع ولسه مخرجتهوش
=ابتسم اياس وقال..عشان خاطرك كفاية علي كدا
ابتسمت هي وقالت..شكرا يا حضرة الظابط..طيب وبناتي
=تاني حضرة الظابط..اسمي اياس وبس..واما بالنسبة لبناتك فالتحريات لسه شغالة ورا اختفائهم ومش هنبطل الا لما يرجعولك
ابتسمت له وقالت..شكرا يا ابني..طيب يعني جوزي
=ابتسم هو وقال..حاضر هخرجه..ثم اكمل بصوت عالي..يا عسكري
اتي له العسكري سريعا وقال..امرك يا حضرة الظابط اياس
تحدث اياس بهدوء..خرج المتهم عصمت من السجن
القي له التحية وقال باحترام..امرك يا فندم..ثم تركته وذهب
بعد مرور وقت كانوا ينتظروا العسكري ان ياتي بعصما ولكن فجاة
اتي العسكري مهرولا وهو يقول بخوف..الحق يا حضرة الظابط المتهم عصمت
=وقف اياس وقال بغضب..في اي يا عسكري انطق
تحدث العسكري بخوف..
#بقلم_منه_العدوي
رايكم🥺🤍
#بنت_قلبي
part 9
صرخت صفية بخوف..يالهوي لكتاب الاسطورة..
خالد وهو يحاول تهدئتها..اهدي يا صفية متخافيش..ثم وجه حديثه لذلك الرجل..ذهبوا من متي
من صباح اليوم سمو الملك
بكت صفية وظلت تضربه وهي تقول بقهر..ليه عملت كدا اهو بعدوا تاني..ويا عالم هقد اشوفهم تاني ولا لا..ثم جلست علي الارض وظلت تبكي
جلس خالد جانبها وقال بحنان..صفية اهدي وهتشوفيهم ونتجمع سوا..ثم رفع وجهها له وقال بابتسامه..مش انا وعدتك ان بنات قلبي هيعيشوا معانا
هزت راسها وقد هدات قليلا..فاكمل هو بحنان..يبقي ثقي فيا اني هرجعهوملك..ابتسمت له فقال هو بحنان..يلا قومي بقي هما لسه موصلوش للمناطق الخطيرة تعالي نلحقهم
وقفت صفية وقالت بلهفة..طيب يلا بسرعة
يلا..وكادوا ان يذهبوا لكن فجاة توقف خالد وشرد قليلا فسالته صفية باستغراب..مالك يا خالد وقفت ليه
تحدث خالد بشرود..قبل ما نلحقهم في حاجة عايز اعملها..ثم سحبها معه وقال..تعالي معايا
نظرت له صفية باستغراب وهي تقول..طيب فهمني هتعمل اي
هتفهمي دلوقتي
********************************
كانت قد مر اسبوع علي وفاة والدة وعد..
يا وعد كفاية حرام عليكي اخرجي بقي من الاوضه هتفضلي حابسة نفسك كدا كتير
•تحدثت وعد بهدوء من داخل الغرفه..معلش يا مازن سبني علي راحتي مش عايزة اخرج عايزة افضل لوحدي
مازن بحزن علي ابنه عمته..يا وعد حرام عليكي اللي انتي بتعملية في نفسك دا..طيب بصي اخرجي عشان الاستاذ وسيم عايز يتكلم معاكي
°صرخت وعد به..مش عايزة مش عايزة اشوف حد سبوني لوحدي
حزن مازن عليها وتركها وذهب الي وسيم..اسف يا استاذ وسيم بس وعد مش عايزة تشوف حد
-تحدث وسيم بهدوء..طيب معلش فيه اوضتها وانا هروحلها
شاور له مازن وقال بهدوء...اول اوضه علي ايدك اليمين في الممر
-اوما له وسيم وتركته وذهب ناحية غرفتها ثم تنهد وطرق الباب
'صرخت وعد وقد بدات بالبكاء..قولتلك مش عايزة اشوف حد يا مازن
-حزن وسيم علي حالتها وقال..دا انا..وسيم يا وعد..ممكن ادخل
'مسحت وعد دموعها وقالت بهدوء..معلش يا استاذ بس مش عايزة اشوف حد
-خمس دقايق بس يا وعد..خمس دقايق وادخلي تاني
'صمتت وعد قليلا ثم قالت بهدوء..تمام اتفضل انت وانا جاية وراك
ذهب وسيم وجلس مع مازن..وبعد وقت اتت وعد وجلست امامهم وكانت ملامح وجهها يظهر عليها الشحوب
'وعد بجمود..نعم يا استاذ وسيم في حاجة
-وسيم بهدوء وحزن علي ما قد وصلت له..وعد انا عارف باللي حصلك بس مينفعش اللي بتعم..
'قاطعه صوت وعد هي تقول باستغراب..عارف بايه معلش لو سمحت
-نظر لها واكمل بهدوء..عارف كل اللي حصلك زمان..عارف ان ابوكي مات بسبب عصابة
'وقفت وعد فجاة وهي تنظر امامها بشرود كمن لدغتها حيه والدموع تتساقط من عيناها
-وقف وسيم وهو ينظر لها وقال..وعد اهدي واقع
'لكن وعد لم تدعه يكمل حديثة وقال بصراخ..اهدي اي..قولي اهدي ازاي..وانت عرفت منين..ثم فجاة نظرت لمازن وقالت..انت اللي قولتله..انطق
صمت مازن وهو متوتر وقال..ا..انا..انا اللي قولتله..بس صدقيني هو ضغط عليا
'صرخت وعد به وقال..انت اي يا اخي اصدق اصدق اي..منا صدقتك لما وعدتني مش هتبلغ حد واننا نقفل الموضوع مش حمل حاجة وحشه تاني تحصل..ثم اكملت بسخرية والدموع تهبط من عيناها بغزارة..لا ومش كدا وبس لا دا كمان ظابط..قولي انت اي..ثم جلست ووضعت يدها علي وجهها وانهارت في البكاء
اقترب وسيم منها ووضع يده علي كتفها..لكن فجاة انتفضت هي وقامت سريعا مبتعده عنه قليلا..فاكمل وسيم وقال..اهدي متخافيش
'نظرت وعد الي مازن وقال والدموع لم تفارقها..ليه قولتله..مش انت قولت مش هتقول لحد..بس عارف..مش هقولك غير حاجة واحدة..مش مسمحاك لو حصلك حاجة..انت الوحيد اللي باقيلي من الحياة دي..ثم اكملت بشهقات..م..مش مستعدة اخسرك..مش عايزة يا مازن..انت عارف اني بحبك وبعتبرك اخويا..الكل اتخلي عني العيلة كلها من ساعة لما عرفت اللي حصل لبابا وبعدوا عني خافوا يحصل فيهم زي اللي حصل لبابا..انت الوحيد اللي مبعدتش عني واهتميت بيا وبماما الله يرحمها..مش مسمحاك لو حصلك حاجة
ادمعت عين مازن وذهب ناحيتها واحتضنها..احتضنته وعد بقوه وظلت تبكي في احضانه..لم يتحمل مازن اكثر وبكي هو الاخر
-اما عن وسيم فقد شعر ان قلبه يحترق..كور يده بغضب وهو يحاول ان يتمالك نفسه..خلاص اهدوا يا جماعة اقعدوا عشان عايز اتكلم معاكم
ابتعد مازن عنها ومسح لها دموعها وقال..يلا تعالي اقعدي وخير ان شاء الله
'اوماءت له وعد وذهبت وجلست وقالت..ممكن اعرف اي هو الموضوع وناوي تعمل اي
-اخذ وسيم نفس عميق..عايز اعرف فاكرين شكل اللي قتل ابوكي
'اوماءت وعد..ايوا فاكراه..دا قتل بابا بكل دم بارد قدامنا
-تمام حلو اوي هجيلك بكرا مع رسام وتوصفيلة شكله وهو هيرسمه..ثم اكمل موضحا..عشان اقدر اعرف مين ونقدر نفتح ملف بالقضية عشان ياخد جزاءه
'اوماءت له وعد ثم اكملت بخوف..بس ارجوك اسم مازن ميجيش في الموضوع خالص ولا يتدخل في اي حاجة
-متخافيش مش هتحصله حاجة..بس قبل ما امشي عايز اعرف كام حاجة كدا
'اتفضل
-في حد في عيلتكم ليه نفوذ الاخبار بتوصله اي حاجة
'لا مفيش حد منهم بتوصله حاجة.. وبعدين هما اساسا اتخلوا عني والكل دلوقتي بيدور علي مصلحته
-تمام في حد بقي ليه عداوة معاكم
'لا الحمد لله
-وقف وسيم وقال بهدوء..تمام اوي كدا عشان نضمن ان مفيش حد يبقي ضدك في القضية..عن اذنكم انا بقي همشي
وقف مازن وقال بامتنان..بجد شكرا ليك يا حضرة الظابط
-ابتسم له وسيم وقال..الشكر لله دا واجبي..يلا عن اذنكم انا بقي
***********************************
اما في مكان اخر كانوا يسيروا طوال اليوم حتي يصلوا الي ذلك الكتاب الخاص بالاسطورة..
"لكن فجاة توقف ايسل وجلست علي الارض وهي تتنفس بصعوبه وقالت بتعب..لا مش قادرة اكمل اكتر من كدا.
_تحدثت فيروز بغيظ من شقيقتها وقالت..قومي يا بت خلينا نوصل في اسرع وقت..ولا مش عايزة ترجعي ارضنا وزمنا الجميل ماما وبابا مش وحشوكي ولا اي
*لكن هنا تحدث انس بهدوء..انا راي من راي ايسل كفاية علي كدا انهاردة ونوقف هنا نستريح وناكل وبعدين نكمل
"اخرجت ايسل لسانها لشقيقتها..نينيني..احسن
_اتفوو عليكي يا بت..ثم ذهبت وجلست بجانبها وقالت..امال فين الصعوبات دي يا استاذ ماثيو..هاا مترد ولا انتي يا ست كلارا
جلس ماثيو وقال بهدوء..اهدئي قليلا فانتم لم تروا شيئا بعد فانتم لم تقطعوا الا القليل جدا من المسافة
"يا خرابي كل دا وقليل
°ضحكت كلارا وقالت..نعم ان تلك المسافة ليست الا جزء بسيط جدا..فبعد مسافة طويله قليلا سوف نقابل كل المصائب
"اااه ياني يا بختك الاسود يا ايسل شبابي هيضيع
'صرخ فارس بها بغضب..يا بت اسكتي صدعت بسببك
*تحدث انس بصرامه..فارس مسمحلكش انك تزعقلها كدا
'نظر له فارس وقال بخبث..اوه..انتي بتغيري يا بيضه..يختي حته سك..لم يكمل فارس حديثة وصرخ بالم عندما وجد يدا تنزل علي رقبته..الله يخربيتك
*انس بغيظ..احسن ولو اتكلمت تاني هتلاقي واحد زيه تاني علي قفاك
'فرك فارس رقبته وقال..ربنا يكون في عونك ياللي في بالي في المستقبل مع البغل دا
*اسكت يا حيوان..ثم وجه حديثة لماثيو..ممكن اعرف اي الصعاب دي اللي بتقول عليها
ماثيو بهدوء..علي سبيل المثال فهناك قريه مليئه بالثعابين وفي نهاية تلك القرية يوجد دب كبير الحجم شعيرات جسده مثل الاشواك سامه للغاية لكن تلك الشعيرا توجد علي ظهرة فقط ولديه قرون ققرون الثيران واسنان حادة
"ابتلعت ايسل ريقها بخوف وقالت..ربنا يبشرك بالخير يا ابني
حل الصمت عليهم جميعا فقاطعة حديث انس..ايسل ممكن اتكلم معاكي شويه لوحدنا
"تحدثت ايسل بجمود..عايز تقول حاجة قول هنا مفيش حد غريب
*صمت انس ثم فجاة قام وذهب بعيدا عنهم
**********************
تحدث العسكري بخوف..المتهم عصمت مش موجود في الحبس
=صرخ به اياس بغضب..وده ازاي يحصل هرب ازاي
ابتعد العسكري قليلا للخلف وهو يقول..يا حضرة الظابط مفيش لي مخرج يقدر يهرب منه..حتي الاكل كنا لما ندخله بنكون اتنين ندخله ونقفل تاني
=ضرب اياس المكتب امامه بغضب..ازاي ازاي يحصل
تحدثت بدرية بتوتر..طيب هستاذن انا يا حضرة الظابط ولما تعرفوا مكانوا بلغوني..وكادت ان تذهب لكن اوقفها حديث اياس وهو يقول بهدوء..استني..التفتت له بتوتر فاكمل هو..انتي عارف هو فين صح..اي البي بيحصل وازاي قدر يهرب ومفيش حد نهائي كان بيقدر يهرب
م..مفيش حاجة يا حضرة الظابط وانا هعرف منين
=جلس اياس وقال بهدوء..اقعدي حضرتك..جلست بدرية وهي متوترة فاكمل اياس..ممكن تحكيلي بقي انتي اكيد عارفة
بكت بدرية وقالت..عصمت خطير جدا يا حضرة الظابط..عصمت عمل بلاوي كثير قبل كدا ودمر حاجات كثير
=احكي
صمتت بدرية قليلا ثم قالت بخوف..عصمت..
#بقلم_منه_العدوي
رايكم🥺❤️
بجد شكرا جدا للناس اللي بتكتبلي كلام جميل جدا بيشجعني..وفرحت جدا بجد لما لقيت ناس بتقول التوقعات بجد شكرا ليكم🥺🤍
تكملة الروايه من هنا
تعليقات
إرسال تعليق