مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#بنت_قلبي

part 4

"استفاقت ايسل وكانت تشعر بالم في راسها..ااه اي اللي حصل..ثم نظر حولها باستغراب..انا فين..لكن فجاة وجدت شقيقتها مغشي عليها فذهبت لها سريعا وهي تحاول افاقتها..فيروز..فيروز فوقي

_قامت فيروز وهي تنظر حولها وهي غير مدركة لما يجري..ايسل في اي

"قامت ايسل بتحريكها حتي تفيق وهي تقول..فيروز مش وقته دلوقتي قومي مش عارفه احنا فين واي اللي حصل

_فركت فيروز عيناها ثم نظرت حولها بدهشة..اي دا اي اللي حصل واي المكان الغريب ده

"وقفت ايسل وهي تنظر حولها باستغراب وهي تفكر..مش عارفه انا كل اللي فاكرة اننا دخلنا البيت المسكون ده وحسيت بوجع في راسي والكورة نورت وبعدها معرفش حصل اي..هي فين الكورة دي صح

_وقفت فيروز وقالت وهي تنظر لذلك المكان الغريب..فقد كان المكان عبارة عن..ارض من العشب لكن الغريب ان معظم المكان عشبه خضراء الا جزء وكانت العشبة به سوداء وفي ذلك المكان كان يوجد منضدة مرتفعة قليلا وعليها عصاة بنفسجة اللون ومن اعلي العصي كورة من اللون الفضي مع البنفسجي..ولكن ما اثار دهشتهما عندما اقتربا منها كان في كل جانب من الاربع جوانب من تلك المنضدة صورة لها وصورة لشقيقتها وصورة لشخصين لم ترهم من قبل وصورة اخري لشاب لم تعرفه

"كانت ايسل تنظر له بدهشة..اي اللي جاب صورتنا هنا والمكان عجيب اوي العشب اسود

_كانت تنظر ايضا فيروز وهي متعجبة من ذلك المكان ومن صورتها..مش عارفه صورنا جات هنا ازاي..والمكان انا عمري ما شفته قبل كدا..ط..طيب مين جابنا ه..لكن صمتت فجاة عندما سمعت من خلفها 

هااي انتوا توقفوا وابتعدوا

"التفتت ايسل ونظرت خلفها ولكن بدات ترجع للخلف عندما وجدت عدد كبير من الرجال يحاوطوهم فهمست لشقيقتها وهي تمسك يدها..وقعنا في مصيبة اهربي بسرعة

جاءوا ليركضوا لكن قد فات الاوان وقد كانوا محاصرين من جميع الجهات وشخصان قاما بالامساك بهما

لكن فجاة تحدث احدهم بخوف ومن الواضح انه قائدهم..توقفوا واتركوهم انهم الاميرتان..ثم انحني لهم

_نظر فيروز حولها باستغراب عندما وجدتهم ينحنوا لها..اميرة مين وهما بيعملوا كدا ليه

لكن فجاة تحدث قائد الحرس..هيا لنوصل الاميرتان الي القصر

"جاءت ايسل لتتحدث ولكن صمتت وهي تفكر وقالت..فيروز يلا تعالي معاهم واحنا هنفهم

ذهبت ايسل وفيروز معهم الي ذلك القصر الذي يتحدثون عنهم..وعندما وصلوا وجدوا انه قصر مثل القصور في العصر الفيكتوري

_تحدثت فيروز وهي تنظر حولها علي ذلك القصر بدهشة من جمال القصر..ايسل مش بزمتك شبه القصور في العصر الفيكتو..لكن صمتت عندما سمعت..

كلارا..تعالي الي هنا فورا

"نظرت ايسل بصدمه لتلك الفتاة وهي اتيه مهروله بجمالها الخلاب بذلك الفستان..يخربيت حلاوة امك

°اخفضت كلارا راسها وهي تقول..نعم سيد ماثيو

خذي الاميرتان حتي يتجهزوا 

°نظرت كلارا بفرحة لهم وهي تقول..احقا انتم الاميرتان الضائعتان من سنوات

_تحدثت ايسل..اميرة م..لكن قطع حديثها صوت شقيقتها وهي تقول..ايوا ايوا احنا الاميرتان

°انحت لهم كلارا بفرحة ثم قالت..تفضلوا معي حتي اجهزكم فاليوم سوف نقيم احتفال بمناسبة ظهوركم

ذهبت ايسل وفيروز مع تلك الفتاة التي تدعي كلارا ودخلوا الي غرفة واسعة جدا يتضح عليها انها من العصر الفيكتوري

اما في مكان اخر يسوده الظلام..

*استفاق انس وهو يشعر بالم في راسه فظل ينظر حوله باستغراب وتعجب لعه يري شئ لكن فشل في ذلك..اي دا هو انا بقيت اعمي ولا اي..لكن صمت قليلا وقال بتعجب..اي دا طيب ازاي اعمي وفي شباك هناك اهو وفي نور داخل منه..فجاة سمع صوت جانبه..مين اللي هنا وانا فين

'نهض فارس وهو يقول بتعب..دا انا يا انس فارس

*نهض انس وساعد فارس علي الوقوف وقال باستغراب..انت بتعمل اي هنا..لكن صمت عندما تذكر ما حدث وقال..ايسل و..ثم اخرج هاتفة من جيبه بسرعة وانار كشاف هاتفه وهو يبحث عن مخرج من ذلك المكان الحالك الظلام

'تحدث فارس باستغراب وهو ينظر له..انت بتدور علي اي وفي اي واي اللي حصل 

*تحدث انس بغضب..فارس مش وقت غباء دلوقتي فوق وافتكر 

'صمت فارس قليلا ثم تذكر اخر شئ حدث عندما دخل لذلك المنزل ولم يجد احد منهم وبعدها شعر بدوار ولم يعرف ماذا حدث بعد..فهمني طيب مين ايسل دي

*مش وقته دلوقتي دور معايا علي مخرج لازم نلحقهم

'اقترب منه فارس وامسكه واداره ناحية وهو يتحدث بغضب..ممكن افهم مين دول مش تقولي مش وقته..لما دلوقتي مش وقته اومال وقته امتي

*صرخ انس وقال..ايسل هي نفسها البنت اللي حكتلك عنها وروحت اتقدمتلها

'صمت فارس قليلا وهو يحاول ان يستوعب ما يحدث ثم صرخ في وجه انس وقال..بقي كل ده عشانها..طيب متغور في داهية

*انت اتهبلت اسيبها ازاي كدا

'بقي دخلتنا في مصيبة ومتاهة مش عارفين احنا فين وهنطلع من هنا ازاي كل دا عشان واحدة امك غصبتك عليها وكان كلها شهر وتقول مفيش نصيب..انت غبي كنت تسيبها اهي يكون جه الرفض من ناحيتها انها مش موجودة

*صرخ انس وهو يقول.. صدقني مينفعش..ثم هدا قليلا وظل يبحث عن مخرج لكن تصنم في مكانه اثر تلك الجملة..

°ابتسمت كلارا وهي تقول..وهاا نحن الان قد انتهينا هل تؤمري بشئ سمو الامير ا..لكن صمتت قليلا ثم قالت..لكن لحظة ما اسمك سموكما

_نظر فيروز وايسل الي بعضهم باستغراب ثم تحدثت فيروز..ازاي مش عارفه اسمي وانتي بتقولي اني الاميرة انا واختي

°ابتسمت كلارا وقالت..هناك اسطورة من سنوات طوال تقول ان المنضدة الملكية توجد عليها عصاة سحرية وبها صور..وتلك الصور ليست الا لصور للاميرتان والامير والملك والملكة..ومن الواضح ان السيد ماثيو راي انكم مثل تلك الصورة علي المنضدة فعلم انكم الاميرتان المفقودتان لكن لم يتم ذكر الاسماء لا في المنضدة ولا الاسطورة ذكرت ذلك

"اهاا انا ايسل ودي فيروز..بس اي ال..لكن فجاة صمتت عندما وجدت باب الغرفة يفتح وتدخل فتاة وهي تصرخ بسعادة لتقول

كلارا كلارا اين الاميرتان اود ان اراهم

°ابتسمت كلارا وقالت..اهدئي شقيقتي فيولا انهم بجانبها نظرت فيولا بجانبها ثم بدات تقفز بفرحة..يا الله لا اصدق نفسي انني اري الاميرتان بجلاله قدرهم

°فيولا اصمتي قليلا وانحي لهم باحترام

"تحدثت ايسل بسرعة..لا لا ملوش داعي

قفزت فيولا علي ايسل تحتضنها بشدة وهي تقول..اسفة سمو الاميرة لكن كنت اسمع عنكم كثيرا وهاا انا متحمسة اني رايتكم اعتزر اني قفزت عليكي واحتضنتكي 

°صرخت كلارا بها..فيولا هيا ابتعدي عن سمو الاميرة

ابتعد فيولا عنها وظهرت معالم الحزن علي وجهها..فقالت كلارا بابتسامه ولطافة..اوه فيولا لا تحزني شقيقتي لكن انتي تعلمي ان هذا خطأ ويجب ان نقدم الاحترام لهم ولا نزعجهم..ثم انحت وقالت..اعتز منكم نيابة عن اختي انها شقية قليلا

_ابتسمت فيروز وقالت..ليه تنحنوا كدا احنا زي بعض

"ابتسمت ايسل وقالت..قومي كدا يا بت واقفي حلو ثم ذهبت ناحية فيولا ورفعت وجه فيولا وقالت..متزعلش بقي..ثم ضحكت وقالت..خش في حضن اخوك يا فواز

نظرت لها فيولا باستغراب فضحكت ايسل واخذتها في احضانها

لكن قطع حديثهم طرق الباب..سيدة كلارا المائدة جاهزة كما امرتي وهي عليها اشهي واطيب الماكولات

°تحدثت كلارا بهدوء..حسنا اذهبي ونحن قادمون..هيا سمو الاميرة فيروز وسمو والاميرة ايسل

"هنروح فين

°ما هذا هنروح

"نظرت لها فيروز باستغراب ثم قالت..يعني هنذهب الي اين

°اوماءت لها كلارا بتفهم ثم قالت..سنذهب حتي تتناولوا الطعام

"سحبت ايسل فيروز من يدها وخرجت بسرعة لكن فجاة وقعت اثر ذلك الفستان الذي يعيق حركتها..اااه ياني حسبي الله في اللي اخترع الفستان ده

_ضحكت فيروز عليها وهي تقول..احسن اخرت فجعك بقي انا المفجوعة اومال انتي اي

"صرخت ايسل بها..اااه يا ح..تعالي ساعديني

_ذهبت فيروز وكلارا لها سريعا ليساعدوها علي الوقوف وفيروز لم تتوقف عن الضحك

°تحدثت كلارا باحترام وهي تنحني..تفضلوا سمو الاميرتان

ذهبوا جميعا ناحية مائدة الطعام لتبدا ايسل بالتهام الطعام

-انا مش قولتلك تراقبة وتعرف هو رايح فين..كانت تلك جملة وسيم الغاضب 

تحدث الاخر بخوف منه..والله يا حضرة الظابط انا راقبته كويس بس زي متقول فص ملح وداب

-كور وسيم يده بغضب وهو يقول..طيب غور من وشى عشان مموتكش

ذهب الرجل سريعا فتنفس وسيم وهو يحاول ان يهدا..ثم امسك هاتفه وقام بالاتصال علي احد وبعد وقت..الو..عايزك تتصرف وتعرف مكان هشام باي طريقة انهاردة..ثم اغلق معه الهاتف وخرج..

في المساء كان وسيم قد علم مكان هشام وهاا هو ذاهب لمكانه..

-كان وسيم يقف ليراقبة من بعيد وهو يقوم بالتسجيل له فها هو يهرب مخدرات..ماشي يا هشام ال..بس اهو هسجلك ومش هتنفد مني الا وانا مدخلك السجن..فجاة شعر بشئ قوي نزل علي راسه جعل راسه تسيل الدماء..التفت وسيم خلفه ليري فوجد هشام وشخص معه يضحكان بشر بعد ان قاموا بضربه وممسك بمسدس..وفجاة وقع مغشي عليه

'يالهوي الواد القمر ده ماله 

انسه وعد مش وقته دلوقتي ساعدي الدكتور واديله اللي هيحتاجة في العملية

'هزت وعد راسها بسرعة وهي تنظر له بقلق

بعد مرور وقت هاا قد تعدي مرحلة الخطر 

'تحدثت وعد وهي تقوم بالتغير علي الجرح له..انا هموت واعرف امك اتوحمت علي اي وهي حامل فيك عشان تطلع بالجمال ده..ثم ضحكت وقالت..كفاية نق علي المريض يا وعد من كتر نقك المرة اللي فاتت اهو جاي واخد رصاصة ناوية اي اكتر من كدا يموت..ثم صمتت قليلا وقالت بس الواد قمر برضه

-كفاية نق عليا يا مفترية

'شهقت وعد ورجعت للخلف وهي تقول..بسم الله الرحمن الرحيم في اي يا جدع مش تكح او تقول احم حتي

-فتحت وسيم عينه وحاول ان يجلس وهو يشعر بالالم..اقعدي ساكته عشان انا مش ناقص

'تحدثت وعد بسرعة عندما رات علامات التعب علي وجهه..لا لا استني خليك هندهلك الدكتور

بعد مرور وقت اتي الطبيب وقام بفحصة ثم قال بابتسامه..الحمد لله صحتك احسن دلوقتي يا وسيم بيه

-متشكر جدا ممكن تخلص الإجراءات عشان عايز امشي من المستشفي انهاردة

تحدث الطبيب بعملية..مينفعش دلوقتي يا وسيم بيه علي الاقل تفضل هنا لبكرا عشان اي مضاعفات تحصل تكون تحت المراقبة

-تحدث وسيم ببرود..وانا مش باخد رايك انا بقولك بس

يا فندم م..

-قطع وسيم كلامه بغضب..اللي قولته يتنفذ

تحدث الطبيب بخوف وهو يخرج..تمام يا فندم

'تحدثت وعد بعد ان خرج الطبيب..بطل عناد وخليك هنا صحتك لسه متحسنتش قوي..صحيح انت اسمك اي..لا لا واستني كدا اللي هموت واعرفه الدكتور مهزئكش ليه لما زعقت فيه

-انا مش عنيد ولو عنيد فانا عنيد مع نفسي.. وبعدين ما الدكتور لسه قايل قصادك اسمي وسيم.. وبعدين ميقدرس

'تحدثت وعد بسخرية..ليه يعني تكونش سيادة الوزير

-وقف وسيم وهو يتحامل علي نفسة الالم..هو انتي معرفتيش ولا اي انا المقدم وسيم جابر

'جاءت وعد لتتحدث لكن نظرت للباب بصدمه..

#بقلم_منه_العدوي

رايكم🥺🤍

التفاعل يا جماعة اللي بيقل هل مثلا عشان مفكرين انها رعب ولا اي🙂

#بنت_قلبي

part 5

*صرخ انس وهو يقول.. صدقني مينفعش..ثم هدا قليلا وظل يبحث عن مخرج لكن تصنم في مكانه اثر تلك الجملة..

'انكر كدا بقي انك حبيتها

*م..محبتهاش وبطل هبل يا فارس

'تحدث فارس بسخرية..محبتهاش اه مهو واضح..انت كنت في الاول متعصب وعايزني اشوفلك حل عشان متتجوزهاش ومتروحش تتقدملها اساسا..فجاة عايز تعرض نفسك للخطر عشان تنقذها تسمي دا اي

*حاول انس تغير الموضوع ليقول..فارس مش وقت كلامك دلوقتي دور معايا علي مكان نخرج منه..ثم ظل يصرخ وهو يقول بصوت عالي..خرجونا من هنا..انتوا مين وبتعملوا كدا ليه

اصمت يا رجل

*تحدث فارس بلهفة عندما سمع صوت احدهم..انت مين خرجنا من هنا في بنت لازم انقذها..انتوا حابسنا ليه

اصمت يا رجل لقد تعبت من ثرثرت..لكن فجاة صمت وهو يقول..لماذا اتيتي الي هنا سيدة ميلي

٠اقتربت ميلي منه وقالت بدلع..اوه هناك رجل غريب هنا اود ان اعرف من هو

لا يمكنك سيدة ميلي الا بموافقة الاميرتان

٠وضعت ميلي يدها حول رقبته وقالت..اوه الا تعلم يا رجل ان تلك اسطورة ولا يوجد اميرة

٠تحدث الرجل بثبات يحاول الا يضعف لكلامها..عفوا سيدة ميلي لكن الاميرتان قد ظهروا اليوم

٠قبلته علي خده وهي تقول..وماذا عني..هل نسيت انك قولت لي اني اميرتك الخاصة بك

حسنا سيدة ميلي هذة المرة فقط..ثم قام بفتح باب السجن لها

٠ابتسمت ميلي ودخلت..اوه يا لك مش شاب وسيم..ثم امسكت خصلة من شعرها واقتربت من انس وهي تقول بدلع..وانت ايضا وسيم لكن من انت انا لم ارك هنا من قبل ايها الوسيم

*ابتعد انس عنها وهو يقول بغضب..ابعدي يا بت عني وانتوا مين اساسا

'اقترب منه فارس وهمس..انس اهدي احنا مش عارفين مين دول لكن من دي ممكن نقدر نوصل لايسل واختها..بس باين عليها من لبسها من ايام زمان اوي

*صمت انس وهو يحاول ان يهدا الي ان اقترب منها بخبث وهو يقول..انتي جميلة اوي

٠ابتسمت وقالت..اوه حقا ثم اقتربت من اذنه وقالت بهمس..اذا ما رايك ان نتزوج..ثم ابتعدت عنه وهي تتحدث بدلع وممسكة بخصلة من شعرها..انا فتاة عزباء لم اتزوج بعد وانا اراك جميل وانت تراني جميلة هاا اذا ما رايك

*جاء انس ان يتحدث بغضب لكن صمت فجاة وهو يبتسم بخبث ويقول..اذا موافق..لكن..لكن بشرط

٠تحدثت ميلي بلهفة..اذا ما هو وانا موافقة علي اي شيء تقوله

*ابتسم انس بخبث وقال وهو يدور حولها..خرجيني انا وصاحبي من هنا وهتجوزك

٠اذا وانا موافقة..ثم قالت بهمس..سوف اشتت الحارس الذي بالخارج وانت اخرج انت وصديقك وانتظرني عند الساحة..ثم غمزت له وضحكت وخرجت

بعد مرور وقت هاا قد هرب انس ومالك..

*تحدث انس بسرعة..فارس لازم نهرب من البت دي..دي مجنونه عايزاني اتجوزها..اقولك تعالي ورايا

ركض انس وفارس سريعا الي ان توقفوا امام قصر فخم جدا

'كان فارس واقف مزهول كثيرا من جمالة..المنظر ده مش غريب عليا..شوفته فين ياربي..ثم ظل يفكر الي ان تذكر وقال..انس دي قصور زي اللي في العصر الفيكتوري

*نظر له انس باستغراب وقال..طيب ازاي الحاجات دي اختفت من زمان..ثم صمت قليلا وقال..معقول البيت المسكون يكون بينقل عبر الزمن..بص مش وقته دلوقتي لازم نشوف مكان نهرب فيه منها وبعدين نبدا ندور علي ايسل واختها..ثم جاء ليلتفت خلفه لكن وقف مكانه من الصدمه..م.م

"كانت ايسل جالسة في الغرفة التي كانت مخصصة لها هي وشقيقتها فقالت بتفكير..فيروز فكري معايا هنعمل ايه

_تحدثت فيروز باستغراب..افكر في اي وهنعمل اي في اي

"ضربت ايسل راسها بيدها وهي تقول بغيظ..فيروز مش وقت غبائك..يعني فجاة دخلنا البيت المسكون والكورة تنور..ثم صمتت فجاة وقالت..فيروز صح فين الكورة..يالهوي اوعي تكوني ضيعتيها

_لا متخافيش الكورة معايا

"تنهدت ايسل براحة وقالت..الحمد لله..فكري بقي معايا ازاي جينا هنا..والقصر واللبس كل دا تبع العصر الفيكتوري وهو خلص من زمان اوي ازاي موجود وانهاردة فيه حفلة بالليل بمناسبة ظهورنا كاميرات..ازاي بقي احنا اميرات

_وقفت فيروز وقالت بشرود..مش عارفه في حاجة غريبة بتحصل..واه صح فاكرة الك..لكن فجاة قطع حديثها صوت طرق علي الباب..تفضل

سمو الاميرتان هناك رجلان قد وجدناهما اليوم وقمنا بوضعهم في الزنزانة..ماذا تؤموران ان نفعل معهم..هل نقوم بقتلهم ان نرميهم للاسود والنمور الملكية لتاكلهم

"كانت ايسل تنظر له بصدمه من حديثة وهي تقول..نمور واسود وموت هو اي حد بتموتوه عادي كدا..ثم نظرت لفيروز وقالت..يالهوي يا فيروز يعني لو احنا مش اميرتان كنا هنترمي للنمور

_تحدثت فيروز بهدوء..لا استني متعملش فيهم حاجة عايزة اشوفهم الاول

امرك سمو الاميرة..ثم جاء ان يذهب لكن اوقفه صوت فيروز وهي تقول..يا ا

امر سمو الاميرة..ادعي ماثيو

_معلش عايزة اشوفهم دلوقتي

امرك سمو الاميرة سو ارسل لكي السيدة كلارا حتي تاخذكي الي المقر الرئيسي لتقابليهم..تحياتي مولاتي..ثم خرج وتركهم

*كان ينظر بصدمه..ميلي..عرفتي مكانا ازاي

-اقتربت ميلي منه بدلع..اوه عزيزي لماذا ابتعدت قولت لك ان تذهب للساحة لا ان تاتي للقصر

*قال انس بتوتر..اسف بس مكنتش اعرف فين الساحة

-اوه لا باس عزيزي هيا الان لنذهب الي الراهب كي نتزوج

توقفوا مكانكما

-نظر فارس وانس للحراس ثم نظروا الي ميلي لكن لحظة اين هي..انس هنعمل اي دول لحقونا وميلي هربت ازاي

هيا اقبضوا عليهم حتي نذهب للمقر الرئيسي حتي تراهم الاميرتان

امسك الحراس بفارس وانس واخوهم الي المقر وبعد وقت اتت فيروز وايسل..

*نظر انس لهم بصدمه..ايسل

"رفعت ايسل نظرها لتري ذلك الصوت المؤلوف لها..انس انت ازاي جيت هنا ومين اللي معاك ده

_تحدثت فيروز بهدوء وهي تري الجميع ينظر لهم بدهشة..روحوا انتوا وسبوهم

لكن سمو الاميرة لا اقدر ان اترككم مع هؤلاء الرجال بمفرد..

_قاطعته صوت فيروز وهي تقول بصرامه..كلامي يتنفذ سبونا لوحدنا

انحني لها ماثيو..امرك سمو الامير..هيا الي الخارج جميعا

"خرج الجميع فقالت ايسل بصدمه..لا مش معقول اي يا بت يا فيروز الجبروت ده دا انا رغم انهم بينحنوا ليا الي اني لسه بخاف منهم

_ضحكت فيروز ثم قالت بجدية.. صحيح انتوا جيتوا هنا ازاي

*تنهد انس وقال..هحكيلكم..دا اللي حصل..بس هنعمل اي وهنخرج من هنا ازاي وازاي انتوا اميرتان

"قصت عليهم ايسل ما حدث ثم قالت بشرود..بصوا انا شاكة في حاجة بس محدش يتريق عليا

*امم قولي

"تحدثت ايسل بهدوء..انا شاكة اننا رجعنا بالزمن وبقينا في العصر الفيكتوري..وان البيت المسكون ده اله زمنية بمعني كدا ان..

اما في مكان اخر كان رجل يظهر عليه ملامح الكبر والطيبة وقد كان يبكي..صفية..انا..انا حاسس ان بنت قلبي موجودة هنا

تصنمت صفية مكانها من جملته..بنت..بنت قلبي هنا..الاتنين..ثم بكت كثيرا وقالت..نفسي اشوفهم اوي

تحدث ذلك المجهول وهو يبكي..ان شاء الله قريب هنتجمع بيهم..بس انا قلبي حاسس انهم موجودين هنا

يارب يارب يكون احساسك صح..ثم ذادت في البكاء وهي تقول..هنفضل مستخبين من الناس هنا لحد امتي..قولي لحد امتي لحد لما نموت ومقدرش اشوف بنات قلبي.. وبعدين قولي هنرجع لارضنا ازاي وابننا مات

ذهب ذلك المجهول لها واحتضنها وظل يربط علي ظهرها بحنان..هشش..اهدي..خير ان شاء الله..بس عارفة يا صفية انا قلبي بيقولي انه لسه عايش

يارب..ولكن فجاة خرجت من احضانه وهي تنظر بجانبها بصدمه..انت شايف اللي انا شيفاه

ابتسم الاخر وقال..

'نظرت وعد امامها بصدمه وهي تصرخ..يالهوي حرامي

-وقف وسيم وكاد ان يركض خلفة لكن وقف بسبب الم جرحه فقال بغضب..يا ابن ال...هرب المرادي بس وحياة امي منا سايبك يا هشام

'صرخت وعد برعب عندما وجدت جرحة ينزف..عااا اقعد بالله عليك جرحك بينزف..جلس وسيم علي الفراش بتعب وبدات وعد تطهر له الجرح وهي تبكي

-تحدث وسيم وهو مغمض عينه..بتعيطي ليه دلوقتي

'قالت وعد ببكاء..مش عارفه.. وبعدين انت مش شايف جرحك بينزف ازاي

-ابتسم وسيم وقال..اي خايفة عليا

'تحدثت وعد بعفويه..اكيد..لكن تحدثت سريعا تصحح ما قالته بتوتر عندما وجدته ينظر لها بخبث..اقصد يعني اكيد انت مريض واي حد كنت هخاف عليه كدا مهما كان دا انسان

-اغمض وسيم عينه وهو يشعر بالم ليقول..ماشي يا حنية

حل الصمت بينهم الي ان قطعة صوت رنين هاتف وعد فقامت بالرد..الو..ثم صمتت قليلا ووقع منها الهاتف بصدمه والدموع تتلألأ في عيناها

يتبع

#بقلم_منه_العدوي

رايكم🤍🥺

#بنت_قلبي

part 6

"تحدثت ايسل بهدوء..انا شاكة اننا رجعنا بالزمن وبقينا في العصر الفيكتوري..وان البيت المسكون ده اله زمنية بمعني كدا ان..في مكان هنا او طريقة تقدر ترجعنا بس لازم الاول نعرف مكان الناس اللي دخلت البيت واختفت اكيد هما هنا

*طيب والحل هنعمل اي

_تحدث فيروز بهدوء..اظن ايسل معاها حق..وانا عندي اللي تقدر تساعدنا..

'م..ماما..

-تحدث وسيم باستغراب وقلق عندما شاهد حالتها تلك..مالك يا انسه

'لكن هنا انفجرت في البكاء وهي تقول..ماما ماتت..ماما كل ما ليا في الدنيا ماتت وسابتني..ثم بدات في الصراخ..ليه سبتيني..طيب ارجعي خوديني معاكي انا مش عايزة اعيش عايزة اكون معاكي..مامااا

-ذهب لها وسيم بسرعة وهو يحاول تهداتها..اهدي يا انسه خير ان شاء الله ادعيلها

'نظرت له بذعر وهي تبتعد عنه ودموعها لم تتوقف..لا لا ابعدوا عني كلكم وحشين وقاسين ماما بس..ماما هي اللي بتحبني ابعد عني

-احتضنها وسيم بقوة وهو يحاول تهداتها..ماما في مكان احس..قطع حديثة دخول الطبيب وبعض الممرضات الي الغرفة بسرعة

تحدث الطبيب بقلق..مالها وعد حضرتك

-صرخ فيه وسيم بغضب..متتصرف يا غبي انت ما انت دكتور..اديها حقنه مهدا

نفذ الطبيب ما قاله بسرعة الي ان هدات وعد وغابت عن الوعي وهي تتمت فقط باسم والدتها ووالدها

تحدث الطبيب بتوتر..اسف يا استاذ وسيم لو هزعج حضرتك بس حصل اي خلاها كدا

'تحدث وسيم بهدوء وحزن علي حالتها..جالها اتصال ومن وقتها وهي بتعيط وبتقول ان والدتها اتوفت..ربنا يرحمها

لم يتحدث الطبيب بل ظل في حاله صدمه..ايه..لا حول ولا قوه الا بالله..ثم قال بحزن..انا لله وانا اليه راجعون..ثم تحدث لممرض..معلش يا احمد مش هقدر اكمل شغل انهاردة خلي اي دكتور تاني يباشر مع استاذ وسيم وانا هاخد وعد وهمشي..وجاء ان يحمل وعد..لكن

ابتسم الاخر وقال..مش قولتلك انهم موجودين هنا

كانت تنظر له صفية بصدمه..بنات قلبي هنا بجد..ثم بكت بفرحة وهي تقول..خالد بالله عليك كفاية كدا ونظهر انا عايزة اشوفهم

تحدث خالد بهدوء..اهدي يا صفية انتي ناسية اننا غرب عنهم..هما ميعرفوناش..اهدي كدا افكر الاول هنعمل اي..ثم صمت قليلا وهو يفكر..بصي يا صفية مش هنقدر نظهر دلوقتي هنفضل هنا يومين

لم تتحدث صفية وظلت تنظر له فقط

تحدث خالد باستغراب من صمتها وهي تنظر له فقط..مالك يا صفية متردي

تحدثت صفية بتهكم وسخرية..ارد..ارد اقولك اي..اقولك ان بسبب كلمه نستني دي اتحرمت من بنات قلبي من وهما اطفال..اقولك ان بسبب اليومين دول كنت ممكن اموت من غير ما اشوفهم واخدهم في حضني..اقولك ان بسبب اخوك اتحرمت منهم اتنين وعشرين سنه..ثم صرخت به..ها رد اقولك اي..اي ناوي تكررها تاني واتحرم منهم للابد لحد لما اموت..ثم هدات وجلست علي الارض وهي تزرف الدموع من عيناها

حزن خالد علي حبيبته وزوجته وجلس جانبها وقال..اهدي يا حبيبتي..ان شاء الله هنتجمع سوا ونرجع بيتنا تاني الىي كان مليان بهجة وفرح..ثم رفع وجهها وحاوطه بيديه لتنظر له ليقول..فاكرة لما خلتيني اجي من الشغل وانا هموت من الخوف عليكي وفي الاخر تقوليلي انك كويسة وانك حامل..كان قلبي هيقع يومها بس بعدها كان طاير من الفرحة..وفاكرة يوم لما سمعنا نبضهم..البهجة والفرحة دي اوعدك هترجع تاني

ابتسمت له واحتضنته بقوة وهي تقول..وانا واثقة فيك..ثم قالت بحزن..انا مش عايزة اتحرم منهم زي ابني

شدد خالد من احتضانها وقبل راسها وهو يقول بحب..متخافيش ان شاء الله هنتجمع مع بعض

°ابتمست هي بحب..اوه ابتعد عني يا رجل سوف اتاخر عن سمو الاميرة

تحدث هو بغضب..كلارا..هناك رجال في الداخل اذا فقط لمحتك تتحدثي معهم سوف اقتلهم ولا يهمني شئ

°ابتسمت كلارا ووضعت يدها حول رقبته وهي تقول..اهدا حبيبي لكن سمو الاميرة تريدني وربما يتحدث معي احدهم فاجبر علي الحديث معهم

تحدث هو بغضب..قولت لكي لا..والا اعتبريني غير موجود في حياتك

°ابتسمت كلارا وقالت بدلال..اوه هل حبيبي يغار علي

امسكها من فكها بقوة وهو يقول..سميها كما تريدي لكن ان تجاوزتي الحديث معه سوف اقتلهم دون رحمه..ثم تركها وابتعد عنها قليلا بغضب

°ابتسمت كلارا واقتربت منه وهي تهمس له..وانا اعدك اني لم اتجاوز الحديث معهم..احبك كثيرا..ثم قبلته علي وجنته وتركته وخرجت

°نعم سمو الاميرة لقد اخبرني ماثيو ان سموك تريديني

_اومات لها فيروز بهدوء وقالت..ايوا يا كلارا تعالي

°انحنت لها كلارا باحترام وتقدمت منها..امرك سمو الاميرة

"كادت فيروز ان تتحدث فقاطعتها حديث ايسل وهي تقول بهدوء..لا استني يا فيروز هتكلم انا

اوماءت لها فيروز فاكملت ايسل حديثها توجهه الي كلارا..بصي يا كلارا اللي هحكهولك دا محدش يعرفة ابدا تمام

°نظرت لها كلارا باستغراب وقالت..امرك سمو الاميرة

"ابتسمت ايسل وقالت..بلاش سمو الاميرة دي بقي هتلغيها احنا زي بعض..بصي اولا احنا مش من هنا وانا شاكه اننا اتنقلنا عبر الزمن ورجعنا للعصر الفيكتوري

°لم تفهم كلارا شئ فقالت بعدم فهم..لا افهم عليك..ولكن نعم نحن في العصر الفيكتوري لكن سمو الملكة فيكتوريا قد ماتت منذ زمن

"نظرت ايسل لفيروز ثم عادت تنظر لكلارا وقالت..بس يبقي انا كدا شكي صح..بصي بقي انتي طبعا بقيتي عارفة في اللغة العامية شويه فهحكيلك كل حاجة..اولا احنا مش من هنا احنا من العصر الحديث وكان في بيت مسكون هو اللي نقلنا بالزمن لهنا ازاي بقي دا بقي اللي مش عارفة افسره لكن انا لا الاميرة ولا حاجة..لكن عايزة اعرف منك شويه حاجات

°امرك سمو الاميرة

"ضحكت ايسل وقالت..تاني هتقولي امرك سمو الاميرة..يا بنتي اسمي ايسل..ايسل وبس..المهم..احكيلنا اكتر عن الاسطورة دي..وقبل ما تحكي عن الاسطورة..في سؤال اهم..في ناس كنتوا برضه بتلاقوها زي الشابين دول وتحبسوها

°اجل هناك الكثير مثلهم اتي الي هنا وقمنا بوضعهم في الزنزانة لكن السيدة ميلي كانت تأخذهم منا مقابل المال

"سالتها ايسل باستغراب..مين السيدة ميلي دي كمان

'قاطعهم فارس..دي..دي نفس البنت اللي هربنا من السجن بسببها وكانت عايزة تتجوز انس

°تحدثت كلارا بتوضيح..السيدة ميلي انها من اغني الاغنياء هنا بعد سمو الاميرتان والملكان والملك

_تحدثت فيروز بهدوء..طيب معلش ممكن توضحيلنا اكتر

°اوماءت كلارا لها بتفهم ثم قالت..السيدة ميلي كانت المساعدة وتعد هي اقرب شخص للملكة فيكتوريا..لكنها قد اختفت بعد موت الملكة فيكتوريا ثم بدات بالظهور عندما علمت بوجود اشخاض غرباء علي ارضنا

*تحدث انس موضحنا..بس مظنش انها كدا بس دي غريبة اوي فجاة تختفي وفجاة تظهر وتدخل اي مكان بسهولة وكل دا في اقل من دقيقة

"طيب خلاص يا جماعة مش وقته كلام عنها خلينا في الاسطورة دي توضح اكتر عنها

°الاسطورة ظهرت منذ ان توفت الملكة فيكتوريا كانت تقول ان هناك ملك وملكة ولديهم ابنتان وابن واحد هما حكام ارضنا..وقد حكت الاسطورة انهم وجدوا بلورة زجاجية كانت رمز للحكم ومن وجدها اصبح الحاكم الحقيقي..وقالت الاسطورة انهم وجدوها بالفعل وان المنضدة تلك لم تكن عليها سوي لوحة للحاكم الحقيقي 

"تحدثت ايسل وهي تضرب راسها بخفة..برضه مستفدناش حاجة عايزة اعرف اكتر

'تحدث فارس بسخرية لانس..اهو شوفت عاجبك بسببك مش هنعرف نرجع تاني لارضنا

*تحدث انس بغضب..فارس مش وقت كلامك دلوقتي

°لكن صمت الجميع فجاة وهو يستمع لكلارا باهتمام التي هتفت بتذكر..لكن ربما هناك شئ سوف يساعدكم..

جاء الطبيب ان يحمل وعد لكن امسك وسيم يده وهو يقول بغضب..وانت تشيلها وتاخدها باي حق

تحدث الطبيب باستغراب..اسف حضرة الظابط بس دي بنت عمتي

-تحدث وسيم باستغراب لكن لم تخلوا نبرته من الغضب..وهي عشان بنت عمك يحقلك تشيلها كدا..

يا استاذ دي بنت عمتي ولازم امشي عمتي متوفية انت مدرك لللي بتقوله

-وانا اضمن منين انك بتقول الحقيقة مش تكون طالع نصاب

لكن لم يتحمل الطبيب اكثر وقال بغضب..لا لهنا يا سيادة الرائد ومسمحلكش تغلط فيا اكتر من كدا

-انت عارف انت بتكلم مين..ثم لكمه في وجهه بغضب

دار عراك بينهم ولم يدم كثيرا عندما توقفوا فجاة علي صوت وعد وهي تقول بلا وعي وهي مغشي عليها..

#بقلم_منه_العدوي

رايكم

عارفة ان البارت قصير ومفهوش احداث اوي بس بجد مش ليا نفس اكتب وكتبته عشانكم دا غير الاحباط بسبب التفاعل اللي بيقل كل مرة يعني من ٢٠٠٠ يوصل ل٤٠٠ 🙂بس ان شاء بكرا هحاول اكتبلكم بارت اطول من كدا والناس اللي بتقول مش فاهمه كل بارت ببدا اوضح فيه جزئية والبارت الجاي كمان هيوضح اكتر🙂🤍

صلوا علي النبي🖤🥺

تكتكملة الروايه من هنا هنا