 |
*اتجوز بنت من الارياف..قولي انك بتهزري..بقي البشمهندس انس هيتجوز علي اخر الزمن بنت الارياف
نظرت له والدته بياس..طيب ومالها يعني بنت الارياف مش بنادمه زينا
*لو سمحتي يا ماما بنادمه زينا اي بس..دي بنت الارياف لا بتبقي متعلمه ولا شايفة الموضه ولبسها زي متكون لابسة شوال ومتقفلة علي نفسها انتي بتقارني اي بس
تحدثت والدته بسخرية..واه حضرتك يعني عايز واحدة متكاملة وهاي كلاس زي خطيبة صاحبك.. وبعدين سؤال بس يعني انت طلعت مهندس معماري كدا من العدم مهو كل دا بفضل ربنا ثم انا وابوك الله يرحمه..يعني هما مش باديهم يا استاذ يا مثقف
*تحدثت انس بهدوء..ايوا بس كان في اديهم يعترضوا ويتعلموا
تحدثت والدته بغضب وقد نفذ صبرها من ذلك الانس..طيب وهنشوف كلمه مين فينا اللي هتمشي يا انس وحضر نفسك عشان يوم الخميس الجاي هنروح نقدملها زي ما بلغتك..دا لو كان اخوك عايش اساسا كنت زماني جوزته اختها التوأم
*كور انس يده بغضب وقال وهو يحاول التحكم باعصابة..يا ماما..
نظرت له والدته بغضب..بلا ماما بلا زفت انت خليت فيها ماما..هي دي اخر تربيتي انك تتريق علي الناس..بس دا اخر كلام عندي وهتتحوزها..ثم تركته وهو يستشيط من الغضب
*ترك انس المنزل وقام بالاتصال علي صديقة..الو يا فارس..بقولك تعالي الكافية انا هناك مستنيك
..
-انت هتفضل قاعد كدا متتكلم يا انس مالك متضايق ليه
*تنهد انس وبدا يحكي لصديقة ما حدث..بس يا سيدي قولي بقي حل اعمل اي عشان مش عايز اتجوز انا واحدة من بتوع الارياف انا من حقي اتجوز واحدة متعلمة زي
-ظل فارس يفكر ثم قال..طيب انت لسه قدامك لحد الخميس الجاي يعني قدامك خمس ايام سبني افكر وبعدين هقولك علي حل..المهم انت جايبني كدا عشان اتفرج عليك اطلبلي حاجة يا بخيل
*ابتسم انس وقال..ماشي يا ز..
_عرفتي صح بحكاية البيت المسكون
"ضحكت وقالت..بيت مسكون اي بس دا شغل خرافات وتمثيل
_لا يا ايسل دا كلام حقيقي..طيب انتي عارفة ان في كذا شخص دخل البيت ده ومن ساعتها واحنا مش عارفين ليهم طريق اه والله صح زي ما بكلمك كدا وكل لما شخص يروح عشان يشوفهم ميخرجش ومن ساعتها ومفيش حد تاني اتجرا ودخل البيت نهائي
"ابتسمت لها ايسل وقالت..يا بت طيب وبزمتك دا كلام يخش العقل طيب دا حتي احنا من الارياف يعني عندنا شجاعة وعارفين ان مفيش حاجة زي كدا الا في الافلام والمسلسلات ولا اي يا فيروز هانم
_لوت فيروز شفتاها بسخرية..طيب بزمتك ان..لكن قطع حديثها ذلك الصوت التي تعرفة جيدا..
فيروز..ايسل..تعالوا يا بنات ساعدوني في تجهيز الاكل
_تحدثت فيروز بتزمر..يوه يا ماما هو مينفعش نقعد شوية كدا علي بعض الا لما تقوليلنا قومي هببوا اي حاجة وخلاص
"ضحكت ايسل علي منظر شقيقتها وقالت..يلا يا كسوله قومي نساعد ماما..جاين يا مزة مصر..ثم ذهبت لوالدتها وبدا تساعدها
بقولك يا بت يا ايسل في موضوع عايزة اتكلم معاكي فيه
_صرخت فيروز وقالت..مسمهاش ايسل اسمها فيروز وايسل او التوينز
ضربتها والدتها بخفة علي راسها..طيب دا موضوع يخصها هي بس انتي اي حشرك
_ابتسمت فيروز بسماجة..لا ما انا وهي واحد صح يا ايسولتي
طيب وموضوع الجواز يخصكم انتوا الاتنين
_نظرت فيروز لايسل وهي تغمز لها..العب يا جامد طلعتي اجمد مني ومتقدملك عريس قبلي اوبا..مين متعوس الحظ دا
"جواز اي بس ياست الكل انا لسه في رابعة كلية يعني لسه صغيرة
دا مهندس معماري ابن واحدة صاحبتي.. وبعدين اي صغيرة دي انتي كبرتي وبقيتي عروسة وبعدين احمدي ربك ان ابوكي وافق تكملوا تعليمكم بنت الارياف اساسا مبتكملش تعليمها
"معلش يا ماما بس مين مديكي الفكرة الغلط دي ان بنت الارياف مش بتكمل تعليمها ليه هي مش بشر ليها حقوق
يا بنتي هي دي عوايدنا من زمان كدا..المهم يا بنتي ولا تزعلي دا انتي من حقك انك تعملي دكتور ومج مش عارفة اي كدا وتشتغلي كمان..بس فكري في موضوع جوازك تاني
"ابتسمت ايسل وقالت.. دكتوراه وماجستير..وحاضر يا ست الكل
_طيب وانا يا ماما مليش عريس
نظرت لها والدتها باستغراب..ملكيش اي يختي..وفجاة امسكت(ابو وردة)وقذفته ناحيتها وقالت بغضب..هو حلاوة عشان عايزة عريس ليكي انتي كمان..مكونش بولدهم بابت
مر يومين ولم يجد انس حل لتلك المشكلة هل حقا سيتزوج بنت من الارياف فهو طول حياته يكره الارياف..وهاا هو اليوم يشاء القدر ان ياتي له عمل في الريف للبناء
*هبط انس من سيارته وعندما خطت قدمه في ارض الريف شعر بشعور غريب..شعور لا يعرفة..لكنه شعور بالسعادة والاطمئنان..اخذ انس نفس عميق وتقدم ليبحث عن الرجل الذي اتفق معه انه سينتظرة هنا..ولكنه عندما كان يتجول في الاراضي ليبحث عن الرجل لمح منزل كبير يتضح عليه ان لا احد يسكنه وكان الباب مفتوحا..جاء الفضول لدي انس فقرر ان يدخل ذلك المنزل..وعندما جاء للدخول توقف فجاة علي ذلك الصوت الاتي من خلفة
لا يا ابني استني اوعي تدخل البيت ده
*التفت انس ونظر له باستغراب وقال..ليه فيه حاجة..ثم حمحم باحراج..احم اسف لو كان دا بتاع حضرتك
ربط الرجل علي كتفة وقال بابتسامه..لا يا ابني دا مش بتاعي بس مينفعش تدخلة لانه..يعني بيت مسكون
*نظر له انس بتعجب واستغراب..مسكون ازاي حضرتك مفيش حاجة زي كدا اساسا..ثم ابتسم وقال..ادخلوا انتوا بس وسموا الله وشغلوا قران وهو هيبقي زي الفل
لا يا ابني الموضوع مش زي ما انت فاهم..دا كلام فعلا حقيقي في كذا شخص دخل البيت ده وفجاة اختفوا ومعرفناش ليهم طريق..وناس دخلت عشان تكتشف اي السر ويقدروا يلاقوهم لكن زي متقول كدا فص ملح وداب..الا حضرتك صح مين هو حضرتك مش ساكن هنا ولا اي
*ابتسم له انس..احم انا بشمهندس انس وكنت بدو..
قاطع الرجل حديثة بابتسامه فرحة وهو يمد يده له..يا مرحب يا مرحب يا بشمهندس انس انا اللي كلمت حضرتك
*ابتسم انس ومد يده هو الاخر ..اهلا بحضرتك
طيب اتفضل معايا يا بشمهندس الطريق من هنا
*ابتسم انس ونظر نظرة اخري لذلك المنزل الذي يحرك فضوله ثم ذهب معه
يتبع
#بنت_قلبي
part 2
"فيروز اخلصي هتاخر علي المحاضرة
_تحدثت فيروز وفمها ممتلئ بالطعام..طيب استني خمسة كدا افطر
"صرخت ايسل بغضب..عاا عارفة يا فيروز الك..لو اتاخرت علي المحاضرة والدكتور هزئني هيكون يومك اسود..انتي لسه قاعدة اخلصي
_وقفت فيروز وهي تمسك بالساندوتش وذهبت لتاخذ حقيبتها ثم قالت..يلا انا اهو خلاص خلصت
"نظرت لها ايسل بغيظ ثم تركتها وذهبت وهي في طريقها فجاة ارتدت للخلف اثر وقوف ذلك الشخص امامها..يووه هو انا ناقصة..اسفة يا استاذ مكنتش شايفة عن اذنك
*نظر لها ذلك الشاب بذهول وقال..اي دا دي ماسكة كتاب بتاع الجامعات هما بيكملوا تعليمهم
'تحدث ذلك الشاب الواقف بجانبة الذي يدعي اياس..اهاا دي هي واختها اللي كملوا تعليم وفي غيرهم برضه كملوا تعليمهم يا استاذ انس
*وانت تعرف منين
'ابتسم وقال منا اتولدت هنا وعشت هنا وعارف اللي ساكنين في الريف..دي انسه ايسل هي واختها التوام بس بسم الله ما شاء الله الانسة ايسل بتعرف تتكلم بخمس لغات واللغة السته فهي بتدرسها في كلية الالسن
*نظر له انس بتعجب وزهول..مش عارفه بس مش مصدق..بس يلا خليني في الشغل
اما في الجانب الاخر حيث تلك الفتاة ذات العيون الزرقاء..
"كانت ايسل واقفة امام باب المدرج وهي تتنفس بصعوبة اثر ركضها حتي لا تتاخر..اوف الحمد لله الدكتور الغلس دا لسه مجاش
طيب اتفضلي يا انسة يا محترمه علي جوا
"تصنمت ايسل في مكانها من تلك الصدمه ثم التفتت تنظر خلفها ببطئ وهي خائفة..د..دكتور طاهر..احم..يعني..انا اصل..انا يعني مق..
قاطع الدكتور حديثها وهو يقول بغضب..مش عايز اسمع صوت اتفضلي علي جوا
"هزت ايسل راسها بتوتر..ح..حا..ح
صرخ الدكتور عليها وقال..انتي لسه هتردي..جوا
"دخلت ايسل ركض للداخل ثم جلست سريعا وبدات تخرج الاشياء من حقيبتها
بعد مرور وقت..
"اسندت ايسل ظهرها للخلف وهي تتنفس براحة وهاا قد مرت تلك المحاضرة بسلام
•يالهوي يا بنتي انتي جاتلك الشجاعة دي ازاي وانتي واقفة قدامه بعد ما شتمتيه
"نظرت ايسل بجانبها باستغراب ثم ضحكت فجاة وقالت..طب تصدقي انا مش عارفة جاتلي الشجاعة دي ازاي
•ضحكت الاخري وقالت..لا بس بصراحة كانت منظرك يضحك وانتي واقفة قدامه زي الفار المبلول
"ابتسمت ايسل وقالت..يلا انا مني لله..جديدة انتي هنا صح
•ابتسمت الاخري..لا مش جديدة انا بحضر دايما بس كنت بقعد ورا خالص اول مرة اقعد قدام عشان كدا انتي مستغربة
"اهاا..اسمك اي بقي
•وعد
"وعد مش هقول لحد..ثم انفجروا في الضحك هما الاثنان..ثم قالت..وانا ايسل..نبقي صحاب بقي
•من غير متقولي..اشطا
"فتحت ايسل زراعها وقالت بضحك..خش في حضن اخوك يا فواز
•احتضنتها وعد وظلوا يضحكوا..لا بجد حبيتك اوي..طيب يلا تعالي نكمل المحاضرات بقي
بعد مرور وقت هاا قد انهت ايسل جميع محاضرتها وكانت قد اقتربت من منزلها لكن فجاة توقف عندما وجدت شئ ينير امامها..بدات تقترب منه ثم انحنت وزالت الرمال عنه
"ابتسمت ايسل عندما اتضح لها ذلك الشئ..فهي كرة لونها بنفسجي لها قاعدة من اللون البنفسجي مع الابيض بها من الداخل خليط لامع وراقصتان بالية ثابتين..واو الكورة شكلها حلو اوي لونها واللميع اللي فيها واو بجد..ثم وضعتها في حقيبتها وذهبت
في المساء حيث تتلالات النجوم في السماء..
"بت يا فيروز شوفي دي كدا مش بزمتك شكلها حلو اوي
_نظرت فيروز لذلك الشئ ثم ابتسمت..الله شكلها حلو اوي..بس اشترتيها امتي
"تحدثت ايسل بدراما..توء توء توء تفي من بوقك يا شيخة انا انضف اوي كدا لدرجة اشتري الحاجة الفخمة دي..لقيتها واقعة في الارض طبعا انا طول عمري معفنة
_اقتربت منها فيروز واخذت منها ذلك الشئ وهي تنظر له ببسمه..لكن فجاة تغيرت البسمه الي تعجب وقالت..اي دا يابت بصي كدا من تحت دي ليها مفتاح اهو
"اي دا بجد طيب شغليها بسرعة
_حاضر استني هشغلها بس المفتاح صغير اوي..قامت فيروز بتشغيلها لكن فجاة خرج من اسفلها عند القاعدة نور ثم انطفاء وانقسمت القاعدة..تحدثت فيروز بدهشة..اي دا انا خوفت منها دي غريبة اوي..اي دا لا استني في حاجة..دي ورقة
"اخذتها منها ايسل وقامت بفتح الورقة فظهرت معالم الاستغراب علي وجهها من ذلك الكلام"اذا جاء ذلك اليوم الذي هتتوج فيه الاميرتان علي عرش القلبين ولم يتخلصوا من اقرب شخص لهما فسوف تدمر حياتهما للابد"..اي الهبل دا والقصد اي من الكلام دا
_نظرت فيروز امامها بشرود..مش عارفه بس دا مش كلام عادي فيه وراه لغز بس قصده اي..ومين الاميرتان واقرب شخص ليهم..وعرش القلبين..ثم هزت راسها وقالت..لا لا انا راسي صدعت من كتر التفكير
"صمتت ايسل قليلا ثم قالت..بت يا فيروز اي حكاية صح البيت المسكون ده
_سالتها فيروز باستغراب..واي اللي فكرك بيه دلوقتي
"هزت ايسل كتفها بجهل..مش عارفه جه في دماغي كدا فجاة
_بصي انا معرفش عنه كتير..بس وانا صغيرة كنت راجعة مع بابا وشوفت وقتها فراشة فجريت وراها وبابا لحق بيا وكنت داخلة البيت ورا الفراشة لكن بابا وقتها مسكني وفضل يزعق فيا ويقولي مدخلش البيت ده ابدا..فضلت اساله ليه..والفضول كل يوم بيزيد عندي اكتر لحد لما في في يوم سالت ماما وقالتلي ان البيت مسكون واي حد بيدخلة مبيطلعش منه ابدا ولحد دلوقتي محدش اكتشف السر
"هزت ايسل راسها وقالت...امم اه فهمت..بس غريبة ازاي
_م..لكن فجاة صمتت فيروز عندما سمعت طرق باب غرفتهم..ادخل..ابتسمت فيروز عندما وجدت والدها يدخل الغرفة..بابا حبيبي تعالي اقعد
ابتسم والدهم وقال..عاملين اي يا حبايبي
"كويسين يا بابا..تعالي اقعد
ذهب والدهم وجلس بجانب ايسل وقال..هاا حبيبة بابا فكرت في اللي ماما قالتلك عليه
"نظرت له باستغراب ثم تذكرت وقالت..اهاا فكرت
ورايك اي بصي انا مش هجبرك يا حبيبتي بكرا هما هيجوا هنتكلم قدامهم وتقعدي مع العريس وفي الاخر القرار قرارك
"ابتسمت ايسل واحتضنته..ربنا يخليك ليا..وحاضر لحد بكرا لما اشوفه واقعد معاه هرد عليك بعدها
ابتسم وقال ماشي يا حبيبتي..يلا تصبحوا علي خير
_وانت من اهل الخير يا بابا
في صباح يوم جديد كان الجميع جالس في الصالون
اومال فين عروستنا القمر
ابتسمت والدة ايسل وقالت..لحظة واحدة زمانها جاية اهي..ثم نظرت ناحية غرفتها ثم ابتسمت وقالت..اهي العروسة جات
ابتسمت والده العريس وقالت..بسم الله ما شاء الله قمر
ذهبت لها والدتها واقتربت منها وهمست لها..بت اتلمي في اي شوفتي نكته قدامك عشان قاعدة بتضحكي اقعدي ساكته..ثم اخذتها وذهبوا ليجلسوا
_لكن هنا لم تتحمل اكثر وانفجرت في الضحك...ههه سوري يا جماعة بس مش قادرة اكتم الضحكة اكتر من كدا
نظرت لها والدتها بصدمه..يخربيتك اي اللي انتي هببتيه دا اومال فين اختك
_ضحكت فيروز وشاورت خلف والدتها..ايسل هناك اهي
نظرت والدة العريس بصدمه لكلامهما..بسم الله الرحمن الرحيم..اي دا دول شبه بعض اوي
ابتسم والد ايسل بحرج..معلش يا جماعة هما البنات كدا بتحب تهزر
نظرت لهم بصدمه..دول شبه بعض جدا انا قولت علي الاقل هيبقي في فرق بسيط بينهم لكن ده مفيش فرق
"ابتسمت ايسل وقالت..لا في فرق ما بينا يعني انا عيوني زرقا..وفيروز عيونها عسلي..هي عيونها واسعة اما انا عيوني ضيقة شويه
ابتسمت والدته وقالت .بسم الله ما شاء الله تعالي اقعدي جمب..
قاطعهم حديث والدهم..قبل ما تقعد جمبك نسيب العرايس لوحدها شويه..ثم نظر لايسل بحب ثم تركهم
"نظرت ايسل له فهي لم تره حتي الان فهي كانت منشغلة بالحديث مع والدته..لكن فجاة نظرت له بصدمه..هو انت
*ابتسم انس وقال..يااه انتي لسه عارفة
"ذهبت ايسل وجلست علي المقعد الذي امامه وقالت..معلش بقي كنت مشغوله مع طنط..ثم ابتسمت..بس هي بصراحة قمر حبيتها اوي
*تسلمي ربنا يخليكي يارب
"نظرت له برفعة حاجب..ودا اي هو دا هو انا بمدحك انت
مر الوقت وقد تحدثت ايسل معه..
دخلت ايسل هي وشقيقتها الغرفة وكانت ايسل واضعة يدها علي راسها بالم
_نظرت لها فيروز باستغراب..مالك يا ايسل
"رفعت ايسل نظرها وقالت بالم..مش عارفه يا فيروز بس دماغي وجعاني اوي كان الالم بسيط في الاول بس كل مدي بيزيد
_طيب دا انا راسي وجعاني برضه دلوقتي..يعني اي
"لكن فجاة ظهرت معالم التعجب علي وجهها وقالت..بت يا فيروز الوجع خف
_لم تسمع لها فيروز فقد كانت تنظر خلف شقيقتها بخوف..ايسل..ب..بصي وراكي
يتبع
#بقلم_منه_العدوي
رايكم🥺🤍
#بنت_قلبي
part 3
"نظرت ايسل خلفها بصدمه..اي دا
_مش عارفة بس انا خايفة
"اقتربت ايسل من حقيبتها التي تنبعث منها النور بحذر..فيروز تعالي قربي بصي دي الكورة اللي لقيتها امبارح
_اقتربت فيروز من اختها وهي تنظر للكرة وهي تقول..انا كان قلبي حاسس ان في حاجة وسر ورا الكورة دي
"مش عارفه هي في سر وراها ب..لكن صمتت فجاة وهي تنظر للكرة امامها باستغراب ثم تحول الي خوف..فيروز انتي شايفة اللي انا شيفاه
_كانت فيروز تنظر هي ايضا بخوف..ايوا شايفة مش انا قولتلك اني في سر وراها..فقد كانت تلك الكورة منيرة ثم تحول النور الي عرض داخلها ولم يكن ذلك العرض الا لذلك المنزل المسكون..ثم فجاة اختفي وعادت الكورة لطبيعتها
"نظرت لها ايسل بعد ان وضعت الكورة في الحقيبة..ناوية تعملي اي
_نظرت فيروز امامها بشرود وقالت..هتعرفي بكرا
اما في مكان اخر في صباح يوم جديد..نجد شاب في اوائل الثلاثينات ذا شعر اسود نائما علي فراشة ويغط في نوم عميق..لكن فجاة قام من نومه فزعا وهو يتصبب عرقا من ذلك الحلم الذي يتكرر معه دائما..ظل هكذا لبعض الوقت ثم قام من فراشة وفعل روتينه اليومي واخذ اشياءه وخرج من المنزل
-الو يا انس..بقولك تعالالي في المكان..ثم اغلق معه الهاتف..ولكن فجأة صرخ وهو يقول..حااااسبييي..اوقف السيارة ونزل منها سريعا وهو يقول..انتي كويسة
•رفعت تلك الفتاة وجهها العابس وهي تقول..حسبي الله ونعم الوكيل فيك كسرتلي التلت بيضات اللي اشتريتهم..عاا وكمان ساكت بدل ما تقولي خدي تمنهم..انت معندكش دم
-نظر لها ببرود وقال..والله العربية ملمستكيش حتي عشان البيض يقع منك
•تحدثت هي بغضب..مهو بسبب حضرتك خوفت ان العربية تخبطني وقام البيض وقع..ثم اكملت ببكاء..هاكل اي انا دلوقتي يعني يوم ما انضف واجيب تلت بيضات مرة واحدة يقعوا ويتكسروا
-هدي نفسك بس
•مسحت تلك الفتاة دموعها وقالت بغضب..غور من وشي..ثم همست وقال..خربت برستيجي يا قمر انت..قمر ايوا..لا دا مش قمر بس دا موز وحاجة كدا..هيحح
-رفع حاجبة وقال باستغراب..نعم بتقولي اي
•ابتسمت له بسماجة وقالت..بكح عندك مانع..ثم اقتربت من وجهه..كح كح..شايف
-ابتعد عنها وهو ينظر لها باشمئزاز..بصي انا مش فاضليك اوعي كدا من وشي..ثم تركها وركب سيارته
•صرخت هي عندما وجدته انطلق بسيارته وقالت..عاا استني يا قمر ادفع تمن البيض طيب..يخربيت حلاوة امك..ثم نظرت للارض وبدات بالبكاء.. اعمل اي انا دلوقتي..طول عمرك فقر يا بت يا وعد
-كان ذلك الشاب جالس ببرود وهو يضع قدم فوق الاخري..برضه يلا مش ناوي تنطق وتقول مين اللي بعتك عشان تقتلني
ابوس ايدك يا ريس انا معرفش حاجة..خرجني من هنا ابوس ايدك
-فجاة اقترب منه وامسكه من فكه وقال بصوت كفحيح الافعي..متعرفش اومال جاي تقتلني ليه..ثم تركه ووقف وهو يقول بخبث..معني كدا انك كنت عايز تقتلني من نفسك..يعني هتشيل العقوبه لوحد.. وطبعا انا بتوصي وانا بعاقب..شويه ميه مغليه ننزل جسمك فيهم مع كرباج نعلم علي جسمك شويه..ثم نظر له وقال..وفي النهاية حته سكينه صغيرة ندبحك بيها
ابتلع الرجل ريقة بتوتر وخوف..لا يا باشا ابوس ايدك
-جهز يا انس انت وفارس الحاجة عشان الراجل حرام نسيبه كدا
*ذهب انس وفارس واتوا بالمياة المغلية وقال انس..ميه مغلية اهي يا وسيم
-كان وسيم ذاهب ناحية المياة وعلي وجهه علامات الخبث..تسلموا
لكن فجاة بكي الرجل وهو يتوسل اليه..لا يا باشا ابوس ايدك هعترف بس بالله عليك ما تموتني انا لسه في عز شبابي ابوس ايدك يا وسيم بيه
-ذهب وسيم وجلس وقال بهدوء..انطق..واعترف بكل حاجة
بكي الرجل وقال..انا سيادتك عسكري..و.و
-تحدث وسيم بغضب..اخلص منا عارف
اكمل الرجل وهو يرتعش من الخوف..فحضرة الظابط هشام هددني بامي اني لو منفذتش اللي هيقولي عليه هيموتها..وهو كمان فهمني ان انت بتقتل ناس ابريه كتير وانك كنت هتقتل حضرة الظابط هشام..فهو قالي اني اقتلك..بس والله هو ده يا باشا كل اللي اعرفه..ارجوك يا باشا سبني اروح لامي واخواتي..ثم اكمل بخوف..و..وانا اوعدك اني هعتزل شغلي ومش هتشوف وشي تاني
-ابتسم وسيم بخبث وهو يقف ويذهب ناحية ذلك الشاب ويدور حوله بهدوء..مش هموتك وهيبك..ومش بس كدا لا دا انت هتكمل شغلك كمان..بس..بس دا كله مقابل انك تنفذ اللي هقولك عليه
تحدث الاخر بسرعة..وانا تحت امرك يا بيه بس بالله عليك متاذي امي ولا حد من اخواتي
-ابتسم وسيم وقال..متخافش مش هاذيهم..بس انت كدا تعجبني اسمع اللي هقولك عليه..
بعد مرور وقت كان وسيم وفارس وانس يجلسون في كافيه وهما يحتسوا القهوة
*قطع ذلك الصمت صوت انس وهو يقول..بقولك يا وسيم بتصدق انت في شغل البيوت المسكونه وكدا
-تحدث وسيم بهدوء وهو يحتسي القهوة..اكيد لا طبعا
'وانت بتسئل ليه
*وسيم انت علي كدا بتروح الريف صح..كان عندك باين اخر مهمه في الريف صح
-اهاا..ثم نظر له باستغراب..بس بتسال ليه صح
*هحكيلكم اللي حصل....وفي اليوم اللي كنت رايح فيه الريف عشان هتقدم للبنت اللي حكيتلك عنها يا فارس..كان خرج من البيت صوت كدا بسيط
'اه صح انت عملت اي وموافق علي كدا تتجوزها
*لا طبعا انا بكره الارياف اساسا.. وبعدين خلينا بس في اللي بنتكلم فيه..ثم نظر الي وسيم الشارد وقال..هاا يا وسيم تفسر اي في اللي بيحصل بما انك روحت هناك قبل كدا اكيد عرفت حاجة عنه
-نظر له وسيم بهدوء ثم قال..عارف بي حكاية البيت المسكون..ولحد دلوقتي بحاول ابحث عن معلومات عشان اعرف اي السر..قطع حديثة صوت رنيه هاتفه..فاجاب واستمع للطرف الاخر ثم هب فجاة من مكانه وهو مصدوم..ايه
"كانت ايسل ممسكه بيد شقيقتها وهي تمشي معها..فيروز انا خايفة لا تعالي يلا نمشي
_اهدي كدا يا ايسل بس لازم ندخل البيت ده فيه حاجة بتحصل مش طبيعية..ثم صمتت قليلا وقالت بسخرية.. وبعدين مش انتي قولتي اننا بنات الارياف عندنا شجاعة ومش بنصدق الخرافات
"تحدثت ايسل بخوف..لا انا غيرت راي يلا بالله عليكي نسيب الكورة هنا ونمشي
_توقفت فيروز والتفتت لتنظر لشقيقتها وقالت..ايسل لو انتي خايفة خلاص روحي امشي انتي وانا هدخل
"لا خلاص هدخل معاكي منا مش هسيبك لوحدك
_امسكتها فيروز وابتسمت لها وقالت..طيب يلا ومتخافيش طول ما احنا مع بعض
"ابتسمت ايسل وقالت..مش خايفة يلا..ثم ذهبوا وهاا هما امام ذلك المنزل المسكون الذي يثير عقول ودهشة الناس..اخذت ايسل نفس عميق وقالت..يلا ندخل..بسم الله الرحمن الرحيم..
وهاا هما يدخلون لذلك المنزل ولكن فجاة شعروا بالدوار ووجدوا تلك الكورة التي يمسكوا بها تنير وبشدة وفجاة..
-وازاي دا يحصل..ثم اكمل بغضب اكبر..طيب اقفل دلوقتي وانا جاي
'نظر فارس لوسيم وقال باستغراب..في اي يا وسيم
-تحدث وسيم بغضب..لسه متصل بيا دلوقتي اللي كان عايز يقتلني وبيقولي ان هشام قدر يهرب منه ومعرفش يراقبة..بس وحياة امي يا هشام ال..منا سايبك الا وانت محبوس
'محبوس ليه كل دا عشان اي
-اخذ وسيم هاتفة وقال..هشام بيتاجر في المخدرات والاسلحة ومفيش حد يعرف بكدا
'طيب وانت عرفت كدا ازاي
-تحدث وسيم وهو يذهب..هحكيلك بعدين
'تمام..ثم نظر الي انس الذي ينظر لهاتفه باهتمام..انس..انس
*نظر انس له بانتباه..هاا بتقول اي
'نظر فارس له باستغراب..مالك ياض
*تحدث انس بهدوء وهو ينهض..رايح الشغل عشان اكمل البيت للراجل في الريف
'تحدث فارس بهدوء وهو ينهض هو الاخر..تمام استني بالمرة اروح معاك بما اني واخد اجازة من الشغل ومنه اشوف الريف اللي انت بتقول بتكرها دي
*اوما له انس بهدوء..تمام يلا
ذهب انس وفارس الي تلك المنطقة التي تسمي بالريف
'كان انس وفارس في طريقهم فقطع ذلك الصمت صوت فارس وهو يقول..صح امال فين البيت المسكون اللي بتقولوا عليه ده
*نظر انس للمنزل وهو يشاور بإصبعه ناحية وهو يقول..اهو هن..لكن صمت فجاة وهو يدقق في المنزل
'نظر له فارس باستغراب وقال..مالك
*ذهب انس ناحية المنزل وهو يقول..فارس تعالي ورايا بسرعة ايسل واختها داخلين البيت لازم نلحقهم
'تحدث فارس باستغراب وهو يلحق به..ايسل واختها مين
*مش وقته دلوقتي..نظر انس للمنزل وهو يسرع من خطواته لكن قد فات الاوان وهاا هما قد دخلوا ذلك المنزل..فارس الحق بيا هندخل البيت
'تتدخل البيت اي بس دا مسكون..لكن لم يستمع له انس ودخل الي ذلك المنزل فلحق به فارس ولكن فور دخوله لم يجد اي اثر لاي احد..وفجاة شعر بدوار ثم وقع مغشي عليه
يتبع
#بقلم_منه_العدوي
اولا الرواية مفيهاش رعب والله يا جماعة انا بخاف اساسا من اقل حاجة😂💔
رايكم🥺🤍
تكملة الروايه من هنا
تعليقات
إرسال تعليق