مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

القصه المثيرة جدااا قد ما تحزنك حتديلك عبرة لطول حياتك تابعوني مش حطول عليكم حخلصهالكم فيومين

أب يفترس بنته 

القصة  وواقعية للعظة

الجزء الاول

انتهت مراسم زفاف رضوي نبيل الفتاه العشرينية الجميلة المغلوبة علي امرها البائسة الحزينة والتي ذاقت شتي انواع الذل والهوان  بعد ان شاء القدر واصيبت امها فايزة منذ عشر سنوات بمرض في عينيها افقدها البصر وجعلها قعيدة المنزل بعد ان كانت تعمل في احد محلات بيع الكشري ومنذ ذلك الحين تخلي عنها زوجها نبيل شعبان والد رضوي وطلقها بعد ان علم ان فايزة اصبحت دون فائدة بعد اصابتها بالعمي فقد كانت تعمل لتحضر له المال ليشتري به المواد المخدرة التي يتعاطاها دائما فهو شخص عالة لا يعمل كان يعمل سابقا في ورشة ميكانيكا سيارات وسرق صاحب الورشة وانكشف امره فطردة صاحب الورشة فهو شخص ذو خلق سئ وغير آمين حتي علي زوجته وابنته وبعد ان طلق فايزة ذهب ليتزوج من امرأة سيئة السمعه لتنفق عليه فالاخلاق والقيم لا تعنيه في شئ فكل ما يعنيه هو المزاج واللهو .. وقد تزوجت رضوي من شاب يدعي حسين صاحب مقهي بالحارة التي تقيم بها فقد اعجب بها وعرض عليها الزواج فوافقت وهما الان في شقة الزوجية ..

حسين .. نورتي عشك الجميل يا عروسة

ثم يمسك يدها فيشعر انها باردة ومرتعشة

حسين متعجبا .. مالك يا بت جسمك متلج ليه كدا وبترتعشي ؟!!

رضوي مرتبكة .. مفيش

حسين .. اها .. خايفة مني !! لا متخافيش براحتك خالص .. ولا اقلك .. تعالي نصلي ركعتين لله انا وانتي عشان تبقي بدايتنا خير وكلها بركة .. يلا بينا

رضوي .. مش هقدر اصلي

حسين .. ليه عدم لا مؤاخذة ؟!!

رضوي .. عندي نزيف من امبارح

حسين .. نعم ؟!! دا انتي اللي محددة ميعاد الفرح ولا دي حاجة طارئة ؟! انا اسمع انها بتحصل احيانا بسبب الرهبة وكدا

رضوي.. لا دي مش الدورة الشهرية

حسين .. امال دي ايه ؟!!

رضوي تنهار وتركع علي رجليها .. ابوس ايدك استر عليا الله يستر عرضك

حسين .. ثواني .. قومي كدا .. واحدة واحدة عليا وفهميني ايه اللي حصل ؟!

رضوي .. انا .. انا اعتدوا عليا

حسين .. مين دول بقي اللي اعتدوا عليكي ؟!!

 .. ما انا قلبي كان حاسس مش علي بعضك طول الفرح .. انطقي يا بت

رضوي .. هقول .. بس وحيات حبيبك النبي ما تفضحني

حسين .. افضحك !! دا انا مش هفضحك وبس دا انا هخلي فضيحتك بجلاجل واللي ما يشتري يتفرج عليكي انتي فاكراني ايه يابت ؟!! قرطاس ؟! بصلح غلطة غيري؟! ازاي مكنش باين عليكي !! اما انا طلعت حمار بجد .. ازاي مفهمتش انك من اياهم ؟! عرفتي ترسمي عليا الشرف يا بت نبيل برشامة

رضوي .. اسكت .. انا اشرف واحدة عرفتها ..

حسين .. ما هو باين .. انطقي يا بت وقولي مين اللي اعتدوا عليكي دول لأحسن اجيب خبرك

رضوي .. هنطق اديني اهوه .. بابا نبيل وعمي فاروق

حسين .. ايه ؟!! ابوكي وعمك!!  .. يخرب بيتك قولي بسرعة ايه اللي حصل?? 

يتابع

أب يفترس بنته

القصة  وواقعية للعظة

الجزء الثاني

رضوي .. حاضر هتكلم واحكيلك علي كل حاجة .. انت عارف ان ماما فاقدة البصر من عشر سنين ومن ساعتها وهي مبتشتغلش بعد ما كانت هي اللي بتصرف علي البيت وبتجيب كل طلباتنا في الوقت اللي كان المفروض يعمل ده هو ابويا .. لكن ابويا زي ما انت عارف مش بتاع شغل .. بتاع كيف ومزاج وعايز اللي يصرف عليه .. عشان كدا طلق امي وراح اتجوز من شربات اللي الناس كلها عرفة مشيها البطال عشان طبعا تصرف عليه وتجيبله الهباب اللي بيطفحه .. وانت لما جيت اتقدمت عشان تتجوزني واتفقت مع خالي علي الحاجات اللي هنجيبها والحاجات اللي انتم هتجيبوها .. احنا مكنش معانا من تمن الحاجة دي مليم واحد ومكنتش عرفة انا وامي هنتصرف ازاي ..وخالي كتر خيره ساعد باللي يقدر عليه ما هو برضوا عنده بنات علي وش جواز وبيجهزهم هما كمان .. رحت الشئون الاجتماعية والجمعيات الخيرية وكلهم حطوني في قائمة بحث اجتماعي وروتين هيقعدني لحد ما اعنس وفي الاخر مش هتجوز برضوا .. لحد ما قررت اروح لأبويا امي كانت معارضة في الاول لأنها عارفة ومتأكدة اننا مش هناخد منه حاجة لأن طول عمره عالة ياخد ميديش ومحتاج اللي يصرف عليه .. وبعد الحاح مني رحتله لقيته مش دريان ولا واعي من الخمره والمخدرات اللي بيشربها شبه فاقد الوعي .. كلمته وفين وفين لحد ما قدر يفهم اني محتاجة فلوس عشان اتجوز وقالي تعالي بعد يومين ورحت فعلا بعد يومين لقيته فايق شوية بس كان ناسي اني جيتله قبل كدا او طلبت منه حاجة .. فكرته فقالي استني دخل عند مراته اخد منها مبلغ ٥٠٠٠ جنيه وراح مدهوملي وقالي اسبوع وتعالي خدي فلوس تاني .. انا فرحت جدا ومكنتش مصدقة ان بابا هيديني المبلغ ده .. لا وكمان هيديني تاني بعد اسبوع .. نزلت صرفت المبلغ كله علي حاجة الفرح واستنيت اسبوع ورحتله .. سابني قاعدة كتير في الصالة وكان بيتكلم مع مراته وفجأة لقيت شربات جاية وقعدت جمبي وبتبصلي من فوق لتحت وكأنها بتفصصني

شربات .. مبروك يا عروسة

رضوي .. الله يبارك فيكي يا طنط

شربات .. طنط ؟!! تفي من بقك يا حبيبتي انا اكبر منك بسنتين تلاته بس .. قليلي يا شربات او يا شوشو بلاش كلمة طنط دي

رضوي .. حاضر

شربات .. بس بسم الله ما شاء الله .. حلوة وجسمك خريطة يا بنت الايه  .. بقلك ايه بدال ما انتي عمالة تطلبي من ابوكي فلوس وهو اصلا عايز اللي يصرف عليه .. ليكي عندي زبون سقع .. ليلة وهتروحي ومعاكي ٥٠ باكو .. فرصة لا تعوض

رضوي .. ايه اللي بتقليه دا يا طنط ؟!!

شربات .. طنط تاني ؟!!

رضوي .. انتي تعرفي اني انا ليا في الحاجات دي ؟!! وبعدين انا لسة بنت بنوت

شربات .. لا متقلقيش من الناحية دي اطمني هرجعك بنت بنوت تاني بعملية صغيرة وعلي حسابي كمان .. شوفتي بقي ..  عرض ومعاه هدية مجانية من عند شربات

شربات .. لا يا حبيبتي خلي العرض والهدية المجانية دول ليكي .. عشان دول سكتك .. لكن انا سكتي الحلال وهتجوز علي سنة الله ورسوله

شربات .. بقي كدا ؟!! طيب يا حبيبتي واحنا معندناش فلوس وابوكي الشحات المدهول ده محلتوش جنيه واحد عشان يديهولك دا انا اللي بصرف عليه .. شوفي حد تاني يديلك فلوس غيره يا حلوه

رضوي .. وانا مش عايزة منكم حاجة .. ربنا يهديكي .. يا طنط .. سلام

وتكمل رضوي حوارها ل حسين .. طبعا انا اتضايقت من كلامها ليا واتضايقت اكتر ان بابا كان حاضر الكلام ده ومعلقش بنص كلمة حتي !! وازاي سمحلها تقول كلام زي ده ل بنته !! المهم رجعت تاني للحيرة يا تري هكمل باقي شواري منين ؟!! لحد ما لقيت بابا اتصل بيا بعدها بيومين وكان الوقت متأخر جدا بعد نص الليل وقالي تعالي دلوقتي حالا هديلك الفلوس ورحت لقيت بابا وعمي فاروق قاعدين مع بعض وشكلهم كانوا بيلعبوا قمار وكانت مرات ابويا قاعدة معاهم بصتلي كدا بصة معجبتنيش واخدت بعضها وخرجت وقالت لأبويا كلمة انا مفهمتهاش ساعتها .. خلص وكلمني يا نبيل .. وهي ماشية حطت ايديها عند دقني وقالت .. باي يا حلوة وضحكت بصوت عالي .. مكنتش اعرف انهم كانوا عاملينلي ساعتها وناويين يغدروا بيا ..

ايه اللي حصل ؟؟

يتبع 

أب يفترس بنته كامله

القصة  وواقعية للعظة

الجزء  الثالث

رضوي.. مساء الخير يا بابا

نبيل . . مساء السعادة .. اقعدي يا رضوي .. تشربي كاس ؟

رضوي .. لا طبعا انا مبشربش الحاجات دي !!

فين الفلوس اللي قلت هديهالك ؟

نبيل .. اقعدي حالا شربات تيجي ومعاها الفلوس

فاروق .. مفيش ازيك يا عمي ؟!! ولا انتي مش واخدة بالك مني !! ايه الخمس سنين سجن غيروا من ملامحي اوي كدا ؟!!

رضوي .. ازيك يا عمي .. كفارة .. خرجت امتي من السجن ؟

فاروق .. لسة خارج طازة يدوب من كام ساعة

رضوي .. خارج من كام ساعة وجاي ملهوف علي لعب القمار !! مش القمار ده اللي كان سبب في دخولك السجن برضوا ؟!!

فاروق .. القمار دا في دمي يا بت يا رضوي .. بقي بالنسبة لي كيف

رضوي .. الله يحرق الكيف ده اللي ضيعك انت وابويا

نبيل .. سيبك منه يا بت رضوي وخليكي معايا .. انتي ليه رفضتي العرض بتاع شربات ؟!!

رضوي .. عرض ايه ؟!!

نبيل .. الراجل اللي هيدفع خمسين باكو

رضوي .. وايه لزمته تفتح الموضوع ده تاني معايا ؟!! انت عارف يابا انا سكتي الحلال ومليش في الشمال ابدا وبعدين ازاي تسمح لنفسك انك تقول لبنتك كلام زي ده ؟!! او تطلب منها طلب زي ده ؟!!

نبيل .. لا من الناحية دي اطمني .. انا معدوم الاخلاق والضمير كمان

فاروق .. وضيفي عليها انك اوطي منه مش هتلاقي ..هههههه

شربات .. لا ما انا عرفة ومتأكدة من دا كويس .. من ساعة ما ساب امي واتخلي عنها وهي في  اشد الحاجة لوقوفه جمبها

نبيل .. بلاش السيرة اللي تعكنن دي خلينا في موضوعنا .. قلتي ايه؟!!

رضوي .. قلت ايه في ايه ؟!! ما قلتلك يابا انا مليش في الشمال ولا انت الخمرة والمخدرات خلتك فقدت نخوتك ونسيت اني انا بنتك اعيبك انت وعمي ولا ايه يا عمي ؟!!

نبيل .. اخرصي يا بت انا طول عمري راجل .. وبعدين احنا ممكن نخليها يمين مش شمال

رضوي .. يعني ايه ؟!!

نبيل .. نكتب ورقتين عرفي وبكدا يبقي حلال وشرعا والصبح نقطعهم تاخدي انتي الخمسين الف جنيه وتديني عمولتي ويا دار ما دخلك شر

رضوي .. ايه الكلام اللي انت بتقوله ده؟!! انت ناسي اني مخطوبة وفرحي بعد بكرا ؟!!

نبيل .. ع الواد واد القهوجي ؟!!

رضوي .. اهو واد القهوجي ده ابن ناس وبيحبني وشاريني مهموش اصلي وفصلي ولا ابويا ايه ولا عمي ايه وقالي انا يهمني انتي

فاروق .. واحنا منشرفكيش ولا ايه يا بت ؟!!

رضوي .. يا عمي انتوا تشرفوا بلد بحالها .. اديني يابا الفلوس خليني امشي

نبيل .. ما قلتلك لما تيجي شربات

رضوي .. وشربات دي هتيجي امتي بقي ان شاء الله ؟!!

نبيل .. تساهيل .. تخلص كشف ع المريض وتديله العلاج اللازم وتيجي علطول

رضوي .. اللهم طولك يا روح وبعدين في الليلة اللي مش فايته دي

فاروق .. خدي بس اشربي شوية الشاي دول خليكي تدفي وهي حالا تيجي

رضوي .. هات .. حكم انا صدعت من كلامك الماسخ ده

وتشرب رضوي الشاي ولا تعلم ان عمها فاروق قد وضع فيه حبوب منومه وتنام رضوي بعد دقائق من شرب الشاي ..

فاروق .. البت نامت .. جاهز يا نبيل

نبيل .. حاهز يا فاروق يا مساء السعادة

ماذا حدث ؟؟   متابعة هنا عشان توصلك باقي القصة

أب يفترس بنته كامله

القصة  وواقعية للعظة

 الجزء الرابع 

رضوي في نوم عميق بعد ان شربت الشاي المذاب به حبوب منومة بعد ان وضعها بداخلة ابيها وعمها حتي يتموا خطتهم الحقيرة ..

فاروق.. ايه الحكاية ساعة عشان ترن ع الراجل ؟!! البت كدا هتفوق

نبيل.. عمال ارن اهوه والشبكة مش مجمعة خالص .. ثواني جرس اهوه .. ايه يا باشا بقالي ساعة برن عليك والشبكة مش مجمعة خالص .. انت جاي ولا صرفت نظر .. اه البت جاهزة بس متنساش تجيب الفلوس معاك وحيات ابوك .. متتأخرش لا البت تفوق.. سلام

فاروق .. لما اقوم بقي ادخلها اوضة النوم واجهزها للعريس اللي جاي

نبيل .. ماشي وانا اديني قاعد مستنيه لما يجي

ويأتي الذئب البشري ليلتهم رضوي وهي مسلوبة الارادة فاقدة للوعي جاء ليلتهمها رغما عنها بإذن من ابيها وعمها وتحت رعايتهم والقي في حجر نبيل المبلغ المتفق عليه والذي بمجرد ان رأه اخذ يعد فيه بكل بهجة وسرور وفاقت رضوي ولم تري امامها سوي نبيل وفاروق فظنت انهم هم اللذان اعتدوا عليها

رضوي .. ايه ده ؟!! ايه اللي عملتوه فيا ده ؟!! انت كنت بتضحك عليا عشان تخليني اجي لحد هنا وفي الاخر .... اه يا ولاد الكلب يا مجرمين

نبيل .. لا انتي فاهمه ....

فاروق يقاطعه .. ثواني يا نبيل .. ايوا احنا اللي عملنا كدا عشان نكسر مناخيرك .. طالعة فيها علي ايه يا بت نبيل برشامة

رضوي .. اه يا سافل انت وهو .. في اب وعم يعملوا في لحمهم كدا !! طب اقول لخطيبي ايه ؟!! دا انا فرحي بكرة ؟!!

نبيل .. قوليلي كنت ماشية في حته مقطوعة وطلعوا عليا اتنين واغتصبوني

رضوي .. انا مش هسكت انا هوديكم في ستين داهية يا مجرمين

فاروق .. يبقي غاوية تشهري بنفسك .. استري روحك وسيبك بلا جواز بلا زفت تعالي اشتغلي مع ابلتك شربات وانتي تاكلي الشهد

نبيل .. وتأكلينا معاكي حكم احنا غلابة

رضوي .. ماشي انا هوريكم

ثم تنصرف

نبيل .. ايه اللي انت عملته ده ؟!! البت فكرت ان احنا عملنا فيها كدا ؟!!

فاروق .. كدا احسن انا ليا هدف من ورا ده

نبيل .. لا مصيبة تطلع تبلغ عنا

فاروق .. متقدرش هتفضح نفسها .. كان لازم يحصل كدا عشان البت دي تتكسر .. البت دي كنز استراتيجي ولازم نحافظ عليه .. دا احنا هنشوف من وراها ايام زي العسل عمرنا ما نحلم بيها .. بس سيبني اخطط بمزاج

نبيل .. ماشي .. المزاج كله بين ايديك اهوه ..وخطط براحتم وانا انفذ

خرجت رضوي وهي تظن ان ابوها وعمها هم من فعلوا بها هذه الفعلة

 متابعة هنا عشان توصلك باقي القصة

يتبع 

تكملة الروايه من هنا هنا