مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

أب يفترس بنته 

القصة  وواقعية للعظة

الجزء الخامس والسادس الاخير

الجزء الخامس

رضوي مكنتش عرفة تعمل ايه ؟!!.. تروح القسم وتقول ان ابوها وعمها اعتدوا عليها !! وبكدا الفضيحة تبقي علي الملأ واللي ما يشتري يتفرج والناس ما بتصدق ومش هتاخد غير الفضيحة بالاضافة ان حسين هيسيبها وصعب انها تلاقي حد يفكر يرتبط بيها بعد الفضيحة .. طب ما برضوا لو سكتت عشان تتجنب شر الفضيحة حسين هيعرف وهيسبها .. رضوي في حيرة شديدة وحزن اشد .. رجعت البيت وامها حست بيها انها واقعة في مصيبة ..

فايزة .. مالك يا رضوي في اية ؟!! من ساعة ما رجعتي من عند ابوكي وانتي ساكتة مبتتكلميش !!

رضوي .. مفيش يا ماما

فايزة .. مفيش ازاي !! هو انتي فاكرة اني عشان بقيت عمية مش شايفاكي ؟!! انا شايفاكي بقلبي وقلبي بيقلي ان في حاجة حصلت معاكي ضايقتك .. هو ابوكي اداكي الفلوس ولا لا ؟

رضوي .. ما اخدتش حاجة

فايزة .. انا قلتلك انه راجل واطي وملوش كلمة .. هتتدبر يا بنتي متزعليش نفسك

رضوي تنهار من البكاء

فايزة .. في ايه يا بنتي ؟!! مالك ؟!

رضوي .. انا انكسرت يا ماما .. انكسرت وضعت

فايزة .. بعد الشر عليكي يا بنتي من الكسرة والضياع .. تعالي جمبي هنا

رضوي تقترب من امها وتضع رأسها في حضنها

فايزة  .. في ايه مالك ؟!! قولي .. ابوكي اكيد زعلك .. صح ؟!

رضوي .. ابويا وعمي دبحوني بسكينة تلمة يا ماما .. قضوا عليا خلاص

فايزة .. مش فاهمة يا رضوي .. ايه اللي حصل قولي ؟!!

رضوي .. اقول ايه واعيد ايه بس ؟!! كلام لا يتقال ولا يتحكي وان اتقال واتحكي هتبقي فضيحتي علي كل لسان والناس مبترحمش

فايزة .. انطقي يابت ايه اللي حصل ؟!!

رضوي .. ابويا وعمي اغتصبوني يا ماما

فايزة .. يا لهوي !! ايه الكلام اللي بتقوليه دا يا بت ؟!!

رضوي .. هو ده اللي حصل ومش عرفة اعمل ايه ؟!! هاين عليا اموت نفسي وارتاح

فايزة .. حصل ازاي الكلامةده ؟!! بقي كدا يا نبيل تكسر بنتك يوم فرحها !! انا قلتلك دا راجل خمورجي وحشاش ومعندوش نخوة والتاني اخوه الحرامي رد السجون .. ايه اللي وداكي عنده يا بنتي !! بقالنا سنين عايشين مرتاحين من غيره

رضوي .. اهو اللي حصل بقي .. قليلي اعمل ايه اولع في نفسي واخلص ولا اعمل ايه بس ؟!!

رضوي .. لا يا بنتي متولعيش في نفسك انتي ملكيش ذنب .. دا انا اللي هولع فيه واحرقه وهو صاحي الكلب النجس

ونعود الي حسين ورضوي فقد قصت عليه القصة وتنتظر رد فعله

رضوي .. هو دا اللي حصل بالظبط .. عشان كدا كلمتك وحاولت أأجل الفرح وانت رفضت .. انا حكيتلك الحقيقة يا حسين ومخدعتكش .. من حقك تطلقني بس استر عليا متفضحنيش وانا هقول ان احنا ما اتفقناش عشان كدا اتطلقنا .. ارجوك استر عرضي يا حسين ..

ماذا حدث ؟؟ 

يتابع الاحزء السادس والاخير 

اب يفترس ابنته

 السادس والاخير

رضوي .. قلت ايه يا حسين .. هتستر عليا ولا هتعمل فيا ايه بالظبط؟

حسين .. انا مش قادر اصدق اللي بسمعه ده !! انا حاسس اني بحلم .. في اب وعم يعملوا في لحمهم كدا .. دا القطه بتخاف علي ولادها واللي يقرب منهم تقطعه بسنانها واحنا يا بشر نعمل في لحمنا ودمنا كدا !! هي الدنيا جري فيها ايه ؟!

رضوي .. طول عمره ابويا جافي وواطي وقليل اصل .. لا يهمه عشرة ولا صلة رحم .. الا مكنش ساب امي في عز ازمتها واتخلي عننا وراح اتجوز من واحدة شمال عشان تصرف عليه

حسين .. النوع اللي زي ابوكي لازم يحكموا عليهم بالاعدام .. انا مش هسيبك يا رضوي ولا هتخلي عنك مش هطلع قليل اصل زي ابوكي لأني متأكد من اخلاقك كويس الا مكنتش ارتبطت بيكي مع اني عارف مين ابوكي ومين عمك انتي ضحية ذئب شرس وتعلب مكار اسمهم نبيل وفاروق .. من آكلة لحوم البشر ومش اي بشر .. بينهشوا في لحم اقرب ما ليهم وبما انك مش عايزة فضايح انا هحترم رغبتك لأن فعلا الستر في المواضيع اللي زي دي بيكون افضل .. لكن لازم انتقم لشرفي

رضوي .. هتعمل ايه ؟؟!

حسين .. هتعرفي هعمل ايه

رضوي .. ارجوك يا حسين بلاش تتخانق مع ابويا وعمي .. كدا الناس هتعرف وهتفضح ارجوك

حسين .. سيبيني يا رضوي لو سمحتي اخد بطاري

ويذهب حسين ليفاجأ ان نبيل قد اصيب بجلطة في المخ احدثت له شللا اقعده الفراش .. تعجب مما حدث فقد كان ينوي له شرا ولكن سبحان الله قدر الله سبقه اليه .. وعندما اقترب منه لينظر اليه ويشفي غليله وجده يردد اسم رضوي بدون وضوح ولكن حسين فهم انه يقصد رضوي

حسين .. بتقول رضوي؟!!

نبيل .. اه

حسين .. وعايز ايه من رضوي يا خثيث .. مش كفاية اللي عملته فيها ؟!!

نبيل .. والله ما لمستها .. هي فهمت غلط انا فعلا بعتها بإيدي للشيطان عشان يذلها ويكسر نفسها .. لكن ملمستهاش .. واديني اخدت جزاءي .. خليها تسامحني انا غلطان واستاهل اللي جري لي .. طول عمري كنت ندل وجبان معاها هي وامها .. وادي نهاية خثتي وقلة اصلي معاهم

حسين .. هكدب عليك لو قلتك ان بنتك ممكن تسامحك وصدقني لولا الحالة اللي انت فيها دي انا كنت قتلتك وشربت من دمك .. اتفووه

واثناء خروجه يشاهد فاروق يخرج من غرفة نوم شربات وتظهر شربات خلفة وهي ترتدي قميص نوم احمر وعندما يري حسين يفر هاربا

حسين ينظر لهما في تعجب ثم ينظر الي نبيل الذي فقد القدرة علي الحركة ويقول .. يا حول الله يارب .. استغفر الله العظيم من كل ذنب .. يمهل ولا يهمل

ثم يعود الي رضوي ليقص عليها ما حدث فتعلم ان هذا هو انتقام الله لها وتمر الايام ويشب حريق ضخم في منزل نبيل .. ليموت نبيل وفاروق وشربات بعد ان تلتهم اجسادهم النار وتتركهم متفحمين ... وتبرد نار فايزة وتعلم ان الله قد حقق امنيتها كما ارادت وانتقم لها ولبنتها وتعيش رضوي مع

حسين الذي كان لها نعم الزوج الحنون الشهم .. فسترها في الدنيا حتي يستره الله في الاخره .. هكذا قال الرسول الكريم صلوات ربي وسلامه عليه .. من ستر مسلما في الدنيا ستره الله في الاخره ... اللهم احفظ اعراضنا جميعا واسترنا في الدنيا والاخرة .. انتهت قصتي ولم تنتهي محبتي بانتظار تعليقاتكم