 |
البارت (17) بقلم ✍️ سلطان زماني
امه عاملة حسبها أنه ولد واشترو الهدوم ع الأساس ده
وهو نشر الخبر من بدري عند صحابه وكل قريبه أنه ولد
وأنه هيسميه ع اسم أبوه
وانا من اول الشهر الخامس قولتله تعالي نعمل سونار ونعرف
ده ولد ولا بنت وأمه قالت لا
وهو من كتر بخله معملش كده المهم خلفت بنوته ولما فوقت
وشفتها ردت فيا الروح وحسيت اني في حاجه اعيش
علشانها وليها
طبعا معايره منه وقلبة وش ولا اكني خلفت قرده مش حته
منه وبنته ومشفهاش غير وهو في المستشفي بس
امه سالتني هتسميها ايه قولتلها مكة
استغل اني تعبانه ومش قادره اتحرك وراح هو وأمه سمها
فاطمة ع اسم ام أبوه ..الحركة دي زعلتني وخنقتني اوووي
مش اعتراض ع الاسم قد ما هو اعتراض ع تعمدهم أنهم
يكسرو فرحتي وميقدرونيش جيه وقت السبوع
قولتله ادبح واعمل عقيقة من بخله هو وأمه مدبحش وراح
اشتري 5 كيلو لحمه وشوية فشار وسوداني وعمل سبوع
حقير زايه ..عمرو جيه هو والهام وشال بنتي وحضنها وحط
في هدومها 1000 جنيه نقطه وكان فرحان بيها اكتر من
علاء ولا اكنها بنته حتي لما كنت بتوجع وانا بولد كنت بحس
اني عينه بتدمع وواقف ع أعصابه ولولا الهام اختي كان
فضل معايا ومسبنيش
جمعت فلوس النقطه وشلتها في الدولاب كان حوالي 2500
نقطة امي وجوزها ومرات خالي وناس قرايبهم وقولت هروح
اجيب بيهم هدوم لبتي بعد كام يوم بفتح الدولاب ملقتهمش
استنيت لما علاء جيه وبقوله عليهم قالي مالك ومالهم قولتله
هروح اجيب بيهم هدوم للبت
قالي هتحيبي هدوم ليها ب 2500 ليه هي رايحه الجامعه دي لسه بشخه
بصتله بقرف وقولتله انت مالك يابارد هي فلوسك ولا انت
تعبان فيها دي نقطه ليها
قالي أنا صارف يجي 5000 في ام الولاده ده قولتله صرفتهم
في ايه.. صوته علي وقالي انتي هتحسبيني وفري رغيك ده
علشان أنا مش هديكي جنيه من الفلوس دي امه جت ع
زعقيه وبتساله قالها الهانم بتحاسبني وعايزة تاخد فلوس النقطه ليها
قالتلي تخديها ليها هي فلوسك اي حد دفع قرش دفعه ل
ابني مش ليكي ياختي
والفلوس دي ياحبيبتي هو هيردها تاني وهيجملهم بيها في أي مناسبة
كنت قاعدة برضع بنتي وانا دمي بيغلي منهم بصتلها وبصتله
وقولتله برحتك أنا هاخد فلوس من امي واجيب الي نفسي
فيه ولسه هيتكلم ويرد .قطعته وقالتلي برحتك دي بنتك
أن شاء الله تجبلها هدوم من برا
وغمزت ل ابنها أنه يسكت ويكبر دماغه ويسبني اضرب دماغي في الحيط
وانا كبرت دماغي وفتحت موبيلي كان مقفول بقاله ٤ ايام
وكلمت امي بس اتكسفت اكلمها ع فلوس وجوزها كلمني
وسلم عليا واطمن ع بنتي وقالي امانه عليكي يا وعد لو
احتجتي اي حاجه ومقولتليش هزعل منك
عيوني دمعت قولتله طبعا من غير كلام ياعمي وقفلت معاهم
الهام اختي جت وطلبت منها 500 جنيه قالتلي عايزاهم ليه
قولتلها علشان اجيب هدوم لبنتي قالتلي وهو ميجبش هدوم
لبنته ليه
حكتلها أنه اخد فلوس النقطه والكلام الي قالته حماتي
طلعت الشنطة وادتني الفلوس وانا قولتلها هدهملك وانا مش
عارفه هسددهم ازاي اصلا بس انا مش عايزة البس بنتي
الهدوم الي شحتنها دي وعايز اجبلها سلبتات وحاجات جديدة
البمبرز البخيل المعفن كان بيجيب ب ٥ ولما يخلصو يروح
يجيب ٥ تاني حته لما كانت تسخن أو تصرخ أو تحزق كانت
أمه بتعملها حاجات سخنه وتقولي هتبقي كويسه
ممنوع تكشف وانا جبت الهدوم الفلوس خلصت ومليش عين
اطلب من الهام فلوس تاني
وفي مره كنت بغسل المواعين تحت
وبنتي كنت سمعها بتعيط وانا كنت قربت اخلص عمي قالي
هطلع اجبهالك وجبها وقالي اكيد عايزة ترضع رضعيها وابقي
كملي غسلت ايدي واخدتها منه وقعدت ع جنب ارضعها
ومش وخده بالي أنه باصص عليا وسرحانه معها وبمسحلها
دموعها ومش معه خالص بعد شوية ببص حواليا وعيني جت
عليه لقيته عيني ع صدري راشقة في صدري اول ما عينه
جات في عيني.. واخد بالي اني شيفاه لف وشه وانا نزلت
الطرحه ع صدري واخد باله اني شفته خلصت واخدتها
وطلعنا وعماله ابص لبنتي وهي بتلعب واقولها ربنا يجعل
نصيبك وحظك احسن مني ولقيت عيوني بتنزل لوحدهامن
الي عملته في نفسي وفيها
يتبع .
تكملة الروايه من هنا هنا
تعليقات
إرسال تعليق