 |
البارت (24_25)
قفلت في وشه وفضلت دماغي مقلوبه ومصدعه ودماغي
هتنفجر وخوفني وقلقني ومربيلي الرعب خصوصا بعد ما
جاب سيرة مرات ابويا ..الست دي كل ذنبها في الحياة أنها
اتجوزت ابويا في آخر أيامه وبرغم كل الي عمالته معايا
عمرها ما اشتكت ولا حسيت لحظة أنها زهقت أو ملت مني
بلعكس حبها ليا وحنانها بيزيد ومتستهلش مني اني ابهدلها
قولت اكلم كريمة يمكن تحل أو تكلمه تعقله كلمت امي علي
رقمها القديم مقفول اتصلت ب اخويا رد بعد ٤ مرات وقالي
مين قولتله أنا دينا معاك رقم امي الجديد قالي أنا نايم وقفل
فضلت اشتم فيه ومتغاظة اوي وعايزة انام ومش عارفه من
كتر التفكير والقلق خدت ابني في حضني وفضلت اطبطب
عليه وصعبان عليا اوي بهدلته معايا وقولت خلاص انا هسيبه
عند مرات ابويا ع الاقل وارحمه من البهدلة والشحططة دي
لحد ما الاقي صرفه للي انا فيه وبقول لنفسي طب وانتي
ياخيبة قولت لنفسي أنا أولع بس هو حرام الصبح جت مرات
الراجل ده صحتني علشان أفطر فطرنا واختها كانت حكتلها
حكايتي وقالتلي امك فين طيب قولتلها الله يرحمها وسالتني
عن الراجل الي كنت قاعدة عنده وطلقك من جوزك ده قولتله
ده سواق ميكروباص بس انا معرفش اسمه قالتلي قعده عند
راجل غريب اكتر من اسبوع ومتعرفيش اسمه وبتبص ل
اختها معني بصتها اني كدابة وعمله عاملة ومخبيه عليهم
سبتهم ودخلت كلمت مرات ابويا مردتش وب اخويا برضو
مردش ولقيت كريم بعتلي رسالة ع الموبيل فتحتها لقيت
باعت كلام كتير خرجت ببص ع سجل المكالمات لقيت طارق
متصل بيا 30 مره قولت بس انا هكسر الخط ده وارميله
لقيته بيتصل
_ اقسم بالله انت دي اخر مره هتسمع صوتي فيها ياراجل
ياناقص ياعره انتو كده متتشطروش غير ع النسوان الغلابة
إنما أنا لو زاي كريمة ولا وحده من النسوان الوسخه الي
تعرفها مكنتش قدرت تعمل كده معها
طارق ..يابنت ..... أنا من امبارح منمتش ..أنا تعملي فيا كده
انتي الي يظلمك ويزلك ويهينك زاي الي يحبك ويقدرك
ويخاف عليكي ..انتي مبتفهميش ومتخلفه
_ انت لا حبتني ولا زفت انت كل الي بتفكر فيه تنام معايا لو
حبتني زاي ما بتقول كنت هتتمنالي الخير والراحة لو بتحبني
كنت كملت جميلك وجبتلي شغل بالحلال وشقة وكسبت فيا
ثواب إنما أنت عايزني لمزاجك وبس
طارق ..يابت انا مش بعرف اعبر واقول الي جوايا بس يعلم
ربي اني بحبك وشاريكي وعايز اتجوزك علي سنة الله
ورسوله واعملك فرح كمان وشبكة وكل الي يرضيكي
_ وانا مش عايزة اتجوزك وهو مش بالعافية ..افتكر كلامك لما قولتلي اني محدش ممكن يغصبك ع حاجه طول ما انت معايا فاكر ...دلوقتي انت الي عايز تغصبني اهو
طارق ..عايزك يابت ...انتي فين وانا اجيلك ده انا بلف من امبارح ع رجلي والعربية مسبتش شبر في البلد الي ورحت فيه انتي فين يادينا فييييين
_انهرت وفضلت ابكي واصرخ واشتمه لحد ما جيه الراجل
واخد مني التليفون والست عماله تهديني وسمعه وهو بيقوله
كل شي بالخناق الا الجواز يابني واهده ووحده الله كده
وصلي علي النبي الست جبتلي كوباية مايه بسكر شربتها
وسمعه الراحل بيقوله مفيش مشكلة ملهاش حل ودي وليه
وملهاش حد لازم كلنا نقف معها ونساعدها اعتبرها اختك
واول لما سمعته بيقوله أنا عمك ضاحي المنجد ابو سامح
اخدت منه التليفون ودخلت غيرت بسرعة واخدت ابني
وجريت زاي المجنونه وعمالين ينادو عليا ويقولي رايحه فين
وانا ولا اكني سمعاهم ولا شيفاهم وكل الي شاغلني اني اخلع
من هنا بسرعة رحت القسم دخلت سالت قولتلهم عايز اعمل
محضر خدم تعرض وقولت اسمه وقولت أنه بيهددني ووخده
بالي اني في أمين شرطة سامع ومتابع الحوار من أوله
جيت أمضي علي المحضر والامين الي بيكتب المحضر
هيديني رقم المحضر علشان لو اتعرضلي اثبت اني عملاله
محضر بعدم التعرض فيتحبس ع طول لاقيت أمين الشرطة
ده جيه وقاله اقطع المحضر ده يا امين منتصر أنا هتصرف
بصتله .طول بهيبة كده وشكلة ولبسه نضيف ..قالي انتي
مش عايزة طارق ده ميقربش ليكي تاني قولتله اه والنبي ربنا
يخليك قالي خلاص وخدني واستاذن من الأمين منتصر ده
وطلع بيا مكتبه فوق ..قالي أنا الأمين عبدالله الشايب شغال
ماسك تنفيذ الأحكام طارق ده (ع) ولا ليه لازمة انتي قاعدة
هنا عند مين قولتله كنت قاعدة عنده وكان مفهمني أنه طيب
وغلبان ولما لقيته عايز كده هربت قالي يعني منمش معاكي
قولتله والله ابدا ..سند ضهره كده واتبسط وابتسم ابتسامه
خفيفة مفهمتش قصده منها قالي طب فين شنطك وهدومك
قولتله 🥺 عنده قالي طب اطلعي استنيتي برا هخدك قولتله
تخدني فين ضحك وقالي هقعدك عند امي متخفيش لحد ما
نشوف هنعمل اي وهبقا اجبلك حاجتك هناك يلا طلعت وانا
عماله ابص عليه ومش فاهمه حاجه طلع وخدني بعربيته
وطول الطريق عايزة اقوله والنبي ما تغدر بيا انت كمان انا
مش ناقصة بس قولت يابت اسكتي يمكن يطلع ابن حلال
وكلامه صح وفعلا نزلنا ورحنا طلعنا لقيت ست كبيره خدها
ع جنب وفضل يحكي معها بصوت واطي وبعد كده طلع
فلوس وادها ل امه وسألني عايزة حاجه ونزل
يتبع ...رايكم
البارت 25
ام عبدالله عمالة تبصلي بصات مش مفهومة وبتجبني من
صوابع رجلي لشعر راسي
وقالتلي هو انتي ياختي الي اسمله حرصك وصينك العروسة
الجديدة
استغربت وقولت يابت جريها علشان تفهمي اي الحكاية
قولتله هو في قديمة قالتلي يعني عبده مقلكيش أنه متجوز
اتنين دول كانو ٣ ولسه مطلق وحده من كام شهر
قولتلها كمان كانو ٣ يالهوي ازاي وحده تقبل اني جوزها
يتجوز عليها وتعيش كده عادي
لقتها هي الي استغربت وقالتلي انتي قولتليه كده
قولتلها هو مسالنيش اصلا
بصتلي جامد وقالتلي انتي اي حكايتك يابت ومين الواد الي رجلك ده
قولتله حكاية حكاية اي وده ابني وادي شهادة الميلاد
قالتلي ايوا فين أبوه
قولتلها أنا أطلقت وهو سبهولي سكتت وفضلت تبصلي نفس
البصات المقلقه والمحيره دي
والتليفون مش مبطل رن كريم وطارق قامت قالتلي الاكل
جوه في المطبخ والحمام عندك اهو ودي اوضتك قولتله
متشكرة كتر خيرك يا امي ..بصتلي الي هو بطلي سهوكة
وشغل الصعبنيات ده سبتها ودخلت اوضتي وحسيت بيها أنها
نزلت ..كلمت مرات كريم علشان عايزة افهم منها هو بيتصل
كتير كده ليه واي الي بيفكر فيه كلمتها وحكتلي أنه قاطع
أبوه ومش بيكلم امه من بعد ما طلقني وأنه كان بيزعق مع
أبوه وخرب الدنيا أنه خلاه يطلق ويتحرم من ابنه بس هي
حسه أنه فعلا بيحبني وأنه مش بيفرق معه عيال وأنه حاله
يصعب ع الكافر وبينزل يقعد تحت في شقتي كتير وأمه
جبتله عروسة ورفض واتخانق معها ..قولتلها بس هو عمره ما
حسسني اني مهمة ولا افرق عنده
قالتلي أنا عارفه بس والله يامقصوفه الرقبة كنا لسه في
سيرتك امبارح مع اختي وقالتلي دي قادرة
ومكنتش مصدقة
اصلي ام كريم عمالة توزيع الخبر في كل حته اني ابنها الي
قرف وزهق من النسب العار واني ربنا خلصه هو منك وكلام
كتير محدش عارف الحقيقي غيري انا واختي بس
قولتلها متقوليش لحد تاني بالله عليكي خلي الناس تفهم الي
تفهموا مش فارقلي
قولتلها وحشتيني وآلله وعايزة اشوفك قالتلي وانا كمان
انتي فين وقعدة مع مين قولتلها قريب إن شاء الله لما اروح
عند مرات ابويا هبقا اكلمك وتجي نقعد شوية مع بعض وقفلت
ورديت ع طارق
طارق كده برضو يادينا بتهربي تاني مني انتي حكايتك اي
انتي عمالة تقلي مني اوي علي فكرة وانا مستهلش منك كده
_انا عايز افهم انت مش عايز تشلني من دماغك ليه ..انت بسببك ممكن تخليني اعمل حاجات أنا مش عايزة اعملها
طارق ..هتعملي فيا أي يعني اكتر من الي انتي عملاه في
ديك امي ...انتي ياشيخة مبتحسيش الي بيجري في عروقك
ده اي مايه ..مش حسه ب امي ليه ما تنهي يابت وتقولي
انتي وانا اجي اخدك ومتخفيش مش هعملك حاجه وهستنا
الزفت ال٣ شهور حاضر
_انا تعبت من كتر ما بحاول افهمك وانت مش عايز تفهم أنا
مليش في السكك دي ولا هتغصب تاني ع حاجه وانت خوفتني منك وخوفت علي ابني كمان كل يوم تطلب مني كده وتيجي تفعص وتعمل معايا حاجات بالغصب استغليت اني مليش مكان يقويني ولا ضهر اتسند عليه ولا اخ يقفلي كنت هحبك لو حبيت روحي حبيت رحتي احترمت رغبتي ساعدتني من غير مصلحة صدقني كنت هحبك اووي لو كنت شفت ده وكنت أنا الي هعرض عليك ده او هلمح بيه
طارق انتي فين يادينا
_ أنا في ارض الله حره ومبعتش نفسي ومش بتغصب علي حاجه
طارق ..يادينا أنا اتولدت لا شفت ابويا وامي ماتت بعده
بشهرين الي ربتني ستي الله يرحمها مكنش حلتي جنيه
اتبهدلت واتمرمطت علشان اعمل قرشين وقفتي في الموقف
والمهنة دي محتاجة الي قلبه جامد وليه في المشاكل الناس
الي اجبروني ع كده دي مش شخصيتي والله السجن برضو
بهدلني شوية بس انا هتغير والله ع ايدك بقا إن شاء الله
_ انت تتغير علشان نفسك مش علشان حد. وانت والله
ياطارق ابن حلال وجدع وقلبك ابيض وتستاهل كل الخير
طارق ..انتي فين بقا يابسبوسة وحقك عليا انا اسف واول ما اشوفك هبوس ع راسك
_ أنا هنزل اسكندرية
طارق ..تنزلي اسكندرية يابت بطلي هبل متمرمطنيش معاكي
طب بصي أنا اجيلك اديك الهدوم دي وحاجتك وأسلم عليكي واوصلك
_ خليهم ذكره علشان تفضل فاكرني سلام
لما فقد الامل فضل يشتم وبتعصب ويرجع يجر ناعم
ويحاول تاني يقنعني وشوية يهدد بمرات ابويا قولتله لما
تروح تخرب الدنيا هناك ابقي ادهاني اسلم عليها علشان
وحشني صوتها اوي
اول ما بدا يشتم تاني قفلت التليفون خالص
يتبع
تكملة الروايه من هنا هنا
تعليقات
إرسال تعليق