 |
البارت (26_27) بقلم سلطان زماني
عبده جيه بليل سمعه صوته قاعد مع أمه وشوية امه جت
خبطت عليا عرفتني أنه برا طلعت سلمت عليه قالي بكره
الحاجه هجبهالك أنا لسه لحد دلوقتي مكلمتوش بس أنا بفكر
ارحله احسن
هاتي رقمه هو مش لسه قاعد في الشقة القديمة بتاعته ولا
غيرها
قولتله مش عارفه وفضلت اوصفله الحاجات الي فكراها
وقالي اه هي هي
وجبت موبايلي وخد الرقم
وقالي ياريت متكلموش تاني بقا ولو اتصل مترديش عليه
في حاجه ليكي هناك غير الهدوم
قولتله لا خدني علي جنب وبصوت واطي قالي الواد ده منمش معاكي
غصبت واضايقت منه وقولتله ما قولتلك لا
ولا هو ولا غيره هيعرف يلمس شعره مني
ابتسم نفس الابتسامةالي كانت في المكتب
وقالي طيب انتي مش ناقصك حاجه ولا محتاجه حاجه
قولتله لا كتر خيرك
قالي انا سايب فلوس بزيادة مع امي لو عوزتي اي حاجه
خدي منها متتكسفيش قولتله حاضر لو عوزت حاجه هاخد
سلم عليا وباس منصور وقعد يحضنه ويلاعبه شوية ونزل
رجعت قفلت موبيلي تاني علشان كان طارق مش مبطل زن
نمت وتأني يوم صحيت الضهر طلعت دخلت الحمام وأنه
قالتلي فطارك جوه دخلت جبت الفطار وفطرنا أنا ومنصور
وبعد شوية اكلم امه وقالها اديني دينا قالي اي الاخبار الواد
هيجيلي الحاجة لحد القسم وهيمسح رقمك ومش
هيتعرضلك تاني أنا هاجي اسيبها في المدخل وانتي انزلي
خديها وابقي رني عليا رنه فعلا شوية والحاجة جت ونزلت
اخدتها وطارق لسه عمال يكلمني بس معرفتش عبده وسكت
فضلت اكنسل لحد ما عبده كلمني بليل اطمن وسألني كلامك تاني قولتله لا
وقولتله انت قولتله ايه قالي ده مراته طلعت مشتيكياه
وعليه أحكام متاخره وعليه قضية سرقة قديمة لو غضبت
عليه هخليه يدخل السجن ميطلعش منه المهم طمنيني عنك مبسوطة مع امي ولا يضايقك
قولتله لا بصراحة ست محترمة جدا ربنا يخليهالك ويحفظك يارب
قالي ويحفظك انتي كمان ليا
قولتله أنا عايزة تشوفلي شغلانه كويسة وعايز اخد شقة
صغيرة كده ع قدي أنا وابني بس يكون ايجارها قليل شوية
قالي انتي لحقتي تزهقي ياستي ارتاحي بس وان شاء الله كله سهل
المهم انتي مش ناقصك حاجه
قولتله الحمد لله كله تمام ربنا يخليك
قفلت معه وانا مش فاهمه ده بيرين ل ايه ومش مطمنه بس
قولت يابت خلصك من الحرامي البلطجي ده وانتي هنا ف
امان كلمت مرات كريم شوية ومرات ابويا
وطارق اتصالاته قلت وكريم عمال يتصل وانا بكلم مراته
قفلت معها علشان ما يشكش أو يتصل بيها بالغلط فيلقيها
ويت زاي ..رديت عليه قالي مش كفاية بقا يابنت الناس دلع
وترجعي بقا قولتله ممكن متكلمنيش تاني الا لما تعوز تتطمن
ع الواد بس غير كده متتصلش قالي طب اديني منصور
فضل يكلمه وانا عماله اقوله قول بابا وبيقول كلام بسيط
وهو عمال يضحك وبيتريق علي طريقة كلامه وسمعه في
الميكرفون بيقوله اديني ماما بقا قمت قافلة الموبيل خالص
ودخلت اتعشيت ونمنا أنا ومنصور ..
وانا هروح أنام مع منصور علشان تعبان خالص 😂😂
البارت (27) بقلم سلطان زماني
طارق كلمني تاني يوم رميت عليه علشان عايزة افهم هو اي
الي في دماغه والكلام ماثرش فيه ولا ايه
طارق ..انتي بتسلطي أمناء الشرطة عليا عايزة تاذيني
وبتعملي محضر عدم تعرض ليا هو انا يابت عدوك انتي
بتعملي في ديك امي كده ازاي وليه
لنا لقيته بيعيط ومتعصب اوووي وصوته عالي جدا قولتله
طب ممكن تهدأ انت ليه مكبر الموضوع كده والله انت حد
كويس بس أنا الي زفت لسه خارجه من تجربة هباب ومش
عايزة اتجوز وانت مصمم علي الجواز ولا اكني اخر ست في
الكون ما البنات حواليك وال١٠٠٠ من ترضي بيك وتتمناك بالله
عليكي كفايا ولو بتحبني صحيح زاي بتقول انساني واتمنالي الخير
طارق ..اتمنالك الخير ااه ماشي يادينا مش عارف ادعي
عليكي ب ايه ده جزاتي اني وقفت جنبك جمدت قلبك
ولولايا مكنتش عرفتي تخلصي منه وممكن كان زمانه جايبك
من شعرك ورجعك تاني للعيشة الوسخه الي كنتي فيها
_ انت بتعايرني اني حكتلك
طارق ..اعاير اي وازفت اي ..الله يلعن اليوم والحظة الي
شفتك فيها كان يوم اسود يادينا يوم ما شفتك
دينا ..طب ياسيدي شكر كتر خيرك ممكن تهدأ بقا وتروح تشوف شغلك
طارق ..شغلي الله يسامحك يا شيخه هو انا عاد فيا عقل
يفكر ولا دماغ تشتغل الله يسامحك منك لله يا شيخه 😭
_ وحياة اغلي حاجه عندك متعملش في نفسك كده بالله عليك علشان خاطري
طارق ..انتي اغلي حاجه يادينا وربنا انتي اغلي حاجه
قفلت السكة ودموعي بقت تنزل شلالات مش قادره أوقفها
كاتمه صوتي علشان ام عبده متسمعش ع قد الرعب الي
شفته والخوف والقلق وانا معه وع قد ما حياتي متبهدلة
بسببه وأنه لو كان سبني في حالي مكنتش لا هربت ولا
اتبهظلت ولا رحت اقسام ولا عرفت عبده وامه دي كمان
علي قد ما هو صعبان عليا ونفسي البس وانزله بس حاجه
من جوايا منعاني كان نفسي حد يحبني كده بس مش طارق
ده خالص مش هقدر كمان اصبر عليه لحد ما يتغير مش
عايزة ابني يتبهدل مع جوز ام رد سجون وحرامي وحياته
كلها مشاكل وبلاوي .
عده 10 ايام وبدا طارق ممكن يكلمني مره مرتين ومش برد
وكريم هو الي مش مبطل كلمني عبده قالي أنه هيعدي عليا
تحت انزله أنا ومنصور لبست ونزلت خدني اتغدنا برا وبقا
يعدي ع محلات الهدوم وساكت وانا بتفرج وانا ماشية معه
لحد ما قالي كل ده ومفيش حاجه عاجبتك قولتله جميلة البلد
هنا احسن من عندنا وشوارعها نضيفه
عبده ..يابنتي أنا بتكلم ع الملابس مفيش حاجه من كل الي عدينا عليهم دول عاجبتك
_ ما أنا مركزتش اوي بس المحلات هنا ماشاء الله بتجيب حاجات فخمة
عبده ..ما هو الفخم لازم يجيب من المحلات الفخمة
_قصدك عليا أنا
عبده ..اه تعالي بقا نرجع تاني وتاخد الشارع من أوله
_ أنا مش عايزة حاجه معايا كتير
عبده ..عيب عليكي بقا دي هدية والنبي قبل الهدية متكسفنيش بقا
رحنا بقا الي يحس من عيني انها عجباني يجبها ويخليني
اقسها ويشتريها فضلت أقوله كفاية وخلاص وكده كتير
ومعرفش بقا ماله
جاب كمان لبس لمنصور يمكن اكتر مني وفضل يقولي انه هو
كده مع زوجاته الاتنين ينزل يشتري مره وحده
قولتله ازاي مش بيغيرو من بعض
قالي هما اتعودو ع بعض خلاص دول الي مخلف منهم وكنت
متجوز بس مخلفتش وطلقتها قولتله كفاية عليك اتنين
قالي مش احسن ما ازني واغضب ربنا الحلال مفيش احسن
منه ودي رخصة من عند ربنا وربنا مصرح بيها ليه ما
استغلاهاش. اتكسفت وسكت ورجع قالي هو الواد ده أبوه
مبيسالش عليه قولتله لا بيسال وكل يوم بيكلمه حتي
بيحاول يرجعني وانا بصراحة بفكر ..لقيته ارتبك كده وقالي
انتي بتحبيه سكت شوية قالي بتحبيه ما تنطقي ..قولتله لا
مش بحبه اطمن شوية وقالي امال بتفكري ترجعي ليه لما
مش بتحبيه قولتله علشان ابني ميتحرمش من أبوه وبقول
يمكن يكون ربنا هداه زاي ما بيقول فتحلي باب العربية وقالي
طب اركبي اركبي ركبت وانا ختتي كلها بترتعش ومش عايزة
احسسه بخوفي عماله العب منصور واداري قلقي وخوفي ده
وصلنا نزلت قالي اطلعي وجاب الشنط كلها وجيه ورايا فوق
منصور فضل يفتح الشنط ويلعب وأمه عماله تفتح هي كمان
وتتفرج ..وده الي خدني من أيدي ودخل الاوضه وقفل الباب
وقالي بصي يابنت الناس انا عارف اني باقي شهرين والعده
تخلص بتاعتك اعتبرينا مخطوبين الفترة دي وليكي مني كل
ادب واحترام عجبنا بعض خير مرتحتيش ومعحبكيش الوضع
هسيبك ع رحتك واعتبريني ساعتها اخ ليكي واي حاجه
تعوزيها عيوني ليكي. مش هتاخر هبقا اكلمك في التليفون
اعرف ردك سلام
يتبع
تكملة الروايه من هنا
تعليقات
إرسال تعليق