 |
فيروز:بكر*هك
زين:وانا بعشق التراب اللي بتمشي عليه
فيروز:يخربيت برودك ايه دا مفيش كرامة كدة خالص
زين:يستي انا متنازل عن كرامتي مقابل حبك ليا
فيروز:ودا بعينك ي زين مستحيل احبك
زين بثقة:ماشي ي روزة بس افتكريها هتجيلي وتطلبي مني اني ارجع احبك من تاني
فيروز ضحكت بكل استخفاف:ههه بتحلم انا اطلب منك انت انك تحبني ههه لا دنتي سقف طموحاتك علي اوي
زين بنفس الثقة:تمام بس افتكريها
ومشي
دخلت عليها الام بلوم:ي بنتي مش كدة مش كل مرة تكسري بخاطره وهو ماشي دا مهما كان ابن عمك
فيروز بضيق:ي ماما مش معقول كدة دا بيجبرني اني احبه
الام بحنان:طب حاولي يبنتي حاولي ادي قلبك فرصة
فيروز:مفيش ي ماما قبول هجبر قلبي يعني انو يحبه
الام بحزن:براحتك ي فيروز
وسابتها وخرجت
____________________________________تاني يوم
فيروز:ماما ماما ماما ماما
الام: ايه ايه براحة
فيروز بفرحة:كريم ومامته هيجو بكرة يطلبو اديا
الام بقلق:ي فيروز انا مش مطمنة للولد دا ومش دا اللي هيريحك صدقيني
فيروز:ومش اللي في بالك اللي هيريحيني ي ماما وارجوكي دي حياتي وسبيني اعشها
الام:ماشي ي فيروز براحتك بس مترجعيش تندمي واعملي حسابك هنروح نزور عمك النهاردة وبالمرة نقله
فيروز بضيق:اووف ماشي ي ماما
بعد وقت الباب بيخبط
زين بغرور:مش قلتلك هترجعي بنفسك معقول لحقت اوحشك مسافة يوم
فيروز بضيق:ي ربي علي البرووووود ي ماما
امها ضحكت:وسع ي واد كدة
مشيرة:اهلا اهلا ما توسع ي زين ولا هتسبهم علي الباب
زين بص لفيروز وضحك وبعد عشان يدخلو
الام:احم احنا قلنا نيجي نقعد معاكم شوية بقلنا فترة مشفناكمش
زين:ايوا فعلا وحشتونا والله ي طنط
فيروز ببرطمة:ابو شكلك انت كل يوم عندنا اصلا
مشيرة:بتقولي حاجة ي روزة
فيروز:احم بقول البيت بعد ما اتظبط بقي تحفة ي طنط
مشيرة:تسلميلي ي حبيبتي
الام:امال فين رفعت
مشيرة:بيشتري شوية طلبات والله
الام:طيب احنا كنا جيين نقله انو بكرة قراية فتحت فيروز ولازم يكون موجود
زين بصدمة:نعم قراية فتحت مين
الام بحزن: فيروز ي حبيبي عقبالك
زين فضل يبص لفيروز بوجع وقهر وقلب مكسور
فيروز حست بوجعه حبت تفكه ويارتها ما اتكلمت
فيروز:احم طبعا انت لازم تكون موجود اول واحد ي زين انت اخويا الكبير
زين ضحك بوجع وكسرة:ايوا فعلا انا اخوكي مبروك ي فيروز الف مبروك عن اذنكم بس عشان عندي ميتنج اون لاين
وسابهم ودخل اوضته وقفل عليه
فيروز كانت حثا بوجعه في قلبها هي وكانت مضايقه اوي
بعد اسبوع
في بيت فيروز
الكل موجوده بيظبطو البيت عشان الخطوبة وفيروز في اوضتها ومع اصحابها بيظبطولها الميك اب
سارة:مالك ي فيروز
فيروز بتوهان:مالي
مريم:مالك ايه ي بنتي بقي دا منظر واحدة خطوبتها كمان شوية
فيروز ضحكت بخفة وتصنع:توتر بقي وكانت بتحاول طول الوقت تبتسم عشان محدش يلاحظ حاجة
دخلت مامتها ووقفت عند الباب وبصت لانعكاس صورة فيروز في المرايا بعدم راحة وقلبها مش مطمن وفيروز مش ملاحظة وجود مامتها وسرحانه
الام:ها ي بنات قربتو
هايدي:خلاص ي طنط بنفنش
فاقت فيروز علي صوتهم
وقبل ما مامتها تخرج
فيروز بسرعة:ماما
الام بصتلها:نعم ي حبيبتي
فيروز بأرتباك:هو زين جه
الام بحدة وبتجز علي كلامها:طبعا وواقف مع الناس من بدري مش في مقام اخوكي الكبير لازم يكون موجود
فيروز بلعت ريقها بصوعبة وبتحاول تبتسم
بعد مرور كام ساعة
الكل خرج برا والكل جاهز مفيش غير فيروز في اوضتها لوحدها ولسة هتخرج
بصت لنفسها في المرايا وعنيها اتملت دموع
فيروز حطت اديها علي قلبها:بس بقي كفاية كفاية وحاولت تظبط نفسها وخرجت برا الاوضة لقيت كريم مستنيها
كريم بأبتسامة:قمر حياتي كلها
فيروز ابتسمت بهدوء وشبكت اديها في اديه وخرجو
والكل زغرط وكانت عيون فيروز بدور علي حد معين
وقعدو علي الكراسي وكريم عمال يقول لفيروز يقومو يرقصو وهي مش راضية
بعد وقت قصير
فجأة ظهر زين واتكلم ببرود في المايك
زين بأبتسامة كلها وجع وكسرة:اول حاجة الف مبروك للعروسين وربنا يكرمهم تاني حاجه مبروك لروزة بنت عمي واختي الصغيرة زي ما بتقول وعايز اقلها اني بحبها اوي اوي اوي زي اختي بما ان أنا اخوها الكبير ها ي روزة مبروك مرة تاني وساب الميك وفضل يبصلهم
وفيروز عنيها اتملت دموع وعمالة ترفع وشها لفوق عشان دموعها متنزلش وطول الوقت مركزة مع زين خاصة ان في بنت كان وقفة معاه طول الخطوبة
بعد ما الخطوبة خلصت والكل مشي وكريم فضل يتحايل علي فيروز عشان يخرجو وهي رفضت بحجة انها مصدعة وتعبانه
بعد ما الكل مشي
فيروز دخلت اوضتها واترمت علي السرير بالفستان والشوز والطرحة وفضلت تعيط علي ما اخر ما عندها هي مش عارفه بتعيط علي ايه ولا علي مين بس بتعيط
(سعات كتير بنختار حاجة رغم ان الكل بيحذرنا منها بس بردو بنصمم ونخترها وبنرجع نندم ونضطر نكمل فيها رغم انها شر لينا بس عشان الناس متتكلمش علينا ويبقي شكلنا وحش)
تاني يوم الصبح
فيروز صحيت من النوم جسمها كله مكسر وعنيها وارمة ولبسها اللي نامت بيه
حاولت تقوم ودخلت اخدة شاور وظبطت نفسها وخرجت لقيت مامتها بتلبس
قربت منها
فيروز:علي فين ي ماما من الصبح كدة
الام:زين ابن عمك رايح يجيب شبكته النهاردة وصمم اني اروح معاه
فيروز بصدمة وذهول:هو زين خطب اصلا!!
الام:....
يتبع...
انتظروا الجزء التاني بعد قليل ♥️
البارت التاني من هنا
تعليقات
إرسال تعليق