 |
سكريبت❤بقلم سولييه نصار❤
-عماد انا بحبك....بحبك اووي
قالتها وانا حاسة قلبي بيدق جامد ومش قادرة اخد نفسي ...كنت متوترة وفرحانة في نفس الوقت اخيرا اتشجعت واعترفتله...
ابتسم ابتسامة غريبة والابتسامة اتحولت لضحكة خوفتني شخصيا وفجأة لقيت كل اصحابه جايين يضحكوا كمان معاه ...واحد صاحبه صفر وقال:
-عاش يا عماد كسبت الرهان .
بصتلهم بغب*اء مكنتش فاهمة ايه اللي بيحصل بالضبط ...بصلي عماد بشماتة وقال وهو بيبصلي من فوق لتحت :بقلم سولييه نصار
- انتي فاكرة ان واحد زيي يبصلك انتي ؟!!انتي !!!بتحلمي يا ماما ...انتي مشوفتيش شكلك في المرايا ولا ايه ...انا عماد نجيب دنجوان الجامعة ابص لواحدة زيك ...يا حبيبتي ده انتي شبه اصحابي الولاد وهما احلي منك كمان دوول فيهم انوثة عنك
-عماد.
قولت بصوت مخنوق وانا بعيط ...كنت حاسة قلبي بيتكسر ...بيتفتت ...انا عارفة اني شكلي مش حلو وان مستحيل حد يحبني ...بس عماد هو الوحيد اللي شاف طيبة قلبي بس طلعت غلطانة ....
طلعت من شرودي لما عماد اتكلم وهو بيضحك وقال :
-لما اصحابي راهنوني اني اوقعك في حبي واخليكي تعترفي قدام الكل مكنتش مصدق حظي ...لانك انسانة سهلة وما صدق تلاقي حد يبصلك او يهتم بيكي هتجري عليه علطول
..
-يعني انت مبتحبنيش ؟!
قولتها وانا منهارة من العياط
ضحك بتريقة وقال:
-احبك ايه يا ماريا فوقي يا حبيبتي انتي كنتي مجرد رهان ...راهنت انا واصحابي علي خمسين جنية اني هخليكي تعترفي قدام الكلية كلها انك بتحبيني واهو اعترفتي وانا كسبت ...
قربت منه وانا بعيط وبقول :
-حرام عليك انا عملتلك ايه ...أذيتك في ايه بس يا عماد ...انا حبيتك
حسيته اتوتر فجأة وبدأ يحس بالشفقة بس رجع قناع البرود تاني وقال؛
-الموضوع مش شخصي يا ماريا ده مجرد رهان متزعليش...ده يعلمك بعدين ان تاخدي بالك ومتبقيش غبية ....انا بنورك
مسحت دموعي وبصتله بإنكسار ....وبصيت حواليا لقيت الكل بيبصولي ...اللي بيبصلي بشماتة واللي شفقان عليا ....اتمنيت في الوقت ده اني ام*وت او تنشق الأرض وتبلعني ...حطيت وشي في الارض ومشيت وانا بعيط ...كنت سامعاهم من ورايا بيضحكوا...بيضحكوا علي هبلي وسذاجتي ...كان لازم اعرف ان واحد زي عماد مستحيل يبص لواحدة زيي ...بس انا غبي*ة جريت ورا احلام فاضية وانا اللي قلبي اتكسر ...خبطت في واحد فوقعت كتبي....اعتذر ونزل يلمها بش انا مستنتش ومشيت ركبت تاكسي وروحت وكنت سامعاه بيناديني عشان يديني الكتب...روحت البيت وانا منهارة ...خبطت علي الباب فتحتلي امي وكانت متوترة وقالت:
-ايه اللي عملتيه بس ده يا ماريا ..
بصتلها بدهشة فجأة لقيت ابويا شدني وض*ربني بالقلم وزعق:
- مفيش كلية من بعد النهاردة
-بابا
قولتها بصدمة وانا بعيط
راح رامي التليفون في وشي وقالي اتفضلي ايه اتبعتلي علي الواتس ..هي دي التربية اللي مربيهالك ...وعلي الواتس شوفت الكارثة !!!
يتبع
#عشق_ماريا
#سولييه_نصار
الجزء التاني ❤شكرا على تفاعلكم السكر زيكم💙بقلم سولييه نصار❤
بصيت علي الموبايل ولقيت الفيديو بتاع لما كنت يعترف لعماد واهانن*ي عليه ....بصيت لبابا بخوف لقيته غاضب ...بابا عمره ما غضب بالشكل ده ولا مد ايده ....عرفت ساعتها اني خ*ذلته لما خليت واحد ميسواش يع*يب علي تربيتي
-اتفضلي ادخلي يا ماريا اوضتك مفيش كلية بعد النهاردة ...انتي هتبقي في البيت لحد ما تتجوزي
-بابا
قولتها وانا مصدومة بس هو بصلي ببرود وقال:
- علي اوضتك
روحت اوضتي جري وقعدت علي السرير وانا بعيط ...كنت م*قهورة ...انا عارفة اني غلطت بس مش لدرجة بابا ي*دمر مستقبلي!!!! ...ساعتها ك*رهت
عماد ...ك*رهته علي قد ما حبيته ...كان نفسي اوج*عه زيي بس انا كنت أضعف من اني اعمل كده ...عشان كده قررت معملش حاجة لان دلوقتي في حاجة اهم ...لازم اقنع بابا ان اكمل تعليمي ...انا بحب دراستي جدا ومش معقول بعد اللي عملته عشان ادخل كلية أسنان يجي كل حاجة ت*دمر كده
......
بعد ساعة
دخلت ماما عليا وهي شايلة صينية الاكل ....
حطت الصينية علي الترابيزة فقربت منها وانا بعيط وقولت:
- ماما ابوس ايديكي ...ابوس ايديكي ساعديني مينفعش اسيب الكلية حاولي اقنعي بابا ...
-ابوكي مش هيخليكي تسيبي الكلية يا ماريا ده كلام قاله في لحظة غضب لما واحدة من اصحابك بعتت الفيديو ده ليه ...
-مين اللي بعتت الفيديو يا ماما
-مريم صاحبتك
ودي كانت صدمة تانية ليا ...كانت اكبر من الاولي ...عمري ما توقعت ان اللي اعتبرتها اختي تخ*وني بالشكل ده ....
دموعي نزلت فجأة لقيت بابا دخل وقرب مني وحضني وقال:
- اللي زعلني انك ك*سرتي نفسك بسبب واحد ملوش اي لازمة ...ليه يا ماريا
بكيت وانا بقول :
-افتكرت اني من حقي احب ....بس هو عنده حق كان لازم ابص لنفسي الاول
- حبيبتي انتي جميلة ...جميلة اووي بي جمالك متخبي ....اوعي تف*قدي ثقتك في نفسك بالشكل ده ....اوعي يا ماريا ....ارجعي الجامعة بس قبل كل تصرف تعمليه فكري فيه ....م*توجعيش قلبك يا ماريا مفيش حد يستاهل ...ابعدي عن الشاب ده واثبتي للكل انك اقوي منهم ...عايزة بكرة اشوف ماريا تانية ...واحدة واثقة من نفسها ...مركزة في دراستها ...عايزاكي ترفعي راسي ...
مسكت ايد بابا وبوستها وقولت :
-اوعدك يا بابا اني هخليك ترفع راسك متقلقش
حضني وباس راسي وبعدين طلع ومشي ومشيت ماما وراه وقفلت الباب ....
اتسطحت علي السرير وغمضت عيني وانا مش مصدقة ان ده حصل معايا ...الاول عماد ورغم حبي ليه متصدمتش زي متصدمت في مريم ...مريم اللي دايما اقول عليها اختي..فجاة جات رسالة علي تليفوني علي الواتس ...فتحتها ولقيت رسالة من مجهول بيقول ان خطوبة مريم وعماد بعد اسبوعين!!!!!
يتبع
#عشق_ماريا
#سولييه_نصار
تفاعلوا عشان نخلصها النهاردة❤
تكملة سكريبت من هنا هنا
تعليقات
إرسال تعليق