 |
# فارس #احلامي
#رانيا #محمود
حلقة السادسة
نهله كانت سمعه اللي الكلام فارس و بتبكي على الحب الكبير اللي بيضيع وكانت هتموت على صديقه عمرها
فارس مشي و مستناش رد فعل ساندي ... نهله انتظرت خروج فارس ودخلت علي ساندي الاوضه
نهله :- عنده حق على فكره لازم تفوقي
ساندي بعيون حزينه و مكسوره :-.اااانا ...
نهله مقاطعه .-: أرجوكي كفايه اللي انتي عملتيه في نفسك كفايه بجد ...ياما حذرتك... بس على رأي فارس مش وقت لا لوم ولا عتاب..... نفوق ونجيب حقنا الاول وبعدين نتكلم
ساندي بصراخ هستيري :-.يعني عاوزني اعمل ايه دلوقتي ...انا مش عاوزه شفقه من حد ..طالما انا بقيت عار و عديمه الشرف خلاص انا هريحكم مني
نهله بتحضن ساندي :_ بس كفايه اهدي يا حبيبتي..مالوش لازمه الانهيار اللي انتي فيه..اهدي كده و نامي و بكره الصبح انشالله تكلمي فارس علشان نشوف هو ناوي على ايه وبعد كده كل حاجه هتبان في وقتها
ساندي بخوف و قهره -: متسبنيش يا نهله انا خايفه ...
( وتتمسك بنهله و تستخبي في حضنها .ذي الطفل لما يكون في حضن أمه )
نهله -: متخافيش محدش هيقدر يأذيكي تاني ..خلاص احنا مع بعض ..مش دايما كنا بنقول كده ..اننا مع بعض و مافيش حد هيدخل بينا ...حقك عليا يا ساندي .كان لازم اقف جنبك اكتر من كده
ساندي -: انتي اللي بتقولي كده ..دا انا اللى المفروض اتأسفلك ..عندك حق انتي ياما كنتي بتحزريني من الطريق اللي كنت ماشيه فيه ...وأنا بغبائي كنت معميه عن الحقيقه .اللي كانت واضحه ذي الشمس ..كنت عارف وحاسه
مين اللي بيخاف عليا و مين اللى عاوز يضحك عليا ....
( تدخل ساندي في نوبه ضحك هستيري )
ساندي ولازالت تضحك و عيونه مثل الدم -: تعرفي .تعرفي يا نهله الحيوان ده قالي ايه علي بابا .. ابن حرامي البنوك بيقولي ان بابا هو اللي حرامي البنوك .. مش كفايه أبوه موت بابا بقهرته لت كمان من بجحته عاوز يدمر سمعه ابويا حي و ميت ...شوفتي قذاره اكتر من كده ...لا و كمان شوفي حكمه القدر عليا ..انا كنت عاوزه انا اللي اهزم عيسي واتجوز ابنه و ارجع فلوس أبويا ..ينقلب الحال وابنه ياخد شرفي و ابوه يتمتع بفلوسي ....اااااه علي الوجع يا نهله آآآآآآه ياقلبي مش قادره
(لا تعلم نهله ماذا عليهة ان تفعل ...كل هذا الألم الذي تتحمله ساندي لا يقوي عليه بشر ... رحماك يا الله )
تظل نهله بجوار صديقتها حتي ان هدأت و ابتدي تأثير المنوم يظهر مفعوله تجاه ساندي..فتلك المسكينه لم تنم طوال يومين ...كانت تبقي و تصرخ فقط ...والآن هدات ..لعل قلبها يهداء هو الاخر مثل جسدها
..تاني يوم
لم تنتظر نهله استيقاظ ساندي واتصلت هي بفارس
نهله -: صباح الخير يا فارس عامل ايه النهارده
فارس -: صباح الخير..تفتكري المفروض اعمل ايه
نهله -: و بعدين يا فارس ..انت لازم تكون اقوي من كده ما ينفعش ساندي تلاقيك مهزوم و مكسور ذيها
فارس -؛ سااندي.....ياااااه الله علي الكسره اللي انا فيها ..انتي متعرفيش النار اللي جوايا عامله اذاى
نهله -: نار من ناحيه ساندي ولا اسامه
فارس -: تفتكري المفروض تكون من ناحيه مين
نهله -: مش وقته الغاز يا بشمهندس..انت المفروض تقرر هتقف جنب ساندي البنت اللي حبتها ولا هتقف جنب بنت خالك ولا مش ناوي اساسا تكون جنبها..علي فكره انا سمعتك امبارح وانت بتقولها يا بنت خالي ..بس طبعا انا قولت ان ده من تأثير الصدمه و انت كنت مش في وعيك ..واكيد لما تنام و تفوق و تفكر ..الموقف هيكون واضح قدامك ...
فارس -: انتي عاوزه ايه يا نهله ..ليه محسساني اني ندل و هسيب ساندي لوحدها في المصيبه اللي هي فيها و اهرب
نهله-: انا اسفه يا فارس لو سوء الفاهم ده هو اللي وصلك ..انا كل الحكايه عاوزه اطمن علي صحبتي ..انت ناوي تعمل معاها ايه ..وكمان بعد اذنك كنت عاوزة اعرف هل الجماعه في المزرعه عرفوا أو هيعرفوا حاجه
فارس -: انتي اتجننتي عاوزاني أفضح ساندي حتي عند امي واخواتي ..لا يمكن ابدا علي جثتي حد يعرف حاجه
(نهله ابتسم واتأكدت ان فارس لازال يحب ساندي أو علي الاقل لم يتحول حبه لكره لها ..ظل في داخله ولو قليل من الحب حتي وإن لم يكن قوي مثلما كان )
نهله -: كنت متأكده انك راجل بجد ....المهم احنا مستنينك ياريت متتاخرش
فارس -؛ هي ساندي قررت ايه
نهله -: ساندي اساسا مصحيتش من امبارح بسبب المنوم اللي الدكتوره كتبته ليها ...و لو يا فارس هتستني لما ساندي تفكر و تقرر يبقي هتستني عمرك كله ..ساندي حاليا في فتره صدمه و مش اي صدمه ..ده كفيله انها تدمر حياتها الجايه..هي حاليا مش عارفه مصلحتها ولا عارفه هي عاوزه ايه ..بس هي وأنا بنثق فيك ...خليك جنبها ذي ما دايما معودها علي كده ...متسبهاش وهي في اكتر وقت هي ضعيفه فيه ..حتي لو قررت متجوزهاش..ده حقك و قرارك بس خلي صله الرحم و رابط الدم اللي بينكم هو الحاجه القويه الي ربطاكم
فارس -: مافيش داعي لكل الكلام ده يا نهله ..انا فعلا مش عارف افكر ولا اخد قرار في حاجه و دماغي مشتته تماما ..انا قدامي ساعه واكون عندكم ..ياريت اجي الاقى ساندي صحيت ..و الله فيه خير يقدمه ربنا ...
نهله -: جميل اوي كده و ساندي مش عاوزه اكتر من وجودك جنبها ..تحت أي مسمي ....مش هنتكلم كتير..احنا مستنينك
نهله اتجهت لغرفه ساندي لتوقظها -: ساندي يلا قومي انتي بقالك 12 ساعه نايمه ..انا هفتح الستاير يلا يا بنتي
ساندي بخمول -: سبيني يا نهله انا مش عاوزه اصحى
نهله -: فارس قدامه ساعه و يكون هنا ..ماينفعش يجي و يلاقيكي ذي ما انتي لسه في سريرك من امبارح..يلا علشان حتي تاخدي شاور و تغيري هدومك
ساندي اول ما عرفت ان فارس جاي قامت من علي السرير و اتخضت جدا جدا وقلبها دق بسرعه ..نهله لاحظت خوف و ارتباك صاحبتها
نهله-: مالك يا ساندي ايه الخوف و الرعب اللي في عينك ده ..انتي كويسه
ساندي -: هو فارس جاي ليه
نهله بإستغراب -: يجي ليه ؟! انتى غريبه اوي ..انتي ناسيه اللي قلهولك امبارح ولا ايه
ساندي تبكي و تضع كفايها علي راسها -: ما المصيبه اني مش ناسيه قال ايه ...انا عارفه هو هيجي يعمل ايه ..
نهله -: يا سلام حضرتك بتعرفي في علم الغيب ..ولا حابه تعيشي جو الكآبه ..من فضلك قومي خدي دش محترم وغيري هدومك
ساندي -: حاضر هعمل كده ..بس انا بقولك اهو ان فارس هيجي هنا علشان انا بنت خاله وبس ...انا خلاص نزلت من نظره ..ضيعت نفسي و ضيعت من ايدى اجمل واطيب انسان في الدنيا...
نهله نظرت لصديقتها بمنتهى الحزن و الاسي وهي حقا لا تعرف كيف تطمأنها..هل فارس سيفعل ما قالته ساندي...
فارس اخد عربيته و راح الفيلا ومافيش في دماغه أي شئ غير أنه لازم يقف جنب ساندي وبس
..وصل فارس الفيلا...و كان واقف قدام البوابه كتير..كان خايف من نفسه انه يضعف و يسيب ساندي ..ولو ده حصل هو مش هيقدر يسامح نفسه ...ولا هيقدر يبص لنفسه في المرايه ..قرر في لحظه أنه يواجهه خوفه و اتصل بنهله تفتح البوابه ...و دخل فارس الفيلا و خرج من جواه تفكيره اي مشاعر سلبيه
نهله -: اهلا يا بشمهندس. اتفضل ...كويس انك جيت دلوقتي..حماتك بتحبك .الفطار جاهز
فارس -: لا فطار ايه ماليش نفس خالص
نهله -: يووه بقي .انتي تقولي ماليش نفس و الهانم التانيه بردوا تقولي ماليش نفس ..يعنى ايه هاكل لوحدي...
فارس -: هي ساندي صحيت
نهله -: ايوه بعد ما قفلت معاك .صحيتها و بحاول من وقتها انها تاكل بس هي رافضه ..دي ما بتاكلش من يومين ..دي عايشه علي المحاليل وبس
فارس -: طيب هتعبك معايا يا نهله ..معلش حضري الفطار و انا هطلع اجيبها و نفطر مع بعض
نهله -: عشر دقايق و الفطار هيجهز و ساندي مش في اوضتها .هتلاقيها قاعده علي الكنبه هناك في الجنينه
فارس دخل الجنينه .و كانت ساندي نايمه على الكنبه بإستسلام كبير
فارس -: صباح الخير ..انا سمعت انك رافضه الأكل
ساندي اعتدلت و جلست على الكنبه -: صباح الخير يافارس
فارس -: ممكن لو سمحتى نفطر مع بعض .نهله جهزت الفطار وانا ميت من الجوع ..ياريت تفطري معانا ...( بيمد ايده لساندي ) ممكن ..
ساندي وبالفعل قامت معاه ووضعت كفها الصغير بكفه ...شعرت برعشه صغيره تسري بجسدها النحيل وكأنها اول مره تلمس فارس ... قامت معه و قررت أنهاتفطر معاه لأن ساندي قررت أن اي شي يطلبه فارس منها هتوافق عليه فورا من غير نقاش حتى لو طلب منها أنه يتجوزها أو حتى تقتل نفسها هي مديوناله بالكتير
تناولي طعام الإفطار في سكوت قاتل ..لم ينطق احد .نهله وساندي اكتفوا بالنظرات بعضهم لبعض مره و لفارس مرات كثيره .أما فارس فكان يأكل ببطء و كأنه يجد صعوبه في بلع الطعام .لكنه لم يرفع عينيه عن طبقه
بعد انتهاء الإفطار
جلس فارس أمام وكان ده اول شي يطلبه منها
فارس :_اقسم بالله يا ساندي لو فضلتي بمنظر الاستسلام ده لقتلك انا وبإيديا دول وبدم بارد فاهمه ولا لأ
..وكان يتكلم بصوت عالي مخبي ورأه حزن والم لايحتمل .
ساندي عدلت نفسها ونزلت رجليها على الأرض بدل وضع النوم على الكنبه اللي كانت فيه ... قعدت بشكل مستقيم ورفعت وشها لفوق كأنها استمدت القوه من كلامه أو لأنها خائفه فعلا من تهديده حتى نهله ارتجفت هي الاخر وجلست مثل صديقتها
فارس اخد نفس طويل و كأنه يحاول ان يبحث عن الهواء ووجدهبصعوبه
فارس :_بصي بقى قوليلي كل حاجه بالتفصيل الممل كل التفاصيل
ساندي بعيون مليانه دموع و صوت مدبوح-: معرفش ليه حصل اللى حصل ..أسامه كان مبين لي انه هيموت و أوافق اتجوزه ..و انا اللى كنت عماله أرفض...كنت بعزز من نفسي وانا اللي كنت بحاول انصب له فخ علشان يجي يترجاني اتجوزه بعد ما يقع في حبي ..كنت عاوزه ارجع فلوس خالك مرخ تانيه من عيسي المصري عن طريق ابنه ... وبعد كده اتحول تمام ..كان بيطلب اننا نعقد لوحدنا ..مره يقولي تعالي عندي في القصر و مره تعالي نروح شاليه السخنه و مره نطلع الساحل ..وأنا كنت برفض و ماكنتش ابدا مفكره أنه ناوي اي حاجه غير الجواز
تدخل ساندي في نوبه بكاء و تحتضنها نهله..
نهله -: اهدي يا حبيبتي. خدي اشربي ..و بعدين كملى
ساندي-: انا هديت خلاص متخافيش .... ( تنظر امامها مباشرا و كأنها تتذكر ما حدث *) في الليله المشؤمه..طلب منى نسيب ال Night club و نتعشي في مطعم على النيل
روحت معاه و كان حاجز فعلا في مطعم هو جوه أوتيل..بعد شويه الجرسون جاب عصير و كان في الكأس خاتم الماس و قالي ان ده خاتم الجواز و كرر طلبه بالجواز ..طبعا فرحت ان خططتي ماشيه ذي ما انا عاوزه ..بعد ما شربت العصير ما حستش بحاجه ..دماغي كانت مشوشه تماما ..حسيت بيه بيسندني وأنا ماشيه جانبه بس مش عارفه اتكلم ولا حتي مركزه في اللي بيقوله .فاجاه الدنيا ضلمت و معرفش اذاي دخلت اوضه في الاوتيل ولا اذاي طلعت معاه ..ماحستش بنفسي غير وانا صاحيه الصبح و شوفت المصيبه اللي وقعت نفسي فيها
ساندي تبكي هذه المره بجنون و لا تهدأ أما فارس اغمض عينيه و جز علي أسنانه ليتمالك نفسه و يكتم غضبه ...
فارس -: كفااااااااااااايه عياط بقي.......كملي
ساندي :_انا مش عارفه هو عمل كده ليه ماكنش كده خالص معايا بالعكس بين يوم وليله اتبدل حاله...و من قذرته قالي انه صور اللي حصل و قالي ..لو طلبتك و ماجتليش تانى هنشر الفيديو علي الميديا و افضحك ....و لما قولتله ليه عملت كده ..الحقير قالي اذاى اتجوز واحده ابوها حرامي سرق فلوس قرض البنك و ان باباه هو اللى سد القرض ده و اني من عيله ماشرفهوش....
فارس قام من مكانه سبهم ومشي من غير ما يعلق أو يبن اي رد فعل...عقله مش قادر يستوعب ولا يتخيل اللي سمعه
كان بيفكر في كل كلمه قالتها ساندي ..
تاني يوم كان عند ساندي و نهله
فارس -: ساندي اذيك النهارده عامله ايه
ساندي -: لسه عايشه متقلقش
فارس -: اسمها الحمدلله يا ساندي ..و من فضلك الف مره قولتلك بلاش الروح الانهزاميه دي ..انتي محتاجه تكوني اقوي من كده ..
ساندي تنظر لفارس دون ان تتحدث
نهله -: انا هعمل حاجه اشربها تحبوا اعملكم معايا إيه..
فارس -: انا هشرب قهوه مظبوطه ..
ساندي -: لا انا مش عاوزه حاجه
فارس -: شوفي انا فكرت في كلامك امبارح ..بس فيه حاجه مش عارفه استوعبها ...انتي قولتي ان اسامه كان عاوز يتجوزك و انتي اللى كنتي بترفضي في الأول..طيب ايه اللي خلاه يغير موقفه كده ..و مين قاله علي موضوع باباكي و حكايه فلوس البنك ..هل أبوه كان عارف ان ابنه عاوز يتجوزك
ساندي -: هو قالي انه لسه مافتحش والده فى حكايه ارتبطنا ...والله ما انا عارفه حاجه
فارس -: طيب انتوا سمعتوا ايه عن اسامه ده من الناس اللى حواليه ..يعني مثلا بتاع بنات او بيشرب أو بيلعب قمار ..اي حاجه من دول
نهله -: بس بصراحه انا كل اللي سمعته عنه انه شخصيه جاده و ان جو السهر و الحفلات ده مش جوه ..بالعكس هو ابتدي يخرج من وقت ما ظهرت ساندي فى حياته ..يعني علشان يعرف يشوفها وكده
ساندي ..فعلا انا ماسمعتش عليه اي تعليق سلبي ..علشان كدم انا مش فاهمه هو عمل ليه كده معايا ...انا هتجنن..
بكاء ساندي كان مع كل كلمه و كل حرف تقوله ..كان بكائها يعتصر قلب فارس لكنه لا يعرف ما الذي يجب فعله
فارس -: و بعدين بقى..يعنى اقوم امشي ...انا فعلا ماشي ( وينهض فارس )
ساندي بتمسح دموعها -: خلاص خلاص انا سكت اهوو
فارس -: لا خلاص انا فعلا ماشي ...يلا سلام
انصدمت ساندي من رد الفعل لكنها لم تتكلم
اسامه سايق العربيه و بيفكر في كلام ساندى و مستغرب من اللي حصل عاوز يعرف اسامه ليه عمل كده وقرر أنه لازم يواجهه بس الاول هيحاول يراقبه يمكن يوصل لأي حاجه تفيده وفعلا أسبوع كامل مش بيعمل حاجه غير أنه يراقبه باستمرار بس لاحظ ان اسامه مش شخص مستهتر وبتاع بنات فيه حاجه مش فاهمها ...اسامه كان من بيته لشركه والده ... شغل وبس حتى أنه مش بيسهر زي ما كان مع ساندي في الأول وكأن فيه سر وكان لازم يفهم وقرر أن حان وقت المواجهه .....في يوم كان قدام بيت اسامه و طلب من الأمن أنه عاوز يقابله وأن فيه ميعاد سابق دخل وبلغوا اسامه بس هو استغرب لأن مايعرفش حد بالاسم ده وما فيش مواعيد بس قام يشوف مين الشخص ده من باب الفضول
اسامه باقتضاب .-:..أهلا وسهلا يا استاذ
فارس :_..أهلا بيك ...شوف يا أسامه انت ماتعرفنيش وأنا هدخل في الموضوع على طول((ساندي عبد الحميد خليل))
اسامه اتخض وارتبك وفارس لاحظ ده
ولسه اسامه هيتكلم فارس قاطعه -: و انا أبقى ابن عمتها وعرفت كل اللي حصل ....انا هنا علشان اجيب حق بنت خالي يعني اختي وإلا اقسم بالله لادفنك مكانك ومافيش حد من الحرس بتوعك اللي مالين القصر بتاعك هيقدر يمنعني
( وكان صوته وطريقه كلامه كفيله يخلي الدم اللي في عروق اسامه تهرب منه )
اسامه بخوف وارتباك :-انت عاوز ايه انا مش فاهم
فارس -: .اولا عاوز الفيديو اللي انت صورته لساندي واي نسخ عندك وبعدين انا عاوز افهم . انت كنت عاوز تتجوزها وهي موافقه غيرت رأيك ليه .... اللي انت كنت عاوزه كنت هتخده بالحلال فيه ايه حصل
اسامه قعد وأتكلم بكسره .-:..انا مصورتهاش
فارس :_..نعم أنت هتصطعبط
أسامه -: صدقنى..انا مصورتش حاجه ...بس انا هشرحلك مش خوف منك ولا من اللى انت عاوز تعمله ..لأن حقيقي محدش يقدر يعملي حاجه ..و ده مش غرور إنما ده واقع أنا ووالدي مش ناس بسيطه ولا قليله في البلد .لكن انا فعلا عاوز احكي و اتكلم .لأن انا اجرمت و ضميري معذبني بشكل مؤلم جدا ....
اسامه قعد علي اقرب كرسي كان مصدوم وكأن حد ضربه علي دماغه ماتوقعش ابدا طريقه كلام اسامه ابدا ولا توقع رد فعله تكون كده .و خصوصا ان كلامه صح و محدش يقدر يقرب منه ولا من أبوه بكل السلطه والفلوس اللي عندهم
أسامه-: اظن انك البشمهندس فارس ..ابن عمة ساندي .
مهندس الزراعه .ساندي كانت بتتكلم عنك كتير و عن العيله و المزرعه و قد ايه انكم اسره جميله و متماسكه و ....
فارس مقاطعا-: انا عارف عيلتي كويس و عارف ساندي قلت ايه علينا ...و أظن أنى مش موجود هنا علشان اسمع كلام مدح سواء عني أو عن عيلتي ...من فضلك ندخل فى الموضوع
اسامه -" بعد ما مشيت ساندي فضلت في الاوضه فى الفندق بعيط و مش عارف. ليه صوره دموع ساندي و كسرتها اتحفروا فى دماغي و مش قادر انساه.انا ليه عملت كده ما كان كفايه أقطع علاقتي بيها .....بص يا بشمهندس علشان اكون صادق معاك انا فعلا ماحبتش ساندي الحب الافلاطوني ذي أبطال القصص... انا بس كنت مشدود ليها بس مايوصلش ابدا اني اكون حيوان و اعمل كده
أنا عمري ما ارغمت بنت عليا .. مش لدرجه الاغتصاب انا فعلا ليا نزواتي بس بردوا مش بالطريقه ..اي حاجه بتحصل بتكون بالاتفاق .... .فكرت اروح لساندي وأصلح كل حاجه حتى لو هتجوزها رغم عن أبوي وحتى غصب عنها علشان أحاول أصلح أي حاجه وأرضى ضميري واحساس الذنب اللي سيطر عليا تماما بس كنت خايف من والدي ومن كل حاجه ......
اسامه بيحاول ياخد نفسه براحه و يبدء يهدي و يرتب افكاره ..وكمل
اسامه-: الوقت اللي فات كنت بحاول أنسى أو أعمل نفسي مش متأثر و عادي يعنى كنت بغرق نفسي في الشغل بس مش عارف اخرج من احساسي بالذنب و تأنيب الضمير اللي هيموتني ....
فارس بعد ما سمع كلام أسامه ماعرفش يعمل ايه هو ده الشخص اللي كان جاي علشان يموت.... ده شخص ضعيف وخايف زيها ساندي بالظبط ....
اسامه بيمسح دموعه -: انا كده حكتلك كل اللى حصل بالضبط
فارس بنبره صوت قويه:_ والفيديو
اسامه :_..انا قولتلك ما صورتش حاجه ... اساسا ما ينفعش اعمل كده انا قولتلها أي كلام علشان خفت لحسن تتكلم وتعملي مشاكل
..(.وبعدها انهار اسامه في البكاء)
اسامه :_.بشمهندس فارس انا مستعد لأي حاجه ارجوك شوف اللي يرضيكم وأنا هعمله
فارس .:_.طيب والدك
اسامه .:_هعمل اللي يرضى ضميري غصب عن أي حد
فارس .:_انا عاوز اعرف انت ليه غيرت رأيك في فكره الجواز أنتم كنتم متفقين
اسامه -: والدي قالي حقيقه ابو ساندي وأنه حرامي بنوك و نسب مايشرفش....و هو كذا مره أنقذ والد ساندي من دخول السجن ...
فارس قام من مكانه وصرخ في وشه وقاله :_.والدك ده أكثر شخص قذر في الدنيا هو اللي دمر خالي عبدالحميد هو اللي خلا المليونير عبد الحميد خليل المختار يموت مفلس مافيش معاه حتى حق علاجه ... يكون في علمك ..
عيسي بيه المصري هو الحرامي و انت اتربيت من مال حرام ابوك المحترم كان صديق لخالي وهو اللى طلب منه يضمنه في قرض من البنك ..وابوك اتهرب لما جهه ميعاد السداد وللأسف لأن خالي الضامن هو اللي دفع دين ابوك للبنك و اتحجز علي كل ممتلكاته و تقدر بسهوله تتواصل مع البنك وتعرف مين اللى عمل القرض ومين كان الضامن و مصير الضامن ده كان ايه
اسامه بيسمع وهو في حاله ذهول ونكران للي بيسمعه
فارس بهدؤ مصطنع :_.ودلوقتي يا أسامه بيه ايه رأيك
اسامه جمع نفسه واعصابه ووقف قدام فارس وقاله
اسامه .:_بالنسبه لموضوع ساندي انا موافق على اللي تتفقوا عليه أما بالنسبه للموضوع الثاني انا عاوز وقت علشان اعرف اذا كان كلامك صح ولا لأ ولو صح انا لازم ارجع الحق لأصحابه وسواء الكلام صح أو غلط انا ملتزم بموضوع ساندي
فارس :-..يعني هتعمل ايه
اسامه ...هتجوز ساندي
تفتكروا أسامه هينفذ كلامه ..ولا كان مجرد كلام علشان يهرب من فارس و خايف من الفضيحه .....
و ساندي هتعمل ايه هتوافق
توقعاتكم يا حلويين
تكملة الروايه من هنا هنا
تعليقات
إرسال تعليق