 |
#فارس #احلامي
#رانيا #محمود
الحلقه الرابعه والخامسه
حينما سمعت ساندي اسمه تذكرت سريعا عيسى المصري الراجل الذي كان السبب الاول و الاخير في تدمير حياتها و موت ابيها ... استرجعت كل شريط احزنها امام عينيها في لحظه وظلت طوال الحفله منتبهه تماما مع اسامه وبعد انتهاء الحفله ..عادت لفيلا نهله و تحدثت معاها..كانت غاضبه بشده بداخلها نار من الكراهيه لهذا الرجل تريد أن تطفئ ما تلك النيران اللتي تلتهم كيانها حينما رأت ابن قاتل ابيها ...ماذا عليها ان تفعل .لتدمره هو و ابنه
وجاءت بفكره اعتقدت أنها فكره ذكيه حيث اعتقد انها ستكون الرابح الوحيد ...فكرتها كانت أنها تتقرب من اسامه وتجعله يقع في حبها ويتجوزها و هكذا تسترجع اموال أبيها مره اخري وخصوصا انها علمت بأن اسامه ابن عيسي الوحيد و بالتالي وريثه الوحيد وأخبرت خطتها لنهله التيى رفضت كلامها بشكل قاطع
------------------‐--
نهله :_انتي عاوزه تتجوزي حد ما بتحبيهوش علشان الفلوس ...ده اسمه الجنان بعينه ..في داهيه الفلوس بس ازاي توفقي أن حد يلمسك وانتى مش بتحبيه ازاي تفكيرك يوصل لحد كده انتي مجنونه ...فى حد يسيب الحب والاهتمام والسعاده الحقيقيه علشان شويه ورق ملون انتي جري لعقلك حاجه هو انتي مش في وعيك ولا ايه ..هو الحب الانتقام سيطر علي تفكيرك خلاص ...صدقني انتى الوحيده اللي هتطلعي من اللعبه دي خسرانه ..و خسارتك هتكون اكبر من الفلوس ..تعتقدي يا هانم ان أبوه هيوافق تتجوزي ابنه وهو عارفك و عارف ابوكي كويس .انتي بتحلمي و هتصحي من حلمك علي واقع مر
ساني":_ لازم ارجع فلوس أبويا ..انتي ماشوفتيش بابا في آخر أيامه كان عايش اذاي ..احنا بعد ما كل فلوسنا راحت و مابقاش عندنا بيت نعيش فيه ..روحنا عند عمتي نعيش عندها ....اضطرينا نسكن في الارياف .في بيت بسيط في مزرعه بعد ما كان عندنا قصر مليان خدم ...انا اشتغلت فى الأرض ذي الفلاحين و انضف عند البقر و اجمع البيض من تحت الفراخ .... انا اتبهدلت و في النهايه .يموت بابا من حسرته.. وكويس اوي اني لاقيت ليه كفن و مقبره اقدر ادفنه فيها و إلا كان زمانه مدفون في مدافن الصدقه
نهله ..:_ انا عارفه اني مهما اتخيل اللي الحكايه مش هيبقي ذي اللى عاش الأحداث دي بكل تفاصيلها ..لكن فيه حاجات كتير كويسه حصلت في حكايتك دي ..ليه بتبصي علي نص الكبايه الفاضي بس ..و انتي عندك نص تاني مليان ...
ساندي -: ارجوكي بلاش كلام فلسفه مالهوش اي لازمه..انتي ماعيشتيش ولا شوفتي اللي انا شوفته
نهله -: ساندي بلاش تبصي للدنيا بطريقتك دي ..الحياه اديتك كتير وأهم شي أنها علمتك انك تقدري تعتمدي على نفسك و تقدري تعيشي بعيد عن حياه الكدب و النفاق و الوجوه الزيفه اللي كنتي عيشاها....واللي للأسف انا كمان كنت عيشاها ..تعرفى انى بحسدك بجد علي الفتره اللي عيشتها في مزرعه عمتك ..طبعا خسارتك لوالدك دي حاجه ماحدش يقدر ينكر حزنك فيها ..لكن ذي ما قولتلك بصى علي نص الكبايه المليان ..انتي عندك عيله بجد ..محدش فيهم كان بيتعامل معاكى بوش ولما تلفي تديه ضهرك يتكلم عليكى ..يضحكوا في وشك و يلعنوكي في ضهرك و مش بس كده لا كمان يتمنوا زوال النعمه منك علشان يبقوا هما الأحسن و الأعلي كمان ...انتي المفروض الفتره اللي فاتت عرفتك قيمه الشغل وقيمه العيله و الأهم من كل ده ..قيمه الحب اللي بجد ...حرام عليكي لو بعد ده كله متكونيش فهمتي الدرس اللي الحياه اديتهولك
ساندي '':- ياسلام و هي علشان الحياه تديني درس. تاخد قصاده كل حاجه...لازم اخسر كل حاجه
نهله-: بصي بعيدا عن خساره باباكي هقولهاك تاني محدش يقدر ينكر ان الخساره دي لايمكن تتعوض ..بس قصاد خسايرك الماديه انتي كسبتي عيله و حب حقيقي و دي حاجات مالهاش تمن دي اغلي من كنوز الدنيا صدقيني ..والله انا كنت اتمني ابقي مكانك ..انتي عارفه انا سبت أمريكا وجيت هنا ليه......بعد ما سافرنا و كمان قبل السفر كان كل واحد فينا سواء بابا و ماما او حتي اخويا .محدش يعرف حاجه عن التاني ..كنا بنتجمع صدفه و ذاد الأمر لما سافرنا ..وصل بينا الحال ان كل واحد راح ولايه تانيه بحجه انه يحقق حلمه ..فاجاءه صحيت من النوم ملاقيتش اهلي ..حتى قرايبي كل واحد انشغل بحاله ...تعرفي يعني ايه تنامي و تقومي تلاقي نفسك مخلوعه من جذورك مالكيش حد حرفيا في حياتك ..بالاسم بس عندك عيله لكن الواقع ..للأسف مافيش ...انتي لوحدك
علشان كده بقولك ان الفلوس بس لوحدها مش الحل ..انك تضيعي وجودك مع عيله بتحبك و تجري ورا الفلوس ده الجنون بعينه
ساندي -: انا لازم ارجع فلوس بابا
نهله-: باباكي نفسه صاحب الفلوس هتقدري ترجعيه .فوقي يا ساندي وانسى واعتبري اللي فات درس وأن طول ما احنا عايشين الحياه ياما هتدينا دروس بس ما تضيعيش عمرك الجاي في فكره الانتقام..اللي ممكن تضيع أجمل سنين عمرك من غير ماتخدي بالك
ساندي -: كفايه كلام انا تعبت ..انا طالعه انام
للاسف ساندي كانت كل يوم بتقرب اكتر من اسامه لحد ما فعلا اتعلق بيها
فارس كان يوميا دائم الاتصال بساندي ليطمئن عليها وهي للأسف كانت تتهرب منه ولا تجيبه ....اما نهله فكانت هي من تتحدث لفارس وكانت تاتي باعذار لعدم رد ساندي... نهله كانت تشعر من صوته أنه لم يكن يسال علي ساندي سؤال برئ لا بل كان سؤال من عاشق محب كانت لهفته عليها واضحه من صوته حتى أنه في يوم اتي في وقت متأخر ليلا لكي يراها و يطمئن عليها لكن ساندي كانت مع اسامه في حفله كالعاده
------------------------------------!!
.نهله -: فارس معقول اهلا وسهلا ..اتفضل
فارس -: انا اسف انى جيت من غير ميعاد ..بس ساندي مش بتكلمني ابدا و انا قلقت عليها جدا ..حاولت اتصل بيها كتير وأنا جاي في الطريق بس هي مش بترد..خفت ليكون حصل حاجه ومش عاوزين تعرفوني
نهله-: لا يا فارس ماتخفش مافيش حاجه ساندي كويسه ..وبعدين انت تيجي في اي وقت ده بيتك
فارس -: متشكر جدا يا نهله ...بس هي فين ساندي
نهله مش عارفه تقوله ايه -: هي مع صاحبتها في عيد ميلاد
فارس بإستغراب -: صاحبتها هي بس وانتي مش معاها ليه
نهله بتوتر -: اصل انا كنت هروح معاها بس تعبت وكده يعني فقولت بلاش اروح لحسن تعبي يزيد فخليني في البيت احسن
فارس -: يعني انتي تعبانه و ساندي سابتك لوحدك ..تحبي اوديكي لمستشفى...
نهله -: لا مافيش داعي انا اخدت دوا و بقيت كويسه ..انا بس خفت مع الحركه وكده التعب يرجع تاني ...المهم سيبك مني دلوقتي تحب تشرب ايه ..ولا اقولك نتعشي سوا ..ايه رايك ناكل بيتزا
فارس -: لا شكرا يا نهله انا مش جعان انا بس عاوز اشرب شاي .. خليكي انتي ...انا هعمله قوليلى بس مكان الشاي و السكر
نهله -: اتفضل ميزه المطبخ الامريكاني أنه مفتوح و تقدر تشوف كل حاجه قدامك بوضوح
فارس -: تمام اوى كده تحبي اعملك معايا
نهله -: لا شكرا يا فارس ...
سكتوا هما الاثنين ...كانت نهله تفكر في امر ما..كان يدور بعقلها شئ أرادت ان تتأكد منه وقررت تسأل فارس بشكل مباشر
نهله - فارس انت بتحب ساندي
فارس -؛ اكيد مش بنت خالي
نهله -: لا مش ده قصدي ولا دي اجابه سؤالي ..انت فاهم يابشمهندس
فارس ابتسم -: فاهم يانهله فاهم ..اعتقد ان صاحبتك قالتلك كل حاجه عننا
نهله -: تمام وبعدين ..من فضلك ماتلفش و تدور
فارس -: خلاص يا ستي من غير لف ولا دوران ..أيوه انا مش بس بحبها انا بتمني اعرف ايه الي يسعدها و اجيبهولها حتي لو في آخر الدنيا ..بس هي ترضي
نهله -: ترضي يإيه
فارس -: ترضي بحبي ليها
نهله -: هو انت حسست ساندي بحبك ليها !؟
فارس -: اكتر من اني صرحتلها بحبي و طلبت منها الجواز
نهله -: انا مسألتكش انت عرفتها انك عاوز تتجوزها انا سألتك حاسستها بحبك..وعلي فكره مش لازم تقول ده بالسانك كفايه انها تحسه من تصرفاتك ...وخلي بالك احنا كبنات الموضوع ده بيفرق معانا اوي
فارس -: مش فاهم بجد ياريت توضحيلي
نهله -: البنت عموما بتحب لما ترتبط بشخص يكون بالنسبه ذي أمير الحواديت مش قصدي في الشكل لا قصدي يكون راجل بجد دايم يكون حواليها ومش لازم يكون موجود فعلا
فارس -: ايه الالغاز دي ايه اللي حواليها و مش موجود . عفريت يعنى يكون طيف .ولا خيال
نهله بغيظ من تفكيره -:ااه ياني شكلك ذكي ذي كل الرجاله ..قصدي يا ناصح أنه يكون حواليها بتصرفاته اللي تخليها دايما تفكر فيه حتي لو هو مش موجود فعلا قدامها ..بمعني ان اي موقف يحصلها دايما هو الوحيد اللي تفكر فيه وتلجأ له ..يا فارس انت لازم تحسسها بحبك ده ..اقعد معاها واتكلم مش لازم تتكلم عن حبك انت ..لا بالعكس خليها هي اللي تتكلم و اسمعها. خليها تشوف حبك مش بس تسمعه منك ...المواقف والاحتواء هما دول تفسير الرجوله عند أي بنت و ده لو كانت بنت عاديه وعاشت حياه طبيعيه ذي اي بنت لكن ساندي مرت عليها أغرب سنه ممكن تمر على اي بني آدم يعيشها ..تجربتها الاخيره تغير ظروف و شكل حياتها وكمان موت باباها بالشكل المهين ده وجعها اوي ....انت ماشوفتهاش وهي بتحكي عن موت باباها وأنه مات من القهر و ماكنش فيه فلوس كفايه علشان يكمل علاجه ..احساسها أنها مقهوره إحساس صعب
فارس -: ياااه كل ده جواها
نهله -: لا يا فارس فيه الأخطر كمان ..ساندي تقدر تقول كده أنها عاوزه تدمر نفسها بنفسها
فارس -: انتي بتقولي ايه .اذاي فهميني ارجوكي
نهله رأتة القلق والخوف والحب لساندي في عيون فارس و فكرت قليلا ...ثم اتخدت قرارها أنها تحكي لفارس كل شئ..فارس كان سيجن مما سمعه صدمته كبيره في ساندي كيف لها بتلك الافكار المدمره
نهله بعد ما خلصت كلامها اتنهدت وقالت ..:_..انا ما فكرتش اقولك غير لما فعلا شوفت الحب والقلق واللهفه في عنيك وفي طريقه كلامك على ساندي
على فكره يا فارس ساندي مش بتكرهك هي بس متلخبطه شافت كتير اوى الفتره الاخيره حاسه نفسها تاهيه بس انت الوحيد اللي هتقدر تخليها تبطل تتلخبط وتوصل لبر الامان
فارس بتنهيدة مليئه بالحسره.. :_ومين قالك انى بر أمان اساندي
نهله ..:-من طريقه كلامها عليك من ابتسامه بشوفها على وشها لمجرد ما نقول اسمك..... حاجات صغيره مايعرفهاش غير البنات يا باشمهندس
فارس .:_ عارفه يا نهله انتي فعلا خايفه على صحبتك بدليل انك حكتيلي كل حاجه بس انا مش عارف اعمل ايه علشان اوقفها عن جننها هي بكده بتاذي نفسها .انا مش عارف اشكرك اذاي علي انك وثقتي فيا وحكيتيلي اللي بيحصل لساندي ..
نهله -: فارس من فضلك أنقذ صاحبتي
فارس -: ماتقلقيش خير انشالله انا لازم افكر وابتدي اتحرك ومش هسيب ساندي تأذي نفسها ..انا همشي دلوقتي وبلاش ساندي تعرف اني جيت ..ولا اي حاجه من اللي قلناها اتفقنا
نهله-: تمام اللي تشوفه يافارس..مع السلامه
فارس ماسفرش لكنه قرر يفضل في القاهره ومرجعش المزرعه ..كان بيراقب ساندي واسامه... واللي عرفه عن اسامه أنه شخص مستهتر وسمعته السيئه سبقاه .
(في فيلا عيسي المصري)
اسامه جالس مع والده بيتكلموا عن الشغل وبعد شويه اسامه طلب من والده أنه يكلمه في موضوع بره الشغل
اسامه .-: .بابا انا من غير لف و دوران انا عاوز اتجوز
عيسى ..-:.اخيرا ده خبر حلو اوى اخيرا هيكون عندي أحفاد ومين صاحبه الحظ السعيد
اسامه ..-:بنت أعز اصحابك .ساندي عبد الحميد خليل
عيسى وبكل غضب .-:.اييييه لا يمكن ده شئ لا يمكن يحصل
اسامه اتخض من لهجه أبوه أول مره يكلمه بالحده دي اسامه -:.ليه يا بابا
عيسى ..-:أبوها نصاب وحرامي ومش صحبي ابدا...ده نصب على البنوك وأنا انقذته من السجن بس للأسف فضل بردوا على نفس أخلاقه..... حقيقي شخص غير شريف بالمره وكان عقاب ربنا ليه أنه مات وماكنش لاقى ثمن علاجه
(وبعد شويه غير عيسى من أسلوب كلامه مع ابنه وكان أكثر لينا معه )
عيسى:_ بس انت لو بتحبها اوك مافيش مانع تقضي معاها يومين وبس مش تقولي جواز ههههه.وبعدين دي ولا أول ولا آخر مره ليك انت فاهم طبعا يا أسامه .وأن كان على الجواز سيبني انا اختارلك النسب اللي يشرف صحيح
اتفقنا يا أسامه
اسامه ...اوك اتفقنا يا بابا
عيسى ...وعلى العموم مش هخليك تستنى كتير انت عروستك عندي بنت واحد من التقال اوى فى البلد مش تقولي بنت عبدالحميد النصاب
اسامه قرى يصرف نظر عن جوازه من ساندي بس هو عاوزها باي طريقه وكان كل مايشوفها يعرض عليها تروح معاه فيلا والده أو شاليه السخنه اوى أي مكان يقدر ينفرد بيها بس هي كانت بترفض
وفي يوم قرر انها لازم تكون معاه حتي لو غصب عنها
أسامه -: ساندي بقولك ايه ما تيجي نتعشي بعيد عن
ال Night club ده بصراحه اكلهم مش حلو خالص
ساندي -: لا بالعكس المكان جميل ..بس قولي الأول انتي عاوز نتعشي فين .واوعي تقولي عندك في الفيلا ولا نروح شاليه السخنه بتاعكم ده .لا ابدا
اسامه -: هههههههه لا ياستي انا حجزت لينا ترابيزه في مطعم علي النيل هيعجبك جدا المكان هناك ساحر و بيقدم فقرات تحفه انا متأكد أن المكان هيعجبك
ساندي-: اوك مافيش مشكله يلا بينا
بعد شويه
ساندي -: هو ده مش اوتيل بردوا
اسامه -: ايوه المطعم جوه في الجناح اللي بيبص علي النيل هو انتي ماجتيش هنا قبل كده
ساندي -: لا بصراحه ماجتش المطعم هنا بس الاوتيل ده جيته قبل كده حضرت فيه فرح صديقه ليا في الجامعه بصراحه كان رهيب
اسامه بيغمز لها -: يعنى تحبي نعمل الفرح بتاعنا هنا
ساندي بكسوف مصطنع -: الله ماتكسفنيش بقي ..مش لما نعمل خطوبه الأول
اسامه '-: لا طبعا مافيش خطوبه..دخله علي طول
ساندي بصدمه-: نعم ؟!!!
اسامه -: قصدي كتب كتاب و دخله و كده مافيش خطوبه انا مقدرش استني و بعدين الخطوبه معموله للتعارف واحنا خلاص عارفين بعض بشكل كافي يعني ...بقولك ايه انا موصي علي حاجه مخصوص ليكي ..ثواني و راجعلك
ساندي هزت دماغها بالموافقه
اسامه كان من السهل يحجز اوضه في الاوتيل وكمان هو ووالده معروفين في المكان فامفيش عنده مشكله
اسامه -: فهمت هتعمل ايه ؟
الجرسون -: فهمت يا باشا ..هجيب العصير و احط فيه الحبوب اللي حضرتك ادتهالي و كمان احط الخاتم ده
اسامه -: ايوه كده شاطر ..واوعي لسانك ينقل كلمه كده ولا كده اقسم بالله اسلخك وانت حي انت عارف انا ابقى مين وابويا مين ..الاوتيل اللي انت شغال فيه ده عيسي بيه المصري ليه فيه أكثر من الربع يعني انت في ثانيه مش بس هتكون في الشارع لا ده ممكن ادخلك السجن كمان
الجرسون -: لا لا يا باشا ..انا خدامك ابوس ايدك انا عندي عيله كبيره و محتاج الشغل .....اللي تأمر بيه سعادتك ...حالا وكل اللى تعوذه اعتبره اتنفذ
ساندي -:! خير يا أسامه ايه المفاجأة
أسامه يمسك يد ساندي و يقبلها -: حالا يا قلبي وعشقي وجنوني ..كل حاجه تكون بين ايديكي
يأتي الجرسون معه كاسات العصير و في داخل احدي الكاسات يوجد خاتم من الألماس
اسامه -: اتفضلي يا حبيبتي
ساندي بنظره سعاده غامره -: الله ايه ده ..فيه خاتم في العصير ده ايه الحركه الرومانسيه دي
أسامه ياخذ الخاتم و يضعه فى اصبع ساندي -: ده خاتم الخطوبه يا حبيبتي. تقبلي تبقي مراتي
ساندي ابتسمت و هي تنظر لخاتم الألماس-: طبعا يا أسامه اقبل
اسامه يقبل كف يديها -: ساندي ده اسعد يوم في حياتي ..بس انا عاوز أسألك. هو ليه مش بتقوليلي يا حبيبي..انا نفسي اسمعها منك
ساندي اندهشت من سؤال اسامه فهي لا تراه ابدا حبيبها و لا تعرف معنى كلمه حبيب معه .. تلك الكلمه التي حينما تذكرها لا تري أمامها سوي فارس و هو يمتطي فرسه ..لم تعترف بلسانها او حتي لم يستوعب عقلها ان فارس من يحتل القلب و الوجدان ..لهذا دائما ما تشعر بالغربه بينها و بين نفسها ..بداخلها حب لا تريد البوح بيه او حتي تصديقه
أسامه -: ايه يا ساندي كل ده شرود ...روحتي لحد فين
ساندي تمسك مقدمه راسها -: هاه .....لا انا معاك اهو ..بس دماغي وجعني مش عارفه ليه ..انا هروح التويلت و اجي...عن اذنك
تقف ساندي فلا تستطيع النهوض ...يساعدها اسامه و ترتكز علي كتفه ..لقد غابت ساندي عن الوعي ...يوصلها اسامه بمساعده الجرسون لغرفته ...ولأنه معروف في الفندق ووالده من المساهمين فيه ..كان له امتيازات خاصه بالتأكيد
اسامه -: امشي انتي بقي و خد دول و مشوفش وشك ..فاهم
الجرسون ينظر إلى المال بطمع و ضحكه صفراء-: انت تأمر يا باشا ..انا خدامك
اسامه أغلق باب الغرفه واتجه الي السرير و ابتدى يقلع الجاكيت..........
يتبع
#فارس #احلامي
# رانيا #محمود
الحلقه الخامسة
نهله كانت هتتجنن علي صحبتها..اول مره تبات بره البيت
نهله -: و بعدين بقي لحد دلوقتي ولسه ماجتش الفجر أذن من ساعه و الشمس بتطلع ...اعمل ايه اتصل بفارس . لا لا مش هتصل .انا كده هقلقه ..وبعدين ممكن يكون جرالها حاجه ..ممكن تكون اتخطفت ولا عملت حدثه ...بس هي بتروح مع الزفت اسامه....مش بيسيبها تروح لوحدها ...يوه بقي انا هفضل اكلم في نفسى كتير ..و هموت من القلق ....انا هستني ساعه كمان ولو ماجاتش هتصل بفارس و أمري لله
بس للأسف النوم سلطان مملكته حرير...نامت نهله من كتر السهر ...ماحستش بالوقت
صحيت ساندي الصبح على منظرها في السرير وكان المشهد بالنسبه لها كارثه ..اتوجعت اوى ....هما الاثنين من غير هدوم وفي حضن بعض ...وكانت صدمه عمرها حاولت تقوم لكن اسامه صحي ومسكها وقالها بهدو وابتسامه وقحه
اسامه-: صباح الخير يا عروسه رايحه فين احنا لسه مافطرناش
(...اتخضت جدا و مابقتش قادره تتنفس ولا حتى تطلع صوتها لكنها حاولت تتكلم وكان سؤالها الوحيد) ...
ساندي ..:_...ليه ليه كده انا كنت هبقي مراتك و كان هيبقى حلال ربنا
اسامه وبكل برود .:-...مش واحده زيك بنت نصاب حرامي البنوك اللي تفكر تكون مرات اسامه المصري ..انا بس حبيت ادوق حاجه حلوه وخلاص وده مايمنعش إني عاوز أدوق تاني
(وكان بيقرب ليها بوقاحه .فصرخت بكل صوتها)
ساندي :_ أبعد عني ياحيوان
ضربها بالقلم ووقعت على الأرض
اسامه:-.مش بمزاجك انا صورت كل اللي حصل ولو في يوم طلبتك وماجتيش الفيديو في أقل من دقيقيه هيكون على اليوتيوب كل حاجه على الفيلاشه دي
ساندي. .:-..انت فاكر نفسك ايه انا هبلغ البوليس
اسامه بيضحك باستفزاز رهيب :-.عندي مليون شاهد انك جيتي بمزاجك يا حلوه
قامت ساندي بصدمه على الحمام وهي بتحاول تلبس وتلم في نفسها أو حتى تظهر قدامه أنها متمسكه .وخرجت من الاوضه والاوتيل وهي تقريبا شبه ميته وقفت تاكسي وجريت على صاحبتها
نهله -: ايه ده مين بيخبط كده ...يالهوي الساعه كام دلوقتي..ساندي هي فين ..انا نمت كل ده لحد الضهر
ايه الخبط ده كله
نهله فتحت باب الفيلا و كان المشهد مرعب ..ساندي شعرها منكوش و عنيها وارمه من البكي و بترتعش و لبسها متبهدل
انهارت تمام قدام باب الفيلا
نهله -: ساندي ساندي قومي يا حبيبتي...قومي تعالي اطلعي اوضتك و احكيلي ايه اللي عمل فيكي كده ...و فين اسامه .انتي جيتي اذاي لوحدك مش البيه كل مره بيوصلك
ساندي -: من فضلك سواق التاكسي واقف بره ..و انا مش معايا فلوس ..ارجوكي ..
نهله -: خلاص خلاص ياحبيبتي بلاش تتكلمي دلوقتي هخرج احاسبه و ارجعلك
نهله -: معلش يا حضرتك اتاخرت عليك ..وهي حسابك كام ..و معلش يعنى هو انت جبتها منين وهي كان معاها حد
السواق -: والله يا استاذه انا جبتها من قدام اوتيل (....) و وكانت ذي ما انتي شفتيها كده و كانت طول الطريق بتعيط و مانطقتش غير أنها ادتني العنوان وبس ...وكانت لوحدها ...( نظر السائق لنهله و اكمل ) .. ايه ربنا يستر عرض واليانا ياااارب
نهله نظرت له بعدم فهم او إستيعاب لجملته-: اتفضل حسابك و خلي الباقي علشانك ....
دخلا الي البيت لتجد صديقاتها ملقاه علي الارض و مغمي عليها ..حاولت ان تمددها علي اقرب كنبه و أحضرت لها المياه لتوقظها
نهله -: ساندي فوقي ..يا حبيبتي ارجوكي متخضنيش عليكي ..قوليلي فيكي ايه ارجوكي ..انا هتصل بفارس يجى يشوف المصيبه دي
ساندي لمة سمعت اسم فارس قلبها وجعها -: لا ارجوكي يا نهله ما تتصليش انا خلاص فؤت
نهله-: ايه اللي حصل و فين الزفت اسامه
ساندي تذكرت ما حدث و بكت كثير ..بكاء بصراخ غضب
نهله تفهمت ما حدث لصديقتها واحتضنتها بشده ..أنها المره الاولي التي تري فتاه مغتصبه لم تكن تعلم مدي المراره و الألم و معني كسره الضهر و ضياع الشرف ..الا عندما رأتها في عيون صديقتها ..صوت الم ساندي كان مثل صوت القنابل و الرصاص ..صوت يدل علي مدي الاذي الذي يطول صاحبه
نهله -: احكيلي ..اذاي ده حصل و انتي ليه ماستنجديش بحد ..ليه حتي مكلمتنيش ...احكي براحه يا حبيبتي
ساندي بصوت متقطع و دامي -: الحيوان اخدني في مطعم و كان جوه أوتيل...معتقدش ابدا أنه حاجز اوضه ليه هناك و عمل نفسه بيطلب ايدي و كان فيه عصير لانه عارف اني مابشرب خمور و تقريبا كده كان متفق مع حد في المطعم يحط منوم في العصير ..و معرفش حصل ايه غير اني قومت الصبح لاقيت نفسي ...( بكاء ساندي و صراخها جعلها تفقد وعيها و يغشي عليها )
نهله -: حبيبتي فوقي ..فوقي يا ساندي ارجوكي ..يا ربي اعمل ايه ...اه افتكرت هتصل بالدكتوره ريهام .بس يارب تكون موجوده
بعد شويه
الدكتوره :_الحاله واضحه مافيش جدال. هتك عرض لازم تبلغي البوليس قبل ما اثر الجريمه يختفي...
ساندي بعد ما فاقت :_ارجوكي مش عاوزه حاجه انا تعبانه مش هروح البوليس مش عاوزه فضايح كفايه اللي حصل فيا (وتنهار مره اخري من كثره البكاء)
نهله :_"الحقيها يا دكتوره ارجوكي
الدكتوره :_"طيب عندك حد يجيب الادويه دي من اقرب صيدليه
نهله :_لا مافيش انا هتصل بالصيدلية
بعد شويه
دكتوره ريهام :_خلاص صحبتك فاقت بس احب اعرفك انها بالطريقه دي بتضيع كل حقوقها
نهله :_انا هحاول معاها تاني...و متشكره لحضرتك جدا
ساندي :_ارجوكم انا تعبانه وخلاص اخدت قراري من فضلكم انا تعبانه وعاوزه انام
نهله-: خلاص خلاص ارتاحي مافيش داعي للعصبيه دي .
نهله خرجت وقفلت الاوضه علي ساندي
نهله :_لو سمحتي يا دكتوره هي ساندي هتفضل كده كتير
دكتوره ريهام :_يعني اسبوع علي الاقل لان الادويه اللي هي وخداها دي مهدئات ببس لازم تتعرض علي أخصائي نفسي
لأنها الفتره الجايه هتتعب اوي لو فضلت كده لوحدها
هي فين أهلها
نهله :_هي بنت وحيده وللأسف والدتها ووالدها متوفين
دكتوره ريهام :_يعني فين باقي عيلتها سواء من ناحيه الاب او الام
نهله :_علاقات تقريبا سطحيه... بصراحه الله يكون في عونها....بس انا وهي كنا مقررين اننا نسافر أمريكا
اكتوره ريهام :_فكره كويسه و خصوصا انك بتقولي مالهاش حد و هي كمان مش عاوزه تبلغ البوليس..ممكن السفر يخفف الضغط النفسي والعصبي عليها وتحاول تعدي الازمه بسلام
فارس يتصل بنهله
نهله -: يا خبر أبيض أنا كنت ناسياك خالص ..يادي المصيبه
دكتوره ريهام-: خير يا نهله
نهله -: ابن عم ساندي ..اكيد هيسأل عليها لان تليفونها مقفول وهو هيتجنن يعرف عنها حاجه
دكتوره ريهام-: طيب انا اقدر اساعدك في حاجه
نهله -: لا ابدا شكرا لحضرتك..انا هتصرف و ربنا يعدي المحنه دي على خير
فارس:_الو نهله انت مبتروديش ليه اتصلت بيكي كتير..فين ساندي ومتقوليش نايمه انا بتصل بيها من بدري ..تليفونها مقفول و اوعي تقوليلي نايمه ..هي مابتنمش لحد الضهر ابدا حتي لو سهرنا...انا عارف طبعها كويس
نهله :_اقسم بالله هي فعلا نايمه أصلها تعبانه شويه وانت عارف ساندي رقيقه ومش بتتحمل التعب
فارس -: تعبانه ؟!!...اذاي مش فاهم ..هي فيها ايه و امتي تعبت ..وهي روحت امتي من سهره امبارح
نهله -: تعبت يا فارس وخلاص ..هنقول للتعب انت جيت ليه ..لما تصحي تبقى هي تقولك بقي براحتها
فارس '_طيب فيه جديد عن اسامه
نهله بارتباك :_لا مش عارفه اصلي مش بسأل عنه
فارس حس ان فيه حاجه مش طبيعيه و اكيد فيه مصيبه ..طريقه نهله معاه في الكلام مقلقه ..اخد عربيته وراح لنهله
نهله ما كانتش عارفه تعمل لمة لاقت فارس قدامها واقف علي الباب ...لكن قررت تواجهه و تحكيله علي كل حاجه وأول ما فارس شفها عرف أن تخميناته كلها صح وفيه كارثه كبيره فعلا
فارس ..:_..من غير لف ولا دوران فيه ايه
نهله وهي بتبكي :_...فيه كارثه
فارس ..:_.عملت ايه ساندي المجنونه في نفسها
نهله وهي حقيقي حزينه على صاحبتها حكتله كل اللي حصل.... فارس بيسمع وهيموت مش عارف يعمل ايه حاجات كتير متلخبطه جواه يطلع يقتلها ولا يطلع يحضنها ويكون جنبها مش عارف يعمل ايه واخيرا مشى من غير اي رد فعل واخد عربيته فضل يلف بيها. بس ماقدرش يرجع المزرعه رجع تاني علي الفندق وقرر أنه يفضل جنب ساندي ويفكر بشكل عقلاني أكثر بعيد عن العواطف وكان قدامه حل واحد يروح لساندي ويكون معاها هي فعلا غلطت غلط ما ينفعش يتصلح بس لا يمكن يسبها مش علشان حبه ليها لأ كمان دي لحمه وشرفه دي بنت خاله وفارس ما ينفعش يعمل غير كده
نهله -: غريبه ان فارس مشي كده ..يا تري ناوي علي ايه ..انت بتحبها و انا متاكده من كده يا تري غضبه هيعميه ولا حبه ليها و احساسه بالمسؤولية عنها هيحميها من غضبه ...انا لازم اخد ساندي و نسافر ده أفضل حل ....بس احتياطي انا لازم أأمنها و أأمن نفسي كمان ..
اتجهت نهله للخزنه في مكتب والدها -: الحمد لله ان بابا لسه سايب المسدس هنا ...انا هخليه معايا احتياطي ..على الرغم انى ولا عمري استخدمته ولا بعرف اذاي استعمله ..بس خليه معايا للظروف
يومين كاملين ..و نهله بتحاول مع ساندي أنها تاكل او حتي تتكلم ..لكن هي رافضه و خافت أنها تتصل بفارس و اعتقدت أنه نسي ساندي و رجع المزرعه
لكن فارس لايمكن ينسي حب اتربي عليه و كبر و حبه لساندي بيكبر جواه بعد يومين كان عند ساندي كان وشه شاحب جدا من قله النوم والأكل ولما شافها قلبه اتوجع جدا كانت شبه ميته ضعيفه بجد وخصوصا لما لاقى الدكتوره معلقالها محاليل طلب،من الدكتوره ونهله أنهم يخرجوا وقعد جنبها ومسك ايدها وهي مش حاسه لأنها تايها في احزانها
فارس..:_ساندي انا عرفت كل حاجه
(.واخد نفس طويل وطلعه براحه علشان يقدر يسيطر على دموعه قدمها)
فارس .:_انا مش هلومك ولا هعاتبك على الأقل مش دلوقتي انا هقولك حاجه واحده لو مش هتفوقي و توقفي على رجليكي علشان تاخدني حقك يبقى انا همشي دلوقتي قدامك ومش هتشوفيني تاني ..انتي غلطتي وده صحيح بس نستسلم للغط ونسيب نفسنا الحزن يأكل في جسمنا و روحنا...لأ وألف لا انتي سمعاني
فاقت ساندي وبصت لعينه الحمرا ومليانه دموع كل شريط ذكرياتها مع فارس مر قدام عينيها ..هي مش بس دمرت نفسها هي كمان دمرت إنسان ماكنش عاوز من الدنيا دي غير أنه يسعدها وبس
ساندي :_..سيبني يا فارس انا مانفعكش ولا أنفع غيرك
فارس :_..ومين قالك انى جاي هنا علشان نفسي ولا علشان انا عاوز منك حاجه انا هنا علشان ما ينفعش اشوف بني آدم بيدمر نفسه واسيبه واقف اتفرج عليه انا موجود هنا علشان اجيبلك حقا يا بنت خالي ولما تقفي على رجليكي ويجيلك حقك ابقى كده خلصت مهمتي
بعد ما كانت ساندي نايمه على السرير ظبطت قاعدتها وحست بمرار و وجع في قلبها من كلام فارس هو ده بقي وضعها بالنسبه لفارس ماهو ما ينفعش غير كده هي عملت في نفسها كده وتستحق العقاب ده
قام فارس وقالها.-: أنه مستني اتصالك بكره الساعه 3 الظهر ولو ما اتصلتش مش هوريكي وشي تاني و هرجع المزرعه ..فكري يا بنت خالي و انا مستني قرارك
تفتكروا ساندي هتستسلم و خصوصا ان حتي لو جابت حقها ما خلاص فارس ضاع منها
و فارس هيقفل قلبه و يكمل من غير ساندي
نهله هتقف ساكته ...فكروا معايا ..مستنيه تعليقاتكم ..
يتبع
تكملة الروايه من هنا
تعليقات
إرسال تعليق