 |
الحلقه الثامنه
#فارس #احلامي
سميره -:و بعدين يا فارس هتفضل ماسك التليفون و تعيد في الفيديوهات بتاعت ساندي كتير ...
فارس بإنتباه لصوت مامته -: ماما انتي هنا من امتي ..معلش ماخدتش بالي كنتي بتقولي حاجه
سميره-: كنت بقول هتفضل لحد امتي تتفرج علي فيديوهات ساندي و متردش عليها ..هتفضل زعلان منها كتير ... طيب يا بني رد عليها
فارس -: ايوه يا ماما فضل زعلان و مش هرد عليها
سميره-: طب ليه كل ده ..هي اختارت تسافر تشوف مستقبلها ..و شافت ان السفر حاجه مهمه بالنسبه لها ..صحيح انا زعلت انا كمان لما لاقيتها مصره تخرج بره حضننا..و كنت اتمني انها تبقى مرات ابني مش بس بنت اخويا .لكن دي اراده ربنا ..يمكن في يوم ترجع لحضني من تاني ..مافيش حاجه بعيد علي ربنا .
( سميره سكتت شويه وتبص علي ابنها اللي سرحان مع فيديو ساندي..و مبتسم ..)
سميره-؛ صحيح يا عم الحبيب فيه حاجه محيراني
فارس -: خير يا ام الحبيب
سميره ابتسمت من كلام ابنها و قالت -: انت مش ملاحظ معايا ان علي الرغم من سفر ساندي و رفضها انها تعيش معانا وحتي الجواز كمان رفضته .إلا انها بتبعتلك فيديوهات ليها كتييير كل يوم بتحكي فيها عن يومها وحياتها و كأنها مثلا بتشارك خطيبها او حتي حبيبها...التصرف ده ماخدتش بالك منه...طالما بتعمل كده يبقى بتحبك. امال ليه بقي المجنونه دي مشيت ..ليه رفضت
فارس -: ومين قال إنها رفضت
سميره -: يعني ايه ؟
فارس-: بصي يا ماما ومن غير كلام كتير لأني اساسا ماعنديش كلام اقوله .غير أن الحكايه لسه في اولها وأنا حقيقي معرفش هترسي علي ايه ..كل الحكايه ان ساندي متلخبطه وأنا منكوش إني متلخبط ..مابقتش عارف نفسي ولا حتي بقيت عارف ساندي..هي ليه عملت في نفسها كده استفادت ايه ..ضيعتني و ضيعت نفسها
سميره بعدم فهم -: يعني ايه ضعيت نفسها ،؟!!!
فارس انتبه بسرعه لكلامه -: قصدي حكايه السفر وإصرارها عليه وكأنه نهايه كل احزانها متوقف علي السفر ..وسابت وراها اهل بيحبوها و (((( وشاور علي نفسه )))) قلب بيعشقها و بيتنمي أنه يخبيها عن الدنيا كلها
سميره -: ما هو باين يا اخويا القلب اللى بيعشق اهو سايبها يا حبيبتي تكلم نفسها وهو مش معبرها ولا مهتم
فارس -: انا يا أمي مش مهتم انتي متعرفيش إني بستني فيديوهاتها بفارغ الصبر وطول اليوم التليفون في ايد مش بيفارقني ابدا وأن يومي مش بيبتدى غير لما تبعتلي فيديو ليها وهي بتقوله صباح الخير وبفضل صاحي لأن فرق التوقيت بيكون مختلف ....دا انا بعمل كل ده علشةن بحب شوف وشها الجميل الصبح وهي قايمه منكوشه وبتحضر الفطار أو وهي مستعجله ومتاخره علي الشغل ..فيديوهات ساندي بالنسبه لي هي الهوا اللي بتنفسه علشان أقدر أواصل يومي ولا يمكن انام غير لما تقولي تصبح على خير .
سميره -: طيب يا ابني انت غاوي تعذب نفسك ..البنت شكلها كده لما سافرت. ربنا وضح لها الصح من الغلط و عرفت مين اللي بيحبها بجد من قلبه ...يبقى انتي بقي بدل ما تمسك في الفرصه دي .تسيبها تضيع من ايدك ...كلمها يافارس قولها علي اللى في قلبك ..خليها ترجع يا ابني ..
فارس اتنهده بحرقه-: ربنا يسهل يا امي ..ربنا يقدم اللى فيه الخير
تليفون فارس بيرن ماسنجر وكان اسامه
فارس -: طيب دقيقه بس ارد علي الاتصال ده
سميره -: براحتك انا رايحه عند خالتك فريده
فارس -: اهلا اسامه ..اذيك كنت مختفى من فتره..لعل المانع خير .!
اسامه -: الحمدلله يا فارس ..بص بقي من غير كلام كتير ..انا كنت مختفي علشان بدور علي ساندي .و لاقيتها..بس كانت عاوز اعرف انت بجد ماكنتش تعرف عنوانها هنا فى أمريكا
فارس بتوتر -: و تفرق ايه ..انا قولتلك ان حكايتكم خلصت فاملوش لازوم تقابلها
اسامه-: انا كنت متأكد انك عارف طريقها .بس مش مهم ..المهم اني بقالي فتره بروح لساندي قدام الشركه اللي بتشتغل فيها ..دايما بحاول اكلمها ..مش بتديني فرصه حتي تسمعني و دايما بتصدني لكن ماكنتش بيأس ...لحد بس امبارح وافقت انها تتكلم معايا و اديتني عنوان بيتها علشان اروح واتكلم معاها و قالتلي انها موافقه تقابلني معي صاحبتها نهله..انا حبيت اعرفك ...لأن بصراحه من وقت مع عرفتك و ابتدينا نتكلم حسيت انك اكتر انسان بيخاف علي ساندي و كل مره لما بتكلم معاك عنها بتأكد انها ليها مكانه خاصه عندك ..وأنا للأسف اذيت ساندى و لازم احاول اني ...
فارس بغضب -: ابعد عنها انا بحذرك ..اقسم بالله لو في آخر الدنيا هجيبك..انت فاهم ولا لأ ....
اسامه-: ارجوك يا فارس اهدي ..انا والله ما قصدي اضيقك ولا قصدي اي حاجه وحشه تخض ساندي ..انا فعلا عاوزها تسامحني وتشوف ايه اللي يرضيها وأنا هعمله فورا ..انا عرضت الجواز عليها بس هى رافضت ..وأنا كنت مستغرب رفضها ..بس بعد ما شوفتك و حسيت حبك ليها و اللي اكيد هي كمان شافته ذي..عرفت هي ليه رفضت...انت يا فارس ماينفعش حد ياخد مكانك عندها
فارس -: و طالما عارف كده ..عاوز منها ايه...
اسامه .-: انا هقابلها اخر مره و هعرض عليها تاني الجواز ..واستني قبل ما تسمعني كلمتين من بتوعك انا بعمل كده فعلا لأن محتاج اسمع منها الرفض او القبول بشكل واضح و مباشر منها ....يمكن سفرها و تغير الظروف اللي حواليها يكون اداها فرصه للتفكير و يمكن لتغير رأيها ..يا فارس بغض النظر من انك بتحبها او هي بتبادلك نفس المشاعر..لكن انا اذيتها وعاوز أصلح اللي عملته ولو هي اصرت علي الرفض ..خلاص همشي من طريقها ..انا كلمتك علشان يبقى كل حاجه قدامك و في النور..و اكيد بعد ما اخلص مقابلتي معاها هكلمك تاني واعرفك المقابله انتهت علي ايه ..سلام
فارس قفل الخط وكان بيغلي من الغضب ..
فارس -: اذاي ساندي ماقلتليش ان البيه عرف مكانها و ان بقاله فتره بيقابلك ..لا و كمان الهانم اتفقت معاها انها تقابله النهارده ..بس يا فرحتي بالفيديوهات اللي عماله تبعتها عن حياتها العاديه ..قال ايه بتشاركني يومها ..واهم حاجه عندها ماقلتليش عليها ....انا هموت .اقسم بالله لو كانت قدامي لكنت خنقتها
وفي اثناء الثوره اللى فارس فيها ...رن تليفونه معلنآ قدوم رساله اخر ..بيفتح وجد فيديو اخر من ساندي
فارس -: الله الله ..يا حلاوتك يا ست ساندي ..فيديو تاني و ياتري الفيديو ده و انتي بتكلي ولا وانتي بتقصي شعرك ولا وانتي في شغلك ..اما نشوف اخرتها ايه
وبيفتح الفيديو و كانت المفاجأه
ساندي -: اذيك يا فارس ..فيه حاجه مهمه عاوزه احكيهالك ...انا ماقولتلكش عليها قبل كده لأسباب هتعرفها في آخر الفيديوه ...المهم عاوزه اعرفك ان اسامه هنا في أمريكا..معرفش من امتي ..بس هو كمان عرف الولايه اللي انا عايشه فيها و عرف مكان شغلي ..بقاله تقريبا اسبوع بيقف قدام الشركه و كل ما انزل الاقيه موجود ..كان كل شويه يحاول يتكلم معايا وانا اصده و أرفض تمام إني اكلمه ...من يومين حكيت لنهله لكنها اعترضت علي كلامى وقالتلي اديله فرصه و قابليه و هى هتكون معايا ..هي بتقولي يمكن عاوز يديكي جزء من فلوسك ..بس هو عارف حسابي في البنك .لانه هو اللي عملهولي .فلو عاوز يديني فلوسي فعلا كان حطهم في البنك مباشرا مش ضرورى يقابلني ....انا غلطت اني ماقولتلكش قبل ما أوافقك إني اقابله...أنا مش عارفه اعمل ايه ..انا حاسه اني غلطت ..كان لازم افضل رافضه مقابلته ...هو المفروض يجي عندنا في البيت كمان ساعه ..نهله موجوده معايا ..بس انا مش مرتاحه للخطوه دي ...انت عارف انا ليه ماقولتلكش من الاول علي موضوع اسامه ..ده لانه مش فارق معايا وكنت متوقعه اني لما ارفض اقابله .هيزهق و يمشي...اسامه وحكايته بالنسبه لي ماعدتش مهمه ..انا مش فاكره من حكاياته حاجه خالص غير الوجع و الدرس اللي اتعلمته ..اما هو .فخلاص اتمحيمن ذاكرتي
..انا غلطت و للأسف بعالج الغلط بالغلط ...مش عارفه يمكن لو كنت بتكلمني و تقولي انا بقيت بالنسبه لك ايه ..يمكن كنت عرفت اعمل ايه ..بس انت سايبني...انا في اكتر وقت محتاجه وجودك جنبي فيه ...بس مش قادره اطلب منك ده ..خجلانه منك اوي اوي
((( ساندى بكت وسكتت شويه و بعدين مسحت دموعها ))
فارس قولي اقبل اسامه ولا ما اقبلوش ....
انتهي الفيديو و فارس لا يعلم هل الذي بداخله ومايشعر به من غضب و نار تأكل صدره هل كل هذا بسبب ساندي نفسها التي لم تخبره علي محاولات اسامه مقابلتها ام هو غضب من نفسه لانه ترك ساندي كل تلك الفتره وحيدة..هل كان يعاقبها ام يعاقب نفسه معاها ...
لم يرد او يعطيها اجابه ..كان حقا يريد ان يعرف رأيها لو اسامه كرر عرض الزواج عليها مره اخري ..و هذه المره سيكون طلب الزواج أمامها مباشرا دون وسيط بينهم ...قد توافق و هو عندئذا يستطيع ان يبتعد في صمت
في منزل ساندي ~~~~
حضر اسامه ومعاه بوكيه ورد كبير ... لما شافوه البوكيه في ايده لاقاهم مستغربين و بيبصوا لبعض ..ابتسم وقالهم-:
اسامه:_ ...على فكرة الورد مايعبرش عن حاجه غير الاعتذار خالوا نيتكم صافيه...وأنا هنا جاي أعتذر وعلى فكره انا مش متوقع ولا صفح ولا غفران منك انا جيت علشان أشيل جبل من الندم على قلبي
نهله وساندي يستمعوا من غير اي تعقيب ..اسامه مستمر في الكلام
اسامه :-انا حكيت لفارس كل شي يخص حكايه والدي ووالدك واكيد قالك
ساندي :_....أيوه قالي عن كذبه أبوك
اسامه:_ ّّ...وقالك إني سبت أبويا وكل شي واني بيعت كل شي امتلكه وحطيت لك 2مليون جنيه في البنك في حسابك
ساندي:_ انا عرفت موضوع الفلوس بس ماعرفش انك سبت أبوك لأن من ساعة ما سافرت فارس ماكلمنيش ابدا ...اللي بيني وبين فارس انتهي من قبل ما يبتدي
اسامه :_ازاي فارس بيحبك و ده امر واضح و مش محتاج توضيح....من أول يوم شفته كان باين عليه أنه بيحبك كان كلامه كلام حبيب مجروح مش مجرد صله قرابه بينكم ...انا متأكد بيحبك
نهله مقاطعه ..:_.لا مش بيحبها ده بيعشقها لحد الجنون
ساندي بحزن وكسره ..:_...كان كان يانهله
اسامه ....:_.انا اسف انا السبب
ساندي ....لا يا أسامه أنت مجرد نتيجه مش اكتر
اسامه :_..ازاي؟؟؟
ساندي:_ ...شوف يا أسامه انا من أول ما شفتك ماحبتكش انا كنت عاوزه انتقم لابويا وبس
اسامه ...:_.ازاي ده انتي كنتي موافقه نتجوز يبقى هتنتقمي ازاي ؟!!
ساندي...:_. انا كنت عاوزه اتجوزك واخد فلوسك وانتقم منك ومن أبوك ...فلوس أبوك هى فلوسك و بما أنك الوريث الوحيد لعيسى المصري يعني كل الفلوس هتبقي بتاعتي بحكم إني مراتك ....((تنهدت بكسره )) شفت بقى ان جريمتي ما تقلش بشاعه عن جريمتك .احنا الإتنين زي بعض
اسامه باستغراب:_.كملي وبعدين
ساندي :_كنت ناويه اخد الفلوس بأي طريقه ماعرفش حتى تفكيري الجنوني ساعتها هيوصلني لايه يمكن حتى شيطاني كان وصلني للقتل .....صدقني الغضب كان مسيطر عليا وماكنتش عارفه اوقفه
اسامه ..:_بس انا للاسف كنت حيوان و اغتصبتك ودمرتك
ساندي:_ وأنا كمان كنت ناويه ادمرك بس بطريقتي ...كل واحد فينا كان ليه طريقته ماكانش فيه حب .بس انا كنت الاسؤ لأني انا اللي ابتديت في طريق الشر الأول وأنا اللي روحتله برجلي بس للأسف اخدت معايا انضف وأجمل واطهر قلب (فارس) ودمرته معايا من غير رحمه
..(.ساندي بتبكي بانهيار ونهله أحتواتها في حضنها ...اسامه ظل بمكانه يحاول ان يفهم ما يقيل له منذ لحظات يحاول ان يكشف أبعاد الصوره وحينما قرر ان يكسر حاجز الصمت ساندي قاطعته....
ساندي :_ ....على فكره يا أسامه انا مزعلتش منك زي ما قولتلك .....انت كنت بس نتيجه ....أيوه نتيجه لغبائي ولأني ماقدرتش النعمه اللي ربنا بعتهالي في صوره فارس ولا قدرت العيله اللي احتوتني وحسيت بحبهم ....انا لما شفتك من أسبوع قدام الشركه ما رفضتش إني اسمعك لأني زعلانه منك لا ابدا انا بس هربت لأنك فكرتني بمدى حقرتي وغبائي واني فقدت فارس إلى الأبد .
اخدت نفس عميق جدا بتنهيده و تحاول ان تبتلع مراره ماقالتله .
اسامه -: خلاص يا ستي احنا نعتبر اللى فات خلص ودلوقتي نبتدي من جديد ..تسمحيلي يا ساندي اطلب ايدك للجواز ..و المره دي بطلبك من نفسك و لو وافقتي بكره الصبح نكون في القنصليه بنخلص اجرأت الجواز ..ارجوكي قبل ما ترفضي فكري ..انتي قولتي ان حكايتك مع فارس خلصت من قبل ما تبتدي ..يمكن ربنا عمل كده علشان لينا نصيب مع بعض
ساندى-: لا يا أسامه..انا مقدرش اقبل طلبك . انا لو القدر ماجمعنيش مع فارس ..يبقي خلاص مش هتجوز ..فارس بالنسبه لي هو ابويا التاني ..بشوف فيه الحنيه والامان ...انا اسفه انا مقدرش و لو علي اني اسامحك فاملوش لازمه تطلب السماح و الغفران بطلبك للجواز مني ..متربطهمش ببعض .انا مسمحاك يا أسامه بس لو وفقت انك كمان تسامحني انا اللي مفروض اتأسفلك .
اسامه بكي بحرقه وقالها :_انتي أعز اخت.... واتمنى تقبليني أخ ليكي واكون رهن اشارتك واني أكون المسؤل
عنك ..
.ابتسمت ساندي واحست أن الله سامحها وأنه لرسل اليها جلادها تلك المره ليكون عوناً لها ليكون أخاً ليها في الغربه....
اسامه -: طيب يا جماعه كفايه دموع بقي تسمحولي اعزمكم على العشا
نهله -: انا موافقه ..ايه رايك يا ساندي
ساندي -: ارجوكم انا بلاش..انا تعبانه جدا و مش هقدر ..لكن اتفضلوا انتوا الاتنين متتأيدوش بيا
اسامه لسه هيتكلم ساندي قطعته -: والله ماهقدر ارجوك سبني علي راحتي من فضلك
اسامه -: براحتك انا و الانسه نهله هنخرج نتعشي و ارجع هالك تانى صاغ سليم
نهله -: نعم ليه يعنى هو انا جاكت هتستلفه منها و ترجعه تاني ..تعرف يا جدع انت انا من أول يوم شوفتك فيه منزلتليش من زور ..رخم ..سم كده
اسامه و ساندي ضحكوا كثيرا من كلام نهله ..و بفعل ذهبا و تناولوا العشاء. و تركوا الفتاه وحيده تفكر في كل ما حدث ..و كالعاده امسكت هاتفها و سجلت فيديو لفارس تحكي له أحداث تلك الليله
لكنها لم تخبره عن الكلام الخاص به
اسامه ونهله انتهوا من العشا واصلها لبيت ساندي
أما اسامه فهو ايضا تكلم مع فارس لكنه حكي له المقابله كلها بما فيها كلام ساندي على فارس وأخبره بمشاعر ساندي من ندم وحزن على فارس الذي اعتقدت أنها فقدته للأبد
اسامه ....:_.فارس مممكن أسألك سؤال
فارس ...:_.طبعا
اسامه.:_....أنت لسه بتحب ساندي ؟؟؟
فارس ..:_.بعشقها مش بحبها ..عمر حبي ليها ما نقص ولو لحظه على الرغم من اللي حصل انا كنت زعلان عليها مش منها
اسامه .:_..طب ليه مابتقولهاش .هي قالتلي على موضوع الفيديوهات وأنت مش بترد
فارس :_الموضوع محتاج وقت وكمان ساندي لازم تعرف هي بتحبني فعلا ولا مجرد إحساس بالذنب وأنها بتحبني رد جميل مش اكتر
اسامه .:_..حرام عليك رد جميل ايه دي بتموت ومفتقداك بجنون
فارس ..:_.خلاص بقى يا أسامه و بما أنك أنهيت موضوع الجواز ده يبقي خلاص تبعد عنها و ياريت متضايقهاش تاني
اسامه :_...أنت بتقول ايه انا بعتبر ساندي اخت وربنا يعلم قد ايه انا نفسي اعملها أي شئ يبسطها انت مش متخيل إحساس الاخوه ده جميل قد ايه وخصوصا إني محروم منه
فارس ...:_ يا سلام وانشالله هتفضل رايح جاي عليها ولا ايه .لا اوعى يا أسامه تفهم اني هسبهالك مش علشان بعد المسافه بينا ..لا طبعا ..انا قولت لو في آخر الدنيا هجيب بإذن الله ...ساندي دي عمرى وحبيبتي دي ام عيالي
أسامه .:_..ههههه اهه ده يا عم فين التقل بقى اللي انت عامله على البنت الغلبانه.... لا متخافش وبعدين لا أخفيك سرا يا صديقي ان نهله صديقه ساندى. بنت روعه بجد و جدعه وتحسها كده...مش عارف اوصفلك اللي جوايا..بس انا من اول ما عيني جات في عنيها قلبى ضرباته ذادت ..اتمني قريب الله نلبس الدبل
فارس ...:_يا راجل بجد والله ...انت من النوع اللي ماشي في الدنيا يحب علي نفسه ...بقولك ايه ما تشغلنيش بأمورك ..انا كل اللي يهمني تبعد عن ساندى..اظن كلامي واضح
اسامه ..واضح واضح ...مع السلامه
اسامه كان يفكر و بشده في نهله ..ظل يتذكر كلامها حركتها حتي صمتها و سكوتها...لأول مره يشعر بهذا الانجذاب تجاه احد ..لأول مره يظل يفكر بأنثي ولكن بطريقه مختلفه...يضحك عندما يتذكر ضحكتها و يعبث بوجهه عندما يتذكر عبوثها..قرر ان يقابلها مره آخري لن يعتمد علي ساندى سيذهب لها و يحاول معاها
احضر بوكيه ورد و ذهب لبيت ساندي دون ان يُعلم احد
نهله -: ساندي هو اسامه جاي النهارده
ساندي -: ايه جاي ..اذاي ..مين قالك
نهله -: اصل الأمن تحت بيقولي ان اسامه تحت وعاوز يطلع
ساندي -: يوووه بقي و ده عاوز ايه تانى..ما خلصنا
نهله -: طيب اعمل ايه
ساندى-: قوليله اني تعبانه و مش في مووود اقابله
نهله -: طيب انا هنزل و اتكلم معاه
ساندى بعدم اهتمام -: انتى حره
تنزل نهله لمقابله اسامه للتتفاجاء به بشكل اكثر اناقه ووسامه من مقابلته لها مع ساندي و يحمل بوكيه ورد اكثر جمالا
اسامه لم يصدق ان القدر ارسلها له بنفسها دون طلب وشعر برهبه و توتر كان ملحوظ عليه
نهله مداعبه -: الله الله ..العاشق الولهان ...هو ايه ياعم المره دي انت كل مره هتيجي متشيك و متهندم و بوكيه ورد احلي من اللي قابله ....لا كده كتير
اسامه يضع يده علي شعره بحركه لا اراديه -: يعنى يعجبك
نهله -: هو مين ده ؟
اسامه -: الورد ..الورد هيكون مين يعني ...
نهله -: اااه بحسب
اسامه -: و فيها ايه ماتحسبي ...مايمكن حساباتك تطلع صح
نهله -: خفه تصدق ....المهم يا عم رميو ..ساندي بتقولي اقولك انها مش في مود كويس و متشكرين مش عاوزين ورد ...
اسامه -" اولا مين قال لسيادتك ان الورد لساندي ....ده لحد تاني ...اتفضلي انتي مش بتعرفي تقري
(( و اعطاها كارت صغير فيه كلمات رقيقه و اسمها مكتوب بالكارت))
نهله بتوتر و عدم فهم -: ايه... الورد ده ليا و ده اسمه ايه ...
اسامه -: اسمه سيد علي اسم المحروق جده ....ايه يا شيخه مافيش لمبه نورت في الجمجمة دي ((و شاور على دماغها))
نهله -: تقصد ايه بقى ..
اسامه -: الاول اتفضلي الورد ده ..ثانيا ياريت تتطلعي تغيري هدومك و تنزلي .نتعشى بره النهارده .. ده بعد اذن جناب معاليكي
نهله بابتسامه صغيره -: هات البوكيه الحلو ده و استني شويه كده افكر
اسامه-: اوك..بس متطوليش..هفضل واقف مستني
نهله -: بس انت ممكن تستني كتير ..انا بس بعرفك
اسامه -: وانا موافق ..
--------------------
ساندي -: ايه ده بوكيه ورد تاني ..يوووه بقي انا زهقت
نهله -": يا ستي اهدي شويه و بلاش الهجوم ده ..الورد ده مش لحضرتك
ساندي -: اماال لمين يا برنسيسه
نهله تحتضن البوكيه -: ليا انا يا صاحبه البرنسيسة
ساندي -: مش فاهمه ...
نهله -: ولا انا ..لما ارجع و افهم ..هفهمك
ساندي -: ترجعى منين ؟
نهله -: ما اسامه عزمني على العشا ..و عن اذنك علشان الحق البس و انزل لانه مستنيني تحت
ساندي تنظر لنهله وهي تغادر لغرفتها ...لا تستوعب ما حدث ..كيف لنهله ان تستجيب لدعوة اسامه مره اخري ..ماذا يريد اسامه من نهله
نهله -: هتفضلي بصه لي كتير كده ....
ساندي -: وأنا عندي حاجه تانيه اعملها ...انتي مستوعبه اللى بيحصل ...
نهله -: ارجوكي افهمي انا هنزل لأسامة وهفهم منه هو عاوز ايه ..و هاجي احكيلك
ساندي -: اظن ان الامور واضحه ..شكله كده أعجب بيكي ..يا نهله انا خايفه عليكي منه انتي خلاص نسيتي هو عمل فيا ايه
نهله -: انتى كبرتي الحكايه اوي ..و كمان انا مش عارفه المفروض اعمل ايه دلوقتي..انزل اعتذر له علشان انتي مش مرتاحه ...من فضلك يا ساندي ما تضغطيش علي نفسك بالطريقه دي ..ساعتين بالكتير وهاجي احكيلك كل حاجه
في المطعم -----
نهله -: اظن انا احترمت رغبتك في العربيه و سكت ومرديتش اتكلم وأسألك علي اي حاجه ذي ما انت طلبت و قولتلي لما نوصل المطعم الاول .و ادينا وصلنا
اسامه -: طيب اتفضلي الاول اطلبي و على ما الاكل ينزل لنا اكون جاوبتك علي اسألتك
-------------!!!!
سميره تجلس مع اختها في شرفه المنزل
فريده-: البت ساندي وحشتنى اوى..مش عارفه ليه بقالي كام يوم بحلم بيها
سميره وانا كمان والله وحشتنى اوي..بقولك ما تيجى نكلمها علي النت
فريده -: اه وماله قولي لعاليا ولا نيره يجيبوا التليفون و يخلونا نكلم ساندي علي البتاع ده اللي اسمه الفيس ..
سميره -: لا انا هقول لفارس احسن علشان هو اللى هيعرف يوصلنا بساندي ..
فريده -: اذاي يعني هما بيتكلموا
سميره -" ساعات ساندي بتبعت لفارس
فريده -: بتبعت أيه ..و اشمعني فارس بس و مش بتكلمنا احنا كمان ليه ...هو فيه ايه
سميره -: فيه ايه يا فريده
فريده -: الله انتي اتنرفزتي ليه ..انا بسأل فيه ايه بين ساندي وفارس ..طب ياريت يبقى فيه حاجه بصحيح علي الاقل البت ترجع تاني تعيش في وسطنا
سميرة -: ربنا يعملهم الخير يا فريده ..هو انا اكره ..بقولك ايه الواد فارس جاي علينا قوليله انك عاوزه تتصلي بساندي
فريده -: اقوله ياختى هو انا هخاف منه ....
(( فارس يدخل الشرفه عليهما ))
فريده -: فارس بقولك ايه ماتتصلي كده بساندي أصلها وحشتني
( فارس ينظر لأمه بنظره ذات معنى ))
سميره -: انتي بتبصلي كده ليه بقولك ايه انا كمان البت ساندي وحشتنى اوي وعاوزه اسمع صوتها
فارس -: حاضر بس فرق التوقيت بينة كبير ..يعني الوقت عندها دلوقتي تقريبا عدي نص الليل ..هشوف كده و ابلغكم ..عن اذنكم ..ماما ثوانى عوزك
تخرج سميره خلف فارس .وهى تعلم أنه سوف يؤنبها علي كلام خالته
سميره بنرفزه مصطنعه -: بقولك ايه انا ماليش دعوه خالتك هي اللي عاوزه تكلم ساندي ..وهي اللى أول ما شفتك داخل علينا طلبت منك أن تتصل ببنت خالك
فارس بإبتسامه صغيره .-: طيب وفيها ايه يعني يا سوسو مالك كده متعصبه ..هو انا قولت مثلا انك من ساعه ماشوفتيني بتفرج على فيديو ساندي وانتي مابطلتيش كلام عنها .ولا مثلا قولت انك كل شويه تطلبي مني اكلمها ..لا خالص يا ست الكل ..انا مافكرتش في كده ابدا ياسوسو
سميره -: بقي كده يا ابن سوسو ..مااااشي ....امال كنت بتندهلي ليه
فارس -: لا انا كنت بس بسألك ممعاكيش فكه جنيه ونص ((ههههههههه ))
سميره بغيظ -: امشي من هنا يا اهبل يا ابن الهبله يلا روح شوف مصلحتك
----------------------
بعد عدده ايام حاولت نهله عدم التحدث مع ساندي عن أي امر يخص اسامه .. منذ اللحظه التي عرض عليها الزواج وهي لا تعرف كيف تقيم هذه العلاقه ..هل تسمح لشخص مثل اسامه بعد ما فعله مع صديقاتها .ان يطرق باب قلبها ..
Flash back
اسامه -: ايه رايك في المكان ..هو بسيط لكنه مريح جدا
نهله -: المكان حلو فعلا اول مره اعرف ان فيه مكان هنا في نيويورك بالجمال ده
اسامه -: ولسه لما تدوقي الاكل العربي بتاعهم ..حلو جدا وتحسيه انه اكل بيتي ...حقيقي حلو اوي
نهله -: اسامه ..لو سمحت .. معتقدش انك جايبني النهارده علشان تدوقني اكل عربي في نيويورك....هات من الاخر
اسامه بيضحك من طريقته-: اهدي ياعم الجامد عاوزه تعرف ايه
نهله -: انتى ليه جيت عند بيتنا مره تانيه وليه بوكيه الورد كان ليا انا مش ساندي ..وليه بنتعشي المره دي مع بعض ..انت عاوز مني ايه
اسامه بسرعه و بدون تردد -: عاوز اتحوزك ...انا عارف انتي وساندي شايفيني اذاي ..بس انا اقسم بالله اتغيرت تمام ..مش هضحك عليكي و اقولك اني اتغيرت من اول ماشوفتك ..لا انا اتغيرت وخسرت نفسي من وقت اللي حصل بيني و بين ساندي ....من اليوم المشؤوم ده وانا حاسس اني قرفت من نفسي وكل ما ابصي لنفسي في المرايه ببقى عاوز اشوهني ..لانى بجد مابقتش ولا طايق حياتي اللي فاتت ..ولا طايق اي شي يفكرني باللي حصل
من فضلك يا نهله اديني فرصه ..اعرفك بالإنسان الجديد اللي موجود معاكي دلوقتي...ده طبعا لو تحبي..او حتي علي الاقل عندك استعداد او حتي قبول لو جودي فى حياتك
نهله -: الحقيقه يا أسامه انا مش عارفه اقولك ايه..انا حاليا مش هقدر اقولك قرار ابدا ....كل اللي اقدر اعمله اني اسمع وانت تتكلم..يعني ذي ما قولت كده سبني اتعرف علي الشخص اللي قدامي بشكل كويس ....لكن بردوا محتاجه اعرف كل حاجه تخص اسامه القديم ...كل شي ..و انا كمان هكون بالنسبه لك كتاب مفتوح ..لكن مش دلوقتي
اسامه اتنهده بسعاده-: تماااام اوي كده طالما سامحتي للباب بينا يبقى مفتوح حتي لو بسيط يبقى فيه امل..وأنا اوعدك اني هتمسك بالامل ده بأى طريقه....و دلوقتي ايه رايك ناكل و نتكلم ..انا مبسوط اوي .و نفسي مفتوحه اوي
ظلت نهله و اسامه فى مقابلات مستمره وحدث انجذاب بينهم شديد و اتفقا علي ميعاد ليقوم اسامه بزيارة اهل نهله ليطلبها منهم للزواج
لكنها تشعر بتأنيب الضمير تجاه صديقتها...وخصوصا ان ساندي تعرف انها تقابل اسامه وساندي حقا تشعر بالحزن ولكنها لا تتحدث مع نهله ..لهذا قررت نهله ان تتحدث معاها صراحه
((( بعد تفكير طويل )))
نهله -: ساندي ؟؟
ساندي -: نعم يا نهله ..
نهله -: كنت عاوزه اتكلم معاكي ..انتي فاضيه ؟؟
ساندي -: بخصوص اسامه ..مش كده ؟؟
(( نهله تصمت ولا تنظر الي ساندي ))
ساندي تكمل كلامها-: بما أنك ساكته يبقى كلامي صح ...اولا انا ماليش صفه تخليكي تسمعي كلامي أو حتي تقتنعي بيه ..انتي كبيره كفايه علشان تشوفي و تقرري تعملى ايه في حياتك ....نهله انا مش هحكيلك عن اسامه ولا هقولك انك لازم تعرفيه كويس ..لانك ببساطه عشتي معايا كل تفاصيل حكايتي معاه و....
نهله مقاطعه -: بس هو اتغير ...والله يا ساندي اسامه شخص كويس من جواه لكن البيئة اللى اتربي فيها و علاقته بابوه كانت مأثره عليه بشكل سلبي ....لكنه ندم و نفسه انه يعملك اي حاجه علشان تسامحيه
ساندي تنظر لنهله و تستمع لها بهدؤ -: انا ذي ما قولتلك في بدايه كلامي اني ماليش اني اقولك تعملي ايه او متعمليش ايه ...احنا أصحاب حتي لو كنا اخوات و ربطنا صله دم .بردوا ماينفعش أملي عليكي قراراتي و انتي تنفذي ....لكن نرجع لموضوعنا...هو مافيش غير امرين...يااسامه بقي انسان جديد فعلا ذي ما انتي شايفاه ..يا هو كداب و ليه غرض قذر و بيستغلك ..واكيد بتمني لك انه يكون انسان محترم و اتعلم من الماضي او ان ربنا سبحانه وتعالى يظهرلك الوحش اللي فيه بسرعه و يبعد عنك ...
نهله -: انا بجد متلخبطه و اكتر شئ مضايقني..تأنيب الضمير انا طول الوقت حاسه اني بخونك
ساندي-: ماتخليش الامور توصل لكده يا نهله ...الحكايه مش خيانه .. الموضوع كله في اسامه واللي عمله معايا والماضي بتاعه...للأسف ولا انا ولا انتي عارفين هو فعلا اتغير ولا ايه اللي بيحصل
نهله -: لا يا ساندي انا بقالي فتره بقابل اسامه و كل يوم بنتكلم فترات طويله ..انا حاسه اني بقابل شخص مختلف كتير عن اسامه اللي كنا بنقابله في حفلات أصحابنا..معرفش ليه من جوايا مصدقاه ...علي فكره هو طلب اني احدد له ميعاد مع بابا علشان يتفقوا علي ترتيبات الخطوبه و بعدها الجواز
ساندي -: طيب تمام ...انا بقي المفروض اعمل إيه
نهله -: انا عاوزاكي جنبي ...عاوزه نفضل اخوات ذي ما احنا
ساندي -: وايه اللي هيغير ده
نهله -: انتى مش هتتقبلي اسامه ...و هيكون ده السبب الأساسي انك تبعدي عني
ساندي-: صدقيني انتى عندي اهم من اسامه ومن أي حد ...و طالما هو اللى قلبك اختاره و حاسه انه هيسعدك ..يبقي خلاص ...
نهله -: يعني هتقبلي اسامه
ساندي-: علشان ابقى صريحه معاكي .انا هقابله بس مش هتقبله و ده امر بالنسبه لي امر منتهي
نهله -: مقدرش اطلب منك اكتر من كده ...كل إنسان وليه طاقه
ساندي -: يبقى مبروك يا صاحبه عمري
نهله-: عقبالك يا ساندي لما البسك بإيدي فستان فرحك على فارس
ساندي تحضن نهله بحب -: انشالله يا نهله ..أملي في ربنا كبير
نهله -: من غير دموع يا حبيبتي انشالله..بصي بقي النهارده اسامه عزمنا علي العشا وارجوكي من غير اعذار ..تعالي معايا و اسمعيه وبس ..الزمن و الوقت قادر يغير حاجات كتير ...
ساندي -: حاضر علشانك يا عروسه حاضر
-----------------------------------
وفي يوم اسامه كان عند ساندي ونهله .سألها
اسامه ..:_.ساندي لامتي هتفضلي كده ؟
ساندي :_مش فاهمه يا أسامه قصدك ايه ..
اسامه:_ قصدي لامتي هتفضلي تبعتي فيديوهات لفارس وهو مش بيرد
ساندي..:_.وبايدي ايه يا أسامه غير كده وهو حتى مش بيديني أي اشاره تقول أنه سامحني
اسامه ..:_.ولا هيعمل كده .غيري طريقتك دي جددي خليه هو اللي يدور عليكي
ساندي.:_اعمل ايه يعني
اسامه ...اسمعي .كفايه الخطوه دي حاولي تعديها ارمي حجر في البركه الراكده
ساندي بتبصله ومش عارفه يقصد ايه
اسامه.:_.الاجازه السنويه قربت ايه رأيك تقضيها في المزرعه وتعمليها مفاجأه وتكوني قدامه بنفسك وهو قدام عينك
ساندي بتفكر
.اسامه بيكمل كلامه .:_.وكمان خليكي الفتره الجايه دي تقطعي اتصالك بفارس علشان يتجنن ويفكر يا تري ايه اللي حصل وبعد كده يتفاجا بيكي قدام عينه وأنا متأكد أنه من كتر خوفه وقلقه عليكي مشاعره الحقيقيه هي اللي هتحركه
ساندي اقتنعت بالفكره ونهله كمان وفعلا قفلت الاكونت
بعد كام يوم ابتدي فارس يقلق جدا مبقاش عارف ليه ساندي مابقتش تبعت فيديوهات تاني
فارس-: ياتري حصل ايه ..ولا خلاص يا ساندي بطلتي تفكري فيا ...
.كان بجد هيتجنن لدرجه أنه فكر في السفر وفعلا عمل الباسبور و تقريبا انهي معظم اجرات السفر بس اللي كان عاقبه.
فارس -: من فضلك يا أمي احنا اتكلم فى الموضوع ده كتير ..انا مسافر يعني مسافر ...وبعدين الحكايه كلها ١٠ ايام مش اكتر
سميره -: انا مش معترضه علي السفر .بس عاوزه اعرف ليه و اشمعنا الايام دي اللي مُصّر علي السفر ...فيه ايه مخبيه عليا ..هي ساندي جرلها حاجه ..انطق يا ابنى
فارس -: مافيش حاجه ..انشالله كله خير ..
سميره-: ياسلام فهمت ايه بقى انا كده
فارس امسك يد والدته و ضمها بحب -: بصي يا ست الكل ..انا نفسي والله ما عارف حاجه ..ساندى فاجاه اختفت و مابقتش تبعتلي تانى فيديوهات ذي الأول حتي صاحبتها نهله مش بترد علي رسايلي خالص ....مش عارف ايه اللي بيحصل ..بس انا متأكد أن ربنا مش هيزعلني ابدا علي ساندي
سميره -: ما انت السبب يا فارس ..البنت كانت تقريبا هتبوس رجلك و كل شويه تتبعتلك فيديو و تحكيلك عن حياتها وانت ولا بتعبر ...خلي بالك كتر الجفا ياابني بيعلم الاسيه.....
فارس -: ادعيلي بس يا أمي اسافر و ارجع مع ساندي وأنا اوعدك اني خلاص مش هسمح باي حاجه تبعدها عننا تاني
سميره -: يارب يا ابني ربنا يوفقك ..طيب انت خلاص حددت ميعاد سفرك ..انا تقريبا مخلص حاجات كتير
الفلوس بس هي اللي معطلاني انا هانتظر شويه لحد ما اخد جزء من فلوس المحصول علشان اعرف اسافر وكمان كلم ابن عمي جمال لأن ليه أصدقاء في أمريكا يحاولوا يساعدوني ..دعواتك بقى يا ست الكل ...
--------------
و جاءت الاجازه وساندي عادت
وفي يوم رجوعها كان فارس كالعاده عندما ينهي عمله يذهب الي الاصطبل ويجلس بجوار ساندي المُهره وكان معاها مهره صغيره ابنتها اسماها نور لأنه تمني عندما ينجب من ساندي يسمى الطفل نور سواء ولد او بنت ....... وفاجاه ساندي الفرسه كانت تصدر صوت صهيل ..و كأنها ترحب بضيف عزيز ..كانت تريد أن تخرج من الاصطبل
فارس لم يفهم تصرفها ..لكنه شعر ان قلبه سيتحرك من مكانه لم يفهم هذا الشعور و بدون تفكير منه..نظر خلفه وكانت المفاجاه ساندي حبيبته تقفة امامه وبدون مقدمات جري عليها وحضنها بشووووووق ولهفه ...ساندي تفاجاءت من رده فعل فارس ..لكنها تذكرت كلام اسامه أن مشاعره ستظهر لوحدها من دون خجل
وهذا ما حدث... حضنها فارس لدرجه الماتها جدا و كان بيبتسم ودموعه كانت تسقط علي وجهه ساندي
#رانيا #محمود
يتبع
تكملة الروايه من هنا
تعليقات
إرسال تعليق