مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الحلقه التاسعه 

#فارس #احلامي

وساندي كمان عيطت جامد واختلطت دموعهم مع بعض فضل يبوس كل حته في وشها كان عاوز يتأكد أنها موجوده وهو شايفها ولمسها كمان ..وبعد أن هدأت مشاعر الفراق واطمأن الحبيب أن حبيبته أمامه ترجع للخلف لكي ينظر إليها جيدا 

ساندي :_..فارس حبيبي كفايه اهدي قلبك هيقف انا حسه بضرباته اهدي حبيبي انا بين ايديك اهو 

فارس اخدها في حضنه تاني وهدئ فعلا .

فارس .:_.انا مش مصدق انتي كنتي فين ااانا ...

ساندي حطت ايديها على شفايفه بنعومه :_..هحكيلك كل حاجه بس انا لسه جايه من مشوار  رهيب 20 ساعه طيران و ترانزيت ونزلت مطار القاهره وبعدين تاكسي لحد هنا (واتنهدت )فارس بجد انا تعبانه اوى 

فارس ..:_.اسف يا حبيبتي 

( ساندي كانت هتموت من السعاده فارس اعترف و قال يا حبيبتي اخيرا سامحها )

فارس-: يالله دي ماما هتفرح اوى... صحيح انت شفتي حد لما وصلتي

 ساندي'-:لا ابدا انا دخلت و كنت اتمنى انك تكون أول حد عيني تشوفه وفعلا لما دخلت كنت هاروح مكتبك بس سمعت صوت ساندي صحيح هي فين 

فارس .بصلها وضحك كأنه افتكر حاجه 

فارس ..-:.تعرفى أنها هي اللي عرفتني انك جيتي

ساندي بصتله باندهاش -:ازاي يعني 

فارس.-:لأنها أول ما حست بوجودك كانت عاوزه تخرج وتجري من الاصطبل ودي أول مره تعملها وخلتني انتبه ابص ورايا

 (ساندي-:.انا بحبها جدا  

فارس..-:على فكره دي كمان خلفت 

ساندي ..-:ايه من امتى؟ 

فارس -:..من أسبوعين بس وجابت مهره جميله شبها بالظبط وسمتها نور 

ساندي:-وليه نور 

فارس ..-:.علشان ده هيكون اسم ابننا أو بنتا أن شالله 

ساندي اتكسفت جدا جدا ☺️☺️

فارس بصلها ولاحظ كسوفها وكمل :_تعالى نروح البيت فين حاجاتك .

ساندي ..:_على باب المزرعه من بره

 .فارس نده على حد من العمال ودخل الشنط بعد كده دخلوا البيت كل حاجه فيه زي ماهيه نفس الدفء نفس الإحساس بالأمان نفس الريحه الحلوه .شافتها أم طه الشغالة.

ام طه:_..ست ساندي جات يا نهار ابيض ازيك يا حبيبتي (وحضنتها جامد) لا مؤاخذه يا بنتي هدومي مش نضيفه

ساندي .:_..بتقولي ايه يا أم طه (وحضنتها ساندي جامد )وحشتيني أوي 

فارس :_ثانيه واحده هجمعلك البيت كله وفعلا في ثواني اتجمعت العيله والكل كان مبسوط حتى سلمى وأول ما شافت ساندي حضنتها  لأنها اتاكدت فعلا ان فارس بيحب ساندي وبس وأنها مالهاش مكان في قلبه وكمان هي اتخطبت للدكتور أحمد البيطري صديق فارس 

سميره بعيون مليانه دموع اخدت ساندي في حضنها وماقالتش غير (وحشتيني اوى يا ضنايا )

وكمان فريده ...ساندي فعلا كانت وحشاهم جدا 

اتعشوا وساندي حكتلهم على تجربه أمريكا والشغل والسفر بس اكتشفت ان فارس ما حكاش لحد حاجه لا عن قصه اسامه واللي حصل ولا عن الفيديوهات اللي بتبعتهالوا ولا أي شئ إطلاقا حتى سميره اظهرت أنها  ما تعرفش حاجه عن موضوع الفيديوهات..فارس بص لساندي لاقى في عنيها شكرا كبير اوى وكان قاعد جنبها ومسك ايدها من تحت ترابيزه السفره بيضمها وكأنه بيقولها(((ماتخفيش انا معاكي )))...

بعد العشا

 فارس :_ يالا اطلعي نامي وبكره نتكلم براحتنا ..

.(ساندي اتبسطت اوى وأنه قد ايه حاسس بيها ..الصبح بدري صحيت قبل الكل أو كانت فكره أنها صحيت قبل الكل لأنها راحت الاصطبل وشافت فارس واقف قدام ساندي ونور وحس بيها من صوت ساندي الفرسه قلها من غير ما يبص وراه .

فارس ..:_.صباح الخير يا قمر ايه اللي صحاكي بدري ..

..ساندي ضحكت جامد خالت فارس يبصلها وقالها :_....أيوه حسيت بيكي من غير ما تتكلمي ..

ساندي حطت ايديها حوالين رقبته وقالت ...:_.للدرجه دي حبك ليا للدرجه دي كنت عميا 

فارس ...:_ساندي حبيبتي  .وبعدين يا بنتي تعالى هنا انتي ازاي تقعدي 6اسابيع ماعرفش عنك حاجه دا انا هبهدلك

(ساندي وهي بتضحك):_نعم وانت  لما كنت بتشوف الفيديوهات ولا تعبرني عاوزني اعمل ايه .وبعدين قولت اديقك شويه 

فارس .:_...تعرفى يا ساندي الفيديوهات اللي كنتي بتبعتيها دي كانت بالنسبه لي الهوا اللي بتنفسه انا يومي بيبدأ لما بتبعتي تقولي لي صباح الخير على الرغم من فرق التوقيت بس حقيقي لما وقفتي الفيديوهات كنت اموت .(شدها من ايديها ..) تعالى اوريكي حاجه

 دخل المكتب وفتح الدرج وطلع منه دوسيه وفتحه:_ 

فارس -" شوفي ده جواز السفر بتاعي ودي الأوراق اللي كنت مجهزها علشان اخد التاشيره واسافر أدور عليكي 

ساندي حضنته وقالت .:_..انا اسفه على كل حاجه ديما بكون مصدر ازعاج ليك 

فارس حط ايده على شفايفها وقالها ...:_انتي مجنونه على فكره انا عمري مابطلت أحبك ..

..ساندي مقاطعه .:_..حتى بعد اللي حصل 

فارس .:_..درس يا ساندي اللي حصل درس قاسى فعلا بس هيفضل درس انا اتخطيت المرحله دي من فتره 

ساندي..:_.وطالما اتخطيت المرحله دي ليه سيبتني بموت كل يوم وأنا حاسه انى فقدتك للأبد (وكانت بتتكلم وهي بتبكي)

فارس ..:_.كنت محتاج وقت علشان اعرف مشاعرك الحقيقيه يا تري بتحبيني فعلا لأني حبيبك ولا كنوع من رد الجميل لأني وقفت جنبك وكنت طلبت منك الجواز 

ساندي ...:_.ازاي تفكر كده دا انا كنت ببعت لك كل يوم تفاصيل حياتي وبشاركك فيها لأنك حبيبي بجد اللي عرفت قد ايه كنت غبيه لما فكرت أبعد عنه 

فارس بعفوية :_...ما انا عرفت اسامه حكالي فعلا(( .وفاجاه فارس ارتبك كأنه اخد باله أنه وقع بالكلام 😅

ساندي شهقت...:_.نعم اسامه قالك ايه وامتى ..

فارس ضحك على غبائه وهرش في دماغه 😂وحكلها كل حاجه وهو بيضحك وهي متنرفزه😬منه ومن اسامه 

ساندي .:_..علشان كده كان بيقولي كفايه كده ولازم ترمي حجر في بركه الميه الراكده دي ولازم تخلى فارس يخرج عن صمته وينطق بكلمه بحبك 

فارس ..وعمتلي اللي قالك عليه؟؟

ساندي ...طبعا

فارس بصلها و ابتدى يفهم ويستوعب 

وقالها ....:_اه يا ولاد اللذينه علشان كده منعتي نفسك الفتره اللي فاتت وماكلمتنيش وكمان نهله  اختفت ومعرفتش اوصل لها علشان لما تختفي ما اقدرش اطلب منها تعرفني سر اختفائك 

ساندي  ..:_ علي فكره نهله و اسامه اتفقوا علي الجواز ..بقالهم فتره بيتقابلوا و الموضوع دخل فى الجد ..نهله اتكلمت معايا علشان ابتدى اتقبل وجود اسامه ..لأنها صديقتي و اقرب حد ليا و ماينفعش نبعد عن بعض بعد عشره  السنين دي كلها..علشان موضوع جوزها 

فارس -: طيب وانتي هتتقبلي وجوده و هتقدري تشوفيه تاني 

ساندي -: لا يا فارس مش هقدر لكن مش هبين ده لنهله .انا بتمني يكون انسان كويس معاها و يكون الزوج اللي هي بتتمناه و مايأذيش مشاعرها ..وبعدين انا مش هشوفه

فارس-: يعني هتعملي ايه 

ساندي -: ما خلاص بقي مابقتش عاوزه اسافر تانى..الا اذا انت اللي مش عاوزني هنا في بيتك

فارس بغزه-: مين ده ..انا ماصدقت انك رجعتي لحضني تاني ..دا انا عمرى ما ابعدك عني تانى   ((( اخد نفس وقالها:)))_ على فكره اسامه ده كل يوم بياكد لي أنه جدع وأنه فعلا ندم بيحاول يصلح اللي فات وأنه بيقربنا لبعض...ربنا يوفقه هو نهله ويكون ليها السند و الزوج الصالح  ...

فارس اخد ساندي  في حضنه لدرجه أنه عاوز يخبيها جوه قلبه وقالها:_ بهمس (بحبك يا أم نور❤💗)

بصتله واتكسفت و كمل :_ يالا بينا نفطر

 راحوا المطبخ مع بعض وجهزوا احلى فطار وهما بيضحكوا وقضوا وقت جميل مع بعض ..ساندي قضت اجازتها مع أهلها وكمان اتخطبت لفارس اللي  جبلها احلى شبكه وأجمل فستان وعملوا ليله جميله وبسيطه في المزرعه والكل كان سعيد بيهم وفرحان بعد الخطوبه وفي جو  هادي فارس طلب من ساندي أنها تعدى عليه في المكتب وفعلا راحت وكان قدامه أوراق

 .فارس .:_..بصي يا ساندي دي حسابات أرضك تعالى نراجعها علشان تاخدي فلوسك.

ساندي:_ حساب ايه بس يا فارس انا كان بيوصلني من البنك كشف حساب بالفلوس اللي بتتحول لحسابي سيبك من الموضوع ده انا عاوزاك في حاجه أهم.

فارس قام من على كرسي المكتب وقعد قدامها ومسك ايديها وقالها :-طيب يا حبيبتي ايه الاهم 

ساندي ..-: .انا هسافر أمريكا((( .لسه فارس هيتكلم ساندي لحقته))) .وكملت :_..علشان أقدم استقالتي واجيب باقي حاجاتي وأسلم الشقه واودع أصحابي وبعد كده ارجع لحضنك تاني 

فارس اخد نفس وضحك من طريقه كلامها وقالها طيب ما تخالي نهله تخلص كل ده وانتى اتفقي معاها من هنا وبلاش سفر تاني 

ساندي..-:لا ما ينفعش يا قلبي علشان فيه عقود وشرط جزائي عاوزه اخلص كل ده بنفسي وماتقلقش شهر واحد اوعدك مش هيزيد .

 فارس بزعل :- شهر يارب صبرني عليه .(.بصلها بحب) وقالها:_ انا مش عارف أنا ليه عملت خطوبه ليه ما كانش دخله على طول

وفضلوا يضحكوا وهما حضنين بعض

 .بعد 4ايام ساندي بتجهز نفسها .فارس دخل عليها اوضتها شاف الشنطه وبصلها بزعل واتنهد

وقالها -::خلاص...

ساندي حضنته:_ ..معلش يا قلبي انا رجعالك تاني يا حبيبي هخلص وارجعلك العمر كله وكمان يا سيدي تكون وضبت اوضتنا عاوزاك تعمل الحاجات اللي اتفقنا عليها وأهم حاجه البلكونه تكون واسعه اوك ...انا هكون معاك خطوه خطوه ...

كانت بتتكلم معاه وبتحاول تلطف الجو علشان دموع فارس ما تنزلش بس مافيش فايده دموعه نزلت ومسحتهالوا بشفايفها وهي بتبوسه من وشه ..فارس كان هيبوسها ضحكت ومنعته وهي بتهزر

ساندي :_ .كفايه عليك كده .

.فارس ضحك وخدها جامد لحضنه وقالها :_انشالله هترجعي تلاقي الاوضه احلى قصر صغير على قدنا على فكره فرحنا انشالله هيكون مع فرح عليا وجمال وسلمى و احمد وبكده مش هيفضل غير نيره اللي هنستنا بقى يجلها ابن  الحلال

 .ساندي :_ يارب يقرب البعيد يا حبيبي  💖💖

تاني يوم سلمت ساندي على الكل و كلهم بكوا وهي ماشيه وسميره مش عاوزه تسبها من حضنها

 ..فارس:_ ... كفايه بقى يا امي كده هنتاخر لسه هنسافر القاهره كمان وبعدين كلها شهر انشالله وترجع يعني هانت 

ساندي :_.. برضوا يا ماما مش عاوزه تيجي توصليني 

سميره :_..لا يا قلبي مش هقدر انا هاجى المطار لما استقبلك وانتى جايه بالسلامه غير كده لا مش قادره

 ..واخدتها في حضنها ودعتلها (استودعتك عند الذي لا تضيع عنده الودائع اللهم احفظها وردها إليا سالمه )

ساندي حضنتها وباست ايديها وسلمت على الكل وراحت الاصطبل سلمت على ساندي ونور ومشيت مع فارس وكانت بتحاول طول الطريق تهزر مع فارس وشويه يستجيب لهزرها وشويه لا وكان باين عليه الزعل ولما وصلوا المطار وخلصوا الإجراءات وبعد شويه سمعوا رقم الرحله وأنها لازم تمشي حالا فارس فاجاه حس ان حد اخد قلبه من مكانه بص لساندي وحضنها جامد وما هتمش بشكلهم قدام الناس وساندي اتكسفت واتحرجت جدا جدا 

ساندي ..:_خلاص يا فارس الناس بتبص علينا 

فارس بصلها بعيون مليانه حب وجع ودموع وقالها (لا إله إلا الله)

ساندي .'_.(محمد رسول الله)

ومشيت لحد ما اختفت من قدام عينيه وكان جواه إحساس غريب ماعرفش يفسره .... رجع فارس بيته منتظر مكالمه ساندي لما توصل وفعلا تاني يوم بالليل كانت ساندي بتكلمه وطبعا المره دي رد عليها وكانوا طول الايام اللي ساندي موجوده  في أمريكا كالعاده بتبعتله فيديوهاتها وبتشركوه كل لحظاتها وهو كمان بيرد عليها وبعتلها فيديوهاته فيه كل التفاصيل اليوميه وكانوا بيتشاركوا احلى واجمل اللحظات الحلوه مع بعض ..

..ساندي خلصت كل ارتبطتها وفارس أنهى اوضه نومهم وكان بيقولها على اللي هيعمله بس ماكنش راضي أنه يصورلها الاوضه ابدا وكان بيقولها دي مفاجأه وبيشوقها 

كانوا مبسوطين مستمتعين اوى وهما بيختاروا مع بعض تفاصيل اوضتهم وحياتهم الجديده ..اسم ولادهم الأماكن اللي هيزروها ألوان هدومهم وكانت ساندي لما تشتري حاجه كانت ديما بتكلم فارس وتأخذ رأيه والعكس صحيح .عاشوا مع بعض اجمل التفاصيل 😍😍😍

اسامه ونهله اتجوزا بعد ما وصلت ساندي أمريكا واستغلوا وجودها وعملوا فرحهم علشان صديقتهم تحضر الفرح ووعدوها أنهم برضوا هيجوا فرحها وسابوا نيويورك واستقروا في ولايه ثانيه علشان شغل اسامه الجديد كانت نهله مبسوطه لأنها مش هتسيب صديقتها لوحدها في الغربه لأنها هتسافر قريب وتبقي مع حبيبها 

عدا الشهر ساندي حجزت ميعاد الرجوع لمصر وعلى أساسه اتحدد ميعاد الفرح بعد أسبوع من رجوعها 

(😔😔ميعاد الوصول )

كان وصول ساندي الساعه 5المغرب من مطار القاهره فارس صحي بدري.... تقريبا ما نمش وسافر مع جمال وسميره اللي وعدتها أنها هتستقبلها وهي راجعه من السفر ولما وصلوا المطار اتفجائوا أن المطار زحمه جدا وفيه كاميرات وبوليس أكثر من اللازم

 جمال ..-:.هو فيه حد مهم هيزور البلد النهارده ولا فيه مؤتمر والوفود جايه ..الدنيا زحمه اوي 

ولسه فارس هيروح يستفسر ويسأل حد .كان تليفونه بيرن وكانت عليا 

فارس .-:.أيوه يا عليا احنا لسه واصلين ولسه مسالناش وماعملناش حاجه شويه وهكلمك 

عليا وهي بتبكي ..-:.فارس الطياره مفقوده من الصبح 

فارس ماكانش سامعها لأن المطار كان زحمه والأصوات عاليه بشكل واضح 

فارس .-:يا عليا استنى معايا على التليفون

وبعد مابعد عن الدوشه شويه 

فارس -: أيوه يا عليا كنتي بتقولي ايه بقى 

عليا بصوت مخنوق .-: الطياره وقعت يا فارس😪😪

فارس بذهول .-:..طياره ايه

عليا:_ طياره ساندي اللي جايه من أمريكا مفقوده من الساعه 10الصبح واحتمال وقعت في البحر 

فارس ..-:.مش ممكن انتي غلطانه 

عليا..-:.افتح النت وانت تعرف 

فارس قفل معاها ولسه هيفتح النت كان جمال وسميره قربوا منه وسميره منهاره بالدموع

سميره -: الحق يا فارس عرفت اللي حصل...مصيبه لا حول ولا قوه الا بالله

 وجمال سأل على التفاصيل وفارس أتأكد من الخبر من تليفونه

جمال -: للأسف   الزحمه دي هم أهالي الضحايا جايين يسألوا عن أهلهم اللي كانوا جايين على الطيارة

 فضلوا يدورا على أي معلومه واتاكدوا أن سااندي من اسماء الناس اللي اسمائهم كانت مدرجه على قائمة الطياره وده مالهوش غير معني واحد هو أن ساندي ماتت 😓😓

وبعد أكثرمن6ساعات في المطار رجعوا المزرعه والكل كان منهار أما فارس كان بيموت وعملوا العزاء في نفس المكان اللي مجهزه للفرح ..جمال ووالده هما اللي جهزوا كل حاجه لأن فارس كان غايب عن الدنيا كان بيتحرك لكن جسد بدون روح فقط أنفاس بتخرج من جسد ميت .بعد العزاء ما خلص دخل اوضه نومهم وكان بيلف فيها ذي المجنون بيفتح الدولاب بتاعها هو بنفسه كان موضب دولابها ماسمحش لحد يشوف هدوم مراته حتى أمه... كان شاري ليها قمصان نوم على ذوقه ومكياج وبرفانات وكان عاوز يفجئها ..وفاجاه أحلامه انهارت حياه فارس اتغيرت تماما كان بيعمل زي حبيبته لما بتكون حزينه ينزل تحت السرير ويبكي زي الأطفال يفتح تليفونه يتفرج على الفيديوهات بتعتها بحرقه ووجع 

اسامه ونهله كانوا بيكلموا فارس كل يوم ويحاولوا يطمنوا عليه لكن كان ساعات مش بيرد بس اسامه ونهله كانوا بيعزروه 

بعد الحادث باسبوعين

 نهله -: اسامه انا  هروح الشقه اللي كانت عايشه فيها هي وساندي علشان انهي التعاقد ...الشركه كلمتنى و قالتلي ان ساندي ما ادتهمش نسخه المفتاح و كمان لو فيه اي  حاجه  يمكن كانت سيباها في الشقه 

.اسامه -: اوك يا حبيبتي انا هحجزلك تذكره بكره 

 وفعلا حجزلها الطياره وقالها ترجع على طول وماتبتش في الشقه فعلا نهله وصلت الشقه وفتحت الباب وماتوقعتش المفاجآه

يتبع 

تكملة الروايه من هنا