 |
البارت 15_16
انت عمري
بقيت اشوف ايمان مقموصه ورسمه دور انها زعلانه ومستنيه
يعني اني اصالحها أو أراضيها بكلمتين أو ابدا معاها بلكلام
وانا عامل نفسي مش هنا وشوفت جوزها وقبلتهم وانا نازل
الصبح سلم عليا وكنت متوتر معرفش ليه ولا اكني في بيني
وبينها حاجه ومخبيين عليه سبتهم وهما طلعو بالاسانسير
بعد يومين هاجر كلمتني اجبلها هدوم ليها وانا جاي وقالتلي
ابقي هات ايمان معاك تونسني قولتلها جوزها معايا موجود
قالتلي لا نزل قولتلها هاخد دش وهنزل وفعلا نزلت وقعدت
في العربية ٥ دقائق ولقتها بتفتح الباب وقعدت نزلت الازاز
الي في العربية كله علشان البريفوم بتعها قفلي صدري ونزلت
عملت نفسي بزود مياة للعربية علشان بجد مش قادر ركبت
ومشيت وبدأت تكلمني
ايمان..ع فكرة أنا زعلانه منك يا عمر
_ مني انا ليه بس
ايمان ..بصراحة حسه انك مش طايقني
_ اتحرجت واتكسفت وابتسمت وقولتلها لا ابدا ليه بتقولي كده
ايمان ..ده الي أنا حسيته لو غلط قولي
_ اه طبعا غلط جدا هو جوزك نزل امتي
ايمان .. بغمزة ..بتغير الموضوع ماشي نزل امبارح بليل
_ ده مكملش ٤ ايام
ايمان ..والله أنا الإجازة بتاعته دي بتجبلي اكتئاب مش برتاح ولا بشم نفسي غير لما ينزل
_ لدرجادي ايه وصل الحياة بينكم لكده
ايمان ..هي مكنتش في حياة اصلا بنا ولا عمرها هتكون
_ اسف في سؤالي بس ليه مخلفتوش لحد دلوقتي
ايمان ..أنا أقولك ياسيدي بعد سنتين محايلات بعد الجواز لما
قبل اننا نروح نكشف ورحنا وطلع العيب منه والمفروض أنه
يمشي علي علاج ونظام معين وفي عملية لازم يعملها والباشا
خايف وياريته بيمشي علي النظام وبياخد الأدوية الي الدكتور قاله عليها
_ لا بس العملية مش حوار يعني مفيهاش خطر ع حياته
ايمان ..والله تعبت وزهقت معاه وربك والحق أنا مرتاحة كده علشان لما أطلق متبقاش في حاجه ربطاني بيه
_ تطلقي
ايمان ..انا تعبت وجبت أخري كتر خيري كل الي حكتهولك ده
ميجيش نقطه في بحر العذاب والحرمان الي عيشاه
_هنزل اشتري ل اياد لعبة بسرعة وارجعلك
نزلت وعمال اقول اي الاصطباحة الخرا دي انا عارف انتي
ياهاجر بتحبيها ع ايه دي قنبلة نكد وعكننه جبت العب
وركبت العربية وقالتلي تعيش وتجبله قولتلها تعيشي يا ايمان
فضلت تحكي عنها وعن حياتها قبل الجواز وقالتلي اني
جوزها كل همه أنه يعمل فلوس وبيحب شغله وشاطر فيه
هي دي متعته وأنه حتي بينشي. بينشعل عنها لدرجة أنه مش
بيطمن ولا يتصل بيها بالاسبوع وديما هي الي تتصل وتسأل
كل ما اغير الموضوع ترجعله تاني اول ما وصلت حمدت ربنا
قولتلها خدي الحاجات دي معاكي لهاجر. ودول ل اياد
وقوليله اني بابا الي جيبهم متنسيش ضحكت وقالتلي ماشي
ومعرفش اي الفرحة والانبساط والحالة الي هي فيها دي
رحت المحل فضل كلامها يرن في وداني ولقيت ابويا بيقولي
مالك يا ابو اياد مزنقه معاك في حاجه قول قول متتكسفش
ضحكت وقولتله لا الدنيا فل الحمد لله ده انا بس بفكر في
حاجه قالي حاجة ايه دي الي شغلاك كده قولتله عايزين
نفتح المخزن ع المحل ونكبره ونجيب عروض ونولعها زاي
زمان بقا قالي ياض بطل استعباط وقولي مالك قولتله والله
تعبت يا ابويا تعب حماتي ده طول اوي والمشكلة اني مفيش
غيرها يرعها ولو بعد الشر بعد الشر كانت امي هاجر مكنتش
اشتكت ولا زهقت من خدمتها لو فضلت تخدمها العمر كله
بس أنا برضو بشر قالي انت ياض مش بتمارس علاقتك معها
طبيعي قولتله حاسس اني بسرقها بشحتها حتي كمان بالها.
عقلها مش معايا قالي ربنا يشفيها ويعافيها يارب ويشفي كل
مريض بص ياعمر يابني هقولك حاجه المرض ده مش بايد
حد ومفيش اغلي من آلام مهما حبتك وسكنت قلبها كل ده
ميجيش حاجه جنب حبها ل امها مراتك جدعة واصيلة
وحنينه علينا احنا قبلك اصبر عليها أزمة وتعدي لا فرح بيدوم
ولا حزن كمان بيدوم قولتله أنا بفضفض معاك إنما أنا مش
محسسها اصلا اني تعبان ولا زهقت من الوضع ده قالي الواد
اياد عامل ايه بقالي يومين مفتوش الخلبوص ..ضحكت اول
ما جاب سيرته ..قولتله لسه مشتريله لعب زمانه هايص قالي
ما انا ياما هيصتك ..قولتله كنت بتحبني كده زاي ما أنا بحبه
ضحك جامد وقالي مفيش حد حب ابنه قد ما حبيتك ياعمر
ياض ده انت لما بتتعب ولا بشوفك متعكنن اقسم بالله الدنيا
بتسود في وشي ..فاكر لما كنت بتطلع عيني زمان وكنت
ازعقلك ولا اضربك وتزعل مني. وكنت فكرني بكرهك
قولتله اه فاكر
قالي مش كنت سعتها بقولك مش هتعرف قيمتي واني بحبك
قد ايه غير لما تخلف وتبقي اب زاي ..قولتله اه وبوست ع
أيده وقولتله ربنا يارب ميحرمنيش منك انا كمان والله بحبك
مليش غيرك طلع وقالي أنه هينزل بعد شوية علشان اجبله
اياد يشوفه ويلعبه
البارت 16 بقلم سلطان زماني
اليوم خلص وعديت علي هاجر علشان تاخد مني اياد نزلت
هي وإيمان فضلت تحكي معايا شوية وانا عمال ابص ل
ايمان مستغرب التحول الي بتتحوله قدمها حتي مش
بتبصلي وعماله تلعب مع اياد ركبت وانا مشيت بعد شوية
قالتلي تعرف اني اول مره افرح من قلبي واكون مبسوطة
كده.. بصتلها وهديت السرعة شوية وقولتلها
_ ربنا يفرحك ويسعدك ديما يا ايمان بس ليه
ايمان ..مش عارفه بس مبسوطة وفرحانه اووووي اووووي
_ انتي اتجوزتي عن حب يا ايمان
ايمان ..اتجوزت زاي بنات كتير بتتجوز علشان المفروض انها تتجوز
_ بس انا ديما بشوفكم مع بعض مبسوطين وسعداء
ايمان ..ده الي ظاهر بس للناس إنما أنا وهو مفيش بنا حياة اصلا
_ معقول الكلام ده
ايمان ..اقسم بالله زاي ما بقولك ..أنا بحكي لهاجر كل حاجه
_ قلقت شوية ...بتحكلها ...بتحكي اي
ايمان ..هي كتير قالتلي ذيك كده حاولي وقربي واهتمي
وغيري من نفسك وورتها أنه جبله ومش بيحس ولا اصلا أنا
اعني ليه شي كل الي فارق معه مظهره قدام الناس وشغله
وبس
_ ورتيها ازاي
ايمان .. بص انا هوريك اخر محادثة بنا كان قبل ما يجي الإجازة الأخيرة دي
وقفت العربية وقريت كلام بنهم كتير وفضلت تطلع فوق
بالمحادثة وشوفت كام صورة ليها بقمصان نوم طلعت
بالمحادثة وفضلت نقرالي الكلام الي هي بعتاه والردود
بتاعته بتدل أنه راجل بارد جدا ومفيش امل منه نهائي
قولتلها خلاص مصدقك ربنا يكون في عونك بس عايزك متفقديش الامل أن شاء الله ربنا يهديه
ايمان ..بضحكة ساخرة ودموعها نازله .يهديه اه ..الحمد لله ع كل حال
علي فكره بقا انت رخم وغلس وخرجتني من المود وحالة الفرح الي كنت فيها
_خلاص اهدي بقا وسحبت منديل من العربية وادتهولها وهي
بتاخده مني لمست ايدي
قولتلها ياخبر ده الساعة ٢ الكلام خدنا يلا نروح
قالتلي والنبي والنبي خلينا شوية أنا لو روحت وانا كده هفضل اعيط لحد الصبح
قولتلها طب تحبي تروحي فين قالتلي انها نفسها تقعد ع
النيل وتشرب حمص الشام بس لو هتضايق مني وتزعل زاي
ما زعلت قبل كده ومبقتش تكلمني يبقا خلاص تعالي نروح
اخدتها ورحنا وكنا اقفين شوية وفضلت تتفرج ع المراكب
الي ماشية في النيل وتقولي انت طيب وحنين اوي ياعمر
أنا كان نفسي اتجوز حد ذيك كده ...تعرف اني حبيتك من
كتر كلام هاجر عنك ومن كتر ما بشوفك موقفك وجدعنتك
وحبك ليها بصتلها جاامد ومحرج قولتلها انتي كمان ب امانه
طيبة وجدعة وتستاهلي كل خير قربت مني اوي وقالتلي
انت عارف انا لو معايا راجل ذيك أنا أعيش خدمة تحت رجله
طول عمري ..لما لقتني متنج ومش عارف ارد طلعت موبيلها
وقالتلي صورني بقا كام صورة وانا فرحانه كده
صورتها وركبت العربية وقولتلها يلا بقا روح
قالتلي ماشي قبل ما نوصل قالتلي ممكن اطلب منك اخر طلب
قولتلها اطلبي
قالتلي عايزة رقمك ومتخفش والله مش هزعجك ولا
هسببلك اي احراج ومشاكل مع هاجر ..بس عايز احس انك
معايا وجنبي مش اكتر
يتبع
تكملة الروايه من هنا
تعليقات
إرسال تعليق