مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

روايه:" روايه:" نور _ الجاسم"2" 🖤💫"          البارت (1).

بقلم نيللي ياسر.

...

     * فجأة افترقنا وفرقنا سرقنا من حضن بعض..بعد اتفقنا و وفقنا القرب اتغير لبعد..سافر نصيبي بحبيبي وكأن مفيش بنا وعد..واللي انا رتبته وبانيته متهانتش بيه..قلبي اتلغبط في حسباته متغير مش لاقي حل..مرمي في سجون زكرياته والوحده احساس ممل..يا سنين وخداني وكمان وخداه..من بعده بعاني اكبر معناه..حكياته معايا انا منستهاش..والشوق جوايا نار مبتهداش..🖤✨

... " بعد مرور سنتين علي موت نور"

      " قدام مستشفى للأمراض العقلية واقف شاب كل ملامح الجمال اختفت من وشه واتبدلت بملامح حزن وشه اشبه بوش المدمنين..رفيع جدا..دقنه كبيره..ده جاسم"

الدكتور: طب يا جاسم يا ابني استني بكره معاد الزياره بتاعتك واختك واصحابك هيروحوك.

جاسم بتهتها: ل...لا..ا..انا...ه..ه..هروح لوحد..لوحدي.

الدكتور بشفقه: ربنا معاك يا حبيبي.

    " جاسم ركب اول تاكسي قدامه وقاله عنوان الكمبوند وقاعد سرحان جمب الشباك مبيتكلمش"

السواق: هو انت يا باشا هنا بتتعالج ولا دكتور..

جاسم:_____.

السواق: يا باشا بكلمك.

جاسم:_____.

السواق: والله شكلك مجنون...هو يوم باين من اوله.

.

.

.

جاسم: امسك ( بيديله فلوس).

السواق: ماشي يا باشا.

     " جاسم دخل الكمبوند ومحدش من الأمن قدر يمنعه لأنهم عارفين هو مين..فضل ماشي ودموعه علي خده بيفتكر لما كان بيجري مع نور واول يوم جت هنا معاه زكريات كتير تعباه مش عارف يخلص منها.. وأخيراً وصل قدام بابا الڤيلا طلع المفتاح ودخل..كانت ملك بتحط اكل علي السفره وحور بتساعدها وشادي ماسك الموبيل وعمر بيلاعب كنز"

ملك وهي بتجري عليه: جاسم..وحشتني اوي.

شادي بيحضنه: طب ما احنا كنا جايين بكره كنت هتروح معانا.

عمر: جاسم انت سامعنا.

حور: جاسم..جاسم.

    " كلهم بيتكلمو وهو مركز في الڤيلا ودموعه نازله وشايف نور في كل مكان وكل ركن في الڤيلا ودموعه مش يتقف*

ملك: يا جاسم..حبيبي ادعيلها.

شادي: ربنا يرحمها يا جاسم..انساها بقي.

   

     " جاسم ملامح وشه اتحولت لغضب ومسك رقبه شادي وبيخنقه في الحيطه"

جاسم: نور مماتتش.... سااااامع..نور عايشه..عايشه وهترجع.

عمر بصوت عالي: لا هي ماتت..وانت لازم تنساها..انت مش شايف شكلك..حرام عليك نفسك..تفتكر لو حد عرف أن دكتور جاسم اكبر دكتور جراحه دخل مستشفى مجانين هيبقي شكلك وسمعتك ايه...احنا قدرنا نقنع الناس انك سافرت علشان تعمل عمليات بره مصر ..لاكن لو حد شافك بالمنظر ده محدش هيصدق...انت سامع.

    " جاسم بكل غضب مسك عمر وفضل يضرب فيه بس اللي وقفه صوت...صوت هو حافظه كويس"

كنز: بابي!!.

      " جاسم ساب عمر ولف شاف كنز اللي بقي عندها 5 سنين..بس ملامحها اتغيرت لملامح نور..خدت ملامح نور..نفس الشعر الدهبي الطويل المموج..نفس المناخير..الاختلاف الوحيد هو العيون..كنز عيونها زرقاء"

جاسم وهو بيقرب منها ويلمس وشها: ك..كنز.

كنز بتحضنه: وحشتني اوي يا بابي.

جاسم: وانتي كمان.. وحشتيني اوي.

كنز: ومامي نور...وحشتني هي فين..ليه مجتش معاك.

جاسم ببكاء: هترجع يا حبيبتي هترجع.

كنز: عمتو ملك قالتلي انها هتجيب نونو صغنن.

جاسم: ( بص لملك اللي بطنها كبيره وابتسم وطلع اوضته).

...

    " ڤيلا ضلمه تماماً ولونها اسود..نور الشمس مش داخل ليها ومضلمه خالص..وشاب قرر انه يعيش لوحده ومش عايز حاجه من الماضي اللي سرق منه مراته وبنته وشركته.. اتحول 180 درجه...قاعد في ركن ضلمه وبيشرب من فنجان قهوه وست كبيره بتخبط علي باب اوضته"

ادم ببرود: ادخل.

سعديه الشغاله: استاذ ادم انا جايه اطلب من حضرتك اجازه شهر.

ادم ببرود: يا تري لايه؟!.

سعديه بخوف: اصل يا استاذ ادم..بنتي حامل وحملها صعب وتعبانه اوي..ولازم حد جمبها..هو شهر واحد بس.

ادم: لو هتاخدي الاجازه دي يبقي تتصرفي وتجيبي ليا واحده تانيه غيرك.

سعديه: ايوه يا باشا منا لقيت بنت عايزه شغل..هتيجي تشتغل الشهر ده بدالي..هي بنت عندها..

أدم: هششش..خلاص تيجي بكره قبل ما تسافري تفهميها الشغل وتسافري مفهوم.

سعديه: مفهوم.

ادم: يلا اطلعي بره وخدي المرتب بتاعك من البواب تحت.

سعديه: عن أذنك يا باشا.

    " قفلت الباب وهو مسك قلب لونه احمر بس زجاج..وجواه صوره ليه هو وهدي مراته اللي ماتت..وفضل يتأمله وبعدين شاله جوه المكتبه اللي في اوضته ولبس علشان يروح شركته الجديده"

...

    " جاسم قاعد علي الارض وبيعيط وماسك قميص بكم بتاع نور وطويل وافتكر اخر مره لما كانت لبساه"

Flash back..

       " جاسم قاعد علي السرير وبيعمل شغل علي اللاب توب ونور واقفه قدام المرايا ولابسه قميص بكم لونه رمادي وطويل واصل لركبتها وماسكه بطنها وهي فرحانه"

نور: جاسم..جاسم.

جاسم: ايه يا روح جاسم.

نور: بص..بص بطني كبيره ازاي.

جاسم: هههه..كبيره ايه يا نور انتي لسه في الشهر التالت.

نور بعناد: برضو كبيره..انت ايش فهمك اصلا.

جاسم: طب يا ستي بطنك كبيره اوي كمان.

نور بحزن: يعني شكلي وحش وهي بطني كبيره.

جاسم: دي هرمونات حمل دي ولا ايه.

نور: هششش..تعالي اسمع كده.

   " جاسم قرب وحط ودنه علي بطنها"

جاسم: انا مش سامع حاجه.

نور: انا حسيت بالبيبي بيتحرك.

جاسم: طب يا نور انا مش سامع.

نور: انا سامعه تحب اقولك بيقول ايه.

جاسم بابتسامة: بيقول ايه.

نور قرب من ودنه: بيقول بحبك يا بابي.

جاسم: قوليله وانا بعشق امك..

Back..

       " جاسم بيعيط اكتر وهو ماسك الموبيل وبيتفرج علي صورهم وافتكر الست اللي دخلت عليه المستشفى"

   Flash back..

   

   " ست لابسه اسود دخلت وحضنت جاسم والكل مش فاهم حاجه بس جاسم بيعيط في حضنها الست شاورت ليهم يخرجو و فعلاً خرجو وبعد شويه بعدت عنه"

الست: بس بقي يا ابني كفايه عياط.

جاسم بدموع: انا اسف...بس انتي مين.

الست: انا صفيه ابقي عمت نور...اول ما عرفت الخبر نزلت مصر..

جاسم: خبر ايه..انتي..انتي فاكره نور ماتت.

الست بدموع: ربنا يرحمها.

جاسم: لا..ههههه ..انتي مجنونه...نور عايشه انا .انا حاسس بيها...ا..اطلعي بره انتي مجنونه.

صفيه: انا كمان حاسه انها عايشه..بس..ده مجرد احساس.

جاسم: نور عايشه انتي فاهمه... وابني اللي في بطنها عايش انتي فاهمه...هي هترجع...والله هترجع..يا نور ارجعي بقي.

   " جاسم بدأ يعيط ويكسر كل حاجه والدكاتره ادوله مهدأ وصفيه مشيت من غير كلام..وكل ما يفوق يصوت ويعيط والدكاتره اقنعو شادي أن لازم جاسم يروح مصحه نفسية وبعد إلحاح من الدكاتره جاسم دخل المستشفى في سريه"

Back..

   " الباب بيخبط وتدخل كنز"

كنز: بابي في واحده عيزاك بره.

جاسم بدموع: واحده مين..

_: انا...

.....

البارت نزل اهو عايزه التفاعل ميقلش يا جماعه وان شاء الله هنزل بارت جديد بكره والجزء ده احلي من الاول عايزه تفاعل كتيرررر وكومنتات كتير اوي واللي مشفش الجزء اللي فات يدخل علي صفحتي جوه الجروب هتلاقي الجزء اللي فات..

بقلم نيللي ياسر

Nile Yasser

روايه:" نور _ الجاسم 2🖤💫"    البارت (2).

بقلم نيللي ياسر.

...

انا..

جاسم: حاجه صافيه... حضرتك عامله ايه وحشتيني جدا.

صفيه: وانت كمان يا ابني...هو انت كويس؟!.

جاسم: لا انا تعبان اوي من غيرها.

صفيه: ينفع يا حبيبتي تسبيني اتكلم مع بابا شويه.

كنز: حاضر.

   " كنز خرجت وصفيه راحت قعدت جمب جاسم "

صفيه: بص يا ابني انا مش هكدب عليك بس انا حسه أن نور لسه عايشه..انا اللي ربيتها بعد موت امها انا اللي دايما بحس بيها واحساسي بيقولي انها كويسه.. كويسه اوي كمان.

جاسم بأمل: يعني ممكن ترجعلي؟!.

صفيه: معرفش..بس لو رجعت وشافتك كده هتبقي مبسوطه.

جاسم:______.

صفيه: انت لازم ترجع زي الأول لازم تكون كويس علشان هي كمان تكون كويسه..انتو شخص واحد وبتحسو ببعض ولو انت كويس هي هتبقي مبسوطه...

جاسم: مش قادر...مش قادر استوعب انها راحت وابني راح.

صفيه: هما لقو يوسف.

جاسم: ايوه كان رايح المطار علشان يهرب بس عمل حادثه على الطريق ومات..

صفيه: لقو جثته؟؟!.

جاسم: ايوه...انتي تقصدي ايه.

صفيه: مقصدش حاجه ومش عايزه ازرع جواك امل علي الفاضي..

جاسم: ممكن تقعدي هنا...يعني تيجي تعيشي معايا انا واختي في الڤيلا هنا..هي طيبه وبتحبك.

صفيه: مش هينفع يا ابني..انا هاجي اطمن عليك.

جاسم: ارجوكي انتي فيكي من ريحه نور..وانا نفسي اي حد من طرفها يقعد معايا..عايز احس انها موجوده..لغايه ما ترجع.

   

      " صفيه شافت في عينه دموع كتير وحست أنه فعلاً محتاج حد من أهل نور وأخير وافقت"

صفيه: ماشي هقعد معاك بس ليا عندك طلب.

جاسم: اتفضلي.

صفيه: ترجع جاسم بتاع زمان 

جاسم: اوعدك لما اقدر هرجع جاسم بتاع زمان.

صفيه: لا هتبدأ من النهارده.

جاسم: والله مش هق..

صفيه: لا هتقدر علشان انت قوي وربنا بيحبك علشان كده ابتلاك بفراقك عن نور ولازم تخلص من الازمه دي من غير ما تتغير فاهمني.

جاسم:( هو رأسه بمعنى حاضر).

صفيه: هستناك تحت..

   " صفيه خرجت وجاسم فتح الدولاب جاب لبس وشم هدوم نور وابتسم وأمل بيتزرع جواه أن حبيبته هترجع ودخل ياخد دوش ويحلق دقنه"

 ..... " في اوضه ملك"

ملك: شادي.

شادي: امممم.

ملك: احنا لازم نساعد جاسم انت مش شايف حالته.

شادي: نرجعه المستشفى تاني؟!.

ملك: احنا لو رجعناه المستشفى يبقي كده بندمره.

شادي: طب هنعمل ايه.

ملك: بص انا عندي فكره كده بس...

شادي: فكره ايه.

ملك اتنهدت: هدخل واحده ست في حياته!!.

...

   

      " في ڤيلا ادم واقفه سعديه الشغاله في الريسبشن وقدامها بنت لابسه فستان اسود وطرحه نبيتي حرير وباصه في الارض وبتسمعها والطرحه بتتزحلق وبتعدلها "

سعديه: انا مسافره بكره مش عايز ارجع الاقيكي عامله مشاكل!!.

البنت: أن شاء الله مش هيحصل مشاكل.

سعديه: فهمتي البيه بيصحي الساعه كام لشغله علشان تحضري الفطار قبلها.

البنت: ايوه.

سعديه: خلي بالك الباشا عصبي جداً وبيحب الالتزام بالمواعيد ف اوعي تتأخري.

البنت: حاضر.

سعديه: خدي القهوه اديهاله وعرفيه علي نفسك هو في الأوضه اللي علي الشمال فوق.

البنت: حاضر.

سعديه: ربنا يستر.

     " البنت خدت القهوه وطلعت الاوضه وهي متوترة لان من كلام سعديه عليه واضح أنه راجل عصبي اوي..خدت نفس وبدأت تخبط"

البنت: تك...تك.

_____.

البنت: تك....تك.

_____.

البنت: هو مش بيفتح لايه.. وبعدين الاوضه ضلمه شكل مفيش حد جوه..

    " فتحت الباب ودخلت بالراحه..النور مطفي ومش شايفه حاجه من الضلمه..مشيت بالراحه وهي ماسكه القهوة بايد والايد التانيه بتدور علي النور وهوووووب"

ادم: انتي مين؟!.

البنت: اعاااااااااا!!

   " القهوه وقعت من ايديها واتدلقت والطرحه وقعت من علي شعرها...ادم فتح النور والبنت خافت لما لقت القهوه مدلوقه علي هدومه"

البنت: ا..ا..انا اسفه..و.. والله..ات.. اتخضيت...مقصدش.

ادم ببرود: انتي مين اصلا.

البنت: انا ليلي..الخدامه الجديده.

ادم: نعم...انتي الخدامه الجديده.

   " ليلي رفعت راسها ليه علشان هو اطول منها"

ليلي: اه في مشكله؟!.

ادم: اه ومشكله كبيرة كمان.

ليلي: هو انت مين و واقف تهزء فيها كده لايه روح نادي ادم بيه.

ادم: انا مين ؟!..... يعني كمان مش عارفه صاحب الڤيلا.

   

   " ليلي اتصدمت لأنها كانت فاكره أنه راجل عجوز متعرفش أنه شاب وسيم جداً وفي أوائل الثلاثينات"

ادم: انتي عندك كام سنه يا شاطره.

ليلي: ____.

ادم: مبترديش لايه؟!.

ليلي بدموع: هو حضرتك ينفع متمشينيش.. لأني بجد محتاجه الشغل.

ادم: انا بسألك دلوقتي علشان اقرر هتشتغلي ولا لا.

ليلي وهي بتمسح دموعها: 21 سنه.

ادم: امممم...طيب.

ليلي بفرحه: هشتغل.

    " ادم بص لشعرها وهي لاحظت ده وفهمت أن الطرحه وقعت و نزلت جابتها وغطت شعرها ونزلت"

....

عمر: بت يا حور.

حور: عايز ايه.

عمر: بصي بقي علشان انا مبتكسفش..انا عايز اتجوزك.

حور بفرحه: تتجوزني!!!.

عمر: اه عندك مانع.

حور: ا..انا...طب اديني فرصه افكر.

عمر: حقك.........ها فكرتي.

حور: انا لحقت.

عمر: مش هنسطعبط علي بعض انا بحبك..وانتي كمان بتحبيني..يلا نتجوز بقي.

حور بفرحه: طب ينفع نستني شويه لغايه لما جاسم يتحسن 

عمر: انا بس بعرف رأيك.

حور: ما انت عارفه من زمان.

عمر: طب بحبك.

حور بفرحه: امممم.. ماشي.

عمر: لا لا انتي بتتكسفي ..

حور:بس بقي يا رخم...انا هقوم احضر الغداء.

عمر: ماشي يا امريكاني يا قمر انت.

...

     " بعد شويه كلهم قاعدين علي السفره مستنين جاسم..شويه ونزل وهو لابس بنطلوه خروج قماش رمادي وقميص اسود وفاتح أول زرارين ولابسه سلسلة فضه وساعه لونها فضي وجزمه بتلمع لونها اسود وحالق دقنه بطريقة جميله وشكله بيوحي بأمل"

حور: واوووووو.

ملك: ايه الجمدان ده؟!.

عمر: ( بيصفر) ايه يا برو الجمدان ده.

صفيه: بسم الله ماشاء الله زي القمر يا حبيبي.

كنز: بابي انت حلو اوي.

جاسم: انتي احلي.

شادي: لا بس شياكه يا اض.

جاسم ابتسم: طب عن أذنكم هروح مشوار.

ملك بارتباك: م..مشوار ايه بس..انت..انت محتاج تستريح.

جاسم وهو ماشي: لما ارجع هستريح....باي.

ملك: اعمل ايه يا شادي ده خرج.

شادي: مليش دعوه دي مشكلتك انتي.

ملك: اووووف.

..

    " جاسم ماشي وبنت ندهت عليه "

البنت: جاااااااااااسم.

جاسم: حضرتك تعرفيني.

البنت: هو انت مش فاكرني ازاي....انا نور****

....

هوبا رجعنا ليكووو 😂😉♥️ اول حاجه أسفه علي التأخير بس كنت بصيف 😂😂💪  المهم لازم الروايه التفاعل بتاعها ميقلش وانا هنزلكم بارتات كتشير في اليوم بس خلو التفاعل ميقلش واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت 😍😊

بقلم نيللي ياسر.

Nile Yasser

روايه: " نور _ الجاسم 2🖤💫"      البارت (3) الجزء (2).

بقلم نيللي ياسر.

....

جاسم: حضرتك تعرفيني؟!

البنت: هو انت مش فاكرني ازاي انا....نور!!.

     " جاسم اول حد جيه في باله نور مراته اللي ماتت بس دي مش هي نهائي دي بنت جسمها كيرڤي سيكا وجميل وشعرها قصير ولونه اسود عيونها بني فاتح وبشرتها خمريه لابسه بنطلون اسود وتيشيرت ابيض بنص كم وكوتشي أبيض ولابسه كاب اسود وسلاسل وخواتم..مش نور خالص"

جاسم: نور مين؟؟.

البنت: انا نورهان وانت كنت بتقولي يا نور انت ازاي مش فاكرني؟!.

جاسم: انا أسف...ازيك يا نورهان عامله ايه.

نورهان: تمام وانت اخبارك ايه.

جاسم: الحمدلله طب اتفضلي اقعدي مع ملك وشادي دول هيفرحو اوي لما يعرفو انك رجعتي..انا رايح مشوار..سلام.

نورهان: سلام.

STOP...

      " نورهان: كانت زميله جاسم في الجامعه اتعرف عليها اول يوم في الجامعه وكان في شباب بيضيقوها وجاسم ضربهم من يومها وهي شايفه انه سوبر هيرو ومينفعش تبقي لحد غير..المهم جاسم اعتبرها صحبته وعرفها علي ملك ولما جاسم اتخرج وفتح مستشفيات كتير اشتغلت معاه في مستشفى منهم دكتوره نساء علي امل يحبها ويتجوزها بس لما عرفت انه اتجوز سافرت تشتغل بره لان اهلها توفو وجت النهارده بطلب من ملك"

....

سعديه: خلي بالك من الخضار علشان الباشا مش بيحبه مستوي اوي.

ليلي: حاضر.

    " ليلي افتكرت امها"

ليلي: معلشي ممكن اعمل مكالمه اطمن علي أمي.

سعديه: والخضار اللي هيتحرق ده؟!.

ليلي: ممكن تخلي بالك منه..انا والله هطمن عليها بس.

سعديه بتنهيده: اتفضلي لما نشوف اخرتها.

     " ليلي مسحت اديها وخرجت من المطبخ بتتريق علي سعديه وبتقول كلامها بطريقه مضحكه وبعد كده وقفت علي جمب واتصلت بأمها"

ليلي بلهفه: الو...الو يا ماما.

ام ليلي: الو يا حبيبتي..عامله ايه يا ليلي.

ليلي: الحمدلله يا ماما انا بخير متشغليش بالك بيا المهم انتي كويسه..

أم ليلي: الحمدلله يا بنتي.

ليلي: خدتي الدواء بتاعك.

ام ليلي: خالتك يا حبيبتي لسه مديهولي.

     

ليلي: سلميلي عليها وانا ان شاء الله هخلص علي 9بليل .

ام ليلي بحزن: انا عارفه كان مالك ومال شغل الممرضين ده.

ليلي: متخافيش عليا يا ماما وبعدين انا في شغاله ممرضه في مستشفى يعني حاجه كويسه.

أم ليلي: ربنا معاكي يا حبيبتي.

ليلي: يلا سلام دلوقتي علشان اشوف شغلي.

ام ليلي: سلام يا حبيبتي.

     " ليلي قفلت مع امها ودمعه هربت من عيونها ..لان ليلي مفهمه امها أنها شغاله ممرضه في مستشفى مش خدامه لأنها لو كانت قالت لامها أنها هتشتغل خدامه كانت هترفض وهي محتاجه الشغل لأن من بعد موت ابوها حالتهم الماديه بقت وحشه جدا وامها تعبانه وبتاخد علاج للكلي وساكنين في منطقة عشوائية وهي كل يوم تودي امها عند خالتها وتيجي الشغل"

ليلي: يارب اشفيها يا رب.

 

    " ليلي بتلف علشان ترجع المطبخ خبطت في ادم وكان لابس بدله سوده وقميص اسود وفاتح أول زرارين ونضاره شمس وباين انه رايح الشركه بتاعته....كانت قريبه منه وشاف ملامحها كويس.. بشرتها بيضه عيونها زتوني وشفايفها صغيره ومناخيرها صغيره..ياااه جميله اوي بلنسبالنا بس بالنسبه له هو مش عايز ستات تاني....اهدو 😂"

سعديه: انتي واقفه هنا وانا بدور عليكي...لامؤاخذه يا ادم بيه.

ليلي: انا اسفه مكنتش اقصد.

ادم بجمود: حصل خير...اتفضلي شوفي شغلك.

سعديه: يلا قدامي.

....

جاسم: تك...تك.. تك.

كارم ( ابو نور): ايوه...هه..ايوه جاااي.

    " جاسم اتصدم لما شاف ابو نور لانه واضح من شكله وازازه الخمره اللي في ايده أن المخدرات لحست مخه بس ثواني هو جاب الفلوس دي منين اخر مره قابله كان مديون وهيطرد من الشقه...اي اللي حصل؟!".

كارم بيطوح: اهلا..ب...ب...دكتورنا..اتفضل اتفضل.

     " جاسم قلع النضاره ودخل قعد وأبو نور قعد قدامه"

كارم: خير يا باشا...لا باشا دي للظابط انت دكتور...لا اكبر دكتور جراحه...ههههههههههههه.

جاسم بقرف: وانا اللي جاي اديك فلوس وبقول شكله بقي ع الحديده واساعده علشان نور ربنا يرحمها.

كارم وهو بياكل من قدامه سوداني: يوسف..امم..قال كده برضو.

جاسم قام وقف: يوسف...انت قابلته امتي انطق.

كارم بيشرب: يمكن امبارح يمكن اول..أو السنه اللي فاتت..لا لا السنتين اللي فاتو...ههههههههع.

     " جاسم مسك رقبته واتكلم بغضب"

جاسم: اقسم بالله ورحمه نور لو مقولتش كل حاجه تعرفها لهقتلك...فااااهم.

....

         " جاسم وصل قدام الڤيلا بتاعته ودخل لقي اللي قاعد في الرسيبشن نورهان وكنز علي الكنبه شادي علي كرسي وعلي رجله ملك و بيتكلم معاها و عمر علي كرسي ومركز مع  كنز ونورهان وبيضحك وحور مش معاهم"

نورهان: ها عجبتك الحدوته يا حبيبتي.

كنز برزاله: لا وحشه جدا.

عمر: هههههههه....هات الدكتور علشان يخيط.

نورهان: احم.

جاسم: وحشه لايه يا كنز...هي بتحكي عن ايه.

كنز: الأمير كان بيحب الاميره وبعد ما الاميره ماتت الاميره ..الأمير بقي بيحب واحده تانيه واتجوزها.

       " كلهم ركزو مع نورهان وفهمو هي عايزه توصل ل ايه"

ملك: ا...ا...طب..ما الحدوته حلوه اهي يا كنز هو مش لازم الحياه متقفش علي حد والواحد يكمل حياته.

كنز بغضب: لا الحياه لازم تقف لو الشخص اللي بنحبه مات ومينفعش نكمل حياتنا عادي كأنه مكنش موجود لازم يعيش جوانا...وماما نور لسه عايشه ومش جوانا بس..

      " طلعت اوضتها وهي متنرفزه وكلهم مستغربين عرفت منين أن نور ماتت كلهم بيقولولها أنها مسافره وايه الكلام اللي مش لايق علي سنها..مخها اكبر من سنها بكتير ..جاسم طلع ليها الاوضه"

جاسم: تك...تك.

كنز بغضب: ادخل.

جاسم: يا ساتر يا رب ... لا هاجي وقت تاني بقي.

     " جاسم كان قصده يهزر معاها بس لقاها ساكته وقف مكانه يتابعها بس شويه ولقاها بتحط ايديها علي وشها وتعيط قلبه وجعه وراح قعد جمبها "

جاسم: و وحشتني انا كمان اوي.. نفسي اودعها حتي..ايوه يا كنز نور ماتت..( عيط من غير صوت) عمري ما كنت اتصور أنهم ينسوها بالسرعه دي..وانتي اللي تفتكريها وترفضي واحده تاخد مكانها...

كنز ببكاء: وانت كنت فين...لايه معرفتش تحميها.

جاسم ببكاء: عندك حق...بس..ب..بس..والله مكنتش أعرف أن كل ده هيحصل انا كنت عايز..ا..اع...اعملها..فر...فرح...و..و..ابسطها.

كنز ببكاء ونظره طفوليه: ي...يعني..خ...خلاص كده؟!.

جاسم حضنها: لو هي ماتت مكنتش انا هبقي لسه عايش 🖤

         " جاسم حضنها ونام..."

....   " في فرنسا"

 : اتكلم معايا عربي انا مصريه مش فرنسيه.

شاب: تمام..انا بقول مفيش سفر لأن دي أوامر..

: انا هنا اللي اقول الامر وانت تنفذه.

شاب: كلامك يحترم...بس ملهوش قيمه عندي لأن انا عندي اوأمر بمنعك من السفر.

: والأوامر دي منه؟!.

واحد تاني دخل لابس بدله: وهي تنفع تبقي من حد تاني؟!.

: هسافر يعني هسافر.

اللي لابس البدله: مادلين!!!!!.

....

البارت اللي جاي هيحصل فيه مفجأه انتظروها 😍😍💪 وعايزه توقعات..توقعات كتشيرررر 😂♥️ البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت 😍😊

بقلم نيللي ياسر

Nile Yasser🖤✨

روايه:" نور _ الجاسم 2🖤💫"       البارت (4).  الجزء (2).

بقلم نيللي ياسر.

....

   " حياتي وهو مش فيها..؛ سنين عدت رضيت بيها؛ وفاكر

        لو قابلت عنيه.."" عادي جداً هعديها؛ واديك يا اللي 

  " افتكرت نسيت؛ قابلته الليله واتهزيت؛ طب ازاي في 

       حاجات بتموت.."؛ وتيجي الصدفه تحيها؛

 

وافتكرت لما جت عينه في عيني..؛ سنيني معاه..

وافتكرت وعد كان بيني وبينه؛؛ زمان خدناه"

   وافتكرت مسكته في ايدي..وأيدي خلاص سيباه؛؛

قصادي عيونه محتاره؛؛ يقرب ولا يداره..وجه اليوم اللي اشوفه انا فيه..!! ومنتكلمش يا خساره...

دي صعبه عليا واعمل ايه؟!!.. مفيش في ايديا شئ تاني

       خلاص اهو اسمي شوفت عينيه علشان دي بجد وحشاني 🖤🥺

....

نورهان: يلا همشي انا بقي.

ملك: لايه كده خليكي معانا.

نورهان: لا طبعاً مش هينفع... وبعدين ورايا حاجات كتير عايزه اعملها في شقه ماما الله يرحمها.

شادي: ا..احم..نورهان ماشيه يا جاسم.

جاسم بسرحان: ا..اه..سلام يا نورهان.

شادي: طب تحبي حد يوصلك؟!.

نورهان: لا انا خلاص طلبت اوبر.

شادي: طب لما تروحي ابقي اتصلي بجاسم طمنيه انك وصلتي.

     " نورهان بصت لجاسم وابتسمت وجاسم متضايق من محاوله انهم يقربو نورهان منه"

عمر: لا اتصلي بشادي طمنيه..هو مهتم اكتر.

شادي: يا ابن ال***.

حور: باي يا نورهان.

نورهان: باي.

     " جاسم قام وقف بعد لما نورهان مشيت وهو متضايق"

جاسم: كلمه واحده هقولها...انا ولا هحب..ولا هتجوز..ولا هقرب من نورهان أو واحده ست خلقها ربنا..علشان مش هعيش غير لنور..ولو..ولو..طلعت ماتت فعلاً ( اتنهد)..هعيش علي زكراها...تمام..( شال كنز وطلع اوضته).

ملك: وبعدين يا جماعه هنعمل ايه.

شادي: احنا هنخليها تيجي باستمرار وهو مع الوقت هيتعود علي وجودها في حياته و هيحبها.

حور: يا جماعه لازم كمان ترجع شغلها علشان تكون جمبه حتي في الشغل.

ملك: بالظبط.

عمر: والله!!.

شادي: في ايه؟!.

عمر: انتو مش بتحسو لايه..انتو إزاي كده.

حور: عمر احنا عايزين مصلحته.

عمر: وهو لما انتو تعلقو واحده بيه علي امل أنه يتجوزها وينسي مراته وابنه..دي مصلحته..دي مش مصلحه اصلا

انتو متأكدين أن عمره ما هينسي مراته وابنه..يبقي لايه تأذوه نفسياً لما يشيل زنب بنت انتو مفهمينها انه هيتجوزها.

       " كلهم سكتو لأنهم عارفين أنه بيتكلم صح وبعد وقت كله دخل اوضته ينام بس جاسم كان واقف في البلكونه بتاعت اوضته وبيفتكر كلام ابو نور"

Flash back...

جاسم: اقسم بالله ورحمه نور لو مقولتش كل حاجه لهقتلك.

كارم بيتخنق: اه..خلاص..هق.. هقول.

    

       " جاسم سابه وقعدو وأبو نور بدأ يتكلم"

كارم: قبل موت نور بشهرين بس يوسف جالي وقالي أنه محتاج شويه أوراق تخص نور.

جاسم: أوراق زي ايه؟!.

كارم: شهادة ميلاد..صوره بطاقه وكد.. أوراق شخصية يعني.

جاسم: وبعدين.

كارم: حاولت اعرف الاوراق دي عايزها لايه..بس رفض يعرفني..وساب لي مبلغ كبير اوي ومشي هو ده اللي اعرفه.

جاسم: اقسم بالله لو طلعت بتكدب عليا لهوريك وشي التاني.  ( وقام ومشي).

Back..

.....

 

     " ادم فتح باب الجنينه ودخل لقي سعديه علي البوابه وهتخرج ومعاها شنطه"

ادم: ايه ده يا داده سعديه هو مش انتي مسافره بكره.

سعديه: معلشي يا ابني بس بنتي تعبانه اوي ولازم اسافر النهارده.

ادم: اه..طب واللي جوه.

سعديه: تقصد ليلي...هي حضرت العشاء لحضرتك واول لما تشوفك داخل هتمشي علشان انا منبها عليها متمشيش غير لما انت تيجي.

ادم: ماشي يا داده مع السلامه.

    " ادم دخل الڤيلا وشافها نضيفه جدا وفيها ريحه غريبه هي الريحه حلوه بس جديده عليه بس برضو حاسس انه شمها قبل كده..ايوه افتكر لما ليلي خبطت فيه وكانت قريبه منه كانت هي دي ريحتها اشبه بريحه الورد او الفراوله"

ليلي بتجري عليه: استاذ ادم..كويس أن حضرتك جيت ممكن امشي بقي.

ادم: أهدي وخدي نفسك..في ايه مستعجله كده لايه.

ليلي: م..ماما تعبانه و في المستشفى وانا لازم اكون جمبها.

ادم: طيب تعالي انا هوصلك قوليلي بس مستشفى ايه.

ليلي: مفيش داعي انا هروح لوحدي.

ادم: الوقت متأخر دلوقتي وبعدين أنا قولت هوصلك..اركبي.

         " ليلي قالتله علي اسم المستشفى وكانت مستشفى حكومي دخلت تجري اول ما وصلت وهو وراها وادم سأل علي اسم مامتها ودخلو الاوضه بسرعه"

ليلي: خالتو..ماما فين..هي كويسه؟!.

خالتها بتعيط: معرفش يا ليلي دخلت الاوضه والدكتور والممرضه معاها ومقلوش حاجه.

     " ليلي طلعت تجري واقتحمت الاوضه وادم بيحاول يمنعها بس دخلت وكانت امها نايمه علي السرير والممرضه بتديها حقنه والدكتور بيكتب حاجه"

ليلي: دكتور...ماما..ماما يا دكتور..هي كويسه.

الدكتور: هشششش..ممكن نتكلم بره علشان متصحاش.

    " خرجو كلهم بره وادم ملاحظ حاجه غريبه"

الدكتور: انتي بنتها؟!.

ليلي بدموع: ايوه.

الدكتور: طب عايزك في المكتب ثانيه اشرح لك حالتها.

    " ليلي بصت لادم ودخلت المكتب مع الدكتور وبمجرد ما قفلت الباب آدم اتوتر بدون سبب"

ليلي: ها يا دكتور حالتها ايه.

د: طبعاً انتي عارفه انها عندها فشل كلوي في كليه واحده ولازم تتشال بس دي هتحتاج عمليه كبيره..تدخل جراحي وده هيتكلف مبلغ كبير.

ليلي بتعيط: طب هو مفيش حل تاني غير العملية.

الدكتور: للأسف لا.

    " ليلي بدأت تعيط والدكتور قام قعد جنبها وحط ايد علي رأسها وهي اتخضت وشالت أيده"

ليلي بتوتر: ا..ط..طب انا خارجه..

الدكتور مسك اديها: استني بس مش انا لقيتلك حل تاني.

   " مدهاش فرصه تتكلم لأنه شدها عليه واتكلم جمب ودنها"

الدكتور بهمس: هتيجي معايا ليله واحده واعتبري العمليه خلصت..

ليلي: سيب ايدي يا حيوان.

.

.

.

ادم بره: انا مش عارف هي اتأخرت لايه انا هدخلها.

   "أدم فتح المقبض بتاع باب المكتب علشان يشوف الدكتور حاطط ايده علي بوقها والطرحه واقعه من علي شعرها وبتعيط والدكتور بيحاول يقرب منها"

أدم: انا قولت يا برضو كده يا و**

     " ادم شده من عليها وضربه لدرجه أنه اغمي عليه"

ادم: يا أخي اتفو علي اشكالك الو**.

   " ادم لف ليها علشان يلقيها بتعيط ولازقه في الحيطه شعرها اسود وناعم جداً طويل و واصل لغايه ركبتها حرفياً..قرب منها وجاب الطرحه من علي الأرض وحطها علي شعرها ودخلها جوه حضنه وخرج بيها"

خالتها: ليلي مالك يا حبيبتي...

ادم: خديها وروحو وانا اول ما الحاجه تفوق هنقلها مستشفى احسن وهفضل جمبها وبكره هتصل بيكو.

خالتها: لا مينفعش يا باشا..

ادم: اتفضلي يا أمي علشان اوصلكم.

      " ادم وصلهم البيت ورجع نقل ام ليلي من المستشفى لمستشفى اغلي بكتير واحسن وعملها العمليه وبقت كويسه وبقي بيتجنب ليلي نهائي..ومر شهرين علي الحال ده"

...." بعد مرور شهرين في ڤيلا جاسم"

     "جاسم رجع احسن من الأول في شغله وفي رياضته وكل حاجه واتكرم من كذا بلد بسبب عمليات صعبه عملها وبيسافر كتير للمؤتمرات بره وصحته بقت احسن بس لسه متعلق بنور ومش بينساها...كلهم قاعدين في الجنينه وشادي بيشوي ونورهان وحور بيحطو الاطباق وعمر بيلاعب كنز كراتيه وجاسم البرنس لابس شورت اسود وتيشيرت بنص كم برتقالي وكروكس وعمال يتريق عليهم ويضحك ويساعدهم"

شادي: جاسم.

جاسم: نعم.

شادي: انا جالي أوراق لازم امضي عليها علشان صفقه كده في الشركه فتعالي اشوي بدالي وانا هروح الشركه اخلص الورق واجي.

جاسم: ماشي متتأخرش بقي.

شادي: هوا.

       " شادي ركب العربيه ومشي وملك كانت بتحضر البيبسي وكده لأنها متقدرش تعمل حاجه علشان خلاص في الشهر التاسع ..شويه وبدأت تتعب وتتعب وقعدت"

ملك بصراخ: جاااااااااااسم.

جاسم: ايه يا بت صوتك عالي لايه.

ملك: اعاااااا بولد.

حور: لا يا ملك استني شويه..اليوم هيبوظ متبقيش بارده.

ملك: اعاااااا..هو بمزاجي.

عمر: اي ده ملك بتصرخ لايه.

جاسم: قال ايه بتولد.

عمر: وهو ده اسمه كلام..بطلي دلع وقومي اعملي رز علشان نأكله جمب الكفته.

    " ملك مسكت ايد عمر وعضتها"

عمر: اه يا بنت العضاضه.

ملك ببكاء وصراخ: تاتا صفيه الحقيني من المتخلفين دول بولد.

صفيه: يا حبيبتي ما انتي كل شهر تقولي كده ونروح المستشفى ويقولو لسه بدري.

ملك: نورهان علشان خطري انا بولد....اعااااااااااااه.

نورهان: لا كده كتير حد يشيلها يحطها في العربيه ونروح بيها المستشفى.

جاسم: لا انا ضهري وجعني..واللي بيشيل فلسع.

عمر: وانا بقي هموت واكل من صباع الكفته ده والصراحه انا مش بقدر اشيلك لوحدك..فهشيلك انتي وابنك.

ملك: اعاااااااااا..هاتولي جوزي.

جاسم: طب بصي اولدي ومش هنبص عليكي.

ملك ببكاء: جاسم علشان خاطري ورحمه نور الحقني انا بولد.

   " جاسم سكت لثواني وتخيل لو نور مكانها..شالها علي طول وعمر فتح ليه باب العربيه وكلهم راحو وكنز وصفيه فضلو في البيت"

  ( في مستشفى من مستشفيات جاسم اللي علي اعلي مستوي).

نورهان: دخلوها اوضه العمليات بسرعه وانا هعقم نفسي وادخلها....بسرعه.

     " الممرضات دخلوها وملك وهي علي الترولي وداخله"

ملك: هاتولي ابن الكلب...اعاااااا..منك لله يا شادي..الحقوني.

عمر بصوت انوثي وعالي: منه لله ياختي عمل عملته وهرب اااه.

   " كلهم ضحكو وحور وعمر واقفين بيتكلمو وجاسم ماسك موبايله وبيشوف صور نور وعينيه دمعت وبيتخيل لو نور مكان ملك"

       & صوت كعب عالي بيمشي في المستشفى وطفل بيضحك جاسم بص نحيه الصوت والموبايل وقع من ايده من الصدمه &

...

كل اللي هقوله انتظرو المفاجأه 😍♥️♥️♥️♥️♥️♥️

واللي مشفش البارت اللي فاتت أو الجزء الاول يدخل علي صفحتي جوه الجروب هتلاقي البارت اللي فاتت والجزء الاول 😉🖤

بقلم نيللي ياسر.

Nile Yasser🖤🖤🥺

روايه" نور _ الجاسم 2 🖤💫"      البارت (5)   الجزء (2).

بقلم نيللي ياسر.

...

جاسم بصدمه: ن...نو...نور!!!.

       " جاسم شافها قدامه..ايوه هي نور بتضحك قدامه مع طفل صغير..لابسه فستان لونه نبيتي وقصير وكت وديق وچاكت جلد اسود وشعرها قصير و اسود ولابسه جزمه كعب سوده...والطفل اللي جمبها معقول يكون ابنه!!!.

جاسم بصوت عالي: نووووووووور!!.

      " انتبهت للصوت ولسه هتلف وتبصله كان هو جري عليها وشدها من دراعها جامد لدرجه انها حست أنه اتخلع..وحضنها جامد والكل اللي في المستشفى مش مصدقين معقول مرات الدكتور جاسم عايشه وحور وعمر مش بيتحركو"

نور وهي بتحاول تبعد: Qui êtes Vous Jê ne Vous Connais pas؟!.

    الترجمه ( من انت انا لا اعرفك؟!).

جاسم بيضحك بفرحه: نور انتي بتتكلمي فرنساوي لايه؟!...اتكلمي عربي..

نور: انت مين...ومين نور دي...انا اسمي مادلين..

   

      " صمت..صمت قطعه صوت بيبي خارج من اوضه العمليات اللي فيها ملك..حياه جديده بتتولد بس مش للبيبي بس..لجاسم كمان"

جاسم بسخريه: هههه...نور انتي بتهزري انا..انا جاسم جوزك.

مادلين: نعم!!... لا اكيد انت اتلغبط عن أذنك..

    " لسه هتمشي جاسم شدها من دراعها"

جاسم: انتي..ا..انتي بتهزري..انتي مراتي..م.. ممكن تكوني..تكوني..اه...فقدتي الذاكره ايوه بتحصل..نور انا جاسم.

مادلين: ايه الفيلم البايخ ده.. فقدت ذاكره ايه..انا عمري ما اتخبط بالعربيه..بص اكيد حضرتك اتلغبط ما بينا لأن انا اسمي مادلين ومتجوزه ومن فرنسا وانا هنا مجرد رحله..

جاسم بغضب: لا انتي نور ..ولو انتي مش فاكره انا هفكرك.

      " جاسم شالها علي كتفه ومعاه الولد الصغير وركب العربيه وهي بتصرخ بس مين هيقف قصاده..اخيرا حور فاقت من الصدمه علي صوت الممرضه"

الممرضه: الف مبروك استاذه ملك جابت بنوته زي القمر شبه دكتور جاسم بالظبط.

حور: هه..اه..الله يبارك فيكي..طب هما فين.

الممرضه: البيبي ده دكتوره نورهان بتغيرلها وتحميها و  استاذه ملك اتنقلت اوضه تانيه وشويه وهتفوق..عن أذنك.

حور: عمر...عمر يا ابني روحت فين..

عمر: هو اللي انا شوفته ده حقيقيي.

حور: ايوه..حقيقي..عمر انت لازم ترجع الڤيلا انا حاسه ان في حاجه هتحصل.

عمر: طب وانتي وملك.

حور: ارجوك روح وانا اول ما شادي يجي هاجي انا وملك يلا.

     " عمر راح علي الڤيلا وحور مستنيه ملك تفوق علشان تقدر تروح الڤيلا "

....

       " في الشهور اللي فاتت ادم بيعامل ليلي بجفاء تماماً وبيتجاهلها ودي حاجه ضيقتها خصوصاً أنها افتكرت انه عايزها جمبه علشان خلي سعديه تشتغل في مكان تاني بس بعد كده عرفت انه عمل كده علشان تبقي قريبه من بنتها والنهارده   ادم في شركته و..."

ادم: انا مش فاهم يعني ايه الشركه اللي المفروض نتعاقد معاها تيجي انت بكل بساطة تلغي العقد انت مجنون يا عابد.

عابد: ادم انا صاحبك قبل ما اكون مدير الشركه وانا مش حابب القعد ده او يعني الشغل بين الشركتين.

ادم بعصبية: يعني ايه مش حابب هو بمزاجك..!! الشركه اسمها ايه؟!.

عابد: احم..الشركه بتاعت ريناد اقصد بتاعتك القديمه!!.

ادم:____.

عابد: شوفت بقي اني كان عندي حق اني ارفض.

ادم: المعاد زي ما هو ومش هيتغير.

...

       " ملك فاقت من البنج وشايله بنتها ودخلت عليها بقتحام حور"

حور وهي بتلم لبس ملك: حمدالله على السلامه..الف مبروك..قومي بسرعه علشان نمشي..

ملك: ههه..انتي مجنونه.. وبعدين..انتي بتعملي اي يا بنتي سيبي هدومي!!.. وهدوم بنتي كمان..

حور وهي بتشيل الشنطه: قومي معايا بسرعه...نور رجعت.

ملك: نور ايه!!!!...انتي بتقولي ايه؟!.

حور: هفهمك كل حاجه..المهم أن نور عايشه وجاسم خدها البيت.

         " في اللحظه دي دخل شادي وهو فرحان وجري علي ملك اللي مصدومه جداً"

شادي: حمدالله علي السلامه يا روحي...بسم الله ماشاء الله البنوته قمر اوي..

ملك: شادي روحني بسرعه!!.

شادي: نعم.. حبيبتي انتي تعبانه لازم تستريحي.

ملك: نور رجعت وهي دلوقتي في الڤيلا.

شادي بصدمه: ايه!!! انتو متأكدين من اللي بتقولوه ده.

حور: ايوه انا شفتها بعيني..

شادي: طيب يلا نروح بسرعه.

       " شادي خدهم وركبوا العربيه وخدو كمان نورهان اللي اتصدمت اوي خصوصا لان جاسم كان اتحسن وافتكرت انها كده ممكن تقرب منه بس...بس...نور رجعت!!!"

....

       " جاسم وصل بعربيته قدام الڤيلا ولسه نور بتصرخ والولد الصغير مش فاهم حاجه...وعمر كمان وصل وكلهم بيركنو العربيه بسرعه والبوابين مصدومين لما شافو جاسم نازل من العربيه..وشال نور وهي بتزعق وتصرخ وعمر مسك ايد الولد الصغير ودخلو الڤيلا وكانت كنز قاعده قدام صفيه بتضفر لها شعرها"

نور: بقولك نزلني كفايه كده!!...انا مش نور انا اسمي مادلين!!.

جاسم نزلها: وانا بقولك انتي اكيد فقدتي الذاكره!!.

كنز بفرحه: مامي نور!!.

نور: !!Jê ne suie pus mamê

كنز: نعم...مامي انتي كويسه؟!.

نور: يووووه..انا مش أم لحد غير ابني يوسف.

جاسم مسك دراعها بغضب: نعم..انتي سمتيه يوسف انتي اتجننتي!!.

نور بتشد ايديها: ألزم حدودك معايا انا سكتالك كتير.

ملك وحور جريو حضنوها: نور وحشتينا اوي.. حمدالله على السلامه يا نور.

نور بعدت: انا اسفه بس انا مادلين... مادلين.

عمر: نور انتي بجد مش فكرانا.

نور: انا معرفش حد منكم..

صفيه: ولا فكراني انا كمان يا بنتي.

نور: ولا حضرتك.. لأن انا ببساطه مادلين مش نور.

شادي: جاسم احنا ممكن ناخدها نكشف ع...

جاسم بصوت عالي: لا محدش هياخدها دي ملكي انا وأخير رجعت حتي لو مش هتفتكرني هخليها تحبني من جديد وهحاول افكرها بينا وهتعيش معايا لاني بحبها ومش هسيبها.

     " نور واقفه مش فاهمه حاجه بس حاسه ان الشخص ده صادق جدا..ونورهان واقفه علي الباب دموعها نازله وقلبها بيتكسر مليون حته.. وفجأة صوت شخص وراها"

# مادلين..انتي ايه اللي جابك هنا انتي مش فاهمه انا عملت ايه علشان الاقيكي..انت ازاي تجيبها هنا هي وابني غصب!.

...

كل اللي هقوله اسفه علي التأخير بس والله مش بأيد لأن انا اسعد لحظات حياتي وانا بكتب بس لما الواحد يحصله مشاكل تخليه يبعد عن اسعد لحظات بيعيشها اكيد هتبقي حاجه مش بأيده..اتمني انكو تسامحوني ولو مش حابين اكمل انا مش هكمل.

البارت ده خلص بكره هنزل بارت جديد عايزه تفاعل كتيرررر وكومنتات كتير واللي مشفش الجزء الاول يدخل علي صفحتي جوه الجروب هتلاقي البارت اللي فاتت

بقلم نيللي ياسر

Nile Yasser

تكملة الروايه من هنا هنا