 |
روايه:" نور _ الجاسم 2 🖤💫" البارت (6). الجزء (2).
بقلم نيللي ياسر.
....
# مادلين انتي ايه اللي جابك هنا.. انتي مش فاهمه انا عملت ايه علشان الاقيكي..انت ازاي تجيبها هنا هي وابني غصب عنها.
" نور مجرد ما شافته جريت عليه وحضنته وكمان الولد الصغير ودي حركه جننت جاسم"
نور: نادر الحقني ده مجنون..فاكرني مراته..احنا لازم نرجع فرنسا..اكيد حازم بيدور علينا دلوقتي..
نادر: أهدي يا مادلين..احنا هنمشي دلوقتي..يلا.
جاسم وهو بيقرب منه: طب مش هتسلم علينا قبل ما تمشي. ( ضربه بالبوكس ونادر مسح الدم وبعد نور والولد ورد ليه البوكس).
جاسم: طب حيث كده بقي نبدأ اللعب..
" عمر وشادي قربو من صاحبهم لاكن رجعهم وري وقلع القميص ولف رقبته اللي طلعت صوت ومسك نادر ضربه وبدأو يضربو في بعض من غير ما حد يستسلم"
نور: كفايه يا استاذ ( قصدها علي جاسم).. حرام عليك هتموته..نادر كفايه...يا جااااااسم كفايه!!.
" بمجرد ما قالت اسمه وقف وفضل باصص ليها افتقدها كتير..محدش عرف يقول اسمه بطريقتها..بصلها وهي واقفه قلقانه وده باين عليها وشعرها القصير بيطير علي وشها نادر وهي مش عارفه حصلها ايه بس للحظه قالت لنفسها* مش يمكن اكون نور؟!* بتقنع نفسها انها نور..بتقول اي حاجه غير أنها مش نور..سرحت في عيونه وهو كمان مش قادر يبعد عنها لغايه لما فاقت علي صوت الولد الصغير" واد بارد😂"
يوسف الصغير: مامي..هو ده بابي؟!.
نور: ا..أا.
جاسم بيشيله: اه يا حبيبي انا بابي..انت مش متخيل انت واحشني ازاي.
يوسع: هو انت كنت تعرفني من زمان.
جاسم: من وانت في بطن ماما..بس من النهارده ممكن اقولك يا چو بدل يوسف..
يوسف: اكيد بابي!!.
" كلمه جديده عليه بس فرحته اوي واكيد طبعا كلنا عارفين لايه مش عايز يقوله يا يوسف"
جاسم: نور اطلعي غيري الهدوم دي.
نور بعناد: دي هدومي ومش هغيرها وبعدين انا اعرفك يا افندي؟!.
" حست انها عايزه تشاكله أو تضايقه..عايز تشوفه وهو متعصب...اتكلمت وابتسمت وجاسم هيموت من الغيره"
جاسم بغضب مكتوم: نور غيري هدومك بسرعه..
نور: امممم..لا!!.
جاسم: نور لو مغيرتيش هدومك هغيرهالك انا..
نور بتوتر: ا.. إزاي ده بقي...وانا هسمحلك اصلا..
جاسم بمشاكسه: تيجي نجرب؟!..
" نور ضيقت عنيها وبتبصله وفجأة جري عليها وده خلاها تصوت وتتطلع تجري علي فوق وكلهم ضحكو والابتسامه رجعت من تاني للبيت..ونور لا إراديا دخلت الاوضه بتاعتها وهي متعرفش و وقفت مصدومه لما شافت الصور وجاسم دخل يجري بس شافها واقفه قدام برواز ليهم وساكته وقف جمبها بسكون تام"
جاسم: شعرك كان احلي وهو طويل ولونه طبيعي دهبي.
نور: انا من يوم ما اتولدت وشعري اسود..اه كان طويل بس انا قصيته لاكن كان اسود مش دهبي.
جاسم: نور انا هفكرك كل حاجه وهفضل جمبك..طب بصي تعالي بصي..
" جاسم جري وقف جمب صندوق لونه بينك ومكتوب عليه بالانجليزي نور الجاسم بطريقة جميله وفتحه وهي ابتسمت بحزن و وقفت جمبه وطلع منه فستان"
جاسم: بصي..فاكره ده؟!.
نور: ( هزت دماغها ب لا).
جاسم بأمل: ده لبستيه واحنا رايحين نتعشي بره وكان مميز علشان في اليوم ده عرفت انك حامل يا نور.
نور: انت لايه مش فاهم..انا مش فاكره.
" جاسم تجاهلها وطلع تيشرت اسود"
جاسم: اول يوم دخلتي البيت ده لبستيه من دولاب ملك ومكنتيش تعرفي أنه اصلا بتاعي ومن يومها واحنا محتفظين بيه"
" نور ابتسمت بحزن لأنها مش فاكره الحاجات دي"
جاسم: طب فاكره ده..
" كان عباره عن كارت موبيل اللي وقع منها اول يوم شافته"
نور: اي ده!!.
جاسم: ده كارت موبيل..
نور: ايوه محتفظين بيه لايه..اقصد محتفظ بيه لايه؟؟!.
جاسم: الكارت سبب اني اعرف اوصلك هو اللي خلاكي مراتي يا نور..انا سميته كارت سعادتي.
نور: إزاي.
جاسم ابتسم: هحكيلك..........
...
" ادم روح بيته مخنوق ومتضايق جدا وحس أنه لوحده وزعلان من نفسه لانه مش بيروح قبر بنته من مده وكان هيروح بس الوقت متأخر جداً وهو بقاله تلات ساعات بيلف بالعربيه وزهقان وأخيرا روح البيت واول ما دخل ليلي جريت عليه"
ليلي بسرعه: اتفضل يا ادم بيه المفتاح اهو والعشاء جاهز انا لازم اروح لأن الساعه داخله علي اتنين الفجر ماشي..
ادم بزعل: طب..طب اصبري اوصلك.
ليلي: لا متشكره عن أذنك..
" ليلي خرجت بره الباب وهو قفله وفضل ساند علي الباب لأنه كل يوم بيعدي بيحس بالوحده اكتر وهي خرجت وبتفتح شنطتها علشان تطلع الموبيل تطلب اوبر ملقتهوش وافتكرت انها نسيته علي طربيزه المطبخ لأنها كانت بتكلم امها خبط وادم فتح بلهفه."
ليلي: انا اسفه بس نسيت الموبيل جوه.
ادم: طيب اتفضلي هاتيه.
" ليلي دخلت جابته ولسه هتخرج لقت ادم واقف قدامها"
ليلي: احم..عن أذنك.
ادم: ليلي ممكن تقعدي معايا وانا والله هوصلك شويه كده.
" ليلي كانت هترفض بس شافت في عيونه رجاء وكأنه بيتوسل ليها بعيونه أنها تفضل معاه..لا إراديا وافقت وهو ابتسم ودخلت واول ما قفل الباب فاقت وعرفت أن اللي بتعمله ده غلط..وفي اللحظه دي رن الموبيل بأسم" ماما".."
ليلي: الو يا ماما..
امها: ايه يا حبيبتي خلصتي ولا لسه.
ليلي: معلش يا ماما بس ممكن أتأخر علشان في أطفال عملو حادثه وتعبانين واحنا والدكاتره معاهم ف ممكن أتأخر..
امها: يا ساتر يا رب..طب يا حبيبتي انا هبات عند خالتك ولما تقربي تمشي اتصلي عليا..
ليلي: حاضر يا ماما سلام.
" ليلي بتلف لقت ادم غير هدومه بهدوم بيتي عباره عن شورت لونه زيتي وتيشيرت لونه ابيض وسلسه فضه واضحه جدا وكروس ابيض و واقف وراها"
ليلي: اعااا..انا اسفه بس اتخضيت..
ادم بابتسامه: طب تعالي نتعشي سوا..يلا.
ليلي: لا انا اكلت..اقعد كل وانا هقعد معاك.
ادم: اوكيه تعالي..
" ادم قعد يأكل وليلي جمبه بتبص عليه وهو بيأكل"
ادم: الحمدلله أكلك جميل اوي يا ليلي.
ليلي: علشان كده مكملتش اكلك.
ادم: صدقيني شبعت.
ليلي: طيب انا هشيل الاطباق تحب اعملك حاجه تشربها..
ادم: ممكن قهوه..وانا هستناكي في الجنينه.
ليلي: حاضر.
" ليلي دخلت غسلت الاطباق وبتعمل القهوه ومتخيله أنها في بيتها وده جوزها ومبسوطه بالحلم البسيط ده بس صوت القهوه خلاها تفوق..صبت القعوه وخرجت لقته واقف قدام البيسين من غير تيشيرت"
ليلي بكسوف: احم..
ادم: شكراً يا ليلي.
ليلي: مظبوطه؟!.
أدم بأبتسامه: مظبوطه..
ليلي: هو..هو حضرتك متجوز.
أدم: ومخلف كمان.
ليلي بحزن: طب وهما فين.
ادم: ربنا يرحمهم.
ليلي: انا اسفه.
ادم: ولا يهمك عادي انتي بتسألي.
" ليلي بصت لموبيل ادم ولقته بيرن بأسم مش عارفه تقرأه لانه مش واضح والموبيل صامت فضلت تبص علي الموبيل ومخدتش بالها و وقعت في البيسين"
ليلي: اعاااااا...هغرق...
" ادم رمي القهوة ونط بسرعه جابها والطرحه اتزحلقت وشاف شعرها لتاني مره فضل يحسس علي شعرها وهي تعيط لأن الجو برد "
ادم: خلاص بطلي عياط ما انا لحقتك اهو.
ليلي وهي بتحدفه بالمايه: انت السبب حد يعمل بيسين في الجنينه؟!.
ادم: اومال اعمله فين في اوضه النوم!!.
" ليلي ضحكت وهو كمان وفضل باصص لها وهي بتضحك وبتمسح عنيها زي الأطفال واول ما بصتله داري وشه وشالها طلعها و وقف قدامها"
ليلي: اروح ازاي انا كده..
ادم: امممم...اقلعي..
ليلي بصدمه: نعممم!!.
...
كفايه كده لان أيدي وجعتني 😂😂🥺بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول 😉💪
بقلم نيللي ياسر.
Nile Yasser🖤🔥
روايه" نور _ الجاسم 2 🖤💫" البارت (7). الجزء (2).
بقلم نيللي ياسر.
...
ادم: امممم..اقلعي..
ليلي بصدمه: نعمممم!!..
ادم: يا بنتي اقصد هاتي الفستان احطه هو و الطرحه في المجفف والبسي اي حاجه من عندي...
ليلي: لا انا هروح كده وخلاص..
ادم: هتروحي كده ازاي..انتي هبله.
" ادم بص ليها.. الفستان لأن لونه ابيض ولازق فيها من المايه وشعرها طويل واسود واقفه بتترعش ونور المايه بيعكس علي وشها..ابتسم..ونط جاب الطرحه وطلع وقف قدامها وشاورلها تدخل وهي دخلت"
ادم: خدي شوفي دول يجو علي قدك..
" كان سوي تشيرت لونه رمادي فرو وبنطلون شروال اسود"
ليلي: تمام.
" ادم خرج وهي قفلت الباب وهو حط الفستان في الجفف و واقف بيكويه"
ليلي: احم...ممكن انا اكويه..
" السوي تشيرت جميل فيها والكم طويل وهي بتشد فيه من الكسوف والبنطلون طويل ورافعه شعرها كعكه لفوق وخدودها حمره شكلها جميل اوي..فضل باصص لها وهي باصه في الارض واخيرا رفعت وشها"
ليلي: اعااااا.. الفستان!!.
ادم: مكنتش اقصد بس سرحت شويه..
ليلي: عادي فداك..المشكله هروح ازاي.
ادم: تعالي معايا...
....
جاسم: وبعد كده كنتي حامل في التاسع وانا قررت اعملك فرح..
مادلين: هههه..وهي وافقت!!
جاسم: لا انتي مكنتيش تعرفي..كانت مفاجأة.
مادلين: وبعدين حصل ايه؟!.
جاسم بتذكر: _____.
مادلين: كمل حصل ايه في الفرح..
جاسم بحزن: قلبي اتخلع من مكانه..والدم نشف في عروقي..وعقلي وقف عن التفكير..روحي طلعت من جسمي..كنت عاجز..مش عارف الحقها..بتقع قدامي..كانت في حضني..بس..بس مبقتش في حضني..
مادلين بدموع: جاسم انت كويس؟!..
جاسم بدموع: حتي..معرفتش احميها..
مادلين بدموع: هو اليوم ده اللي...
جاسم باصص في الارض ودموعه بتنزل: ا..ايوه..لبست الفستان الابيض..ونزلت بيها..مكنتش تعرف أنه فرح ليها..شافت كل اصحابها والناس فرحانه ليها..لفت علشان تحضني..كنت دافن وشي في رقبتها.. وفجأة سمعت صوت رصاص..وهي بتمسك في هدومي جامد..وهمست جمب ودني..قالت..قالت انا بحبك اوي يا جاسم..و وقعت..وانا وقعت معاها في الارض..مش مصدق حاجه..فستانها الابيض بقي لونه احمر..ايدي..ا..أيدي بقي عليها دمها..متحركتش..حسيت..حسيت ان الساعات وقفت؛ والناس اتجمدت.. ومفيش غيري انا وهي بس..مخي بيعرض كل ذكري لينا..
نور بتعيط:____.
جاسم بوجع ودموع: لسه سامع صوت الدكتور وهو بيقول.. البقاء لله مقدرناش ننقذها ولا حتي الطفل؛ لسه فاكر كنت حاسس بأيه كأنه امبارح..رجلي مش شيلاني؛ دموعي غرقت البدله؛ عيوني بتقفل وتضلم علي صورتها وهي في حضني..
#بقلمي.
جاسم بدموع اكتر: لما فوقت قالو اني كنت في غيبوبه وعقلي مستحملش اللي حصل..مكنوش يعرفو ان قلبي كمان مش مستحمل فراقها..ولا ودني مستحمله كلامهم..ولا عيوني قادر تشوف غيرها..سألتهم هي فين؟!.. قالو..قالو دفناها..كان..كان نفسي احضنها واشوفها..طب ازاي..ازاي؛ حكايتنا تخلص كده..من غير ما اشوفها حتي..من غيرها ما اخدها في حضني..
مادلين بتعيط وبتحاول تواسيه: جاسم اكيد..( عيطت ومعرفتش تكمل بس هو كمل).
جاسم بدموع: لسه صورتها وهي بتقع في خيالي..لسه بحس أن دمها علي ايدي..طب تعرفي..انا مروحتش ولا مره قبرها..لاني حاسس وعارف أنها عايشه..ايوه هي قالتلي بنفسها..
" مادلين بصت ليه بأستغراب وهو كمل"
جاسم بدموع: لما دخلت مستشفى للأمراض النفسية..كانو بيقولولي لو استسلمت للواقع وقلت أنها عايشه هتخرج؛ بس اللي انا فيه ده الواقع..لو هما استسلمو ليه كانو هيصدقوني..في يوم بصيت من شباك اوضتي للسما والقمر وقعدت اعيط واشتكي ربنا..صوتي كان مسموع لدرجه انها سمعته..بعد لما خلصت العياط المستمر..افتكرتها وجت علي بالي اغنيه بتحبها.. بدأت اغنيها وانا بعيط؛ كلامها كان بيقطع فيها..سكت وحطيت ايدي علي وشي وعيط من كل قلبي..وسمعت صوتها بتكمل الاغنيه مصدقتش نفسي..بصيت ولقتها قدامي..لابسه فستان الفرح اللي راحت بيه بس نضيف جدآ لونه ابيض صافي زي قلبها..بدأت تغني..عيط قدامها وحضنتها..لسه فاكر كلامها وهي بتقولي"
..
نور: ليه بتعيط يا حبيبي..مش انت واثق اني عايشه..
جاسم بدموع طفل: بس..بس محدش..مصدقني.
نور: احساس الحبيب لحبيبته..محدش بيحس بيه غيره وانت الوحيد اللي حبيبي ومحدش هيحس باللي انت حاسه غير اللي بيحبني بجد زيك.
جاسم: انتي..انتي وحشتيني اوي.
نور بابتسامة: اخرج يا جاسم من هنا يا جاسم.
جاسم: ازاي.
نور: قولهم اللي عايزين يسمعوه واحتفظ باحساسك هنا.
" حطت اديها علي قلبه"
..
جاسم بدموع: واختفت..قعدت أصرخ في الارض..عارف أنه كان طيفها اللي مش بيفارقني ابدأ...
" مادلين بدموع حضنته وهو مسكها زي الطفل"
...
" الشخص اللي جاسم ضربه ده اسمه نادر وهنعرف هو مين في الأحداث.."
نادر بعصبية: هو كل ده بيعمل ايه معاها..
عمر بسخرية: ما تهدي يا باشا شويه علي نفسك ده حتي العلقه لسه مبردتش.
شادي: عمر اخرس..ممكن نعرف انت مين!!.
نادر: مادلين هي اللي هتقول مش انا.
حور: چو حبيبي هو ده بابا..
چو: لا ده انكل نادر..
حور: مين انكل نادر.. يعني يعرفك منين؟!.
چو: معرفش..بس مامي بتحبه اوي.
" حور اتنهدت بخوف من اللي جاي"
نورهان ببرود: لو تحب اني انضف الجروح اللي في وشك..انا دكتور.
نادر بعصبية: شكرا..انا مش جاي مستشفى انا جاي اخد مادلين ويوسف وامشي.
نورهان بغضب: انت بتتعصب لايه انا بس حبيت اساعد كان ممكن تقول لا بأحترام وانا كنت هسيبك..عادي يعني.
ملك: أهدي يا نورهان حصل خير..
" كله بيتكلم وبيحاولو يعرفو مين ده بس هو عنده رد لايي سؤال..غير انه يعرفهم هو مين..كنز ساكته وبصاله بغموض وأخيراً قربت و وقفت قدامه وهو قاعد علي الكنبه"
كنز: هو انت اللورد؟!.
" نادر قام وقف بصدمه..وفي اللحظه دي كان جاسم نازل"
نادر بصدمه: انتي تعرفي الإسم ده منين...انطقي!!!!.
...
جماعه الروايه هتتغير 180 درجه في البارتات اللي جايه محدش يقول دي عاديه وهتمشي كده..لا تابعوها واوعدكم مش هتندمو..المهم اللي مشافش البارت اللي فاتت والجزء الاول يدخل علي صفحتي جوه الجروب هتلاقي البارت اللي فاتت 😍😊
ولو جابت 20000 هنزل علي الساعه واحده بليل يلا شدو حيلكم بقي..وبليز سيب كومنت مشجع لاني بمر بفتره صعبه جداً 🖤🖤🔥
بقلم نيللي ياسر
Nile Yasser🖤🔥
روايه:" نور _ الجاسم 2 🖤💫" البارت (8). الجزء (2).
بقلم نيللي ياسر.
...
" آقسم أنني أخشي إعتيادك؛ ثم فقدانك دفعه واحده"🖤✨
..
كنز: هو انت اللورد؟!.
نادر بصدمه: انتي تعرفي الإسم ده منين..انطقي!!.
كنز ببرود: اظن اني مش مضطره اقولك انا عرفت الاسم ده منين..مع اسلوبك وطريقه كلامك دي.
ملك: كوكي حبيبتي..ممكن تقولي عرفتي الإسم ده منين؟.
كنز: مش دلوقتي.
نادر بعصبيه: يعني ايه مش دلوقتي..
كنز: يعني مش وقته.. وبعدين عمر لما سألك انت مين مردتش تقول يبقي متجبرنيش اقولك انا عرفت الإسم ده منين لمجرد انك أكبر مني!!.
" كلهم مستغربين اسلوب كنز اللي اكبر من سنها"
نادر من بين اسنانه: أخير نزلت من فوق..فين مادلين.
جاسم: انت لسه هنا لايه.
نادر: انا هاخد مادلين ويوسف وهمشي..
مادلين وهي نازله السلم: ممكن اتكلم انا ونادر لوحدنا.
جاسم: انتي مجنونه عايزه تقعدي معاه لوحدكو.
مادلين: ارجوك انا محتاجه افهم.
" مادلين لبست هاي كول زيتي وبنطلون اسود وكوتشي اسود"
جاسم: ماشي يا نور.
" مادلين خدت نادر وقعدو في الجنينه"
نادر: الموضوع مش للنقاش اصلا..انا لسه عارف ان البوص مات.
مادلين بصدمه: مات..انت بتتكلم جد.
نادر: ايوه جد جوزك مات..انا لايه حاسس انك مبسوطه.
مادلين بصوت عالي: حاسس..انت اكتر واحد عارف الشخص ده عملي ايه..
" خدت بالها أن صوتها عالي ف لفت وشها واطمنت ان محدش بيسمعها بعدها كملت بصوت واطي"
مادلين بهمس: لايه مكونش نور...مش يمكن..
نادر بعصبية مكبوته: لا يا مادلين..لا مش يمكن.
مادلين بصوت غاضب: انت تعرف منين..نور ميته من تلات سنين وانت جيت من سنتين بس..يبقي لايه لا.
نادر بصوت واطي بس غاضب: انتي هتستهبلي..طب انا وجيت من سنتين ومعرفش حاجه..وانتي ايه مش فاكره اذا كنتي خدتي طلقه ولا لا..اذا كنتي حامل فعلاً ولا لا.
مادلين: يوسف عنده تلات سنين يبقي.
نادر: يبقي اكيد ده ابنه؛ صح؟!.
مادلين: نادر انت الوحيد اللي حاسس بيا وعارف انا بفكر ازاي..انا بجد تعبانه..تعبت اوي..طب تقدر تقولي بعد لما حازم مات الناس اللي معاه هيعملو فيا انا وابني ايه...رد عليا.
نادر: هقدر احميكو..
مادلين: يبقي بتضحك علي نفسك..انت عارف ان بأشاره منهم كلنا هنكون تحت التراب..
نادر: _____.
مادلين: ممكن بقي تسمعني!!.
....
ادم: تعالي معايا.
ليلي: علي فين؟!.
ادم: هتلبسي اي حاجه من عند مراتي تروحي بيها..
ليلي: حاضر.
" دخلو الاوضه وللعلم ادم مش بينام فيها ومانع ليلي تنضفها وبيجيب واحده ست كل شهر كبيره في السن تنضفها"
ادم بتوتر: اا..ليلي ممكن تخليكي هنا.
ليلي: ماشي.
ادم: معلشي بس مفيش بنت بتدخل الاوضه دي.
ليلي: عادي انا متفهمه ده..اتفضل.
" ادم ابتسم ودخل جاب لليلي لبس وخرج اداهولها ودخلت الحمام تغير"
ليلي: يلا انا لبست.
" ليلي لابسه فستان شتوي ديق وطويل وبكم ورقبه لونه اوف وايت.. وطرحه السوده بتاعتها والجزمه بكعب سوده برضو بتاعها"
ادم: تمام يلا.
" ركبو العربيه وادم وصلها وطول الطريق كلهم ساكتين تماماً وليلي متصلتش علي امها وطلعت الشقه غيرت ونامت"
....
" في اوضه ملك وشادي ملك فارده علي السرير وماسكه لعبه بتعمل صوت وبتضحك للبيبي وشادي خارج من الحمام وراح قعد قدامها"
ملك بضحك: ياروحي...بص يا شادي بتفتح عينيها..
شادي بفرحه: الله اكبر..لونهم اخضر زي جاسم وانتي.
ملك: انا فرحانه اوي.
شادي: وانا كمان يا قلبي فرحان...ملك كنت عايزك في موضوع.
ملك: قول يا حبيبي.
شادي: انتي طبعاً عارفه أن من ساعت ما ابويا وامي واختي ماتو في حادثه وانا صغير وانا وحيد ومليش عيله.
ملك: ربنا يرحمهم يا حبيبي.
شادي: يا رب...المهم انا أخيرا بقي ليا عيله خاصه بيا عيله صغيره انا وانتي وروح صح.
ملك بشك: شادي انت عايز تقول ايه؟!.
شادي: بصي يا ملك انا الڤيلا اللي كلمتك عليها خلصتها خلاص وانا شايف أن قعدتنا هنا ملهاش لازمه..يعني حور وعمر وكمان نورهان وتاتا صفيه وغير كنز وجاسم ونور كلهم موجدين بس احنا مختلفين عنهم احنا بقي معانا بنت وبقينا عيله فلازم بقي نعيش لوحدنا.
ملك بغضب: انت اتكلمت معايا علي موضوع الڤيلا دي وانا حامل صح..وانا كنت رافضه تماماً.. تقوم تخلصها من ورايا وتقولي يلا ياروحي هاتي بنتنا ويلا نعيش لوحدنا..لا يا شادي لا انا مش هسيب عيلتي.
شادي: ملك اتكلمي كويس... وبعدين هو انتي هتسافري دي الڤيلا جمبهم..والمفروض تدوري علي راحتي انا وبنتك عيلتك حالياً.
ملك: اطفي النور يا شادي انا تعبانه ومحتاجه ارتاح.
" شادي طفي النور بغيظ ونام جمبها وروح بنتهم علي السرير بتاع البيبي"
...
عمر: الحوار بيكبر اوي انا مش مصدق اللي جاسم فيه وكمان البت كنز كلامها غريب.
حور: عندك حق بس انا فرحانه أن جاسم لقي نور ونور رجعت أخيراً.
عمر بخبث: عارفه انا بقي فرحان لايه؟!.
حور بضحك: لايه..
عمر: عشان الامريكاني ابو شعر اصفر ده هيبقي ملكي قريب.
حور بمشاكسه: ده بعينك..
عمر: هي بقت كده...ايه ده مستحيل اللي بيحصل.
" حور بتبص علي المكان اللي عمر ركز عليه وفجأة قرب وباسها وهي زقته بكسوف وهو بيضحك"
عمر: لا بس امريكاني علي ابوه..
حور بتجري وراه: يلا يا حيوان...
...
جاسم: يعني الشخص ده هيفضل معانا هنا..
مادلين: الشخص ده بقاله سنتين بيحميني مش معقول اجي دلوقتي واول ما الاقي جوزي اقوله سوري مبقتش محتاجاك.
جاسم بيقرب منها بفرحه: انتي قولتي ايه؟!.
مادلين بتبعد: مقولتش حاجه!!.
" جاسم في لحظه كان هيقرب منها بس الباب خبط"
جاسم: ادخل.
چو: مامي انا خايف انام لوحدي..
جاسم: طب تعالي يا روحي نام جمبنا.
چو: يعني مش تضايق.
جاسم بص لنور اللي اتكسفت وبصت في الارض: لا الصراحه هتضايق...بس مش مهم عارف لايه لانك بقيت ابني..ابن جاسم سليمان الوردي..
" جاسم نام علي السرير وچو في النص ونور جمب چو"
....
" الصبح بدري شادي نزل الشركه لأنه مخنوق واول ما وصل دخل وطلب السكرتيره"
شادي بعصبيه: نهي هاتي القهوه بتاعتي بسرعه.
نهي: أوامرك يا فندم.
تك..تك.
شادي: أتفضل.
نهي: القهوه يا مستر شادي.
شادي: ها في ايه النهارده.
نهي: حضرتك كنت عامل اجتماع لاصحاب الشركات الكبار في مصر علشان المشروع الجديد.
شادي: الاجتماع فاضله قد ايه.
نهي: اظن حضرتك مش هتحتاج للاجتماع لان صاحب شركات Alsaiad Group بره وكل اللي اعرفه أنه مستعد يمول المشروع كله.
شادي: نعم هو عارف المشروع ده هيتكلف كام.
نهي: طبعاً.
شادي: طيب دخليه بسرعه.
نهي: حاضر.
" شادي عدل البدله واستني ثواني والباب خبط قام وقف وهو بيقول"
شادي: اتفضل.
ادم بابتسامه: اهلا استاذ شادي.
شادي بصدمه: جاسم انت ايه اللي جابك هنا..
...
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل على صفحتي جوه الجروب هتلاقي البارت اللي فاتت والجزء الاول 🖤🔥
بقلم نيللي ياسر.
Nile Yasser
#بقلمي.
روايه:" نور _ الجاسم 2 🖤💫" البارت (9). الجزء (2).
بقلم نيللي ياسر.
...
"أخشي عليك من عيون الناس وقولها؛ فالناس تحسد
كل حسن نادر"🖤✨
..
ادم بابتسامه: اهلا استاذ شادي..
شادي بصدمه: جاسم..انت ايه اللي جابك هنا!!.
" ادم قفل باب المكتب و وقف قدام شادي"
ادم: استاذ شادي انا ادم الصياد اكيد انت تعرفني.
شادي بصدمه: ا..ا..اتفضل.
ادم قعد: الحقيقه انا عرفت فكره المشروع وعجبتني وعرفت برضو أنه محتاج تمويل كبير وانا ممكن ادفع..بس عندي كام ملاحظه كده.. استاذ شادي!!.
" شادي سرحان وفاق علي صوت ادم"
شادي: ا..مع حضرتك..
ادم: كنت بقول أن الأرض اللي هيتعمل عليها المشروع مش مناسبه..لكذا سبب الأول أن المنطقة دي لسه بتتبني..يعني مش مكتمله بالسكان..واظن فكره المشروع قايمه علي الناس ...ده غير انها منطقه حر جدا وطبعاً اللي هيجي مره ويركن عربيته في الشمس مش هيجي تاني بسبب ارتفاع الحراره..و كمان... استاذ شادي انا بتكلم..
شادي بسرحان: انا اسف بس سرحت شويه.. حضرتك تشرب ايه؟!.
" ادم بصله بعدم اهتمام وموبايله رن باسم Gamal بس قبل لما الموبيل رن شادي شاف صوره كنز وهي صغيره يعني في الوقت اللي جت فيه بيت جاسم محطوطه خلفيه ودي حاجه صدمته"
ادم: الو يا عم جمال..انا مش قولتلك متتصلش غير لو في مشكله حصل ايه؟!.
جمال البواب: اصل يا باشا انسه ليلي جت الشغل من كام ساعه ومن شويه لقناها بتصوت وتصرخ ومش بتفتح.
ادم وقف بصدمه: طب ما تفتحو الباب يا بهايم..مش انتو معاكو مفتاح.
جمال بتوتر: اصل يا باشا..اصل احنا مش لاقين المفتاح تقريبا ضاع.
أدم بغضب: ضاع!!.. ده انا هاجي اضيع عمرك دلوقتي.
" ادم قفل الموبيل وخد مفاتيح عربيته وطلع علي الڤيلا وشادي بيجري وراه علشان يلحقه بس ادم ركب عربيته ومش وشادي وقف علي البوابه بتاعت الشركه وطلع الموبيل بتاعه من الچاكت"
شادي: الو...ايوه يا جاسم..
جاسم بنوم: اي ده انت خرجت.
شادي: ايوه يا سيدي وفي مصيبه..
جاسم: مصيبه ايه!!.
...
" نادر في الجنينه من بدري لابس بنطلون رياضي اسود وقالع التيشيرت وبيعمل ضغط ومشغل اغاني رياضيه علي الصب وسمع صوت بنت وراه"
نورهان: انت يا بني ادم..
نادر وقف وهو بيمسح وشه: افندم..
نورهان: مش تعمل حسابك أن في ناس نايمه.. إزاي معلي صوت الاغاني كده.
نادر بسخرية: وهي الناس اللي نايمه دي عينوكي المتحدثه الرسميه بتاعتهم..
نورهان بغضب: لا يا خفيف..الاوضه بتاعتي جمب باب الجنينه علشان كده الصوت واصلي.
نادر: مش مشكلتي انهم ادوكي اوضه البواب!!.
نورهان بعصبية: بواب!!؛ انت بني ادم مش محترم و وطي الصوت شويه!!.
" نادر وطي علي الصب وعلي الصوت ونزل علي الارض يكمل الضغط اللي بيعمله وهي ضربت رجلها في الأرض بعصبية ودخلت اوضتها"
نورهان بتعب: اه يا دماغي..حسبي الله ونعم الوكيل فيك يا نادر!!.
" نادر خلص الرياضه بتاعته وبيلم حاجته وجي بيقفل الصب حب يضايق نورهان وعلي الصوت وحط الصب جمب باب اوضتها وطلع اوضته ياخد شاور"
" نورهان في اوضتها حطه مخده فوق راسها ومش عارفه تنام ودماغها صدعت"
نورهان بعصبية: لاااااا..كده كتير كتير اوي انا تعبت.
" فتحت باب الاوضه ولسه هتمشي خبط في الصب..بصت عليه وفتحت بوقها وطلعت الجنينه ملقتهوش طلعت اوضته وهي متعصبه"
نورهان بتفتح الباب: بقي انت يا حيوان بتحط..اعااااا!!.
" نورهان فتحت الباب من غير ما تخبط وشافته لافف فوطه علي وسطه وقالع التيشيرت و واقف في وشها بالظبط"
ادم شدها لجوه وقفل الباب: انتي ازاي تدخلي كده مش يمكن قالع!!.
نورهان بعصبية وهي باصه في الارض: قالع اكتر من كده!!.
ادم ببرود و وقاحه: اوضتي وانا حر فيها..هو لا مؤاخذه لو انتي في اوضتك وانا فتحت الباب من غير استأذان وانتي يعني..لابسه حاجه كده ولا كده..كنتي عملتي ايه؟!.
نورهان بعصبية: جرب كده علشان يكون آخر يوم في عمرك.
ادم: شوفي انا بقي مش هعمل كده هكتفي بأني اجرب افتح عليكي الباب واشوف رد فعلك!!.
" نورهان بصتله بقرف وخرجت من الاوضه وهي ضحك وبس في المرايه بثقه..شعره اسود وعيونه عسلي فاتح..جسمه رياضي..وكفايه شخصيته الجذابه.."
...
" ادم وصل قدام الڤيلا ونزل يجري وزق البواب والأمن اللي واقفين علي الباب وطلع المفتاح ودخل بسرعه بس الڤيلا كانت هاديه خالص "
ادم: ليلي... يا ليلي..
" ادم شاف كلبه ماكس الضخم جي يجري عليه"
ادم: ماكس..انت رجعت اكيد صالح هو اللي رجعك..مشوفتش ليلي.
" الكلب طلع يجري علي فوق و ادم معاه والكلب وقف قدام الباب بتاع هدي مرات ادم اللي ماتت والباب مقفول"
ادم: امممم.. اظن انها خافت منك صح!!.
ادم: طيب روح انزل تحت...يلا.
" الكلب نزل تحت وادم فتح الباب واول ما دخل لقي ليلي قاعده علي السرير بتعيط ولابسه تي شيرت بنص كم برتقالي ديق وقصير و هوت شورت اسود واسع سيكا وشعرها مرفوع لفوق ونازل منه خصل واول ما شافته جريت وقفت قدامه وبتتكلم وهي بتعيط وتمسح دموعها بايديها"
ليلي ببكاء وشهقات: ا..الحقني..في..ا..في..كل..كلب..كبير..كا..كان..ه..هي..هيموتني..وا..انا اسفه..دخل..دخلت..أو..اوض..
ادم خدها في حضنه: هشششش..أهدي محصلش حاجه ده الكلب بتاعي بس الوقت اللي جيتي فيه هو كان في المستشفى وتقريبا صاحبي جابه والحيوانات اللي بره دول مخدوش بالهم..اهدي.
" ليلي بعدت عنه وهي لسه بتعيط"
ليلي: بس..لا ده كان..هيموتني..انا كنت بنضف ولقيته بيشد الكرسي اللي واقفه عليه..كنت هموت.
ادم بضحك: بعد الشر عليكي..وبعدين عنده حق لما يلاقي واحده خارجه من البحر واقفه بتنضف يجري عليها.
ليلي: خارجه من البحر انت تقصد ا..( حطت اديها علي بوقها)
ادم: بالظبط هسيبك تلبسي هدومك.
" ليلي كانت بتنضف وعلشان كانت لابسه فستان لونه سماوي خافت يتوسخ فقلعته وكانت لابسه تحتيه الهدوم دي
ادم: يلا يا ماكس..خلي بالك هتقع.
" ليلي خرجت والكلب اول ما شافها هوهو عليها وهي استخبت وراء ادم"
ادم: ماكس دي ليلي..بتقعد في البيت كتير لازم تاخد عليها علشان متخوفهاش ولازم تحميها انت فاهم..
ليلي: الصبر من عندك يا رب: انت بتكلم كلب.
ادم: ايوه طبعاً وهو فاهم انا بقول ايه..
" الباب خبط ادم سابهم وراح يفتح والكلب بيحاول يلحس ليلي وهي بتبعده بس قرفانه وخايفه وادم فتح الباب"
ادم: شادي انت جي لايه؟!.
شادي: الحقيقه..يعني..
جاسم: انا اللي جاي وانا اللي عاوزك مش هو!!!.
...
لا لا مش معقول بارتين في نفس اليوم 😂🤏 المهم بس انا حبيت افرحكم زي ما فرحتوني لاني خدت المركز الأول في التصويت هنا في الجروب بسبب الروايه وتفاعلكم طبعاً..عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول 🖤💫.
بقلم نيللي ياسر.
Nile Yasser🖤💪
روايه:" نور _ الجاسم 2 🖤💫" البارت (10) الجزء (2).
بقلم نيللي ياسر.
...
جاسم: انا اللي عاوزك!!.
" ادم اتصدم لأنه شاف جاسم قبل كده في المطعم"
ادم: مين حضرتك..انا حاسس اني اعرفك...
جاسم: طب هنتكلم علي الباب.
ادم: ثانيه واحده.
" ادم دخل الڤيلا"
ادم: ليلي ادخلي جوه.
ليلي: حاضر.
" ليلي دخلت وجاسم وشادي دخلو قعدو"
ادم: ممكن اعرف بقي حضرتك مين وعايز ايه؟!.
جاسم بهدوء: انا معايا بنتك!!
" في لحظه كان ادم ماسك رقبه جاسم وبيتكلم بعصبيه و وشه احمر"
ادم بغضب: بنتي.. ازاي..انطق!!!
...
" ملك في اوضتها مع البيبي و بتتصل بشادي مش بيرد"
تك..تك.
ملك: ادخل..
مادلين: احم..ازيك يا ملك.
ملك: ازيك يا نور اتفضلي.
مادلين: عامله ايه النهارده والبيبي عامله ايه.
ملك: الحمدلله.
مادلين: احم..هو ممكن اسألك علي حاجه.
ملك: اتفضلي..
مادلين: هي نور ..اقصد انا كنت بتعامل ازاي معاكم قبل ما اموت أو ابعد عنكم..
ملك بابتسامة: يعني..كنتي طيبه وحنينه جداً وكنتي بتخافي وبتتخضي بسرعه..روحك كانت بتتحب كده.
مادلين: طيب شكراً..بس هو انتي كويسه يعني شيفاكي قلقانه ومتوتره.
ملك: اتخانقت مع شادي..
مادلين: شادي..اللي هو جوزك.
ملك: ايوه.
مادلين: ممكن اعرف لايه؟!.
ملك: هحكيلك.
...
" صفيه بتتكلم مع كنز في الاوضه علي السرير"
صفيه: احكيلي بقي عرفتي أن نادر اسمه اللورد ازاي.
كنز: معرفش..بس حسيت اني شوفته قبل كده.
صفيه: ازاي؟!.
كنز: حسيت ان بابي قابله واتكلم معاه وقاله يا لورد!!.
صفيه: ازاي بس ده جاسم حتي اول مره يشوفه.
كنز: معرفش..
...
" نورهان في الاوضه لابسه بيچامه بينك وبتلعب بالفون ونادر معدي جمب الاوضه فتح الباب"
نورهان: اعااااا..انت مجنون..
نادر: يعني بيقولو.
نورهان: غور بره.
نادر قفل الباب: مالك يا وحش زعلان لايه.
نورهان بتبعد: والمصحف هصوت والم عليك الناس.
نادر: صوتي..
نورهان: ا..ا..اخرج بره.
نادر بيقرب منها: اممم.. افكر..
نورهان: لو سمحت ابعد.
نادر: انا اصلا...
" سمع صوت مادلين بتنده عليه فخرج"
نورهان: اووووف..بني ادم مش متربي..
...
نادر: في ايه يا مادلين..
مادلين: مش عارفه بس سامعه صوت جاسم معاه حد بره.
نادر: في الجنينه.
مادلين: ايوه.
" نادر فتح الباب واول ما فتح قابله جاسم وادم وشادي"
ادم دخل بسرعه: كنزز...يا كننننننز...بنتي فين يا ولاد ال**.
كنز نازله علي السلم: بابي انت بتنده عليا.
جاسم: تعالي يا كنز..
ادم: بنتي...كنز!!!.
...
# عمو انا حاسس انها بتتحرك والله انا حسيت بيها.
# يا حبيبي ما احنا جمبها اهو ومتحركتش..
# بس انا حسيت بيها.
...
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول 😉💪
بقلم نيللي ياسر
Nile Yasser
تكملة الروايه من هنا
تعليقات
إرسال تعليق