 |
روايه:" نور _ الجاسم 2 🖤💫" البارت (11) الجزء (2).
بقلم نيللي ياسر.
...
ادم: كنز...بنتي!!.
" كله بيبص لبعضه ومحدش فاهم مين ده ولايه موجود هنا "
كنز برفعه حاجب: بنت مين..بابي اتكلم مين ده؟!.
جاسم: احم..بصي يا كنز انا هفهمك...
" ادم بيبصلها بفرحه وساكت"
كنز: تفهمني؟!.
ملك بصدمه: هو ده !!!
جاسم بهدوء: ايوه يا ملك..
كنز: طب ممكن تفهموني انا مين ده؟!.
جاسم: بصي يا كنز..زمان وانتي صغيره ملك لقتك وانتي تايهه..عارف ان الموضوع صعب بس دي الحقيقه..انتي بنت ادم جلال الصياد..أنا لما لقيتك كتبتك بأسمي علشان اقدر ادخلك مدرسه بس انتي الحقيقه مش...
كنز بدموع: مش بنتك..طب انا بنت مين..بنت الراجل ده..طب لايه مدورش عليا..لايه سابني من غير ما يعرف انا فين!!.
" ادم قعد قدامها علي ركبه ومسك كتفها"
ادم: لا..لا انا دورت عليكي كتير.. كتير اوي لغايه لما..
كنز بصراخ: لغايه لما زهقت!!.
أدم: لا ..انا..انا شوفت جثتك بعيني..ومكنتش مصدق وعملتDNA علشان أتأكد وفعلاً التحليل طلع مطابق..
جاسم: مطابق ازاي وهي قدامك..
ادم: الموضوع كبيره..انا اتلعب عليا.
كنز: وانا المفروض اصدق بالسهوله دي.
ادم: لا انا هثبتلك..هجيبلك صورك وانتي صغيره..وصورك مع امك..
ملك: امها اللي رامتها..
ادم وقف: امها مين اللي رمتها!!.
عمر: احنا لما لقينا كنز شوفنا الكاميرات افتكرناها تايهه لاكن شوفنا واحده ست ومن الواضح انها امها وبتسيبها وتمشي ولما سألنا كنز قالت دي ماما..
ادم: لا بالراحه كده واحكولي كل حاجه بالتفصيل.. لأن ام كنز ماتت وهي بتولدها!!.
...
" كلهم اتكلمو مع بعض وادم عرفهم اللي ريناد عملته معاه واكيد هي اللي فهمته أن دي جثه كنز وغيرت في تحليل DNA وفهم منهم هما لقو كنز ازاي وكل ده ومادلين مش فاهمه اي حاجه "
ادم: تمام انا مضطر امشي دلوقتي وهاخد كنز!!.
عمر بسخرية: تاخد مين يا معلم مش يمكن تكون مش بنتك.
ادم: كنز بنتي..ومش انت اللي هتمنعني اخدها.
عمر بضحكه: هه..وانا مش هسيبهالك..كنز بقت بنتي..انا اللي خدتها من الملاهي..وانا اللي بذاكرلها..وانا اللي بعلمها كارتيه..وانا اللي بلعب معاها..لو عايز ممكن تيجي تزورها.
جاسم: عمر أهدي محدش هياخد كنز!!.
ادم: انتو مجانين..كنز بنتي..وهاخدها.
جاسم: انا اتأكدت أنها بنتك بطريقتي..بس انا اقصد هي مش مؤهله نفسياً أنها تسبنا وتمشي..
مادلين: ممكن تيجي تزورها وتجيب لها لعب وتقنعها انك ابوها وبعد كده هي اللي هتطلب منك تاخدها.
ادم: ___.
جاسم: لو حابب تبات معاها مفيش مشكله.
" ادم غصب عنه فكر في ليلي ولقي انه مينفعش يسيبها لوحدها مع الكلب خصوصا لانه لسه متعودش عليها"
ادم: لا مش هينفع انا هاجي بكره.
جاسم: تمام..مع السلامه.
" جاسم مد ايده يسلم عليه وادم سلم عليه وفضلو بصين لبعض ثواني وبعد كده ادم مشي وهو بيفكر في موضوع تاني...ايه الشبه اللي بينه وبين جاسم ده..معقوله صدفه!!"
جاسم بص لنادر: نور تعالي عايزك.
مادلين: حاضر ثواني.
" نادر بص لنورهان وغمز لها وهي اتكسفت ودخلت اوضتها"
...
جاسم: ممكن افهم الواد اللي بره ده مين؟!.
مادلين: ده البودي جارد بتاعي وزي اخويا.
جاسم: ممكن تحكيلي كل حاجه.
مادلين: انا مش فاكره اي حاجه عن الماضي كل اللي فكراه اني واحده كنت متجوزه بقالي تلات سنين ونادر جه من سنتين وكان البودي جارد بتاعي وجوزي اسمه حازم ومكنش عايز ينزلني مصر إطلاقاً وانا مش فاهمه لايه كان رافض كده وهو من فتره سافر شغل وانا طلبت من نادر اني انزل مصر لان حازم كان بيقولي اني من مصر ونزلت مصر ويوسف تعب من تغير الجو وجيت المستشفى بتاعتك..وانت شوفتني وبس!!.
جاسم: يعني كنتي عايشه مع وأحد تلات سنين ک جوزك.
مادلين: مكنش بيلمسني..مكنتش بسمحله..كنت بكرهه.
جاسم بابتسامة: يعني انتي نور الجاسم..وبس.
مادلين بضحكه: ههههه..وبس.
" جاسم كان هيقرب منها بس هي بعدت فجأة"
مادلين: ممكن تكتب كتابك عليا من جديد.. لأن انا مش فاكره انك جوزي..يعني عايزه اكون مطمنه وانت بتلمسني.
جاسم وهو بيبوسها: وماله!!.
...
# انا شايف أن في تحسن كبير .
# ازاي يا دكتور دي بقالها سنين علي الحاله دي.
# قريب هتبقي كويسه..وقريب أوي.
# شكراً.
#قريب_اوي!!.
كده البارت ده خلص وانتظرو مفاجأت 😅❤️ اللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الأول 🔥❤️
التفاعل بيقل يا جماعه!!.
بقلم نيللي ياسر
Nile Yasser
روايه:" نور _ الجاسم 2 🖤💫" البارت (12). الجزء (2).
بقلم نيللي ياسر.
...
" ادم وصل الڤيلا ودخل رمي مفاتيحه بإهمال علي الطربيزه وقعد حط راسه بين ايده"
ليلي: احم.. حمدالله على السلامه يا ادم بيه.
ادم: الله يسلمك يا ليلي..انا جيت خلاص ممكن تروحي..
" ليلي كشرت علشان كلامه ده"
ليلي بحزن: انا كنت مستنيه حضرتك علشان امشي اصلا.
ادم: طيب..انا طالع انام اقفلي الباب كويس وانتي ماشيه.
" ليلي فضلت باصه عليه وهو طالع السلم وبعد كده ابتسمت بحزن ومشيت"
... " تاني يوم"
چو: باااابي اصحي الحفله قربت تبتدي.
" چو بيتنطط علي السرير ومادلين نايمه في حضن جاسم وصحيو علي صوته"
جاسم بيتاوب: صباح الازعاج!!.
مادلين: چو حبيبي أخرج احنا خلاص صحينا.
جاسم: انزل العب مع كنز علشان عايز اتكلم مع مامي..
" مادلين لفت وشها الناحيه التانيه وابتسمت وشعرها الاسود القصير داري وشها"
جاسم: النهارده سبوع روح بنت ملك.
مادلين بضحك: اممم.
جاسم: بتضحكي لايه دلوقتي.
مادلين: شكلك حلو وانت صاحي..
" جاسم باسها من خدها وبعدين مسك خدها برفق"
جاسم: وانتي شكلك حلو في كل وقت..
مادلين: طب كنت عايز تقول ايه؟!.
جاسم: كنت عايز اقولك ان النهارده احنا عاملين حفله صغيره بمناسبه سبوع روح وانتي والبنات هتلبسو فساتين زي بعض ف كنت حابب اورهولك يعني..
مادلين: اكيد هيبقي حلو..
جاسم: طب والله مفيش احلي منك.
مادلين: طيب انا هدخل الحمام اجهز وانت اجهز في الاوضه.
جاسم: ماشي.
...
ملك: يلا بقي قوم اجهز يا شادي..
شادي ببرود: اجهزي انتي الاول.
ملك: طب ومالك بتتكلم معايا كده لايه؟!.
شادي ببرود: مالي بتكلم ازاي..
ملك بتأفأف: شادي انا مش فايقه لوصله الخناقات بتاعت كل يوم..ممكن تروح تجهز.
" شادي ساب الموبيل من ايده وفتح الدولاب خد هدومه ودخل الحمام"
..
صفيه: يلا يا حبيبتي قومي اجهزي بقي..
كنز: مش عايزه..
صفيه: لايه يا حبيبتي..
كنز بسخرية: هنزل لايه الحفله..دول مش أهلي .
صفيه: لا طبعا دول اهلك وبيحبوكي..هما اللي ربوكي وعمرهم ما قصرو معاكي في حاجه أبدا..
كنز: تاتا صفيه انا مش حابه أنزل.
صفيه: ده اخر كلام.
كنز بحزن: اخر كلام!!.
...
" نورهان واقفه قدام المرايه وضهرها للباب بتاع اوضتها وبتحاول تقفل السسته بتاعت الفستان من وراء ومش طايله والباب بتاع الاوضه مش مقفول كويس وبالصدفه نادر كان معدي وشافها وهي بتحاول تقفل السسته ودخل بالراحه ونزل ايديها ورفع ليها السسته وهي متنحه"
نادر وصوابعه علي ضهرها: المفروض تشكريني لأني ساعدتك.
نورهان بتوهان: ش.. شكراً..عن أذنك..
نادر وهو بيمسك ايديها: هههه..دي اوضتك انتي.
نورهان: اه..طب أتفضل انت.
نادر: ماشي يا عسليه..
نورهان: عسليه!!.
...
حور: عمرررر!!.
عمر: يا فضيحتي يا فضيحتي انتي ازاي يا بت تفتحي باب الاوضه بتاعتي كده..
حور: يا عم اتنيل..ايه رأيك في الفستان؟!.
" حور بتلف علشان يشوف الفستان بس هو شدها من وسطها وبقت قريبه منه وبتضحك"
عمر: زي ما وصفت..امريكاني امريكاني..
حور: ههههه..
عمر: يا لهوي علي الضحكه اللي مفيش منها في الدنيا دي.
حور: بتحبني يا عمر.
عمر وهو بيبوس خدها: بعشقك يا روح عمر!!.
حور: يعني لما نتجوز مش هتزهق وتعرف واحده تانيه؟!.
عمر: انتي تعرفي عني كده.
حور وهي بتزقه بعيد: ده انت نسوانجي يا عمر!!.
عمر: مين قالك..اا..اقصد عمري ما هزهق منك يا روح قلبي.
حور بابتسامة: طب انا هستانك بره..
عمر: انا خلاص فاضلي الكوتشي وخارج وراكي..
....
" الكل نزل الحفله اللي معموله في الجنينه ومتزينه ببلالين باللون البينك ..والبنات لابسين فساتين شيفون اوف شوردر وكوتشي ابيض بس بختلاف الالوان..مادلين ازرق غامق..وملك ابيض..وحور بينك..ونورهان اخضر فاتح جدا ..والرجاله لابسين بدل الوانها فاتحه وقميص ابيض فاتحين ازرارهم..جاسم بدله لبني ونضاره سوده..شادي بدله جملي ونضاره عسلي..عمر بدله بينك ومش لابس نضاره..ونادر بدله بيضه ونضاره زرقاء"
جاسم: هي فين كنز مش شايفها..
صفيه: مش حابه تنزل.
جاسم: إزاي يعني..انا طالعلها..
مادلين: لا خليك انا هطلع.
.
.
مادلين: تك..تك..
كنز بصوت كاتم بكاء: ادخل.
مادلين: الجميل زعلان لايه؟!.
كنز: مش زعلانه..
مادلين: ولو انتي مش زعلانه طب مش عايزه تنزلي لايه.
كنز: علشان انا مش بنتكم ومش منكم!!.
مادلين حضنتها: لا طبعا انتي هتفضلي مننا وبنتنا..ولو انتي متهمناش مكنش كلهم سألو عليكي تحت.. انتي بنتي واحلي بنوته كمان..ولو أنتي منزلتيش انا هفضل قاعده ونعيط مع بعض بقي...
كنز بدموع حب: انا بجد بحبك اوي..
مادلين: وانا اكتر.
..
" مادلين نازله وفي ايديها كنز وجاسم بصلها بحب كبير وبدأو كلهم يضحكو وينبسطو"
جاسم: انا بحبك اوي يا نور..
مادلين: وانا بحبك اوي..
" جاسم حس بوجع في قلبه بس تجاهله وكمل الحفله"
...
# دكتور الحق دي مؤاشرات القلب بتزيد فجأة..
# ايييه!!
# ايه اللي بيحصل حد يفهمني هي كويسه..
# هي مامي لايه بتعيط.
" الراجل وهو بيمسح دموعها وهي نايمه علي سرير المستشفى وفي اسلاك كتير في جسمها"
# معلشي يا حبيبي بكره تبقي كويسه..
...
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول 🖤🖤
بقلم نيللي ياسر.
Nile Yasser🖤✨
روايه" نور _ الجاسم 2 🖤💫" البارت (13). الجزء (2).
بقلم نيللي ياسر.
...
" جاسم بيرقص مع مادلين بس قلبه بيوجعه بدون سبب وبيتجاهل الوجع بس قلبه وجعه جدا انسحب بعيد وحط ايده علي قلبه وغمض عيونه بوجع علشان يسمع صوت صراخ جوه ودنه حط ايده علي ودنه ولسه مغمض عينيه علشان يفوق علي ايد مادلين علي كتفه"
مادلين: جاسم..جاسم انت كويس؟!.
جاسم الوجع اختفي: اه..كويس.
مادلين: طب انا هطلع اغير هدومي علشان نروح للمأذون!!.
جاسم: مأذون!!.
مادلين: ايوه يا حبيبي..مش انت قولتلي النهارده هنروح المأذون يكتب كتابنا من الاول..
جاسم بتوهان: اه..اطلعي البسي.
" مادلين طلعت تلبس وشادي قرب من جاسم"
شادي: انت مش حاسس ان في حاجه غريبه؟!.
جاسم: حاجه غريبه ازاي.
شادي: يعني لو مادلين..اقصد نور فقدت الذاكره زي ما قولنا ف اكيد مع الوقت اللي قضته معانا والحكايات اللي حكتهلها كانت هتسترجع ولو جزء بسيط من الذاكرة ولو اللي عندها ده مش فقدان ذاكره وصدمه من أنها بعدت عنك فمجرد ما بتشوفك المفروض تفتكر..بس هي محصلهاش حاجه من دول!!
جاسم: انت تقصد ايه.
شادي: مقصدش يا صاحبي..بس حاول تفهم!!.
...
" ليلي دخلت الڤيلا كالعاده بس كانت اتعودت علي الكلب شويه وبدأت تنضف وطلعت اوضه ادم نضفتها وفتحت باب الحمام بتاع الاوضه علشان تتصدم وهي شايفه ادم لابس بنطلون بس و واقف يسرح شعره"
ليلي وهي بتداري وشها: ا..ا انا اسفه ب..بس مكنتش اعرف انك هنا...
ادم: معلشي انا اللي محستش بيكي..
ليلي: انت منزلتش لايه..اقصد يعني..النهارده أجازه؟!.
ادم أبتسم: يعني حاجه زي كده..قررت أخد النهارده وبكره اجازه.
ليلي بفرحه: بجد!!.
ادم: مالك فرحانه كده لايه..
ليلي بتصنع التكشيره: انا فرحان..لا خالص.
ادم: طب انتي قاعده كتير.
ليلي: قاعده فين..ااه..لا هسيبك تلبس عن أذنك..
ادم بصوت عالي: حضري لينا الفطار بقي..هتفطري معايا.
ليلي من تحت: حاضر!!.
....
" جاسم لبس بدله سوده وقميص أبيض فاتح اول زرارين و واقف هو والشباب مستني مادلين اللي البنات طلعو يجهزوها وأخيراً نزلت لابسه فستان ابيض برقبه وبتلت كم ديق جدا واصل لبعد الركبه بشويه وجزمه بكعب سوده مع شعرها الاسود القصير والميكب والروچ الاحمر.." حلوه بس نور احلي" جاسم قال الجمله دي في نفسه واستغرب هو قالها لايه بس اتصنع الابتسامه"
مادلين: مبروك يا حبيبي.
جاسم: اللي يبارك فيكي.
حور: ايوه يا عم عروسه من اول وجديد..
مادلين: ههههه.
عمر: وعقبالك يا قمر.
حور: يارب..امتي بقي نتلم في بيت..ههههه.
" وسط ما كلهم بيتكلمو صفيه مسكت ايده وقربت منه وقالت"
صفيه: جاسم..انا مش مستريحه!!.
جاسم وهو بيربط علي كتفها: ولا انا!!!!.
مادلين: مش يلا يا حبيبي.
جاسم: يلا.
" ركبو العربيات كلهم واتجهو للمأذون"
..
# يا دكتور إشارات القلب بتزيد جداً.
# فوقي بقي فوقي..هي عايزه تفوق بس جسمها رافض.
# ارجوك اتصرف..
# هي قويه وهتفوق اللي تستحمل اللي حصلها ده كله لازم تفوق..حكايتك مش هتخلص مش هتخلص يا نور!!!.
...
المأذون: قول وانا قبلت زواجك.
جاسم:_____.
المأذون: يلا يا ابني قول وانا قبلت زواجك.
جاسم:____.
مادلين: جاسم حبيبي..يلا قول وراه.
" شادي بيبص لصاحبه ومبتسم"
ملك: جاسم في ايه؟!.
جاسم قام وقف: انا مش موافق!!!.
...
# جاااااااااااسم!!!.
...
البارت الجامد اللي هيتعمل عليه ميمز بقي 😌❤️ لو جابت عشرين الف كومنت النهارده هنزل بارت باليل 🤏❤️ انا عارفه أن ده قصير بس يستااااااهل💪🔥 إللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول 🖤💫.
بقلم نيللي ياسر.
Nile Yasser🖤✨
روايه:" نور _ الجاسم 2 🖤💫" البارت(14 والاخير). الجزء (2)
بقلم نيللي ياسر.
..
جاسم وقف: انا مش موافق..
نادر وقف: يعني ايه مش موافق..
مادلين: جاسم..في ايه يعني ايه مش موافق..ايه اللي حصل.
جاسم:_____.
ملك: جاسم رد..مش موافق ازاي؟!.
شادي: في ايه يا جماعه يمكن حابب يأجل النهارده..دي خصوصياته ابقي اتكلمي معاه يا نور لما تروحو..يلا يا شيخ خلصنا من الاتنين دول واخدم البشريه..
عمر بفرحه: انا والبت دي؟!.
ملك: ايوه خلينا نخلص..
حور: ههههه..عمر طب والفرح..
عمر: كل حاجه بعدين.
( بعد دقائق).
الشيخ: بارك الله لكما وبارك عليكما وجمع بينكما في خير..
حور: لولولولولولولي...
عمر: وخدت الامريكاني..
جاسم: مبروك يا صاحبي..مبروك يا حور.
" ملك بالصدفه بصت لمادلين و شافتها بصه لحور بغيره وحقد نور عمرها ما عملت كده ديما بتحب الخير لغيرها ملك بصت ليها بشك وسكتت "
جاسم: يلا يا جماعه..
كلهم: يلا.
.....
جاااااسم...
" ممرضه بتجري في المستشفى وبتدخل مكتب دكتور من غير حتي ما تخبط."
الممرضه: دكتور...مدام نور..الحاله اللي بقالها تلات سنين في غيبوبه أخيراً فاقت.
الدكتور وهو بيجري: بتتكلمي بجد... انتي متأكدة..
" واحد واقف في الاستراحه وجمبه طفل صغير عنده تلات سنين واقف بيلاعبه شاف ممرضه بتجري عليه"
الممرضه: استاذ اسر..نور قريبتك فاقت اخير.
اسر: ايه نور فاقت...مامي فاقت يا نوح..
الولد الصغير اسمه نوح: بجد..يلا نروح لها.
" طلعو يجرو علي الاوضه ومعظم الممرضين بيجرو معاهم ودكاتره كمان..لانها حاله نادره بتحصل في الحقيقة بس قليل وسببها معظم الأوقات بيبقي من النزيف الداخلي"
اسر: نور.. حمدالله على السلامه..
" واقفه قدام السرير مش فاهمه ايه اللي حصلها بس بتدور بعيونها علي حبيبها بتدور علي جاسم عايزه تشوفه وهو داخل وماسك ابنها وبيقولها مفيش حاجه هتفرقنا بس مش لقياه"
اسر: نور..انا اسر ابن عمك..اخو يوسف انتي مش فكراني..
نور حضنته: اسر..فين جاسم عايزه اشوفه...هو فين..وفين..وفين.
" حطت ايديها علي بطنها ولقت بطنها صغيره بصت ليه وهي هتعيط.
نور: اب..ابني حصله..حاجه..
اسر وهو بيمسك ايديها: لا..لا ابنك اهو..نوح مامي اهي سلم عليها..
" طلع ولد من ورا ضهره لابس سلوبته چينز بتاعت اطفال وتحتها تي شيرت ابيض وكوتشي ابيض والشراب طويل شويه شعره دهبي وعيونه عسلي زي نور بالظبط ولابس نضاره نظر بس كبيره عليه واضح انها بتاعت شادي"
نور قربت منه وحضنته وخدت نفسها بسعاده: كان نفسي اشوك وانت بيبي بس اكيد جاسم شافك...فين بابي.
نوح: معرفس..بس انا علي طول مع انكل اسل..( اسر).
دكتور: احم.. حمدالله على السلامه يا مدام نور..انا دكتور مصطفى انا اللي متابع حالتك اول ما جيتي ايطاليا.
نور بصدمه: ايطاليا...
الدكتور: طيب ممكن بس اطمن أن مفيش اي مشكله واقيس الضغط وبعد كده اسيبكم لوحدكم..
" نور باصه ل اسر ومستنياه يفهمها"
" الدكتور بيقيس النبض والضغط وكل حاجه كويسه"
الدكتور: لا الحمدلله مدام نور بخير هسيبكم معاها بقي.
اسر: اتفضل يا دكتور.
" الدكتور خرج واسر شد كرسي وقعد قدامها ونور قاعده علي السرير قدامه وحاضنه ابنها وشعرها طويل مغطي كتفها"
اسر اتنهد: عارف انك عندك اسئله كتير..وانا هجاوبك..
...
" كلهم دخلو الڤيلا واول ما دخلو مادلين طلعت اوضتها وحتى مباركتش لحور وعمر..جاسم طلع وراها دخل الاوضه وقفل الباب لقاها واقفه قدام التسريحه وحطه ايديها في وسطها وبتبصله في المريا"
جاسم: بصي يا نور..انا بس حبيت اغير المعاد عارف اني ضايقتك بس انا...يعني...
مادلين لفت بغضب: انت ايه..انت سبتني قدامهم كلهم..حسستهم انكخمش عاوزني..يعني قولت بطريقه مش مباشره..انا مش عايزك تبقي مراتي مش عايز المسك..لا وخليت واحده حيوانه وجربوعه...تتجوز بالبساطه دي قبلنا وكمان هتعيشهم في بيتك..انت بجد مريض..
" جاسم أتأكد أن دي مش نور مستحيل تكون هي نور عمرها ما كانت كده... اللي قدامه دي حربايه..جاسم قرب منها وضربها بالقلم وقعها في الأرض و وقف قدامها"
جاسم: القلم ده علشان عليتي صوتك وشتمتي واحده ملهاش زنب في قراري وانا بعتبرها اختي..واه انا مش عايز المسك وكمان مش عاوز اتجوزك..انا بكرهك..انتي شيطانه..انتي مستحيل تكوني نور... مستحيل.
" جاسم خرج ورزع الباب ونزل قعد في الجنينه لوحده"
ملك: شادي هو جاسم شكله متضايق لايه.. ممكن يكون اتخانق مع نور؟!.
شادي ببرود: قولتلك متتكلميش معايا..
" شادي سابها وخرج الجنينه لصاحبه وصفيه قربت من ملك"
صفيه: اسمعي كلام جوزك..جوزك بيحبك وعايز مصلحتك..صالحيه وشوفي مصلحتك انتي وجوزك وبنتك.
ملك: حاضر انا هصالحه..( طلعت اوضتها).
....
اسر اتنهد: في اليوم اللي لقيتك فيه انا كنت متخانق مع مراتي وطلبت الطلاق كنت نازل متضايق و..
*Flash back..
" اسر سايق عربيته وبيتكلم في الفون"
اسر: هطلق وابني انا هعرف اخده..اي ده اقفلي دلوقتي.
" اسر شاف العربيه بتتقلب قدامه قفل الفون ونزل بسرعه كانت نور فتحت باب العربيه ومطلعه دماغها من الباب وفستانها مليان دم"
اسر: انتي كويسه يا انسه... إسعاف بسرعه.
نور بكلمات متقطعه: ا..ا..الحقني!!.
اسر: انتي..نور!!!....اسعاااااااف.
" اسر شالها وميعرفش مين اللي معاها دخلها العربيه بتاعته ورايح العربيه يطلع اللي جوه لقي العربيه انفجرت..قرب بسرعه وحاول يلحق اللي جوه بس مفيش أمل..رجع لنور علشان يوديها اقرب مستشفى بس هما كانو قريبين من المطار والاسعاف قدامها كتير اسر جري بيها وهو شايلها ودخل المطار والناس اتصدمت"
اسر بعصبيه: اي دكتور هنا بسرعه...حد يلحقها..الناس بتتعب في المطار هنا بتروح فين يا بهايم..
واحد قرب: انا دكتور حطها علي كرسي بسرعه..
" اسر حطها والدكتور قرب منها وشويه وبعد"
الدكتور بعصبيه: دي حامل والطفل هيتخنق جوه بطنها..و واخده رصاصه في ضهرها وعندها نزيف داخلي..وممكن تخش في غيبوبه..دي لازم تسافر دلوقتي..حد يجهز طياره مجهزه بسرعه...اي طياره طالعه دلوقتي....
" نور طلعت ال طياره ومعاها الدكتور مصطفى واسر و ممرضه كانت مع الدكتور لانه كان مسافر يعمل عمليه بره و الدكتور ولدها في الطياره وكانت خلاص بتدخل في الغيبوبه..اخير وصلو المستشفى اللي في ايطاليا ونور دخلت العمليات والعنايه المركزه.."
الدكتور: للأسف دي غيبوبه طويلة والغيبوبه بتاخد وقت..ومحدش يعرف وقتها..انت متعرفش اللي حصلها ده ازاي.
اسر: يا دكتور أما كنت مسافر بره واخويا وابويا رجعو مصر من فتره ولما عرفتغان ابويا مات واخويا محدش يعرف عنه حاجه نزلت ودفنت ابويا ومعرفتش اخويا راح فين و كنت راجع امريكا بس في عربيه اتقلبت ولما نزلت لقيتها هي..في الأول مكنتش اعرفها لاني بقالي حوالي سبع سنين مسافر بس لما ركزت لقتها هي..انا معرفش فين ابوها لانه عزل ولا اعرف اتجوزت مين والولد ده ابن مين..انا كل اللي هعمله هستني لما تفوق واعرف منها و اكيد اللي متجوزاه هيدور عليها....
الدكتور: ربنا يقومها بالسلامه..هتسمي الولد ايه..
اسر: انا هقوله يا نوح..وهي لما تفوق تعمله شهادة ميلاد لاني معرفش اسم الاب حتي..
الدكتور: الولد زي القمر..
اسر بابتسامة: شبه مامته اوي..
back..
نور بنفس الصدمه: يعني فين جاسم..هو مدورش عليا..طب ازاي..لا انا لازم اروحله..انا عايزه ارجع مصر...
اسر: بس...
نور: حالا!!!.
....
شادي: يعني ده اللي حصل..
جاسم: ايوه..
شادي: اظن انت كده اتأكدت انها مش..
جاسم: ايوه..حتي الشبه مش اوي..انا كنت اعمي ازاي كده..شعرها اسود وقصير..عيونها مش عسلي زي نور عيونها بني..اطول من نور..واتخن منها..طب انا كنت اعمي انتو.
شادي: وحيات خالتك..احنا كلنا كنا شكين ده حتي عمر لما عرض عليك نكشف عليها ونشوف هي عندها فقدان ذاكره ولا لا كنت هتقتله...
جاسم: انا كنت غبي..غبي اوي..بس لازم أتأكد الاول..
شادي: ازاي..
جاسم: اطلع لمراتك دلوقتي..وبكره هقولك.
شادي: ماشي تصبح علي خير..
جاسم: وانت من اهل الخير..
...
" مادلين قاعده علي السرير لابسه بيچاما وچو نايم في حضنها وبتتكلم في الفون"
مادلين؛ يا نادر بقولك عرف.
نادر: هو قالك..
مادلين: لا بس حسه.
نادر: خلاص لو بكره فتح الموضوع نلم هدومنا ونمشي.
مادلين: نمشي..
نادر بعصبية: اه نمشي..انا أصلا قولت كده من الاول بس انتي اختارتي تقعدي استحملي بقي..
مادلين: اوووف..ماشي يا نادر هنمشي.. سلام بقي.
...
ادم: وبس يا ستي لقيت كنز بنتي وأخيرا شوفتها..
ليلي: بعد كل السنين دي..
ادم: انا ديما مقتنع أن ربنا لما بيبعد حد عننا بيبقي بيختبر ايمانا..وفي الاخر يا يرجعه لينا يا يبعده عننا وفي الحالتين خير وهو بينقي الاحسن ديما...
ليلي بضحك: يارب نص ايمانك.. وربع حلاوتك..
ادم: هههههه..
ليلي: ده الوقت أتأخر انا همشي بقي.
ادم: ماشي خلي بالك من نفسك.
ليلي بابتسامة: سلام.
" ليلي قفلت الباب وهو طلع ينام والكلب وراه"
...
" في الطياره خاصه بتاعت الدكتور مصطفى راكبه نور وسرحانه جمب الشباك و في حضنها نوح ونايم و علي كرسي تاني مصطفى الدكتور اللي اصر يجي معاهم..واسر"
نور: هي الساعه تبقي كام دلوقتي في مصر..
مصطفى وهو بيبص في الساعه: يعني حوالي الساعه عشره الصبح..
نور: طب احنا قدامنا كتير.
اسر: لا يدوب دقائق..
نور: يا رب.
مصطفى: تعرفي انك مؤمنه اوي يا نور..يعني يحصلك كل ده ويوسف يحاول يقتلك زي ما حكيتي لينا وتاخدي طلقه ويجيلك نزيف وتبعدي عن حبيبك وتولدي في طياره وتقعدي في غيبوبه تلات سنين ولسه عايزه ترجعي مصر لحبيبك..انتي بجد قويه..
نور: شكرا..بس القوه دي انا وخداها من جاسم انا واثقه انه حاسس بيا وبيدور عليا..بس بيدور عليا جواه.. مش بين الناس.
...
" كلهم قاعدين علي السفره وجاسم بيبص لمادلين بشك وهي متوترة"
جاسم: مادلين عايزك في موضوع..
" كلهم استغربو لانه قالها يا مادلين"
مادلين: نعم؟!.
جاسم: لايه لسه بتكدبي..انا خلاص عرفت انك مش نور..
مادلين: ايه اللي انت بتقولو ده...انا نور.
جاسم بغضب: ولو انتي نور..معرفتنيش لايه..ردي..
مادلين: علشان..علشان..
جاسم: علشان ايه..
مادلين بدموع: علشان كان نفسي اكون هي لما شفت حبك ليها قولت لايه مكونش هي..ايوه يا جاسم انا مش هي انا مش شبها..انت اللي شفتني شبها..أما حتت بت شغاله في مصنع ملابس..بيشتريها واحد من ابوها بكام ألف ويسفرها بره ويتجوزها..وتكتشف انه تاجر مخدرات كنت بترجاه انزل مصر بس بيرفض..ولما في يوم سافر بره فرنسا خدت الحارس نادر..شفق عليا ونزلني مصر وفعلاً ابني تعب وانت شوفتني..سعتها انا طلعت الف سبب اني اكون نور واكون معاك..اتمنيت اخد حبك..بس انت من جواك كنت حاسس اني مش هيا.. واكبر دليل انك ملمستنيش حتي..سامحني يا جاسم واتمني تلاقي نور...
" جاسم باصص في الارض الصدمه مش كبيره عليه لانه كان حاسس وكلهم ساكتين يعني كانو متوقعين ده يحصل"
...
" قدام مستشفى جاسم الوردي في مصر نور بتجري واسر ومصطفى والولد وراها ونور بتقف قدام السكرتيره"
نور بتنهج: ج..جاسم فين..
البنت بصدمه: انتي لسه عايشه طب ازاي.
نور: جاسم فين ردي.
البنت: جاسم في البيت مع مراته..
نور: مراته...لا مستحيل يتجوز..
" نور طلعت تجري وركبت العربيه تاني وهما وراها معادا اسر اللي شاف دكتور بيبص لنور برعب قرب منه ودخل يتكلم معاه"
...
" مادلين لمت هدومها وبتعيط وماسكه الولد وخارجه و وراها نادر وبتفتح باب الجنينه شافت قدامها نور لابسه قميص اسود لكم وبنطلون چينز وكوتشي أبيض مادلين بصت لجاسم وابتسمت وقربت من نور اللي محدش واخد باله أن نور في الجنينه وقالت"
مادلين بهمس: جوزك بيحبك اوي..حافظي عليه!!.
" نور استغربت وطلعت تجري علي الڤيلا وبتخبط جامد الشغاله فتحت ليها ودخلت شافت جاسم واقف بضهرهه "
نور ببكاء: وحشتني اوي..
" جاسم اتصدم من الصوت شريط زكرياته هو ونور بيمر قدامه لسه هيلف وشه كانت هي بتجري وشعرها الدهبي وراها وحضنته من ضهره لف وهي حضناه ومش مصدق وحضنها بتملك وهي بتعيط رفع وشه ليها وباسها قدامهم"
جاسم: نور..نور انتي رجعتي وحشتيني اوي..
ملك بتحضنها: وحشتيني اوي.. الحمدلله انك بخير..
" بعد سلامات كتير وكلام كتير بينهم ونور حكت ليهم اللي حصل وجاسم ساكت ساكت تماماً دخل اسر"
اسر: نور انا عرفت انتي ازاي مشيتي من المستشفى..انا الدكتور اللي دخلت اتكلم معاه قالي..
Flash back..
الدكتور: للاسف مقدرناش ننقذها ولا حتي البيبي..
" جاسم اغمي عليه ودخل اوضه وكلهم معاه الدكتور دخل الاوضه اللي فيها نور تاني"
الدكتور ل ممرضه: يلا بسرعه علشان نخرجها من الباب اللي ورا..
الممرضه: حاضر يا دكتور هي جاهزه خرجها بسرعه قبل ما حد يلاحظ...
" الدكتور خرج الرصاصه لنور وركبها عجله بتاعت المرضي وخرجها من الباب اللي ورا كان في عربيه چيب مستنياهم و واقف يوسف بيدخن اول لما شاف الدكتور خد نور حطها في العربيه"
الدكتور: البنج ده موضعي و هتفوق في وقت قصير لازم توصلها اقرب مستشفى علشان ميحصلهاش نزيف داخلي..
يوسف: فلوسك اهي..
" وركب العربيه ومشي"
back..
نور: طب وعملت ايه..
اسر: طلبتله البوليس وهو اعترف علي نفسه...وكمان الجثه اللي في القبر اللي المفروض بتاعك جثه بنت تانيه..
نور: طب انت رايح فين..
اسر: الطياره بتاعتي قدامها نص ساعة..يلا باي يا نوح باي يا نور..خلي بالك منها يا جاسم..
" اخر الليل نور طلعت اوضتها واول ما شافته دخل وقفل الباب حضنته"
نور: عارفه انك حاسس بالذنب بس انا مسمحاك انت مكنتش تعرف اني عايشه وكمان دخلت مصحه أمراض نفسية فكان لازم تبقي تعبان ومتوتر واوعي تقول انك غلطان انك مدورتش عليا ...انا مسمحاك واهو في الاخر احنا مع بعض.
جاسم وهو بيبوسها: انا بحبك اوي..
...
انتظرو الخاتمه باليل..ومعرفتش انزل امبارح لاني كنت بحضر دي واعدلها تفاعل بقي والخاتمه باليل..
روايه: نور _ الجاسم 2 🖤💫" الخاتمه ( الجزء 2).
بقلم نيللي ياسر.
...
" في اوضه باين عليها الطابع الاولادي نايم ولد شعره دهبي وعيونه عسلي وابيض بطريقه مضحكه علي سريره والاوضه متبهدله دخلت نور وهي لابسه فستان خروج لونه موڤ وجزمه بكعب لونها بيج وشعرها زي ما هو طويل ودهبي..داخله وباين أنها متعصبه جداً"
نور: نوح...قومي يا نوح..الباص جاي..انت صغير يعني علشان اجي اصحيك..يا واد قوم الباص خلاص قدامه نص ساعه ويوصل...يا نوووح..
نوح بنوم: طب انا كام مره اقولك يا نونو أن صوتك مزعج..
نور: انا صوتي مزعج يا قليل الأدب..يا نوح قوم!!.
نوح بنوم: انا مش صغير علشان تصحيني كده انا في اولي ثانوي..
نور وهي بتشده من علي السرير: عندك حق المفروض تصحي كده...قوم يا حيوان وعقبال ما اشوف اختك تكون لبست..
نوح: ماشي..ماشي.
..
" نور في اوضه تانيه باين انها بناتي اكتر وصاحبه الاوضه معلقه صورها في كل حته..نور بتخبط علي باب الحمام بتاع الاوضه بعصبية"
نور بغضب: تاليا اخرجي حالا...
تاليا: يا نونو باخد شاور وهخرج حالا..
نور: تاليا انتي مش كل يوم تاخدي شاور قبل الباص ما يوصل بدقايق...اخرجي يا بت!!.
" خرجت بنت قمحاويه وعيونها اخضر وشعرها طويل ولونه بني وناعم جداً..لابسه بورنص وماسكه برفيوم في ايدها وبترش منه"
تاليا: مامي روحي صحي نوح الاول ولا علشان انا اصغر منه بتلات سنين تزعجيني انا..
نور بصوت عالي: والله!!.. بقيت انا الازعاج دلوقتي..بطلي رش من البرفان هتخنق!!.
" دخل جاسم وهو لسه بوسامته وجسمه متغيرش لابس بدله زيتي وقميص ابيض فاتح اول زرارين وجزمه بنص سوده ولابس نضاره شفافه بس مش نظر ولونها دهبي"
جاسم وهو بيقرب ويبوس نور من خدها: بونچور يا روحي..
نور بهدوء وابتسامه: بونچور يا قلبي..ايه الشياكه دي زوق مين الجميل ده!!.
جاسم بمشاكه: زوق حبيبه قلبي..تاليا.
نور: نعم!!.
جاسم: وهو في حد زوقه حلو في البيت ده غيرك عارفه لايه؟!.
نور بضحك: لايه؟!.
جاسم: علشان اتجوزتيني انا!!.
" نور بتخبطه في كتفه بالراحه وبتضحك"
نوح من علي باب الاوضه: كل يوم تقولها نفس الجمله وهي تضحك ايه مبتزهقوش..
نور: ولد!!.
جاسم بضحك: صباح الخير يا نوح..
نوح: صباح الخير يا كبير..
جاسم: روح البس هتتأخر علي المدرسة.. تاليا بلاش تتعبي مامي..
تاليا: يا بابي انا بقيت في تانيه اعدادي مش معقول كده.
جاسم: برضو متتعبيش مامي..انا هروح اخد عمر ونروح المستشفى عايزه حاجه؟!.
نور بضحك: عيزاك ترجعلي بخير.
جاسم باسها من خدها: بحبك.
نور: وانا كمان..
" نور فضلت بصاله واول ما نزل لفت لعيالها"
نور: يلا يا جزم الباص جاي..
...
" عمر دخل اوضته وهو لابس قميص ابيض برقبه وبنطلون اسود ولسه قمور وشعره كيرلي دخل قعد علي السرير جمب ابنه"
عمر: انت قاعد لايه يا اض يا يزيد ما تنزل تحت مع ولاد عمك..
يزيد: تعالي يا بابي عايزك في موضوع..
عمر وهو بيقعد: ايه الاحترام ده..عايز ايه.
يزيد: انا جبت في امتحان الماس 8من20..
عمر: يا نهار اسود..طب ده وانا في سنك كنت..
يزيد: عموره متحورش انت كنت طفل صايع..
عمر: يا ابن الجزمه كنت هقولك انت المفروض ترفع رأسك ده انت كنت بشيل مواد من وانا في ابتدائي.
يزيد: يعني مش هتقول ل مامي؟!.
عمر: اه بس انت تنسي اني كنت بكلم بنت امبارح..
يزيد: لا انا كرامتي متسمحش يا برنس..لازم اقول لماما.. او يعني تزود مصرفي للضعف!!.
حور دخلت: يزيد..يلا ولاد عمك بيسألو عليك..
يزيد: حاضر انا نازل يا مامي..
عمر بتصنع جديه: استني عندك..تعرفي يا هانم ابنك جاب كام في امتحان الماس بتاع كل شهر..
حور بتوتر: انا زاكرتله اول امبارح طول الليل اكيد جاب رقم عالي..
عمر بصوت عالي: ابنك يا هانم جايب تمن من تلاتين..
حور: يعني ايه تمن..
عمر: يعني من الاخر ابنك ساقط... البس يا عم..
يزيد: والله ما حصل..
حور بصراخ: اعاااا.. ساقط يا يزيد..والمذاكره اللي قعدت طول الليل اذاكرهالك..وفي الاخر ساقط يا ابن الجزمه..
عمر وهو خارج: ايوه يا ابن الجزمه..يا جماعه يزيد في زمه الله!!!.
يزيد: أهدي يا مراا..استني يا عمور!!.
" يزيد بيجري لتحت وحور وراه بالشبشب واستخبي ورا جاسم"
يزيد: الحقني يا عمو..الوليه هتقتلني.
جاسم بضحك: اهي يا حور ده لسه في تانيه اعدادي..
حور: هيجنني..يا جاسم..دي تربيه عره!!.
يزيد: بقي دي امريكانيه دي جايه من شبرا..
حور: انت تاني..طب تعالي..
" كله بيضحك ونوح بيستفز حور هو ويزيد وتاليا واقفه جمب صفيه بتضحك ولابسه الچيب بتاع المدرسه علي القميص والجرافت وشعرها سايب وهوب بتنزل كنز من علي السلم بس اتغيرت تمام..مش طويله اوي بس رفيعه وشعرها دهبي وطويل بس كيرلي وهو طويل ولابسه برضو الچيب والقميص ومش رابطه الجرافته وعيونها زرقاء وحاجه زي القمر..."
كنز وهي بتبوس جاسم: بونچو جسومي!!.
جاسم: بونچور يا كوكي..ايه القمر ده!!.
كنز: بونچور يا نونو..بونچور يا تاتا.
نور: صباح الخير يا كوكي.
صفيه: صباح الخير يا حبيبتي.
عمر: ايه يا بت بنچور دي اسمها صباح غيا ابا يا اما احنا رجاله يا بت..ولا نسيتي التمرينات..
كنز: هههه..صباح الخير يا عمور.
نوح: مامي هي روح انكل شادي هيوصلها النهارده برضو.
نور: يا حبيبي ما هي بتبقي معاكو طول اليوم في المدرسه وفي البيت وبتروح الڤيلا بتاعتها مع ملك وشادي باليل ف طبيعي شادي يوصلها لأن شركته قريبه من المدرسه بتاعتكو.
نوح بخنقه: هوووف..
تاليا بهمس مستفز: المفروض نخلي مامي تعمل لست روح سرير جمب.. علشان متوحشكش..
نوح: اقسم بالله يا تاليا هضربك..وبعدين لمي شعرك مش رايحين حنه خالتك..
تاليا بغضب: طب والله لضربك يا نوح.
نوح: اتكلمي علي قدك يا..يا توتي..
تاليا بغضب: يوووه.
جاسم: كوكي ادم قالك هيوصلك النهارده.
كنز: اه كلمته وهو قالي انه جاي..جسومي هو النهارده كام في الشهر..
جاسم: متلمحيش انا فاكر.. بكره عيد ميلادك ال 16 كل سنه وانتي معايا يا حبيبتي.
كنز: وانت معايا يا حبيبي..
كلهم: كل سنه وانتي طيبه يا كنز.
كنز: وانتو طيبين يا جماعه أن شاء الله كل سنه تفضلو معايا وحواليا كده..
...
" ليلي واقفه في الصاله لابسه فستان جلد ازرق غامق بكم وديق وطويل وجزمه بكعب لبني وطرحه لبني و واقفه جمب الكلب بتتفرج علش ادم وهو بيلم مفاتيحه"
ادم: ليلي انا رايح لكنز وهتيجي تبات معاكي باليل تصوري حبتك اكتر مني...هههه.
ليلي بضحكه حزن: وانا كمان والله بحبها زي بنت..اقصد اختي الصغير..
ادم: طب يلا بأي باي.
ليلي: باي.
" ادم قفل الباب وليلي بصت للكلب"
ليلي: بحبه اوي وهو مش بيفهم..اعااا.. اعمل فيه ايه بس.
...
نور: يلا الباص وصل..
كنز: وبابي كمان وصل.
" الاولاد بدأو يقومو من علي الأكل وياخدو الشنط"
كنز وهي بتحضن ادم: بابي...صباح الخير.
ادم: صباح الخير يا عيون بابي..جاسم مشي.
كنز: اه وقالي سلميلي عليه..
ادم: طب يلا اركبي هنتأخر..
تاليا: ممكن اركب معاك يا دومي..
ادم: العربيه عربيتك يا توتي..
" كلهم وصلو للمدرسه وادم راح شغله وهما خلاص داخلين المدرسه شافو روح واقفه علي الباب شعرها بني وقصير وعيونها اخضر وبيضه ومتعصبه"
روح: أخيراً شرفتو انا مستنياكم بقالي كتير..
نوح باحترام: معلشي يا روح بس هما اللي اخروني..
كنز: وه..
نوح: يلا ندخل علشان تلحقي الكلاس بتاعك انتي برضو في تالته اعدادي...
روح بكسوف: طب يلا.
" كنز اطمنت ان كلهم دخلو الحصص بتاعتهم وبعدين دخلت الكلاس بتاعها واليوم خلص وباليل خرجو كلهم راحو الملاهي بمناسبه عيد ميلاد كنز وهي اللي طلبت متعملش عيد ميلاد وكلهم بدأو يلعبو ويهزرو"
كنز: بابي هروح اشتري ايس كريم من هناك..
ادم: طيب نوح تعالي روح مع اختك..
كنز: لا سيبه يلعب انا هجيب واجي علي طول..
" كنز راحت واشترت اتنين وبتلف خبطت في ولد لابس كاب احمر وچاكت جلد اسود وبنطلون اسود وكوتشي احمر و وقعت الايس كريم عليه..الولد بصلها عيونه لونها رمادي وبشرته بيضه وشعره اسود وباين قليل من الكاب وطويل وعنده عضلات وكان ماسك اتنين ايس كريم رماهم في الارض ومسك كنز من دراعها جامد.."
مالك: انتي مجنونه يا بت..عمياء مبتشوفيش..
كنز وهي بتزق ايده وبتبصله جامد: انت اللي مجنون علشان تمسكني كده ولمعلوماتك بشوف بس انت اللي مش هتشوف.
" كنز وقفت علي أطراف صوابعها وضربته بالبوكس هو متأثرش بس في اللحظه نور وجاسم وقفو جمبها"
نور: كنز في ايه..
كنز: اللي مش محترم ده بيزعقلي..
" نزلت ست من عربيه چيب عاليه رغم كبر سنها لاكن جميله جدا وقفت جمب الولد"
الست: مالك انت كويس..حصل ايه.
جاسم: انت ازاي تزعقلها..
مالك: المدلعه وقعت الايس كريم عليا وبدل ما تعتذر بتضربني..ده انا اعمل منك اربعه يا بت.
كنز: بت أما تبتك يا حيلتها..
جاسم: بسس..اعتذري يا كنز لأنك ضربتيه..
كنز بغضب وهي بتمشي: انا اسفه يا بابي..مش انا اللي اعتذر لواحد زي ده..
مالك بغضب: من الواضح أنها متدلعه بجد..ماما انا في العربيه..
نور: احنا اسفين جداً بس هي عصبيه..انا نور مرات دكتور جاسم الوردي..
جاسم: أهلا بحضرتك.
كريستينا: طبعاً غني عن التعريف..انا كريستينا وده ابني مالك بس معلشي هو عصبي.. لأنه مر بظروف صعبه..
نور: اتشرفنا بحضرتك.
كريستينا: وانا اكتر عن أذنك.
..
" مالك سايق بغضب وساكت"
كريستينا: نفسي تعيش حياتك بقي وتعيش سنك..
مالك وقف العربيه: عمري ما هعيش سني..وحتي لو نسيت هيفضل اسمي في البطاقه يفكرني..هيفضل اسمي..مالك يوسف رأفت..
...
الإسم ده مش بيفكركم بحد 🙂🤔 علي العموم الجزء التالت متوقف علي تفاعلكم لو البارت ده جاب كومنتات كتير هنزل الجزء التالت بعد اربع ايام واوعدكم مختلف خالص..هو هيكون اسمه" مالك الكنز" يلا كومنتات كتير بقي!!.
بقلم نيللي ياسر.
Nile Yasser
الجزء الثالث من هنا هنا
تعليقات
إرسال تعليق