 |
اسكريبت
الجزء الاول
-الجميل ماله
=مفيش بعد اذنك
وقف قصادها وومش مخليها تعدي
=لو سمحت ميصحش كدة
_لسه هيتكلم فجأء لقى بوكس في وشه و لسه هيبص كان اتدلق على الارض و من شدة الضرب فقد الوعي
ريم:انت كويسه؟
هند: اه انا تمام شكرا اوي ليكي بجد
ريم:العفو على ايه سلام
هند:سلام
(ابطالنا الظهرت: ريم 19 سنه في تالته ... كلية هندسه محدش يعرف عنها حاجه تقريبا من كتر الغموض الهيا فيه ... بتحب الرياضه جدااا خصوصا القتاليه و بتلعب كراتيه و كونغ فو و mma بس مهمله في نفسها جداا)
(هند: 20 سنه ...اعلام ... بس دي شخصيتها عكس هند تماما بتحب الميك اب و اللبس و هي قمر ب معنى الكلمه من عائله متوسطة الحال يعني )
نرجع للقصه تاني
راحت ريم محاضرتها و روحت على بيت
ريم: ساموووو عليكووو
شيماء(والدة ريم): و عليكوووو خش يسطا البيت نور
ريم: يسطااااا!! عييييييب يا بنت دي كلمة تتقال؟
شيماء: هو الهنعمله في الناس هيطلع علينا ولا ايهه
ريم: كما تدين تدان يا.. يسطا ( و طلعت تجري)
شيماء: اه يا .... تعاااااالي انا قولت الكلمة دي متتقالش ( تجري وراها و هي ماسكه الشبشب)
ريم: خلاص مقدرش ازعل القمر بتاعنا
شيماء: متستبتنييش
ريم: و النعمه عسل ( و جريت على الحمام و قفلت الباب
شيماء: با بنت ال
خرجت ريم من الحمام و هي لابسه لبس التمرين
شيماء: تاني يا ريم ! انت مش روحتي الصبح قبل الجامعه؟
ريم: ده كان كونغ فو انا دلوقتي رايحه ال mma
شيماء: يا بركة دعاكي يما و مش هتروحي الكاراتيه صح
ريم: ازاي ده الحب الحب هروحه بليل
شيماء (تجري وراها بالشبشب) هتجن*يني
ريم: بعد الشر عليك يا قمر
شيماء: طبعا ياختي
ريم: طب متعمليش اكل عشان هجيب و انا جايه
شيماء: ربنا يخليك ليا يا قمر
ريم: سبحاااااانه
(و راحت على التمرين)
في التمرين
رحمه: اتأخرتي ليههه
ريم: مش اول مره على فكره انت الكابتن هزق و انا مش عايزه اتكلم
رحمه: كده ؟ طب تمرينة انهارده ا..
ريم:خلاص ونبي انت احسن كابتن في الدنيا انا داخله اغير
(ملحوظه رحمه تبقى الكابتن بتاع ريم عندها 23 سنه عشان كدة التعامل بينهم عادي)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
في الصباح ...
(في بيت هند)
هند: يوسف عايزاك في موضوع
يوسف: خير يا هند حاضر
هند: انا في ولد عاكسني الصبح في ..
يوسف بغضب:ايههههه مين القدر يعمل حاجه زي كدة و انا عايش هاااااااا و عملتي ايه انا عارفه انك بتتكسفي مش هتعملي حاجه( يقصد من الاخر بتخاف بس مش هيقدر يقولها صريحه)
هند: اهدى بس انا معرفش الولد اصلا بس في بنت جات ضربته علقة موت لغاية ما تقريبا اغم عليه
يوسف: مين البنت دي و ازاي محدش عملها حاجه
هند: ما هو احنا كنا في الطرقه الفي الجامعه و دي تقريبا محدش يعرفها غير عدد قليل جدا و حظي كان حلو ان البنت دي عارفاه
يوسف: بس اكيد في كاميرات انا هروح و اجيبه من قفاه
هند: يا يوسف اهدى استني البنت دي ممكن....
قفل الباب وراه و خرج و راح الجامعه و هي لبست بسرعه و نزلت بتحاول تلحقه عشان لو حد شاف الموضوع ده ريم هتتأذي
(ملحوظه يوسف يبقى اخو هند عنده 25 سنه خريج كلية تجاره)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
في بيت ريم ....
ريم: انا نازله عايزه حاجه
شيماء: سلامتك يا حب
ريم: مش مطمنه عايزه ابه
شيماء: تصدقي انت متربتيش و انا ال هربيكي
ريم نزلت جري على الجامعه عشان متتأخرش على المحاضره
~~~~~~~~~~~~~~~~~~~~~~~~~~~~~~~~~~~~~~~~~~~~~~~
...يوسف كان بيجري بالعربيه بأقصى سرعه من العصبيه
و هند كانت بتكلمه على الموبايل بس هو ماخدهوش معاه و بتحاول تلحقه
يوسف وصل الجامعه و فعلا راح للمدير
المدير: انت ازاي تتدخل بالمنظر ده
يوسف و هو بيحاول كتم غضبه: انا اسف بس الحصل ده مينفعش نهائي
المدير: و هو ايه الحصل
يوسف: حكى له ما حدث من غير ما يجيب سيرة ريم لأنه نسيها اصلا
المدير: طب و انا ايه اليثبتلي؟
يوسف حضراك ممكن تشوف منطقة ....... في الكاميرا
المدير: انت شكلك محترم و انا هعملك النت عايزه بس لو طلعت بتكذب
يوسف: و انا متأكد
فتح المدير الكاميرا و فعلا شاف الولد ده بس مشافش ملامحه و مخدش باله من ريم
دقق الكاميرا على وش الولد و لما شافه اتصدم
ده يبقى ابن اخوه و بما انه عارف انه اتضرب جامد بس ميعرفش من مين كمل الفيديو و دقق على ريم و عرف شكلها.....
يوسف: ها حضرتك رأيك ايه في الحصل ده
المدير: الحقيقه انا مش شايف ان الولد عمل اي حاجه
يوسف: نعمممممم
المدير: ايوه الولد معملش حاجه و عن اذنك عشان ورايا شغل
يوسف: انت واعي انت بتقول ايه؟
المدير: معلش انا مش شايف انه المفروض يتعاقب
في اللحظه دي دخلت هند و هي منهاره و قالت ل يوسف يوسف متعملش حاجه انت مش فاهم حاجه الولد ده يبقى ابن اخوه المدير و... لسه هتكلم المدير طردهم
يوسف: انت مش قولت انك متعرفيهوش
هند: ايوه بس ولله انا لسه واخده بالي
يوسف: اومال كنت بتجري ورايا جامد ليه ها خايفه من ايه
هند: عشان هما بيدوروا على الضربت الولد ده و بمجرد ما انت لفت نظره للكاميرا هيبص فيها و البنت دي هتتأذي
يوسف خبط ايده على رأسه بعد ما خد باله انه اذى البنت الانقذت اخته
المدير: هاته لي ريم عبدالله مختار حاااااللللاااا
~~~~~~~~~~~~~~~~~~~~~~~~~~~~~~~~~~~~~~~~~`~~~~~~
ريم و هي في المحاضره جه الامن نده عليها استغربت جدا بس راحت معاهم و دخلت للمدير و اول ما دخلت اتصدمت ....
حلوه؟
البارت التاني
دخلت ريم و اتصدمت لما شافت الولد الضربته كان باين عليه الضرب جامد بس كان مبتسم بشر بينما المدير كان قاعد بيطق شرار و جمبه راجل تاني و نظراتهم مش مطمئنه كلهم
ريم: ممكن اعرف انا موجوده هنا ليه؟
المدير: يعني متعرفيش؟
عبدالرحمن (اخو المدير) بعصبيه و هو رايح عليها عايز يخنقها: يعني متعرفيش ليه يا بنت ***** انت
ريم اتعصبت انه شتم*ها راحت موق*عاه بسرعه و قالت: حضرتك تتكلم باسلوب احسن من ده عشان مفقدش اعصابي اكتر من كده و متغلطش فيا تاني و مش هعمل حساب لحاجه و هعمل فيك زي ما حصل لابنك فاااااهم
جه الامن بسرعه و مسكوها جامد
عمار: كنت فاكره انك هتض*ربيني كده و هسكت ؟ مش عمار اليسكت لواحده زيك تتض*ربه ( و هو بيقرب منها ببطئ)
ريم ببرود عكس ما بداخلها : طب لو انت فاكر نفسك را*جل اوي كده مض*ربتنيش ليه؟
عمار بإحراج: عشان مش بمد ايدي على بنت
ريم: ليه فاكر نفسك را*جل؟
اتعصب عمار جدا و مد ايده عشان يضربها بس هي فلتت ايدها بسرعه من الامن و مسكت ايده و زقته
جري عبدالرحمن و المدير و عمار بعصبية و وقفوا قدامها
المدير للامن: امسكوها و متفلتش فاهمييين
ريم محاولتش تفك ايدها بلعكس هي عايزه تعرف هيحصل ايه
جري عبدالرحمن: مش انت التضر*بيني انا و ابني و انا مش هضربك انا هعمل حاجه اس*وأ
المدير: احلى رفد و هكتب مذكره ليكي متخلكيش تعرفي تدخلي اب حاجه يا بنت ال**** و مشوفش وشك هنا تاني و انسي التعليم كله
ضحكوا كلهم بينما ريم على وجهها علامات البرود
المدير: سمعتها تب*وظ و اس*وأ كلام يتقال عليها في الجامعه كلها فاهمين
احد رجال الامن: لو حد سألنا عرفنا منين؟
المدير: هتتفق مع طلاب و يقولوا اي مبرر
المدير: نفذ يلااااا
و فعلا راحو الامن و هما ماسكين ريم و هند شافتهم بس فضلت ساكته مش هتقدر تعمل اي حاجه
وقفوا الامن و خرجوا بيها بره الجامعه و وصلوا شارع مفيهوش حد قريب من الجامعه و فضلوا ماسكنها .....
ريم بزهق: ايه تاااااني
احد رجال الامن: احنا بقالنا كتير معملناش شغلنا و انت شكلك عايزه تتربي ف احنا هنربيكي
قرب احد رجال الامن منها و مسكها ضربته و ضربتهم كلهم لغاية ما كلهم بقو على الارض
طلعت بسرعه بره و روحت على البيت بارهاق
~~~~~~~~~~~~~~~~~~~~~~~~~~~~~~~~~~~~~~~~`~~~`
في بيت ريم
شيماء: مالك يا ريم عامله كدة ليه
ريم: مفيش يا ماما بس تعبانه شويه
شيماء: طب رجعتي بدري ليه
ريم: عادي يا ماما كنت تعبانه شويه فروحت
شيماء: مش مصدقه ولا كلمه بس ادخلي و لما تحبي تتكلمي اتكلمي
ريم: ربنا يخليكي ليا
دخلت على الاوضه بتاعتها و غيرت هدومها و راحت التمرين من غير ما تفتح فمها بكلمه
شيماء بحزن: اول مره تنزلي من غير ما تكلميني يا ريم لو اعرف فيكي ايه
~~~~~~~~~~~~~~~~~~~~~~~~~~~~~~~~~~~~~~~~~~~~~~
في التمرين ( الكاراتيه)
سلمى(كابتن ريم) : مالك يا ريم مش على بعضك
ريم: مفيش يا كابتن بس حصل مواقف كتير ورا بعضها في اليوم
سلمى: خلصانه انا عارفه هخرجك من المود ازاي
ريم: معتقدش الموضوع ميتحلش اصلا
سلمى: متخافيش بس تمرينة انهارده حوض
ريم: مش انا فتحته
سلمى: بتهزري في الكونغ فو صح؟
ريم: اه فتحته امبارح
سلمى: ندور على حاجه تانيه بقى
ريم: شكرا يا صاحبي او يالي كنت فاكرك صاحبي
سلمى: اي خدمه عدي الجمايل بس
ريم: تشكر يا ذوق
~~~~~~~~~~~~~~~~~~~~~~~~~~~~~~~~~~~~~~~~~~~~~~~
في بيت هند
هند دخلت البيت و فجأة لقيت يوسف قدامها
هند: في ايه خضتني يا اخي
يوسف بتوتر: متعرفيش حصل ايه في البنت
هند بحزن: احسنلك متعرفش يا يوسف و سابته و مشيت
يوسف لنفسه: يارب سامحني و ساعدها .... بس انا لازم اعرف هي مين و اروح اعتذرلها
دخل يوسف لهند في اوضتها
يوسف: هند انا لازم اتكلم عرف مين البنت دي و اروح اتعذر لها و لازم اعرف ايه الحصل لها يمكن اقدر اصلحه
هند: متقدرش تعمل حاجه يا يوسف و نصيحه بلاش تعرف و من ناحية البنت فخلاص مبقاش في حد ميعرفهاش اصلا بس محدش يعرف غير اسمها
يوسف: لا واحده واحده انا تهت اولا انا عايزة اعرف حصل ايه و ....
هند بعصبيه: رف*دوها يا يوسف! و مش كده و بس سم*عتها باظ*ت في الجامعه كلها و اتقال عليها كلام صعب اوي و اوي اوي كمان ارتحت؟
يوسف فضل مصدوم و مش بيرد خرج برا البيت كله و فضل يتمشى
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
خلصت ريم تمرينها
سلمى: ريم تعالي عايزاكي
ريم: استر يارب
سلمى: بطلي لماضه و تعالي
ريم: خير
سلمى: عندي ليكي خبر حلو
ريم في نفسها: مفيش حاجه هتفرحني تاني خلاص
سلمى: بتقولي حاجه
ريم:لا كملي
سلمي: هتروحي تصفيات منتخب
ريم: بس انت عارفه اني مش بلعب اي لعبه عشان انجح فيها انا بلعبهم حب و هوايه بس مش اكتر
سلمى: فكري براحتك و قوليلي انت معاكي شهر
ريم: ربنا يسهل سلام
سلمى: سلام
~~~~~~~~~~~~~~~~~~~~~~~~~~~~~~~~~~~~~~~~~~~~~
ريم و هي ماشيه في الشارع
ريم لنفسها: اقسم بالله ما هسكت و هموت كل واحد فيكم بالبطئ عشان تيجوا عليا تاني.....
بس ماما هقولها ايه؟
و هتستقبل الخبر ازاي؟
يا ترى سمعتي بقيت عامله ازاي؟
هيقولوا ان غموضي بسبب عمايلي ؟
و عرفوا ايه اصلا؟
انا ايه الخلاني اجي المكان ده في الوقت ده؟
لا بس برضو البنت دي كان هيحصلها ايه.... و ماله ما هي شافتك و هما ماسكينك و مهانش عليها حتى توقفهم ... بس برضو هي حتى لو وحشه ابقى انا احسن منها و لو رجعت الموقف تاني هعمل نفس العملته او اكتر .... المهم هعمل ايه في امي هقول لها ايه ؟ مقدرش اخبي عليها حاجه ياااااااارب ساعدني انا مش حمل الاختبار ده مش عارفه اعمل ايههه
~~~~~~~~~~~~~~~~~~~~~~~~~~~~~~~~~~~~~~~~~~~~~~~
في بين هند
هند كانت قلقانه على اخوها لأنه نزل من بدري و لسه مجاش و بتكلمه موبايله مقفول و كمان زعلانه من نفسها على الكلام القالته
هند لنفسها: مينفعش اسيبه كده انا لازم البس و ادور عليه
فعلا لبست هند و راحت عند المكان الهو علطول بيروحه و لقيته فعلا بس ملامح وشه مش مطمئنه خالص
هند: ينفع القمر ده يبقى زعلان؟
يوسف:.....
هند: ونبي رد مش قادرة استحمل انك زعلان ... عارف لو المفروض حد يزعل يبقى انا ( بدأت تعيط) انا مكنش لازم اروح المكان ده و انا مش بقدر اعمل حاجه مكنش لازم اقولك اصلا و اسكت كنت عايزه ايه .... ما هي ضربته و خلاص قولت لك انت ليه و انا عارفه الممكن يحصل ( و فضلت تعيط)
يوسف: بعد اذنك متعيطيش
هند: زي ما انت زعلان سبني ازعل
يوسف: طب ممكن تقولي لي اسمها و انا ليا واحد صاحبي هيعرف عنوانها و اروح اعتذر يمكن اكون ريحت ضميري شويه
هند: حاضر اسمها ريم عبدالله مختار
يوسف: تمام هروح اكلمه عشان على بكره اروح لها
هند: تمام
يوسف: طب ايه هنفضل هنا كتير يلا نروح
هند: قبل ما نروح تجيب لي بيج ماك عشان ترضيني
يوسف ضحك: ده استغلال بقى
هند: سميه زي ما انت عايز
يوسف ضحك و روحه مع بعض و كلم صاحبه
صاحبه( فارس): صاحبي الندل المش بيسأل غير في المصالح
يوسف: لما تبقى تسأل انت الاول
فارس: مال صوتك يسطا
يوسف: الموضوع كبير اوي يا فارس
فارس: احكي انا فاضي
حكى له يوسف ما حدث
فارس: ايه المدير ال*** ده
يوسف: مش موضوعنا انا عايز اعرف عنوان البنت
فارس: اشطا بكره هيبقى عندك العنوان
يوسف: شكرا يسطا معرفش من غيرك كنت هعمل ايه
فارس: متقولش كدة يا صاحبي سلام بقى عشان اعرف اتصرف في الحوار ده
يوسف: سلام
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ريم: اه يارب تكون نامت
شيماء بقلق: كنت فين يا ريم انت كويسه اتأخرتي ليه
ريم: يا ماما مفيش حاجه كنت مخنوقه شويه بس ف اتمرنت مدة أطول
شيماء: ماشي يا حبيبتي و قولتلك لما تحبي تحكي انا موجوده
ريم: معرفش من غيرك كنت هعيش ازاي
شيماء: معرفش ولله
ريم بإبتسامه: مفيش فايده
ناموا و صحيت ريم و نزلت على انها رايحه الجامعه بس هي راحت التمرين و هي في الطريق سألها واحد
يوسف: لو سمحت متعرفيش الانسه ريم عبدالله ساكنه فين؟
ريم: ....
خلص البارت💜
انا بنزل كل يوم بارت معلش هو قصير عشان الامتحانات و كده هحاول على قد ما اقدر اطول فيه
حلوه؟💜
تكملة الروايه من هنا
تعليقات
إرسال تعليق