 |
#احببت_مجهوله
#البارت_التاني
اعمل ايه اروح فين انط من الشباك
،لا لا يعني يوم ما اموت ابقي داخله النار وكمان مفضوحه !
،طب اعمل ايه ،اعمله بلوك
،اه مانا عملت بلوك فعلا!
،ياختاي ياختاي انا عايزه اموتني بجد مش هزار
هشيل الماده صح !
ملك وهي قاعده وحاطه ايديها علي خدها : السنه*
نور وهي بتبصلها بغيظ : انتي عايزه ترعبيني وخلاص
ملك : اصل بذمتك واحده كلمت الدكتور وعاكسته ،ولما عرف هي مين عملتله بلوك يبقي ايه اللي المفروض يحصل ! هتشيلي مادته طبعا ده شيئ معروف ،تاني حاجه ممكن من غيظه تشيلي السنه كلها متنسيش أنه ابن العميد ويقدر يعمل كده بكل سهوله !
نور وهي بتبص لصاحبتها بغيظ وشر : ملك
ملك باستغراب : نعم
نور بزعيق : امشي من قدامي دلوقتي
ملك بذهول : يابنتي هو عشان بقول الحقيقه تعملي كده
نور بعصبيه : بررررررا
ملك بغيظ : طب خارجه متزوقيش ..
مشت ملك ونور قعدت في اوضتها تفكر في حل المصيبه اللي حطت نفسها فيها ،كان لازم يعني تتسحب من لسانها وتقوله كان شكلك حلو النهارده ماهو حلو علي طول ايه الجديد يعني !
بعد تفكير طويييل جدا قررت انها مش هتروح الكليه تاني ،اه هي هتوقف تعليم كفايه عليها لحد كده بيت جوزها أول بيها
" والله يانور ياختي مالوحدك كلنا عايزين كده بس عمرنا مانروح نقول 😂🥲"
فتحت الواتس عشان تفك عن نفسها واول ما فتحته اتصدمت لما شافت ماسدج من رقم غريب مكتوب فيها "
" فكرك يعني لما تعمليلي بلوك مش هوصلك !!"
نور وهي بتبلع ريقها بخوف : نهار اسود
كانت لسه هتعمل بلوك مره تانيه بس وقفت لما بعت ماسدج وقال
"لو عملتي بلوك هتشيلي مادتي السنه ديه "
نور وهي علي تكه وتعيط: ياربي اعمل ايه بس انا مني لله علي اللي عملته في نفسي ...
باسم : تعرفي انك ضعيفه وجبانه اوي
نور اتعصبت جدا وردت عليه فويس : هي مين ديه اللي ضعيفه وجبانه انا مبخفش من حد !
باسم سمع الفويس وابتسم بتسليه وبعتلها فويس بصوت رجولي : اومال انتي عملتي بلوك ليه ؟! ومجتيش تعترفي ليه مباشره من غير جو الحب المجهول ده
نور وهي بتتنهد: يارب هرد أقوله ايه بس ،يارب ساعدني
باسم وهو بيتنهد بحيره : بصي يانور انا مش هشيلك الماده وهعتبر اللي حصل ده محصلش من الاساس بس بشرط
نور بلهفه وفرحه: ايه هو ؟!
باسم وهو بيضحك بخبث : عندك بحث ١٠٠ ورقه علي الوحده الأولي في المنهج ،ولو معملتيش البحث وسلمتيه بكره اعتبري نفسك مرفوده من الكليه سلام
نور بصدمه: يالهوي ،يادكتور يادكتور هقولك بس الله يخربيتك يادكتووور
باسم : الله يخربيتي
نور وهي بتحط ايديها علي بوقها : ياسوادك ياقرمط انا لساني ده عايز يتقص منه عشرين متر اه والله ..
نور وهي بترد : انا اسفه يادكتور سامحني اللهي تنستر
باسم ضحك بصوت عالي وقال لنفسه : يابنت المجنونه
نور وهي بتبعت فويس بنبره صوت باكيه : يادكتور بالله رد عليا اعتبرني عيله وغلطت
باسم صعبت عليه وقالها بأستسلام : ماشي يانور ،بس فكي البلوك
نور باستغراب : ليه !
باسم : مزاجي كده ،عندك اعتراض
نور : لا طبعا يانهار خبر ده انت تنور الواتس ياضاكتور
باسم : ضاكتوور!!
نور لنفسها : حد يجي يديني كف سداسي الابعاد يفوقني عشان انا حواراتي كترت ...
باسم : سلام يانور
قفلت نور الفون ووقفت قدام المرايه ،وقفت تبص علي نفسها بدايه من وشها الابيض الناعم فعلا نور رغم أنها مليانه شويه إلا أنها جميله شكلاً ،ليه متخسش ! مش عشان حد عشان نفسها ،ليه متتدحداش نفسها وتظبط نظام اكلها ،نور بتاكل كتير اوي وده اللي خلاها تتخن بالشكل ده تزعل تاكل تفرح تاكل تذاكر تاكل في كل الاحوال بتفكر في الاكل ! ليه متلهيش نفسها باي حاجه تانيه وتنسي الاكل ...
نور لنفسها : خلاص يانور من النهايده دايت وياضه وياضه ودايت مش هيحم نفسي
راحت تنام وهي مقرره انها هتعتذر لباسم عن اللي حصل وهتحاول متفكرش فيه ،هو لو من نصيبها هيتزرع حبها في قلبه من غير مجهود منها
قامت تاني يوم الصبح لبست هدومها واللي كان عباره عن دريس اسود واسع وطرحه حمراء وشوذ احمر وحطت ميك اب خفيف لانها مش محتاجه اصلا ، اخدت شنطتها وخرجت ولاول مره متفكرش في الاكل نزلت وركبت تاكسي وراحت علي الكليه ...
رن الفون بتاعها وكانت صاحبتها المزعجه كالعاده ...
نور : صباح الخير
ملك بقرف : بلا صباح بلا مساء عندنا امتحان ...
نور بصدمه : يخربيت اخبار اللي زي وشك مين قال كده !
ملك بنبره باكيه : دكتووور باسم قال كده امبارح في امتحان شفوي النهارده ااااه انا بتألم
نور بصياح : يالهوووووي
سواق التاكسي بقلق : في حاجه ياانسه
نور وهي بتبصله بحزن : لا ياسطا كمل طريقك ولو تطول تعمل حادثه اعملها ميهمكش ..
السواق بخفوت : لا حول ولا قوه الا بالله ربنا يشفيكي
ملك بزعيق : انتي في انهي داهيه
نور وهي تلطم علي خدها بخفه : قربت قررربت
ملك : طيب هستناكي
نور كانت خلاص قربت علي الكليه بس الدنيا فجاءه بقت زحمه ....
نور وهي بتخرج رأسها من الشباك : يالهوي ايه الزحمه ديه !
السواق : النهارده الخميس يااستاذه بتبقي زحمه ...
نور وهي بتبصله بدموع : يارب اعمل ايه بس ،يعني متأخره وكمان هسقط ايه الحظ ده
فات خمس دقايق والعربيه متحركتش ...
نور بتوتر : مبدهاش بقي
فتحت العربيه وعطت الفلوس للتاكسي وطلعت تجري زي الهبله خايفه الامتحان يفوتها وخاصه انها متأخره ...
كانت بتعدي الطريق ومخدتش بالها من العربيه اللي جايه قدامها ...
صوت احتكاك العربيه في الارض عمل صوت جامد اوي ونور واقفه مذهوله مصدومه جسمها بيترعش ثانيه اتنين تلاته ووقعت علي الأرض فاقده الوعي ...
صاحب العربيه بصدمه : ياسوواد الحلل
كده فاضل البارت الاخير بليل تفاعل كتير بقي 😂❤️شكرا علي كلامكوا الجميل مبسوطه أن الروايه عجبتكوا ❤️
#إيمان_شلبي
#احببت _مجهوله
#البارت_الثالث_والاخير
اااه دماغي
،الامتحان يالهوي ياخرابي الامتحان !
،هسقط هشيل اوبح
الدكتور هيعمل مني بوفتيك
هو اصلا مش طايقني البغل
طب تصدقي أن البغل هيشيلك اوبح فعلا عشان انتي متربتيش !
كل ده حصل في لمح البصر لما نور فاقت ومحستش بنفسها غير وهي بتصيح كالعاده انها هتسقط ولسانها اللي عايز قطعه قال كلام عنب ويا للصدفه أن الدكتور باسم هو اللي كان هيخبطها ،الصدف ديه في الروايات بس ياجماعه دعونا نلطم في صمت 🙆♀️
نور وهي بتغمض عينيها : لا لا ان شاء الله ميكونش اللي في بالي صح وتكون تهيؤات وكده
باسم قرب من ودانها وقال بهمس : لا هي حقيقه مش حلم
نور لنفسها : اجري يامجددددي
وهوب قامت تجري بسرعه وباسم واقف مصدوم من اللي حصل ....
باسم وهو بينادي عليها : نور نوور انتي يابت اقفي يخربيتك هتدوخي ،اقفي مش هعملك حاجه ..
ضرب كف فوق التاني بحيره : يابنت المجنانين ربنا يعينك علي المهلبيه اللي في دماغك ..
اما عن نور فضلت تجري تجري وهي بتكلم نفسها زي المجنونه وبتصيح كعادتها
"نور : انا اسمي الحقيقي صيوحه😂"
لحد ما وصلت الكليه بسلام ودخلت المدرج تدور علي مكان تستخبي فيه زي الهبله والكل بيبصلها باستغراب ...
نور لاحدي الطالبات بخفوت : عديني بسرعه بسررعه
الطالبه باستغراب : اعديكي فين !
نور وهي بتبص علي باب المدرج بخوف وتوتر : يابنتي عديني استخبي هسقط هسققققط الضاكتور هيعمل مني بطاطس سوري
الطالبه وهي بتضرب كف علي كف : صدق اللي قال عليكي مجنونه
نور بعصبيه وغضب : مين ديه اللي مجنونه ما تحترمي نفسك
الطالبه بزعيق: ولو محترمتش نفسي يعني !
نور بعصبيه : هقعد عليكي افطسك
الطالبه بغيظ : اه مانتي شبه البقره هتفطسيني طبعا
نور بعصبيه وهي بتجبها من شعرها : طب تعالي بقيي
بعد مرور خمس دقائق
كانت واقفه نور والبنت اللي ضربتها في مكتب العميد ...
العميد بغضب ( ابو باسم ) وباسم كان قاعد معاهم : اقدر افهم ايه اللي حصل ده ياانسه منك ليها !
نور وهي بتعيط بتمثيل : يرضيك ياسياده العميد ،يرضيك اقولها لو سمحتي عايزه اقعد جمبك تقولي المكان مش هيكفيكي للدرجه ديه انا بقره !
البنت بسرعه وغضب: كدابه والله ياسياده العميد مش هو ده اللي حصل
العميد بجديه: اومال ايه اللي حصل
البنت ووشها متخرشم علي الاخر وشعرها متنعكش حرفيا نور مخلتش فيها حته سليمه : اللي حصل انها جت تقولي عديني عديني ولما سالتها اعديكي فين قالتلي الدكتور الحيوان هيعمل مني بطاطس سوري
باسم ووشه احمر هبد علي المكتب بعصبيه : انا حيوووان
نور بتوتر وخوف : لا لا والله انا قولتلها " يابنتي عديني استخبي هسقط هسققققط الضاكتور هيعمل مني بطاطس سوري "
العميد وهو بيحاول يكتم ضحكته : الضاكتور
نور بسرعه وعفويه : ايوه الضاكتور ابنك هيسقطني اكيد
باسم وهو بيبصلها بغيظ : انا اه هسقطك بس مش في مادتي
نور بعفويه : بجد الهي تنستر
باسم وهو بيحط رجل علي رجل بغرور : انتي ساقطه في كل المواد
نور باحباط : الهي تنفضح
باسم بعيون بتطق شرار : نووووور
العميد : خلاص ياباسم اهدي ،انتي وهي فصل عن الكليه لمده اسبوع كامل
البنت بتوتر : ب بس
العميد بحزم : مبسش انا قولت كلمتي ومش هرجع فيها متكتريش عشان متبقاش اسبوع كامل ...
مشت نور والبنت بتبصلها بغيظ وكره وراحت قعدت علي البحر وجابت وجبه اكل محترمه تعويضا عن المرمطه اللي شافتها النهارده ويتحرق الرجيم اللي قررت تعمله اكتر ما هو محروق ...
قعدت تأكل علي البحر بغيظ وشراهه ..
الفون بتاعها رن وكانت ملك كالعاده ...
نور وهي بترد وفي بوقها الاكل: الو
ملك بلهفه : نور عملتي ايه عند العميد
نور بلامبالاه : اتفصلت اسبوع
ملك : نهار اسود ...ايه ده ثواني انتي بتاكلي
نور وهي بتقطم قطمه من الساندوتش : اه
ملك بغيظ : يخربيتك يابارده ياباااااارده
نور بغيظ : غوري من وشي
ملك : استني بس هقولك
نور بضيق : امممم
ملك : حضرتك ناسيه أن الاسبوع اللي جاي خطوبتي !
نور وهي بتوقف اكل وبحزن : لا مش ناسيه ...
ملك بحزن : انتي كويسه !
نور وهي بتتنهد : توء
ملك : كنت متأكدة ،انا جيالك انتي فين
نور : في مكانا المعتاد
ملك : تمام هجيلك باي
قد اي مهم يبقي في صاحب في حياتنا يشاركنا لحظات الحزن يفهمنا من غير ما نتكلم يستحملنا حتي في أصعب واسوء حالتنا صاحب يهون علينا كل صعب بوجوده ،خليكوا ناس هينه لينه خليكوا ناس لطيفه مع بعض ،اعتقد مفيش اجمل من شعورنا واحنا بنعمل مصيبه ونروح نجري علي اقرب حد لينا يحلها حتي لو بكلمه أو بحضن منه ،الوحده اسوء شعور ممكن يحس بيه الإنسان ،النفور من شخص بيخلي الشخص يكره نفسه وحياته
نور ..
نور كانت قاعده بتعيط ،اه نور مرحه جدا بطبعها بس بتحاول تداري حزنها في الضحك والهزار ..
مسحت دموعها بسرعه ولفت لقت ملك واقفه وبتمدلها ايديها بمعني قربي ،وهنا قربت منها نور واترمت في حضنها وفضلت تعيط بصوت عالي زي الطفل الصغير ،هي فعلا كانت محتاجه الحضن ده عشان تخرج كل طاقه الحزن اللي جواها ...
عدت فتره ونور بعدت عن حضن ملك وقعدت وملك قعدت جمبها ...
ملك بمرح : ها بقي يامصيبه احكيلي اللي حصل !
نور وهي بتربع ايديها : هحكيلك
وفعلا حكتلها وملك كانت هتموت وتضحك علي صاحبتها الهبله بس عمرها ما تروح تقول ...
نور وهي بتبصلها : وبس كده
ملك بسخريه : وبس انتي عايزه حاجه تاني تحصل اصلا !
نور بتنهيده : بقولك ايه انا جعانه
ملك وهي فاتحه بوقها : هه
نور باستغراب : ايه مالك !
ملك بحزم: بت انتي انا زهقت منك ومن كلامك اللي بتقوليه ومش بتعملي بيه
نور بمرح : الاه هو انا عملت ايه !
ملك بجديه : مش احنا قولنا هنظبط اكلنا ونعمل رجيم
نور وهي بتمثل التعجب : انا يابنتي
ملك وهي بتضربها علي كتفها : لا انا يابنتي
نور بضيق: اووووف مانا مش بقدر اتحكم في اكلي
ملك بتحدي : قومي معايا
نور باستغراب: علي فين
ملك : هششش انتي تيجي معايا من غير نفس
بعد مرور أسبوع كانت نور واقفه قدام مرايتها عادي بتتدلع براحتها ،احم سوري تقريبا الفاينل مأثر عليا 🙂 المهم نور كانت واقفه قدام المرايه لابسه فستان احمر ناري واسع شويه لان نور دايما بتحرس أن تخلي لبسها واسع عشان تداري جسمها المليان ،وكانت بتحط لمستها الاخيره من الميك اب وبتستعد عشان خطوبه ملك صاحبتها ونصها التاني ...
نزلت وراحت الخطوبه وأثناء ما هي واقفه شمت ريحه البرفيوم بتاعه من علي بعد امتار ماشاء الله الحب مولع في الذره حسبي الله ونعم الوكيل انت فين ياقره عيني هشم برفانك من علي بعد خمسين متر امتي ياراجل ...
المهم دخل باسم اللي الكل عمله الف حساب واتضح أنه صاحب العريس ...
نور بهمس وتوتر لملك : نهار اسود هو ايه اللي جابه هنا ده !
ملك وهي بتبتسم باهتزاز: وحياتك مااعرف
نور : ده انا هنفخك
ملك: الله وانا مالي يالمبي
نور بتوتر ووشها كله احمر : يالهوي ده بيقرب مننا ياختاي اجري طه ولا اعمل ايه ،ده قرب مننا ده جاي علينا يااااني
ملك بهمس وتوتر : بس بس اسكتي هتفضحينا الله يخربيتك
باسم وهو بيحضن العريس : الف مبروك ياصاحبي
وسلم علي ملك كمان ونور واقفه تبصله بهيام بدايه من بدلته الرمادي القمر اللي لون عنيه القمرين لضحكته اللي خطفت قلبها المهزق اللي ميعرفش الكرامه ...
والغريب أنه بصلها من فوق لتحت حتي مقلهاش منك لله مش ازيك ...
نور وهي بتقول بصوت عالي : واتنسسسسيت كأني ما جيييت
الكل لف يبص للمجنونه اللي غنت الاغنيه ديه بصوت عالي في وقت مش وقته خالص ديه خطوبه ياهبله مش وقت صياحك المستمر ...
ملك بخفوت واحراج: ديه خطوبه يابنت المجنونه انتي بتعملي ايه !
نور بزعل طفولي : الاه ماهو اللي ما عبرنيش !
ملك وهي بتضحك علي المجنونه صاحبتها : نور حبيبتي شكلك جعانه صح ،انتي لما بتبقي جعانه بتهيسي انا عارفه
نور بذهول : ايه ده عرفتي منين اني جعانه
ملك وهي بتخبط علي رأسها : روحي يانور ياحبيبتي امي عملالك محشي مخصوص أصلها بتحبك اوي
نور بمرح : اشطا انا بحب كده
ملك بتحذير : بس المحشي ده النهارده بس متنسيش الرجيم
نور بضيق : ماشي يافصيله
كانت لسه هتدخل المطبخ بس سمعت صوته بيناديها
نور لنفسها : ايه ده ياولاد ده بينادي عليا اوي بقي شوف يادكتور لو هشحت كده محبش قد تقلك اه والله اصلي اسمي الحقيقي نور ام كرامه معدومه ...
لفت عشان تشوف عايز منها ايه وقربت منه وهي عامله نفسها استرونج بقي ،اه طبعا اومال لا هي مش هتضعف قدام ضحكته القمر ولا عنيه لاااا ابسلوتلي بنتنا استرونج اوي اومال ،عنيها بتقول انها هيمانه وعاشقه اني اسف 🥲
نور بتوتر : ن نعم يادكتور
باسم وهو بيحط أيده في جيبه وبيبتسم ابتسامه غريبه : عامله ايه !
نور وهي بتبص يمين وشمال جنبها يمكن بيقول لحد تاني شاوت علي نفسها وقالت بصدمه : انا!
باسم وهو بيكتم ضحكته : ايوه انتي اومال انا
نور بخجل : احم ا الحمد لله
باسم : كنت عايز اقولك حاجه
نور لنفسها وقلبها هينط من الفرحه : ايوه بقي ايوه هتقولي بحبك بقي ونعيش في تبات ونبات ونجيب صبيان وبنات هيييح
باسم بسخريه : مبروك
نور بابستامه بلهاء: ليه !
باسم وهو بيحط أيده في جيبه وبيقول بغرور : اصلك شيلتي السنه ديه
اتلاشت ابتسامه نور وبصتله بملامح خاليه من اي تعبير ...
نور بتحدي : وانا كنت عايزه اقولك حاجه
باسم بغرور : خير
نور بغيظ : طظ فيييك
قالت جملتها ونزلت تجري علي تحت من غير ما حد يشوفها وهو وقف بصدمه من جرائتها ...
باسم بغيظ: لا انتي زودتيها اوي يانور
ونزل وراها عشان يلقنها درس عمرها ما تنساه ابدا وهو ناوي يسقطها طبعا ...
نزل وكان لسه هيركب عربيته بس شافها قاعده علي البحر النحيه التانيه وعطياله ظهرها ...
عدي الطريق وكان لسه هيتكلم بس وقف مكانه وفضل يسمعها وهي بتعيط ...
نور بعياط وشهقات : ا انا اسفه ياماما ،ا اسفه يابابا اني مقدرتش احقق حلمكوا واتخرج السنه ديه ،ا انا عارفه انكوا زعلانين مني ،ز زعلانين عشان انا بعمل حركات كلها غلط في غلط ،ب بس انا بطلع كل الحزن في الهزار اللي بيخرج مني ،ا انا اسفه اني كلمت الدكتور ب بس انا حبيته ،ا اه انا حبيته غصب عني بس مكانش ينفع اعمل اللي انا عملته ده انا غلطانه ،واكيد هو بيقول عليا مش محترمه ،تلاقيه قال لنفسه وانا هحب فيها ايه ،عنده حق هو انا ايه اللي يتحب فيا انا وحشه وتخينه وغبيه وعلي طول لاغيه عقلي ،ولساني شبرين قدام ...
باسم صعبت عليه جدا وقرر يتدخل وقعد جمبها وربع أيده وبصلها بحزن بعد ما كان شايط من اللي قالته : تعرفي انك جميله يانور..
نور بفزع: ياختااي انت جيت منين ياض
باسم وهو بيهز راسه بيأس : حتي وانتي زعلانه لسانك مسحوب منك !
نور بتوتر : ا انت سمعتني!
باسم وهو بيهز راسه : ايوه
كانت لسه هتقوم تجري كالعاده بس هو مسك دراعها وقام وقف قدامها وقال بحده: اقعدي هنا
نور بخوف: فيه ايه مالك اتحولت كده ليه !
باسم بجمود : مش هسمحلك تهربي المره ديه يانور ..
نور بتوتر : ح حضرتك عايز ايه !
باسم وهو بيبصلها في عينيها : بتحبيني !
نور بتوتر وهي بتحاول تهرب من نظرات عنيه اللي محاوطاها : ل لا
باسم : كدابه
نور بنبره باكيه : لو سمحت سيبني امشي
باسم وهو بيتنهد : تتجوزيني يانور!
نور بصدمه وذهول : ا انت بتقول ايه !
باسم: زي ما سمعتي تتجوزيني !
نور وهي بتزقه بعيد عنها وبتقول بحده وقوه : انا مش محتاجه شفقه من حد يادكتور ،انا مبحبكش ده مجرد اعجاب وهيروح لحاله عن اذنك ..
باسم بسرعه : بس انا بحبك يانور اقسم بالله بحبك مش بشفق عليكي
نور وهي بتقف مكانها بصدمه قرب منها ووقف قدامها وقال بكل صدق ...
يابنتي انتي فاكره أن الحب بالمظهر؟ تبقي عبيطه لو فاكره كده الحب بيدخل قلبك فجاءه بدون اي مقدمات ،اللي بيحب حد مش بيفرق معاه لا شكله ولا جسمه ولا اي عبط من اللي بتفكري فيه ،اللي بيحب حد بيحبه لذاته لطبعه لروحه الحلوه لطيبه قلبه مع الناس وحتي مع القطط اللي بتشوفيها في الشارع تقفي تجبلها اكل والناس الغلابه اللي بتبقي هتموتي من الجوع ومعاكي سندوتش تروحي تديهم اللي معاكي وتجيبى غيره ،انا حبيتك عشان روحك يانور ،وبعدين ياستي ماله جسمك عاجبني ولو مش عاجبك هنعمل رجيم سوا
نور بعفويه : لا لا
باسم باستغراب : لا ايه ؟
نور بخجل : انت حلو كده
باسم وهو بيضحك الضحكه اللي سحرتها : ده احنا طلعنا رومانسين اهو !
نور بتوتر وخجل : ا انا لازم امشي
باسم : مش قبل ما تردي عليا وتقولي موافقه ولا لا!
نور بدموع وفرحه : موافقه يابغل
باسم بذهول : بغل
نور بغيظ : اه بغل أما انت بتحبني مقولتليش ليه ياضاكتور البهايم
باسم باستغراب : بهايم ؟
نور : اه كنايه عن دفعتنا
"والله يانور ياختي ماحد بهيمه غير اللي قاعد سايب مذاكرته وبيتمرقع ،كلنا عارفين هما مين بس عمرنا ما نروح نقول "
باسم : طب ياستي قوليلي بقي يناسبك شهر تجهزي نفسك لجوازنا
نور : امممم ماشي بس بشرط
باسم : ايه !
نور بنبره طفوليه : تجبلي اكل عشان هموت من الجوع
باسم وهو بيضحك وبيقول بمرح : كشري
نور وهي بتصقف : اشطا انا بحب كده
بعد مرور شهر كانت نور قاعده مع ملك اللي مصدومه مش بتتكلم ...
نور باستغراب : مالك يابت فاتحه بوقك كده ليه !
ملك ببلاهه: هي فين نور صاحبتي !
نور بفخر: ايه رايك فيا
ملك بذهول : عملتيها ازاي !
نور بهيام: خطشيبي وقره عيني ساعدني اعمل رجيم
ملك : ده انتي بقيتي ارفع مني !
نور بهيام : تعرفي ياملك انا في اسعد لحظات حياتي
ملك بفرحه لصاحبتها: ربنا يفرح قلبك كمان وكمان ياقلبي
فضلوا يتكلموا مع بعض شويه وبعد كده كل واحد راح علي بيته ،الساعه كانت ١٢ بليل وباسم راح في سابع نومه ونور قاعده زهقانه
نور : ايه الملل ده اما اقوم اكلم باسم انكد عليه
" بنعشق المعاناه نموت في ضيق التنفس "
رنت علي باسم ورد عليها بعد خمس دقائق
نور بجمود: كل ده عشان ترد عليا
باسم وهو بيتمطع : كنت نايم ياحبيبتي وبحلم
نور : بتحلم بمين بواحده احلي مني !
باسم بمزاح: وهو في احلي منك
نور : احم ثبتني وانا اصلا بحبك ف اتثبت من غير مجهود
باسم بضحك : وانا بحبك
فضلوا يتكلموا شويه ونور كانت مبسوطه اوي مبسوطه لأول مره من بعد وفاه اهلها ،لقت الحبيب والاب والصديق والاخ في باسم ،وقف معاها وساعدها انها تخس لحد ما بقي جسمها جميل وروحها اجمل ❤️
وان كنتي هتحبيه وتكوني ام واب هيكون عشانك وطن وحجات كتير تتحب راجل في وقت الضيق وصديق ما بعده صديق وطريق اذا مشتيه هتلاقي فيه نفسك🖤
تمت
#إيمان_شلبي
تعليقات
إرسال تعليق