مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

اسكريبت جديد 

---------------------&

اس بخوف: انت بتقرب لي 

مان بسكر وهو بيقرب منها: انتي حلوه اوي 

اس بتحذير وهي بترجع ورا: ابعد عني ومتقربش احسنلك

مان بسكر: هتكوني ملكي 

اس بخوف وهي حاسه بدورا وفضلت ترجع لورا لغايه موصلت للحيطه: ا اا انت عايز مني اي 

مان وحاصرها : عايزك 

الدوار شد عليها مش عارفه تتجاهل وجع راسها والدنيا بتسود حواليها وبنحاول تقاوم وتفتح عنها بس تقع مغشيا عليها بس حملتها ايد صلبه وقويه من السقوط ووضعها على الفراش واقترب منها و.... 

تاني يوم 

اس تفتح عنيها بتعب تبص حواليها لقت نفسها في اوضه غير اوضتها حاولت تقاوم الصداع وتقف بس لقت هدومها كلها على الارض بدأت تتذكر تلك الليله المشؤومه شهقت بصدمه وجسمها اترعش ولبست بسرعه و بتبص حواليها بجنونه ودموعها بتتسابق على خدها لغايه مسمعت صوت جاي من اوضه المكتب قربت ببطئ وفتحت الباب بس سمعت الي صدمها 

مان وهو بيتكلم في التلفون: لا يعم انا خلاص وصلت للي انا عايزو مش محتاج استمر في اللعبه دي 

اس حطت اديها على بؤها بصدمه ودموعها نزلت بغزاره محستش بنفسها غير وهي بتجري في الشارع وبتعيط لغايه موصلت لمكان فاضي وقعدت على الارض والذكريات بتحاصرها من كل جهه فصرخت بوجع وهي بتضرب الارض: لي عملت فيا كده لييي انا حبيتك حرام عليك ااااااه يارب ياارب. وعيطت بوجع 

.................................. 

منه بتوتر: مبلاش ي اس المكان ده مش لينا 

اس: متخافيش انا معاكي بعدين اعتبريه تغيير 

منه: ده مش تغيير ده هبل تقدري تقوليلي لو حد ضايقنا هنعمل اي 

اس رفعت مضرب بيسبول على كتفها وابتسمت بحماس: هنلعب لعب عسل

منه: مش عارفه اي الي خلاني اسمع كلامك بس 

اس:ان كنتي هتيجي او لا ف انا كنت هاجي كده كده عاااا

منه بفزع: اي في اي 

اس مسكت اديها بفرحه: في مصارعه تعالي نتفرج يلا. مستنتش ردها وشدتها ووقفو يتفرجو واس بتهتف بصوت عالي: اديلو هوبااا هههه. بصت ل منه: المكان تحفه ازاي مجناش هنا قبل كدا 

منه بخوف: نيجي فين انتي مش شايفه حتى المصارعه غير قانونيه اصلا 

اس: باخد رأيك لي انا اسكتي خليني اتفرج. ووقفت تشجع بحماس 

من الجهه التانيه 

كان يجلس شاب مفتول العضلات وهو ممسك هاتفه حتى اتى عليه شخص اخر و 

: اي ي برنس مالك كده كاشش في نفسك 

مان بصلو باشمئزاز: انت مالك يلا روح شوف انت رايح فين 

مسكو من هدومو: لا اظبط كده عشان مزعلكش انت متعرفش انا مين ولا اي 

مان بص ل ايدو الي ماسكه هدومو بعدين بصلو ببرود وكان الرد ل كلامو رصيه جعلت من الشخص الاخر يتأرنح بدوار. سابو ولسه هيمشي وقفو واحد وهو مستعد انو يضربو 

مان ببرود: خاف على نفسك واخفي من وشي 

:وان مخفتش هتعمل اي يعني

مان قلع الچاكت: هقولك من عنيا 

ونزلو ضرب في بعض والناس كلها اتلمت عليهم ويحاولو يحشوهم بس الي بيبعدهم بيضرب برضو ف بعدو عنهم وكان من ضمنهم اس الي بتتفرج عليهم بحماس ومنه الي قاعده تشد فيها عشان يمشو 

اس بتشجيع: اديلو ي ابو عيون زرقا اديو كمان ايوه كده ي راچل فينك من زمان

منه وهي بتشدها: يخربيتك يلا نمشي بسرعه 

اس برفض: لا استني عايزه اتفرج الواد ده جاحد حرفيا يعني هو تلفوني فين لازم اصور. طلعت تلفونها وصورتهم 

بعد دقايق 

مان وقف وهو بياخد نفسو: عرفت بقى هعمل اي 

كان الشاب التاني مرمي على الارض وجسمو كلو متكسر ووشو مليان كدمات ودم 

اس بصوت عالي: الله عليك ي فخر العرب هو ده الكلام اشطا عليك يواد ي موز 

مان اخد الچاكت بتاعو وهيمشي بس

اس بصراخ: حااااسب

مان لسه هيبص وراه تلقى ضربه قويه على راسو فوقع بتألم 

اس بغيظ: اه ي تور بتضرب الموز بتاعي طويب. اس  

رفعت المضرب بتاعها ونزلت ضرب في الي ضرب مان 

منه مسكتها: يخربيتك يخربيتك 

اس: سبيني عليه سبيني ده بيضرب الموز ي منه ضربه في ايدك ي حيوان

منه شدتها باتجاه الباب: بطلي جنان بقى هتودينا في داهيه 

اس: خلاص مش هضربو تاني بس تعالي نشوف اي الي حصل للموز 

منه بخوف: بلله عليكي يلا مش عايزين مشاكل

اس بنفاذ صبر: يعني نسيبو كده 

منه: هنعملو اي يعني 

اس: اطلعي استنيني برا ي منه وانا هشوفو و اجي 

منه: لا طبعا مش هسيبك

اس : يوووه. وسابتها وجريت اتجاهو.قعدت على ركبتها و هزتو: ي موز انت كويس انت موت ولا اي. حطت اديها على رقبتو: الحمدلله في نبض. شالت الكوفيه بتاعتها وربطتها على دماغو ورفعتو وحطت ايدو على كتفها وايدها عند وسطو: يخربيتك انت بتاكل اي يخساره فلوس الچيم الي رايحه هدر يلا واحد اتنين تلاته هوبا. رفعتو وكانت هتقع بس فيه واحد جري وساعدها 

: اي ده مين الي عمل فيك كده 

اس: وقت استغراب ده متخلص يابا ضهري اتقطم خلينا نلحقو قبل ميتصفى 

الشاب سند مان مع اس وخرجو 

منه نزلت من العربيه وقالت بخوف: اي ده انتي جبتيه معاكي كمان 

اس: افتحي الباب يالي تنشكي في مصارينك افتحي

منه فتحت الباب الخلفي و الشاب و مان ركبو ورا واس   ركبت جنب منه وساقت بسرعه 

بعد شويه 

الشاب: هو كويس 

الدكتور: الحمدلله الجرح مكنش كبير وهو حاليا كويس

اس: يقدر يخرج امتى 

الدكتور: لما يفوق 

الشاب: نقدر ندخلو 

الدكتور: اه طبعا اتفضلو

ودخلو 

اس: يبنتي انتي مكلبشه فيا كده لي هو انتي قافشه حرامي غسيل منه: خايفه اوي 

اس: ي الله 

مان بدأ يفوق: اا ا اه انا فين 

اس بشرود: في قلبي 

منه ضربتها في دراعها: متلمي نفسك بقى 

اس: اطلعي برا ي بت ده انتي قطاعه ارزاق صحيح 

الشاب: انت كويس دلوقتي 

مان: ايوه هو اي الي حصل 

اس: ابدا في تور ضربك على راسك وانت وقعت قتيل

مان بصلها بتعب: انتي مين

اس: انا مراتك ي خويا 

مان: اي 

اس: قلبظ بجنيه

مان: اي 

اس: كرسي وانتريه 

مان: اي

اس: شبسي وكارتيه 

مان: اي

اس: بلعب باليه 

مان: انتي بتقولي اي 

اس: لا كفايه كده مش حافظه حاجه تاني 

مان بتعب: مين المجنونه دي 

اس: تصدق بالله انك كلب بلدي من غير ديل 

مان: افندم اس: كلب بلدي 

مان: انا كلب بلدي

اس: ومن غير ديل 

الشاب: خلاص بقى مش هنخلص كده 

مان: خلاص اي مين دي ي ذياد

ذياد حكالو الي حصل 

مان: بمضرب البيسبول ي قادره 

اس بفخر: مبحبش اتكلم عن نفسي كتير.كملت بجديه: على العموم حمدالله على السلامة ومتزعلش من كلامي انا كنت بهزر مان بإبتسامة: شكرا لمساعدتك وعلى العموم انا مش زعلان 

اس اتحولت تاني: متزعل ولا تتفلق انا مالي اما انت غريب ي راچل

مان: اطلعي برا ي بت 

ذياد: لي ي عم متخليها دي حتى دمها خفيف وعسل

اس: انا واقفه في مستشفى الحكومه. بصت ل ذياد: بقولك ي واد ي مسمسم انت 

ذياد وهو بيضحك: نعم 

اس غمزت: متيجي

ذياد بصوت انوثي: كلو الى الشرف ي خويا

اس: ياض انت جوزي 

ذياد: عارفها انا الدخله دي 

اس ضحكت: جدع ي ولا ودمك خفيف مش زي ابو الهول ده 

ذياد غمز: لا ده انا اعجبك اوي 

اس: لا ميعجبنيش انا الصنف المايع ده 

ذياد بصدمه انا مايع

اس هزت راسها: ايون 

ذياد: اطلعي برا يبت 

مان بتريقه: لي يعم متخليها دي حتى دمها خفيف وعسل 

منه سابت التلفون وراحتلها همست في ودنها واس فجأه وقفت عن الضحك واتحولت تماما: عن اذنكو. و خرجت هي و منه من غير متستنى ردهم 

ذياد باستغراب: هي زعلت ولا اي 

مان: مش عارف 

ذياد: بس اي البت موزه بصراحه ربنا يوعدنا 

مان: عيل متخلف 

ذياد: الحق دي نسيت المضرب بتاعها

مان: خلاص خليه معايا و لما نشوفها تاني نبقى ندهولها المهم هخرج امتى 

ذياد: دلوقتي لو حبيت 

بعد شويه 

اس بمجرد مدخلت البيت لقت صفعه قويه على وجهها غمضت عنيها: عملت اي المره دي 

سامر مسكها من شعرها: بقى عامله نفسك متعرفيش حاجه كنتي فين ي بت

اس بعدت عنو: كنت عند منه

سامر: يعني مكنتيش مع رجاله انتي وال*** التانيه

اس: ايوه ي بابا بس ا

سامر ضربها بالقلم: اخرسي ي *** انا غلطان اني سايبك تتسرمحي على حل شعرك 

اس ودموعها نزلت: ي بابا ولله معملت حاجه غلط كل الحكايه ان

 سامر: قولتلك اخرسي فاكره عشان امك معرفتش تربيكي انا مش هعرف 

اس بصراخ: متجبش سيره امي مش كفايه انك السبب

سامر: بتعلي صوتك عليا نا هعرف اربيكي كويس. ونزل فيها ضرب لغايه م اغمى عليها  تاني يوم 

منه: يخربيتك انتي عامله كده لي وكنتي مختفيه فين 

اس بتعب: زي كل يوم اي الجديد يعني 

منه: اي الي حصل طيب 

اس حكتلها الي حصل بتعب 

منه: قولتلك بلاش عجبك شكلك كده 

اس: ونبي ي منه انا مش ناقصه 

منه: طب اي الي مسكتك على الي بيحصل ده 

اس: هعمل اي يعني

منه: معرفش بس متسكتيش 

اس: غصب عني لازم اسكت فكك ي منه انا كده كده اتعودت ومبقاش في دماغي 

منه: منا قولتلك ميت مره تعالي عيشي معايا وانتي بترفضي

اس: وهفضل ارفض ي منه ريحي نفسك 

منه: لغايه امتى

اس: لغايه م اكون اقدر اقف على رجلي 

منه: ي ستي تعالي اقعدي معايا بعدين اقفي على رجلك

اس: انتي مش فاهمه انا عايزه اي 

منه: عايزه اي ي اخره صبري

اس: عايزه يوم م اسيب البيت اسيبو وانا رافعه راسي وانا قادره احمي نفسي كويس لانهم مش هيسبوني وانا يستحيل ادخلك في المشاكل دي 

منه: انا عايزه ادخل انتي مالك 

اس: ريحي نفسك انا مش هعمل اي حاجه غير لما اكون قدها عشان ساعتها اقدر اخد حقي تالت ومتلت

منه: نفسي اعرف انتي بتفكري في اي 

اس: خليها لوقتها احسن المهم المضرب معاكي دلوقتي ولا في البيت 

منه: و هو اي الي هيجيبو عندي 

اس بصوت مهزوز: ي يعني اي ه هو ضاع 

منه بحذر: اس اهدي هنلاقيه ولله بس اهدي 

اس فضلت تاخد نفسها بصعوبه واغمى عليها 

منه بصراخ: ااااااااس 

من الجهه التانيه

كان يجلس وهو شارد في تلك المجنونه الصغيره كما يسميها 

مان: اي يعم مالك مدهول كده 

ذياد فاق من سرحانو: ها ولا حاجه 

مان ضحك: تعرف يلا كل مشوف المضرب ده افتكر المجنونه الي قبلناها بس رغم جنانها هي قمر اصراحه تتقال

ذياد بسرحان: عندك حق

مان: لا انت حالتك بقت وحشه اوي 

ذياد محاول تغيير الموضوع: عملت اي مع سعيد

مان: كويس انك فكرتني سعيد بيدور على البت الي ضربتو وحالف ليدفعها تمن الي عملتو غالي

ذياد: نعم! هو فاكر نفسو اي بعدين هي مغلطتش 

مان بضحك: كان نفسي تشوف شكلو وهو متكسر مسخره ولله البت دي تاخد جايزه على الي عملتو

ذياد: بس انا مستغرب لي سابك و انت اصلا اصل المشكله 

مان: اصلو مفكر اني في علاقه معاها عشان كده سايبني عشان يوصلها عن طريقي بعدين يبقى يتصرف معايا

ذياد بعصبيه: علاقه اي و زفت اي الي بنكو

مان: اي يعم اي الي عصبك 

ذياد محاول كبت عصبيتو: وهنعمل اي

مان: المفروض اننا مش هنسيبو يوصلها مهما كان هي عملت كده عشان تدافع عني اقل واجب اعملو اتجاها اني احميها 

ذياد بخنقه: ماشي 

في مكان تاني 

صحيت اس على لمسات على شعرها: انت مين 

مهاب بإبتسامة بشوشه: كبرتي ي اس 

اس بعدت عنو: انت مين وانا بعمل اي هنا 

مهاب: انا مين هتعرفي في الوقت المناسب بس انتي بتعملي اي هنا ف ده لانك تعبتي واغمى عليكي ولما سمعت صراخ روحت وشوفت في اي لقيت صاحبتك بتصوت وانتي واقعه على الارض ف جبتك هنا وجبتلك دكتور بس كده

اس وقفت: شكرا على وقفتك جنبي بس لازم امشي 

حضنها واتكلم بحنان: هتوحشيني ي بنتي استني مقابلتنا تاني 

اس باستغراب: قص. قاطعها صوت منه وهي بتجري عليها 

منه بقلق: انتي كويسه 

اس: ايوه بس يلا نمشي عشان متأخرش واضرب تاني انا جسمي مبقاش فيه حته سليمه 

مهاب بغضب مسكها من دراعها: تضربي هو سامر بيضربك وهو الي عمل فيكي كده 

اس شدت اديها: انت مين انت بعدين حاجه متخصكش بس انت تعرف بابا منين 

مهاب بزعيق: متقوليش بابا ده مش ابوكي 

اس برقت: ا اي 

منه بسرعه: يلا ي اس 

  اس: انت قولت اي دلوقتي 

منه شدتها لبرا: قولت يلا 

اس عنيها فضلت متسبته على مهاب ودموعها على حافه النزول 

في العربيه 

اس بشرود: تفتكري كلامو صح وان سامر ميبقاش ابويا 

منه: متحطيش في دماغك ي اس اكيد بيخرف هو اي اي مش ابوكي وحتى لو مش ابوكي زي مبيقول تقدري تقوليلي لي سايبك معاه لغايه دلوقتي

اس: مش عارفه.سكتت شويه: المضرب ضاع خلاص

منه بحزن: هنلاقيه ولله العظيم هنلاقيه بس اهدي ومتزعيلش نفسك 

اس بصت من الشباك بشرود 

عدت الايام بدون احداث تذكر لغايه م... 

اس: اترفدت ليييييي عملت اي انا 

منه بتوتر: المدير بيقول ان فيه واحد جه ووراه صورتك وانتي في النيت كلب ف استدعاني وقالي اعفرفك انك مطروده وبيقول برضو ان المكان ده مكان شريف وليه سمعتو مش عايزين واحده ااا اه 

اس بغضب جحيمي: وربي لندمهم واحد واحد 

منه مسكت اديها: انتي راحه فين 

اس بعصبيه: هروح اتصرف مع ال***صاحب النيت زفت وهعرفو مقامو كويس 

منه حاولت توقفها بس بلا فائده 

بعد شويه وصلت ومتجهه ناحيه الباب بعصبيه بس لقت حد شدها 

اس بعصبيه: انت بتعمل اي 

مان: اي الي جابك هنا 

اس زقتو: انت مالك 

مان: انتي جرا لعقلك حاجه ازاي تيجي هنا بعد الي حصل 

اس بعصبيه: هو انا بتكلم هيروغليفي قولت وانت مالك غور من وشي. وزقتو تاني ولسه هتمشي مان ضربها خبطه خفيفه تخليها تفقد الوعي: اسف بس انتي مجنونه وهتودينا في داهيه. وشالها وركبها العربيه و 

بعد شويه 

اس فاقت: اه دماغي انا فين 

مان دخل وفي ايدو مج نسكافيه: صباح الخير

اس: انت بتعمل اي هنا

مان بص حواليه: ده بيتي ف طبيعي ابقى هنا 

اس سكتت شويه تستوعب بعدين صرخت: انت عملت اي 

مان: بس بقى يخربيت صوتك انا معملتش حاجه انتي الي دماغك قذره  انا بس جبتك هنا عشان لو كنتي دخلتي كان صاحب المكان قتلك 

اس: وهو يقتلني لي 

مان: انتي نسيتي الي عملتيه ولا اي 

اس: انت قصدك اني ضربت صاحب المكان 

مان هز راسو: وحاليا بيدور عليكي 

اس: منك لله حقيقي منك لله 

مان: انا مالي انا 

اس: من ساعه مشوفتك وانا كل يوم في مصيبه انا كان مالي ومالك متضرب ولا تتحرق انا مالي 

مان: متلمي لسانك يبت بدل مخبطك خبطه اخلص عليكي

اس بعصبيه: تخبط مين يلا ده انا كنت دفنتك مكانك

دخل ذياد على صوتهم: في اي اي صوت الزعيق ده 

اس: اسأل التور ده اي الي خلاه يخطفني ويجبني هنا

مان بعصبيه: يبت لمي لسانك انتي مش قدي

اس: انت ا

ذياد: بااااس

سكتو وبصو لبعض بعصبيه 

ذياد: دلوقتي نقدر نتكلم بعقل شويه بصي ي انسه 

اس: اس 

ذياد: بصي ي انسه اس دلوقتي بسبب الي حصل وانتي ومان متعرضين للخطر عشان كده لازم تختفو الفتره الجايه اعبال منشوف حل 

اس: ايوه هنختفي ازاي يعني هنلبس طقيه الاخفى 

مان: هاهاها ظريفه يبت

اس بصتلو بغضب 

ذياد: بس ي مان ملكش دعوه بيها 

مان: انا اتكلمت 

ذياد: مش مهم المهم انكو لازم تسيطرو على نفسكو وتستحملو بعض لان انتو هتطرو تقعدو فتره مع بعض فلازم تنهو المشاكل الي بنكو دي ممكن 

اس ومان بص كل واحد في جهه تانيه وهو مكشر 

ذياد: ها 

اس اتنهدت: انا اسفه 

مان: انا اسف 

ذياد: كده تمام 

اس: طب هقول اي لبابا ده لو عرف هيقتلني 

مان: متقلقيش احنا هنتصرف في الموضوع ده 

اس بقلق: ربنا يستر

تسريع الاحداث تاني يوم 

اس خبطت على اوضه مان وبعد ثواني فتح الباب وخرج وهو فاتح عين ومغمض عين وشعرو نازل على عينو 

اس: عاااااااا

مان بفزع: في اي

اس حطت اديها على عنيها: ي حيوان انت مش لوحدك هنا خش البس حاجه 

مان افتكر انو مش لابس تيشيرت فضحك: وشك بقى عباره عن طماطم حرفيا وبلا مبالغه 

اس جريت وهي مكسوفه 

مان ابتسم ولبس وخرج: كنتي عايزه حاجه 

اس وهو تتجنب النظر اليه: كنت عايزه اقولك ان الفطار جاهز 

مان: اي الرضى ده كلو وعملاه بنفسك كمان 

اس: ممكن تطفح وانت ساكت 

مان: ولله الواحد خايف تكوني حاطه فيه سم

اس وهي بتشيل الاكل: انا غلطانه 

مان مسك اديها: خلاص بقى متبقيش قفوشه 

اس بصت ل ايدو بعدين سحبتها بهدوء: طيب كُل 

مان: مش هتاكلي 

اس: هاكل لوحدي 

مان: انتي زعلانه مني

اس بأستغراب: لا 

مان: اومال لي مش عايزه تاكلي معايا

اس بصت في الارض: اتعودت اكل لوحدي 

مان: اعتبريه طلب طيب 

اس قعدت بقله حيله وبدأو ياكلو 

اس بتوتر: ممكن تبطلع تبصلي 

مان ابتسم: شكلك حلو وانتي فارده شعرك على فكره

اس كانت هتقوم

مان مسك اديها وقعدها: خلاص بقى مش هكسفك تاني... على العموم تسلم ايدك الاكل جميل 

اس اكتفت تهز راسها بابتسامه 

بعد مخلصو 

مان: تحبي نتفرج على فلم سوا 

اس بابتسامه: هعمل فشار وجايه 

بعد دقايق 

اس مسكت فيه: عااااا جاي علينا اطفيه اطفيه 

مان قعد يضحك عليها: ي خوافه 

اس بصراخ: اطفيه ي حيواااان عاا 

مان: اهدي خلاص خلص

اس اخدت نفسها: يلهوي كنت هموت 

مان: جبانه 

اس: انا مش جبانه ي رخم

مان: لا جبانه وفرفوره كمان

اس: طيب. ومسكت المخده وقعدت فوقيه وفضلت تضربو: مين الجبان بقى

مان شقلبها ومسك مخده وضربها: انتي

وقعدو يضحكو وكل واحد بيضرب في التاني

وعدى اسبوع وكل يوم بيقربو اكتر من بعض 

وفي يوم 

مان خرج من اوضتو فشاف اس واقفه في البلكونه وسرحانه وفي اديها قهوه فوقف جنبها وبصلها بطرف عينو: مُره 

اس بتنهيده: مش امر من حياتي 

مان: حابه تحكي 

اس: مش عارفه 

مان: في اي وقت اديكي شايفه الي احنا فيه اربعه وعشرين ساعه هتلاقيني في وشك 

اس ابتسمت ابتسامه بسيطه و اخدت رشفه من القهوه ومردتش

فضلو ساكتين شويه بعدين 

اس و مان مع بعض: ممكن اسألك سؤال 

بصو لبعض وضحكو 

مان بإبتسامة: ladies First  معروفه اسألي

اس:بص انا متلغبطه وعايزه اعرف انت لي بتروح المكان ده رغم انك يعني مش زيهم 

مان: واي الي عرفك اني مش زيهم

اس: تصرفاتك بتقول كده بعدين حساك مش شبهم يعني 

مان: مش شبهم ازاي مش فاهم 

اس: يعني مثلا انت شخصيه انطوائيه اوي حتى اليوم الي قابلتك فيه مكنتش مندمج معاهم بالعكس كنت قاعد في ركن لوحدك وبتقرا كتاب بصراحه مستغرباك

مان:ولا استغراب ولا حاجه انا بس من صغري وانا بحب المصارعه لغايه م اقنعت اهلي بصعوبه انهم يوافقو اني ادرب وقالو كلها يوم ولا اتنين ويزهق بس شغفي ناحيتها كان بيزيد كل يوم عن الي قبلو لغايه مكبرت قعدت ادور على اي مكان يوافق اني اللعب بشكل قانوني بس ولا واحد ادالي فرصه ف قابلت ذياد وهو الي عرفني على المكان ده ف اضريت اوافق بذات اني كنت محتاج شغل لان ظروفي مكنتش كويسه فوافقت وبس كده

اس: مفكرتش تدور تاني 

مان: بيني وبينك زهقت طلاما مش معايا فلوس محدش هيقف جنبي ولا هقدر احقق حلمي 

اس بإبتسامة: انا واثقه ان هيجي اليوم الي تكون فيه اشهر مصارع في العالم مش في مصر بس لازم تحاول تاني وكل متقع تقف تاني بس اقوى زمان سمعت واحد بيقول الضربه الي متموتكش تقويك وبقيت ماشيه بالمبدأ ده في حياتي بس اول خطوه تعملها تبطل تلعب في الاماكن دي كلها مشاكل واللعب غير قانوني ف هيجبلك مشاكل كتير امشيها من الاول صح بعدين عايز اصراحه مكنش ينفع تمشي ورا ذياد في الحاجه دي انا اسفه عارفه انو صاحبك بس الي حكتهولي بيدل ان ذياد مش شخص كويس تتسند عليه 

مان: انا وذياد مش صحاب زي م انتي فاكره احنا بينا مصالح مشتركه فبنلخص الطريق تحت مسمى الصحاب تعرفي لولا ان موتي هيخسرو كتير مكنش اتردد لحظه وعرف سعيد مكاني 

اس: انت بتهزر انا فكرتكو صحاب اوي وفكرتك هتزعل عشان جبت سيرتو

مان: مش كل الي بنشوفو حقيقي ولا كل الي بنسمو صح الي بيني وبين ذياد مصالح زي مقولتلك انا بلعب عشان الفلوس وهو بيراهن عليا عشان برضو الفلوس ولاني مصارع كويس في نظرو ف لازم اكون عايش عشان يعرف ياخد فلوس على طول 

اس: انا مش عارفه اقول بجد 

مان: متقوليش حاجه المهم اني حكيت ولاول مره احس نفسي مرتاح شكرا

اس: مفيش شكر بنا احنا صحاب... يلا دورك 

مان: نفس السؤال اي الي وداكي مكان زي ده 

اس بصت في الارض ودموعها مهدده بالنزول 

مان: لو مش حابه بلاش 

اس غمضت عنيها واخدت نفس طويل: تعمل اي لو شوفت امك بتتقتل قدام عينك وانت عايش كل ده مع الي قتلها 

مان: كنت شربت من دمو 

اس: ده انت بس انا اضعف من اني اعمل كده 

مان: سامعك 

اس ابتسمت بمرار: زمان كانت ماما بتحب شاب وهو بيحبها كانت قصه حبهم اسطوريه قابلو كتير في حياتهم وعدوه سوا شافو المر بس حبهم بيقوى لغايه مجه يوم والشاب اتقدملها باباها رفض لانو كان لسه بيبتدي حياتو وهو عايز واحد غني عشان يدفعلو الضرايب الي عليه بليل وفي نفس اليون لقت باباها جاي وبيقولها جهزي نفسك كتب كتابك على ابن عمك دلوقتي وخرج من غير ميسمع ردها انهارت وكلمت حبيبها وهي بتعيط ومش عارفه تاخد نفسها وحكتلو الي حصل هو من الصدمه مردش واغمى عليه حاولت توصلو كتير معرفتش كانت هتروحلو بس باباها منعها وجه الليل وهي كانت قاعده جسد من غير روح وكل تفكيرها في حبيبها اتنفضت بمجرد م سمعت صوت المأذون وظهر قدامها شريط حياتها وهي معاه فوقفت وهي بتعيط وزقت ابن عمها وجريت على برا وكل الي شاغل تفكيرها انها توصلو وبس فضلت تجري وسط الشجر عشان تتوه الي بيجرو وراها ونجحت في ده وبعد وقت طويل راحت لبيت حبيبها اختو الي فتحت قالتلها بلهفه ودموع هو فين قالتلها جوا دخلت جري على اوضتو كان ظاهر عليه التعب وحابس دموعو بالعافيه جريت عليه وحضنتو ومسكت فيه جامد مكنش مصدق انها قدامو وبعد كلام كتير بنهم اتفقو انهم يهربو وده الي حصل واتجوزو وسافرو عدت سنتين ورغم ظروفهم الي كانت وحشه بس كانو مبسوطين انهم مع بعض بس للاسف ابن عمها عرف مكانهم واستغل ان جوزها في الشغل ودخل البيت وخطفها وكلم جوزها وقالو يروحو على مكان لو عايز يشوفها تاني وراحلو وحصلت خناقه كبيره بنهم ولان ابن عمها جسمو ضعيف مقدرش عليه واغمى عليه وجوزها جري عليها وفكها وهو بيتأسفلها بس سمعو صوت رصاص ووقع جثه هي من كتر الصراخ اغمى عليها ولما فاقت كانت في بيت باباها واجبرها تتجوز ابن عمها حتى من غير ميستنى العده تخلص وحصل عدت الايام وهي عايشه في عذاب وبتتمنى الموت كل يوم لغايه مقررت انها تنتحر بس على اخر لحظه عرفت انها حامل وعرفت انها حامل من حبيبها لانها مخلتش ابن عمها يقربلها هو لما عرف قعد يضرب فيها وكانت هتسقط لولا الجيران لحقوها واراده ربنا ان الطفل ميموتش وانو ماسك في الحياه. غمضت عنيها ودموعها نزلت: لو كان يعرف انو هيعيش في العذاب ده كان زمانو استسلم ومات قبل ميجي الدنيا ولدت بنت وكانت طايره من الفرحه ان في حته من حبيبها معاها وقررت انها تكمل عشان الطفله عدت السنين والطفله بتكبر ونفسيتها بتدمر كل يوم عن الي قبلو من كتر خناقهم والضرب وشكل ابوها زي مهي كانت فاكره لانها مكنتش تعرف اي حاجه ولما الطفله تمت ٥ سنين شافت ابشع منظر ممكن تشوفو لقت امها غرقانه في دمها وابوها ماسك سكينه وبيطعن فيها بكل غل وكره. سكتت ومقدرتش تكمل بسبب صوتها الي اتخنق من العياط حاولت تخرجو طبيعي: بعد موت الام قرر انو يربي البنت عشان محدش يشك فيه ولا حد يعرف انها كانت حامل من حد غيرو البنت كبرت وهي عمرها منسيت المنظر ده وكل الي شاغلها لي وازاي لي عمل كده وازاي جالو قلب يقتلها ويزور  ورق وادله انها انتحرت البنت كانت عارفه الحقيقه بس خافت لانها مكنش عندها استعداد تخسر باباها بعد خساره مامتها ولغايه متمت ١٧ سنه كانت في اوضه مامتها بتحضن في هدومها وهي بتعيط سمعت صوت باباها فخافت وحطت الهدوم بسرعه في الدولاب بس لقت كتاب قديم استغربت ففتحتو ويارتها معملت كده عرفت كل حاجه حصلت عرفت انها مش بنتو عرفت ظلم باباها ليها عرفت العذاب الي كانت عايشه فيه  كانت عايزه تواجهو بس خافت واحد زيو قتل اهلها بكل دم بارد ازاي واحده لسه متمتش العشرين هتقف في وشو اتجبرت انها تسكت وكل فتره كانت تدخل اوضه مامتها عشان لو لقت دليل تخبيه لانها كانت حاسه ان هيجي يوم وهتقوى وهتقدر ترجع حق اهلها ومره من المرات وهي بتدور في حاجات مامتها القديمه لقت مضرب وعليه رساله لما قرتها عيطت لان مامتها كانت عارفه ان هي بتحب البيسبول ولان باباها مكنش موافق انها تحترف فيها مقدرتش تحقق حلمها بس مامتها جهزت المضرب هديه ليها في عيد ميلادها والي بيوافق بظبط يوم وفاه امها البنت حافظت على المضرب طول حياتها لانها اخر حاجه من مامتها بس عشان تهورها ضيعتو وعايشه دلوقتي بتندم وبتعيط كل ليله عليه لانها غبيه. صرخت وهي بتخبط على الارض: غبيه وضيعت اخر ذكرى من مامتها. صراخها اتحول لشهقات وعياط 

مان قعد قصادها وحضنها وهو بيربط على ضهرها وبيهديها وهو بيحاول يتماسك وميخليش دموعو تخونو عدت نص ساعه وهم على نفس الحاله بس افتكر حاجه فقال: دقيقه وجاي. خرج جري وبعد دقايق جه ومعاه المضرب اس مسكتو بلهفه: اي ده لقيتو فين 

مان: نستيه لما كنا في المستشفى ف خليتو معايا لغايه مقابلك وادهولك بس نسيت 

اس من فرحتها اترمت في حضنو: شكرا شكرا شكرا شكرا 

مان كان مصدوم من فعلتها وفضل متجمد مكانو 

اس فاقت لنفسها وبعدت وقالت بتوتر: اا ا انا اسفه اوي انا ب بس 

مان رجع خصله من شعرها ورا ودانها و قرب منها ببطئ وقبلها. اس فتحت عنيها على اخرها من الصدمه بس كل متحاول تبعد كان بيقربها منو اكتر 

مان بعد عنها وسند جبينو على جبنها: بحبك 

اس وهي تحت تأثير الصدمه: ا اي انا و انت  

مان بحنان: بحبك ي اس 

اس وشها احمر وزقتو وجريت على الاوضه وقفلت على نفسها وهي بتاخد نفسها مشت اديها على شفايفها وابتسمت بخجل

مان خبط: طب مش هتردي طيب...... كمل بحزن: انتي زعلتي طب انا اسف بس. سكت لما لقى الباب اتفتح واس بتقبلو بعنف 

مان سرعان م استوعب وحاوطهو بقوه ورفعها عن الارض 

: اي ده 

مان بعد عنها واس نزلت وجريت على الاوضه باحراج 

مان وهو بيبص على مكانها وقال في سرو: هتجنني بنت الايه. اخد بالو من الي واقف وبيبصلو بغيظ 

زياد بغيظ: اي الي انا شوفتو ده 

مان حط ايدو على شعرو وابتسم: شكلك هتسمع اخبار حلوه قريب 

زياد بعصبيه: انت اتجننت انت عايز تتجوزها 

مان: وفيها اي انا بحبها وهي بتحبني فين المانع بقى

زياد: فيها كتير انت نسيت انت عرفتها ازاي وفين دي واحده 

قاطعو مان بتحذير: لما تتكلم عليها تتكلم بادب عشان مزعلكش مني 

زياد: انت بتزعقلي عشانهابتزعق لصاحب عمرك عشان واحده لسه متعرف عليها مكملتوش شهر 

مان: انت بتضحك عليا ولا على نفسك علاقتنا مش علاقه صحاب علاقتنا معتمده على الفلوس مان يصارع وزياد ياخد ويدي يعني تجاره من الاخر وانا زهقت ومش هكمل في التجاره دي

زياد: قصدك اي 

مان: قصدي اني مش هروح المكان ده تاني 

زياد بسخريه: ويترا بقى الانسه اس ليها يد في الموضوع هي مش انسه برضو ولا انت قومت بالواجب

مان قرب منو وهو حالف ليقتلو بس وقفو صوتها 

اس بهدوء: استنى ي مان. بصت ل زياد: اول حاجه مان كبير بما في الكفايه انو ياخد قرارو وحتى لو ليا يد في قرارو ف هو هيعرف يفرق بين الصح والغلط مش هيمشي ورايا عمياني تاني حاجه. ضربتو بالقلم: مش هسمحلك تجيب سيرتي بالباطل ومش هتعب نفسي ف اني ابررلك الي انت شوفتو وببساطه هرد وهقول. وهي بتشاور على الباب: اطلع برا 

زياد بص ل مان الي كان بيبصلو ببرود: سمعت قالت اي برا

زياد بصلهم بغل: اقسم بالله مههنيكو ببعض. بص ل اس: وهاخدها منك وهحسرك عليها العُمر كلو خليك فاكر كلامي كويس ي مان. ومشي مان جز على سنانو ولسه هيروح وراه يضربو بس اس وقفتو: لو روحت وراه ف انت كده عملت الي هو عايزو بلاش تبقى ضعيف قدامو 

مان بعصبيه: عيزاني اسيبو وهو بيقول. سكت وهو على اخرو: يوووه 

اس ضحكت 

مان بعصبيه: انتي بتضحكي

ااس حاوطت رقبتو بإبتسامة: شكلك حلو وانت غيران 

مان عمل نفسو بيفكر ورفع ايدو وحاوط خصرها وقربها منو جامد وهمس قدام شفايفها: كنا بنقول اي بقى 

اس بعدت عنو وهي بتضحك: كنت بقول تصبح على خير. وسابتو وجريت على الاوضه وقفلت الباب بالمفتاح 

مان: احنا فينا من الكلام ده 

اس: خش نام ي مان 

مان: اهربي اهربي مسيرك تقعي تحت ايدي 

بعد اسبوع 

مان بفرحه: اس اس 

اس خرجت باستغراب: في اي مالك

مان حضنها ولف بيها: عندي ليكي خبرين احلى من بعض 

اس! قول طيب واهدى عشان دوخت 

مان: في مدرب شاف لعبي وعجبو وهمضي معاه وبعد كده هصارع بورق قانوني 

اس بفرحه: بجد مبروك ي مان شوفت بقى قولتلك انك لما تمشي صح كل حاجه هتتعدل 

مان باسها بفرحه:انتي اصلا وش السعد عليا بحبك ي بت 

اس بضحك: وانا كمان بحبك اوي يلا قولي الخبر التاني 

مان: سعيد اتقبض عليه ونقدر اخيرا نتجوز. اختفت الابتسامه من على وشها: ن نتجوز

يتبع 

#اب_طفلي_مصارع 

استنو الجزء التاني والاخير بعد قليل 

البارت الأخير من هنا