 |
البارت الاول من الجزء التاني..
بمجرد ان الشرطه القت القبض علي حسام مليكه ووالدها قدروا يكسروا باب الاوضه وخرجوا بس حسام بصلهم وقالهم بطريقه مرعبه :
حسام : اوعوا تفتكروا انكم كده اتخلصتوا مني انا هرجع تاني وهاخد حقي .
بعد اما حسام اتكلم في ظابط قعد يزعق لباقي الظباط اللي ماسكين حسام وقالهم خدوه وركبوا البوكس بسرعه وحسام طالع علي البوكس فضل يبص لمليكه بصات غريبه.
مليكه و والدها رجعوا البيت مليكه اكتشفت ان والدها غني جدا .
والد مليكه: بصي يامليكه ياحببتي دي اوضتك وانتي صغيره انا عارف انها مش احسن حاجه ليكي دلوقتي
بس اقعدي فيها شويه لحد اما اجيب مهندسه ديكور تعملك الديكور اللي تحبيه.
مليكه:لاء شكرا يابابا متعملش فيها حاجه دي جميله جدا انا مش محتاجه اي حاجه تاني ؛ بس ممكن اسالك سوال غريب ؟
والد مليكه :اسالي حبيبتي كل اللي انتي عايزاه .
مليكه: هو حضرتك اسمك ايه ؟ لاني مش فاكره اي حاجه عن حياتي وانا صغيره .
والد مليكه بضحك😂:صحيح نسيت اقولك انا اسمي محسن .
مليكه بضحك😂: مكنتش متخيله ان اسمك كده .
محسن: امال كنتي فاكره اسمي ايه؟🤔
مليكه:مش عارفه كنت فاكره اسم كده خفيف وجديد 😂😂 زي (زياد او احمد او يوسف ) اسم كده فاهمني !
محسن:اه فهمتك انتي كنتي عايزه اسمك مليكه واسم بباكي روش 😂عايزه تبقي روشه يامليكه😂😂
مليكه بضحك 😂:عليك نور .
مليكه ومحسن قعدوا يضحكوا وبعد كده مليكه دخلت اوضتها اللي طبعا مكنتش فاكره منها اي حاجه خالص بس الغريبه انها كانت حباها جدا بكل حاجه فيها .
داخل حجره مليكه:
مليكه: ياه انا مكنتش متخيله ان ممكن الاقي بابا بجد دي حاجه حلوه اوي انا اخيرا عرفت ايه شعور وجود اب في حياتي وكمان الاوضه بتاعتي حلوه اوي مكنتش متخيله ان هيكون عندي اوضه حلوه كده ايه ده ايه كل العرايس والدباديب دي ايه ده ده كمان في دولاب كبير 🤔افتحوا ولا ممكن يكون في حاجه تخص بابا
وبعد تفكير كتير .
مليكه: انا هفتح الدولاب ما انا لازم اشوف جوا الدولاب ايه 🙋
مليكه فتحت الدولاب لقت جواه هدوم كتير اوي و بجد الهدوم عجبتها جدا بس كلها هدوم بيبي مليكه بدأت تتفرج علي اللبس يمكن تفتكر حاجه .
مليكه : ايه كل الفساتين البينك دي انا اصلا مش بحب اللون ده 🙃 عادي ممكن اكون كنت بحبوا و انا طفله و لما كبرت مبقتش بحبوا عادي .
مليكه حست بملل رهيب و مش عارفه تعمل ايه قررت تخرج بره الاوضه و تستكشف القصر بتاع بباها و كمان تدور علي امها لانها كانت مستغربه ان امها مخرجتش تسلم عليها مع انها شافت سيده جميله جدا و هو ابوها داخل الاوضه خرجت و قالتلوا كلو تمام ابو مليكه قلها اه يا حببتي و دخل ؛ مليكه من كتر التطفل مقدرتش تمسك نفسها و راحت علي الاوضه اللي ابوها فيها .
مليكه خبطت علي الباب .
مليكه : بابا يا بابا ممكن تخرج .
مره واحده الباب اتفتح و في ست شكلها جميل جدا خرجت لمليكه .
الست الجميله : عايزه ايه بقي دلوقتي مكفكيش اليوم كلوا معاه .
مليكه : هو مش حضرتك ماما .
الست الجميله بأستهزاء : مامت مين مامتك انتِ .
مليكه : اومال انتِ مين .
الست الجميله : مرات ابوكي .
مليكه بحزن : انا اسفه يا طنط بس ممكن اشوف بابا .
الست الجميله : علي فكره ليا اسم اسمي جميله .
مليكه بحزن : حضرتك اسم علي مسمي .
جميله : متضحكيش عليا بالكلام زي امك .
مليكه : و حضرتك عارفه ماما منين .
جميله : ازاي يعني مش هعرفها .
محسن : ايه الدوشه دي يا جميله في حاجه .
جميله راحت حضنت مليكه .
جميله : لاء يا حبيبي مفيش دن انا بس كنت بطمن علي مليكه حببتي دي برضوا بنتك الوحيده .
مليكه بصت لجميله بأستغراب 🤔 .
محسن : مالك يا مليكه يا حببتي .
مليكه : مفيش يا بابا انا بس معرفتش انام فكنت عايزه اتكلم معاك بس ...
محسن قاطع كلام مليكه .
محسن : بس ايه يا حببتي انتِ تؤمري تعالي نقعد سوي .
جميله بصت لمحسن جامد .😒
محسن : معلشي نامي انتِ يا حببتي و شويه و انا جاي .
جميله : ماشي ؛ اما نشوف القرف ده .
محسن : بتقولي حاجه !!
جمليه : لاء طبعا هقول ايه ؛ انا هقفل بوقي خالص 🤐 .
مليكه : مش مشكله انهارده خلاص يا بابا نام انتَ انا كمان ممكن انام خلاص .
محسن : بس ....
لسه مخلصش كلامه مليكه حضنتوا و جرت علي اوضتها .
مليكه دخلت اوضتها و رمت نفسها علي السرير و لسه هتفكر راحت في النوم بسرعه .
تاني يوم الصبح ...
مليكه لسه بتفتح عنيها اتفجأت ب.........
البارت الثاني من الجزء الثاني
مليكه لسه بتفتح عينيها اتفجأت بشخص غريب باصصلها مليكه صوتت .
مليكه : أنتِ مين ؟
الغريبه : انتِ اللي مين و ايه اللي دخلك هنا ؟
مليكه : انا مليكه بنت عمو محسن .
الغريبه : ايه ده أنتِ بنتوا اللي كانت ضائعه اللي كان قارفنا عليها .
مليكه : ايه الاسلوب ده ؛ انتِ مين بقي ؟
الغريبه : انا بقي بنت جميله مرات ابوكي .
مليكه : يعني اختي ؛ و أنتِ اسمك ايه ؟
الغريبه بضحكه مستفزه : أنتِ مالك عبيطه كده ليه ؛ ملكيش دعوه باسمي .
مره واحده حد دخل عليهم قاطعهم .
محسن : صباح الخير يا اميرتي .
مليكه : صباح الخير يا بابا انتَ نمت كويس ؟
محسن : اه يا حببتي ؛ اتعرفتي علي أختك .
مليكه لسه مردتش و مره واحده اختها دخلت .
الاخت : اه طبعا يا بابا ده احنا لسه كنا بنتعرف علي اسماء بعض و انا لسه قايللها اني اسمي مروه صح يا مليكه .
مليكه بصت لمروه و لسه هتتكلم لقت مروه بصلها بصه غريبه .
مليكه : اه يا بابا انا و هي بقينا صحاب .
مروه : شوفت متخفش .
محسن : الحمدلله يلا يا حببتي علشان نفطر و انا هروح الشغل و أنتِ و جميله و مروه هتروحوا تعملوا شوبنج .
مليكه بفرحه : شكرا يا بابا .
نزلوا كلهم و قعدوا يفطروا و كانوا فرحانين جدا و مليكه حست انها اسعد واحده علي كوكب الارض بس للاسف السعاده دي مكملتش ؛ بعد الفطار مليكه راحت هي و جميله و مروه يعملوا شوبنج بس اللي هما اتفجاوا بيه أن مليكه كانت عماله تنقلهم هما لبس .
اول اما نزلوا الشارع :
جميله : بوصي بقي يا بنت الناس متقرفناش و تقعدي تطلبي احنا هنشتري اي حاجه و خلاص .
مليكه : مش مشكله يا طنط .
مروه و جميله قعدوا يضحكوا .
مليكه : هو في حاجه غلط .
جميله : ايه طنط دي اسمي جميله متحرجناش .
مليكه : حاضر .
و هما بدأوا يمشوا داخلين علي المول مره واحده في اولاد بدأوا يعاكسوا جميله و مره واحده بدأوا يشدوا جميله يدخلوها عربيه ؛ مليكه سابت كل حاجه في ايديها بدأت تصوت و تقول سيبوا ماما بقلكوا سيبوها و بعدت مروه و قالتها اجري بسرعه اتصلي بالشرطه ؛ و مليكه بدأت تبعد الرجاله وتضربهم بي اي حاجه في ايديها اول اما الولاد لقوا كده و لقوا ظباط جيين جريوا .
جميله : بدأت عماله تشكر في مليكه .
مليكه : مفيش حاجه
داخل المحل الاول :
مليكه : ايه رايك يا مروه اما نلبس زي بعض هيكون حلو اوي صح .
مروه بتوتر : م..مش..مش عارفه الصراحه .
جميله : ماشي ممكن نخدهم سوا .
مليكه : شكرا شكرا .
جميله : خلاص بقي لولا أن لو احنا مجبنلكيش ابوكي هيتخانق معانا علشان كده هنجبلك بس .
مليكه : مش مشكله شكرا .
داخل المحل الثاني :
مليكه : ايه رايك في ده يا جميله في ده .
جميله : ايه ده حلو اوي .
مليكه : ممكن نشتريه .
جميله : بس ..
مليكه قطعت جميله .
مليكه : عموا احنا هناخد ده .
بعد اما خلصوا مليكه و جميله و مروه حسوا أنهم بجد عيله و فرحوا اوي و لما روحوا قعدوا يعملوا اكل سوا و اول اما محسن جه اتفاجئ بيهم .
محسن : ايه ده انتوا اخدتوا علي بعض بسرعه كده .
مليكه : اه يا بابا جميله و مروه جمال اوي .
محسن : الحمدلله ؛ متفرجوني انتوا عملتوا ايه و جبتوا ايه .
جميله : يلا نروح نفاجأ بابا .
لما محسن شاف الحاجه فرح جدا أنهم جابوا لمليكه و لمروه زي بعض و جميله مسكت الفستان اللي مليكه اشترتهولها .
جميله : بص يا محسن ايه رايك .
محسن : ده جميل اوي تنقيه مين ده ؟
جميله : فكر كده .
محسن : يلا بقي .
جميله : تنقيه مليكه .
محسن : بجد انتِ زوقك حلو اوي يا حببتي .
مليكه : شكرا يا بابا ايه رايك في كل اللي احنا جبناه ده .
محسن : أنتِ اكيد مش هتجيبي حاجه وحشه .
مليكه : شكرا ❤️ .
قعدوا يدردشوا و أكلوا و لعبوا و لسه هيدخلوا يناموا مليكه : بابا ممكن تستناني شويه .
محسن : حاضر يا حببتي ؛ عايزه ايه ؟
مليكه : عايزه اتكلم معاك .
محسن : اتفضلي يا حببتي .
مليكه : هي ماما فين .
محسن : لما أنتِ اتخطفتي مامتك تعبت اوي و توفت .
مليكه قعدت تعيط : بجد 😭 .
محسن : معلشي يا حببتي ؛ ده القدر .
مليكه : اه الحمدلله علي كل شىء .
مليكه دخلت نامت و هي عماله تعيط بجد حست انها في حاجه كبيره اوي بعدت عنها مليكه نامت و تاني يوم صحيت لقت في احتفال في البيت ؛ مليكه نزلت من اوضتها و هي لبسه البيجامه و شعرها منكوش و متبهدله فجأه لقت مروه جت عليها .
مروه : يخربيتك انتِ رايحه فين .
مليكه : هو فيه ايه .
مروه : اتنيلي ادخلي البسي الفستان البينك اللي احنا جبناه امبارح و انا هجي اكويلك شعرك و احطلك ميكاب أو لاء أنتِ قمر مش محتاجه ميكاب .
مليكه ضحكت بصوت عالي : بجد أنتِ كلامك حلو اوي ؛ بس هي الحفله دي ليه .
مروه : علشان عندنا حد هيجي من بره .
مليكه : مين !!!
مروه : اخويا احمد واصحابوا اللي كانوا في امريكا .
مليكه : بجد انا عندي اخ كمان .
مروه : اكيد اخوكي .
مليكه : ياه انا كمان عندي اخ .
فعلا كلهم جهزوا البيت كلوا و طفوا النور قبل اما احمد يوصل .
اول اما احمد وصل :
احمد : ايه ده انتوا طفين النور ليه .
جميله ولعت النور : ايه رايك في المفاجاه دي .
احمد : روعه بس انا عايز المفاجأة الكبيره .
جميله : قصدك مين .
احمد : مليكه اللي بابا كان بيدور عليها الفتره اللي فاتت دي كلها .
جميله : اه انتَ جي علشان كده .
مليكه : انا اهو ؛ ازيك .
احمد اخدها بالحضن .
احمد : ازيك عامله ايه انا كنت عمال ادور عليكي وانا حتي مش عارف شكلك ؛ كنت عمال أتخيلك .
مليكه : بجد ؛ وانا بقي طلعت نفس التخيلات ولا ايه .
احمد : طبعا واجمل كمان .
مليكه : شكرا .
مره واحده الجرس رن اول اما فتحوا الباب مليكه انتفجأت آن واحد من اصحابوا هو ........
#فتاتي_الضائعه
البارت الثالث الجزء الثاني .
مره واحده الجرس رن اول اما فتحوا الباب مليكه اتفجأت ان واحد من اصحابوا هو محمد صاحب حسام مليكه اتفجأت و بدأت ترجع لورا اول اما مروه اخدت بالها .
مروه : فيه ايه يا مليكه .
مليكه لسه ملحقتش ترد لقت محمد بيبصلها بصه تخوف .
مليكه بتوتر : م..مفيش .
مروه : أنتِ متوتره كده ليه .
مليكه : لاء مفيش حاجه .
مروه : خلاص مش مشكله يلا نقدم الاكل .
مليكه لسه رايحه تقدم الاكل لقت احمد بينادي عليها .
احمد : أنتِ رايحه فين .
مليكه : هجيب الاكل معاهم .
احمد : أنتِ بتهزري صح أنتِ ملكة الحفله انهارده .
قعدوا يتكلموا و أكلوا و بعد كده بدأت الاغاني تشتغل ؛ و الاغاني شغاله مليكه لاحظت واحد قاعد لوحدوا ؛ مليكه راحت لعندوا .
مليكه : ازيك .
الولد : الحمدلله و انتِ .
مليكه : الحمدلله .
الولد : أنتِ بسم الله مشاء الله عليكي جميله اوي .
مليكه : شكرا ؛ ممكن أسألك سؤال .
الولد : اتفضلي .
مليكه : انتَ اسمك ايه و في سنه كام ؟
الولد : أنا اسمي ادم و عندي ١٦ سنه .
مليكه : انتَ قدي .
ادم : بجد ؛ ايه رايك نبقي صحاب .
مليكه : طبعا اهو رقمي بس انا مش بفهم اوي في التكنولوجيا فخد انتَ الرقم و حط رقمك .
ادم و مليكه اخدوا ارقام بعض و مشي علشان في حد نده عليه .
احمد راح عند مليكه مع محمد :
احمد : مليكه اعرفك ده محمد صحبي حبيبي ده صحبي من ايام اما سافرت امريكا .
مليكه اخدت احمد علي جنب .
مليكه : هو مجاش مصر خالص .
احمد : لاء ده مسافر معايا بقالوا خمس سنين .
احمد و مليكه رجعوا تاني لي محمد .
مليكه : ازي حضرتك .
محمد : الحمدلله و بعدين ايه حضرتك دي انا اكبر منك بحاجه بسيطه .
مليكه : اه فعلا انتَ قد احمد صح ؟
محمد : اه .
احمد بعد عنهم علشان في حد من أصحابه نداه محمد بدأ كلام :
محمد : أنتِ فاكره انك بعد اما حبستي حسام مفيش حد هيقدر عليكي .
مليكه : انتَ ازاي جيت هنا .
محمد : انا صاحب اخوكي و عمروا ما هيسبني .
مليكه : بس انا لو قلت لاحمد انوا يبعد عنك هيبعد .
محمد : خلاص روحي قوليلوا .
محمد راح بسرعه علي احمد و قالوا حاجه و قالوا معلشي انا ماشي ؛ احمد فضل يمسك فيه بس محمد مرضيش يقعد ؛ احمد مره واحده زعق
احمد : كلوا يمشي .
الناس اللي كانت في الحفله خافت فمشيت .
مليكه : مالك يا احمد ايه اللي حصل .
احمد : اعملي نفسك ملاك .
مليكه : و انا عملت ايه اصلا .
احمد : أنتِ خدعتينا كلنا .
مليكه : ليه انا عملت ايه !
احمد : اعملي نفسك عبيطه .
محسن دخل مابنهم بزعيق : فيه ايه يلا ايه اللي حصل .
احمد : اسال بنتك المحترمه .
محسن : فيه ايه يا مليكه يا حببتي .
احمد : انتَ لسه هدلعها .
مليكه : انا مش فاهمه في ايه يا بابا ابنك ده غريب اوي ؛ انتَ عارف مين صحبوا اللي اسموا محمد ده .
محسن : مين يا حبيتي .
مليكه : ده صاحب حسام .
احمد قاطع كلامهم : اه استعبطي استعبطي .
مليكه : فيه ايه !!
احمد : بنتك عايزه تهرب مع محمد من البيت علشان هو عجبها من النظره الأولي .
مليكه : ده كلوا كذب .
احمد : كذب ايه .
محسن : اسكت يلا انتَ هتصدق واحد غريب علي أختك .
احمد : اصلا دي مش اختي بجد و انتَ عارف كده كويس و كمان انتَ لسه جايبها من الشارع دي كانت عايشه مع رجال انتَ بجد فاكرها محترمه .
محسن : اسكت .
احمد : انا بقول الحقيقه .
محسن اخد كلام احمد بجد مش هو اللي مربيها ففعلا ممكن تكون عملت كده .
محسن زعق و قال : كلام احمد صح مش انا اللي مربيكي ممكن تكوني اتربيتي غلط علشان كده انا هربيكي من جديد .
محسن اخد الموبيل و الابتوب و كل حاجه من الاوضه بتاعت مليكه ؛ مليكه حست بانهيار حتي ابوها مش مصدقها .
مليكه دخلت اوضتها و بدأت تعيط بانهيار قعدت لوحدها في الاوضه لاكتر من ساعه ؛ مره واحده لقت شباك اوضتها ؛ مليكه راحت فتحت الشباك و اتفجأت بان محمد قدام الشباك .
مليكه : انتَ ايه اللي جابك هنا ؛ لو دخلت هصوت و الم عليك البيت .
محمد ضحك بأستهزاء : صوتي كده علشان العيله الكريمه يتأكدوا انك مش محترمه .
مليكه : وانتَ عايز ايه طب ؟؟
محمد : عايز اتكلم معاكي .
محمد دخل من الشباك و بدأ يتكلم مع مليكه .
محمد : حسام مش واحشك .
مليكه : اكيد لاء هيوحشني ليه .
محمد : ممكن لانك كنتي بداتي تحبيه .
مليكه : اكيد لاء .
محمد : متاكده .
مليكه : في حد مش هيكون متاكد من كده ؛ انا بكره حسام بجد بكرهوا .
محمد مسك مليكه من شعرها : طيب حسام جيلك قريب . تأليف الكاتبه الصغيره ملك نزيه
مليكه : انتَ بتقول ايه .
محمد : اسمعي مني هيخرج و هينتقم منك يا قمر .
مليكه خافت شويه بس قالتلوا : مش هيقدر يعملي حاجه .
محمد : و اللهِ انتِ متأكده يا قمر .
مليكه : اه مش هيقدر يقربلي .
محمد : اشمعني يعني .
مليكه : لاني ارتبط بشخص هيقدر يحميني .
محمد : مين ده !!
مليكه : و انتَ مالك .
محمد بص لمليكه و قلها : محدش هيقدر يحميكي من حسام علي فكره .
مليكه : اما نشوف .
محمد خرج من الشباك زي اما دخل ؛ مليكه فضلت تفكر في اللي هي هتعملوا و ممكن ترتبط بمين مخطرش في دماغها فكره غير أنها تكلم ادم .
مليكه : الو .
ادم : الو ؛ عامله ايه .
مليكه : الحمدلله و انتَ .
ادم : الحمدلله ؛ في حاجه غلط مشكله يعني !
مليكه : اه بصراحه ممكن اقابلك لاني مش هعرف احكيلك علي الموبيل .
ادم : تمام بس فين .
مليكه : في البيت .
ادم : ازاي يعني .
مليكه : انا بجد محتاجه اتكلم معاك ومينفعش أخرج من البيت .
ادم : خلاص مش مشكله .
ادم لسه هيقفل الخط ؛ مليكه قاطعتوا .
مليكه : ممكن اقولك حاجه كمان .
ادم : طبعا ؛ في ايه .
مليكه : مينفعش تدخل من الباب لازم من الشباك .
ادم : ايه . تأليف الكاتبه الصغيره ملك نزيه
مليكه : انا محبوسه و انا اخدت الموبيل ده سرقه من الصاله بابا خباه في حته انا شوفتها علشان كده اكيد مش هيدخلوك وبعدين انتَ شايف الساعه .
مليكه و ادم قفلوا الخط .
مليكه كانت متوتره جدا لانها خرجت الموبيل و حطتوا في نفس الحته اللي ابوها كان حطوا فيها .
بعد مرور نصف ساعه :
مره واحده الشباك خبط ؛ مليكه راحت فتحت الشباك
ازيك اتفضل بسرعه قبل اما حد يشوفك .
مليكه حكت لادم القصه كلها و فضل بس انها تقلوا هيمثلوا ازاي ؛ فجاه لقوا الباب بيتفتح و المفاجاه كانت ........
#فتاتي_الضائعه
#الجزء_الثاني
#الكاتبه_ملك_نزيه
البارت الرابع من الجزء الثاني
لو التفاعل كان كويس هنزل البارت الخامس في اقل من ٢٤ ساعه
فجاه لقوا الباب بيتفتح ؛ ادم معرفش يعمل ايه و اول اما الباب اتفتح ادم خرج من الشباك و وقف علي السور .
محسن : أنتِ عندك حد هنا .
مليكه : طبعا لاء .
محسن : انا سمعت صوت راجل .
مليكه : في ايه يا بابا انتَ من ساعت انا سمعت الكذب اللي عن محمد و انتَ بقيت غريب .
محسن : انا خايف عليكي .
مليكه : متخفش انتَ لازم تثق فيا .
محسن : اكيد لازم اثق فيكي اكيد بس انا بجد خايف عليكي فعلا . تأليف الكاتبه الصغيره ملك نزيه
مليكه : متخافش انتَ لسه منمتش ليه .
محسن : انا سمعت صوت حد فخفت .
مليكه : شوفت مفيش حد ادخل انتَ نام دلوقتي .
محسن : تصبحي علي خير يا حببتي .
مليكه : و انتَ من اهلوا .
محسن خرج من الاوضه مليكه دخلت ادم تاني .
مليكه : انا اسفه يا ادم بجد اسفه .
ادم : و لا يهمك ؛ طيب هنعمل ايه دلوقتي .
مليكه : ممكن اقولك فكره لو عجبتك تمام لو معجبتكش تمام بردوا .
ادم : قولي .
مليكه سمعت صوت تاني بيقرب ؛ مليكه زقت ادم بسرعه و قالتلوا روح دلوقتي ؛ ادم نزل بسرعه مره واحده الباب اتفتح تاني .
مروه : معلشي اني جيت متاخر كده بس كنت عايزه اطمن عليكي .
مليكه : لاء متخافيش انا تمام .
مروه : لو أنتِ متضايقه ممكن انام معاكي .
مليكه : تعالي ننام سوي انا بقالي زمن منمتش مع حد .
مروه : ايه رايك تحكيلي ايه اللي حصلك لما مكنتيش هنا .
مليكه : ماشي ؛ بوصي يا بنتي انا صحيت يوم مش فاكره اي حاجه ولا حتي مين اهلي و لا اي حاجه .
مروه : و ايه اللي حصل .
مليكه : لقيت حد بيقرب عليا فجاه و بعد كده مسك ايدي و قالي
فلاش باك :
الراجل : أنتِ قاعده هنا ليه .
مليكه : مين انتَ و أنا فين .
الراجل بزعيق : قومي فزي يا بت .
مليكه : حاضر بس ممكن براحه شويه .
الراجل بزعيق : اتنيلي و قومي بدل اما اضربك .
نرجع للحاضر :
مليكه :انا عشت في الرعب ده لفتره كبيره جدا لحد اما تميت ١٥ سنه عرفت انهم بيبيعوا الأطفال الاذكيه بيبيعوا اعض*ائهم و البنات يا اما يجوزوهم لرجاله كبار في السن لو هم جمال يا اما لو اذكيه هيبيعوا اعض*ائهم عادي ؛ وانا للاسف اختاروا أنهم هيجوزوني بس اتفقوا مع الراجل لما أتم ١٦ سنه تقريبا هما عندهم ان اللي عندهم ١٦ سنه دول كده كبار مثلا .
مروه : بتهزري صح .
مليكه : لاء هو ده اللي حصل .
مروه : اومال أنتِ هربتي ازي .
فلاش باك تاني :
مليكه دخلت الاوضه اللي هي بتنام فيها هي و اصحابها .
مليكه : ايه رايكوا نهرب .
اصحابها : بس ازاي .
مليكه : بليل ممكن نهرب و كلوا نايم .
نرجع تاني بقي :
مروه : و ايه اللي حصل .
مليكه : كل اصحابي اتقبض عليهم ماعدا انا افتكرت اني جامده و محدش يقدر عليا بس للاسف طلع حسام هو اللي مخطط كل ده .
مروه : و مين حسام .
مليكه حكت لمروه مين حسام و ناموا و هما بيحكوا .
.......................................
في بيت محمد :
محمد : انا عملت اللي انتَ قولت عليه .
حسام : بجد و ايه اللي حصل .
محمد : قالتلي أن في حد بيحميها بس انا مسكتش .
حسام : عملت ايه ياض يا سوسه .
محمد : نشرت صور ليها و هي قاعده مع واحد في الاوضه بتاعتها .
حسام بنرفزه : وريني الصور دي كده .
محمد : فيه ايه انتَ عمال تتعصب كده ليه .
حسام بزعيق : وريني الصور .
محمد : شكلك حبتها بجد .
حسام بصوت عالي اووي : بقولك وريني الصور .
محمد : اهي الصور ايه .
(الصور كانت عباره عن أن مليكه واقفه و ماسكه ادم و بتحاول تخبيه)
حسام بنرفزه : الصور دي بجد .
محمد : اه بجد بس هي معملتش حاجه هي كانت بتتكلم معاه بس ؛ بس هنشوف الناس هتقول ايه .
حسام : انا عايز الواد ده .
محمد : بلاش تدخل في مشاكل دلوقتي .
حسام بزعيق : بقولك عايزوا .
محمد : اول اما هصحي هكلمهولك .
حسام : انا عايزوا حالا .
محمد خرج فعلا و جاب ادم و هو رابط أيده و عينه .
حسام : ازيك يا حبيبي .
ادم : انتَ مين و بعدين ايه اللي علي عيني ده .
حسام : يلا يا محمد شيلوا البتاعه اللي علي عينوا دي .
محمد شال الرباط .
ادم : انتَ مين .
حسام : انا حسام .
ادم : حسام مين و انتَ عايز مني ايه .
حسام : ايه مليكه محكتلكش عني .
ادم : هو انتَ الك*لب ده ؛ و خرجت ازاي من القسم .
حسام بنرفزه ض*رب ادم بالقلم .
حسام : انا مش بحب الاستعباط ده ؛ اقولك هربت ازاي ؛ هقولك هربت زي اي مواطن غني اتحبس .
ادم ضحك بأستهزاء : لو انتَ راجل كنت فكتني .
حسام : اسكت يلا .
ادم : طب انتَ عايز ايه ؛ ما اكيد انتَ جايبني علشان حاجه انتَ محتاجها .
حسام : ابعد عن مليكه .
ادم : و ابعد ليه .
حسام : علشان مليكه بتاعتي و أنا مش هخلي حد ياخدها مني .
ادم ضحك بأستهزاء : ياه لما تبقي راجل مهزق .
حسام ضربوا بالقلم تاني .
حسام بنرفزه : محمد تعالي خد الواد ده و روحوا علي نقاله .
محمد : امرك .
ادم و هو خارج عمال يضحك جامد .
.......................................
تاني يوم الصبح :
مليكه : أصحي يا مروه اصحي يا مروه .
مروه : في ايه .
مليكه : هاتي تليفونك .
مروه : في ايه انتِ مصحياني بدري كده ليه .
مليكه : عايزه اتصل بحد .
مروه : خدي .
( مروه طلعت الموبيل من جيبها )
مليكه حاولت تتصل برقم .
مروه : عايزه تتصلي بمين .
مليكه : بادم .
مروه : مين ادم ده .
مليكه : ده واحد انا اتعرفت عليه في الحفله .
مروه : طب هو حلو .
مليكه : اه حلو جدا و امور و جنتل مان في نفسه كده .
مروه : معرفتنيش عليه ليه .
مليكه : شوفت محمد ؛ مانتِ عارفه .
مروه : ياه انا عايزه اشوفوا أنتِ حافظه الرقم .
مليكه : لاء كتباه في ورقه هي الورقه فين .
مليكه قعدت تدور علي الورقه اول اما لقتها .
مليكه : الرقم اهو .
مروه : تعالي نشوف صوره الواتس بتاعتوا .
مليكه : شوفي اللي أنتِ عايزاه .
مروه : ايه ده بجد أمور .
مليكه : شوفتي انا ما بيعجبنيش اي حد وحش اصلا .
مليكه و مروه قعدوا يتكلموا ؛ و بعد كده مليكه افتكرت أنها كانت عايزه تتطمن عليه .
مليكه : هاتي الموبيل اكلموا .
مروه : افتحي مكبر الصوت علشان اسمع .
مليكه : حاضر .
مروه : يلا بسرعه .
مليكه بدأت ترن فجأه الموبيل رد عليه حد صوتوا مألوف بالنسبه لمليكه .
مليكه : الو .
حسام : الو فكراني .
مليكه : انتَ معاك الموبيل بتاع ادم ليه .
حسام : مهو ادم مشرفني .
مليكه بتوتر : هو عندك ليه .
حسام : اصلوا كان بيحاول يسرق مني حاجه بتاعتي .
مليكه : ايه ايه الحاجه اللي بتاعتك .
حسام : ملكيش دعوه أنتِ .
مليكه : انا عايزه اكلموا .
حسام : هو انتِ فاكره انك هتقدري تكلميه .
مليكه : هو انتَ ليه بقيت كده انتَ كنت كويس اوي ايه اللي حصلك .
حسام : حبيت شخص مكنتش لازم أحبوا .
مليكه : انتَ بتقول ايه .
حسام قفل في وش مليكه الخط لانوا حس انوا بجد حبها .
مره واحده مليكه سمعت حد عمال يتخانق بصوت عالي ؛ مليكه و مروه خرجوا من الاوضه .
مليكه : في ايه يا بابا .
محسن : اخرسي أنتِ هتتجوزيه .
مليكه : هتجوز مين .
استوب استنوا البارت الجاي .
#فتاتي_الضائعه
#الجزء_الثاني
#الكاتبه_ملك_نزيه
البارت الخامس من الجزء الثاني
مليكه : هتجوز مين .
محسن : هتتجوزي احمد .
مليكه : ازي ده اخويا .
محسن : لاء مش اخوكي ده ابن جميله .
مليكه : انتَ بتهزر صح .
محسن بنرفزه : انا قرفت منك يا بت لازم نعمل كده علشان انتِ مش محترمه .
مليكه : انا مالي .
محسن بنرفزه : اعملي نفسك عبيطه .
مليكه : انا مش فاهمه حاجه .
اللي قاطعهم نزول احمد الحق يا حاج محسن .
محسن : في ايه انتَ كمان عندك مصيبه !!
احمد : بنتك طلع مش محترمه فعلا دهانتَ كنت هتخليني ادخل اعتزر لها دلوقتي .
مليكه : حد يفهمني في ايه .
احمد وري لمليكه الصور .
مليكه بصدمه : ين*هار ابي*ض .
احمد : مش قولتلك أن الحقيقه هتتكشف .
مليكه : هي الصور دي فين .
احمد : دي يا هانم نازله علي كل مواقع التواصل الإجتماعي .
محسن ض*رب مليكه بالقلم يخربيتك فضح*تينا .
مليكه بدموع : انا بجد معملتش حاجه .
احمد : انتوا كبنات عندكوا دموع حرفيا دموع تماسيح .
مروه : ايه يا جماعه انا مش فاهمه حاجه .
احمد : اللي انتِ كنتي بتدافعي عنها امبارح قابلت واحد في اوضتها امبارح .
مروه : ده محصلش انا كنت في الاوضه معاها طول الليل .
محسن : ما أنتِ دخلتي بعد اما قابلتوا .
مروه بصت لمليكه : الكلام ده صح .
مليكه بدموع : واللهِ مكنش قصدي .
محسن : انا خلاص قررت أنتِ هتتجوزي احمد بكره .
احمد : و انا مالي .
محسن : انتَ الوحيد اللي هينفع تعمل كده .
احمد : بجد انتَ بتهزر صح .
محسن : انا خلاص خلصت كلامي .
مروه اخدت مليكه علي الاوضه :
مروه : ايه الكلام ده .
مليكه : و اللهِ انا معملتش حاجه غلط .
مروه : ازاي يعني .
مليكه : انا بس كلمتوا .
مروه : طب مكلمتهوش علي الموبيل ليه .
مليكه : خوفا من بابا ؛ انا عملت كده لاني كنت خايفه من حسام .
مروه : طب محكتيش لحد مننا ليه ؟
مليكه : ما انا حكتلكوا .
مروه : أنتِ بتهزري صح ده مش دافع .
مليكه : طب كنت اعمل ايه ؛ انا افتكرتوا عادي لان محمد دخل من شباكي قبل ادم .
مروه : ين*هار ابي*ض .
مليكه : طب كنت اعمل ايه .
مروه : روحي بسرعه احكي لبابا الموضوع لانك كده هتتجوزي غصبن عنك .
مليكه : طب شويه لاني خايفه دلوقتي .
في غرفه احمد :
احمد : الو يا ابني .
محمد بيتاوب : الو في ايه انتَ بتتصل الصبح اوي كده ليه .
احمد : في مصيبه .
محمد : في ايه يلا .
احمد : ابويا هيجوزني .
محمد : هيجوزك مين .
احمد : مليكه .
محمد : انتَ بتهزر صح .
احمد : لاء اكيد ههزر كمان في حاجه زي كده ليه .
محمد : طب اقفل و انا هجيلك .
...............................
عند محمد :
محمد بيبدل لبسوا بسرعه حسام دخل :
حسام : في ايه .
محمد : مليكه هتتجوز .
حسام : هتتجوز مين .
محمد : هتتجوز احمد .
حسام : مش ده اخوها .
محمد : لاء مش اخوها ده ابن مرات ابوها .
حسام : ايه ده انا لازم اتدخل .
محمد : استنا انتَ بس انا رايح و هكلمك .
حسام : اه انا عايز اسمع كل حاجه .
محمد : تمام بس اوعي تدخل انا عارف انا هعمل ايه .
حسام : حاضر .
.............................
في البيت بتاع محسن :
مليكه : بابا انا عايزه احكيلك علي حاجه .
محسن : عايزه ايه .
مليكه : عايزه اتكلم معاك اقعد بس كده .
مليكه حكت لمحسن كل حاجه و أن محمد بيهددها .
محسن : اكذبي اكذبي علشان تخرجي من الموضوع .
مليكه : و اللهِ ده اللي حصل .
محسن : اسكتي خالص .
مليكه هربت من الصاله على اوضتها .
في اوضه مليكه :
مليكه : مروه انا زهقت ايه ده هما مش مصدقني ليه .
مروه : علشان هما خيفين عليكي .
مليكه : انا مش عايزه اتجوز احمد و مش عاوزه احطوا في مشكله زي دي هوا مالوا .
مروه : هتعملي ايه .
مليكه : انا ههرب .
مروه : ازاي بقي .
مليكه : زي اما هربت من الدار لحد اما يعرفوا اني مظلومه .
مروه : بس دي فكره وحشه .
مليكه : ملكيش دعوه انتِ ؛ اخرجي علشان اخطط هعمل ايه .
في غرفه احمد :
محمد : ايه اللي انتَ قولتلي عليه في الموبيل ده .
احمد : في واحد مريض صورها في الاوضه و نشر الصوره .
محمد : أنتَ هتعمل ايه .
احمد : مش عارف .
محمد : سبلهم البيت و امشي .
احمد : امي ممكن تروح فيها .
محمد : هتعمل ايه .
احمد : هتجوزها .
محمد : طب هتتجوزها ليه .
احمد : علشان اخد ميراث ابويا كلوا ليه و كده كده هخليها زي خدامه عندي انا اصلا محتاج حد ينضفلي البيت اللي انا لسه و اخدوا .
محمد جالوا مكالمه .
حسام : لازم تبوظ الجوازه دي .
محمد : ازاي .
حسام : مش انتَ ضيعت نص فلوسي عليك في أمريكا علشان تقرب منوا .
محمد : انتَ بردوا كنت ابن لزينه عرفت أن احنا هنحتاجوا .
احمد قاطع الكلام :
احمد : ايه رايك يا محمد في الموضوع ده .
محمد بتوتر : ا.... اه الموضوع حلو .
محمد مشي من البيت .
محمد خرج الصاله و فضل يدور علي محسن بس محسن كان خرج .
بليل في غرفه مليكه .
مليكه لمت كل حاجتها و خرجت من الشباك و نطت علي الجنينه و خرجت من القصر و بدأت تجري في الشوارع .
في صاله البيت بتاع محسن :
احمد : يا محسن الحق كلام مليكه كلوا كان صح .
محسن : و انتَ عرفت منين بقي .
احمد : انا اتصلت بصحبي محمد علشان الموضوع اللي انتَ عملتوا ده .
محسن : و ايه اللي بقي .
احمد : انا سجلت الكلام كلوا الحم*ار نسي يقفل مكبر الصوت .
احمد سمع محسن الكلام .
محسن : احنا غلطنا في حق مليكه .
احمد : طب هنعمل ايه .
محسن : انا هدخلها .
احمد : طب يلا علطول .
محسن دخل اوضه مليكه :
محسن : ايه ده مليكه فين .
مروه كانت معديه من قدام الباب .
مروه : في حاجه يا بابا .
محسن : مليكه فين .
مروه : في حاجه .
محسن : اه .
مروه : في ايه .
محسن : أدانا عايزها في حاجه .
مروه : أنا عايزه اتكلم معاك .
محسن : عايزه ايه .
مروه : مليكه معملتش اي حاجه غلط .
محسن : وأنتِ كمان عرفتي منين .
مروه : أن شوفت محمد و هو بيراقبها .
محسن : ايه . روايه فتاتي الضائعه بقلم ملك نزيه
مروه : اه و صورتوا ؛ بس اوعدني انك لما هتشوف الصوره مش هتنفعل .
محسن بنرفزه : انجزي .
مروه ورت محسن الصوره و كانت الصوره و هي مليكه بتهرب من البيت .
محسن : ايه ده .
مروه : مليكه هربت علشان متضايقش احمد و كمان قالت انها مش هترجع غير لما تتأكدوا أنها معملتش حاجه غلط .
محسن : ينها*ر اب*يض اتصلي بيها بسرعه .
مروه بدأت ترن علي مليكه و الموبيل عمال يديها مشغول .
.........................
عند مليكه :
مليكه : الو يا ادم .
ادم : الو .
مليكه : انتَ عارف انا مين صح .
ادم : طبعا .
مليكه : انا هربت من البيت .
ادم : بتهزري صح .
مليكه : لاء مش بهزر انا مش لاقيه حد اقعد عندو فا ممكن اقعد عنك .
ادم : طبعا انا مستنيكي و بعتلك العنوان اهو علي الواتس .
مليكه شافت العنوان و لقت الموبيل بيرن و فجاه لقت ايد اتحطت علي ظهرها و شخص قال : مش قولتلك هتجيلي يا حلوه ..........
استوب استنوا البارت اللي جاي .
#فتاتي_الضائعه
#الكاتبه_ملك_نزيه
الأجزاء الاخيره من هنا
تعليقات
إرسال تعليق