 |
الفصل السادس عشر
صغيرتي نور
امجد بصدمة قام وقف :بتقولي ايه خطيبة مراد السابقة كانت معاكي علي المركب
نور استغربت من ردة فعله ردت عليه بهدوء :اه كانت معانا
اخرج امجد هاتفه ثم قام بفتح الاستديو
امجد لنور :دي اللي كانت معاكي علي المركب
نور:اه هي دي ايوه هي
امجد :متأكدة يا نور
نور :اكيد طبعا متأكدة هي دي اللي كانت معايا هي انا لايمكن نظري يخوني
امجد كان هيتجنن :فهذه تكون اخته نعم كارولين اخت امجد ومنذ ذلك اليوم لم يعرف لها اي مكان
كما ان مراد يكون من اقرب اصدقاء امجد ولكن من ذلك اليوم وقد قلت مقابلاتهم وقل حديثهم
كان امجد يدور الغرفة ذهابا وايابا يشعر وكأنه سيصاب بالجنون
امجد وقد حاول استجماع نفسه قليلا
امجد لنور:اوصفيلي الشخص اللي كان معاكم
نور :اسمه كارم سمعت كارولين بتقوله كده طويل تقريبا ١٨٠او١٨٥ سم بشرته قمحية من شكله تحس انه رياضي جدا لان جسمه عباره عن عضلات شعره ملولو كده
امجد :يعني ملولو دي
نور: كيرلي يعني بس هو شعره قصير بس كده
امجد :اوصفيلي ملامح وشه
نور:مانا قولت لحضرتك بشرته قمحية
امجد : يا نور الملامح عينه لونها اي وسيم ولا لا سنانه بيضه ولا صفرا في علامة مميزه في وشه يعني مثلا عنده نغزه او حسنة في وشه
نور :مش فاكره
امجد :حاولي
نور :صدقني مش قادره افتكر
امجد وهو يجز علي اسنانه :تمام اوصفيلي طبيعة العلاقة بينه وبين كارولين
نور :لا مقدرش اقول حاجه
امجد :يعني اي متقدريش تقولي حاجه
نور :يعني دي بنت وانا لا يمكن اتكلم عليها ممكن تكون مراته اكتر من كده معرفش
فهم امجد ان اخته فعلت اشياء مخجله مما زاد غضبه منها
خرج امجد من المكتب ليستنشق بعض الهواء لعله يزيل الجبال التي يشعر بها علي صدره
قابل في وجهه مراد الذي كان يقف خارج الغرفة
مراد لأمجد: خلصتوا
أمجد:تقريبا كده عن اذنك
مراد :واقف مش فاهم حاجه ليه امجد شكله متضايق كده
دخل مراد الغرفة عند نور
مراد لنور:في اي يا نور امجد شكله متضايق ليه
نور:معرفش انا جاوبت علي كل اللي سألني بس معرفتش اجاوب لمًا قالي اوصفيلي ملامح الخا*طف
مراد عنده فضول رهيب يعرف ايه اللي حصل وعايز يسألها بس بيقطع تفكيره دخول امجد
مراد لأمجد:عرفت اي خيط يوصلك للخا*طفين
أمجد يحاربه ضميره المهني وشعوره بالمسئولية تجاه اخته ولكنه قرر ان يسلك طريق الحق
امجد لمراد :عرفت واحد من الخا*طفين
مراد باهتمام :مين
أمجد :كارولين اختي
نزلت تلك الكلمة كالصاعقة علي مسامع مراد
صغيرتي نور
البارت السابع عشر
نزلت تلك الكلمة كالصاعقة علي مسامع مراد
مراد :كارولين اختك ازاي ثم اتجه لنور
مراد بلهفه ظاهره عليه:نور انتي شوفتي كارولين اتكلمت معاكي احكيلي قالتلك ايه جابت سيرتي
نور :كانت تتأ*لم من داخلها علي وضع مراد الذي مازال يحبها
نور :مجابتش سيرتك وكمان هي تقريبًا متجوزة
اندهش مراد لما سمعه فقد بني امال كثيره في تلك الثواني الماضية
مراد بعبوث:اتجوزت
امجد :مراد لو سمحت اتفضل برا دلوقتي
مراد بغضب:لا مش هخرج يا امجد ومن دلوقتي عايز اعرف كل تفاصيل القضية عايزه اعرف نور قالت ايه بالتفصيل
امجد :انا اسف بس مش هشاركك اي معلومات دي قضيتي انا مش انت
مراد بزعيق:يعني ايه مش هتشاركني لا هتشاركني وهعرف مش من حقك تخبي عني
امجد : مراد روح دلوقتي لانك حاليا مش في وعيك روح اهدي
مراد :انا زي الفل وهادي جدا اهو قولي بقي ايه اللي حصل
امجد بزعيق وغضب عارم:عايزني اقول ايه اقولك ان اختي ماشية مع واحد الله اعلم الصله اللي بينهم ايه ولا اقولك ان اختي والك*اب اللي معاها كانوا بيخططوا علشان يكسروك ولا اقولك ان اختي تخطت حدود الادب والاحترام قدام نور علي السفينة ولا اقولك ان هي مكنش عندها مانع تتلاعب بشر*ف بنت زيها وبتتأ*مر مع حيو*ان ضدك انت ونور
مراد :لم يصدق ما تسمعه اذنه
مراد :لا لا انتوا اكيد اتجننتوا استحالة كارولين حبيبتي تعمل كده لا يمكن
لحظه لحظه ثم اتجه ناحية نور واخرج هاتفه
بصي يا نور دي اللي كانت معاكي علي المركب ركزي
نور بأسف علي حالته :اه يا مراد هي
مراد بزعيق ك المجنون:كد*اااابة
تفاجئت نور بشده مما قاله ايعقل انه يكون مش مصدق نور ومكذبها كمان وليه كل ده علشان واحده سابته قبل فرحهم بيوم معقول لسه بتحبها معقول بتحبها لدرجة انها تخليك اعمي وتخليك تجرح الناس اللي بتحبك
فاقت نور من شرودها علي صوته
مراد :انتي لازم تغيري اقوالك انتي كده هتوديها في دا*هية وهي معملتش حاجه انتي اكيد متلغبطة
كان يتحدث كشخص فقد عقله
وكان مراد يتابعه بأ*لم يعتصر قلبه علي حال صديقه فهو يعلم كم كان يحب اخته فكان متيم بها
مراد بزعيق لنور :انطقي انا مش بكلمك
هنا توقفت نور عن صمتها
نور بغضب :عايزني اتكلم اقول ايه اقول انك انسان مريض بحب واحدة بتكر*هك وبتحب واحد غيرك ولا اقول قد ايه الانسانه دي حابه تدم*رك وتخرب حياتك ولا اتكلم عن جرأتها الزيادة عن اللزوم قدامي علي المركب ولان عن لبسها اللي عبارة عن باقيا هدوم
مراد بغضب عارم :انتي واحدة كدابه وكلمة كمان عن كارولين هنسي آنك بنت قدامي
في جزيرة في احدي مدن لندن
كانوا يجلسون ويضحكون
كارم :زمان دلوقتي مراد هيتجنن عليكي يا قلبي
كارولين :بس كان نفسي نقت*له البت دي ونخلص
كارم :لسه شويه يا روحي واوعدك مش هسيبه يتهني عليها
كارولين شعرت بدوخة بسيطه
كارم :انتي كويسه يا روحي
كارولين :مش عارفه مالي بس بقالي يومين حاسه بدوخه
كارم :لا كده احنا لازم نكشف
وبالفعل كشفت كارولين
كارم وكارولين في السياره
كارولين :كده احنا لازم نتجوز في اسرع وقت لازم الولد لما يجي يلاقي اب وام
كارم :طبعا يا روحي هنتجوز اول ما ننزل مصر
كارولين :ماشي يا حبيبي
ياترا اي سبب العد*اء بين كارم ومراد وليه بيعملوا مع مراد كده
اتمني البارت يعجبكم ♥️
صغيرتي نور
البارت الثامن عشر
نور:انا مش كذابة وعايز تصدق صدق مش عايز خلاص انت حر ثم وجهت كلامها لأمجد
نور :سيادة اللواء اتمني ان حضرتك تشوف شغلك علي اكمل وجه وعند حضرتك اقوالي ثم نظرت لمراد نظرات تحدي والاقوال دي انا لايمكن اغيرها لو انطبقت السما علي الارض
مراد:انتي اللي جبتيه لنفسك يا نور
نور:عن اذنك يا امجد بيه ثم خرجت لاهلها وخرج مراد خلفها
نور:يلا نروح يا بابا
مراد:استني هوصلك يا عمي
نور :لا شكرا مش عايزين حد يوصلنا
استغرب والد نور من رد فعل ابنته
عبد الحق :في اي يا نور بتتكلمي ليه كده مع استاذ مراد
نور:يلا نروح وهبقي احكيلكم في البيت
مراد :ما تحكلهم هنا وتعرفيهم كذبك وافتراكي علي الناس
نور بغضب :انا مسمحلكش انك تكلمني كده وياريت متتكلمش معايا اصلا
والدة نور:صلوا علي النبي يا ولاد
هو ايه اللي حصل لكل ده
مراد :اللي حصل ان بنت حضرتك بتتهم خطيبتي السابقة انها هي اللي كانت خطفا*ها لا ومش بس كده ده كمان قالت عليها كلام مقدرش اني اقوله
والد نور:صحيح الكلام ده يا نور
نور ببكاء:صحيح يا بابا بس والله يابابا انا ما بكدب طب هكدب ليه انا واحده شوفتها علي المركب وجيت حكيت كل اللي حصل معايا طب قولولي انا اي مصلحتي اني اكدب هل سبق اني اتبليت علي حد او اتكلمت علي حد وحش يابابا
كانت تتحدث ببكاء جعل مراد يهدأ قليلا بسبب اشفاقه عليها وفي لحظة ما صدقها ولكنه سرعان ما تخلي عن هذه الفكره
تركهم مراد وخرج يجول بعربيته والتفكير يكاد يقت*له
والد نور :اهدي يابنتي احنا مصدقينك وواثقين فيكي يابنتي
ثم خرجوا من المديرية وتوجهوا الي منزلهم
التقي مراد بصديقه المقرب سليم
سليم :اهدي يا مراد واحكيلي ايه اللي حصل
مراد :قص له كل ما حدث
سليم :معقول يا مراد تقولها كده هي دي نور اللي قلبت الدنيا عليها ياخي ده انت كنت هتموت علشان تلاقيها
مراد :اعمل اي يا سليم مسمعتش قالت ايه عن كارولين
سليم : ينفع اقول حاجه ولا هتتعصب عليا انا كمان
مراد :قول ياعم
سليم :ايه مصلحة نور انها تكدب بلاش دي هل نور اصلا في عدا*وه بينها وبين كارولين علشان تفتري عليها بلاش دي هل نور اصلا تعرف حكايتك انت وكارولين علشان تفكر تتبلي عليها بلاش ده كله من وصفك لنور ان هي بنت ملتزمة وقريبة من ربنا وبتخاف من الحرام جدا الوصف ده استحالة يكون وصف بنت ممكن تكدب في حاجه زي كده
مراد قاعد ساكت ومش بيتكلم
سليم :انا عارف انك مش هتصدق غير بدليل وانا هجيبلك الدليل
مراد بانتباه :ازاي
سليم :لو كلام نور صح هتكون كارولين في مصر مش في لندن
مراد :صح يلا بينا
ركبوا العربية وانطلقوا تجاه المطار
سليم لموظفة الاستقبال لو سمحتي كنا عايزين نتأكد من بيانات شخص جه مصر ولا لا
الموظفة :اسفة مقدرش اخرج بيانات العملا برا
مراد :انا اللواء امجد الحر
الموظفة :دقيقة واحد يافندم ممكن اسم الشخص
مراد :كارولين ……..
حضرتك :هي كانت فعلا في مصر في تاريخ ……احد تاريخ……ثم سافرت لندن
سليم :شكرا جدا
سليم لمراد اللي واقف متنح وسرحان :تعالي معايا
مراد وسليم في العربية
سليم يعني نور كلامها صح يعني كارولين بتكر*هني انا طب ليه ده انا كان ناقص اجبلها من السما حته
سليم :اهدي يا مراد احنا لسه متأكدناش
اجري سليم عدة مكالمات للمينا واتأكدوا ان فعلا كارولين كانت موجودة في مكان الحادثة
مراد
اتمني البارت يعجبكم ♥️
صغيرتي نور
البارت التاسع عشر
مراد :هوصلك يا كارولين وهسلمك بنفسي
سليم :انت بتفكر تعمل ايه
مراد:كل خير
سليم :مش مرتاحلك علي العموم انا مش هسيبك وكتفي في كتفك
مراد :بس الاول لازم اروح اعتذر لنور ولأهلها علي اللي عملته معاها
سليم :يلا بينا ثم تحركوا بالسيارة
في بيت نور
كانت تجلس نهي (بنت عمة نور)تبكي بشده وتترجي ان تخرج امها من الحبس
نور:صعبت عليها نهي
نور:خلاص يا نهي انا هتنازل عن حقي وهخرجها
ام نور بعصبية:لا مش هتعملي كده يا نور دي كانت عايزه تقت*لك
نور:يا ماما اكيد عرفت غلطها وبعدين عيال عمي مين يراعهم لازم تخرج دول ملهمش حد غيرها دلوقتي وانا سامحتها خلاص
والد نور :اللي انتي عايزه يابنتي اعمليه وانا معاكي
والد نور :صحيح يابنتي الدكتور كلمني وقالي اسألك عن رأيك لاخر مره
نور:قوله موافقه يابابا
فرح الاب والام لقرار نور
عند امجد في النيابة
امجد :عايز كل البيانات عن وجودهم في مصر من اول ما نزلوا من الطيارة لحد ما سافروا
الظابط :امرك يا امجد بيه
كان امجد يجلس ويفكر في ما سيقبل عليه في الايام الماضية وقاطع تفكيره رنين هاتفه
امجد :الو
كارولين :عايز تحبس اختك يا امجد
امجد :اختي اوعي اسمعك بتقولي اختي دي تاني انتي لا اختي ولا اعرفك انا ميشرفنيش آنك تكوني اختي وهجيبك لو كنتي فين
كارولين :دي نور شيلتك مني جامد
امجد :انا مش عيل صغير انا سيادة اللواء امجد الحر ابن اللواء سالم الحر اللي لو كان عايش مكنش اتردد لحظة انه يقت*لك
كارولين :طب اسمع بقي اولا انت مش هتعرف توصلي
ثانيًا لو عرفت فأنت هتضر قبلي ولا انت متخيل انك بعد ما تقبض عليا الداخلية هترحب بيك بينهم ويدوك ترقية لا يابابا انا في اللحظة اللي هدخل فيها باب السجن هتكون نفس اللحظة اللي هتودع فيها وظيفتك
امجد بعصبية:انتي كده بتخوفيني يعني صدقيني بعد كلامك ده لو استخبيتي تحت الارض هوصلك
اغلقت كارولين الهاتف في وجهه
ثم صرخت باسم نور
كارولين :مش هسيبك يا نور انتي وقعتي مع الشخص الغلط
عند نور
تحركت نور و والدها ونهي تجاه المديرية ليخرجوا عمة نور
وصلوا المديرية
نور للظابط:لو سمحت ممكن اقابل سيادة اللواء امجد
الظابط :اقوله مين
نور:قوله نور
امجد :دخلها بسرعة
دخلت نور بمفردها
امجد :اتفضلي ارتاحي تشربي ايه
نور:ولا حاجه شكرا كنت جايه بخصوص موضوع عمتي
امجد :اتفضلي
نور :انا عايزه اتنازل عن كل اقوالي واخرج عمتي
امجد:نعم
نور:اسمعني يا استاذ امجد
امجد بعصبيه:لا مش هسمعك يا انسة نور دي واحدة كانت عايزه تقت*لك وانتي عايزه تخرجيها
نور:ايوه لان عيالها هيتبهدلوا من غيرها استاذ امجد انا جوز عمتي لسه متوفي من قريب ولسه جرحه مبردش ف مش هكون انا السبب انهم يخسروا امهم كمان
امجد اعجب بها في داخله :انا مقدر كل كلامك بس افرضي حاولت تقت*لك تاني
نور:متقلقش اكيد هتغير تفكيرها بعد اللي حصلها
امجد :ماشي يا انسة نور سبيلي الموضوع وفي خلال يومين هتكون خرجت ان شاء الله
نور :شكرا ليك
في منزل نور
مراد كان بيرن الجرس
فتحت له الباب والدة نور
والدة نور :اتفضل يابني
مراد :هو عمي مش موجود
والدة نور:لا هو ونور مش هنا
مراد :تمام هنتظره تحت
والدة نور:ماشي يابني
كان مراد في سيارته هو وسليم ظلوا جالسين حتي رأوا والد نور ونور قادمين
نزل مراد من سيارته
مراد:ازيك يا عمي
والد نور:ازيك يابني تعالي نطلع ونتكلم فوق
نظرت نور لمراد ثم اشاحت بنظرها لبعيد
تضايق مراد من نفسه ولعن نفسه تحت انفاسه ف لاول مره تنظر له نور بضيق
صعدوا ودخلت نور لغرفتها واغلقت الباب خلفها بقوة
مراد :انا اسف يا عمي حقك عليا
والد نور :محصلش حاجه يابني
مراد :طب ممكن تنده نور علشان عايز اعتذر منها
والد نور نده عليها ثم خرجت نور من غرفتها
نور :اتفضل يابابا
والد نور :الاستاذ هو اللي عايز بقولك حاجه مش انا
مراد :انا اسف يا نور
نور بسخرية :لا ولا يهمك
جاء اتصال لعبد الحق وكان الطبيب
عبد الحق :تنور يابني ..مع الف سلامة
عبد الحق لنور :الدكتور جاي يوم الخميس ان شاء الله يابني هو واهله علشان نقرأ الفاتحه
وقعت تلك الكلمات علي مسامع مراد كالصاعقه
يتبع
تكملة الروايه بعد عمل متابعه من هنا
تعليقات
إرسال تعليق