 |
الحب في ثلاجة الموتي
الجزء الحادي عشر
للكاتبة..حنان حسن
بعدما تحاملت علي نفسي..
وطلعت علي السطح...
واستخبيت في الاوضة الي علي الروف
عشان اشوف مين الي هيطلع يطمن علي الجثة
الي في البرميل؟
فضلت انتظر
لغاية ما ظهرت المراة المنقبة
فا خرجت عليها فجاءة..
ونزعت النقاب من علي راسها
فا انكشف وجهها
وفي اللحظة دي
شوفت وجهها فعلا
وشوفت ادامي( امي)
ولقيتني بقول وانا في قمة الفرحة و الزهول
معقولة؟؟؟؟
ماما؟؟؟؟؟
الحمد لله
انك رجعتي اخيرا
وضمتها لحضني وانا قلبي بيرقص من السعادة
ولما لاحظت انها حزينة
سالتها
وقلت
انتي كنتي فين؟
وايه النقاب الي انتي لابساه ده؟
دنا اختلط عليا الامر
وافتكرتك ...واحدة تانية
بتلبس نقاب برضوا...
وبتطلع السطح هنا
وفي اللحظة دي
حطت امي راسها في الارض
وقالتلي...
محدش لبس نقاب...
وطلع علي السطح هنا
غيري انا يا هيام
بعد ما سمعت كلام ماما
اتنبهت لموضوع النقاب
الي امي لبساه ...
وتسللها للسطح في نصف الليل
وسالتها
قلت...
انتي عارفة الست الي بكلمك عليها دي
عملت ايه يا ماما؟
ردت ماما بحزن وخجل
وقالت...ايوه عارفة
وانا الست الي انتي تقصديها
قلت...يعني انتي الي
كنتي.......؟
لالا مستحيل
استحالة تكوني
انتي
ردت امي باصرار
وقالت..
قولتلك انا الست الي انتي تقصديها
فا بصيتلها بزهول
وسالتها
وقلت...
يعني انتي الي قتلتي بابا؟
وانتي الي حاولتي تخطفي الولاد ؟
وانتي الي حاولتي
تقتلي عزة؟
وانتي الي
حاولتي تهاجميني....
وتجري ورايا عشان تقتليني؟
ساعة ما وقعت من علي السلم؟
وانتظرت ان امي تدافع عن نفسها ...
او تنكر الي انا قولتة
لكن...
ماما بصتلي
وقالتلي...
اقعدي يا هيام عشان افهمك
الحقيفة كلها
قلت...انتي بتقولي يا هيام؟
يعني انتي عارفة اني انا هيام؟...
مش سوزان؟
ردت ماما
وقالتلي...
مهو لو سمعتيني للاخر
هتلاقي رد علي كل اسالتك
بس تعالي نتكلم في الاوضة عشان ...
محدش يشوفني معاكي علي السطح
وفعلا..
دخلت مع امي في الاوضة
الي علي الروف
وبدات امي تصارحني بالحقيقة من الاول
وبدات بسرد قصتها
وقالتلي...
ابوكي كان شغال امين شرطة
وللاسف ...
مكنش بيقدر يفصل بين اسلوبة في الشغل... والبيت
و كان ديما بيتعامل معايا بقسوة
و مكنش بيديني ريق حلو
ولا كان بينا اي تفاهم
عشان كدة
الحياة بينا كانت جافة ولا تحتمل
بس انا كتت عايشة وصابرة عشانك انتي... واختك
وفضلنا علي كده
لغاية ...
ما اتجوزتم انتي واختك
وكل واحدة بقت ليها حياتها...
وبعدها الفجوة بيني وبين ابوكي كانت بتزيد
والمشاكل بقت اكتر
لانه بقي فاضي ليا ...
ومركز معايا ....
وبيقف ليا علي الواحدة
والي زاد من خلافنا اكتر..
واتسبب في نهاية حياتنا مع بعض
هو الي حصل مع سوزان اختك
وده لما لقيت
سوزان اختك جاية
تقولي..
انها طلبت الطلاق من عمرو جوزها
الي كان مسافر بره ساعتها
لانها اتعرفت علي
علي شخص من خلال النت... وحبتة
والمصيبة انها صارحت عمرو جوزها بالعك ده كلة
...وطلبت من عمرو الطلاق
وهو وافق
وطلبت مني اني افهم ابوها بالقصة كلها
عشان يمشيلها في اجراءات الطلاق
م الاخر
كانت عايزاني...
اني افاتح ابوكي ...
واحكيلة الحكاية كلها
عشان تخلص من عمرو... وتتجوز الي بتحبة
وفعلا حكيت لابوكي علي الي حصل
وطبعا....
ابوكي حملني مسؤلية كل الي بيحصل كا العادة
وفعلا اتواصل ابوكي مع عمرو
وتم الطلاق
لكن....
ابوكي ساعتها طلب مني
اني مقولش لاي حد
بان سوزان اتطلقت ...
عشان ابوكي
كان ناوي يعاقب سوزان علي الي عملتة...
وبعدها يرجعها لعمرو
بعدما يحاول يصلح بينهم
لكن
بدون فضايح


في اللحظة دي
استوقفت امي في الكلام
لاني استغربت من الي بسمعة
وسالتها
قلت...
يعني عمرو طلق سوزان قبل ما يرجع من السفر؟
امال ازاي.....؟
وقبل ما اكمل سؤالي
لقيت امي
بتقولي...
اصبري لما اخلص كلامي كلة...
وانتي هتفهمي كل حاجة
واستكملت امي سردها للحقيقة
وقالت..
بعدما سوزان اتطلقت من عمرو
زادت المشاكل بيني وبين ابوكي
لغاية ما بقينا بنتخانق كل يوم تقريبا
ولما استحالة العشرة بينا
سابني ابوكي... وطلع عاش علي السطح
وعمل لنفسة الاوضة الي احنا فيها دلوقتي دي
وعاش فيها
وسابلي الشقة اعيش فيها لوحدي
وانا بصراحة
كنت مرتاحة علي
علي الوضع ده
لاني بعدت عن الخناق
.. والنكد
وفضلنا علي كده
لغاية ما في يوم...
كنت نايمة لوحدي في شقتي...
وصحيت علي رزع علي باب اوضة النوم بتاعتي
فا صحيت مخضوضة
ولما فتحت عيني
وبصيت جنبي علي السرير
اتفاجئت براجل غريب
نايم جنبي
وفي نفس اللحظة
لقيت ابوكي داخل عليا الاوضة
زي المجنون...
و حاول يهجم علي الراجل...
ويضربة
لكن...
الراجل دفع ابوكي بكل قوتة
وهرب منه..
وفضلت انا لوحدي ادام ابوكي مزهولة
ومش عارفة ايه الي بيحصل؟
فا نزل ابوكي عقابة عليا لوحدي
وفضل يضرب فيا بمنتهي القسوة
لغاية ما فقدت الوعي...
ولما فوقت...
لقيت ادامي مكرم ابن عمك
واتفاجئت بيه
بيسالني
وبيقولي..
ليه قتلتي عمي ؟
حرام عليكي
قلت عمك مين الي انا قتلتة ؟
فارد مكرم
وهو بيمسك
ايد شخص ممدد علي الارض
وقالي..
عمي مقتول ادامك اهوه... وغرقان في دمة
وانتي الي قتلتية
...وبصماتك علي السكينة
الي اتقتل بيها
فا بصيت جنبي
و شوفت ابوكي غرقان في دمة جنبي علي الارض فعلا
وفي اللحظة دي
مكرم مسك موبيل عمة..
وهو بيتوعد بانه هيبلغ البوليس
واثناء ما كان بيفتح موبيل ابوكي...
لقي عليه فيديوا
فية فضيحة كبيرة ليا
ولقيتة بيوريني الفيديوا
و بيسالني عن الي هو شايفة
في الفيديوا
ولما شوفت الفيديوا
اصابني الزهول لما شوفت الفيديوا
الي معرفش اتصور امتي؟ وازاي؟
وعرفت ساعتها ان في شخص صورني
انا...و الراجل الغريب
واحنا نايمين مع بعض علي السرير
ولقيت مكرم
بيقولي...
انا عرفت دلوقتي انتي قتلتي عمي ليه؟
اتارية كشف خيانتك يا مراة عمي
ولما عرفتي انه هيفضحك قتلتية
بس علي مين؟
انا بقي دلوقتي الي هبلغ عنك ...وهفضحك..
وهقول لكل الناس..
علي خيانتك لعمي
في اللحظة دي
نزلت علي جزمة مكرم وبوستها
وقلتلة...
ارجوك يا ابني
متفضحنيش...
والله انا ما قتلت عمك...
ولا اعرف الراجل الي في الفيديوا
وكل الي فاكراه
ان عمك فضل يضرب فيا
لغاية ما راسي اتخبطت في الارض و اغمي عليا
ولسة عارفة ان عمك اتقتل
حالا
فا بصلي مكرم بحزن... واسف
وقالي..
انا مش عارف اعمل ايه؟ واتصرف ازاي؟
انا مقدرش افضح مراة عمي
وام مراتي
لان الفضيحة هتطولني انا وزوجتي في الاخر
عشان كده
انا ممكن انسي الي حصل
لكن بشروط
قلت..شروط ايه؟
قال..
توعديني انك متقابليش الراجل الي في الفيديوا ده تاني
وتمشي بما يرضي الله
قلت..والله يبني انا معرف مين الراجل ده اصلا
ولا اعرف الفيدوا ده اتصور ازاي
فا رد عليا مكرم وهو متعصب
وقالي..
وهو ده الشرط التاني
انك تسمعي كلامي بعد كده ...
وتنفذية بدون جدال....
ولا نقاش
قلت...حاضر
فا بصلي مكرم ولمعت في عنية نظرة مكر
وقالي..
عارفة لو مسمعتيش كلامي
في كل الي اقولهولك ؟
انا هعمل ايه؟
...انا هنشر الفيديوهات...
وفضحك... وهبلغ عنك البوليس وهقدملهم السكينة الي عليها بصماتك
في اللحظة دي
مكنش ادامي غير اني اوافق علي كل كلامة
وقلت..حاضر
وسالتة
وقلت..بس هنعمل ايه في جثة عمك؟
قال.. متشيليش هم
انا هحط الجثة في البرميل الي علي السطح
واحط عليها مادة كيماوية عبارة عن مادة حافظة
عشان تمنع ظهور اي ريحة
لغاية ما اشوف للجثة صرفة
وانقلها من هنا
وفعلا...
اخد مكرم الجثة ...
وحطها في البرميل
ولحم البرميل باحكام ...
وبعدها...
لقيت مكرم جاي يسالني
عن التمثال..(عباد الشمس)
فا قلتلة...
اني معرفش عنة حاجة ...ولا اعرف مكانة
فا هددني اني لو مقولتش علي مكانة...
هيفضحني... ويبلغ عني

فا اقسمتلة اني معرفش
هو بيتكلم عن ايه اصلا
فا هددني اني لو مقولتش علي مكان التمثال...
هيقتل ولادي
وسابني ومشي
في اللحظة دي
فضلت افكر
وجمعت كل الي حصل مع بعض
وساعتها بس فهمت
ان مكرم هو ورا البلاوي الي حصلتلي دي كلها
وعرفت ان مكرم
حط خطة
عشان يوصل للتمثال
والخطة كانت...
بانة يجيب شخص غريب في السرير عندي
ويصورني معاه فيديوا
ويبعت الفيديوا لابوكي
فا ابوكي يجي جري زي المجنون..
عشان ينتقم لشرفة
وفعلا كل الي خططلة مكرم حصل
وابوكي ضربني..
وحصلت مشادة بيني وبينة
وانا اغمي عليا
وبعدما فوقت...
اتفاجئت ب ابوكي
واقع قتيل
وكانت الغاية من ده كلة
ان مكرم يتهمني بقتلة
عشان يعرف يبتزني...
ويعرف مني طريق التمثال
لان كان واضح
ان مكرم فاهم
اني اعرف طريق التمثال
وقلت لنفسي
ان مكرم ممكن يكون بيهدد فقط
عشان يسترد التمثال..
ومش هيقدر يعمل حاجة
لكن الي حصل
اني اتفاجئت
وانا واقفة في البلكونة
بدخان خارج من جوه الشقة
ولما بصيت جوه
شوفت النار ماسكة في الشقة
وانتي واختك كنتوا جوه
وسط النار
وللاسف
مقدرتش ادخلكم
وبعد ما رجال الاطفاء نزلوني من البلكونة...
بسلم المطافي
شوفتهم وهما بيطلعوكم من الشقة
انتي واختك علي نقالة
وساعتها اتاكدت
ان الي عمل كده
هو مكرم ...
وكان قاصد يقتلنا احنا الثلاثة
انا ...وانتي.... وسوزان
وبعدما رجال الاسعاف
قالولي ان بناتي الاتنين ماتوا
اتصدمت
وحسيت ان حياتي انتهت لغاية كدة
وبعدما فوقت لنفسي
قررت اني اروح للبوليس.... واسلم نفسي...
واعترف علي مكرم
لكن قبل ما اعمل كدة
سمعت صراخ ...ممزوج بزغاريد
ولقيتهم جايين يزفولي خبر
رد فيا الروح
وهو...
ان سوزان بنتي
الي كانت في الحمام ...
نجيت من الموت
وطلعوها من التربة
فا جريت عشان اشوف بنتي
الي نجيت؟
ولما شوفتك بدون ملابس
انا الوحيدة الي عرفتك
لانك بنتي...
وعارفة تفاصيلك
ولو حد غيري كان شافك
وانتي عريانة
كان هيعرف انك هيام
لان سوزان كانت ولدت قبل كده بعملية قيصرية
والجرح الي في بطنها
كان باين جدا
لكن انتي ولدتي طبيعي
و مفيش في بطنك اي جرح
عشان كدة
انا قولت استغل الفرصة دي
وافهم الكل
ان الي نجيت من الموت
هي سوزان
وده عشان
ابعدك عن المجرم الي اسمة مكرم...لانه كان خطر عليكي
وكان لازم اخرجك من عصمتة للابد
و ده باني اوهمة
ان مراتة ماتت عشان
مترجعيش تعيشي معاه تاني
وفعلا..
فهمت مكرم والجميع...
ان الي ماتت هي هيام
والي نجيت هي سوزان اختها الي متجوزة عمرو
وكنت ناوية افهمك كل حاجة
بمجرد ما تفوقي من الصدنة
لكن...
انا اتفاجئت انك كنتي فاقدة الذاكرة ساعتها
فا قولت افهمك انتي كمان انك سوزان
مش هيام
عشان متفكريش ترجعي لمكرم ابدا
لغاية ما نخلص من مكرم
في اللحظة دي
كتت بسمع امي وانا عنيا بتدمع
ولقيتني بقولها...
ياااااه يا امي
انتي عانيتي كل ده لوحدك؟
وعملتي كل ده عشان تنقذيني؟
فا ردت امي
وقالتي...
انا حياتي كلها فداكي يا ضنايا
لكن ..انا عملت حاجة..
انتي ممكن متسمحنيش عليها
بس لازم تعرفي اني عملتها
عشان احميكي من مكرم
واتمني تسامحيني عليها
قلت...عملتي ايه؟
بصتلي امي بخجل
وكملت سردها للحقيقة
وقالتلي.......
جاهزين للمفاجئة.....؟
لو عايز الجزء الاخير من رواية الحب في ثلاجة الموتي اعملوا متابعه من هنااااااااا
صل علي رسول الله
تعليقات
إرسال تعليق