 |
_أنتِ يا بت يا هبلة أنتِ.
=أنا هبلة الله يسامحك.
_هيسامحني.
=بلاش استظراف يا أسوة.
أسوة: حاضر يا نور.
نور: أنا بجد زهقت من حياتي دي.
أسوة: احمدي ربك في ناس مش لاقية أوضة تعيش فيها، واحنا اللهم لك الحمد عندنا شقة.
نور: الحمدلله.
"وقفة سريعة نعرف ابطال الرواية"
نور: بنت عندها ٢٢سنه، بيضاء، عيونها زُرق.
أسوة: بنت عم نور عندها ٢٢سنه، عيونها خُضر.
نور وأسوة أولاد عم، عايشين لوحدهم في شقة بعد وفاة أهلهم، ليهم عم واحد تاني عايش بره مصر ومحدش يعرف عنه حاجه.
نرجع تاني...
نور ايه الملل ده يا ربي اما اقلب في الفيس شوي كدَ.
ايه ده، ايه القمر ده هو في كدَ يخربيت جمالك يا أخي، والله إنك قمر قمر يعني.
أسوة: نور يا ماما أنتِ هبلة بتكلمي نفسك يا حبيبتي.
نور:.....
أسوة: لااا ده يبقى الموضوع خطير اوي.
نور:....
أسوة: وريني كده بتشوفي ايه.
أسوة: نور عيب كده مينفعش نقعد نشوف صور شباب غض البصر يا حبيبتي.
نور: والله أنا مش قصدي حاجه بس أنتِ مش شايفة القمر، هو في كدَ.
أسوة: لا أنتِ حالتك مش طبيعية خالص.
نور: على فكرة يا أسوة أنا حاسه إني أعرف الشخص ده.
أسوة: ده تأثير البص عليه بس، اقلبي عنه، وبعدين هو مش ظاهر ليه إسم ولا أي شيء، إزاي حاسه إنك تعرفيه.
نور: مش عارفه.
أسوة: نور يا حبيبتي ربنا أمرنا بغض البصر، واللي أنتِ بتعمليه ده مش كويس، يلا اقفلي الموبايل، علشان عندك مقابلة شغل بكره مهمة.
نور: حاضر يا أسوة.
بقلم: إسراء علي
تاني يوم...
أسوة: يا نور اصحي.
نور: سيبني شوي.
أسوة: يا نور بالله اصحي.
نور: خمسه بس.
أسوة: ما هو ده اللي بقول عليه تفضلي سهرانه وتقرفيني أنا بقا.
نور: خلاص خلاص صحيت اهو.
أسوة: شطورة نوري، يلا قومي صلي ركعتين كدَ، وتعالي افطري.
نور: حاضر يا ماما.
أسوة: مش هتتغيري.
على الفطار...
أسوة: كُلي كويس، ومتتوتريش، خليكي هادية، واعرفي إن اللي ربنا كاتبه ليه هيكون.
نور: حاضر.
أسوة: كل ما تلاقي نفسك خايفة رددي ايه الكرسي، وقولي الازكار وأنتِ تبقى أحسن.
نور: حاضر يا قلبي، ربنا يخليكِ ليا.
أسوة: أنتِ كدَ بتدعي عليا مش بتدعيلي.
نور: إزاي.
أسوة: لما تقوليلي ربنا يخليكِ، يعني كدَ بتدعي عليا بأن ربنا يتركني؛ لأن التخلي بمعنى الترك، فَأنتِ أحسن شيء، قوليلي ربنا يديمك ليا.
نور: أنا بجد فرحانه إنك أختِ يا أسوة.
أسوة: حبيبتي وأنا كمان، يلا امشي على المقابلة بقا.
بقلم إسراء علي
.....
في شركة فخمة واقفه نور قدام الشركة...
نور: يا اختي كل دي شركة، ربنا يستر عليا.
...
نور: لو سمحتي حضراتكم كنتو منزلين إعلان عن سكرتيرة، وأنا جايه بخصوص الشغل.
..: تمام يا أستاذة ممكن تتفضلي هنا وأنا هقولك لما يجي دورك.
نور: شكرًا لحضرتك.
.....
نور في نفسها: ياختي كل ده جاي للمقابلة وبعدين اي اللي هما لابسينه ده، دول ولا اللي جايين حنه، أنا مالي أنا هعمل زي ما أسوة قالتلي..
بقلم: إسراء علي
...
...: نور أحمد الأدهم.
نور: نعم.
..: اتفضلي حضرتك على المقابلة.
....
نور: ممكن ادخل..
..: ادخلي خلينا نخلص.
نور:..مش ممكن... أنت...
..: أنا اي...
............
يا ترى نور انصدمت ليه...
وصلنا في الفصل اللي فات لغايه ما نور دخلت علشان المقابلة واتصدمت من اللي شافته، نبدأ فصل جديد بقا ونشوفها انصدمت ليه...
•••••••••••••••••••••••••••••
نور: ممكن ادخل..
..: ادخلي خلينا نخلص.
نور:..مش ممكن... أنت...
....: أنا ايه، مش فاهم..
نور: احم احم لا ولا حاجه.
...: طيب اتفضلي يا آنسه.
نور: شكرًا.
...: وأخيرًا واحده جايه بلبس كويس.
نور: بتقول حاجه حضرتك.
...:لا متاخديش في بالك، اسمك يا آنسه، وهل سبق ليكِ واشتغلتي قبل كدَ.
نور: احم، نور أحمد الأدهم، خريجة تجارة إدارة أعمال، وواخده كورسات كتير، مشتغتلش في شركات قبل كدَ، دي اول مرة ليا اشتغل.
...: وحضرتك جايه هنا، مش قريتي الإعلان كويس، لازم تكون ليكِ خبرة سابقة في المجال.
نور: حضرتك أنا شاطرة جدًا، وممكن أفهم الشغل بسرعه.
...: معنديش أنا حاجه اسمها ممكن، أنا عندي هعمل وهفهم، ولأني شايفك مش زي البنات اللي كانت قبلك وفعلا أنتِ محتاجه الشغل فَأنا هشغلك، لكن الغلطة عندي بحساب.
نور بخنقة في صوتها: إن شاء الله هكون عند حسن ظن حضرتك يا افندم.
...: هنشوف، تقدري تبدأي شغل من بكرة.
نور: تمام يا افندم.
••••••••••••••••••••••••••••••
_ ايه يا ابني نص البنات طالعة عايطه من مكتبك.
=عمر بالله عليك لم نفسك علشان أنا مش طايقك.
عمر: وليه بقا يا اخويا.
_أنت عارف ليه.
عمر: علشان خلتيك رجعنا يعني مصر يا آدم.
آدم: ايوه، أنا مكنتش عايز أرجع.
عمر: ليه، إحنا لينا هنا شغل زي هناك، وبعدين أنت ناسي وصية بابا.
آدم: مش ناسي، بس اشمعنا كان جاي يعرفنا إن لينا أهل قبل ما يموت، وبعدين أنا بكره أهلي دول اللي مسألوش علينا.
عمر: آدم، أنت سمعت بابا قال اي، هو اللي سابهم ومشي، مش هما.
آدم: مش عارف بقا، بس انا لو شوفت حد منهم مش هتقبله في حياتي.
عمر: هتندم على كلامك ده بعدين، سلاام يا آدم، هروح أشوف إسراء أخرت ليه.
آدم: روح أنت رجعها البيت، واطمن عليها كويس، دي اختنا الوحيدة.
عمر: حاضر.
بقلم: إسراء علي
••••••••••••••••••••
عند أسوة ونور...
أسوة: اي يا نوري، مالك زعلانه ليه كده.
نور: تعرفي إن اللي عمل معايا المقابلة انهارده هو نفس الشخص اللي شوفته على الفيس امبارح.
أسوة: بجد.
نور: بجد، بس هو مش كويس، قعد يقولي إن لازم يكون عندي خبرة وبتاع.
أسوة: يعني رفضوكي.
نور: لا، بعدين قالي باين عليكِ محتاجة الشغل فوظفني.
أسوة: اومال زعلانه ليه.
نور: مش عارفه حاسه إن أعرفه من زمان.
أسوة: اكيد إنك كنتِ شايفة صورته بس.
نور: مش عارفه يمكن.
أسوة: متفكريش كتير يا قلبي.
بقلم: إسراء علي
•••••••••••••••••••
في بيت آدم....
آدم: إسراء.
إسراء: ايوه يا ابيه.
آدم: ها ايه رأيك في مصر.
إسراء: هو أنا لسه شوفتها علشان أقول رأيي فيها.
آدم: معلهش يا قلبي هنفضي يوم أنا وعمر وافسحك.
إسراء: ايوه كدَ بقا، بس هي باين عليها بلد جميلة، وحاسه إن ليا الذكريات فيها كتير بس مش عارفه ايه هي ذكريات دي.
آدم: وأنا كمان حاسس إني أعرف ناس فيها، بس هما مين مش عارف، احنا مشينا من هنا واحنا صغيرين اوي.
عمر: بخخخ، بتعملوا اي...
إسراء: ولا حاجه، بندردش.
عمر: طيب يلا علشان الأكل وصل.
إسراء: يا سيدي يا سيدي.
عمر: والله أنا م عارف أنتِ بنت ازاي، يا بنتِ اتعلمي تطبخي هنفضل نطلب كتير كدَ.
إسراء: من عنيا حاضر، هعملك بكره أكل جامد اوي.
آدم: طيب يلا نأكل، طيب.
عمر: ايوه احسن حاجه الأكل.
••••••••••••••••••••••••
في صباح اليوم التالي....
أسوة: جينا لصداع كل يوم بقا، وفجأة...
نور: صباح الخير يا أسوة.
أسوة: يعني صاحية بدري كدَ تتحسدي.
نور: يعني اصحى بدري مش نافع، أتأخر في النوم برضو مش نافع، وبعدين أنا مش عايزه أتأخر من أول يوم لحسن عم هولاكو يموتني.
أسوة بضحكة: مين هولاكو ده.
نور: ده مديري.
أسوة: اخ لو يسمعك بس.
نور: ولا يقدر يعمل حاجه.
أسوة: طيب افطري بس، وبعدين شوفي أنتِ هتعملي اي.
بقلم: إسراء علي
••••••••••••••••
أمام الشركة تقف نور...
نور: يا رب يسر لي أمري.
....
نور: صباح الخير، انا نور الموظفة الجديدة.
سكرتيرة: اتفضلي على مكتب أستاذة إسراء، وهي هتفهمك الشغل.
نور: شكرًا جدًا، فين مكتب أستاذة إسراء.
سكرتيرة: الدور الثالث تالت مكتب من جهة اليمين.
نور: شكرًا مرة تانية.
سكرتيرة: العفو يا افندم
.....
نور: احم، ممكن أدخل.
إسراء: اتفضلي يا قمر.
نور: احم، أنا الموظفة الجديدة.
إسراء: آدم قالي أدخلي.
نور: آدم مين.
إسراء: مدير الشركة واخويا.
نور: سبحان الله مش باين إنك أخته.
إسراء: ليه يعني.
نور: أصل تحسيه كده غامض، على بارد، على واخد في نفسه مقلب جامد اوي مش عارفه على ايه.
وصوت من ورا بيقول: وواضح إنك هتترفدي...
•••••••
وستوووب على كده، يا ترى صوت مين اللي دخل ده، وهل فعلا نور هتترفد.
#الفصل_الثاني
#نور_الآدم
#إسراء_علي
اللي عاوز التالت والرابع يعمل متابعه من هنا
تكملة الروايه من هنا
تعليقات
إرسال تعليق