 |
نور: احم، ممكن أدخل.
إسراء: اتفضلي يا قمر.
نور: احم، أنا الموظفة الجديدة.
إسراء: آدم قالي أدخلي.
نور: آدم مين.
إسراء: مدير الشركة واخويا.
نور: سبحان الله مش باين إنك أخته.
إسراء: ليه يعني.
نور: أصل تحسيه كده غامض، على بارد، على واخد في نفسه مقلب جامد اوي مش عارفه على ايه.
وصوت من ورا بيقول: وواضح إنك هتترفدي...
إسراء: البس.
نور: أوعى يكون هو.
إسراء: امممم.
نور:يبقى هو.
عمر: للأسف الشديد مش هو، احمدي ربنا أنو أنا ده لو كان آدم، كنتِ زمانك ميته دلوقت.
نور بضحك: والله اسمه اي ده رعبني من أول يوم، أنا نور السكرتيرة الجديدة.
عمر: وأنا عمر اخو آدم.
نور: بس أنت باين عليك كويس عن آدم.
عمر: سبحان الله الناس كلها بتقول كده، بس قدري بقا هعمل اي.
إسراء: طيب اسكت بقا علشان آدم وصل.
نور: هولاكو حضر.
إسراء بضحكه: يخرب عقلك يا نور.
#بقلم_إسراء_علي
آدم: احنا نفتحها كافية بقا ونقعد نحكي فيها، دي شركة يا أستاذ منك ليها، يلا كل واحد على شغله، وأنتِ هتقعدي مع إسراء انهارده تفهمي منها الشغل، علشان مش عايز أي غلط بعد كده، وزي م قولتلك الغلطه عندي بحساب.
نور: تمام يا مستر.
آدم: إسراء بقولك مش عايز استهتار في الشغل، فهميها الشغل ماشي ازاي.
إسراء: تمام يا آدم.
#بقلم_إسراء_علي
إسراء: بُصي يا نور وركزي معايا لأن آدم وقت الشغل بيبقى عصبي جدًا ومش بيحب أي حاجه تبوظ، واحنا داخلين على صفقة مُهمة اوي.
نور: ماشي معاكي، يلا ابدئي.
إسراء: اسمعي بق...
...
عمر: ها يا آدم، أخبار الصفقة الجديدة.
آدم: لسه بنخلص في الورق بتاعها اهو، وأديت المهمة دي لإسراء واللي اسمها نور دي.
عمر: على فكرة إسمها نور عادي، وهي حلوه مش عارف أنت مالك، حاسك واقفلها على غلطة.
آدم: حلوة اي عمر أنت هتهزر، وبعدين أنا مش واقف لحد على حاجه، وبعدين أنا بشوف شغلي كويس، خليك في شغلك أنت بس.
عمر: أي يا عم كله ده، أنا شايف شغلي كويس، وبعدين متنساش إننا لازم نعمل اللي نزلنا مصر علشانو، مش نشتغل بس.
آدم: ياخي شوف سبحان الله كل ما انسى تيجي أنت تفكرني.
عمر: آدم أنا مش عارف أنت قلبك حجر كده ازاي.
آدم: خليك أنت يا ابو قلب حنين.
عمر: ربنا يهديك يا آدم، مش هقول غير كده.
آدم: اللهم قوي إيمانك يا شيخ عمر.
عمر: بطل تتريق بس عليا علشان أنت هتيجي للوقت اللي هتندم فيه على كلامك، وهتقول عمر قال.
آدم: ماشي ي سي عمر، في محاضرات تاني ولا خلصت كده.
عمر: أحسن حل إني امشي من قدامك.
....
#بقلم_إسراء_علي
...........
إسراء: ها يا نور فهمتي كده.
نور: ماشاءالله عليكِ بجد، فهمت خالص.
إسراء بغرور: يا بنتي ده أنا إسراء.
نور: من تواضع لله رفعه يا ست إسراء.
إسراء: بهزر يا نوري، الاه.
نور: هزري ياختي ومالو، واخوكي يج.....
آدم: مالو أخوها.
نور في نفسها: بسم الله الرحمن الرحيم بيطلع امتى ده.
آدم: بتقولي حاجه.
نور: لا لا ولا حاجه.
إسراء ضحكت..
آدم: مالك أنتِ كمان.
إسراء: ولا حاجه.
آدم: طيب يلا علشان عمر مستنيكي تحت، وأنا هاجي وراكم.
إسراء: اوك، نور عايزة حاجه.
نور: لا يا قلبي، أنا هظبط الدنيا زي م فهمتني وهروح بعدك.
إسراء: اوك، باي يا قلبي.
.........
بعد يوم طويل في الشغل كل واحد رجع على بيته.
.....
#بقلم_إسراء_علي
.....
أسوة: باين إنك مبسوطة كده.
نور: قابلت واحده إسمها إسراء اخت المغرور، بس ايه عسلية كده.
أسوة بضحكة: يا بنتي أنتِ كل يوم تطلعيله إسم كده.
نور: يستاهل أصلا.
أنا: والنبي أنتِ بتاعه كلام، وبتقلبي زي القطة قدام آدم.
أسوة: يلا أدخلي غيري، وصلي وتعالي نأكل، علشان عندي مفاجأة ليكِ.
......
في بيت آدم....
...
إسراء: يا عمر، يا آدم، يلا علشان تأكلوا.
عمر وآدم مع بعض: نأكل.
عمر: أنتِ طلبتي أكل يعني.
إسراء: تؤتؤتؤتؤ.
آدم: اوعى تقوليها.
إسراء بفخر: ايوه عملت أنا الأكل انهارده.
عمر: واضح إننا هنبات في المستشفى انهارده.
إسراء: يلا بس أنت وهو دوقوا الأول وبعدين قرروا.
.....
عند نور..
نور: ها يا أسوة ايه هي المفاجأة.
أسوة: أنا لقيت شغل في مستشفى.
نور: ايه الاخبار الحلوة دي بقا، لازم نحتفل.
أسوة: نحتفل اي يا هبلة أنتِ.
نور: الاه ايوه مش اختي حبيبتي هتشتغل في مجالها، منحتفلش ليه.
أسوة: هههههه، ماشي ي ستي نحتفل.
.....
عند إسراء...
عمر: لا بجد بجد مكنتش اتوقع إن العظمة دي تبقى منك.
آدم: يعني مش هنطلب دليفري تاني.
إسراء: علشان تعرفوا بس إني مُتعددة المواهب.
عمر: بس ابت، اكيد اتعلمتي من النت.
إسراء: لا.
آدم: اومال.
إسراء: هو الصراحه يعني وأحنا بندردش أنا ونور قلتلها اني مش بعرف اطبخ، ف راحت اي بقا طلعت هي كمان مش بتعرف تطبخ، بس ليها اخت إسمها أسوة، كلمتها وقالتلي على الوصفة دي بقا، وبقينا اصحاب واخدت رقمها.
آدم: أنتِ من يوم عرفتي كل ده، واتعرفتي عليها، وكمان بقيتوا أصحاب.
عمر: خليها تتصاحب، على الأقل نأكل أكل بيتي.
إسراء: حبيبي ي عوووووووومر.
عمر: حطيلها ياااء بقا.
إسراء بضحكة: عووووومري.
.......
تاني يوم في الشركة...
آدم: دي مُصيبة.
عمر: اهدي يا آدم مش كده.
آدم: اهدي أي وزفت ايه، أسكت أنت.
.....
ستووووب يا ترى أي هي المصيبة اللي آدم بيتكلم عنهااا.
...
#الفصل_الثالث
وصلنا في الفصل لحد م كان في حاجه وآدم كام متعصب...
......
آدم: دي مصيبة وحطط علينا.
عمر: يا آدم اهدي دي مش طريقة.
آدم: متقولش أنت اسكت ومتسكتش، وبعدين فين الهانم اللي لسه مجتش.
عمر: آدم اهدي أرجوك، لغايه م نعرف المشكلة فين، مش عايزين نظلم حد.
آدم: يا عمر اسكت علشان أنا مش وقت أفهم أي حاجه.
أنا: يا عم م قالك اسكت بقا ايه بلاعه واتفتحت، أما رخم بصحيح، وبعدين البت مسكينة مش بتاع الحاجات دي.
إسراء: يا آدم بقولك ايه نور معملتش حاجه وأرجوك متتعصبش عليها.
آدم: إسراء أنا مش عايز ازعلك مني، ف كل حاجه هتبان دلوقت.
أنا: ليه هو أنت تقدر تقولي حاجه أصلا، كنت نفختك.
.....
#بقلم_إسراء_علي
.........
_: نور أستاذ آدم عايزك عنده بسرعه.
نور: خير يا رب.
.....
نور: احم السلام عليكم.
عمر: وعليكم السلام يا نور.
آدم: اهلا بالهانم، اتفضلي.
عمر: آدم اهدي.
آدم: عمر أنا هتكلم، أستاذة نور بكل بساطة تقولي حصل ايه امبارح بعد م إسراء مشيت وأنا نزلت وكنتِ لسه موجودة.
نور: هو في حاجه يا افندم.
آدم: فيه إن أنتِ مش قد الأمانة وأنك سرقتي ملف الصفقة، أكتر صفقة مهمة في حياتنا، ف أنتِ ليه عملتي كده، يلا اتكلمي.
نور: أنا معملتش اللي حضرتك بتقول عليه يا افند..
آدم بصوت عالي: اومال أنا اللي سرقته يعني.
نور بخنقة في صوتها: يا أستاذ آدم أنا هقول لحضرتك كل حاجه، امبارح بعد م إسراء مشيت أنا كنت بظبط الورق ومشيت قبل حضرتك، بس بعدين افتكرت إني نسيت الموابايل بتاعي فوق، وأنا طالعه حضرتك نزلت، طلعت جبت الموابايل ونزلت تاني وبعدين دخلت الملف لمكتب حضرتك بس هو ده اللي حصل.
آدم: وأنا مطلوب مني إني اصدقك صح.
نور: مفيش حل غير كده، لأني قولت الحقيقة.
آدم: اومال أنا اللي سرقته يعني.
إسراء: بالراحه يا آدم.
نور عيطت...
عمر: يا آدم بالراحه مينفعش كده، نور اهدي بالله عليكِ، آدم بس متعصب لأن الصفقة دي اهم صفقة لينا، ف أنتِ مش فاكرة أي حاجه لفتت نظرك امبارح.
نور بعياط: لا يا افندم، آه ثانية بس أنا افتكرت حاجه.
آدم: قولي بسرعة.
نور: امبارح لما نزلت وكنت جايه اطلع، لقيت....
.........
ستوووووب...
يا ترى نور شافت مين.....
...
اللي عاوز البارت 5_6_7يعمل متابعه من هنا
#إسراء_علي
#الفصل_الرابع
#نور_الآدم
تعليقات
إرسال تعليق