مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء الرابع♥️شكرا علي تفاعلكم السكر♥️بقلم سولييه نصار ♥️

-مستحيل ...انتي مجنونة أكيد صح ...

قولتها وانا بهز راسي بخوف مستحيل اخسر علي ...ده اخويا روحي ...ولو قولتله أكيد هيكر*هني للأبد ومش هيسامحني ...

هزت سارة كتفها وقالت:

-يبقي خلاص مش هسيبك في حالك 

ولسه هتمشي من قدامي مسكتها من شعرها وكنت هضر*بها ...لكن هي مسكت ايدي ولوتها وقالت:

-اياكي أنا مش سارة الضعيفة ...انا دلوقتي ممكن اد*مر حياتك ....ممكن اقت*لك ...هعمل اي حاجة عشان اشفي غليلي ...بلاش تختبري صبري يا اروي ...

وبعدين زقتني وبصتلي بغضب ومشيت ...كنت همو*ت من القه*ر ...ازاي بقت بالتجب*ر ده ...سارة كانت طيبة وهبلة ...ازاي بقت كده بجد!!!كنت مصدومة ...بس لا مش هستسلم. ..اهون امو*ت ولا اخسر علي. لا جوزي...كلها فترة وهطر*دها طر*دة الك*لاب وهتشوف ....

.....

بعد شوية طلع مروان من الحمام فابتسمت بخبث وقربت منه وانا بلعب في زراير قميصه وقولت:

-تعرف أنك وحشتني

-وانتي لا ...بالعكس ارتاحت منك امبارح ...

كان نفسي اضربه علي وشه بس استحملت أنا مش هخسر ...قربت اكتر وحضنته وقولت :

-تعرف آني بحبك اووي ...أنا بحبك يا مروان انت في قلبي وفي عقلي ...ازاي تعمل فيا كده ...تأ*ذيني بالطريقة دي أنا بحبك ...معقول تأ*ذي أروي حبيبتك..مش كنت بتقول اني دايما هكون في قلبك وانك مش هتحب غيري ...

ابتسم بتريقة وهو بيزقني وقال:

-افعالك كرهت*ني ...عدم احترامك ليا قدام الناس خلي حبك يختفي من قلبي ...معاملتك السيئة ليا وانك تخرجي اسرار ببتك لاصحابك خلاني أقر*ف منك وابطل احبك ...ساعتها لقيت سارة اللي عوضتني عن قر*فك ...ودلوقتي أنا بعشقها بطريقة معشقتهاش لحد قبل كده ولا حتي انتي ...

دموعي نزلت ...كنت خلاص بموت...مروان كان بيبعد عني كنت بخسره ...بصلي بقر*ف ومشي من قدامي فقولت بصوت مخنوق :

-علي فكرة هي مش بتحبك ...انت مجرد أداة عشان هي تن*تقم مني 

-عارف ...

بصتله بصدمة فابتسم بحزن وقال:

-للاسف عيبي اني ضعيف قدام اللي بحبه ...سكت عن افعالك الق*ذرة ومعاملتك لاني بحبك ...وساكت ليها حاليا عشان بحبها...

عرفت اني خسرت قدامها...هي قدرت تاخد قلب جوزي ...قدرت تقلب حياتي وانا دلوقتي مفيش في ايدي حاجة اعملها الا اني امشي واسيبلهم البيت ...

.......

علي العصر كده ...

جه اخويا البيت وضر*ب مروان ...حاولت ابعدهم عن  بعض بس فشلت ...كنت أنا وسارة بنبكي بخوف ...علي كان بيخ*نق مروان...كان مخنوق منه ومق*هور ...لانه ك*سر قلبي واتجوز طليقته ...كنت عارفة اني رغم كل حاجة علي لسه بيحب سارة ...ده حتي لحد دلوقتي مقدرش يتجوز ولا يحب حد غيرها ...كنت بشوفه منطفي بس قولت وقت وهينسي ....

-اه يا واط*ي يا حق*ير ...أنا هقت*لك ...جايب واحدة رخي*صة ضرة علي اختي والله لاق*تلك ...

بهتت سارة ...مسكت علي وحاولت ابعده بس علي كان بيخ*نق مروان ...

-ملقيتش الا دي تتجوزها يا غ*بي ...

ضحك مروان وقال بصوت مخنوق :

-ايوة لاني دي انضف من اختك 

-اخرس

-لا مش هخرس ...سارة عمرها ما خا*نتك يا غ*بي ....دي اختك الش*يطانة اللي دبرت ده كله !!!!

يتبع

#جريمة_الماضي

#سولييه_نصار

الجزء الأخير ♥️شكرا علي تفاعلكم السكر♥️بقلم سولييه نصار♥️

-انت كداب 

صرخ علي وبعد عنه ....بصلي بصدمة وقال:

-انتي متعمليش كده صح ...انتي اختي اللي بحبها وبتحبني ومستحيل تعملي فيا كده ...

عيطت وانا بحط عينيا في الارض ...كنت عايزة انكر واخد دور البريئة واطلعهم هما اللي وحشين بس مقدرتش الكلمات وقفت في حلقي ومقدرتش اكدب وهو بيبصلي بالطريقة دي ...مسكني وقعد يهزني وقال:

-انطقي يا اروي هما أكيد كذا*بين ...انتي متعمليش كده ...

قعدت ابكي جامد ...رجع علي لورا ودموعه نزلت ...قعدت علي الانترية وقال:

-لا لا انتي ....مش ممكن....ازاي تد*مري حياتي بالشكل ده ...انتي كنت بتحبيني ايه اللي حصل مني عشان تكر*هيني وتد*مري حياتي بالشكل ده 

قربت منه وانا ببكي وقولت :

-بالعكس أنا عشان حبيتك عملت كده ...كنت عايزاك تبقي معايا لكن هي اخدتك مني 

-عمرها ما اخدتني

قام وصرخ في وشي 

قعد يهز فيا وقال :

-هي اللي كانت بتلح عليا اكلمك وازورك...اعتبرتك اختها الكبيرة...كانت بتحبك ...كانت شر*ف اخوكي ازاي تعملي كده ...

زقني لحد ما وقعت علي الأرض ...حطت سارة ايدها علي بوقها وفضلت تبكي ...

بصلها علي وقال وهو بيبكي:

-انا ظل*متها ....ضر*بتها وطر*دتها ...شك*يت فيها بسببك وخسرتها للأبد ....

بصلي أنا وقال وعيونه مليانة كره :

-انا بكر*هك يا اروي ...بكر*هك وعمري ما هسامحك حتي لو شوفتك مي*ته قدامي ....هكر*هك لحد آخر يوم في حياتي ...هدعي عليكي يتك*سر قلبك زي ما ك**سرتي قلبي...هدعي عليكي تتد*مر حياتك زي ما دمر*تي حياتي ....حسبي الله ونعم الوكيل فيكي يا شيخة عمري ما هسامحك ابدا من النهاردة انسي ان ليكي أخ فاهمة ...

جريت عليه وانا ببكي وقولت:

-لا لا يا علي ابوس ايديك متسبنيش ...ابوس ايديك أنا اسفة والله .

بس هو زقني بك*ره ومشي ...

قعدت علي الأرض وفضلت ابكي جامد ..كان قلبي مك*سور...حاسة بق*هرة ...خسرت اخويا وجوزي ودلوقتي بس حسيت بإحساس سارة اللي خسرت جوزها وعيلتها بسببي ...أخيرا عرفت غلطي بس بعد فوات الاوان ودلوقتي ربنا  بيعا*قبني....

سارة دخلت الاوضة وقفلت علي نفسها وفضلت تبكي بس مروان فضل واقف جمبي وقال:

-انا حذرتك كتير بس غيرتك علي اخوكي عمتك ...أنا برضه غلطان اني سكت عن الظ*لم عشان كده بتعاقب اني اتجوزت واحدة بحبها وهي لا ...أنا شوفت حب سارة لعلي النهاردة ..وكله بسببك دم*رتي كل حاجة وانا معاكي ...

بصتله وانا ببكي فقال فجأة:

-انتي طالق ...الشقة دي هتبقي ملكك لأنك حاضنة وانا هاخد سارة وهمشي من هنا ...

فضلت ابكي اكتر ونومت علي الأرض وانا ببكي ....جه اولادي وقعدوا جمبي وهما بيحضنوني 

.....

مشي مروان وسارة من الشقة...مرت الايام وعلي بيتجاهل مكالماتي ...وعرفت ان سارة طلبت من مروان  الطلاق وانه حاول كتير يرجعها لانه بيحبها بس رفضت وقالتله انها مقدرتش تحبه...بس رغم كده مروان حتي معرضش عليا أننا نرجع

وانا عيشت وحيدا مع اولادي بحاول اربيهم لوحدي ومروان كان بيبعتلي النفقة من غير كلام كان هو كمان متد*مر زيي...

.....

بعد سنة 

عرفت ان علي حاول بكل ما يملك ورجع سارة ليه واتجوزها ...حاولت اروح له واباركله بس طر*دني وك*سر قلبي ...رغم ان سارة حاولت تصلح بيننا بس رفض ...يااه سارة اللي دمر*تها سامحتني واخويا لسه بس أنا استحق وشكلي هتعا*قب كتير 

....

في يوم 

كانت سارة وعليك قاعدين علي البحر ...سارة حاطة راسها علي كتف علي وقالت:

-ما تسامحها..دي أخت...

-تعرفي تخرسي ...خلاص مروة انتهت من حياتي للأبد 

اتنهدت سارة بحزن فباس علي راسها وقال:

-بحبك♥️

-وانا كمان والله بحبك♥️

تمت

#جريمة_الماضي

#سولييه_نصار 

لأول مرة متديش البطلة نهاية سعيدة أنا حبيت اوضح ان مش كل الأبطال طيبيبن ....أروي كانت شريرة وتستحق النهاية دي ♥️