 |
هوا انتي مستنيه اي علشان تقبلي العرسان و تجوزي
لقيت الرساله دي مبعوتالي من رقم غريب
فاقولت مين لقيته بيقولي هتعرفي بعدين
انا : هتقول مين ولا اعمل بلوك
هوا : لا استني
انا : اخلص قولي انت او انتي مين
هوا : بصي انا هقولك حاجه وحده بس انتي سحرتيني بجمالك والله و نفسي تفتحي باب الجواز علشان اخطفك علي حصاني الابيض ي اميرتي
لقيت نفسي ابتسمت تلقائيا و قلبي دق ووشي احمر
ومقدرتش اقوله حاجه و عملت بلوك و خلاص بس مش قادره اشيل الكلام من دماغي لان انا بحب اوي اكون انا و حبيبي زي الاميرات انا اميرته و هوا اميري و يخطفني علي حصانه الابيض
واه نسيت اعرفكم عليا
(انا ساره بنت ملامحي لطيفه و عندي ٢٠ سنه ممرضه بحب جدا الروايات و نفسي اعيش قصه حب زي الي في الروايات بظبط وعايشه مع ماما و بابا )
نرجع تاني
فوقت من تفكيري علي صوت امي ست الكل
صفاء : اي ي حبيبتي لسه صاحيه نامي بقي علشان تعرفي تصحي بكرا للشغل و خدي كبايه اللبن دي اشربيها قبل ما تنامي
ساره : حاضر ي ست الكل ي عسل انتي
صفاء : ربنا يخليكي ليا ي صرصور
ساره : ي ماما بقي متقوليش صرصور دي
صفاء بضحك : طيب ياختي يلا اشربي و نامي
ساره : حاضر ي حبيبتي تصبحي علي خير
صفاء : وانتي من اهل الخير ي حبيبتي
———— تاني يوم الصبح
صفاء : انتي ي بت قومي يلا الساعه ٩ اتاخرتي علي الشغل
ساره بفزع : يالهوي ي ماما مش تصحيني بدري شويه
وقامت تتؤضي و تصلي و كانت بتلبس جت تشوف الساعه لقتها ٨/١٥ دقيقه ( ايوه ي جماعه صفاء زي اي ام مصريه لزم تاخر في الوقت علشان نقوم بسرعه )
انتي ي وليه ي الي اسمك صفاء الساعه لسه ٨ و ربع ينفع كدا
الاب حماده بضحك: تعيشي و تخدي غيرها ي جميل
ساره بحب : حبيبي ي حجوج والله صباح الخير ي حبيبي
حماده : صباح الجمال علي عيونك ي حبيبتي
تعالي يلا علشان نفطر
ساره : حاضر هلبس طرحتي بس وجايه
وبعد ما فطرو و ساره نازله من البيت علشان تروح الشغل
واول ما وصلت المستشفي جتلها رساله من رقم غريب بردو مكتوب فيها
" بحَبكَ بِقدرً ماَ اتَمَني اَن تَكوَني مِن نَصيِبي واَن يجَمع الله بِننا "
رديت : مين. رد : انتي لحقتي تنسيني
قولتله : انت عوز مني اي ولا انت مين اصلا
قالي : انا نفسي متعمليش بلوك وتسيبني كدا افضل اقولك علي الي نفسي فيه وانتي ي سيتي تشوفيه بس مش لازم تردي بس والله بتمني تردي
سببته و قفلت التلفون خالص و روحت اخلص شغلي
كان في حاله في غرفه عاديه رقم ٣و كنت بتابع حالتها و اسمها شيماء و كان معاها اخوها واد ملزق كدا و دمه تقيل
ساره ؛ الحمد الله الضغط بقي كويس انهاردا و العلامات الحيويه بتعاك كلها كويسه
شيماء : شكرا جدا انا حبيتك اوي ي انسه ساره
اخوها الملزق : هي تتحب فعلا
ساره: حبيبتي ي شيماء بعد ازنك بقي هروح اشوف شغلي
ساره طلعت و الواد الرخم طلع و راها
هوا : انسه ساره ممكن كلمه
ساره : اتفضل ي استاذ في حاجه
هوا : بصراحه كدا انا معجب بيكي اوي وعوز نرتبط ممكن رقمك
ساره بغضب : انت حيوان و قليل الادب وسبيته ومشيت
لقت الدكتور محمد صاحب المستشفي بعتلي حد من الممرضين علشان عوزني
روحت وانا ايدي علي قلبي ليكون شافني من الكميرات وانا بزعق لي الواد الملزق دا يارب خليك معايا
خبطت و دخلت بعد ما سامحلي اني ادخل
د محمد بعصبيه خفيفه: انسه ساره ممكن افهم اي الي حصل علشان تزعقي مع الشاب في مشكله ولا حاجه
ساره بتوتر : والله ي دكتور حصل ان الشاب دا اتجاوز حدوده معايا ودا الي حصل
د محمد بغضب يحاول يخفيه : تمام ي انسه ساره بس بعد ازنك لو حصل حاجه بعد كدا من الحاجات دي تعالي و عرفيني وانا هخدلك حقك
ساره : شكرا جدا ي دكتور
———- وبعد يوم طويل من الشغل روحت ساره لي البيت
ساره بتبريق : انت …….
بارت ٢ بقلم Sara Mazen
وبعد يوم طويل من شغل اتجهت ساره الي البيت
ساره بتخبط علي الباب : ي ماماااااااااا
صفاء فتحت : اي ي بنت الهبله في اي تعالي خشي
ساره : عااااا انت
نادر بجري علي حضنها صرصورررر حبيبي
ساره بحب : حبيبي ي نادر عامل اي ي روحي ومتقولش صرصور دي ماشي 🤨
نادر : تمام ياختي انتي نسياني خالص ولا كان ليكي ابن خاله واخوات في الرضاعه و عمرنا كله مع بعض
ساره : وانا اعمل اي ي عني ي شق انت الي معنتش بترن من يوم ما خطبت و البت وخداك من اختك حبيبتك
نادر : محدش يقدر ياخدني منك ي جميل بس بجد امنيه دي حاجه كدا زي الملاك
ساره: ربنا يسعدك ي روح اختك يارب ويكملكم علي خير
نادر : المهم عندي ليكي خبر حلو
ساره : اي هوا فرحني
نادر : مش انتي في مستشفي ال .. ….الي جنب الكوبري
ساره : ايوه ليه
نادر : انا بعت ورقي فيها و شهادات الخبره بتاعي و اتقبلت فيها و بكرا اول يوم شغل
[بنسبه بقي لي نادر واد جنتل كدا و دمه خفيف و بيحب يهزر و نفس سن ساره ومامته ماتت من وهوا صغير و اتربااا مع ساره لحد ما كبرو سوا وكانو مع بعض في الدراسه بردو لحد ما جاله شغل في بلد تانيه و سافر و اتعرف علي بنت و خطبها ]
ساره بفرح : ي روحي و اخيرا هنكون مع بعض كل يوم زي زمان ياه دا هتبقي احلي الايام
صفاء : مكفايه كلام بقي ي بنتي صدعتي الواد
ساره : طيب انا داخله هبدل هدومي علي اما تحضري الاكل لان هموت من الجوع
ساره دخلت الغرفه بتاعها و فتحت تلفونها
ساره بأستغراب : اي دا كل دي رسايل
" انا ربيت الواد الي دايقك انهاردا بتمني تبطلي تحلوي بقي علشان انا مش بطيق حد يبص علي حاجه هتكون ملكي " + " الدريس الي كنتي لبساه انهاردا حلو اوي عليكي متلبسهوش تاني بقي ي اميرتي " + " ليه قافله قلقتيني عليكي " + " معلش لو دايقتك بس اول ما تفتحي ابعتيلي رساله لان قلبي محتاج يطمن "
ساره بتفكير ابعتله رساله ولا اعمل بلوك بقي وارتاح ولا مردش وخلاص
و سابت التلفون من غير ما ترد عليه
بعد ما بدلت ملابسها وكانت هتطلع برا لقت رساله مبعوته علي الوتس جريت علي الفون علشان تشوفها منه ولا لا
لقتها منه ومكتوب فيها
" سأكتفيِ بكَ منَ بِينَ البَشرَ فأنتِ اَجملَ ما املَك في هذه الحيَاهَ"
يالهوي علي جمال كلامك اي دا ي جدعان ووشي بقي احمر اوي
وفجاه لقيت الباب خبط و دخل نادر
نادر بأستغراب : مالك ي بت فيكي اي واقفه كدا ليه ووشك احمر
ساره اتوترت جدا و خبت التلفون
نادر : هاتي التلفون كدا
ساره : ليه ان شاء الله
نادر : هاتي ي بت اخلصي وراح شد التلفون منها
مين العشقان دا ياختي
ساره بضحك ونبي معرف بس مسيري هعرفه
نادر : اه اعملي بلوك بقي لي الممحون دا زي الشُطار كدا
ساره : حاضر ي باشا
وطلعو علشان ياكلو
وفضلو يهزرو ويضحكو وكانت ليله مليء ب السعاده
تاني يوم الصبح
نادر : صباح الخير ي حبيبتي
صفاء : صباح الفل ي حبيبي وحشتك الاوضه بتاعك صح
نادر : كل حاجه وحشتني والله ولا كاني بقالي كام سنه مش كام شهر بس الي بعت عنكم فيهم
صفاء : طب ادخل بقي صحي المقتوله الي جوا دي
ساره : والله انتم ظالمني انا صحيت لوحدي اهو
نادر : طب يلا بالله عليكي عوز اروح اشتغل
ساره : عارفه انا النشاط و الحيويه بتاع اول يوم شغل دا
نادر : طب يلا ي لمضه
حماده : طب مش هتفطرو الاول
نادر : هنفطر هناك بقي
وكل واحد اتجه علشان يلبس وبعد فتره راحو المستشفي
نادر ماسك ايد ساره وداخل المستشفي
ساره تعالي نروح عند المدير علشان يعرفك شغلك فين بظبط
نادر : طب تمام يلا اا
واتجهو الي مكتب المدير دخلو بعد ما سمح ب الدخول
نادر و ساره : ازاي حضرتك ي دكتور
د. محمد بتبريق : هوا انتو تعرفو بعض
ساره : ايوه ي دكتور نادر يبقي ابن خالتي
د محمد : تمام استاذ نادر انت مكانك في الاستقبال بتمني شغلك يعجبني زي ما شهداتك عجبتني
نادر : شكرا ليك ي دكتور. وان شاء الله هكون عند حسن ظن حضرتك
ساره : بعد ازنك ي دكتور يلا ي حبيبي نروح نشوف شغلنا
د. محمد بعصبيه :…………
نادر : ايه
بارت ٣ بقلم Sara Mazen من روايه مجنون ساره
ساره : اوكي شكرا ليك ي دكتور يلا ي حبيبي علشان نروح نشتغل
د محمد بعصبيه : لو سمحت ممكن تتفضل انت ي نادر و خليكي انتي ي ساره عوزك في موضوع
نادر بأستغراب : تمام بعد اذنك وطلع
محمد : بيقرب علي ساره هوا انتي بتحبي نادر
ساره بتلقائية: ايوه طبعا بحبه
محمد بيقرب اكتر : مينفعش تحبيه وتاه في عيونها
ساره هيا كمان تاهت في عيونه و قلبها بيدق بسرعه اوي وفي نفسها اي العيون دي ونبي قمر اول مره اخد بالي من لون عيونه لونها عسلي فاتح اوي زي لو عيوني و عنده غمازه و شعره حلو اوي اي دا ينهاري الي انا بقوله دا
ساره بتوتر : اي دا ليه مينفعش احبه
محمد وفاق وبعد عنها
محمد بتوتر وعصبيه : ااااا علشان احنا في شغل و المفروض يكون في احترام مش حبيبي و بتاع
ساره : تمام ي دكتور اسفه
محمد: تمام اتفضلي علي شغلك
ساره بعد ما طلعت مش قادره تفهم هوا متعصب ومدايق ليه
محمد قاعد في مكتبه مش طايق نفسه
يعني انا اكون مش عوز ارتبط بها الي في الحلال و بس و يجي ابن خالتها يخدها مني كدا بس انا عمري ما اتخالا عنها دي روحي الي من غيرها اموت عملتي فيا اي بس ي ساره
( وطبعا احنا عرفنا مين الممحون الي هيموت علي بنتنا ساره 😂)
نادر : اي ي بنتي المدير كان عوزك في اي
ساره : عادي كان بيقولي علي تعليمات في الشغل
نادر : اوكي انا بعت حد يجبلنا اكل علشان انا واقع من الجوع
ساره : اوكي علي اما يجي الاكل اكون شوفت الحالات الي فوق
نادر : اوكي وانا هتعرف علي المكان هنا
ساره : تمام ي شق
ساره طلعت شافت الحالات و مكنش لسه الاكل جه ف فتحت الفون و مكنتش عملت بلوك لي الرقم بس لقت رساله غريبه اوي
" ي وجع قلبي من الي سمعته منك انهاردا "
ردت مين حضرتك و انا اقولتلك اي علشان تقولي كدا
عمل سين و مردش
بس ازاي انا متعملتش مع حد انهاردا غير مع نادر و المدير وفجاه كأن الزمن وقف بيااا هوا ممكن يكون الدكتور محمد يشتااات الشتااات يابو رشدي
وجريت علي نادر
نادر : في اي ي بنتي وشك اصفر كدا ليه
ساره : هقولك و احنا بنفطر تعالا يلا
وبعد وقت و بس ي سيدي دا الي حصل بس انا حاسه اني اتعلقت بيه هوا و رسايله وانت سري علشان كدا بقولك علي الي في قلبي
نادر : طب افرضي مش هوا ي ساره انا اخوكي يعني اخاف عليكي متتعلقيش بحبال دايبه اما نتاكد انه هوا الاول ابقي افتحي قلبك
ساره : طب واحنا هنتاكد ازاي
نادر : ………..
ساره : ايه طب ازاي
يتراااا نادر قالها اي ؟
البارت ٤ من مجنون ساره بقلم Sara Mazen
كنا وقفين عند:
وبعد وقت و بس ي سيدي دا الي حصل بس انا حاسه اني اتعلقت بيه هوا و رسايله وانت سري علشان كدا بقولك علي الي في قلبي
نادر : طب افرضي مش هوا ي ساره انا اخوكي يعني اخاف عليكي متتعلقيش بحبال دايبه اما نتاكد انه هوا الاول ابقي افتحي قلبك
ساره : طب واحنا هنتاكد ازاي
نادر : بصي ي سيتي اي راجل اما بيحب بيغير واحنا هنخليه يغير وبس كدا
ساره :اي طب ازاي
نادر : سيبي الموضوع دا عليا انا وانا هعرف هوا بيحبك ولا لا
ساره : اوكي اتفقنا انا هروح بقي اشوف شغلي
نادر : اوكي
وجاء موعد المرواح وكل واحد راح علشان يسلم الشفت بتاعه و يعرفو المدير
ساره و نادر : دكتور محمد احنا سلمنا الشفت و هنروح بقي
محمد : تمام شغلك عجبني ي نادر وان شاء الله ليك مستقبل كويس معانا
نادر ومسك ايد ساره : دا بفضل ربنا و بعدين ساره ي دكتور
ساره : ربنا يخليك ليا ي حبيبي
محمد بقي بيطلع نار من كل حته : وقام خبت بأيده علي المكتب لو سمحتم انا مش بحب الكلام دا في الشغل بعد ازنكم المعامله هنا حاجه و برا حاجه تانيه هنا دكتور و فندم وبس انما حبيبي و الكلام دا لا
نادر ومعتش قادر يكتم ضحكته : تمام ي دكتور بعد ازنك يلا ي حبيبتي قصدي يلا ي ساره
ساره : احم يلا ي نادر
وطلعوو و محمد كان من كتر الغضب و الغيره عوز يطرد نادر و ياخد ساره في حضنه و يقفل عليها ومحدش يشوفها غيره( غريب الحب من فهمه )
ساره و نادر روحو علي البيت
صفاء : حمد الله علي السلامه ي حبايبي
ساره : الله يسلمك ي روحي
نادر : صفصف حبيبي هاتي بوسه
ساره : بوسه اي ي جدع محدش يبوس امي غيري
نادر . ماهي امي بردو ي صرصور
ساره : ولااااا متقولش صرصور دي بقي بدل ما اعضك
صفاء : خلاص ي عيال يلا روحو غيرو هدومكم علي اما احضرلكم الاكل و حماده زمانه جاي من الشغل
ساره : اوكي ي حبيبتي يلا ي شق علي غرفتك
نادر : خلاص ياختي داخل اهو
ساره وهي في غرفتها ومسكت الفون
لقت رساله
" انا قررت اخطفك و متاكد انك هتحبيني بسبب حبي ليكي و ابن خالتك دا لو قالك حبيبتي تاني هموته"
فضلت اضحك علي الرساله دي ضحك لحد ما نادر دخل عليا
نادر : ضحكيني معاكي
ساره : بص الرساله دي
نادر : ي عيني دا شكله واقع خالص
ساره بغرور : ي ابني دا الناس كلها عنيها من اختك
نادر : وحيات امك
ساره : بهزر ي رمضان اي مبتهزرش
نادر : اي رايك اما ناكل كدا و ننزل نتمشي شويه
ساره : ايوه بقي دا اخويا حبيبي
نادر : ماشي ي اختي بس اما اكلم خطيبتي الاول و جاي علشان وحشتني اوي من ساعت ما جيت وانا مكلمتهاش الي مرتين بس
ساره : امشي يلاااا و سلملي عليها و بُسهالي
نادر : ونبي نفسي ابُسهالك
ساره : امشي ياد ي سافل
نادر : اه صحيح انا عرفت ان محمد بيحبك بس لسه انا هخليه يجي يعترفلك بحبه
ساره : واثق اوي حضرتك
نادر : حصل وبعدين الرجاله كلها زي بعض
ساره : اوكي ي عسل اطلع بقي عوزه اغيرررر هدومي
نادر : ماشي ياختي
و اتعشووو و و لبسو وراحو علشان يتمشووو شويه علي البحر
نادر ماسك ايد ساره
ساره . عوزه حمص الشام
نادر : عيوني خليكي هنا علي اما اجيب واجي
ساره : انا بحبك اوي ي نادر ربنا يخليك ليا
نادر : ويخليكي ليا ي عيوني
ساره : طب يلا روح هاتلي
نادر : اوكي ي طفسه
نادر راح علشان يجيب حمص الشام
ساره بغضب : يالهوي مين الي هناك دا
التفاعل وحش جدا دا تاني بارت انزله انهارده قدرو تعبي
و سامحوني مش بنزل ب انتظام بسبب تعب جدي ادعولو يتم شفاه علي خير
—————————————-
البارت ٥ من مجنون ساره بقلم Sara Mazen
نادر راح علشان يجيب حمص الشام
ساره بغضب : يالهوي مين الي هناك دا
لقت محمد و واحده معاه و البت متشعلقة فيه كانه هيهرب منها و كانو داخلين عليها
نادر جري بسرعه علي ساره و احط ايده علي و سطها
نادر : اي ي حبيبتي اتأخرت عليكي اي دا دكتور محمد اي الصدفه الجميله دي
محمد بغيظ: اه والله صدفه حلوه اوي
ساره و الغيره هتطلع من عنيها بسبب البت الصفرا الي واقفه مع محمد
نادر نزل عند ودن ساره وقالها اتعملي عادي جدا و اتعدل تاني من غير ما حد ياخد باله
ساره : اي ي دكتور محمد مش هتعرفنا
محمد : دي لي لي بنت عمي
لي لي بمياعه: وهبقي خطيبته ان شاء الله
ساره مسكت ايد نادر وانا خطيبت نادر بردو
محمد بغضب: خطيبته ازاي طب وانا
ساره : وانت اي
محمد بغموض: لا ولا حاجه بعد ازنكم
نادر : رايح فين تعالا ندخل الكافيه دا نشرب حاجه و ندردش شويه بس محمد العادي مش محمد المدير
محمد بعصبيه خفيفه و كانه عوز يضربه : لا شكرا انا همشي علشان ورايااا عمليه بعد ساعه و لزم اتكون في المستشفي كمان شويه
كل دا و ساره مش طايقهم وعوزه تشرب البحر الي جنبها علشان تهدي النار الي في قلبها
نادر و بيغمز لي ساره : طب خلاص يلا ي حبيبتي نروح نقعد في الكافيه احنا بقي انا عندي كلام كتير عوز اقولهولك
محمد بتلقائيه : اي دا الساعه لسه بااادري انا موافق نروح نقعد في الكافيه ( الحب بيجنن 😅)
لي لي : لا انا عوزه اروح
محمد : اوقفلك تاكسي يعني ولا اي
لي لي : يعني انت مش هتيجي معايا
محمد : لا مش هروح انا هقعد معاهم شويه و بعد كدا هطلع علي المستشفي
لي لي بمياصه : اوكي ي بيبي هقعد معاك
ساره ف نفسها ينعل ابو شكلك ي شيخه ااااال بيبي ااااال
ساره : نادر ممكن سواني و بعدو شويه عن محمد
و لي لي
ساره و وشها بقي احمر من كتر الغيره : البت الصفرا دي لو مشتلهاش من قدامي انا هرتكب جنايا دا بتقولو ي بيبي بتقولو ي بيبي و نبي دا ينفع دي عامله زي السلعاوه
نادر هيموت من كتر الضحك : اهدي بس ي روحي علشان بيبصو عليكي استني بس و اخرت القعده دي انا هخليه يعترفلك و انا متاكد انه هيعترفلك انهاردا
ساره : اهم حاجه انا عوزه البت الصفرا ام رقابين دي تمشي من هنا لو تعرف توزعها يبقي احسن علشان انا زهقت منها
و رجعو لي محمد و الصفرا لي لي
نادر : يلا ي جماعه علي الكافيه
محمد : يلا
بس خلو بالكم ي جماعه علشان هنعدي الطريق
ساره كانت ماشيه مش واخده بالها و واحد جاي بسرعه رهيبه ب العربيه و هوووووب خبط ساره ب العربيه و جريت
جري محمد عليها و نادر
ساره غابت عن الوعي و دماغها عماله تجيب في دم و مناخيرها بتنز*ف
محمد رابط علي الاماكن الي بتنزف علشان ماتفقدش دم كتير و فوقها و ركبو تاكسي و راحو علي المستشفي
محمد وهوا شايلها و الدموع في عيونه
محمد : ساره حبيبتي متسبنيش اجمدي كدا بالله عليكي
ساره بتعب و مش قادره تتكلم: حبيبتك
محمد بدموع : طبعا حبيبتي و روح قلبي ونبي متسبنيش ي امرتي انا من غيرك ولا اي حاجه
ساره و غابت عن الوعي و نادر قلبه هيقف من كتررر العياط
نادر: بسرعه شويه لو سمحت
لي لي : خير ي جماعه ان شاء الله خير متقلقوش
( اخيرا قولتي كلمه كويسه يصفرا 😒😂)
وبعد وقت وصلو المستشفي
محمد بصوت جمهوري : حضرولي العمليات بسرررعههه
و دخل اتعقم وراح علي غرفه العمليات و نادر و لي لي برااا قاعدين مستنينه علي اعصابهم
بعد فتره تلفون نادر رن
نادر بدموع ؛ اي ي خالتي
صفاء بخوف : مال صوتك ي ولاااا في اي
نادر : ساره ي خالتي
صفاء بفزع : مالها بنتي ي نادر انطق
نادر : كنا رايحين الكافيه و في عربيه خبطتيتها و جريت و احنا دلوقتي في المستشفي
صفاء : مستشفي اي و انا و عمك حماده جيين اهو
نادر : مستشفي …. الي بنشتغل فيها
صفاء : طيب طيب مسافه السكه
وفي الوقت دا طلع محمد و الدموع في عينه
نادر قام جري هاااا ساره عامله اي طمني
محمد بدموع :للأسف ……….
نادر بعياط : اي
سوري ي سكاكر معرفتش انزل امبارح
بس يتراااا ساره هتموت ولا هيحصلها اي اتوقعو
اتفعلو بقي لان التفاعل قل لو مش عجباكو اوقفها 🤍✨
التفاعل وحش جدا مش هعرف انزل البارت الجديد الي اما تفاعل يزيد شويه
تعليقات
إرسال تعليق