 |
#عشقت_حبيب_صديقتي
#البارت_الرابع
شهد مسكت الفون قرأت الرسايل وقفلت الموبايل بعد ما عملت وضع الطيران..
نزلت الحفلة في الفندق ترقص وتهيص مع صحابها واتصورت مع صحابها علي فون نسرين صحبتها .. وخلاص قضو4ايام راجعين تاني
أدهم رن عليها
_شهد
شهد: نعم
أدهم: عامله ايه مش عارف اوصلك بقالي4ايام
شهد: مفيش كنت في رحلة مع صحابي في شرم
أدهم: نعم! مش انا قولت بلاش منها الرحلة دي
شهد: كنت محتاجة أغير جو الفترة دي
أدهم: تمام بس ياريت بعدين لما اقولك علي حاجه لا تسمعي الكلام
شهد: انشاء الله
أدهم: مالك بتكلميني كدا ليه
شهد: كدا ازاي يعني؟
أدهم: متغيرة
شهد: لا مش متغيره ولا حاجه عن اذنك انا تعبانه هنام سلام..
_____________________
في الخلفية أدهم مع سلمى:
أدهم: شهد متغيرة معايا هو انتي قولتيلها حاجه؟؟
سلمى: انت بتقول ايه ازاي اقولها حاجه زي كدا
أدهم: يعني مقولتيلهاش حاجه!؟
سلمى: لا طبعا
أدهم: اومال مالها متغيرة معايا كدا!
سلمى: متغيرة معاك ازاي؟
أدهم: مش عارف كنت قايلها متروحش الرحلة بتاعت شرم وراحت ومش متعودة انها تعصي اوامري
سلمى: اممم وبعدين
أدهم: ولما قولتلها متكررش كدا تاني وتسمع كلامي قالت انشاء الله بس حسيتها بتقولها باستهزاء كدا
سلمى: مش عارفه
_______________
شهد نزلت الصور اللي اتصورتها مع صحابها استوري علي الواتساب والفيسبوك..
أدهم شاف الاستوريهات ورن عليها فوراً وهي مش بترد بعد 4رنات ردت..
أدهم: بكلمك مش بتردي ليه؟
شهد: كنت نايمة
أدهم: ايه الاستوريهات دي ازاي متصورة مع علي وعبدالرحمن كدا اللي حاضنك واللي شايلك!
شهد: هما واحنا بنتصور علي شالني مقدرش اكسفه دا مهما كان صديق ليا وعبدالرحمن حضني واحنا بنتصور محبيتش اكسفه
أدهم: يسلااام!
شهد قفلت في وشه وعملت وضع الطيران ورجعت تكمل نومها.
«««««««««««««««««««
في الخلفية أدهم مع سلمى
أدهم: ألو.. سلمى عايز اقابلك ضروري عايز اخرج مخنوق
سلمى: اوكى ياروحي حاضر هلبس حالا
أدهم: هبعتلك اللوكيشن تعاليلي عالمطعم دا الساعه 8 تكوني هناك هتلاقيني مستنيكي
سلمى: حاضر ياعمري الساعة دلوقتي 7 يادوب البس واجيلك
أدهم: تمام.. مع السلامه متتأخريش
سلمى: باي ياعمري
،،،،،،،،،،،،،،،،،،،،،،،،،،،،،،،،،،،،،،،،،
أدهم مستني سلمى في المطعم فاضل ساعة وتيجي الساعة 8
شهد راحت علي بيت سلمى عشان عايزة تغير جو معاها
ــــــــــــــــــــــــــــــــــــ
سلمى: اهلا ياشهد
شهد: الحمدلله ياحببتي ايه لابسة ومتشيكة كدا علي فين
يتبع...
#عشقت_حبيب_صديقتي
#البارت_الخامس
شهد: لابسة ومتشيكة كدا علي فين!
سلمى بتوتر: ههه نازلة اشم شوية هوا
شهد: تعالي نمتشي سوا
سلمى: هنروح فين
شهد:تيجي نروح مطعم
سلمى:لالا مش قادره
شهد:خلاص نروح كافية
سلمى:اوكى ماشى
شهد خدت سلمي وراحو الكافيه سلمي اتاخرت علي ادهم قاعد مستنيها فضل يرن عليها وهي مش بترد سابلها رسالة على الواتساب"انتي اتاخرتي مش عارف ليه..انا هقوم امشي"
الساعة جات 12 بالليل شهد خدت قعدتها مع سلمى بس الوقت الاخر مبقاش نافع ان سلمى تخرج مع أدهم..
__________________♕__
في الخلفية أدهم مع شهد.
أدهم:ألو ياشهد عاملة ايه
شهد:كويسة
أدهم:يارب دايما ياحبيبتي ماتيجي نخرج انا مخنوق
شهد: اممم الساعة دلوقتي12:30 بالليل بس اشطا مسافة السكة اكون عندك ابعتلي اللوكيشن
أدهم كان قاعد في كافيه وبعتلها اللوكيشن وجات..
شهد: اتصلت عليا ليه
أدهم: مخنوق وعايز اتكلم واسف اني اهملتك ومقدرتش قيمتك
شهد: مبقاش ليه لازمه الكلام ده
أدهم: نعم!
شهد: أنا عارفه كل حاجه
. عارفة انك بني ادم زبالة وأناني
وعارفه انك قولتلها انك بتحبها وهتمهدلي الموضوع
وانك بتاخدني علي قد عقلي
وان هي اللي قلبك وفشتك وكبدتك
اولع انت وهيا
بس اعرف اني ماتعوضش
ولا سلمي ولا مليون واحدة زيها تهزلي شعره
أدهم: عرفتي منين؟؟
شهد طلعت الفون بتاعها وورتله الصورة الي هي صورتها لما كان قاعد مع سلمي وهي صورتهم من غير مياخدو بالهم
أدهم: اسف وحقك عليا
شهد بصتله بقرف وقامت تمشي
لقيت علي جاي بالعربيه علشان يروحها لقاها شادة مع ادهم
علي: سيبها للي يقدرها مش مع واحد زيك
أدهم ضربه بالقلم ومسكو في بعض وسط الكافيه
شهد: علي خلاص يلا نروح اتاخرت
وروحت عملت الفون وضع الطيران ونامت
لما صحيت رنت علي زياد ابن خالها..
زياد: الو اهلا ياشهد
شهد: ازيك يازيزو عامل ايه
زياد: تمام الحمدلله اخبارك انتي ايه
شهد: الحمدلله كويسة.. بقولك عيد ميلادي النهارده عايزاك تعملي عيد ميلاد محصلش
زياد: بس كدا عيني ليكي
شهد نزلت بوست عيد ميلادها علي فيسبوك واستوري الواتساب وعزمت صحابها كلهم
أدهم راح ل بيت شهد عشان حفله عيد ميلادها لقي سلمى هناك
أدهم لسلمى بعصبيه:..
يتبع..
#عشقت_حبيب_صديقتي
#البارت_السادس
أدهم لسلمى بعصبية: سلمى
سلمى: نعم يا أدهم
أدهم: شهد عرفت كل حاجه
سلمى: عرفت ازاي انت قولتلها؟
أدهم: لا مقولتلهاش هيا صورتنا لما كنا في المطعم كانت معدية وشافتنا
سلمى: طب هنعمل ايه اكيد كدا خسرت صاحبتي ومنظري بقي زبالة في نظرها😥
أدهم: يعني انا اللي منظري حلو في نظرها!!
سلمى: طيب اي العمل دلوقتي
أدهم: انتي شايفة ايه
سلمى: مش عارفه
أدهم فضل ساكت دقيقة وحس بالندم...
أدهم: سلمى
سلمى: نعم ياقلبي
أدهم: احنا مش هينفع نكمل مع بعض
سلمى: انتا بتهزر!
أدهم: لا مش بهزر انا بحب شهد وندمان اوي اني فكرت فيكي ومقدرش اخسرها
سلمى بشهقة ودموع: أدهم لا انا بحبك مش هقدر اعيش من غيرك
أدهم سابها ومشي رايح ناحية شهد...
_______♕___________
_كل سنة وانتي طيبة ياحبيبتي عقبال مليون سنة ومعاكي لاخر العمر
شهد: وانت طيب
أدهم: انا سبتها وندمت اوي وفوقت لما حسيت اني هخسرك انا بحبك ومقدرش استغني عنك
شهد: وهو قلبي حمام بيتكم داخل خارج بمزاجك!!!
اللي اتكسر عمره مابيتصلح
أدهم: حقك عليا اديني فرصة أخيرة انا بجد ندمت
شهد: أدهم قولتلك اللي اتكسر عمره مابيتصلح فقدت الثقة فيك ومش هعرف اثق فيك تاني روح لسلمى فكك مني
أدهم: شهد انا اسف اوعدك مش هخونك تاني
شهد: كان علي عيني بس للاسف مبقاش ليك مكان في قلبي
أدهم راح قعد وخدلة جمب مع نفسه سلمى بتسأل نفسها هي شهد قالتله اي وراحتلها
_كل سنة وانتي طيبة ياشهد
شهد: وانتي طيبة ياحببتي الف مبروك
سلمى: علي اي
شهد: مبروك عليكي أدهم
سلمى: شهد انا اسفة والله غصب عني قلبي مش ب ايدي وعموما هو سابني علشانك وعلفكرة بيحبك جدا
شهد: اسفة؟؟ اسفه علي اي
علي انك خونتيني بعد مكنت بعتبرك صديقة العمر
ولا اسفه انك كسرتيني وخدتي مني ادهم وانتي عارفه انه بنحب بعض
ولا اسفه علي انك خلتيني كرهت حاجه اسمها حب
روحي ياسلمى أدهم حلال عليكي الموضوع انتهي بالنسبالي
سلمى: اسفه اني بصيت علي حاجه في ايدك بس اعذريني والله غصب عني
شهد: عارفة لو كنتي جيتي قولتيلي قبل ما دا يحصل انا اسفه ياشهد انا حاسة اني بحب ادهم غصب عني كنت هقدر انه قلبك مش ب ايدك وعالاقل هتحاولي تبعدي عنه وتنسيه علشان هو معايا لكن الي تعمل كدا متبقاش صاحبه وانا ندمانه اني عرفتك امشي من وشي ياسلمى
سلمى راحت قعدت جمب أدهم
كل مايبصو علي شهد يلاقوها بترقص وتغني وهايصة واكن مش فارق معاها حاجه ومستغربين..
علي وصل ب عربيته ودخل الحفلة ودخل علي شهد
،،،،،،،،،،،،،،،،،،،،،،،،،،،،،،،،،،،،،،
علي: كل سنة وانتي طيبة ياست البنات عقبال مليون سنة
شهد: وانت طيب ياعلوه
علي مسك المايك وقال "انا جايلك حفلة عيد ميلادك بس العيد عيدين انا طالب ايدک" وطلع الدبلة ولبسهالها
أدهم قام من مكانه و..
يتبع... انتظروني انشاء الله في البارت السابع♥
تعليقات
إرسال تعليق