 |
الجزء السابع
للكاتبة...حنان حس
بعدما رن موبيل عمرو
واتاكدنا ان المتصل هو صديق عمرو
الي بيشتغل في السجل المدني
والي المفروض انه جايب لينا الخبر اليقين
بعدما اخد البصمات بتاعتي
وبسرعة سالة عمرو
وقالة...
ها ايه الاخبار؟
رد الرجل
وقال...
البصمات الي انا اخدتها طلعت مطابقة للبصمات ..
الي في بطاقة ..
واحدة اسمها (هيام)
بعدما استمعنا انا وعمرو
لاجابة صديقة
بصينا لبعض بخيبة امل
وبعدين رجع عمرو يتاكد من الكلام تاني
وقال...
انت متاكد
ان صاحبة البصمات الي انت اخدتها
اسمها هيام؟
يعني انت واثق من المعلومة دي؟
رد صديقة
وقال...
ايوه طبعا متاكد ..
انا جايبلك الكلام ده من سجلات رسمية
هز عمرو راسة وهو بيبصلي
وقال...
تمام...شكرا لتعبك معايا
وبعدما انهي عمرو مع صديقة المكالمة
لقيتة اخد بعضة ودخل لغرفة اياد
بدون ما يعلق بكلمة
وفضلت انا بعدها ...
بعاني حالة من الياس ...والاحباط
دفعتني اني اتسرع وافكر
غلط...
لان اول حاجة فكرت فيها
كانت... اني اخلص من الحمل الي في بطني
وبكده ابقي خلصت من الجريمة الي ارتكباناها
انا ....وعمرو
بدون ما نقصد
وفعلا اتصلت بواحدة صحبتي من ايام المدرسة
فكرتني بيها عزة بعد الحادثة
وكنت اعرف انها...
سبق لها و اجهضت نفسها
قبل كده ...
عن طريق خليط بعض الاعشاب
فا طلبت منها
تجيبلي التركيبة وتيجي
عشان اخلص من الي في بطني
وفعلا جت صديقتي
وجابت التركيبة
وبعدما ما ...شربتها
فضلت قاعدة منتظرة
اني اشعر ببعض المغص الشديد وبعدها...
اشوف الجنين الي في بطني نازل ادامي
زي ما حصل مع صحبتي
لكن الي حصل
هو اني حسيت بالمغص الشديد فعلا...
لكن الحمل منزلش
فا حاولت تاني ...وثالث
لكن برضوا بدون فايدة
وفي عز تعبي
كنت بسال نفسي
وقلت...
طيب وبعدين؟
يعني تركيبة الاعشاب مش نافعة؟
والوقت بيجري....
وكل يوم تاخير....
الحمل بيثبت اكتر
ومعني كده
اني لازم افكر في طريقة تانية
وبعد تفكير طويل
توصلت..لفكرة الجراحة
يعني انزل الحمل الي في بطني
عن طريق عملية اجهاض
علي ايد اي دكتور من الاطباء الي معندهمش ضمير
لكن...هروح ازاي برجلي المكسورة دي؟
واثناء ما كنت قاعدة بفكر
في طريقة اجهض بيها نفسي
سمعت صوت صراخ
جاي من البيت عندنا
وشوفت عمرو
وهو خارج من باب الشقة بتاعتنا
و بيجري ناحية الصوت الي بره
فا اترعبت...
وخوفت لا يكون حصل حاجة لنهي بنتي
وخصوصا ان الصوت الي انا سمعتة
كان صوت شبيه لصوت عزة بنت عمي
وطبعا انا مكنتش اقدر اتحرك من مكاني...
ولا كنت اقدر اروح اشوف ايه الي حصل
بسبب الجبس الي في رجلي
فا حاولت اتصل بسرعة علي عزة
لكن مردتش عليا
فا اتصلت علي عمرو
ولقيتة بيرد عليا
فسالتة...
قلت..هو في ايه ؟
نهي بنتي جرالها حاجة
رد عمرو
وقالي...
لا ...نهي كويسة
لكن...مكرم ابن عمك
مش عارف مالة
قلت...ايه الي حصلة؟
رد عمرو
وقالي...
مكرم متعور وجسمة متبهدل جامد
وكأنة واخد علقة موت
قلت...ومين الي عمل فيه كده؟
قال...للاسف مكرم مش عايز يقول مين
الي عمل فيه كده؟
فا قلتلة ...
طيب مستني ايه؟
ما تاخده لاي مستشفي يا عمرو بسرعة
رد عمرو
وقال...عرضت علية اخده لاي مستشفي
لكن هو رفض
قلت..
بالله عليك طمني علي نهي بنتي
ولا اقولك...
تعالي ساعدني عشان اروح اشوف في ايه؟
فا رد عمرو
وقالي...
ثواني وهجيلك اخدك عشان تطمني بنفسك
وفعلا..رجع عمرو واخدني عشان اطمن
واول ما روحت شقة مكرم...
لقيتة لقيتة فعلا شبة متكسر ...
ومفيش في جسمة حتة سليمة
وكانة واخد علقة جامدة
فا قعدت جنبة
و قلتلة...الف سلامة عليك يا مكرم
ايه الي عمل فيك كده؟
رد مكرم
وهو بيتكلم بصعوبة
وقالي...
عايز اكلم بنت عمي علي انفراد
يا عمرو معلش
فا بصلي عمرو بضيق
بدون ما يتكلم
وبعدها..
قام ....وخرج من المكان هو وعزة بنت عمي
وبعدما بقينا انا ومكرم في الاوضة لوحدنا
سالتة
وقلت...
قولي بقي ايه الي عمل فيك كده؟
رد مكرم
وقالي...انا اكتشفت ان اختك هيام عايشة
قلت..بتقول مين؟
هيام اختي؟...
وقابلتها امتي؟
وفين ؟ وازاي؟
وايه الي....
وقبل ما اكمل اسالة
قاطعني مكرم
قائلا
انا مش قادر اتكلم زي منتي شايفة
وعشان كده
مش هقدر احكيلك تفاصيل
لكن الي عايزك تعرفية
هو ان هيام اختك
اصبحت بشعة.... ومتوحشة
وبدون ما ادري ...
ولا اخد بالي...
اخدتني علي خوانة
و عملت فيا كل ده
قلت...
معقولة؟
هي هيام الي عملت فيك كده؟
طيب ليه؟
رد مكرم
وقالي...
هيام قالت انها هتنتقم
من الكل
لو منفذناش كل طلباتها
وبعتالك معايا رسالة
قلت..رسالة ايه؟
قال...هيام بتهدد
وبتقولك....
انك هتندمي لو منفذتيش الطلب بتاعها
قلت...طلب ايه؟
قال...بتقول...
عايزة
( عباد الشمس) الي انتي اخدتية منها
والا هتدمر وتقتل فينا وتخطف الولاد... تاني
قلت..عباد الشمس؟
ويطلع ايه عباد الشمس ده؟
رد مكرم
وقالي..معرفش
هي قالت كده؟
وانا وصلتلك الرسالة بتاعتها
بس خلي بالك...
واضح انها جادة في تهديدها
والدليل انها عذبتني لغاية ما كنت هموت فعلا
ومسبتنيش غير عشان اوصلك الرسالة بتاعتها
وهددتني انها هتقضي عليا
لو بلغت البوليس
او قولت لحد عن الي حصل معاها
وعشان كده
لازم تنفذي طلبها
باي طريقة عشان نخلص من تهديدها
قلت..
طلب ايه الي هنفذه؟
هو انا اعرف ايه عباد الشمس ده اصلا؟
فا لقيت مكرم
بيقولي...
طالما اختك طلبت الطلب ده منك بثقة اوي كده
يبقي اكيد انتي واخده منها حاجة
اسمها عباد الشمس
فا حاولي ترجعيلها حاجتها
عشان منروحش كلنا معاكي
في الرجلين
وخلي بالك...
هي مدياكي فرصة
يومين
وبعدها هتاذينا كلنا
وبعدما خلص مكرم كلامة
دخل عمرو ومعاه عزة
وهما مستغربين من طلب انفراد مكرم بيا
وشوية..
وساعدني عمرو
ورجعت لشقتة تاني
ولما دخلنا لشقتة
سالني عن ايه الي خلي مكرم
طلب يكلمك علي انفراد؟
فا قلتلة...
مفيش مكرم
كان بيشتكيلي من عزة اختة
عشان جايلها عريس وهي رافضة الجواز
فا بصلي عمرو
وهو مش مقتنع
وسابني ودخل لاوضة اياد
وهو متدايق
بس انا مركزتش مع قمصة
عمرو مني
لان بصراحة
كلام مكرم فزعني
وحيرني في نفس الوقت
وفضلت افكر
ياتري يطلع ايه
عباد الشمس ده؟
وازاي سوزان تهدد عيلتها بسببة؟
وليه سوزان بتطلية مني انا بالذات؟
وليه هي مجتش تقابلني انا مباشرة؟
وليه مكرم شاكك فيا
اني اكون عارفة قصد سوزان؟
والسؤال الاهم
هو...
ازاي مكرم بيقي قاهم
ان الي هربانة هي هيام مراتة
وميسعاش انه يرجعها البيت
وكل همة بس اننا نديها طلبها عشان تبعد عننا
وفضلت الافكار تجيب وتودي في دماغي
لغاية ما فاتت المهلة الي احنا واخدينها...
وبدات اقلق علي الولاد
عشان كده
طلبت من مكرم
ان نهي تفضل مع اياد
عشان يبقوا هما الاتنين ادام عنيا
وفعلا ...اخدت البنت والولد معايا في اوضتي
ونمت جنبهم
وفجاءة..
صحيت علي صوت حركة غير عادية في الاوضة
فا قمت مخضوضة
وعلي ما حاولت استوعب الي بيحصل
شوفت واحدة ست في الاوضة عندي
فا اترعبت منها
وكنت هصرخ
لكن...قبل ما اصرخ
لقيتها جايه تهجم عليا ....وضربتني باله حديد علي راسي
ومدرتش بالدنيا بعدها
وبعد فترة
فتحت عنيا
علي صوت عمرو الي كان مخضوض عليا
وبعدما اتنبهت شوفت حوالية عمرو واياد
ولاحظت كمان
وجود واحد راجل غريب
كان واضح
انه ممرض ....لانة كان بيربط راسي بالشاش.
بعدما خيطها
وبعدما حسيت اني قادرة اتكلم
سالتهم..
وقلت...انا فين؟
رد عمرو
وقالي...انتي هنا في البيت
يا هيام
في اللحظة دي
لقيت نفسي ببص حواليا
وانا حاسة
بان في حاجة عمالة ترج في دماغي
وكانها....
بتقلب الذكريات القديمة وتعيدها للذاكرة تاني
فا حطيت ايدي علي راسي
لاني حسيت اني دماغي بدات تصدع
من شدة الذكريات الي بدات ترجعلي
وفي اللحظة دي
لقيت عمرو
بيسالني
وبيقولي...ايه الي بيحصل يا هيام؟
قلت..
عمرو
قال...نعم؟
قلت...
انت يوم ما جيت تخطب سوزان
كنت جاي وجايب معاك المرحومة والدتك صح؟
وبالامارة
والدتك يومها علقت علي الشبة الكبير
الي بيني وبين سوزان ؟
وقالتلك....
.نفسي اعرف
انت ازاي بتقدر تفرق بين عروستك واختها
عن بعض؟
فا انت رديت عليها
وقلت...
انتي بتقولي كده
عشان انتي متعرفهمش
لكن الفرق بينهم كبير
وسالتة تاني
وقلت...
انت قلت كده لممتك صح؟؟؟
في اللحظة دي
هز عمرو راسة وهو بيبصلي بدهشة
وسالني
وقال..
الاخداث دي
حصلت قبل ما تحصلك الحادثة
ومعني كده
ان الذاكرة رجعتلك
صح؟؟؟
في اللحظة دي
هزيت راسي
بمعني ....ايوه
وبصيت لعمرو
وانا بفتكر الي فات....
وبدات دموعي تتزل...
بعدما افتكرت البلاوي الي حصلت كلها...
اصلي افتكرت امي ....وابويا وافتكرت هما فين
وافتكرت ايه الي حصل لسوزان بابظبط
يوم الحريق
وافتكرت كمان
ايه هو عباد الشمس؟
لكن....
الي افتكرتة كوم
والمصيبة الكبيرة
الي افتكرتهااخيرا
كوم تاني خالص
لانها كلها مفاجات
و طبعا ..
لازم احكيلكم من الاول
عشان تتفاجئوا معايا
ياتري جاهزين للصدمات الجاية.....؟
تكملة الروايه الثامن من هناااااااا
الرواية كامله جميع الفصول هنااااااا
تعليقات
إرسال تعليق