 |
البارت السادس والعشرون
خادمتي ولكن
💗💗💗💗💙💙💙💙💙💚💚💚💚💚
💗💗💗💗💙💙💙💙💙💚💚💚💚💚
مر اليوم على الجميع ببطئ شديد .... وهدى محطمه بعد رفض أمها الغير مبرر ... و روكا بتعانى .. معاهم مش عارفه تعمل ايه لهم الاتنين ... رافضين الكلام وحالة حزن مسيطره عليهم ...... حتى سيطر النوم عليهم فا غلبهم جميعا ..... وجميع ابطالنا بعد معاناه وتفكير طويل فى كل أمور حياتهم ....
💗💗💗💙💙💙💙💚💚💚💚💚
حكمت : حبايبى صباح الخير ...
ياسر ويارا : صباح الخير يا نانه ...
سماح : صباح الخير ياماما ... انا خدت للاولاد أجازه من المدرسه عشان يقدرو يقعدو معاكى شويه
حكمت : شكرا يا حبيبى ... ادخلو ياله ... ادخل يا سامح
سامح : انا لازم اروح الشركه ... عشان راندا ما تشكش فى حاجه ...
حكمت : خلاص ماشى يا حبيبى ... انا ها أعمل الاكل وها أستناك تعالى بدرى ناكل مع بعض قبل ما تاخد الولاد
سامح : حاضر يا حبيبتى .... ومشى ..
***************
فتحى : انتو جاهزين ...
ريم ومنيره ... ايوا ...
فتحى : طيب ياله ... مروان باعت عربيه بسواق ياخدنا ...وانا قولتلو يستننا على الشارع برا ... .
منيره : أحسن بردو ... عشان الناس متسألش على حاجه وخصوصا ... محمد
ريم : انا قولتلو رايحين نقعد مع روان ونغير جو ... بابا ها يفسحنا ....
منيره : 😂😂😂
فتحى : ياله الراجل مستنى ... عيب ..وراحو ركبو فى عربية مروان ... والا سايقها هيثم ...
فتحى : انت متعين جديد ...
هيثم بأبتسامه : ايوا ... انا الحارس الشخصى لمروان بيه ...
فتحى : اهلا يا بنى ... انا عمك فتحى ابو روان ..
هيثم : اهلا ياعمى ... والله مبسوط انى شوفتكم ... مدام روان انسانه جميله فى كل حاجه ..
فتحى : ربنا يعزك يابنى ...
ريم قاعده ورا مع منيره ... وعماله تتأمل كل حاجه فى العربيه ومبسوطه جدا .... وبتوطى صوته وبتكلم منيره ... بصى ياماما .. العربيه كلها تليفزيونات 😂😂😂
منيره : ايوا ماشاء الله ... قولى ماشاء الله يابت
ريم : هو انا ها أحسدهم ...
منيره : ايوا غصبب عننا ممكن نحسد ... الحاجه الجميله
ريم : ماشاء الله كدا حلو ..
منيره : ايوا عودى نفسك على كدا حتى لو فى شقتك وحاجه عجبتك ... تقولى ماشاء الله ولاقوة إلا بالله ...
ريم : خلاص ياماما ... حاضر .. افردى الراجل سمعك يقول عليا ايه دلوقتى...
منيره : ولا ها يقول ولا يعيد ...
هيثم تليفونه رن ... وفتح السماعه الا حاطتها فى ودنه ... ايوا يا مروان بيه ...
مروان : خد الجماعه ... وروح الفيلا ... وها ابعتلك عنوانها على التليفون ... انا كلمت الامن الا عليها .. يدخلوكم على طول ..
هيثم : بس الفيلا مش ها تتنضف الاول
مروان : كله تمام يا هيثم ... انا يعنى ها اوديهم الفيلا وهى مش نضيفه ..
هيثم : حاضر يا مروان بيه ... وقفل ...
**************
ماندو : يعنى يا مازن بيه لازم أشيلك وانا بركب الاسانسير ..
مازن : شيل وانت ساكت يا ماندو ... مش كل يوم الموال دا ... وكمان وانت سايق العربيه بتعملى بيها مهرجانات على الطريق ... ايه مش كفايه كسرتلى رجلى .. عايز تكسر ايه المره دى ...
روان : يابنى ارحم الواد حرام عليك ... دا ماندو غلبان .. بص كدا فى وشه طفل ...
مازن : دا طفل دا ... دا طفل أنابيب ... جاتك نيله أقفل بوقك ...
شريف : 😂😂😂 انا نازل ... وها أسبقك على الشركه ... مروان مش ها يروح الشركه ... فى حاجات كتير لازم تتعمل انهارده ... خف نفسك وبطل دلع ... شيلو يا ماندو ادلوقه فى الاسانسير وخلصنا ...
مازن : ايه اتفتحت ومش عايز تتقفل .... شيل يا عم خلينا ننزل معاه
ماندو : يا مازن باشا البدله بتكرمش وكل يوم بكويها ...
مازن : انت كل يوم بتكويها ومش بتغسلها ...
ماندو بعصبيه : أغسلها ازاى انت عايز التيكت يبوش ...
مازن : بيرجع براسه لورا ومبرق ... هو انت ما شيلتش التيكت لحد دلوقتى
ماندو : بيشاور بصوباعه على راسه ... هو انا أهبل ... سايبه عشان الناس تعرف انها جديده ...
روان : هههههههه لا يا ماندو الناس تضحك عليك كدا شيل التيكت .... واغسلها ... وانت يا مازن هاتله بدله تانيه ..
مازن : ليه خليفتو ونسيتو أنا ...
ماندو : انت ها تجبلى البدله والنضاره والساعه والجزمه أمتى .... 😂😂😂😂😂
مازن : يأخى أحلى حاجه فيك انك بتحب تتنزهه... من جيب ابونا .....
ماندو : انا حبيبك يا باشا
مازن : ياله ... ها اجيبلك انتى شايلنى الصراحه ... أهو نكسب فيك ثواب .... واخلص بقى شريف سابنا ومشى
ماندو بفرحه : شال مازن وبيهزه ...
مازن : هههههه انتى بتهشكنى يا أهبل ... بطل ياماندو يخربيتك ...
روان : خلى بالك عليه يا ماندو ... وخلى بالك على نفسك وقفلت الباب ....
مروان خرج من اوضته وحضن روان من ضهرها .... وحط راسه على كتفها وبيقول أخيرا خلصتى الوصايا العشر ...
روان : لفت راسها وبتبص له ... ومبتسمه ... انت ما خرجتش من الاوضه ليه
مروان : انتو مجانين ... كل يوم الصبح عاملين دوشه ... وانا انهارده عايز اروق دماغى وافوقلك ... عشان فى موضوع مهم عايزك فيه ....
روان : مش مرتاحلك ... ها تعمل ايه ...
مروان : شالها مره واحده ... ها أعمل كدا ...
روان : اعااا نزلنى
مروان : هشششش مش عايز اى أعتراض انهارده على اى حاجه سامعه ...
روان : بتلف ايديها ... والله على حسب يعنى
مروان : دخل المطبخ وقعدها على الرخامه انتى بقى تقعدى كدا .... وانا ها أعملك الفطار وقهوه ... ونفطر مع بعض .. ايه رايك ..
روان : لفت ايديها حوالين راقبته ... انت ها تعملى فطار ...
مروان : جهزى نفسك ... لفطار جبار عمرك ما دوقتيه فى حياتك ...
روان : يا خوفى يا مروان هههههه
مروان : الله ماتخفيش ثقى فيا ..
روان : انطلق .... ومران خلص وحط الساندوتشات الا عملها على الترابيزه فى المطبخ ... وقعد روان جمبه ...
روان : انت جامد .... الا عملته دا مذهل ... بجد مش عارفه انت ازاى قدرت تحط الجبنه فى العيش وتعمل فطار رائع كدا
مروان : هههههه الصراحه دا أخرى
روان : تسلم ايدك يا حبيبى ..... وبتبص فى فنجان القهوه هو وش القهوه فين يا مروان
مروان : بيبص فى الفانجين والله انا عملتها وصبتها ... وسبحان الله الوش بيختفى لوحده ... ورافع ايده كدا👈👌 وبيمط شافيفه لقدام . . وبيقول بس ايه جباره طعمها فظيع
روان : لا كدا ... انا ادوق ... وشالت الفنجان ولسا بتشرب .. اعااا ايه دا
مروان : ههههه ما تبالغيش يا روان انا عارف انها حلوه بس مش للدرجه دى وشال الفنجان وبيدوقها .... ايه دا يا روان .. مش تركزى ياماما... 😂😂😂😂😂.
روان : بأندهاش انا الا أركز
مروان : ايوا تنبهينى انى حاطت ملح بدال السكر 😂😂😂...
روان : انت ما تدخلش المطبخ دا تانى ...
مروان : تصدقى انا بقول كدا بردو.... تعالى بقى بما انك فطرتى ... وصحصحتى وبقيتى تمام .... وخدها ودخل اوضته ... البسى الطقم دا ...
روان : احنا ها نروح فين
مروان : بطلى أسئله ... تعالى بقى .. وماسك التيشرت الا هى لابساه وعايز يقلعهولها ... 😂😂😂
روان : اوعى كدا ايه الا بتعمله دا ... وبتضربه على ايده ..
مروان : يارورو أسمعى الكلام أنا أسرع منك .... اوعى بس كدا ... 😂😂😂😂
روان وشها أحمر جدا .... عيب يا مروان سبنى ...
مروان ضحك بصوته كله .. وخدها فى حضنه ... بس بس .. ايه دا ضربات قلبك أنا سامعها ... اهدى ... انا ها أخرج وانتى خلصى ...
روان بعد ما مروان خرج ... قعدت على السرير ... وحاطه ايديها على قلبها ... وبتقول بينها وبين نفسها ... معقول الا انا عايشه دا حقيقه مش خيال ... انا حاسه انى بحلم وخايفه أصحى من حلمى .... يارب ما تحرمنى منه انا بحبه قوى ... وقامت عشان تلبس ....
***************
هدى داخله عند مامتها الاوضه ... ومعاها روكا ... الا بتقنعها انها تاجل الكلام شويه ....
فاطمه : ادخلو ... تعالو جمبى هنا ... وروكا نامت من ناحيه وهدى من الناحيه التانيه ....
هدى : ليه ياماما ... رافضتى شريف ... وانتى كنتى موافقه ... وعارف انى انا كمان موافقه ...
روكا : مش وقت الكلام دا يا هدى فطوم باين عليها انها تعبانه ....
فاطمه : انا تعبانه من الحمل الا شايلاه بقالى 24 سنه ... لما كنت لسا حامل فيكى يا هدى ... بابا جمال كان عنده حق لما قالى صارحيها بكل حاجه ... بس انا عشت عمرى كله خايفه عليكى من كل حاجه ... وخايفه أقولك تسيبنى وتمشى ...
روكا : انا ها أقوم ... لما تخلصو كلام مع بعض ...
فاطمه : انتى زيك ... زيها بالظبط ... الايام الا جايه ... الله أعلم ها تعدى علينا ازاى ... لازم تبقى على علم بكل حاجه ... انتى وهدى كل دنيتى ... ومش قادره اتخيل انى أعيش من غيركم ..... قبل ما أحكيلك يا هدى على كل حاجه .... سامحينى لو حرمتك من ابوكى واسمه ... او انك تعرفى عيلتك ... او العيشه الا كان ممكن تعيشها .... انا خوفت تروحى منى وأفضل لوحدى ... وخوفت يرفضوكى وتتعبى يابنتى ... ماحبتش حد يدايقك ولو بكلمه ... وكفايه الا انا سمعته وشوفته ....
هدى : ياحبيبتى أمسحى دموعك ... انتى عندى بكل الدنيا ... مش عايزا أعرف لو دا ها يتعبك ... ومش عايزا شريف ... لو وجوده ممكن يفرق ما بينا ...
فاطمه : لا ياحبيبتى ... شريف ملوش اى علاقه ... غير انه واحد من عيلتك الا كان نفسك تعريفها ...
روكا : معقول سبحان الله يظهر شريف فى الوقت دا عشان تعرفى عيلتك ...
فاطمه : دا أمر ربنا ... والا لو من حقى أخبى أكتر من كدا ... او فى شر ... أكيد ماكنوش ها يظهرو دلوقتى ... وأن الاوان تعرفى كل حاجه .... و(((قصت لروكا وهدى كل شئ )))).... هى دى كل حكايتى او مأساتى ... لحد ماقابلت جمال ... واتجوزنى وكتبك على أسمه ... انتى بنت محمود كارم وكان جوزى على سنة الله ورسوله ... كل غلطتى انى اتجوزت واحد متجوز ... وبدال ما أعلن جوازى ... عملت زى الحراميه الا بياخدو حاجه مش من حقهم وبقى فى السر ... رضيت رغبتى ورغبته على حساب عيلتى ونفسى وسمعتى وكمان راحة وحياة واحده تانيه عشان صدقته ... مش كل الكلام الحلو يتصدق ... ولا كل كلمه راجل يقولها على مراته عشان يبرر جوازه منها صح ....
هدى : حضنتها جامد وبتعيط ... انتى عيشتى دا كله ... اترامتى فى الشارع وانتى حامل فيا ... وبابا طلقك وجدو خد كل حاجه منك .... والناس بتشفق عليكى و رغم دا كله اتمسكتى بيا ... وخايفه أسيبك .... انا ممكن أعيش معاكى فى عشه .. وما يهمنيش فلوسهم ولا نفوذهم ... الا كلهم حرموكى وحرمونى منها .... بحبك ياماما ... بحبك ودى أقل حاجه ممكن اقدمهالك ... انا مش من حقى أحاسبك على غلطك ... او أحاسبهم ... كفايه الا أنتو عشتوه ... بس انتى الا أملك حق الاختيار فيه ... وانا بختارك وها أختارك على طول ...
روكا : بدموع ... وانا كمان يا فطوم .. ها أختارك انتى وأسيب حينان ...
هدى وفاطمه وروكا ضحكو وسط دموعهم ....
فاطمه : ربنا ما يحرمنى منكم ... سامحينى ... ياهدى ... عشان الا انا عيشته ... قفلت عليكى وانا برابيكى ... انتى وروكا ... ودايما كنت صاحبتكم ... عشان ماتخبوش عليا حاجه ... وابقى قريبه منكم ...ماكنتش عايزا واحده فيكو تكرر غلطتى فى الحياه الا دفعت تمنها عمررر بحاله ...
روكا بضحك : ماتخفيش يا فطوم ... انا لايمكن أتجوز واحد متجوز ... لازم أخد واحد بكرتونته ههههه
هدى : ههههه كل حاجه عندك هزار
فاطمه : حضنت روكل جامد ... وبتقول لها ... انتى وهى لو جبتو رجاله من غير كارتين .. لايمكن أجوزكو ... يعنى لا تقولى متجوز ولا مرتبط ... ها تتحطموو ... وتحطمو غيركم
هدى وروكا : ههههههههههههه ايوا صح
هدى : يعنى ياماما ... انتى ها تروحى لهم ...
فاطمه : مروان بيقولى ان جدك محتاجلى ... كبر وتعبان ... وبيقولى ان محمود ما بطلش يدور علينا ... من ساعة الا حصل ...
هدى : يعنى بابا بيحبنى ... وممكن يكتبنى على أسمه ..
فاطمه : لو مش عايزنا ... مش ها يدور علينا ولا يعمل مشاكل مع جدك .... عشانى وعشانك ... هو مش مهم بالنسبه ليا غير عشانك ... ان الاوان تاخدى حقك وتعيشى العيشه الا تستحقيها
روكا بزعل : هو انتو خلاص ها تسبونى وتمشو ... وبدئت تعيط .... انتو فاكرين انى ممكن أقدر أستغنى عنكم ...
فاطمه : انا مش ها أسيبك أبدا ... مطرح ما اروح ها تكونى معايا ....
روكا : وأمى وابويا وحماده أخويا ... ها أسيبهم ... صحيح وقتى وحياتى كلها هنا .. بس انا مستغناش عنهم بردو ... انا عايزكو كلكو معايا ...
فاطمه : انا لو رجعت لأهلى .... وبابا أتقبل وجودى ... انا الحمد لله غنيه جدا ... فوق ما تتخيلى ... مش ها أسيبكم .. ها أقنع عبدالله وحنان يجو معانا ... بس انا لحد دلوقتى لسا مش عارفه ... اى حاجه ... انا عرفتكو عشان كل الامور تبقى واضحه ... واى شئ ممكن يحصل تبقو مستعدين له ...
هدى : انا معاكى فى أى قرار تاخديه ياماما
روكا : وانا كمان بما انك ها تشيلى الشيله كلها مع بعض ...
كلهم : ههههههههههههههههه
************
للمتابعه اترك تعليق
البارت السابع والعشرون + الثامن والعشرون
خادمتي ولكن
💗💗💗💙💙💙💙💚💚💚💚💚💚💚💚
💗💗💗💙💙💙💙💚💚💚💚💚💚💚💚
مروان : خلصتى .... ياقطتى ...
روان : ايون .... بكل تأكيد سعتك ... مش شايفنى مززه ازاى ..
مروان : طيب يا مزه ... تعالى بقى لابسينى على ذوقك ...
روان : من غير حركه كدا ولا كدا ...
مروان : ضربها على راسها ... هو انا بتاع حركات ...
روان : امال أنت ايه يا حبيبى ...
مروان : انا بخش فى الجد على طول .... اتفضلى خشى ...
روان بتبص حواليها : أخش فين ...
مروان : فى الجد يا هبله 😂😂😂😂
روان : كمان بقيت بتقليش ... ماشى يا سيدى ...
مروان بيضحك لها ... وبيقول لها قوليها تانى ..
روان بأبتسامه وبتتمايل وهى بتتكلم ... يا سيدى ..
مروان : طيب ياله ... عشان انتى الصراحه جننتينى ... انا ها ابتدى أحب البنات بسببك ...
روان : قلبت وشها وبصوابعها الا عملاها زى القطه وعند وشه .... دا أنا أقتلك ...
مروان : اتحوليتى ليه ياماما ... ماكنتى كيوت من شويه ...
روان : ما تعصبنيش يا مروان .... بنات لاء ... فاهم لاء ..
مروان : هههههههههههه خلاص يا روان هدى أعصابك ... دانتى زعلك وحش ... قدامى على الاوضه خلينا ننزل ... وخلصو ونزلو ... وركب عربيه تانيه غير الا مع هيثم ...
روان : احنا رايحين فين ...
مروان : ياستى فى حاجه كدا قولت أعملها انا وانتى ... وبعدين فى مفاجأه عشانك ... بعد ما نخلص المهمه الاولى ...
روان : ايه بقى المهمه الاولى ....
مروان : ها نروح لعم شريف ... الا هو بهاء الدين والد طنط فاطمه .... محدش ها يعرف يكسبه بسرعه غيرك ... ويدينا الفرصه نتكلم معاه لو لسا زعلان من بنته ... ايه رايك
روان : موافقه طبعا ... ياريت طنط ترجع لبابها وهدى كمان من زمان قوى نفسها فى عيله ...
مروان : تمام قوى .... نفهم دماغ الراجل فيها ايه وبعدين نتكلم ... ماشى ...
روان ؛ سيبها على الله ثم عليا .... ووصلو عند فيلا بهاء الدين .... والحرس الا برا ... بلغ جوا الفيلا وبهاء الدين نفسه ... وامر بدخولهم ....
روان داخله ... الفيلا كئيبه جدا وكل حاجه مقفله ... وحديقة الفيلا مهمله جدا ... ومفيش غير راجل واحد من الخدم ... وواضح انه كبير ....
ياسين : أتفضلو ... البيه مستنيكم جوا ... معلش هو مش قادر يقوم يقابلكم ....
مروان : مفيش مشكله .... ودخلو على جوا ...
مروان : سلم عليه وعرفه بنفسه وبروان .... وقعدو على الكراسى قدام السرير ...
بهاء الدين : خير يابنى .... بلغونى انك صديق مقرب لشريف ... وابن السمرى ... انا أعرف والدك ... لكن أنت ماخدش بالى ...
مروان : طبعا ... انا فين وحضرتك فين ... امبراطور فى مجال التجاره ... المفروض انى بتعلم من سعتك ...
بهاء الدين ضحك وهو نايم على السرير : ... انت بتبالغ .. بس على العموم شكرا ...
روان : تسمحلى أقولك بابا جدو ...
بهاء الدين : عقد حاجبيه ... أشمعنا ... طيب مش أعرف سبب الزياره ...
روان بصت لمروان ... ممكن اتكلم ... أصلى حبيته قوى ..
مروان ضحك : اتكلمى ... بس ما تصدعيش الباشا ... هى رغايه شويه
بهاء الدين مبسوط ومش عارف هو مبسوط ليه ... عشان فى حد افتكره ... وافتكر أمجاده القديمه ... والا عشان الاتنين دول واضح انهم بجد مش بيتصنعو وبيتكلمو بتلقائيه قدامه وعفويه ... سيبها براحتها ...
روان ...راحت قعدت جمبه على السرير ... ومروان عدل له المخده ... وسند ضهره وقعد ... وبيبص لروان ومستنى هى ها تقوله ايه ....
روان : كنت سمعت ان حضرتك كان عندك بنت وكانت ملكة جمال ومدلله جدا ....
بهاء الدين وشه أتقلب للحزن : بتسئلى ليه ...بنتى ماتت ...
روان : ولو قولتلك ... يابابا جدو ... انها عايشه .. ها تفضل مكشر كدا ... والا ممكن تفرح ...
بهاء الدين : بيبص لروان بملامح مش مفهومه .. وبصوت طالع بالعافيه ... عايشه .. فين .. وعرفتى ازاى ...
روان : وحشتك ...
بهاء الدين : بأسف بان عليه قوى .... وحشتنى قوى ..
روان : كنت عارفه ان بنتك لا يمكن تهون عليك ... ومهما حصل ... أكيد ها تحن لها ...
بهاء الدين : بعد ايه .... بعد عمرى الا ضاع وانا لوحدى ... ياريتنى ماعملت الا عملته ... على الاقل كانت هى الا ها تسئل عليا وتراعينى ....
روان : ها تسئل عليك وتراعيك ... ومش بس كدا ... كمان ياجدو ياحلو أنت عندها بنت قمر ... وأمنية حياتها تشوفك وتاخدها فى حضنك ...
بهاء الدين بأبتسامه : هو الا كان فى بطنها بنت ...
روان : اه ... هدى ... صديقه ليا عايز تشوفها ...
بهاء الدين : ياريت ...
روان : طلعت التليفون الا مروان جبهولها جديد ... وطلعت صوارها هى وهدى الا نقلتها عليه من التليفون القديم ... وبتوريهالو ...
بهاء الدين مسك التليفون ... ودموعه نزلت ... وواخده فى حضنه ... وبيقول لهم ... انا حرمت نفسى منها هى وامها ..
مروان قعد جمبه من الناحيه التانيه وطلع منديل مسح دموعه بيها ... ما تزعلش ... لو عايز تكلمها انا ها أخليك تكلمها ....
بهاء الدين : ياريت يابنى .... أسمع صوتها وصوت هدى ... يمكن ما تلحقش تشوفنى ... ولا أشوفها ... عايزها تسامحنى ...
مروان : ممكن تدينى دقيقه ... وخد نمرة هدى من روان وطلع يكلمها برا ... واتصل وطلب من هدى يكلم والدتها ... انا أسف انى ما أنتظرتش مكالمتك ....
فاطمه : لا ابدا ... اتكلم وقت ما تحب يا مروان ...
مروان : ممكن أطلب منك طلب وياريت ما ترفضيش
فاطمه : أتفضل ...
مروان : انا عند والدك ..... لو قولتك فعلا انه تعبان قوى ها تصدقينى ... وغير انه تعبان عايش فى كأبه ووحيد ... ونفسه يشوفك ... ويسمع صوتك ... ممكن تكلميه وتنسى الا فات كله ... لانه مش ها يستحمل عتاب او لوم ...
فاطمه بعياط : ممكن ... ادهولى ...
بهاء خد التليفون من مروان ... وبدء يتكلم .. فاطمه ... ياحبيبتى يا بنتى ... يا نور عينى الا الدنيا بعدتها عنى وعاقبتنى على قسوتى عليكى ... سامحينى يافاطمه .... عايز اروح لأمك وانا مستريح ...
فاطمه : انهارت تماما .. ومش قادره تطلع ولا كلمه ... حاسه ان الكلام تقيل قوى على لسانها ...
بهاء الدين : وصوت عياطه بدء يظهر فى المكالمه ... مش عايزا تكلمينى ... ليكى حق .... بس انتى وحشتينى قوى ... ازاى قدرتى تبعدى عنى كل السنين دى ....
فاطمه : وحشتنى قوى يابابا .... ياريتك حبستنى ولا طلعتنى من بيتك ابدا ....
بهاء الدين : سامحينى وتعالى هاتى حفيدتى ... البرنسيسه هدى وتعالى .... عايز أشوفكم وأشبع منكم ...
فاطمه فى وسط عياطها ... ضحكت ... لسا فاكر ... ها تدلع هدى زى ما كنت بتدلعنى ...
بهاء الدين : أكتر ما كنت بدعلك .... دى أميرة الاميرات .... وجميلة الجميلات ...
فاطمه : حاضر يا حبيبى .... ها أجبها وأجيلك ...
بهاء الدين وهو مبسوط ... وشكله ومعنوياته كلها اتبدلت تماما .... طيب أسمع صوتها ...
فاطمه : حاضر ... وقالت لهدى تكلمه ...
هدى : برقه ... جدو حبيبى ...
بهاء الدين : جدو نفسه يشوفك ... ياقلب جدك من جوا ... هاتى فاطمه ... وتعالى دلوقتى ... لو قادر كنت جتلكم انا ...
هدى : الموصلات ها تاخد وقت يا جدو ... واحنا مش عاملين حسابنا ولا مجهزين هدوم ...
بهاء الدين : انا ها ابعت لكم العربيه على ما تجهزو نفسكو ... عشان خاطرى ياقلب جدك ...
هدى وهى فاتحه الاسبيكر ... وفاطمه بتشاور لها براسها بالموافقه .... حاضر يا جدو ... ها أقفل بقى عشان الحق اجهز نفسى ... وقفلو .....
روان : باسته من خده .... ايوا كدا أضحك ... وقوم ياله خد شاور وفرفش واستناهم ...
بهاء الدين : انتو ربنا باعتكم ليا عشان أفرح الفرح دا .... اللهم لك الحمد كما ينبغى لجلال وجهك ولعظيم سلطانك ... وبينادى على ياسين .... تعالى قومنى ... وطلعلى أشيك بدله عندك ....
مروان : بفرحه ... ماكنش متصور ان الامور ها تتحل بسرعه كدا ... وان كل واحد فيهم أصلا كان نفسه يشوف التانى ...احنا كدا عملنا الا علينا .... ممكن نمشى ...
بهاء الدين : خليكو معايا .... انا حبيتكو يا ولاد والله ...
مروان : معلش يا باشا ... خليها مره تانيه ... عشان ورانا حاجات لازم نعملها ضرورى ...
بهاء الدين حضنه وباسه هو وران وطلب منهم يزوره ... ومشيو ....
***************
شريف : محمد لو سمحت هات ملفات أخر طلبيه ... على مكتبى
محمد : حاضر يافندم .... وجابلو الملفات ...
شريف : دى كل حاجه تخصها
محمد : ايوا ... يافندم .. وخرج ...
شريف : قاعد بيراجع الملفات .... ومره واحده ... ايه دا .. معقول فاضل على تسليم الطلبيه 15 يوم بس ... وكلم مازن فى مكتبه ... وقالو تعاليلى ...
مازن داخل عند شريف : مين الا يجى لمين يابارد .... عايز ايه ....
شريف : هو انت عارف ان فاضل على تسليم الطلبيه .. 15 يوم بس ...
مازن : ازاى يعنى .... لا ماعرفش ... ولايمكن ها نلحق نخلصها ... وها ندفع الشرط الجزائى .....
شريف : أكيد مروان ماخدش باله ...
مازن : مروان لايمكن يوافق على حاجه الا لما يكون متاكد انه قدها ....
شريف : يابنى ما كملش 3 شهور وها يسلم طلبيه كبيره زى دى ازاى ....
مازن : ما تكلمه وأفهم منه ....
شريف : اتصل على مروان ... وسأله
مروان : هو انت هو بتشتغلو والا حاسين بحاجه ....
شريف : ليه يعنى ...
مروان : نص الطلبيه أتسلمت ... والنص التانى ... جزء منه فى المخازن ... والباقى المهندسين والعمال شغالين فيه فى المصنع .....
شريف بإحراج : اه منا عارف ... بس كنت بتاكد
مروان : 😂😂😂 اتاكدت ... أقفل بقى ... وأشتغلو وخلو عندكم دم ...
شريف : خلاص ياعم ها تذلنا عرفنا .... عملت ايه مع عمى ...
مروان : أنتو ازاى سايبينه كدا .... قسما بالله انتو ماعندكم دم ...
شريف : ياسى مروان احنا زهقنا من الكلام معاااه هو اختار العزله ... وساب كل حاجه لأخويه عز ... ومابيسئلوش حتى شريكاتو عامله ايه بتكسب .... بتخسر ...
مروان : يعنى ها يهتم ليه ... وهو بنته الوحيده حتى مش جمبه ولا معاه ... ومراته ماتت ... انتو بقى بتهببو ايه ... روحتلو أخر مره أمتى .. أطمنت عليه ..
شريف : بقالى فتره الصراحه ... ما شوفتوش ...
مروان : على العموم ... مش انا الا ها أقولك المفروض انكو تاخدو بالكو منو .... طنط فاطمه وهدى ... عمك بعت عربيه يجبهم بيها .... انهارده ... والامور نوعا ما هاديه وتمام ... .
شريف بفرحه : بجد يا مروان .... طيب انا ها أخلص شغل واروح ازور عمى بقى ....
مروان : ههههههههههه عمك .... ربنا يهديكم والله ...
شريف : خلاص بقى يا عم الشيخ ... وقفل ...
مازن : ايه طلعنا حمير كالعاده ... هههههههه
شريف : احنا ليه كدا .. بجد ها نهتم أمتى بحياتنا وشغلنا ...
مازن : يووواه ... مروان بهت عليك .. ... هو بيقولك ايه على عمك وايه الفرحه الا ظهرت عليك مره واحده دى
شريف : قص لمازن كل شئ
مازن : الهبله ها تيجى معاهم ...
شريف : هو انت عايز منها ايه ... من الاخر ونتكلم بصراحه ..
مازن : بص بقى ... حب والكلام الفارغ دا ... مليش فيه ... علاقه .. انت عارف انى ما بعملش حاجه غصب ... هى بقى عايشه دور مش بتاعها ... وهانتنى أكتر من مره ... وانا ها ارد لها دا كله ... ولو هى مجنونه ... انا أجن منها ...
شريف : يابنى حرام عليك ... شكله دا طبعها وانت خدت حقك وزياده .......
مازن : لا لسا ... وانا حلفت أجيب مناخيرها الارض وها أجبها ....
شريف : عمر ما فرق معاك حاجه أشمعنا دى يعنى .... لو ما لمتش نفسك وسبت البنت فى حالها ... انا ها أقول لمروان يلمك .... وانت عارف مروان وقلبته ... البت مش قدك ... اتقى ربنا ..
مازن : أطلع منها .... وطلعنى من دماغك ... وقام ....
****************
هيثم وصل الفيلا ..... ودخل ... جوا بالعربيه .... ونزل فتحى ومنيره وريم ... الا مبهورين جدا بالجمال الا هما شايفينه .... والحرس فتح لهم الفيلا من جوا ... ودخلو ... وقالو لهم ان مروان بيه قدامه ربع ساعه ويكون عندهم وسابهم وخرج ..... وهيثم قاعد فى العربيه برا ....
منيره : ماشاء الله ... شايف الجمال يا فتحى ... بنتك قاعده هنا ...
فتحى : لاء ... فى شقه مش هنا خالص ... بس ها يستقرو هنا بعد الفرح ...
ريم : ماشاء الله ... وبتبص لمنيره ... كدا حلووو
منيره : هههههه ايوا حلو ...
ريم لسا ها تقوم ... عشان تتفرج على الفيلا ...
منيره : أقعدى مكانك ... لحد صاحبها ما يجى ...
ريم : فى ايه ياماما بقى ... اذا كان هو الا بعت وجابنا وفتح لنا الفيلا فيها ايه لما أتفرج ...
منيره : فيها كتير ... ولما نبقى عند حد ... نحترم البيت الا احنا فيه ... مش كل الا يجى عل بالنا ... نعمله ..
فتحى : أسمعى الكلام ... هما زمانهم جاين ..
💗💗💗💗💙💙💙💙💚💚💚💚
خادمتى ولكن ! 28
💗💗💗💙💙💙💙💙💚💚💚💚💚
نور : خلصت المحاضرات ... وخارجه من الكليه ...
يوسف : انسه نور... لو سمحتى كلمه .
نور : ايوا اتفضل يا يوسف فى حاجه ..
يوسف : انا أسف انى ها أعطلك .. بس كنت عايز نمرة روان
نور : ليه فى حاجه ...
يوسف : ابدا ... بس فى حاجه خاصه ولازم أقولها لها بنفسى ...
نور : ممكن تقولى وانا أكيد ها أقولها ...
يوسف : ما تقلقيش انا مش ها ادايقها ... وانتى شايفه يعنى احنا زاميل مع بعض بقالنا كام سنه ... ماشفتوش منى حاجه وحشه .
نور : مش قصدى ... أصل يعنى هى ما سمحتش ليا انى ادى نمرتها لأى حد ... انت عارف انها متحفظه شويه وما بتحبش كدا ...
يوسف : بصى هاتى النمره ... وانا يا ستى مش ها أقول لها ان انتى ... وصدقينى مش ها ادايقها ...
نور : بعد معاناه معاها ... اتفضل ... 011
يوسف : شكرا ... وسابها ومشى .... وبيتصل على روان ....
***************
روان وهى جمب مروان فى العربيه .... تليفونها رن ... وبتقول دى نمره غريبه
مروان : ردى وأفتحى الأسبيكر ... عشان لو طلع حد بيدايقك ارد انا .... وما يتصلش تانى ...
روان : فتحت الخط ...
يوسف : عامله ايه يا روان
روان : مين معايا ...
يوسف : انا يوسف زميلك فى الكليه ...
روان : هو انت جبت نمرتى منين ...
يوسف : معلش ممكن بس تأجلى السؤال دا لحد ما تعرفى انا عايزك ليه ....
روان : اتفضل فى ايه ...
يوسف : فى انى ماعنتش بشوفك ... ووحشتينى ... وها أتجنن من بعدك عن الكليه ... ولسا ما كملش
مروان : شد التليفون من ايديها ... وبعصبيه ... وانا لما ها أشوفك ها أجننك زياده ...
سيف بخضه : مين معايا ...
مروان : انا الا ها يطلع روحك لو أتصلت على الرقم دا تانى ... وقفل
روان : اهدى يا مروان ... والله انا ماعرفش جاب النمره منين ولا ازاى يقول كدا ...
مروان : دا بيقول بعشم قوى ... وواثق من نفسه ...
روان : انا مليش ذنب ...
مروان بياخد نفس طويل ... وبيطلعه تانى ... وسكت تماما ....
روان : ايه ... انت مش واثق فيا ...
مروان : وايه علاقتها الثقه دلوقتى .... انا الموقف كله خنقنى .... هو الواد دا متعود يكلمك ...
روان : انا ما بكلمش حد ... وبصد كل الا بيكلمنى ...
مروان : الله .... هو فى غيره ...
روان بعفويه : كتير ما تعدش .... وبعدين بصتله مره واحده وكأنها خدت بالها هى قالت ايه ... 😂😂😂😂😂
مروان : يا فرحتى بيكى .... كتير ما أعدش ...
روان : مش بقول الصراحه ... بس والله مافى .... فى قلبى غيرك أنت .... ولا بشوف حد غيرك .... ولا عندى استعداد أسمع لحد غيرك ومسكت خده بايديها ... وبتقول .. أنت حبيبى يا مروان ...
مروان ضحك غصب عنه : وضربها على ايديها ... وبيقولها ... بتكلمى عيل صغير ... ودخل الفيلا ... يلا حسابك بعدين ...انزلى
روان : هى دى الفيلا ... بتاعتكو ...
مروان : ايوا انزلى ونزلو من العربيه ....
*******************
روكا : انتو خلاص ها تسبونى وتمشو ...
فاطمه : جهزى شنطتك ... انتى ها تيجى معايا ... وانا ها أكلم حنان وعبدالله دلوقتى ... وأستأذنهم
روكا : ها نرجع هنا تانى
فاطمه : أكيد طبعا ... انا محتاجكو جمبى ... خفى نفسك أنتى وهى ... عشان نقفل الشقه ...
هدى : ماما .... انتى متاكده انك عايزا ترجعى ...
فاطمه : ايوا يا حبيبتى ... انا لا يمكن أسيب جدك وهو كدا ... وكمان سمعتيه بنفسك عايزنا ومحتاج لنا .... ربنا بيسامح يا هدى ... احنا مش ها نسامحه ...
هدى : وبابا ... ها تعملى معاه ايه
فاطمه : ولا حاجه ... بابا دا يخصك انتى لوحدك .... يعترف بيكى ويكتبك على أسمه ويعوضك عن الا فاتك .... مش عايزا أكتر من كدا ... وانتى يا حبيبتى ... انا عارفه انك طيبه .. وعمرك ما زعلتى من حد ... الماضى كله راح وانتهى ... لا تفتحيه ولا تتكلمى فيه ... انتى ملكيش دعوه بوجع القلب ... وكل الا حصل ...
هدى : حاضر يا حبيبتى ... وباست مامتها وحضنتها جامد ...ودخلت تجهز نفسها ... هى وروكا ... وفاطمه راحت لحنان وعبدالله ... واستأذنت منهم فى سفر روكا معاها ... ووافقو بعد ما عرفو ... لانهم قريبن جدا منها ويعرفو عنها كل حاجه ... وطلبو منها .. انها تحاول ترجع بسرعه . ...
وبعد وقت العربيه بتاعت بهاء الدين وصلت عند البيت تحت وكلهم نزلو وركبو فيها ... بعد ما روكا سلمت على أهلها ...
***************
منى : عز ممكن اروح ازور عمى ...
عز : لاء
منى : ليه ان شاء الله
عز : عشان عارف الا فى دماغك ...
منى : ماهو لازم يعرف ... انت الوحيد الا عمى طلب منه تدور على بنته وترجعها .... وعايز تخبى عليه ...
عز : انتى ظهورها دلوقتى معناه ايه ان الشريكات كلها بتاعت عمى ها تروح منى ...
منى بصدمه : انت بتقول ايه ... انت ازاى بتفكر كدا ... دا مال عمك وبنته ... وهو مستأمنك عليه ..
عز : وانا بقالى كام سنه مطحون فيهم وبكبرهم ... وهى تيجى تاخد دا كله على الجاهز ... ليه ان شاء الله ....
منى : بص يا عز .. يمكن انا فيا شوية طباع صعب عليا انى أغيرهم ... وهى انى بحب انى أفضل فى مستوى أجتماعى ومادى ... كويس ... ومحبش اربط بنفسى با إلا أقل منى ... بس يا عز عمرى ما ها أقبل ان دا يكون من الحرام ابدا يا ابن عمى .... ابدا ... وياريت قبل ما عمك يعرف من الغريب ... وساعتها بس فعلا ها يسحب منك كل حاجه ومش ها يثق فيك .... يعرف منك ...وتبطل طمع وانانيه ...
عز : الطمع والانانيه دى ... عشان ساعتك وعيالك ... والمستوى الا بتتمنيه دا ... عايشينه بسبب الشريكات الا عايزنى اروح أدهوملها على طبق من دهب . .. ما تلبسيش توب الفضيله ... وانتى السبب فى تفكيرى وطبيعى ..
منى : انت حر ... واذا انت مش ها تقول لعمك وقدامك لحد بكرا ... انا ها اروح أقوله ... وسابته ودخلت اوضتها
*******************
حكمت : تعالو يا حبايبى نفتح لبابا ... وراحو فتحو الباب ...
سامح : اتاخرت عليكو ..
حكمت : ابدا يا حبيبى ... ادخل .... ثواتى أحط الاكل وناكل ... ودخلت المطبخ وهى مبسوطه ... وياسر ويارا بيساعدوها .... وقعدو على السفره بياكلو
ياسر : أكلك حلو قوى يا نانه
يارا : ياريت ماما بتعرف تعمل زيك ..
حكمت : يا حبايبى بألف هنا .... دا على طول ها أعملكم الاكل .. ان شالله اوديهالكم المدرسه ...
سامح : وحشنى أكلك ... انا ازاى كنت بعيد عنك ...
حكمت : تعالى يا حبيبى على طول وكل الا نفسك فيه ها أعملهولك ... لسا مفيش أخبار عن أختك
سامح : لسا يا أمى ... بس بأحاول أعرف عنها أى حاجه
حكمت : ربنا يطمنى عليها ....
*********************
روان : اول ما دخلت الفيلا .... وشافت أهلها ... جريت عليهم ومشاعرها وكل حاجه اتلخبطت مره واحده ... وأمها حضنتها جامد ودموعها بتنزل ... وبتقول والله ياماما ما عملت حاجه وحشتونى وعمال تبوس فيها وفى ايديها وسابتها واترمت فى حضن ابوها ... سامحنى يا بابا .... والله ماكان قصدى ازعلكم وسابت ابوها وحضنت . وريم ..... مش مصدقه نفسها ... ياااه اخيرا شافتهم وحضنتهم...
مروان قرب وهو مبتسم وسلم عليهم ... وقعد ..
روان بتبصله : ومبسوطه ... جميله قوى المفاجأه دى ... أخيرا قولتلهم كل حاجه ..
مروان : حاجه ايه ..
روان : ايه بقى يا مروان ...
مروان : ايه يا رورو ... عايزا ايه ..
منيره : ههههههههه ايوا يا حبيبتى قال لنا كل حاجه ...
ريم : انتى ها تفضلى قاعده انا عايزا اتفرج وماما عامله حظر تجوال ليا .... يرضيك كدا يا باشا ...
مروان بأبتسامه : لا ما يرضنيش ... قومى وخدى ريم واتفرجو براحتكم ....
فتحى : احنا ها نتقل عليك أسبوع هنا ... كتير ..
مروان : ولا كتير ولا حاجه ... تعالو انتو أكيد تعبانين من السفر ... ها أطلعكو اوضة الضيوف ترتاحو فيها .... وطلعو معاه .....
روان وريم منطلقين فى الفيلا وبيتفرجو على كل حاجه فيها وبيتكلمو فى كل حاجه وأى حاجه ....
مروان : ايه عجبتكم ...
ريم : ماشاء الله تحنن .. حلوه قوى ...
مروان بجراءه : حضن روان ... وانتى بقى ايه رايك ..
روان بتخبطه مره بأيدها ومره برجليها ... وبتوطى صوتها ... عيب .. ها تودينا فى داهيه ... 😂😂😂😂
مروان : ضحك بصوته كله .... ايه يا حبيبتى ... مكسوفه من اوختك ...
ريم : مسكتها من دراعها ... ما تتكسفيش يا حبيبتى ... انا أختك بردو ... بس بلاش العواطف الجايشه دى قدامى الله يستركم ... الواحد مش ناقص . والنفسيه معبيه وشايله كتير .... 😂😂😂😂😂
مروان : 😂😂😂😂 ... انتى حالتك صاعبه ..
ريم : قوى يا جوز أختى ..
روان : لسا يا حبيبتى ما بقاش جوووز ... ما زلنا أفراد
مروان : شكلكو انتو الاتنين لمضين ومش ها أخلص معاكوووو ... تحبو تاكلو ايه عشان أطلب الاكل ...
ريم : بقولك ايه يا جوز أختى يا عسل أنت
مروان : 😂😂😂 قولى ..
ريم : خليك فى البحررى مفيش أحسن منه
مروان : بس كدا أحلى تشكيلة أكلة أسماك وسى فود معتبره ....
روان : بتضرب أختها ... يابت اتهدى الراجل يقول علينا ايه ...
مروان : الراجل ... والله انا تعبت منك 😂😂😂😂ها أقول ايه يعنى ... أطلبى الا انتى عايزاه من غير كسوف ....
ريم : مش بقول عسل وربنا ....
روان : مروان هو الكلب الا برا دا .. ها يفضل برا ....
مروان : طبعا ... هو على طول فى الجنينه ما تخفيش منه ..
روان : ماخفش من كلب اد الحمار .... دا قرب يطلعلو قرون
مروان : ههههههههه مش قادر .هههههه انتى فظيعه ...
ريم : هههههه ايوا يا روان تحسيه واكل عياله ...
روان : عياله بس ... دا واكل العيله كلها هههههه
مروان : هههههه والله أسلطو عليكى ..
روان : هو انت ممكن تقوله حاجه على حد ويسمع كلامك
مروان : ايوا ... اى حاجه ممكن أقوله عليها بيعملها ...
روان : انا قولت . . أكيد الكلب دا لابسه جنى
مروان : هههههههه
روان : صدقنى دا حتى ديله عامل زى ديل العفريت ... دا فاضله شنب ويتكلم زى البنى ادمين .... لا وعليه شوية تناكه ... ماشى بيتنقعر فى بيت ابوه
مروان : ههههههههه خبطها على راسها ... أسكتى بقى ... شردتى الكلب ... على فكره .. أسمه دهلز ...
ريم : ههههه دهلز
روان : ودا لما اناديه .... أقوله ايه ادهلز واجرى 😂😂😂
مروان : 😂😂😂😂 ... طيب ادهلزى وأمشى من قدامى ... خلينى أطلب الأكل ..
روان : اوعى تتطلب داهاليز الله يسترك .... احنا عندنا دهلوز كبير اد الحمار برا . 😂😂😂😂
مروان : قعد على الكرسى وضحك بصوته كله وموطى جسمه لتحت ... وروان وريم بيضحكو على ضحكه
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
💗💗💗💗💙💙💙💙💚💚💚💚
للمتابعه اترك تعليق
روعه
ردحذف